Молитвы Тверским новосвященномученикам
Выкладываю в «Уставные заметки» молитвы двум святителям, принявшим мученические венцы на Тверской земле: священномученикам Фаддею (Успенскому), архиепископу Тверскому и Кашинскому (†1937, память 13 октября и 18 декабря), и Григорию (Лебедеву), епископу Шлиссельбургскому (†1937, память 4 сентября). Молитвы написаны по просьбе комиссии Тверской епархии по богослужению и канонизации святых.
Священномученик Фаддей непродолжительное время (с октября 1927 г. по июнь 1928 г.) был правящим архиереем Саратовской епархии. Сохранились некоторые его проповеди, произнесённые в саратовских храмах, а также письма к саратовским духовным чадам, написанные уже из Твери.
Моли́тва свято́му священному́ченику Фадде́ю, архиепи́скопу Тверско́му и Ка́шинскомуО па́стырю до́брый, архиере́ю ми́лостивый, му́чениче многострада́льный, святи́телю Христо́в Фадде́е! Ты, многотерпели́ве о́тче, на вся́ком ме́сте служе́ния твоего́ и во вся́ком кра́е оте́чествия на́шего чи́стою свое́ю и богоприя́тною моли́твою огражда́л еси́ вве́ренныя тебе́ о́вцы слове́снаго ста́да от злых челове́к и напа́стей духо́в зло́бы поднебе́сных. Ве́мы, свя́тче Бо́жий, вои́стину ве́мы, я́ко несть любви́ умре́ти, ниже́ моли́тве пра́ведничи преста́ти, не ума́лися бо любы́ твоя́ и в преде́лех хла́дных Оло́нецких, ниже́ и́зсше от зно́я на бре́зе каспи́йстем, те́мже да́же додне́сь слы́шится свиде́тельство о чудесе́х и зна́мениих, явле́нных предста́тельством твои́м и в земне́м твое́м житии́, и по отше́ствии твое́м во оби́тели Отца́ Небе́снаго. Сего́ ра́ди на по́мощь на́шу тя призыва́ем и безсумни́тельно упова́ем услы́шанным бы́ти моли́твам на́шим, твои́м поможе́нием ко Престо́лу Бо́жию приноси́мым, я́ко ты, и по сме́рти жив сый, к Бо́гу Живо́му и́маши ве́лие дерзнове́ние и споспешеству́еши ча́дом твои́м, зде на земли́ восхваля́ющим тя и убо́гими гла́сы, оба́че от усе́рдия на́шего приноси́мыми, пе́сньми и пе́ньми увяза́ющим честны́й пра́здник твой. О уго́дниче Христо́в! Се, мы, ча́да твоя́, честны́й о́браз твой [или́: мо́щи твоя́ святы́я] обстоя́ще, припа́даем и умиле́нно вопие́м ти: огради́ многомо́щною твое́ю моли́твою град наш [или́: весь на́шу], святы́й храм сей и вся лю́ди, моля́щияся в нем, и вся́каго чело́века, и́же на ко́емжде ме́сте и во вся́кое вре́мя и́мя твое́ свято́е призыва́ти на́чнет. Да и ны́не, и в пре́дняя не преста́нет хвала́ на́ша и благодаре́ние о заступле́нии твое́м и ми́лостех, от Бо́га нам тобо́ю явля́емых, я́ко да преше́дше по́прище земна́го на́шего жития́, обря́щем о́бщую с тобо́ю часть благи́х и ве́рных рабо́в Госпо́дних и в све́тлых черто́зех ра́йских непреста́нно воспое́м пречестно́е и великоле́пое И́мя Отца́ и Сы́на и Свята́го Ду́ха, Тро́ицы Единосу́щныя и Неразде́льныя, в безконе́чныя ве́ки веко́в. Ами́нь.
