Иная служба преподобномученику Николаю Вуненскому
К приближающейся памяти преподобномученика Николая Нового (VIII) выкладываю в «Уставные заметки» полиелейную службу святому, составленную в 2017 году клириком Украинской Православной Церкви протоиереем Илией Тетерько (Одесса). Текст публикуется по авторской машинописи, цензурными инстанциями текст пока не рассматривался.
СЛУЖБА
святому мученику Николаю Новому,
в Вуненах подвизавшемуся
НА ВЕЛИЦЕЙ ВЕЧЕРНИ
На Господи, воззвах: стихиры, глас 1:Земное воинство оставил еси / и Небесному Царю потщался еси угодити, / верою бо в Него вооружився, / силою честнаго Спасова Креста / воин крепок, Николае, обрелся еси. / Таже муки тяжкия и смерть за Христа приял еси / и ныне с воинствы Ангельскими ликуеши // и посещаеши чудесы любовию тя славящия.
Кровию каплей терпеливаго твоего страдания / Владыце Христу предстал еси жертва благовонна, / чисто заколение, благоприятен дар, / священное приношение и посвящение непорочно. / Темже молитвами твоими, святе Николае, / церковное исполнение в мире соблюди, // и подаждь нам мир и велию милость.
Благодушно Николай страдания сконча и подвиги, / и побеждая неверныя болезней нестерпением, / темже по кончине ублажается. / Того молитвами, Господи, // всем подаждь велию милость.
Велие Божие дарование тебе, мучениче Николае, / всю бо крепость мучителей победил еси, / и приял еси нетленный венец от руки Вседержителя, / на земли сияеши славою церковною, / на Небеси предстоиши Царю и Владыце / и молиши Его всем нам даровати // мир и велию милость.
Слава, глас 8:Приидите, благовернии людие, / восхвалим Николая славного мученика, / иже пострада Христа ради / и живот свой за Него положи, / и ныне пребывает у Него в Горних селениих, / и праведною своею душею, яко солнце, сияет, / на земли же чудесы своими, аки лучами света всех озаряет: / честныя бо его мощи, / подают всем, с верою притекающим, благодать и исцеление. / Темже молим его испросити нам у Христа Бога // спасение и велию милость.
И ныне, догматик, глас тойже: Царь Небесный:
На стиховне стихиры, глас 4:Острием меча усечеся / Божественная глава твоя, доблий мучениче Николае, / и подобие крове доныне источают древеса / на месте честнаго страдания твоего, / чрез оную подаеши верным изобильно исцеления, // память подвигов твоих верно чтущим.
Стих: Праведник, яко финикс, процветет, / яко кедр, иже в Ливане, умножится.
Светлый и всепразднственный твой день, мучениче Николае, / созывает нас духовно праздновати, / и честныя мощи твоя усердно почитати, / и славити единаго Бога в Троице, // дивнаго во святых Своих.
Стих: Возвеселится праведник о Господе / и уповает на Него.
Сокрушаему твоему телесе, / радовался еси, мучениче славне Николае, / страданьми бо попрал еси главу вражию, / и сокрушил еси нечестивых шатания, / и шествовал еси крепко стезею Небесною, // Христу победоносец явився, всехвальне.
Слава, глас тойже:О творящих твою память верно, / и многия подвиги честнаго твоего мучения поющих / не престай моля присно Всеблагаго Бога / сохранити от болезней и скорбей, / от всякаго душепагубнаго искушения, // Николае мучениче славне.
И ныне, Богородичен, глас тойже: Призри на моления:
Тропарь, глас 4:Земных благ наслаждение презревши, / пустынное житие изволил еси, Николае блаженне, / отонудуже сподобился еси Небеснаго Царствия, / с лики мучеников и постников веселяся. / Темже, чтуще память твою, вопием тебе: / моли Христа Бога // ущедрити и спасти души наша.
НА УТРЕНИ
На Бог Господь: тропарь святаго дважды. Слава, и ныне, Богородичен.
По 1-м стихословии седален, глас 2:Кровь твою, яко алавастр мира, Христови принесл еси, мучениче Николае. / Темже преблагий и великий Дарователь Бог прият тя в Небесныя обители, // сего ради память твою с верою почитаем, досточудне.
Слава, и ныне, глас тойже:Едина истинная христиан Покровительнице, / всяких лютых обстояний, / бед и скорбей нас избави // и молитвами Твоими спаси души наша.
