Молебный канон Божией Матери «Неупиваемая чаша»
Выкладываю в «Уставные заметки» молебный канон Божией Матери пред Ея чудотворной иконой, именуемой «Неупиваемая чаша». Канон составлен в 2007 году уставщиком Иоанно-Предтеченского скита Оптиной пустыни священноиноком Никоном (Скаргой). Текст публикуется по авторской машинописи, цензурными инстанциями не рассматривался. При подготовке текста к выкладке исправлены замеченные опечатки, а три тропаря (1:4, 3:2 и 9:3) пришлось немного подредактировать (надеюсь, удачно).
Канон молебный Богородичный «Неупиваемая чаша»,
глас 8, егоже краегранесие: Чашу Девы Марии прииму, и яд змия изблюю.
Песнь 1Ирмос: Воду прошед яко сушу / и египетскаго зла избежав / израильтянин вопияше / Избавителю и Богу нашему поем.
Чашу новаго винограда рождше, напаяющую яве верныя во оставление согрешений, Тя Пречистая ведый, молю: испущением Божественныя воды напой сердце мое.
Алавастр мира да будет ми Чаша Твоя погребальная устраяя моим беззакониям да умертвивши страсти моя помазанием Твоим возвеличу Тя Едину мою Помощь.
Шествовати ми Дево неблазненною стезею помози, нози мои яко красны благовестников сотворяя и от греха прыгати яко от змия и прерадостно ко источником воды тещи животечныя.
Упой мя Дево твоею милостию, сладким нектаром Твоего милосердия; еже презрети ми мир; еже возгнушатися страстьми; и прием Чашу Твою опьяненным ми быти небесною любовию.
Песнь 3Ирмос: Утверждей словом Небеса / и землю основавый на водах многих, / утверди мя к пению славословия Твоего, Господи.
Даждь ми, Чистая, воду покаяния, остужающую пламень моих страстей, и наводняющую жизнь мою добродетельными деянии, изсушающую бездну моих грехов.
Евангельская лоза еси Дево, Грозд родшая зрел, умилением напаяющи мя ныне, отыми терние моих зол.
Воду оставлению источающи, течение моих прегорешений изсуши, подающи ми тучу слез, да Тя присно яко Богородицу пою.
Источает ныне Чаша Твоя умиления вино, и греховное изсушает пиянство, яко одушевлен виноград, Дево, прорастила еси нам, Христа Животодавца.
И поем стихи:Спаси мя, Дево, яко углебох в пиянстве зол моих и не имам от врага избыти, грехолюбив сый.
Призри милосердием, Всепетая Богородице, на мое лютое страстей возбешение и изцели души моея болезнь.
Спаси от бед рабы Твоя, Богородице, и потопления избави страстнаго, Тя воспевающих яко Чашу Спасения, напояющую нас присно ко оживлению.
Малая ектения, и седален, глас 2:Исхити мя Владычице / из руки змия человекоубийцы / борющаго мя страстию винопития и удовляюща мя до конца / сокруши челюсти сего молюся / и коварствия раззори / яко да избавлься сего яда / величаю силу Твою.
Песнь 4Ирмос: Из горы приосененныя, Слове, пророк, / единыя Богородицы / хотяще воплотитеся / Боговидно усмотри / и со страхом славословяще силу Твою.
Моих язв непрестанно струпи чешу, ко грехом прилагаю новыя беззакония и курением ядовреднаго змия, изсушаю весь мой ум, и аще не излиются на мя щедроты Твоя, то несть ми спасения.
Адова во мне стенет утроба, по мне клокочет вечнующий огнь и ныне зной мя пиянства изнуряет, несть ми ослабления, токмо Чаша Твоя, упоявающая мя яко Державна.
Речными устремленьми обвесели град души моей, устремляя мя ко потокам благочестия, и от пропасти преисподней изми душу мою, хлябями Твоих Богоматеринских прошенословий.
Иссопом милости Твоея ороси мя Дево, яко пустыню житие мое имею непроходну, но яко Силоам мню икону Твою, и яко источник Иаковль, Чашу, юже поток сладости испив, здрав буду.
Песнь 5Ирмос: Блаже, света и мира Подателю, / от тьмы мя и брани страстей избави, утренююща, Христе, / к Твоему хвалению.
Икона Твоя, Богородительница, яко кладезь неоскудных явися щедрот, яко родник изобильно точащий здравие, верою черпающим и с веселие пиющим.
Почерпните вси и насладитеся: се сточник благодати и неисчетных даров поток; се Неупиваемая верных Чаша спасения; отрезвляющая и омывающая от губительных пьянственных скверн.
Радость да кропит облацы; море и вси воды да взыграют волной; яко отирает Мати Божия слезы кающихся, и сердца напояет иссохшия медом благодати и млеком.
