Служба святому младенцу Румвольду Бакингемскому
Сегодня - день памяти святого праведного Румвольда младенца, Бакингемского чудотворца († ок. 653). Служба святому была составлена в 2000 году английским православным Румвольдом Леем (она выложена на сайте протоиерея Андрея Филлипса), в 2014 году она была переведена на церковнославянский язык одним из читателей этого журнала. Этот перевод я и представляю читателям «Уставных заметок». Замечу, что переводчик постарался сохранить при переводе если не букву, то смысл акростиха канона этой службы: в оригинале акростих «Rumwold of consummate grace we praise», в переводе - «Облагодатствованному младенцу поем».
Ноября месяца в 3 день и
августа месяца в 28 день (перенесение мощей)
СЛУЖБА
СВЯТОМУ МЛАДЕНЦУ РУМВОЛЬДУ БАКИНГЕМСКОМУ
НА ВЕЛИЦЕЙ ВЕЧЕРНИ
На Господи воззвах: стихиры, глас 4:О, Румвольде, свидетелю силы Вышняго, / от земных к небесным умы наша возперяющий, / молися днесь ко Господу, / да низпослет на ны благодать, / да познаем ныне, дерзновение Твое, пред Богом, // подражая ти усердно.
О, Румвольде, / чудо дивное сотворил еси, / неучен быв, слово о Слове изглаголал еси, / неудобоприятельное уму нашему / во аде неверия сущим. / О, вестниче славы Божией, // сподоби нас, ныне, уразумети тя.
О, Румвольде, / изумил еси благочестивыя родители твоя рождеством, / и священных служителей Господних / в крещении твоем удивил еси, / милость Божию утверждая, / побуждая свидетельствовати и нас о Христе // в мире творяще милости.
О, Румвольде, / несть человека, / поминающаго память твою, / иже не имать воли / исправити житие свое, / в безумии и гордости житейской пребывающе. / Но по дерзновению твоему ко Господу, / и нам испроси спасение улучити, // призывающим тя.
От Бога исполнив повеление, / необмыслимое разумом человеческим, / горе вознеслся еси, / потребы не имам на земли пребывати, / образ нам подающе / начала и кончины живота нашего, / воспомянуя нам Божественное о нас замышление. / Молися, молимся ти, / святый младенче Румвольде, // и нам узрети о себе, Божественное смотрение.
Иже мы видим убо ныне / якоже зерцалом в гадании, / ты же лицем к лицу зриши, / верных сердца устремляя / к благоподрожанию тебе, святый Румвольде. / Молимся тебе, / привиди и ны в разум возраста // твоего младенчества.
Якоже Спаситель, / треми днями восставший, / разлученный от жизни, / победу клятвы Искоренителя свидетельствуя, славне Румвольде, / взошел еси третим днем к жизни вечней. / Моли, и нам, в Духе истины пребывати, // и неложныя жизни причастниками быти.
Коими словами воспоем величие, / превозносимаго от рода человеческаго, / немощнаго и безвозрастнаго дитя, / единаго взыскующаго на потребу. / Молим тя, святый Румвольде, / худыя и немощныя, / приведи ны к разумения славы Божией, // иже кийждо призван от утробы матери своея.
Слава, глас 1:Неведомы пути Твои, Господи, / якоже из уст младенец и ссущих совершил еси хвалу. / Приими пение рабов Твоих, / о святем Твоем младенце Румвольде, / егоже нам даровал еси, / яко исповедника святаго имени Твоего, // благословеннаго дитя, и совершеннаго человека.
И ныне, глас тойже.Неведомо есть и неописуемо, / чудо зачатия Твоего, Преблагословенная, / имже радость всему миру сотворила еси, / благих виновная, / и Родила еси Плотию, истиннаго Бога, // и совершеннаго человека.
На литии стихиры, глас 1:О, всехвальне младенче Румвольде, / житие твое во Христе бысть являемо, / да разумеем, яко невозможное человеку, / с Богом возможно есть, / изъявляюще безумие наше / и тщедушие ко греху, / ихже, моли, победити нам, // благодатию.
Слава, глас 1:О, премудрый младенче Румвольде, / славно исповедание твое Христа, / безвозрастнаго отрочати, / Егоже, тобою, познахом превозрастныя мужи; / неизменно пребывая в Господе, / моли, и нам благопременити житие наше, // благодатию.
И ныне, Богородичен глас тойже:О, пресланая Богородице Дево, / во утробу Свою невмистомаго Бога приемшая, / и плоть даровавшая Творцу Твоему, / моли, Сына Твоего и Бога нашего, / спастися душам нашим, // благодатию.
На стиховне стихиры, глас 6:Приидите вси, / исповедуем православно славу святости, / днесь память совершая родившагося во Христе, / и возводящаго ны к жизни вечней, / святаго младенца Румвольда, / исповедника Господня, // молящегося за всех нас.
Стих: Господь хранит пришельцы, / сира и вдову приимет.
Приидите вси, / прославим, плача младенческаго отвергшагося, / спасительнаго ради веры исповедания, / богоизбраннаго отрока; / отврати, молимся, о Румвольде, / сердца наша от тлетворнаго мира сего, / якоже и сам еси отметался от него, // моляся за всех нас.
Стих: Господь возводит низверженныя, / Господь любит праведники.
Приидите вси, / воспоем святаго младенца, / пришедшаго в мир чувственный, / и соблюдшаго добродетель / во осуждение всякия неправды, / пестун быв во Христа, / Имже и познахом милость Божию и любовь, / да исповедуем и мы славу Господню, / пред всем миром, / по образу святаго Румвольда, // молящегося за всех нас.
Слава, глас 6:Якоже по рождению, / новое творение миру явился еси, / такоже и новое творение во Христе / совершенней жизни наслаждаешися, / о младенче святый, / скорбно и странно есть преселение твое, / и нас сподоби жизни вечныя, / моляся непрестанно Творцу и Богу, // исповедниче Христов и чудотворче Румвольде.
И ныне, Богородичен, глас тойже:Бога, из Тебе воплотившагося, / разумехом, Богородице Дево, // Того моли о спасении душ наших.
По Ныне отпущаеши: Тропарь святому, глас 4:Пречудно есть исповедание твое, / имже подвизаеши тебе всех на похвалу, / и умудряеши преславными словесы твоими, / их же в даре Духа восприял еси. / Святый младенче Румвольде, / моли усердно Христа Бога, / вся премудростию сотворившаго, // да спасет души наша.
