Иная служба преподобному Нилу Сорскому
К приближающейся памяти преподобного Нила Сорского (†1508), первоначальника в России скитского жития, выкладываю в «Уставные заметки» полиелейную службу ему, написанную «Кассией русского рассеяния» Валерией Константиновной Хеке (1904 - 1986). Служба публикуется по машинописи из архива Евгении Темидис (Синодальный хор РПЦЗ, Нью-Йорк, США). К сожалению, в машинописи не указаны гласы седальнов по кафисмам, полиелее и 3-й песни, а также стихир на хвалитех. В связи с невозможность восстановить эти пропуски текст публикуется «как есть». Служба одобрена к богослужебному употреблению Архиерейским Синодом Русской Православной Церкви Заграницей.
Служба преподобному Нилу Сорскому
Память святаго месяца маиа в 7-й день
На вечерни
На Господи воззвах: стихиры на 6, глас 2:Красуется и торжествует светло наша Русская земля, празднующе память чад своих, Царствие Небесное стяжавших и от Бога прославленных, смиренно чающе молитвами тех грехов разрешение получити и прочее время, якоже древле, божественною благодатию обогащатися.
Ангелы подражающе, прославим ныне Бога, о празднолюбцы, яко дарова земли Русской изрядна наставника и теплейша молитвенника, преподобнаго и богоноснаго отца нашего Нила. И той молит ныне Владыку от лютых обстояний избавити богоспасаемую страну нашу и спасти души верных чад ея.
Коварство сладости житейския познав преподобный, еще юн сый возрастом сию отрину и скорбь и тесноту Христову возлюби. Сего ради нетленныя радости ныне наслаждается неизреченно и от избытка своего изливает в сердца нас, любовию чтущих его.
О како воспоем подвиги твоя всеблажене Ниле, егда и ангельския силы дивляхуся, равноангельное твое житие, на земли являемое, зряще. Темже ти припадаем, смирено вопиюще: ходатаю теплейший, пастырю благий, за грешныя люди молися.
Всю надежду спасения своего в Бозе положив и путем заповедей Господних шествуя неуклонно, не посрамился еси от чаяния твоего; благодатию бо Своею Христос тя спасе и во Царствии Отца Своего прослави. Темже мы ныне на твоя молитвы уповаем, дивный сосуде благодати божественныя, Ниле пребогате.
От младенства даже до конца несумненную и действенную веру в Бога ти имевшу, живыя реки учений от чрева твоего истекоша, имиже напаяеми в познание истинныя жизни приходим.
Слава, глас тойже:Сбытие неложных Христовых обещаний преславно на тебе исполнися, богомудре отче Ниле: Сладчайшаго Иисуса паче всего возлюбившу тебе открыся любы Небеснаго Отца, и Того с Сыном и Божественным Духом, к тебе пришедшим, несказанно вместил еси в твою душу, храм одушевленный Святыя Троицы быв.
И ныне, Богородичен, глас 2: Прейде сень законная:
Стихиры на стиховне, глас 3:От юности закон Божий пламенно возлюбив и светлым заповедем Господним поработився, трудился еси много, на помощь божественную уповая. И совершенное всыновление Богу, яко богатую мзду трудов своих восприял еси, отче Ниле.
Стих: Блажен муж, бояйся Господа, в заповедех Его восхощет зело.
Юноши и старцы, убозии и богатии, князи и простии, изрядные же честнии монаси во всяком обстоянии и нужде, наставления ищущи, в пустыню Сорскую ко преподобному притекаху, и получивше просимое, отхождаху с миром. Любовию же отеческою преподобнаго согрети, радости и любве сердцем исполняхуся.
Стих: Честна пред Господем смерть преподобных Его.
Твое преставление от земли зряще, монахов множества, тобою пасомых, возрыдаша оставлении. Но печаль их в радость преложися, познаху бо, яко аще еси раздвоен, обаче духом совокупляешися ищущим твоея помощи. О сем радуются и доныне неискусныя души твоими писании, яко тобою самим, истинному житию наставляеми и, веселящися, славят Господа, тобою спасающаго души наша.
Слава, глас 1:Яко не имамы дерзновения за премногия грехи наша пети Святую Троицу, но ты, отче Ниле, великия ради твоея любве дерзновение к Той стяжавый, стани невидимо посреде нас, поющих тя, исполнив умиления ожестевшия наши души, научи радостно воззватти из глубины: Отче, Сыне и Душе Святый, Троице Святая и Нераздельная, приими наше ликующее исповедание.
И ныне, Богородичен, глас тойже:Господа и Спаса нашего славословяще, поем Тебе, Дево Всепетая: Тобою бо наше спасение содеяся.
Тропарь преподобнаго, глас 4:Мирскаго жития отвергся, и мятежа житейскаго бегая, преподобне и богоносне отче наш Ниле, не обленихся еси собрати цветы райския от писаний отеческих, и в пустыню вселився, процвел еси, яко крин сельный: отонуду же прешел еси в небесныя обители. Научи и нас, честно почитающих тя, твоим царским путем шествовати, и молися о душах наших.
Слава, и ныне, Богородичен, глас тойже: Еже от века утаенное:
На утрени
Седален по 1-м стихословии:Радость тленнную и сласти житейския, благодатию свыше озарен, еще в юности преподобный отверже, и мирския суеты убежав, в келлии сердца своего затворися. Бысть же сия ему место восхождения на небо, отонудуже тайны истинныя жизни уведев, елико сие возможно языком человеческим изрещи, в писаниих своих нам изглагола.
Слава, и ныне:Еже паче всякаго ума тайна неизреченная божественнаго воплощения совершися, да человек на небо возведется, и преподобный Нил се показует, во Царствии Небесном ныне пребывая; идеже, чаем, молится с Богородицею и всеми святыми о спасении душ наших.