По 2-м стихословии седален, глас 6:Светлый твой, мучениче Николае, праздник вся созва радостно на трапезу днесь, / предложив страданий твоих борения, мужество и противление, // имиже насыщшеся, верою тя и любовию ублажаем.
Слава, и ныне, глас тойже:Устами и сердцем величаем Тя, / Дево Мати: / Ты же, рождшая Бога, // не отрини нас от Твоего заступления.
По полиелеи седален, глас 8:Мужеством душу укрепляя, воине славне, / потребил еси вражие крепкое суровство, / и, радуяся, пострадал еси, и Богу угодил еси. / Темже вси пресвятую твою память празднуем веселием сердца, // Николае, страстотерпче пребогате.
Слава, и ныне, Богородичен:Тя надежду, прибежище и Предстательницу обретше, вернии, / к Тебе притекаем и прилежно вопием: / помилуй, Богородице, на Тя уповающия / и прегрешений оставление нам испроси / молитвами Твоими, Пречистая.
Таже степенна, 1-й антифон, глас 4.Прокимен, глас 4: Святым, иже суть на земли Его, / удиви Господь вся хотения своя в них.
Стих: Презрех Господа предо мною выну, / яко одесную мене есть, да не подвижуся.
Всякое дыхание: Евангелие от Матфея, зачало 36.
По 50-м псалме стихира самогласна, глас 6:Радуяся шествовал еси стезею мучения, прехвальне, / ранами телесе своего попрал еси главу вражию, / исповеданием имени Христова просвещая люди, / восход совершил еси в Горнее Царство, // Господу победоносец явлься, Николае славне.
Канон святаго мученика, глас 8:
Песнь 1Ирмос: Песнь возслем, людие, чудному Богу нашему, свободившему Израиля от работы, песнь победную поюще и вопиюще, поим Тебе, Единому Владыце.
Песнь хвалебную, Богу содействующу, приношу ти, Николае честне: от избытка бо сердца глаголют уста и потщатся на славословие твое.
Ум твой, мановением еже к Богу, презре вся жития красная, блаженне, и весь светел явися, над страстьми царствовав Николае.
Весь любовию Христовою укреплься, Николае пребогате, плоть преобидел еси, яко растлетися хотящу, и претерпел еси муки, нравом мужественным обличив идольскую прелесть.
Богородичен: Неболезновавшая чревом, родшая Христа Господа, мольбами Твоими матерними исцели болезни душ и телес наших, да благодарно Сыну Твоему приносим победную песнь.
Песнь 3Ирмос: Несть свят, яко Господь, и несть праведен, яко Бог наш, Егоже поет вся тварь: несть праведен, паче Тебе, Господи.
Бысть воистинну терпелив, егда муками искушашеся и болезньми, безбожныя мучители удивляя, страстотерпче.
На высоту постничества вознесшуся тебе, Ангел явлься, и дерзновенна устрояет тя на исповедание имени Христова, славне Николае.
Украшаемь благолепия венцем, мучениче Христов Николае, всегда со избранными мученики в радости предстоиши.
Богородичен: Ангелов удивление, человеков дерзновение, Богородице Чистая, Приснодево Марие, моли Христа Бога, спасти непрестанно Тя блажащия.
Кондак, глас 2:Древа до ныне проповедят славу страданий твоих, / красно твое востание душевное сопротивным показуя, / за Христа пролиянною кровию погрузил еси весь демонский полк, / верных же напоися собор богатно, // Николае, святых мученик украшение.
Седален, глас 1:Умертвив яже на земли мудрования, мучениче многострадальне Николае, / умертвившемуся нас ради Спасу Господу мужески последовал еси / и к жизни негибнущей смертию преминул еси. / Ныне же предстоя всех Владыце, // поминай, любовию чтущих святую память твою.
Слава, и ныне, глас тойже:Упование христиан, Пресвятая Дево, / Егоже родила еси Бога, паче ума же и слова, / непрестанно моли с вышними Силами подати оставление грехов наших всех // и исправление жития верою и любовию присно Тя славящим.
Песнь 4Ирмос: Из горы приосененныя, Слове, пророк, единыя Богородице, хотяща воплотитися боговидно усмотри и со страхом славословяще силу Твою.
Священен глас услышал еси свыше, преблаженне, кончину тебе извествующий страданием за Христа и ликом мученик сочтавший тя.