НА УТРЕНИ
По 1-м стихословии седален, глас 4:С праведными упокоился еси, / не мудрость человеческую, но Христа прославляя, / мир чувственный пройдох, / возсиял еси аки звезда немеркнущая / в вечном Царствии Божии, / процвел еси не славою трудов твоих, / но дерзновенным исповеданием, // предивный святый Румвольде.
Слава, и ныне, Богородичен:О, Пречистая, Непорочная, Безневестная Дево, / родила еси плотию Предвечное Слово и Сына Божия, / Егоже, вкупе со святыми апостолы, мученики, пророки и преподобными, / моли помиловати нас, // и даровати нам велию милость.
По 2-м стихословии седален, глас 4:Якоже велбуду сквозе иглине ушы проити, / такоже младу слово Божие рещи, / пренеизгаголанная есть тайна, / но мощно есть Богу, / Той бо и спасение дарует, / являя милость Свою, / прославляя плоти тленной преображение. / Нынеже тобою прославися Бог, / явлением твоим, // о преславне младенче Румвольде.
Слава, и ныне, Богородичен:О, Пречистая Дево, / Творца всяческих миру явила еси, / Рождеством Твоим возвеселивши человеческий род, / избави ны от козней лукаваго, / и утверди нас на камени Жизни, / моляся непрестанно о всех нас, / воплотившемуся из Тебе, // Христу Жизнодавцу.
Величание:Величаем тя, / святый младенче Румвольде, / и чтим святую память твою, / ты бо молиши за нас, / Христа Бога нашего.
Псалом избранный:Господь даст глагол благовествующим силою многою. [Пс 67:12]
Святым, иже суть на земли Его, удиви Господь вся хотения Своя в них. [Пс 15:3]
Из уст младенец и ссущих совершил еси хвалу. [Пс 8:2]
Рех Господеви: Бог мой еси Ты, внуши, Господи, глас моления моего. [Пс 139:7]
Хваля призову Господа и от враг моих спасуся. [Пс 17:3]
В чесом исправит юнейший путь свой; внегда сохранити словеса Твоя. [Пс 118:9]
Мене ждут праведницы, дондеже воздаси мне. [Пс 141: 7]
По полиелеи седален, глас 4:Якоже маяк славы Божией, / в мори житейском, / возсиял еси младенче Румвольде, / и по тредневном возшествии твоем, ко Христу, / с Небеснаго чертога сияеши славно, / просвещая тьму мира сего. / От света, к Светодавцу, / от жизни, к Жизнодавцу, / указующи нам грешным, // Кто суть Свет, и Истина, и Живот.
Слава, и ныне, Богородичен, глас тойже:Сиянием Твоим исполнила еси Небо и землю, / о, Пречистая и Пренепорочная Мати всего мира, / молися ныне к Сыну Твоему и Богу нашему, / Той бо Свет, просвещающий всех, / да просветит ны, // величающих Тя, Богородице.
Степенна, 1-й антифон 4-го гласа.Прокимен, глас 4: Честна пред Господем смерть / преподобных Его.
Стих: Что воздам Господеви о всех, / яже воздаде ми?
Евангелие от Иоанна, зачало 48 (Ин. 14:10 - 21).
По 50-м псалме стихира, глас 6:Дивен Бог во святых Своих, / пречудное являя ныне, / яко из уст ссущаго, / совершил еси хвалу, / премудрости научая всех, / посрамляя строптивыя и гордыя сердцем, / правых укрепляя верою. / Сего ради, воспеваем тя, Румвольде, / в немощи младенческой // во Христе мужа совершенна нам явившаго.
Канон святому, глас 6.
Акростих: Облагодатствованному младенцу поем.
Песнь 1Ирмос: Яко по суху пешешествовав Израиль / по бездне стопами, / гонителя фараона, видя потопляема, // Богу победную песнь поим, вопияше.
Припев канона: Исповедниче святый, младенче Румвольде, моли Бога о нас.
О, Румвольде, / ангелов удивление и человеков славо, / просиял бо днесь благодатию, / тем же тя поем вси сущие на земли, / свидетельствуя преславное исповедание твое, / имже познахом славу Божию.
Благодатию Премудрости / возрос еси от часа рождения твоего к прежде век Рожденному Христу, / велелепне младенче святый, / всяк возраст приводя к познанию / Божественнаго всыновления.
Ликовствование уст твоих, безвозрастный младенче, / мудрейшим из мудрых мира сего присуще, / открывает днесь тайны нам Божественнаго смотрения / благодати преображающей человека во Христе, / Духом Святым, везде сущим и вся исполняющим.
Богородичен: Аки солнце во тьме взошедшее, Богородице, / восхваляем непорочное Рождество Твое Предвечнаго от Отца Рожденнаго, / Его же моли о всем мире Твоем, / да всяк от земнородных рожденный / и во Христе обрящет рождение.
Песнь 3Ирмос: Несть свят, / якоже Ты, Господи Боже мой, / вознесый рог верных Твоих, Блаже, / и утвердивый нас на камени // исповедания Твоего.
Глагол твой, святый младенче, / яви тя сосудом Духа Святаго, / не своею силою, но благодатию, / царскаго рода по рождению быв, / к роду Царя царей всех призываеши. / Молися, молимся, и нам наследниками Царства Божия быти.
Освящен быв сиянием Божества, единаго взыскуя, / явил еси таинственное единение во Христе, / утверждая в мире силу благодати Его. / И нас сподоби на земли, моляся, / Духом Святым исповедати истину Божественнаго Слова.
Действием Божественным / оживотворяется водное естество, / ветхаго Адама смывая грех, / в новаго Адама облекая благодатию. / Ты же в Духе Святем явил еси тридневное житие твое, / обличая буесть ума нашего.
Богородичен: Альфа и Омега бысть Рожденный от Тебе, / всем спасения чающим, Мати Благословеннаго и Приснодево. / Просвети нас светом Сына Твоего, / да спасет Тобою души наша.
Седален, глас 4:Узрим и познаем ныне, / что есть богатство, доброта, крепость, благолепие, / творяще память твою, младенче святый, / житие бо твое блаженное, / аки лучами славы солнца, / посрамляет днесь витий мира сего буясловящих, / не имущих упования. / Безумне человече, / что ищеши, о чем просиши? / Единую взыскуя благодать, / от мудрости века сего отрешением / войди в мудрость младенца Румвольда, / в немощи бо того, // сила Божия совершенна бысть.
