Чаму Беларусь не Славэнія?

[bacharevic]

У працяг славенскай тэмы (гл. папярэдні допіс) -- выдатнае эсэ Яна Максімюка.

Comments

[ilnur]

Слаўна.

[bacharevic]

Так, выдатны тэкст.
Пытаньне "Чаму Беларусь не Славэнія" значна больш цікавае, чым, напрыклад, пытаньне "Чаму Беларусь ня Аўстрыя, а эўразійская сатрапія".

[smatrycenka]

Дзякуй, Альгерд, за Максімюкова эсэ. Падобныя думкі прыходзілі да мяне, калі я разважаў пра славакаў, якія таксама не маюць комплексу праз сваю нязначнасць: так, мы малыя, невядомыя (нас усе мяшаюць да кучы са славенцамі), і што з таго... Цяпер славацкія правадыры-"патрыёты" на чале з прэм'ерам Фіца спрабуюць стварыць новую псеўдагісторыю (а хутчэй міфалогію), але народ у большасці з гэтага, здаецца, сцябецца.

[bacharevic]

Цікава, як гэтыя правадыры-"патрыёты" ставяцца да Першай Славацкай рэспублікі часоў Ёзэфа Цісы і Глінкі. Бо глеба для стварэньня мітаў там, наколькі я разумею, вельмі ўрадлівая.

[smatrycenka]

Так, глеба ўрадлівая. Адзін з лідэраў кіроўнай кааліцыі Слота або арцыбіскуп Сокал нават абвяшчалі Ціса пакутнікам і зацята пратэставалі супраць азначэння Славацкай дзяржавы часоў вайны як дзяржавы фашыстоўскай. Але ў той жа час у 120 угодкі нараджэння Ціса на яго магіле сабралася з дзесятак пенсіянераў са сцягамі. Так што актыўнай падтрымкі ў народу ідэя "пакутніцтва" гэтага святара-прэзідэнта не мае. Вінаваты ў злачынствах супраць чалавецтва, і супраць гэтага не папрэш.

[lejf]

Здорава. Дзякую.

[bacharevic]

Дзякуй Яну Максімюку.

[arbogast]

Чаму СлавЭнія, а не Славенія - пазычылі назву з ангельскай?
Дарэчы, па-ангельску sloven - здаецца, "лайдак".

Чаму славенцаў мала? Бо частка народу, відаць, сыйшла далёка на поўнач, дзе з крывічамі і чудзямі заснавала Ноўгарад Вялікі.

А посьпех Славеніі я тлумачу ня тым, што народ пагарджае сваёй зямлёй, як некаторыя беларусы, а наадварот - на дзіва моцна яе любіць.

[bacharevic]

Славэнія - бо так, відаць, усё ж правільней. Мне здаецца, самі славенцы вымаўляюць у гэтым слове хутчэй "э", чым "е". Я пішу "Славенія" па звычцы.

Усьведамляць нязначнасьць сваёй зямлі - яшчэ ня значыць ёй пагарджаць.

[arbogast]

Так, Альгердэе, крытыкаваць радзіму можна і застаючыся закаханым у яе. Напрыклад, такім быў Гогаль.
І ўсё ж мне цяжка ўявіць сабе славенца, які б крытыкаваў сваю айчыну. Славенцы робяць усё магчымае, каб завабіць замежнікаў да сябе, яны ў гэтым, мне здаецца, чэмпіёны. Дый іншыя суседзі не на шмат адстаюць: табе сустракаліся пісьменьнікі з Усходняй Эўропы, якія б кпілі са сваіх маленькіх утульных краінаў?

[amberss]

проста ў іх ёсьць драконы)

[bacharevic]

Мала мець драконаў, трэба яшчэ ўмець імі карыстацца:)