Истекшая на землю кровь твоя, Богомудре Николае, сию поистинне освяти достойно и души напои верных, к ревности Божественней воздвизающи.
Плотскими твоими уды, мучениче, Христа прославив, приял еси с праведных духи веселие Божественное и негиблющее, Николае.
Богородичен: Владычице Милостивая, не возгнушайся язвами нашими греховными, Врача рождшая душ и телес наших, утоли болезни и исцели неможения, и спаси души наша.
Песнь 5Ирмос: Страстей мя мглы, яко от глубокия нощи, избавляяй, утреневати сподоби дух мой, молюся, во свете дне повелений Твоих, Христе.
Победив постническими борении злокозненнаго, страдальческими венчался еси добротами и Богу ныне предстоиши, Николае славне, о нас моляся, чтущих тя.
Воинством духовным препоясан, воинство Божественное спостников твоих вооружил еси ко страдания подвигом, мучениче Христов Николае.
Распяв постнически плоть, Николае всеславне, первее, потщался еси страдальческими ранами полки демонския победити.
Богородичен: Льщением человекоубийцы древняго праотцы наша от Присносущныя Жизни отпадоша: Рождеством Твоим, Чистая, земнороднии вси паки в рай восхищенни быхом.
Песнь 6Ирмос: Содержима мя, приими, Человеколюбче, грехи многими, и припадающа щедротам Твоим, яко пророка Иону, Господи, и спаси мя.
Кровьми твоими обрел еси, Николае, светлость вечнующия славы, и радость, никогдаже престающую, и венцы Небесныя, и сияние невечернее.
Усмотряя, всеблаженне, воздаяния Божественная, терпел еси, Николае, нестерпимыя раны и болезни крепчайше.
Претерпев муки многоплетенныя и главы честныя отсечение, Богомудре, в славе присносущней ликуеши на Небесех, о нас, Николае, моляся.
Богородичен: Архангельский глас вопием Ти: Радуйся, Благодатная, Господь с Тобою; радуйся, Благословенная, Заступница наша и скорая в бедах Помощница.
Кондак, глас 8:Избраннаго мученика Христова, / от Восток яко звезда воссиявшаго / и в Вуненах священно подвизавшагося, / венчаем песненными похвалы; / во Христа бо облекийся, / силою преподобных и мучеников украсися, / емуже глаголем: // радуйся, Николае блаженне.
Икос:Ангельское житие во плоти человечестей пожил еси, Николае, Христов страстотерпче, и человек небеснаго разума познался еси в мире. Сего ради подвигом твоим дивящеся, зовем сице:
Радуйся, любви Христовой стяжание; радуйся, заблуждения лести посрамление.
Радуйся, высото постничества, возносящая благочестивыя; радуйся, глубино страдания, враги поражающая.
Радуйся, яко сияеши от Востока светло; радуйся, яко озаряеши Фессалии страны.
Радуйся, славных преподобных единонравный; радуйся, твердых мученик единоревностный.
Радуйся, Николае блаженне.
Песнь 7Ирмос: На поле Деире иногда мучитель пещь постави на мучение Богоносных, в нейже три отроки песнословляху Единаго Бога, троично воспеваху, глаголюще: отцев Боже, благословен еси.
Манием Божественным Владыки отвергл еси безбожных мерзость, Божественную яве избрав мудрость, Николае, поя непрестанно: отцев Боже, благословен еси.
Просвещшеся зарею Святыя Троицы, Богоблаженне, тьму прелести отгнал еси и славу улучил еси, песнопоюще: отцев Боже, благословен еси.
Нижняя оставльши и Вышняя наследовавше, Богоносный Николай да почтется, песнопоюще: отцев Боже, благословен еси.
Богородичен: Радосте наша, Пречистая Дево, Ты едина во всех родех Мати Божия показалася еси, Божество неопально вместившая. Тем Тя благословим, Марие Богоневестная.
Песнь 8Ирмос: Победители мучителя и пламене благодатию Твоею бывше, заповедем Твоим зело прилежаще, отроцы вопияху: благословите, вся дела Господня, Господа.
Победитель мучителей и духов был еси нечистых, верных же человеков слава и похвала, тя восхваляющих, Николае, и вопиющих: благословите, вся дела Господня, Господа.