Слава, и ныне, Богородичен:Мати Непорочная, / Дево Богородице, / матерей упование и чад воспитание, / умоли Сына Твоего и Бога нашего, / и нам возрасти в силу мудрости, // да исправим житие наше покаянием.
Песнь 4Ирмос: Христос моя сила, / Бог и Господь, честная Церковь / боголепно поет, взывающи // от смысла чиста, о Господе празднующи.
Тебе, Божественный, известна слава Господня, / ныне собирающая всех память твою почитающих, / и всей вселенней о чуде твоем возвещающая, / да познает мир весь безгласие свое пред мудростию младенца, / и величие исповедающих Христа. / О, младенче святый, / укрепи немощи наша, / предстательством твоим пред Господем, / моляся о всех нас, чадех твоих.
Сила Божия в немощи совершается, / и во Христе превозмогает суть человечества, открывая славу благодати, / в ней же просиял еси святый младенче, / свет истинной мудрости и благоизволения. / Молися о нас, исповедниче, / да и мы, во время благопотребно, / познаем уготованное верным Царствие Божие.
Тайновидче святый, христоподражателю и исповедниче, / аки огнем, благодатию, / в немощи младенческой, / подвигаешь ны попаляти терние страстей и похотей душ наших, / научая любви совершенней и спасению.
Богородичен: Величие слов Твоих, о Преблагословенная, / слугам Господним, творити вся по глаголу Спасителеву, / в Кане реченным, / подвигают ны к Тебе на похвалу. / Тобою бо и мы взыскуем послушания, / просяще молитв Твоих и Предстательства, / о спасении душ наших.
Песнь 5Ирмос: Божиим / светом Твоим, Блаже, / утренюющих Ти души / любовию озари, молюся, / Тя ведети, Слове Божий, / истиннаго Бога, // от мрака греховнаго взывающа.
Обвит быв пеленами, якоже Спаситель во гробе, / и погружаем в купель воскресения, / свыше паки рожден был еси, святче, о Христе Иисусе, / тем бо и наследовал еси Царствие Небесное, / егоже и нас гражданами сотвори, / непрестанно моляся о всех нас.
Воспитание от тебе приимем, святый младенче, / и предстательства твоего чаем пред Господем, / ты от немощных по плоти возшел еси во славу Царствия Божия, / и нас, немощных по духу возведи, / моляся о всех нас.
Аще и смертен по плоти, / ангельский нрав явил еси, святый младенче, / темже и восприял еси славу Царства Небесного, / сподобляя и нас созерцати тя на высоте Божественней любви у Престола Господня. / Исходатайствуй миру сему омыться водами покаяния, / и спасение душам улучити, / моляся о всех нас.
Богородичен: Неискусобрачная Дево, Мати Спаса нашего, / Ты бо родила еси Начальника жизни, / испроси, молимся, да познаем вседейственную благодать Всесвятаго Духа / иже в водах крещения на ны сходит, / подавая всесовершенные дары спасительнаго смотрения.
Песнь 6Ирмос: Житейское море, / воздвизаемое зря напастей бурею, / к тихому пристанищу Твоему притек, вопию Ти: / возведи от тли живот мой, // Многомилостиве.
На исповедании твоем, спасительной веры во Христа, / утверждается и наша вера, святый Румвольде, / наипаче же посрамляется и неверствие мира сего, / Небеса веселятся и земнороднии радуются, / прославляя чудесное твое восклицание.
О, всеславный младенче, / открываеши нам днесь мудрость не от человек, но от Бога познанную, / яко вяческая возможна человеку об укрепляющей его силе Божией. / Молимся тебе ныне, / научи и нас пояти преподаваемые нам / всеблагие дары Всесвятаго Духа.
Мир сей, во грехе пребывающий / презрев, не оставил еси, / вечное исповедание Христа в Небесных Его чертогах избрав, блаженне, / о мире сем молитвенно предстоя, / уверяя всех нас, о единстве во Христе сущем.
Богородичен: Ублажаем Тя, Пренепорочная, / Тобою бо познахом Спасителя мира и Победителя греха. / Егоже моли, Всепетая, и нам спасение стяжати, / победствуя над страстьми, / Тобою исповедуя Божественную Истину.
Кондак, глас 2:Тридневновав на земли, путь истиннаго жития явил еси, / святый младенче Румвальде, / родился еси с исповеданием Христа на устах твоих, / веру свидетельствуя словом и делом, / возшел еси к Отцу Небесному, // Егоже моли, даровати нам велию милость.
Икос.Вопрошаем тебя днесь, младенче святый, / якоже старца сединами убеленнаго, / что есть слава человеческая, / что есть мудрость и благоразумие? / Что потребно человеку в житии его? / Зряще исповедание твое, / вопием днесь к миру о Христе, / в Немже немощь твоя прославися силою благодати, / мудрость явися спасительного смотрения, / к бессмертию приводя всех взыскующих Бога. / Радуйся, исповедниче Христов; / радуйся, Церкви Православней муж мудрейший; / радуйся, ангелов и всех святых веселие; / радуйся, земнородных славо. / Радуйся младенче святый Румвольде, / теплый о душах наших молитвениче.
Песнь 7Ирмос: Росодательну убо пещь / содела Ангел / преподобным отроком, / халдеи же опаляющее / веление Божие, / мучителя увеща вопити: // благословен еси, Боже отец наших.
Миру пестун во Христа явился еси, блаженное чадо, / неколикими словесы явиляеши бо глубину богоразумия рода человеческаго. / Укрепи и нас, молимся, / всеобразно живот наш в Истине вкоренити / и спасти души наша.
Лукавством многим одержимая, / от рода в род, лжебратия, / неблаговерствием омраченная, / хуляху исповедание твое, святый младенче, / сумнения насылает о словесех твоих бывших. / Мы же свидетельствуем ныне, чудо Божественного смотрения, / веру нашу приношаху Христу, / Егоже моли, нетление даровати душам нашим.
Аще бы не глагол твой был еси услышан, / ни глас твой людии удиви, / ко святому крещению призывая безверныя, / не быша имели греха о неверствии своем. / Мы же ведяху, яко Дух дышит идеже хощет, просим, / помоги неверствию нашему, святый младенче, / моляся о всех нас.