Cедален по 2-м стихословии:Шуияго предстояния на Страшном Суде убоявся, всем сердцем доброму Пастырю последовал еси и, яко десным овцам сопричтешися, от Христа уверение получил еси.
Слава, и ныне:Надежда помилования моего в оный страшный час суда Господня Ты еси, Богородице Дево, от дел бо своих всяко осуждение прииму, упованием же на милосердие Сына Твоего и Твое предстательство, Преблагая, милость получити чаю.
Седален по полиелеи:Аще и воистинну ныне тяжкое время наста, егда оскуде преподобный, и муж творяй и учай исчезе, и монаси истиннаго наставника обрести не могут; сего же ради печалию исполняется сердце их, но празднующе память преподобнаго Нила, скорбь свою отлагают, познающе, яко той невидимо окормляет их и скорo на помощь притекает всем наставления от него просящим.
Слава, и ныне:Явитися восхотела еси, Владычице, изрядною Заступницею земли Русския, темже вси Тебе верно вопием: радуйся, Радосте наша, покрый нас от всякаго зла честным Твоим омофором.
Стихира по 50-м псалме, глас 8:Оставил еси бремя житейских попечений, иго Христово возлюбив, благодатию же Святаго Духа наставляем в познание Отеческия любве достигл еси.
Канон преподобному, глас 8, егоже краеграние кроме ирмосов:
Божию благодать стяжал еси, себе отвергая, рая ради, отче наш.
Песнь 1Ирмос: Преславный людем устроивый в мори путь, небесное нам шествие проходимо сотвори, да новую песнь поим Тебе, Господи.
Припев: Преподобне отче Ниле, моли Бога о нас.
Благодатию Христовою просветився, святе отче Ниле, и от юности всем сердцем Господеви работати вожделев, во обитель преподобнаго Кирилла устремился еси, вышних ища, горняя же мудрствуя и лесть мира сего любовию Христовою возненавидев.
Образ жития святых отец удобее познати ища, места подвигов сих посетил еси, богодухновенная же писания сих изучив, якo пчела упоенная, во обитель Белозерскую возвратился еси и токи учений твоих паче меда сладчайшия нам источил еси.
Житие отшельническое избрав, преподобне, из обители в пустыню Сорскую со двоенадесятицею сотаинников твоих преселился еси, царским путем образ сего жития именовав. Темже, основателю скитскаго жития в земли Русской, умоли Господа тму безбожия в той разсеяти и иноческими духоносными обительми, яко звездами облистатися.
Слава: Юже создал еси обитель, скудно и нищетно сия видом бысть, обилием же благодати Троица Пресвятая ю обогати. Но, яко имея дерзновение ко Триединому Богу, молися, отче Ниле, за страстьми и прегрешеньми одержимых и благодати спасительныя отпадающих.
И ныне: Бога прослави Мариам, проведшаго Израиля сквозь непроходную пучину, во образ несказаннаго Христова пришествия из нетленныя Девы; Твоя же душа, Преблагословенная Богородице, возвеличила есть Господа, уведевши, якo избра Тя еже Тобою спасти род человеческий.
Песнь 3Ирмос: Утверди мя, Господи, немощь мою ведый, и руку мне простри, яко всесилен.
Любвеобильную, многопопечительную Марфу во служении Христу подражаяя, преподобный Иосиф (Волоцкий) о имениих монастырских многое попечение имел есть. Ты же, святе отче Ниле, образ блаженныя Марии избрав и нестяжание совершенное возлюбив, всем тщанием единаго на потребу искал еси.
Аще и многи подвиги совершисте, не мните сими токмо Царствия Божия наследницы быти, братию поучая, глаголал еси, сам в подвизех различных подвизався, отче, но стяжите сие в сокрушении духа, выну сердцем вопиюще: Господи Иисусе, помилуй мя.
Губительнаго самоугождения всячески бегая, ниже мягкия одежды носилл еси, власяницею облекая смиренное телo твое; ныне же, яко богатою порфирою Церковь Русская облекается тобою, отче святый.
Слава: Душевредныя чести века сего выну бегая, заповедал еси по исходе души твоея в пустыню зверем повергнути телo твое, яко согрешившее и недостойное погребения. Но Троица Пресвятая прослави тя и яко образ истиннаго смирения всей Русской земли показа.
И ныне: Анна древняя безплодная, нося дух сокрушен и смиренным сердцем пред Господем ходя, безчадства разрешися. Ты же, Пресвятая Дево, непостижимаго ради смирения Твоего и паче всякаго ума чистоты Превечным Отцем Материю Превечнаго Слова уготовалася еси быти и превыше всех сил небесных на веки возвысилася еси.
Седален.Спасительная словеса Христова: «Иже хощет по Мне идти, да отвержется себе», якo огнь божественный бысть души твоей, приснопамятне отче, имиже яже по Бозе ревность твоя разжеся, духом бо горя, Христу последовал еси, всякое самовластное стремление потребляя. Ныне, дерзновение имея к Богу, молися, отче пребогате, о окаянной душе моей, страстьми многими и леностию одержимой.
Слава, и ныне:Сыну Твоему в самоотвержении следуя, земное поприще прешла еси и, ныне престолу Господа славы предстоя, за мя окаяннаго, в самоугождении пребывающа, молися, Владычице, на Тя бо по Бозе все упование мое возлагаю.
Песнь 4Ирмос: Услышах, Господи, смотрения Твоего таинство, разумех дела Твоя, и прославих Твое Божество.
Тщательным ума блюдением и сердечною непрестанною молитвою, якo оружием крепчайшим и непобедимым, сими против духов злобы поднебесным в невидимой брани ополчился еси; и всем, внутрь себе Царствие Божие обрести тщащимся, творити такожде заповедал еси.
Самопротивление и самоуничижение, якo два крила стяжал еси, преподобне, имиже к райским обителем возлетел еси.