Моли́тва свято́му священному́ченику Григо́рию, епи́скопу Шлиссельбу́ржскомуО приснопа́мятне святи́телю, Христо́в уго́дниче и ве́рный Его́ свиде́телю, о́тче Григо́рие! Ты от ю́ности своея́, роди́тельми благочести́выми наставля́емь и под кро́вом оби́тели и́ноческия возраста́я, моли́тве науча́яся и Прему́дростию Госпо́днею насыща́я ду́шу твою́, к безмо́лвному созерца́нию и огнеопа́льному свяще́нному служе́нию устреми́лся еси́, жите́йскими же обстоя́нии испыту́емь, от си́лы в си́лу я́ко кре́пкий и усе́рдный тру́дник виногра́да Госпо́дня возходи́л еси́. Егда́ же прии́де на зе́млю Ру́сскую о́гненное посеще́ние, грех ра́ди людски́х попуще́нное, тогда́ ты, о́тче, под кров Боже́ственныя Одиги́трии и свята́го кня́зя Дании́ла прите́к, рабо́тати Го́сподеви со стра́хом и ра́доватися Ему́ с тре́петом положи́л еси́ в се́рдце свое́м, всего́ себе́ преда́в на служе́ние Це́ркви стра́ждущей и изнемога́ющему наро́ду правосла́вному. Жре́бий же архипа́стырский, святи́телем Ти́хоном тебе́ вруче́нный, не я́ко по́честь восприя́л еси́, ниже́ я́ко степе́нь возвыше́ния го́рдостнаго, но я́ко облече́ние во смире́ние и кро́тость, в ми́лость и человеколю́бие, я́ко понужде́ние всем естество́м свои́м послужи́ти лю́дем, во гла́де Сло́ва Бо́жия су́щим. О́ных доброде́телей стяжа́ние, о́тче достоблаже́нне, испроси́ и нам, ны́не прите́кшим ко твое́й святы́ни и а́лчущим назида́ния во ева́нгельстем благове́стии, в пучи́не мо́ря жите́йскаго погружа́емым, оба́че твоего́ святи́тельскаго окормле́ния ча́ющим и взыва́ющим ти: о учи́телю и наста́вниче наш, при́зри на ну́жды на́ша и удовли́ я́, ели́ко поле́зно нам, и к жи́зни ве́чней приведи́ ны. Да после́дуем у́бо стопа́м твои́м, святи́телю Христо́в Григо́рие, от Христа́, са́мыя И́стины, не отсту́пльшаго, а́ще и кровь твою́ пролия́ша богоотсту́пницы, и укрепи́мся терпе́нием твои́м, да вни́дем с тобо́ю в све́тлый Госпо́день черто́г, и ку́пно с тобо́ю просла́вим Еди́наго Созда́теля и Промысли́теля на́шего, Отца́ и Сы́на и Свята́го Ду́ха, в безконе́чныя ве́ки веко́в. Ами́нь.
Священномученик Фаддей непродолжительное время (с октября 1927 г. по июнь 1928 г.) был правящим архиереем Саратовской епархии. Сохранились некоторые его проповеди, произнесённые в саратовских храмах, а также письма к саратовским духовным чадам, написанные уже из Твери.
Моли́тва свято́му священному́ченику Фадде́ю, архиепи́скопу Тверско́му и Ка́шинскомуО па́стырю до́брый, архиере́ю ми́лостивый, му́чениче многострада́льный, святи́телю Христо́в Фадде́е! Ты, многотерпели́ве о́тче, на вся́ком ме́сте служе́ния твоего́ и во вся́ком кра́е оте́чествия на́шего чи́стою свое́ю и богоприя́тною моли́твою огражда́л еси́ вве́ренныя тебе́ о́вцы слове́снаго ста́да от злых челове́к и напа́стей духо́в зло́бы поднебе́сных. Ве́мы, свя́тче Бо́жий, вои́стину ве́мы, я́ко несть любви́ умре́ти, ниже́ моли́тве пра́ведничи преста́ти, не ума́лися бо любы́ твоя́ и в преде́лех хла́дных Оло́нецких, ниже́ и́зсше от зно́я на бре́зе каспи́йстем, те́мже да́же додне́сь слы́шится свиде́тельство о чудесе́х и зна́мениих, явле́нных предста́тельством твои́м и в земне́м твое́м житии́, и по отше́ствии твое́м во оби́тели Отца́ Небе́снаго. Сего́ ра́ди на по́мощь на́шу тя призыва́ем и