-
Քաղաքական բառարան
Քաղաքական բառարան
Աշոտյանիզմ կամ աշոտյանականություն--- տհաճ գիտելիք, երբ գիտելիքը օգտագործվում է իրական մտադրություններն ու փաստերը թաքցնելու, ստորությունը հմտության, ներողամտության տեղ վաճառելու, ճարտար լեզվով աղբ շրջանառելու համար: -
Մասին
Քո մասինը իմ մեջ ապրվողն է
Քեզ` քեզանից թաքուն վայելելը խոսքի մեջ
շարժման մեջ
արարքի ու պահի մեջ: -
գարուն
Գարնանը
ես երազանքներ եմ ցանում
ու ապրելու ժամանակ եմ խնդրում գործերից հետո,
որ վայելեմ արևը ու փոխվելը օրերի
որ աչքս տեսնի
հողի ուռչելը
ու հասկանա
սոխուկի զարգանալն ու սերմերի ցավը: -
...
Տոպրակի պես ես շրջում եմ ինձ
ու թափում եղած-չեղածը՝
կարկուտ
դողէրոցք
մամուռ: -
տողեր
ես քաշեցի սփռոցի ծայրից՝ դանդաղ
ու սեղանի որջ եղածը ցած շրմփացրի
ափսեները կոտրվեցին
փշրվեցին բաժակները
խմիչքը հոսում էր
ուտելիք էր, ապակու կտորներ
ես քո կենացն էի խմում
հատակին նստած
ջարդված բաժակով
ու շուրթս արնահոսում էր -
Մի ձմեռ հեռավորություն
Քո մասին մտքերը ես պահում եմ պատշգամբում ( Read more... ) -
Ձանձրույթ
Հողմաղացի նման պտտվող
պտտվող իմ ապրումներ
սիրել-սիրել-սիրել
ու կտրված գլուխների պես
պտուտակները թռցնում են
շիթերը տառապանքի
իսկ ձյունը չի գալիս
ու չի ծածկում
ու սպիտակ չի ամենևին
ու քարերն են բաց
բաց վերքի պես սև
ու հողն է չոր, ձմեռային, ժանգոտ
ու ձանձրույթն է իջնում ձյան փոխարեն
ու ծածկում երկիրս
ու մարդկանց -
Չպահվող
հանցավորի պես ( Read more... )
Click to view