Ты, отче Ниле, ревностию о доме Божием снедаемь, от града Господня сердца твоего всякую нечистоту отвращал еси, во утрия греховныя помыслы потребляя.
Яко хлебом духовным, писании блаженных отцев насыщаяся, досточудне отче, псу питающуся от крупиц, падающих с трапезы господий своих, уподоблял еси себе. Но Господь тя прослави и показа нам, якo великих наставников Антония и Макария не в земли Египетской, но в Русской просиявшаго.
Слава: Жилище благоприятное Живоначальныя Троицы явися душа твоя, постническими трудами приуготованная. Но никогдаже престал еси сокрушенно, якo мытарь, взывати: «Боже, милостив буди ми грешному», и ныне подвизаеши нас славити Бога, несказанною добротою смирения облиставшаго тя.
И ныне: Ангельских чинов всех честнейшая и всея твари высшая, Пречистая Богородице, Заступнице наша, молися ко Господу со преподобным Нилом спасти землю нашу, домом бо Своим благоволила еси нарещи ю.
Песнь 5Ирмос: Господи Боже наш, мир даждь нам, Господи Боже наш, стяжи ны, Господи, разве Тебе иного не вемы, имя Твое именуем.
Лукаваго врага приражении люте и много оскорбляем, благодатию Божиею искус побеждати сего приял еси и, о ближних попечение имея, злокозненный путь ясно нам описал еси, имже льстец сей ко страсти и падению влечет, малым помыслом неискусную душу пленяя.
Евангельскую узкую и неудобопроходную стезю избрав, Господеви же непрестанно душу свою предая, тою земное поприще прешел еси и широту заповедей Господних познал еси, ценнее злата и паче меда и сот сладчайшия сия явишася тебе.
Скорби и печали житейския печалию по Бозе прогоняти поучал еси, сам выну Господа вожделевая, паче еленя исходища воднаго жаждущаго.
Испытав, яко великою нуждею и многими скорбьми стяжавается в сем мире Царствие Божие, унывающих речами Премудраго укреплял еси глаголя: Приступаяй работати Господеви, да уготовит во искушение душу свою.
Слава: Спасительным путем Господним тещи унылыя души подвизая, о утешениих Святаго Духа пространно написал еси, иже Всеблагий Отец Сыном подаст немощным грешником, Господеви работати ищущим.
И ныне: Едина Пресвятая, Владычице, Пречистая Богородице, яко благая ходатаица, молися к Сыну Твоему, Иисусу Христу, Господу и Спасителю моему, да избавит мя от многих моих прегрешений.
Песнь 6Ирмос: Бездна грехов и прегрешений буря мя смущает, и во глубину нужднаго реет мя отчаяния; но Твою крепкую руку мне простри, якo Петрови, о Управителю!
Бдении, пощении и непрестанною молитвою самовластныя стремления в души твоей истребил еси, темже ветхаго человека отложив, в новаго о Христе облекся и, еще в смертном телеси пребывая, жизнь вечную наследовал еси.
Единаго непобедимаго и страшнаго имене Господня призыванием и памятию смертною вся вражия приражения и страсти различныя потреблятти, деющи учил еси, яко наставник добрый и пастырь о стаде словесных овец благопопечительный.
Одушевленный храм Духа Святагo явился еси преподобне, яко алтарь имея сердце твое, в немже непрестанныя молитвенныя жертвы в сокрушении духа Богу приносил еси.
Трудился еси много путем непорочным шествуя, подвиги своя презирающи, по слову же порфироноснаго пророка уповая: смирися бо, рече, и спасе мя Господь, и ты, всеблаженне, всем тщанием спасительнаго смирения искал еси.
Слава: Возрастил еси множества дивных добродетелей, землю сердца твоего слезами покаяния обильно удобрив, но всех краснейша бысть божественная добродетель смирения, яже тя всего благоуханием Святагo Духа исполни и благоприятным вместилищем невместимаго Трисиятельнаго Света тебе сотвори.
И ныне: Единая от всея твари, яже прежде Страшнаго Суда Господня во Царствии славы воскресение предвосхитившая и у Престола Сына Твоего во веки водворенная, якo изряднейшая ходатаица, молися, Богородице, о всех, иже от века даже до последних дний преставляющихся рабех и умилостиви всем нам в оный страшный час милостиваго и праведнейшаго Судию.
Кондак, глас 8:Терпя, потерпел еси суетныя обычаи и мирския нравы братий твоих, обрел еси пустынное безмолвие, преподобне отче, идеже постом, бдением и непрестанною молитвою в трудах подвизався, ученьми твоими правыя стези указал еси нам шествовати ко Господу. Темже и почитаем тя, всеблаженне Ниле.
Икос:Благое произволение твое видя Владыка, божественную совершительную благодать тебе низпосла, еюже ветхаго человека совлекся, благоприятною обителию непостижимыя Пресвятыя Троицы соделался еси и яко добрый наставник монахов и образ истиннаго жития и молитвенник теплейший всей земли Русской показался еси. Темже и почитаем тя, всеблаженне Ниле.
Песнь 7Ирмос: Подражатели триех Твоих, Господи, отроков сотвори ны, сопротивляющияся греху и страстей попирающия и поющщия: благословен еси, Боже, отец наших.
Радости и мира, яже о Дусе Святе и тишины благодатныя исполнено бысть сердце твое. Темже молися, отче Ниле, ум мой, помыслы неподобными разсееваемый, и бурею страстей смущаемое сердце мое благодатию Христовою просветити и во едино сия два сочетати, да всею душею воззову: благословен еси, Боже отец наших.
Господним заповедем отроцы еврейстии прилежащи зело, пламень пещный попраша; но ты, святе оттче, сим прилежа, пламень страстей угасил еси и ныне в небесных обителех водворяяяся, ликуеши, вопия: благословен еси, Господи Боже отец наших.