Испещрена Чаша Твоя златым Девице убранством, внутрь имуще Тело Божие и Сына Твоего Боготворящую Кровь, и напояет вся верныя потоком умилительным, и со страхом приступающих всынение богодетельно творит.
Песнь 6Ирмос: Молитву пролию ко Господу / и Тому возвещу печали моя, / яко зол душа моя исполнися / и живот мой аду приближися, / и молюся яко Иона: / от тли, Боже, возведи мя.
Излияшася на мя Чистая прегрешений воды до души моея, бездна же пиянства обыде мя последняя, но сего изми треволнения, подающи веры сладкое питие.
Матернее употребляющи дерзновение, свободи мя мучительства винных страстей яже влачат мя на дно адово, и угорения демонскаго избави Пречистая, остужением трезвительным Твоих молитв.
Углебох в тимении зол моих и великий кит, ищет пожрети мя, лютаго греха и страстей змеи ужаляют мя; но предвари и спаси кающагося раба Твоего Владычице.
Источает ныне Чаша Твоя оставления вино и греховное изсушает пиянство, и к покаянию направляет стези, токи подающе прерадостных слез, кающимся.
И поем стихи:Спаси Дево, яко углебох в пиянство зол моих и не имам от врага избыти, яко грехолюбив сый.
Призри благосердием Всепетая Богородице на лютое страстей возбешение и изсуши неудержимый пиянственных зол моих поток.
Кондак, глас 8:Живую воду породила еси, Чистая, / от ложесн девических / и оставление прегрешений источила еси миру, / изцелений источник отверзши верным, / сего ради зовем Ти: / Радуйся, Всезлатая Чаша нашего спасения, / сердца упоявающая сокрушенныя благодатию, / и уясняя чудесами великими и преславными / всех притекающих к цельбоносней иконе Твоей.
Песнь 7Ирмос: Подражатели триех Твоих, Господи,отроков сотвори ны / сопротивляющиеся греху / и огнь страстей попирающия, и поющия: / благословен еси, Боже отец наших.
Ядом соделася ми сладость вина, мяс и трапез пиршественых возгнушася душа моя окаянная, воду воздержания ми даждь Чистая, и греха измый скверну дождеструйной Твоей и молитвенной водой.
Демоном смех бых и игралище житие мое явися им и пиршество всескверное, в пиянстве углебох безумных дел и растерзатия имам быти от них, но спаси мя Дево, спаси кающагося.
Змий мя приползнув и пиянственною страстию окаянную душу мою яко ядом люте умори: но оживи сию сопротивными цельбами, Чистая, Твоими трезвенными и чистительными молитвами.
Мечем уязвленна мя страстей и лежаща уранена в гное пиянственных зол, не презри Пречистая, но изцели и возстави, копием и кровию распятаго Сына Твоего и Бога нашего.
Песнь 8Ирмос: Покрываяй водами превыспренняя Своя / полагаяй морю предел песок / и содержай вся / Тя поет солнце, Тя славит луна / Тебе приносит песнь вся тварь / яко Содетелю всех во веки.
Источает пучину чудес воистину Отроковице Чистая, Чаши Твоея благодать верным, и независтно от Твоея иконы происходит, яко от инаго Едема реки изцелений.
Яко одушевлен виноград, Дево, прорастила еси нам Грозд зрелый, источивший вино оставления, и греховное изсушивший пиянство, темже Тя молю: изсуши виноносных моих страстей мутныя реки.
Изцелевает душа моя, приближаясь иконе Твоей, просвещается ум пиянственных дум исполненный, и окаянное мое умиляется сердце зовя; Благословенна есть Чаша Твоя спасающая мя во вся веки.
Заповедей мысленный возложи ми венец, просвещающа очи моего сердца и убели добродетельми душу мою, овцой являя мя Твоего стада, да отстав пиянственных скверных дел, вслед Сына Твоего теку поя Его трезвенно во вся веки.
Песнь 9Ирмос: Ужасеся о сем Небо / и земли удивишася концы, / яко Бог явися человеком плотски / и Чрево Твое бысть пространнейшее Небес, / тем Тя, Богородицу / Ангелов и человек чиноначалия величают.
Божественная роса из Тебе прошедши истаявшия зноем пиянства орошает Пренепорочная. Темже Тя молю, истаявшую душу мою ороси, Тя Богородице величающа и иконе Твоей поклоняющеся.
Ликуй, соборе кающихся грешников, и молитвенницы сокрушения, во отраду пуститеся вси, се прииде к вам воистину новый Силоам, икона Богородицы, яже омывает вся скверны и точит цельбы Ю величающим.
Югом приде к Тебе Бог и лоно Твое девическое Чашу содела спасения, темже и от иконы Твоея источаеши пучину любве и притекающих к ней невещественными снабдеваеши зарями.