Богородичен: Достойно есть воспевати Тя, Богородице, / Тобою бо явися прореченное древле спасение миру. / Егоже родила еси, / моли Христа и Бога, / о спасении душ нащих.
Песнь 8Ирмос: Из пламене преподобным росу источил еси / и праведнаго жертву водою попалил еси: / вся бо твориши, Христе, токмо еже хотети. // Тя превозносим во вся веки.
Единодушно воспеваем память твою ныне, о Румвольде, по всей земли, / еяже чудом словес твоих просветил еси, / приводя многия ко Христу, / к Немуже возшел еси в третий день, / аки ангел сошедый возвестити Божественное слово, / превозносяще Господа во вся веки.
Ни скорбь, но радость предал еси всем / по исходе твоем к Горнему, / блаженное чадо, / ясность ума нашего укрепляя в вере о Божественном промышлении о тебе. / Утверди, ходатайством твоим, / и нам стяжати благодать, / да прославим и мы / исповеданием дел своих Господа Иисуса, / превозносяще Его во вся веки.
Целомудрием души твоея, святче Божий, / восприял еси благодать Всесвятаго Духа, / Имже и дивно просиял еси многими чудесы, / по Рождении твоем во Христе, житие временное прейдя, / покоя вечного снискал еси, / научая всех простоте младенческой, / в нейже слава Господня является, научая верныя / превозносити Бога во вся веки.
Богородичен: Утробы Твоея, Пренепорочная, / Плод Всесовершенный явися миру, / Творец и Спаситель, / Егоже моли, молимся, / и нам вкупе с пречудным младенцем Румвольдом, и Тобою / в Небесном Царствии, хвалити, благословити / и превозносити Бога во вся веки.
Песнь 9Ирмос: Бога / человеком невозможно видети, / на Негоже не смеют чини Ангельстии взирати; / Тобою же, Всечистая, явися человеком / Слово Воплощенно, / Егоже величающе, // с небесными вои Тя ублажаем.
Память твоя, всемудрое отроча, / не токмо земли Британстей, / паче же и миру всему источает радость. / Веление твое исполняя / двакраты мощи твоя преношаху боголюбивии по духу чада твоя, / о чудесех свидетельствуя множицею / и славе Бжией в тебе совершившейся, о Румвольде, / истощая всякое невежество о Христе Иисусе.
Освящения прияша воды на погосте, / идеже погребено быть тело твое, святый младенче, / и по ныне оживотворяют изнемогающие души и телеса / притекающих к ходатайству твоему с верою. / Ты же явил еси необименное чудо, / младенчествуя глаголя / и по смерти творяще дивная, / и нас не остави предстательством твоим, / да не иссякнут свидетельства чудес твоих, / блаженне.
Единаго Богомладенца образ прияв жития твоего, исповедниче, / низвел еси мудрость Божественную в мир сей, / разрушая идолы мудрости человечестей. / Непрестай молитися за нас, / да избавит ны Господь баснотворцев витийствующих, / и демонов лукавых, / покаянием, подавая радость богомыслия.
Богородичен: Мати Божия, преблагая, / надежда наша и заступнице, / приими недостойных уст наших молитвы / и вознеси их Сыну Твоему, / Ты бо от земнородных единая чистая и преблагословенная, / имаши дерзновение о всех нас, / чающих спасения и блаженства.
Светилен:Свет славы Божией, / отверзающий душевные очи / во тьме безверия пребывающих, / посрамляя мрак неведения и лжемудрость века сего, / суть простоты веры знаменуя нам, / явился еси святый младенче Румвольде, // тем же тя вси величаем.
Слава, и ныне, Богородичен:О, радость всего рода человеческаго, / мати Царя Небеснаго, / Им же познахом благодать необмысленную умами нашими, / Тобою бо приял еси Христос в руцы Божественныя / святаго младенца Румвольда, // исповедника предивнаго славы Сына Твоего.
На хвалитех стихиры, глас 4:Прославляем днесь Твоего святаго младенца, Господи, / аки явление славы Твоея, / яко образ любве и милосердия Твоего. / Молитвами святаго Румвольда, / в нем же прославися дивно Имя Твое, / и нас соделай, Долготерпеливе, / сосудами благодати Твоея, // песнь Тебе приносящих верою.
Прославляем вси исповедание твое, о Румвольде, / яко славу яленную о Христе, / не словом единым, но благодатным предстательством, / собираеши себе всех на похвалу, / паче дивнаго во святых Своих Бога прославляя, / облагодатсвованный человече, / премудрый младенче, / умы наша к Небесному приводя, // песнь Богу приносящих верою.
Прославляем ныне глагол Твой, Румвольде, / иже паче всякаго слова / открыл бо еси нам Истину / паче всякия истины / во младенческом твоем телеси / мудрость являя мужа премудраго. / Дивны дела Твои Господи, / славно смотрение твое о человеке, / не взираеши бо на лице и возраст, / подая благодатныя Твоя дары, / и от нас, молимлся, / не отврати Лица Твоего, // песнь Тебе приносящих верою.
Слава, глас 4:Ты обитель Пресвятаго Духа явился еси, / в малом житии твоем, / и Христос пришед со Отцем / соделал тя жилищем Божества. / О, святый младенче Румвольде, / предстоя престолу Единосущныя Троицы, // молися о душах наших.
И ныне, Богородичен по гласу.
Славословие великое и отпуст.
На ЛитургииБлаженны от канона, песни 3-я и 6-я.
Прокимен, глас 4: Из уст младенец и ссущих совершил еси хвалу.
Стих: Святым, иже суть на земли Его, удиви Господь вся хотения Своя в них.
Апостол к Римляном, зачало 97 от полу.
Аллилуиа, глас 6: Блажен муж, бояйся Господа, в заповедех Его восхощет зело.
Стих: Сильно на земли будет семя его.
Евангелие от Иоанна, зачало 57.
Причастен: Блажени, яже избрал и приял еси, Господи, / и память их в род и род.
Молитва.О, преславный святый младенче Румвольде! Тридневновав на земли, от царскаго рода по рождению к Царю царей возшел еси, плач младенческий на исповедание имени Христова преложив пречудно. Ныне же предстоя Престолу Господа Славы и дерзновение имея молитися о нас, испроси всем яже на потребу: женам, в час предстоящаго их порождения, укрепление; рожденным в благопотребное время святаго крещения сподобление; болящим младенцем и отроком здравие; в учении юным вспоможение; благочестивым родителем мудрость в воспитании; неплодным супругам благочадие восприятие; плачущим о чадех представльшихся, утешение; женам, во утробе чад своих загубившим, слезы покаяния, и всем нам заступление и спасение. Да прославим тобою милосердие, дивнаго во святых Своих Бога: Отца, и Сына, и Святаго Духа, ныне и присно и во веки веков. Аминь.