Ангельским ликом, выну славящим Господа, еще по земли жительствуя, совокупился еси, непрестанную молитву имея в чистом сердце твоем. Аз же окаянный и малое время трезвенным сердцем молитися не могу. Помози моему неможению, отче святый.
Слава: Радость велию возсиял еси Церкви Русской, Всеблагий Боже, даровав ей добраго наставника, великаго Нила, да тем наставляеми, любовию яже к Тебе уязвимся и возревнуим о вечной жизни.
И ныне: Ангельских всех чинов превышшая, Госпоже Преблагая, Богородице Дево, несказанно вместившая Господа, везде кроме сердца моего сущаго. Но якo имущая матернее дерзновение ко Христу Богу, Того моли посетити обнищавшую мою душу.
Песнь 8Ирмос: Благословит Тя вся тварь, Господи, славословиша Тя небесныя силы со отроки, и мы воспеваем и превозносим во вся веки.
Яко светило пресветлое, светом отеческих учений озаряюще концы, явился еси, святе отче Ниле, темже и прославляем тя; изрядшее же хвалятся тобою множества иноков, обретших тя, якo образ истиннаго монашескаго жития, и наставляемии тобою вопиют: благословите вся дела Господня Господа.
Работая усердно от перваго часа в винограднике Христовом, ныне со благоразумным разбойником купно блаженства наслаждаешися и ликуеши, вопия: благословите вся дела Господня Всеблагагo Господа, Иже всем хощет спастися.
Аще и человеком подобострастную плоть от рождения твоего восприял еси, но любовию божественною распаляем, всякое плотское мудрование умертвил еси, яко ангел на земли жительствуя, по кончине же со безплотными силами совокупився, зовеши, ликуя: благословите вся дела Господня Господа.
Девам мудрым уподобляся, девством просиял еси, но большее соблюдая, меньшаго не презрел еси: подавая бо милостыню обильную, якo елей чистый всегда ю с собой имел еси, да не с юродивыми вне чертога извержен будеши.
Слава: Изрядная похвала Церкве Российския показался еси, всеблаженне отче, тобою бо Пресвятая Троица излия ей обильно милость Свою. Темже и ныне чаем твоими молитвами получити божественную благодать во спасение душ наших.
И ныне: Огнем непалимую купину Моисей видев, чудяшеся, мы же, Преблагословенная Дево, сбытие древняго прообразования явственно зряще, Тя величаем, Огнь бо божественный нашего ради спасения вместила еси неопально.
Песнь 9Ирмос: Воистинну Богородицу Тя исповедуем, спасеннии Тобою, Дево чистая, с безплотными лики Тя величающе.
Тебе Единаго насыщающаго душу, Сладчайшаго Господа Иисуса, Тишину паче ума всяккаго, монахов Радость истинную, преподобный Нил всем сердцем выну искати, деющи, учил есть. Но мы, немощни суще, того якo ходатая предлагающе, молимся: не забуди нас, Тебе, Господи, забывающих.
Честнейший отче, ангелов собеседниче, звездо пресветлая, к Солнцу Правды путеводящая, настави на путь истинный мене заблудшаго.
Еже паче всякаго смысла человеческаго житие твое видяще, богоносне отче, недоумеваем кими имены достойно тебе венчати возможем, зрим бо тя истинным чадом страшнаго и благаго Живаго Бога.
Наставник истинный монахов показался еси, ангельским житием в земли русской просияв и яко пастырь добрый окормляя словесное стадo твое; но ныне отче наш Ниле, в чертозех Небеснаго Царя жительсвуя, не престай пещися о чадех Церкве Русския и о множестве иноков, якo овец, пастыря не имущих, по лицу всея земли разсеянных.
Слава: Ангеле земный, небесный человече, авво Ниле, пустыни Сорския предивное процветение и всея Русския земли преславное украшение, не может язык изрещи дивную доброту твою и мою крайнюю нищету. Но яко сострадателен, молися, благосерде, ко Пресвятей Троице, да имиже весть судьбами, спасет мене окаяннаго.
И ныне: Ширши небес явльшеся, Преблагословенная, Невместимаго Бога вместивши, Богородице Дево, покрый страну нашу честным Твоим омофором и со всеми святыми земли Русския и преподобным Нилом молися, Владычице, да спасет Господь русския люди и соберет от язык, исповедатися имени Его святому и хвалитися во хвале Его.
Светилен.Аще и темным именовался еси, но чистым житием твоим, яко светильник дивный, от Превечнаго Самосиятельнаго Света возженный, соделался еси и по блаженном преставлении в небесных светлых обителех светло ликуеши и светом учений твоих нас, сущих на земли просвещаяя, к Невечернему Свету наставляеши.
Слава, и ныне:Владычице Пресвятая, Чертоже пресветлый, Свет истинный просвещающий и освящающий, несказанно вместивший, молися Сыну Твоему за страстьми омраченныя люди, да Своею благодатию Той ны светлыя храмы Святаго Духа соделает.
На хвалитех стихиры на 4:Вольное распятие Претерпевшему, плоть свою со страстьми и похотьми распял еси и, ветхаго человека совлекся, во обновлении духа до конца послужил еси, Воскресение Христово исповедуя. Темже Вознесыйся на небо и со Отцем соседяй, причастника славы Своея тебе содела.
Образ преподобнейший своего Владыки ты был еси, святе Ниле, темже изнемогает ум благохвалити тя по достоянию. От избытка же сердца уста вопиют: дивен Бог наш, являяй благодать Свою в преподобных Своих.
Не дал еси сна очима твоима, ни веждома дремания, сердце свое в селение Вышнему уготовляя, и благодатию божественною сие очистив, в нем Бога сущаго узрел еси.
Истинныя лозы грозд добрый был еси, святе отче Ниле, и плоды обильныя принесл еси, имиже питаеми путь истинныя жизни обретаем.