Недреманно нося сияние сердца твоего, напоено слез потоки и страдания кровьми, Николае преподобне, в нерукотвореннем чертозе ныне живеши, вопия: благословите, вся дела Господня, Господа.
Красота постников и страдальцев показался еси, всеславне, во обоих бо обрел еси победы венцы, зовый спасающему Богу: благословите, вся дела Господня, Господа.
Богородичен: Слово Отчее Единосущное, Адамово избавление от кровей Твоих девственных воплотися, Един, яко весть, Всепетая, спасая нас Своею благостию.
Песнь 9Ирмос: Проявленное на горе законоположнику во огни и купине Рождество Приснодевы в наше, верных, спасение песньми немолчными величаем.
По многих муках, блаженне, Богу выю преклонил еси, мечем во главу усекаемь, главы же ссекая беззаконных врагов верою.
Сам себе на заколение вольное, яко агня, даде, непорочно, Агнцу Божию подобяся, вземлющему грехи мира, Николае добропобедне, и венец нетленный от Сего приял еси.
Днесь веселие Церковь познавает в твоей памяти Божественней, Николае, воине Христов неодоленный, в нюже поющия тя вся милостию посети молитвами твоими.
Земля убо, мучениче, погребением, небо же душею освятися твоею: якоже бо багряницею светлою от крове твоей одеян, Николае, Христу Богу нашему сцарствуеши всегда, поминая верно почитающих тя.
Богородичен: Юже воспевают Силы Небесныя, Владычицу Деву, Церкве красоту, верных державу и похвалу, благодарно величаю и пение скончаваю.
Светилен:Светом Превечнаго сияния озарився, Николае всечестне, Христу последовал еси, и Того благодатию просветився, источник чудес и милостей явился еси, сего ради молим тя: спаси души наша.
Слава, и ныне, Богородичен:Зарю пресветлую, являющую нам Солнце незаходимое, вемы, Тя, Пресвятая Дево Богородице. Сего ради молим Тя: яко Мати Света сущи, просвети нас светом Сына Твоего, Христа Бога нашего.
На хвалитех стихиры святаго, глас 1:Главе твоей отсекаемей, / главу врага сокрушил еси / доблий страдальче Николае, / мужества правило, жертво одушевленная, / храма небеснаго сокровище, // мир испроси душам нашим.
Благодушно добрый совершив подвиг, / победил еси врага супостата, мучениче славне, / почести и чудеса от Бога прием. / Темже вся верных Церковь ублажает тя, Николае, // в настоящий день богохвально почитающи.
Веселися и торжествуй, церковь Божия, / имея в себе мощи славнаго мученика Николая, / иже днесь предстоит Невечернему Свету, / зрит неизреченную Его доброту / и присно Владыку Христа молит // даровати душам нашим мир и велию милость.
Ликуй и веселися, страстотерпче Христов Николае! / Ты кровию твоею честною землю освятил еси, / и венец нетленный от руки Господни / на версе твоем приял еси, всечестне, / и посещати не престаешь люди чудесы преславными // предстательствуя присно о душах наших.
Слава, глас 8:Приидите, мучениколюбцы вси, / лик празднующий составим, / венцы похвальныя плетуще / и честную главу Христова мученика Николая венчающе. / Сей убо, на земли пострадавый / и ныне на Небесех царствуя, / со Ангелы, и с лики мученик, / и со всеми святыми молится Спасу о нас, // умирити мир и спасти души наша.
И ныне, глас тойже:Владычице, приими молитвы раб Твоих / и избави нас // от всякия нужды и печали.
НА ЛИТУРГИИПрокимен, глас 7: Честна пред Господем / смерть преподобных Его. Стих: Что воздам Господеви о всех, яже воздаде ми?
Апостол к Галатом, зачало 213.
Аллилуиа, глас 4: Праведник, яко финикс, процветет, / яко кедр, иже в Ливане, умножится. Стих: Насажденнии в дому Господни / во дворех Бога нашего процветут.
Евангелие от Луки, зачало 24.