Ноября месяца в 3 день и
августа месяца в 28 день (перенесение мощей)
СЛУЖБА
СВЯТОМУ МЛАДЕНЦУ РУМВОЛЬДУ БАКИНГЕМСКОМУ
НА ВЕЛИЦЕЙ ВЕЧЕРНИ
На Господи воззвах: стихиры, глас 4:О, Румвольде, свидетелю силы Вышняго, / от земных к небесным умы наша возперяющий, / молися днесь ко Господу, / да низпослет на ны благодать, / да познаем ныне, дерзновение Твое, пред Богом, // подражая ти усердно.
О, Румвольде, / чудо дивное сотворил еси, / неучен быв, слово о Слове изглаголал еси, / неудобоприятельное уму нашему / во аде неверия сущим. / О, вестниче славы Божией, // сподоби нас, ныне, уразумети тя.
О, Румвольде, / изумил еси благочестивыя родители твоя рождеством, / и священных служителей Господних / в крещении твоем удивил еси, / милость Божию утверждая, / побуждая свидетельствовати и нас о Христе // в мире творяще милости.
О, Румвольде, / несть человека, / поминающаго память твою, / иже не имать воли / исправити житие свое, / в безумии и гордости житейской пребывающе. / Но по дерзновению твоему ко Господу, / и нам испроси спасение улучити, // призывающим тя.
От Бога исполнив повеление, / необмыслимое разумом человеческим, / горе вознеслся еси, / потребы не имам на земли пребывати, / образ нам подающе / начала и кончины живота нашего, / воспомянуя нам Божественное о нас замышление. / Молися, молимся ти, / святый младенче Румвольде, // и нам узрети о себе, Божественное смотрение.
Иже мы видим убо ныне / якоже зерцалом в гадании, / ты же лицем к лицу зриши, / верных сердца устремляя / к благоподрожанию тебе, святый Румвольде. / Молимся тебе, / привиди и ны в разум возраста // твоего младенчества.
Якоже Спаситель, / треми днями восставший, / разлученный от жизни, / победу клятвы Искоренителя свидетельствуя, славне Румвольде, / взошел еси третим днем к жизни вечней. / Моли, и нам, в Духе истины пребывати, // и неложныя жизни причастниками быти.
Коими словами воспоем величие, / превозносимаго от рода человеческаго, / немощнаго и безвозрастнаго дитя, / единаго взыскующаго на потребу. / Молим тя, святый Румвольде, / худыя и немощныя, / приведи ны к разумения славы Божией, // иже кийждо призван от утробы матери своея.
Слава, глас 1:Неведомы пути Твои, Господи, / якоже из уст младенец и ссущих совершил еси хвалу. / Приими пение рабов Твоих, / о святем Твоем младенце Румвольде, / егоже нам даровал еси, / яко исповедника святаго имени Твоего, // благословеннаго дитя, и совершеннаго человека.
И ныне, глас тойже.Неведомо есть и неописуемо, / чудо зачатия Твоего, Преблагословенная, / имже радость всему миру сотворила еси, / благих виновная, / и Родила еси Плотию, истиннаго Бога, // и совершеннаго человека.
На литии стихиры, глас 1:О, всехвальне младенче Румвольде, / житие твое во Христе бысть являемо, / да разумеем, яко невозможное человеку, / с Богом возможно есть, / изъявляюще безумие наше / и тщедушие ко греху, / ихже, моли, победити нам, // благодатию.
Слава, глас 1:О, премудрый младенче Румвольде, / славно исповедание твое Христа, / безвозрастнаго отрочати, / Егоже, тобою, познахом превозрастныя мужи; / неизменно пребывая в Господе, / моли, и нам благопременити житие наше, // благодатию.
И ныне, Богородичен глас тойже:О, пресланая Богородице Дево, / во утробу Свою невмистомаго Бога приемшая, / и плоть даровавшая Творцу Твоему, / моли, Сына Твоего и Бога нашего, / спастися душам нашим, // благодатию.
На стиховне стихиры, глас 6:Приидите вси, / исповедуем православно славу святости, / днесь память совершая родившагося во Христе, / и возводящаго ны к жизни вечней, / святаго младенца Румвольда, / исповедника Господня, // молящегося за всех нас.
Стих: Господь хранит пришельцы, / сира и вдову приимет.
Приидите вси, / прославим, плача младенческаго отвергшагося, / спасительнаго ради веры исповедания, / богоизбраннаго отрока; / отврати, молимся, о Румвольде, / сердца наша от тлетворнаго мира сего, / якоже и сам еси отметался от него, // моляся за всех нас.
Стих: Господь возводит низверженныя, / Господь любит праведники.
Приидите вси, / воспоем святаго младенца, / пришедшаго в мир чувственный, / и соблюдшаго добродетель / во осуждение всякия неправды, / пестун быв во Христа, / Имже и познахом милость Божию и любовь, / да исповедуем и мы славу Господню, / пред всем миром, / по образу святаго Румвольда, // молящегося за всех нас.
Слава, глас 6:Якоже по рождению, / новое творение миру явился еси, / такоже и новое творение во Христе / совершенней жизни наслаждаешися, / о младенче святый, / скорбно и странно есть преселение твое, / и нас сподоби жизни вечныя, / моляся непрестанно Творцу и Богу, // исповедниче Христов и чудотворче Румвольде.
И ныне, Богородичен, глас тойже:Бога, из Тебе воплотившагося, / разумехом, Богородице Дево, // Того моли о спасении душ наших.
По Ныне отпущаеши: Тропарь святому, глас 4:Пречудно есть исповедание твое, / имже подвизаеши тебе всех на похвалу, / и умудряеши преславными словесы твоими, / их же в даре Духа восприял еси. / Святый младенче Румвольде, / моли усердно Христа Бога, / вся премудростию сотворившаго, // да спасет души наша.
НА УТРЕНИ
По 1-м стихословии седален, глас 4:С праведными упокоился еси, / не мудрость человеческую, но Христа прославляя, / мир чувственный пройдох, / возсиял еси аки звезда немеркнущая / в вечном Царствии Божии, / процвел еси не славою трудов твоих, / но дерзновенным исповеданием, // предивный святый Румвольде.