Слава, глас 4:Лишений, скорбей и трудов твоих множества кто повесть? Но и кто изрещи возможет вкушаемое тобою ныне блаженство? Воистину преславно еже о тебе бысть божественное промышление. Тем же радующеся, дерзновенно поем Святую Троицу, ведуще, яко ты предстательствуеши ныне о душах наших.
И ныне, Богородичен, глас тойже.
Конец и Богу нашему слава.
Служба преподобному Нилу Сорскому
Память святаго месяца маиа в 7-й день
На вечерни
На Господи воззвах: стихиры на 6, глас 2:Красуется и торжествует светло наша Русская земля, празднующе память чад своих, Царствие Небесное стяжавших и от Бога прославленных, смиренно чающе молитвами тех грехов разрешение получити и прочее время, якоже древле, божественною благодатию обогащатися.
Ангелы подражающе, прославим ныне Бога, о празднолюбцы, яко дарова земли Русской изрядна наставника и теплейша молитвенника, преподобнаго и богоноснаго отца нашего Нила. И той молит ныне Владыку от лютых обстояний избавити богоспасаемую страну нашу и спасти души верных чад ея.
Коварство сладости житейския познав преподобный, еще юн сый возрастом сию отрину и скорбь и тесноту Христову возлюби. Сего ради нетленныя радости ныне наслаждается неизреченно и от избытка своего изливает в сердца нас, любовию чтущих его.
О како воспоем подвиги твоя всеблажене Ниле, егда и ангельския силы дивляхуся, равноангельное твое житие, на земли являемое, зряще. Темже ти припадаем, смирено вопиюще: ходатаю теплейший, пастырю благий, за грешныя люди молися.
Всю надежду спасения своего в Бозе положив и путем заповедей Господних шествуя неуклонно, не посрамился еси от чаяния твоего; благодатию бо Своею Христос тя спасе и во Царствии Отца Своего прослави. Темже мы ныне на твоя молитвы уповаем, дивный сосуде благодати божественныя, Ниле пребогате.
От младенства даже до конца несумненную и действенную веру в Бога ти имевшу, живыя реки учений от чрева твоего истекоша, имиже напаяеми в познание истинныя жизни приходим.
Слава, глас тойже:Сбытие неложных Христовых обещаний преславно на тебе исполнися, богомудре отче Ниле: Сладчайшаго Иисуса паче всего возлюбившу тебе открыся любы Небеснаго Отца, и Того с Сыном и Божественным Духом, к тебе пришедшим, несказанно вместил еси в твою душу, храм одушевленный Святыя Троицы быв.
И ныне, Богородичен, глас 2: Прейде сень законная:
Стихиры на стиховне, глас 3:От юности закон Божий пламенно возлюбив и светлым заповедем Господним поработився, трудился еси много, на помощь божественную уповая. И совершенное всыновление Богу, яко богатую мзду трудов своих восприял еси, отче Ниле.
Стих: Блажен муж, бояйся Господа, в заповедех Его восхощет зело.
Юноши и старцы, убозии и богатии, князи и простии, изрядные же честнии монаси во всяком обстоянии и нужде, наставления ищущи, в пустыню Сорскую ко преподобному притекаху, и получивше просимое, отхождаху с миром. Любовию же отеческою преподобнаго согрети, радости и любве сердцем исполняхуся.
Стих: Честна пред Господем смерть преподобных Его.
Твое преставление от земли зряще, монахов множества, тобою пасомых, возрыдаша оставлении. Но печаль их в радость преложися, познаху бо, яко аще еси раздвоен, обаче духом совокупляешися ищущим твоея помощи. О сем радуются и доныне неискусныя души твоими писании, яко тобою самим, истинному житию наставляеми и, веселящися, славят Господа, тобою спасающаго души наша.
Слава, глас 1:Яко не имамы дерзновения за премногия грехи наша пети Святую Троицу, но ты, отче Ниле, великия ради твоея любве дерзновение к Той стяжавый, стани невидимо посреде нас, поющих тя, исполнив умиления ожестевшия наши души, научи радостно воззватти из глубины: Отче, Сыне и Душе Святый, Троице Святая и Нераздельная, приими наше ликующее исповедание.
И ныне, Богородичен, глас тойже:Господа и Спаса нашего славословяще, поем Тебе, Дево Всепетая: Тобою бо наше спасение содеяся.
Тропарь преподобнаго, глас 4:Мирскаго жития отвергся, и мятежа житейскаго бегая, преподобне и богоносне отче наш Ниле, не обленихся еси собрати цветы райския от писаний отеческих, и в пустыню вселився, процвел еси, яко крин сельный: отонуду же прешел еси в небесныя обители. Научи и нас, честно почитающих тя, твоим царским путем шествовати, и молися о душах наших.
Слава, и ныне, Богородичен, глас тойже: Еже от века утаенное:
На утрени
Седален по 1-м стихословии:Радость тленнную и сласти житейския, благодатию свыше озарен, еще в юности преподобный отверже, и мирския суеты убежав, в келлии сердца своего затворися. Бысть же сия ему место восхождения на небо, отонудуже тайны истинныя жизни уведев, елико сие возможно языком человеческим изрещи, в писаниих своих нам изглагола.
Слава, и ныне:Еже паче всякаго ума тайна неизреченная божественнаго воплощения совершися, да человек на небо возведется, и преподобный Нил се показует, во Царствии Небесном ныне пребывая; идеже, чаем, молится с Богородицею и всеми святыми о спасении душ наших.
Cедален по 2-м стихословии:Шуияго предстояния на Страшном Суде убоявся, всем сердцем доброму Пастырю последовал еси и, яко десным овцам сопричтешися, от Христа уверение получил еси.
Слава, и ныне:Надежда помилования моего в оный страшный час суда Господня Ты еси, Богородице Дево, от дел бо своих всяко осуждение прииму, упованием же на милосердие Сына Твоего и Твое предстательство, Преблагая, милость получити чаю.