Причастен: В память вечную будет праведник:
МОЛИТВАО, всеславне преподобномучениче Христов, святе Николае, глаголам Христа Бога всею душею и всем сердцем последовавый, и страдальчески равноангельским житием Ему благоугодивый. Всесвятое имя Спасителя паче всякаго имени исповедовавый, и Его ради готовно кровь свою проливый и от Него достойно чудес дарованием и силою исцелений прославляемый, и всем подававяй теплаго твоего предстательства спасительное заступление. Тебе молимся в час сей: призри с высоты небесныя и исполни прошения наша, со благоговением и верою притекающих ко всечестным мощам твоим. Не презри, святе, моления нашего, и избави нас от всякия душевныя и телесныя болезни и печали, яко многое дерзновение ко Христу стяжавый. Благослови мученическим твоим молением и благодатию жилища наша и дела рук наших, притекающих к тебе тепле. Умоли нам от Господа улучити укрепление и здравие, земли плодоносие и всякое благодеяние, и отгони от нас всякое искушение и всякое действо началозлобника врага, хотящего гибели нашея, и молися ко Господу дати нам прегрешений оставление, в бесконечной Его милости, яко Благ есть и Человеколюбец. Аминь.
СЛУЖБА
святому мученику Николаю Новому,
в Вуненах подвизавшемуся
НА ВЕЛИЦЕЙ ВЕЧЕРНИ
На Господи, воззвах: стихиры, глас 1:Земное воинство оставил еси / и Небесному Царю потщался еси угодити, / верою бо в Него вооружився, / силою честнаго Спасова Креста / воин крепок, Николае, обрелся еси. / Таже муки тяжкия и смерть за Христа приял еси / и ныне с воинствы Ангельскими ликуеши // и посещаеши чудесы любовию тя славящия.
Кровию каплей терпеливаго твоего страдания / Владыце Христу предстал еси жертва благовонна, / чисто заколение, благоприятен дар, / священное приношение и посвящение непорочно. / Темже молитвами твоими, святе Николае, / церковное исполнение в мире соблюди, // и подаждь нам мир и велию милость.
Благодушно Николай страдания сконча и подвиги, / и побеждая неверныя болезней нестерпением, / темже по кончине ублажается. / Того молитвами, Господи, // всем подаждь велию милость.
Велие Божие дарование тебе, мучениче Николае, / всю бо крепость мучителей победил еси, / и приял еси нетленный венец от руки Вседержителя, / на земли сияеши славою церковною, / на Небеси предстоиши Царю и Владыце / и молиши Его всем нам даровати // мир и велию милость.
Слава, глас 8:Приидите, благовернии людие, / восхвалим Николая славного мученика, / иже пострада Христа ради / и живот свой за Него положи, / и ныне пребывает у Него в Горних селениих, / и праведною своею душею, яко солнце, сияет, / на земли же чудесы своими, аки лучами света всех озаряет: / честныя бо его мощи, / подают всем, с верою притекающим, благодать и исцеление. / Темже молим его испросити нам у Христа Бога // спасение и велию милость.
И ныне, догматик, глас тойже: Царь Небесный:
На стиховне стихиры, глас 4:Острием меча усечеся / Божественная глава твоя, доблий мучениче Николае, / и подобие крове доныне источают древеса / на месте честнаго страдания твоего, / чрез оную подаеши верным изобильно исцеления, // память подвигов твоих верно чтущим.
Стих: Праведник, яко финикс, процветет, / яко кедр, иже в Ливане, умножится.
Светлый и всепразднственный твой день, мучениче Николае, / созывает нас духовно праздновати, / и честныя мощи твоя усердно почитати, / и славити единаго Бога в Троице, // дивнаго во святых Своих.
Стих: Возвеселится праведник о Господе / и уповает на Него.
Сокрушаему твоему телесе, / радовался еси, мучениче славне Николае, / страданьми бо попрал еси главу вражию, / и сокрушил еси нечестивых шатания, / и шествовал еси крепко стезею Небесною, // Христу победоносец явився, всехвальне.
Слава, глас тойже:О творящих твою память верно, / и многия подвиги честнаго твоего мучения поющих / не престай моля присно Всеблагаго Бога / сохранити от болезней и скорбей, / от всякаго душепагубнаго искушения, // Николае мучениче славне.
И ныне, Богородичен, глас тойже: Призри на моления:
Тропарь, глас 4:Земных благ наслаждение презревши, / пустынное житие изволил еси, Николае блаженне, / отонудуже сподобился еси Небеснаго Царствия, / с лики мучеников и постников веселяся. / Темже, чтуще память твою, вопием тебе: / моли Христа Бога // ущедрити и спасти души наша.
НА УТРЕНИ
На Бог Господь: тропарь святаго дважды. Слава, и ныне, Богородичен.