Слава, и ныне, Богородичен:О, Пречистая, Непорочная, Безневестная Дево, / родила еси плотию Предвечное Слово и Сына Божия, / Егоже, вкупе со святыми апостолы, мученики, пророки и преподобными, / моли помиловати нас, // и даровати нам велию милость.
По 2-м стихословии седален, глас 4:Якоже велбуду сквозе иглине ушы проити, / такоже младу слово Божие рещи, / пренеизгаголанная есть тайна, / но мощно есть Богу, / Той бо и спасение дарует, / являя милость Свою, / прославляя плоти тленной преображение. / Нынеже тобою прославися Бог, / явлением твоим, // о преславне младенче Румвольде.
Слава, и ныне, Богородичен:О, Пречистая Дево, / Творца всяческих миру явила еси, / Рождеством Твоим возвеселивши человеческий род, / избави ны от козней лукаваго, / и утверди нас на камени Жизни, / моляся непрестанно о всех нас, / воплотившемуся из Тебе, // Христу Жизнодавцу.
Величание:Величаем тя, / святый младенче Румвольде, / и чтим святую память твою, / ты бо молиши за нас, / Христа Бога нашего.
Псалом избранный:Господь даст глагол благовествующим силою многою. [Пс 67:12]
Святым, иже суть на земли Его, удиви Господь вся хотения Своя в них. [Пс 15:3]
Из уст младенец и ссущих совершил еси хвалу. [Пс 8:2]
Рех Господеви: Бог мой еси Ты, внуши, Господи, глас моления моего. [Пс 139:7]
Хваля призову Господа и от враг моих спасуся. [Пс 17:3]
В чесом исправит юнейший путь свой; внегда сохранити словеса Твоя. [Пс 118:9]
Мене ждут праведницы, дондеже воздаси мне. [Пс 141: 7]
По полиелеи седален, глас 4:Якоже маяк славы Божией, / в мори житейском, / возсиял еси младенче Румвольде, / и по тредневном возшествии твоем, ко Христу, / с Небеснаго чертога сияеши славно, / просвещая тьму мира сего. / От света, к Светодавцу, / от жизни, к Жизнодавцу, / указующи нам грешным, // Кто суть Свет, и Истина, и Живот.
Слава, и ныне, Богородичен, глас тойже:Сиянием Твоим исполнила еси Небо и землю, / о, Пречистая и Пренепорочная Мати всего мира, / молися ныне к Сыну Твоему и Богу нашему, / Той бо Свет, просвещающий всех, / да просветит ны, // величающих Тя, Богородице.
Степенна, 1-й антифон 4-го гласа.Прокимен, глас 4: Честна пред Господем смерть / преподобных Его.
Стих: Что воздам Господеви о всех, / яже воздаде ми?
Евангелие от Иоанна, зачало 48 (Ин. 14:10 - 21).
По 50-м псалме стихира, глас 6:Дивен Бог во святых Своих, / пречудное являя ныне, / яко из уст ссущаго, / совершил еси хвалу, / премудрости научая всех, / посрамляя строптивыя и гордыя сердцем, / правых укрепляя верою. / Сего ради, воспеваем тя, Румвольде, / в немощи младенческой // во Христе мужа совершенна нам явившаго.
Канон святому, глас 6.
Акростих: Облагодатствованному младенцу поем.
Песнь 1Ирмос: Яко по суху пешешествовав Израиль / по бездне стопами, / гонителя фараона, видя потопляема, // Богу победную песнь поим, вопияше.
Припев канона: Исповедниче святый, младенче Румвольде, моли Бога о нас.
О, Румвольде, / ангелов удивление и человеков славо, / просиял бо днесь благодатию, / тем же тя поем вси сущие на земли, / свидетельствуя преславное исповедание твое, / имже познахом славу Божию.
Благодатию Премудрости / возрос еси от часа рождения твоего к прежде век Рожденному Христу, / велелепне младенче святый, / всяк возраст приводя к познанию / Божественнаго всыновления.
Ликовствование уст твоих, безвозрастный младенче, / мудрейшим из мудрых мира сего присуще, / открывает днесь тайны нам Божественнаго смотрения / благодати преображающей человека во Христе, / Духом Святым, везде сущим и вся исполняющим.
Богородичен: Аки солнце во тьме взошедшее, Богородице, / восхваляем непорочное Рождество Твое Предвечнаго от Отца Рожденнаго, / Его же моли о всем мире Твоем, / да всяк от земнородных рожденный / и во Христе обрящет рождение.
Песнь 3Ирмос: Несть свят, / якоже Ты, Господи Боже мой, / вознесый рог верных Твоих, Блаже, / и утвердивый нас на камени // исповедания Твоего.
Глагол твой, святый младенче, / яви тя сосудом Духа Святаго, / не своею силою, но благодатию, / царскаго рода по рождению быв, / к роду Царя царей всех призываеши. / Молися, молимся, и нам наследниками Царства Божия быти.
Освящен быв сиянием Божества, единаго взыскуя, / явил еси таинственное единение во Христе, / утверждая в мире силу благодати Его. / И нас сподоби на земли, моляся, / Духом Святым исповедати истину Божественнаго Слова.
Действием Божественным / оживотворяется водное естество, / ветхаго Адама смывая грех, / в новаго Адама облекая благодатию. / Ты же в Духе Святем явил еси тридневное житие твое, / обличая буесть ума нашего.
Богородичен: Альфа и Омега бысть Рожденный от Тебе, / всем спасения чающим, Мати Благословеннаго и Приснодево. / Просвети нас светом Сына Твоего, / да спасет Тобою души наша.
Седален, глас 4:Узрим и познаем ныне, / что есть богатство, доброта, крепость, благолепие, / творяще память твою, младенче святый, / житие бо твое блаженное, / аки лучами славы солнца, / посрамляет днесь витий мира сего буясловящих, / не имущих упования. / Безумне человече, / что ищеши, о чем просиши? / Единую взыскуя благодать, / от мудрости века сего отрешением / войди в мудрость младенца Румвольда, / в немощи бо того, // сила Божия совершенна бысть.
Слава, и ныне, Богородичен:Мати Непорочная, / Дево Богородице, / матерей упование и чад воспитание, / умоли Сына Твоего и Бога нашего, / и нам возрасти в силу мудрости, // да исправим житие наше покаянием.