Седален по полиелеи:Аще и воистинну ныне тяжкое время наста, егда оскуде преподобный, и муж творяй и учай исчезе, и монаси истиннаго наставника обрести не могут; сего же ради печалию исполняется сердце их, но празднующе память преподобнаго Нила, скорбь свою отлагают, познающе, яко той невидимо окормляет их и скорo на помощь притекает всем наставления от него просящим.
Слава, и ныне:Явитися восхотела еси, Владычице, изрядною Заступницею земли Русския, темже вси Тебе верно вопием: радуйся, Радосте наша, покрый нас от всякаго зла честным Твоим омофором.
Стихира по 50-м псалме, глас 8:Оставил еси бремя житейских попечений, иго Христово возлюбив, благодатию же Святаго Духа наставляем в познание Отеческия любве достигл еси.
Канон преподобному, глас 8, егоже краеграние кроме ирмосов:
Божию благодать стяжал еси, себе отвергая, рая ради, отче наш.
Песнь 1Ирмос: Преславный людем устроивый в мори путь, небесное нам шествие проходимо сотвори, да новую песнь поим Тебе, Господи.
Припев: Преподобне отче Ниле, моли Бога о нас.
Благодатию Христовою просветився, святе отче Ниле, и от юности всем сердцем Господеви работати вожделев, во обитель преподобнаго Кирилла устремился еси, вышних ища, горняя же мудрствуя и лесть мира сего любовию Христовою возненавидев.
Образ жития святых отец удобее познати ища, места подвигов сих посетил еси, богодухновенная же писания сих изучив, якo пчела упоенная, во обитель Белозерскую возвратился еси и токи учений твоих паче меда сладчайшия нам источил еси.
Житие отшельническое избрав, преподобне, из обители в пустыню Сорскую со двоенадесятицею сотаинников твоих преселился еси, царским путем образ сего жития именовав. Темже, основателю скитскаго жития в земли Русской, умоли Господа тму безбожия в той разсеяти и иноческими духоносными обительми, яко звездами облистатися.
Слава: Юже создал еси обитель, скудно и нищетно сия видом бысть, обилием же благодати Троица Пресвятая ю обогати. Но, яко имея дерзновение ко Триединому Богу, молися, отче Ниле, за страстьми и прегрешеньми одержимых и благодати спасительныя отпадающих.
И ныне: Бога прослави Мариам, проведшаго Израиля сквозь непроходную пучину, во образ несказаннаго Христова пришествия из нетленныя Девы; Твоя же душа, Преблагословенная Богородице, возвеличила есть Господа, уведевши, якo избра Тя еже Тобою спасти род человеческий.
Песнь 3Ирмос: Утверди мя, Господи, немощь мою ведый, и руку мне простри, яко всесилен.
Любвеобильную, многопопечительную Марфу во служении Христу подражаяя, преподобный Иосиф (Волоцкий) о имениих монастырских многое попечение имел есть. Ты же, святе отче Ниле, образ блаженныя Марии избрав и нестяжание совершенное возлюбив, всем тщанием единаго на потребу искал еси.
Аще и многи подвиги совершисте, не мните сими токмо Царствия Божия наследницы быти, братию поучая, глаголал еси, сам в подвизех различных подвизався, отче, но стяжите сие в сокрушении духа, выну сердцем вопиюще: Господи Иисусе, помилуй мя.
Губительнаго самоугождения всячески бегая, ниже мягкия одежды носилл еси, власяницею облекая смиренное телo твое; ныне же, яко богатою порфирою Церковь Русская облекается тобою, отче святый.
Слава: Душевредныя чести века сего выну бегая, заповедал еси по исходе души твоея в пустыню зверем повергнути телo твое, яко согрешившее и недостойное погребения. Но Троица Пресвятая прослави тя и яко образ истиннаго смирения всей Русской земли показа.
И ныне: Анна древняя безплодная, нося дух сокрушен и смиренным сердцем пред Господем ходя, безчадства разрешися. Ты же, Пресвятая Дево, непостижимаго ради смирения Твоего и паче всякаго ума чистоты Превечным Отцем Материю Превечнаго Слова уготовалася еси быти и превыше всех сил небесных на веки возвысилася еси.
Седален.Спасительная словеса Христова: «Иже хощет по Мне идти, да отвержется себе», якo огнь божественный бысть души твоей, приснопамятне отче, имиже яже по Бозе ревность твоя разжеся, духом бо горя, Христу последовал еси, всякое самовластное стремление потребляя. Ныне, дерзновение имея к Богу, молися, отче пребогате, о окаянной душе моей, страстьми многими и леностию одержимой.
Слава, и ныне:Сыну Твоему в самоотвержении следуя, земное поприще прешла еси и, ныне престолу Господа славы предстоя, за мя окаяннаго, в самоугождении пребывающа, молися, Владычице, на Тя бо по Бозе все упование мое возлагаю.
Песнь 4Ирмос: Услышах, Господи, смотрения Твоего таинство, разумех дела Твоя, и прославих Твое Божество.
Тщательным ума блюдением и сердечною непрестанною молитвою, якo оружием крепчайшим и непобедимым, сими против духов злобы поднебесным в невидимой брани ополчился еси; и всем, внутрь себе Царствие Божие обрести тщащимся, творити такожде заповедал еси.
Самопротивление и самоуничижение, якo два крила стяжал еси, преподобне, имиже к райским обителем возлетел еси.
Ты, отче Ниле, ревностию о доме Божием снедаемь, от града Господня сердца твоего всякую нечистоту отвращал еси, во утрия греховныя помыслы потребляя.
Яко хлебом духовным, писании блаженных отцев насыщаяся, досточудне отче, псу питающуся от крупиц, падающих с трапезы господий своих, уподоблял еси себе. Но Господь тя прослави и показа нам, якo великих наставников Антония и Макария не в земли Египетской, но в Русской просиявшаго.