безсумни́тельно упова́ем услы́шанным бы́ти моли́твам на́шим, твои́м поможе́нием ко Престо́лу Бо́жию приноси́мым, я́ко ты, и по сме́рти жив сый, к Бо́гу Живо́му и́маши ве́лие дерзнове́ние и споспешеству́еши ча́дом твои́м, зде на земли́ восхваля́ющим тя и убо́гими гла́сы, оба́че от усе́рдия на́шего приноси́мыми, пе́сньми и пе́ньми увяза́ющим честны́й пра́здник твой. О уго́дниче Христо́в! Се, мы, ча́да твоя́, честны́й о́браз твой [или́: мо́щи твоя́ святы́я] обстоя́ще, припа́даем и умиле́нно вопие́м ти: огради́ многомо́щною твое́ю моли́твою град наш [или́: весь на́шу], святы́й храм сей и вся лю́ди, моля́щияся в нем, и вся́каго чело́века, и́же на ко́емжде ме́сте и во вся́кое вре́мя и́мя твое́ свято́е призыва́ти на́чнет. Да и ны́не, и в пре́дняя не преста́нет хвала́ на́ша и благодаре́ние о заступле́нии твое́м и ми́лостех, от Бо́га нам тобо́ю явля́емых, я́ко да преше́дше по́прище земна́го на́шего жития́, обря́щем о́бщую с тобо́ю часть благи́х и ве́рных рабо́в Госпо́дних и в све́тлых черто́зех ра́йских непреста́нно воспое́м пречестно́е и великоле́пое И́мя Отца́ и Сы́на и Свята́го Ду́ха, Тро́ицы Единосу́щныя и Неразде́льныя, в безконе́чныя ве́ки веко́в. Ами́нь.
Моли́тва свято́му священному́ченику Григо́рию, епи́скопу Шлиссельбу́ржскомуО приснопа́мятне святи́телю, Христо́в уго́дниче и ве́рный Его́ свиде́телю, о́тче Григо́рие! Ты от ю́ности своея́, роди́тельми благочести́выми наставля́емь и под кро́вом оби́тели и́ноческия возраста́я, моли́тве науча́яся и Прему́дростию Госпо́днею насыща́я ду́шу твою́, к безмо́лвному созерца́нию и огнеопа́льному свяще́нному служе́нию устреми́лся еси́, жите́йскими же обстоя́нии испыту́емь, от си́лы в си́лу я́ко кре́пкий и усе́рдный тру́дник виногра́да Госпо́дня возходи́л еси́. Егда́ же прии́де на зе́млю Ру́сскую о́гненное посеще́ние, грех ра́ди людски́х попуще́нное, тогда́ ты, о́тче, под кров Боже́ственныя Одиги́трии и свята́го кня́зя Дании́ла прите́к, рабо́тати Го́сподеви со стра́хом и ра́доватися Ему́ с тре́петом положи́л еси́ в се́рдце свое́м, всего́ себе́ преда́в на служе́ние Це́ркви стра́ждущей и изнемога́ющему наро́ду правосла́вному. Жре́бий же архипа́стырский, святи́телем Ти́хоном тебе́ вруче́нный, не я́ко по́честь восприя́л еси́, ниже́ я́ко степе́нь возвыше́ния го́рдостнаго, но я́ко облече́ние во смире́ние и кро́тость, в ми́лость и человеколю́бие, я́ко понужде́ние всем естество́м свои́м послужи́ти лю́дем, во гла́де Сло́ва Бо́жия су́щим. О́ных доброде́телей стяжа́ние, о́тче достоблаже́нне, испроси́ и нам, ны́не прите́кшим ко твое́й святы́ни и а́лчущим назида́ния во ева́нгельстем благове́стии, в пучи́не мо́ря жите́йскаго погружа́емым, оба́че твоего́ святи́тельскаго окормле́ния ча́ющим и взыва́ющим ти: о учи́телю и наста́вниче наш, при́зри на ну́жды на́ша и удовли́ я́, ели́ко поле́зно нам, и к жи́зни ве́чней приведи́ ны. Да после́дуем у́бо стопа́м твои́м, святи́телю Христо́в Григо́рие, от Христа́, са́мыя И́стины, не отсту́пльшаго, а́ще и кровь твою́ пролия́ша богоотсту́пницы, и укрепи́мся терпе́нием твои́м, да вни́дем с тобо́ю в све́тлый Госпо́день черто́г, и ку́пно с тобо́ю просла́вим Еди́наго Созда́теля и Промысли́теля на́шего, Отца́ и Сы́на и Свята́го Ду́ха, в безконе́чныя ве́ки веко́в. Ами́нь.