Песнь 4Ирмос: Христос моя сила, / Бог и Господь, честная Церковь / боголепно поет, взывающи // от смысла чиста, о Господе празднующи.
Тебе, Божественный, известна слава Господня, / ныне собирающая всех память твою почитающих, / и всей вселенней о чуде твоем возвещающая, / да познает мир весь безгласие свое пред мудростию младенца, / и величие исповедающих Христа. / О, младенче святый, / укрепи немощи наша, / предстательством твоим пред Господем, / моляся о всех нас, чадех твоих.
Сила Божия в немощи совершается, / и во Христе превозмогает суть человечества, открывая славу благодати, / в ней же просиял еси святый младенче, / свет истинной мудрости и благоизволения. / Молися о нас, исповедниче, / да и мы, во время благопотребно, / познаем уготованное верным Царствие Божие.
Тайновидче святый, христоподражателю и исповедниче, / аки огнем, благодатию, / в немощи младенческой, / подвигаешь ны попаляти терние страстей и похотей душ наших, / научая любви совершенней и спасению.
Богородичен: Величие слов Твоих, о Преблагословенная, / слугам Господним, творити вся по глаголу Спасителеву, / в Кане реченным, / подвигают ны к Тебе на похвалу. / Тобою бо и мы взыскуем послушания, / просяще молитв Твоих и Предстательства, / о спасении душ наших.
Песнь 5Ирмос: Божиим / светом Твоим, Блаже, / утренюющих Ти души / любовию озари, молюся, / Тя ведети, Слове Божий, / истиннаго Бога, // от мрака греховнаго взывающа.
Обвит быв пеленами, якоже Спаситель во гробе, / и погружаем в купель воскресения, / свыше паки рожден был еси, святче, о Христе Иисусе, / тем бо и наследовал еси Царствие Небесное, / егоже и нас гражданами сотвори, / непрестанно моляся о всех нас.
Воспитание от тебе приимем, святый младенче, / и предстательства твоего чаем пред Господем, / ты от немощных по плоти возшел еси во славу Царствия Божия, / и нас, немощных по духу возведи, / моляся о всех нас.
Аще и смертен по плоти, / ангельский нрав явил еси, святый младенче, / темже и восприял еси славу Царства Небесного, / сподобляя и нас созерцати тя на высоте Божественней любви у Престола Господня. / Исходатайствуй миру сему омыться водами покаяния, / и спасение душам улучити, / моляся о всех нас.
Богородичен: Неискусобрачная Дево, Мати Спаса нашего, / Ты бо родила еси Начальника жизни, / испроси, молимся, да познаем вседейственную благодать Всесвятаго Духа / иже в водах крещения на ны сходит, / подавая всесовершенные дары спасительнаго смотрения.
Песнь 6Ирмос: Житейское море, / воздвизаемое зря напастей бурею, / к тихому пристанищу Твоему притек, вопию Ти: / возведи от тли живот мой, // Многомилостиве.
На исповедании твоем, спасительной веры во Христа, / утверждается и наша вера, святый Румвольде, / наипаче же посрамляется и неверствие мира сего, / Небеса веселятся и земнороднии радуются, / прославляя чудесное твое восклицание.
О, всеславный младенче, / открываеши нам днесь мудрость не от человек, но от Бога познанную, / яко вяческая возможна человеку об укрепляющей его силе Божией. / Молимся тебе ныне, / научи и нас пояти преподаваемые нам / всеблагие дары Всесвятаго Духа.
Мир сей, во грехе пребывающий / презрев, не оставил еси, / вечное исповедание Христа в Небесных Его чертогах избрав, блаженне, / о мире сем молитвенно предстоя, / уверяя всех нас, о единстве во Христе сущем.
Богородичен: Ублажаем Тя, Пренепорочная, / Тобою бо познахом Спасителя мира и Победителя греха. / Егоже моли, Всепетая, и нам спасение стяжати, / победствуя над страстьми, / Тобою исповедуя Божественную Истину.
Кондак, глас 2:Тридневновав на земли, путь истиннаго жития явил еси, / святый младенче Румвальде, / родился еси с исповеданием Христа на устах твоих, / веру свидетельствуя словом и делом, / возшел еси к Отцу Небесному, // Егоже моли, даровати нам велию милость.
Икос.Вопрошаем тебя днесь, младенче святый, / якоже старца сединами убеленнаго, / что есть слава человеческая, / что есть мудрость и благоразумие? / Что потребно человеку в житии его? / Зряще исповедание твое, / вопием днесь к миру о Христе, / в Немже немощь твоя прославися силою благодати, / мудрость явися спасительного смотрения, / к бессмертию приводя всех взыскующих Бога. / Радуйся, исповедниче Христов; / радуйся, Церкви Православней муж мудрейший; / радуйся, ангелов и всех святых веселие; / радуйся, земнородных славо. / Радуйся младенче святый Румвольде, / теплый о душах наших молитвениче.
Песнь 7Ирмос: Росодательну убо пещь / содела Ангел / преподобным отроком, / халдеи же опаляющее / веление Божие, / мучителя увеща вопити: // благословен еси, Боже отец наших.
Миру пестун во Христа явился еси, блаженное чадо, / неколикими словесы явиляеши бо глубину богоразумия рода человеческаго. / Укрепи и нас, молимся, / всеобразно живот наш в Истине вкоренити / и спасти души наша.
Лукавством многим одержимая, / от рода в род, лжебратия, / неблаговерствием омраченная, / хуляху исповедание твое, святый младенче, / сумнения насылает о словесех твоих бывших. / Мы же свидетельствуем ныне, чудо Божественного смотрения, / веру нашу приношаху Христу, / Егоже моли, нетление даровати душам нашим.
Аще бы не глагол твой был еси услышан, / ни глас твой людии удиви, / ко святому крещению призывая безверныя, / не быша имели греха о неверствии своем. / Мы же ведяху, яко Дух дышит идеже хощет, просим, / помоги неверствию нашему, святый младенче, / моляся о всех нас.
Богородичен: Достойно есть воспевати Тя, Богородице, / Тобою бо явися прореченное древле спасение миру. / Егоже родила еси, / моли Христа и Бога, / о спасении душ нащих.
Песнь 8Ирмос: Из пламене преподобным росу источил еси / и праведнаго жертву водою попалил еси: / вся бо твориши, Христе, токмо еже хотети. // Тя превозносим во вся веки.