Южика Твоего Дево подвизаем с Тобою в молитву Предтечу Иоанна; кающихся бо есть великий ходатай и вождь. Темже мрачное полчище демонское прожените от нас, вас любовию от души величающих.
Канон молебный Богородичный «Неупиваемая чаша»,
глас 8, егоже краегранесие: Чашу Девы Марии прииму, и яд змия изблюю.
Песнь 1Ирмос: Воду прошед яко сушу / и египетскаго зла избежав / израильтянин вопияше / Избавителю и Богу нашему поем.
Чашу новаго винограда рождше, напаяющую яве верныя во оставление согрешений, Тя Пречистая ведый, молю: испущением Божественныя воды напой сердце мое.
Алавастр мира да будет ми Чаша Твоя погребальная устраяя моим беззакониям да умертвивши страсти моя помазанием Твоим возвеличу Тя Едину мою Помощь.
Шествовати ми Дево неблазненною стезею помози, нози мои яко красны благовестников сотворяя и от греха прыгати яко от змия и прерадостно ко источником воды тещи животечныя.
Упой мя Дево твоею милостию, сладким нектаром Твоего милосердия; еже презрети ми мир; еже возгнушатися страстьми; и прием Чашу Твою опьяненным ми быти небесною любовию.
Песнь 3Ирмос: Утверждей словом Небеса / и землю основавый на водах многих, / утверди мя к пению славословия Твоего, Господи.
Даждь ми, Чистая, воду покаяния, остужающую пламень моих страстей, и наводняющую жизнь мою добродетельными деянии, изсушающую бездну моих грехов.
Евангельская лоза еси Дево, Грозд родшая зрел, умилением напаяющи мя ныне, отыми терние моих зол.
Воду оставлению источающи, течение моих прегорешений изсуши, подающи ми тучу слез, да Тя присно яко Богородицу пою.
Источает ныне Чаша Твоя умиления вино, и греховное изсушает пиянство, яко одушевлен виноград, Дево, прорастила еси нам, Христа Животодавца.
И поем стихи:Спаси мя, Дево, яко углебох в пиянстве зол моих и не имам от врага избыти, грехолюбив сый.
Призри милосердием, Всепетая Богородице, на мое лютое страстей возбешение и изцели души моея болезнь.
Спаси от бед рабы Твоя, Богородице, и потопления избави страстнаго, Тя воспевающих яко Чашу Спасения, напояющую нас присно ко оживлению.
Малая ектения, и седален, глас 2:Исхити мя Владычице / из руки змия человекоубийцы / борющаго мя страстию винопития и удовляюща мя до конца / сокруши челюсти сего молюся / и коварствия раззори / яко да избавлься сего яда / величаю силу Твою.
Песнь 4Ирмос: Из горы приосененныя, Слове, пророк, / единыя Богородицы / хотяще воплотитеся / Боговидно усмотри / и со страхом славословяще силу Твою.
Моих язв непрестанно струпи чешу, ко грехом прилагаю новыя беззакония и курением ядовреднаго змия, изсушаю весь мой ум, и аще не излиются на мя щедроты Твоя, то несть ми спасения.
Адова во мне стенет утроба, по мне клокочет вечнующий огнь и ныне зной мя пиянства изнуряет, несть ми ослабления, токмо Чаша Твоя, упоявающая мя яко Державна.
Речными устремленьми обвесели град души моей, устремляя мя ко потокам благочестия, и от пропасти преисподней изми душу мою, хлябями Твоих Богоматеринских прошенословий.
Иссопом милости Твоея ороси мя Дево, яко пустыню житие мое имею непроходну, но яко Силоам мню икону Твою, и яко источник Иаковль, Чашу, юже поток сладости испив, здрав буду.
Песнь 5Ирмос: Блаже, света и мира Подателю, / от тьмы мя и брани страстей избави, утренююща, Христе, / к Твоему хвалению.
Икона Твоя, Богородительница, яко кладезь неоскудных явися щедрот, яко родник изобильно точащий здравие, верою черпающим и с веселие пиющим.
Почерпните вси и насладитеся: се сточник благодати и неисчетных даров поток; се Неупиваемая верных Чаша спасения; отрезвляющая и омывающая от губительных пьянственных скверн.
Радость да кропит облацы; море и вси воды да взыграют волной; яко отирает Мати Божия слезы кающихся, и сердца напояет иссохшия медом благодати и млеком.
Испещрена Чаша Твоя златым Девице убранством, внутрь имуще Тело Божие и Сына Твоего Боготворящую Кровь, и напояет вся верныя потоком умилительным, и со страхом приступающих всынение богодетельно творит.