Слава: Жилище благоприятное Живоначальныя Троицы явися душа твоя, постническими трудами приуготованная. Но никогдаже престал еси сокрушенно, якo мытарь, взывати: «Боже, милостив буди ми грешному», и ныне подвизаеши нас славити Бога, несказанною добротою смирения облиставшаго тя.
И ныне: Ангельских чинов всех честнейшая и всея твари высшая, Пречистая Богородице, Заступнице наша, молися ко Господу со преподобным Нилом спасти землю нашу, домом бо Своим благоволила еси нарещи ю.
Песнь 5Ирмос: Господи Боже наш, мир даждь нам, Господи Боже наш, стяжи ны, Господи, разве Тебе иного не вемы, имя Твое именуем.
Лукаваго врага приражении люте и много оскорбляем, благодатию Божиею искус побеждати сего приял еси и, о ближних попечение имея, злокозненный путь ясно нам описал еси, имже льстец сей ко страсти и падению влечет, малым помыслом неискусную душу пленяя.
Евангельскую узкую и неудобопроходную стезю избрав, Господеви же непрестанно душу свою предая, тою земное поприще прешел еси и широту заповедей Господних познал еси, ценнее злата и паче меда и сот сладчайшия сия явишася тебе.
Скорби и печали житейския печалию по Бозе прогоняти поучал еси, сам выну Господа вожделевая, паче еленя исходища воднаго жаждущаго.
Испытав, яко великою нуждею и многими скорбьми стяжавается в сем мире Царствие Божие, унывающих речами Премудраго укреплял еси глаголя: Приступаяй работати Господеви, да уготовит во искушение душу свою.
Слава: Спасительным путем Господним тещи унылыя души подвизая, о утешениих Святаго Духа пространно написал еси, иже Всеблагий Отец Сыном подаст немощным грешником, Господеви работати ищущим.
И ныне: Едина Пресвятая, Владычице, Пречистая Богородице, яко благая ходатаица, молися к Сыну Твоему, Иисусу Христу, Господу и Спасителю моему, да избавит мя от многих моих прегрешений.
Песнь 6Ирмос: Бездна грехов и прегрешений буря мя смущает, и во глубину нужднаго реет мя отчаяния; но Твою крепкую руку мне простри, якo Петрови, о Управителю!
Бдении, пощении и непрестанною молитвою самовластныя стремления в души твоей истребил еси, темже ветхаго человека отложив, в новаго о Христе облекся и, еще в смертном телеси пребывая, жизнь вечную наследовал еси.
Единаго непобедимаго и страшнаго имене Господня призыванием и памятию смертною вся вражия приражения и страсти различныя потреблятти, деющи учил еси, яко наставник добрый и пастырь о стаде словесных овец благопопечительный.
Одушевленный храм Духа Святагo явился еси преподобне, яко алтарь имея сердце твое, в немже непрестанныя молитвенныя жертвы в сокрушении духа Богу приносил еси.
Трудился еси много путем непорочным шествуя, подвиги своя презирающи, по слову же порфироноснаго пророка уповая: смирися бо, рече, и спасе мя Господь, и ты, всеблаженне, всем тщанием спасительнаго смирения искал еси.
Слава: Возрастил еси множества дивных добродетелей, землю сердца твоего слезами покаяния обильно удобрив, но всех краснейша бысть божественная добродетель смирения, яже тя всего благоуханием Святагo Духа исполни и благоприятным вместилищем невместимаго Трисиятельнаго Света тебе сотвори.
И ныне: Единая от всея твари, яже прежде Страшнаго Суда Господня во Царствии славы воскресение предвосхитившая и у Престола Сына Твоего во веки водворенная, якo изряднейшая ходатаица, молися, Богородице, о всех, иже от века даже до последних дний преставляющихся рабех и умилостиви всем нам в оный страшный час милостиваго и праведнейшаго Судию.
Кондак, глас 8:Терпя, потерпел еси суетныя обычаи и мирския нравы братий твоих, обрел еси пустынное безмолвие, преподобне отче, идеже постом, бдением и непрестанною молитвою в трудах подвизався, ученьми твоими правыя стези указал еси нам шествовати ко Господу. Темже и почитаем тя, всеблаженне Ниле.
Икос:Благое произволение твое видя Владыка, божественную совершительную благодать тебе низпосла, еюже ветхаго человека совлекся, благоприятною обителию непостижимыя Пресвятыя Троицы соделался еси и яко добрый наставник монахов и образ истиннаго жития и молитвенник теплейший всей земли Русской показался еси. Темже и почитаем тя, всеблаженне Ниле.
Песнь 7Ирмос: Подражатели триех Твоих, Господи, отроков сотвори ны, сопротивляющияся греху и страстей попирающия и поющщия: благословен еси, Боже, отец наших.
Радости и мира, яже о Дусе Святе и тишины благодатныя исполнено бысть сердце твое. Темже молися, отче Ниле, ум мой, помыслы неподобными разсееваемый, и бурею страстей смущаемое сердце мое благодатию Христовою просветити и во едино сия два сочетати, да всею душею воззову: благословен еси, Боже отец наших.
Господним заповедем отроцы еврейстии прилежащи зело, пламень пещный попраша; но ты, святе оттче, сим прилежа, пламень страстей угасил еси и ныне в небесных обителех водворяяяся, ликуеши, вопия: благословен еси, Господи Боже отец наших.
Ангельским ликом, выну славящим Господа, еще по земли жительствуя, совокупился еси, непрестанную молитву имея в чистом сердце твоем. Аз же окаянный и малое время трезвенным сердцем молитися не могу. Помози моему неможению, отче святый.
Слава: Радость велию возсиял еси Церкви Русской, Всеблагий Боже, даровав ей добраго наставника, великаго Нила, да тем наставляеми, любовию яже к Тебе уязвимся и возревнуим о вечной жизни.