Единодушно воспеваем память твою ныне, о Румвольде, по всей земли, / еяже чудом словес твоих просветил еси, / приводя многия ко Христу, / к Немуже возшел еси в третий день, / аки ангел сошедый возвестити Божественное слово, / превозносяще Господа во вся веки.
Ни скорбь, но радость предал еси всем / по исходе твоем к Горнему, / блаженное чадо, / ясность ума нашего укрепляя в вере о Божественном промышлении о тебе. / Утверди, ходатайством твоим, / и нам стяжати благодать, / да прославим и мы / исповеданием дел своих Господа Иисуса, / превозносяще Его во вся веки.
Целомудрием души твоея, святче Божий, / восприял еси благодать Всесвятаго Духа, / Имже и дивно просиял еси многими чудесы, / по Рождении твоем во Христе, житие временное прейдя, / покоя вечного снискал еси, / научая всех простоте младенческой, / в нейже слава Господня является, научая верныя / превозносити Бога во вся веки.
Богородичен: Утробы Твоея, Пренепорочная, / Плод Всесовершенный явися миру, / Творец и Спаситель, / Егоже моли, молимся, / и нам вкупе с пречудным младенцем Румвольдом, и Тобою / в Небесном Царствии, хвалити, благословити / и превозносити Бога во вся веки.
Песнь 9Ирмос: Бога / человеком невозможно видети, / на Негоже не смеют чини Ангельстии взирати; / Тобою же, Всечистая, явися человеком / Слово Воплощенно, / Егоже величающе, // с небесными вои Тя ублажаем.
Память твоя, всемудрое отроча, / не токмо земли Британстей, / паче же и миру всему источает радость. / Веление твое исполняя / двакраты мощи твоя преношаху боголюбивии по духу чада твоя, / о чудесех свидетельствуя множицею / и славе Бжией в тебе совершившейся, о Румвольде, / истощая всякое невежество о Христе Иисусе.
Освящения прияша воды на погосте, / идеже погребено быть тело твое, святый младенче, / и по ныне оживотворяют изнемогающие души и телеса / притекающих к ходатайству твоему с верою. / Ты же явил еси необименное чудо, / младенчествуя глаголя / и по смерти творяще дивная, / и нас не остави предстательством твоим, / да не иссякнут свидетельства чудес твоих, / блаженне.
Единаго Богомладенца образ прияв жития твоего, исповедниче, / низвел еси мудрость Божественную в мир сей, / разрушая идолы мудрости человечестей. / Непрестай молитися за нас, / да избавит ны Господь баснотворцев витийствующих, / и демонов лукавых, / покаянием, подавая радость богомыслия.
Богородичен: Мати Божия, преблагая, / надежда наша и заступнице, / приими недостойных уст наших молитвы / и вознеси их Сыну Твоему, / Ты бо от земнородных единая чистая и преблагословенная, / имаши дерзновение о всех нас, / чающих спасения и блаженства.
Светилен:Свет славы Божией, / отверзающий душевные очи / во тьме безверия пребывающих, / посрамляя мрак неведения и лжемудрость века сего, / суть простоты веры знаменуя нам, / явился еси святый младенче Румвольде, // тем же тя вси величаем.
Слава, и ныне, Богородичен:О, радость всего рода человеческаго, / мати Царя Небеснаго, / Им же познахом благодать необмысленную умами нашими, / Тобою бо приял еси Христос в руцы Божественныя / святаго младенца Румвольда, // исповедника предивнаго славы Сына Твоего.
На хвалитех стихиры, глас 4:Прославляем днесь Твоего святаго младенца, Господи, / аки явление славы Твоея, / яко образ любве и милосердия Твоего. / Молитвами святаго Румвольда, / в нем же прославися дивно Имя Твое, / и нас соделай, Долготерпеливе, / сосудами благодати Твоея, // песнь Тебе приносящих верою.
Прославляем вси исповедание твое, о Румвольде, / яко славу яленную о Христе, / не словом единым, но благодатным предстательством, / собираеши себе всех на похвалу, / паче дивнаго во святых Своих Бога прославляя, / облагодатсвованный человече, / премудрый младенче, / умы наша к Небесному приводя, // песнь Богу приносящих верою.
Прославляем ныне глагол Твой, Румвольде, / иже паче всякаго слова / открыл бо еси нам Истину / паче всякия истины / во младенческом твоем телеси / мудрость являя мужа премудраго. / Дивны дела Твои Господи, / славно смотрение твое о человеке, / не взираеши бо на лице и возраст, / подая благодатныя Твоя дары, / и от нас, молимлся, / не отврати Лица Твоего, // песнь Тебе приносящих верою.
Слава, глас 4:Ты обитель Пресвятаго Духа явился еси, / в малом житии твоем, / и Христос пришед со Отцем / соделал тя жилищем Божества. / О, святый младенче Румвольде, / предстоя престолу Единосущныя Троицы, // молися о душах наших.
И ныне, Богородичен по гласу.
Славословие великое и отпуст.
На ЛитургииБлаженны от канона, песни 3-я и 6-я.
Прокимен, глас 4: Из уст младенец и ссущих совершил еси хвалу.
Стих: Святым, иже суть на земли Его, удиви Господь вся хотения Своя в них.
Апостол к Римляном, зачало 97 от полу.
Аллилуиа, глас 6: Блажен муж, бояйся Господа, в заповедех Его восхощет зело.
Стих: Сильно на земли будет семя его.
Евангелие от Иоанна, зачало 57.
Причастен: Блажени, яже избрал и приял еси, Господи, / и память их в род и род.
Молитва.О, преславный святый младенче Румвольде! Тридневновав на земли, от царскаго рода по рождению к Царю царей возшел еси, плач младенческий на исповедание имени Христова преложив пречудно. Ныне же предстоя Престолу Господа Славы и дерзновение имея молитися о нас, испроси всем яже на потребу: женам, в час предстоящаго их порождения, укрепление; рожденным в благопотребное время святаго крещения сподобление; болящим младенцем и отроком здравие; в учении юным вспоможение; благочестивым родителем мудрость в воспитании; неплодным супругам благочадие восприятие; плачущим о чадех представльшихся, утешение; женам, во утробе чад своих загубившим, слезы покаяния, и всем нам заступление и спасение. Да прославим тобою милосердие, дивнаго во святых Своих Бога: Отца, и Сына, и Святаго Духа, ныне и присно и во веки веков. Аминь.