Песнь 6Ирмос: Молитву пролию ко Господу / и Тому возвещу печали моя, / яко зол душа моя исполнися / и живот мой аду приближися, / и молюся яко Иона: / от тли, Боже, возведи мя.
Излияшася на мя Чистая прегрешений воды до души моея, бездна же пиянства обыде мя последняя, но сего изми треволнения, подающи веры сладкое питие.
Матернее употребляющи дерзновение, свободи мя мучительства винных страстей яже влачат мя на дно адово, и угорения демонскаго избави Пречистая, остужением трезвительным Твоих молитв.
Углебох в тимении зол моих и великий кит, ищет пожрети мя, лютаго греха и страстей змеи ужаляют мя; но предвари и спаси кающагося раба Твоего Владычице.
Источает ныне Чаша Твоя оставления вино и греховное изсушает пиянство, и к покаянию направляет стези, токи подающе прерадостных слез, кающимся.
И поем стихи:Спаси Дево, яко углебох в пиянство зол моих и не имам от врага избыти, яко грехолюбив сый.
Призри благосердием Всепетая Богородице на лютое страстей возбешение и изсуши неудержимый пиянственных зол моих поток.
Кондак, глас 8:Живую воду породила еси, Чистая, / от ложесн девических / и оставление прегрешений источила еси миру, / изцелений источник отверзши верным, / сего ради зовем Ти: / Радуйся, Всезлатая Чаша нашего спасения, / сердца упоявающая сокрушенныя благодатию, / и уясняя чудесами великими и преславными / всех притекающих к цельбоносней иконе Твоей.
Песнь 7Ирмос: Подражатели триех Твоих, Господи,отроков сотвори ны / сопротивляющиеся греху / и огнь страстей попирающия, и поющия: / благословен еси, Боже отец наших.
Ядом соделася ми сладость вина, мяс и трапез пиршественых возгнушася душа моя окаянная, воду воздержания ми даждь Чистая, и греха измый скверну дождеструйной Твоей и молитвенной водой.
Демоном смех бых и игралище житие мое явися им и пиршество всескверное, в пиянстве углебох безумных дел и растерзатия имам быти от них, но спаси мя Дево, спаси кающагося.
Змий мя приползнув и пиянственною страстию окаянную душу мою яко ядом люте умори: но оживи сию сопротивными цельбами, Чистая, Твоими трезвенными и чистительными молитвами.
Мечем уязвленна мя страстей и лежаща уранена в гное пиянственных зол, не презри Пречистая, но изцели и возстави, копием и кровию распятаго Сына Твоего и Бога нашего.
Песнь 8Ирмос: Покрываяй водами превыспренняя Своя / полагаяй морю предел песок / и содержай вся / Тя поет солнце, Тя славит луна / Тебе приносит песнь вся тварь / яко Содетелю всех во веки.
Источает пучину чудес воистину Отроковице Чистая, Чаши Твоея благодать верным, и независтно от Твоея иконы происходит, яко от инаго Едема реки изцелений.
Яко одушевлен виноград, Дево, прорастила еси нам Грозд зрелый, источивший вино оставления, и греховное изсушивший пиянство, темже Тя молю: изсуши виноносных моих страстей мутныя реки.
Изцелевает душа моя, приближаясь иконе Твоей, просвещается ум пиянственных дум исполненный, и окаянное мое умиляется сердце зовя; Благословенна есть Чаша Твоя спасающая мя во вся веки.
Заповедей мысленный возложи ми венец, просвещающа очи моего сердца и убели добродетельми душу мою, овцой являя мя Твоего стада, да отстав пиянственных скверных дел, вслед Сына Твоего теку поя Его трезвенно во вся веки.
Песнь 9Ирмос: Ужасеся о сем Небо / и земли удивишася концы, / яко Бог явися человеком плотски / и Чрево Твое бысть пространнейшее Небес, / тем Тя, Богородицу / Ангелов и человек чиноначалия величают.
Божественная роса из Тебе прошедши истаявшия зноем пиянства орошает Пренепорочная. Темже Тя молю, истаявшую душу мою ороси, Тя Богородице величающа и иконе Твоей поклоняющеся.
Ликуй, соборе кающихся грешников, и молитвенницы сокрушения, во отраду пуститеся вси, се прииде к вам воистину новый Силоам, икона Богородицы, яже омывает вся скверны и точит цельбы Ю величающим.
Югом приде к Тебе Бог и лоно Твое девическое Чашу содела спасения, темже и от иконы Твоея источаеши пучину любве и притекающих к ней невещественными снабдеваеши зарями.
Южика Твоего Дево подвизаем с Тобою в молитву Предтечу Иоанна; кающихся бо есть великий ходатай и вождь. Темже мрачное полчище демонское прожените от нас, вас любовию от души величающих.