И ныне: Ангельских всех чинов превышшая, Госпоже Преблагая, Богородице Дево, несказанно вместившая Господа, везде кроме сердца моего сущаго. Но якo имущая матернее дерзновение ко Христу Богу, Того моли посетити обнищавшую мою душу.
Песнь 8Ирмос: Благословит Тя вся тварь, Господи, славословиша Тя небесныя силы со отроки, и мы воспеваем и превозносим во вся веки.
Яко светило пресветлое, светом отеческих учений озаряюще концы, явился еси, святе отче Ниле, темже и прославляем тя; изрядшее же хвалятся тобою множества иноков, обретших тя, якo образ истиннаго монашескаго жития, и наставляемии тобою вопиют: благословите вся дела Господня Господа.
Работая усердно от перваго часа в винограднике Христовом, ныне со благоразумным разбойником купно блаженства наслаждаешися и ликуеши, вопия: благословите вся дела Господня Всеблагагo Господа, Иже всем хощет спастися.
Аще и человеком подобострастную плоть от рождения твоего восприял еси, но любовию божественною распаляем, всякое плотское мудрование умертвил еси, яко ангел на земли жительствуя, по кончине же со безплотными силами совокупився, зовеши, ликуя: благословите вся дела Господня Господа.
Девам мудрым уподобляся, девством просиял еси, но большее соблюдая, меньшаго не презрел еси: подавая бо милостыню обильную, якo елей чистый всегда ю с собой имел еси, да не с юродивыми вне чертога извержен будеши.
Слава: Изрядная похвала Церкве Российския показался еси, всеблаженне отче, тобою бо Пресвятая Троица излия ей обильно милость Свою. Темже и ныне чаем твоими молитвами получити божественную благодать во спасение душ наших.
И ныне: Огнем непалимую купину Моисей видев, чудяшеся, мы же, Преблагословенная Дево, сбытие древняго прообразования явственно зряще, Тя величаем, Огнь бо божественный нашего ради спасения вместила еси неопально.
Песнь 9Ирмос: Воистинну Богородицу Тя исповедуем, спасеннии Тобою, Дево чистая, с безплотными лики Тя величающе.
Тебе Единаго насыщающаго душу, Сладчайшаго Господа Иисуса, Тишину паче ума всяккаго, монахов Радость истинную, преподобный Нил всем сердцем выну искати, деющи, учил есть. Но мы, немощни суще, того якo ходатая предлагающе, молимся: не забуди нас, Тебе, Господи, забывающих.
Честнейший отче, ангелов собеседниче, звездо пресветлая, к Солнцу Правды путеводящая, настави на путь истинный мене заблудшаго.
Еже паче всякаго смысла человеческаго житие твое видяще, богоносне отче, недоумеваем кими имены достойно тебе венчати возможем, зрим бо тя истинным чадом страшнаго и благаго Живаго Бога.
Наставник истинный монахов показался еси, ангельским житием в земли русской просияв и яко пастырь добрый окормляя словесное стадo твое; но ныне отче наш Ниле, в чертозех Небеснаго Царя жительсвуя, не престай пещися о чадех Церкве Русския и о множестве иноков, якo овец, пастыря не имущих, по лицу всея земли разсеянных.
Слава: Ангеле земный, небесный человече, авво Ниле, пустыни Сорския предивное процветение и всея Русския земли преславное украшение, не может язык изрещи дивную доброту твою и мою крайнюю нищету. Но яко сострадателен, молися, благосерде, ко Пресвятей Троице, да имиже весть судьбами, спасет мене окаяннаго.
И ныне: Ширши небес явльшеся, Преблагословенная, Невместимаго Бога вместивши, Богородице Дево, покрый страну нашу честным Твоим омофором и со всеми святыми земли Русския и преподобным Нилом молися, Владычице, да спасет Господь русския люди и соберет от язык, исповедатися имени Его святому и хвалитися во хвале Его.
Светилен.Аще и темным именовался еси, но чистым житием твоим, яко светильник дивный, от Превечнаго Самосиятельнаго Света возженный, соделался еси и по блаженном преставлении в небесных светлых обителех светло ликуеши и светом учений твоих нас, сущих на земли просвещаяя, к Невечернему Свету наставляеши.
Слава, и ныне:Владычице Пресвятая, Чертоже пресветлый, Свет истинный просвещающий и освящающий, несказанно вместивший, молися Сыну Твоему за страстьми омраченныя люди, да Своею благодатию Той ны светлыя храмы Святаго Духа соделает.
На хвалитех стихиры на 4:Вольное распятие Претерпевшему, плоть свою со страстьми и похотьми распял еси и, ветхаго человека совлекся, во обновлении духа до конца послужил еси, Воскресение Христово исповедуя. Темже Вознесыйся на небо и со Отцем соседяй, причастника славы Своея тебе содела.
Образ преподобнейший своего Владыки ты был еси, святе Ниле, темже изнемогает ум благохвалити тя по достоянию. От избытка же сердца уста вопиют: дивен Бог наш, являяй благодать Свою в преподобных Своих.
Не дал еси сна очима твоима, ни веждома дремания, сердце свое в селение Вышнему уготовляя, и благодатию божественною сие очистив, в нем Бога сущаго узрел еси.
Истинныя лозы грозд добрый был еси, святе отче Ниле, и плоды обильныя принесл еси, имиже питаеми путь истинныя жизни обретаем.
Слава, глас 4:Лишений, скорбей и трудов твоих множества кто повесть? Но и кто изрещи возможет вкушаемое тобою ныне блаженство? Воистину преславно еже о тебе бысть божественное промышление. Тем же радующеся, дерзновенно поем Святую Троицу, ведуще, яко ты предстательствуеши ныне о душах наших.
И ныне, Богородичен, глас тойже.
Конец и Богу нашему слава.