По 1-м стихословии седален, глас 2:Кровь твою, яко алавастр мира, Христови принесл еси, мучениче Николае. / Темже преблагий и великий Дарователь Бог прият тя в Небесныя обители, // сего ради память твою с верою почитаем, досточудне.
Слава, и ныне, глас тойже:Едина истинная христиан Покровительнице, / всяких лютых обстояний, / бед и скорбей нас избави // и молитвами Твоими спаси души наша.
По 2-м стихословии седален, глас 6:Светлый твой, мучениче Николае, праздник вся созва радостно на трапезу днесь, / предложив страданий твоих борения, мужество и противление, // имиже насыщшеся, верою тя и любовию ублажаем.
Слава, и ныне, глас тойже:Устами и сердцем величаем Тя, / Дево Мати: / Ты же, рождшая Бога, // не отрини нас от Твоего заступления.
По полиелеи седален, глас 8:Мужеством душу укрепляя, воине славне, / потребил еси вражие крепкое суровство, / и, радуяся, пострадал еси, и Богу угодил еси. / Темже вси пресвятую твою память празднуем веселием сердца, // Николае, страстотерпче пребогате.
Слава, и ныне, Богородичен:Тя надежду, прибежище и Предстательницу обретше, вернии, / к Тебе притекаем и прилежно вопием: / помилуй, Богородице, на Тя уповающия / и прегрешений оставление нам испроси / молитвами Твоими, Пречистая.
Таже степенна, 1-й антифон, глас 4.Прокимен, глас 4: Святым, иже суть на земли Его, / удиви Господь вся хотения своя в них.
Стих: Презрех Господа предо мною выну, / яко одесную мене есть, да не подвижуся.
Всякое дыхание: Евангелие от Матфея, зачало 36.
По 50-м псалме стихира самогласна, глас 6:Радуяся шествовал еси стезею мучения, прехвальне, / ранами телесе своего попрал еси главу вражию, / исповеданием имени Христова просвещая люди, / восход совершил еси в Горнее Царство, // Господу победоносец явлься, Николае славне.
Канон святаго мученика, глас 8:
Песнь 1Ирмос: Песнь возслем, людие, чудному Богу нашему, свободившему Израиля от работы, песнь победную поюще и вопиюще, поим Тебе, Единому Владыце.
Песнь хвалебную, Богу содействующу, приношу ти, Николае честне: от избытка бо сердца глаголют уста и потщатся на славословие твое.
Ум твой, мановением еже к Богу, презре вся жития красная, блаженне, и весь светел явися, над страстьми царствовав Николае.
Весь любовию Христовою укреплься, Николае пребогате, плоть преобидел еси, яко растлетися хотящу, и претерпел еси муки, нравом мужественным обличив идольскую прелесть.
Богородичен: Неболезновавшая чревом, родшая Христа Господа, мольбами Твоими матерними исцели болезни душ и телес наших, да благодарно Сыну Твоему приносим победную песнь.
Песнь 3Ирмос: Несть свят, яко Господь, и несть праведен, яко Бог наш, Егоже поет вся тварь: несть праведен, паче Тебе, Господи.
Бысть воистинну терпелив, егда муками искушашеся и болезньми, безбожныя мучители удивляя, страстотерпче.
На высоту постничества вознесшуся тебе, Ангел явлься, и дерзновенна устрояет тя на исповедание имени Христова, славне Николае.
Украшаемь благолепия венцем, мучениче Христов Николае, всегда со избранными мученики в радости предстоиши.
Богородичен: Ангелов удивление, человеков дерзновение, Богородице Чистая, Приснодево Марие, моли Христа Бога, спасти непрестанно Тя блажащия.
Кондак, глас 2:Древа до ныне проповедят славу страданий твоих, / красно твое востание душевное сопротивным показуя, / за Христа пролиянною кровию погрузил еси весь демонский полк, / верных же напоися собор богатно, // Николае, святых мученик украшение.
Седален, глас 1:Умертвив яже на земли мудрования, мучениче многострадальне Николае, / умертвившемуся нас ради Спасу Господу мужески последовал еси / и к жизни негибнущей смертию преминул еси. / Ныне же предстоя всех Владыце, // поминай, любовию чтущих святую память твою.
Слава, и ныне, глас тойже:Упование христиан, Пресвятая Дево, / Егоже родила еси Бога, паче ума же и слова, / непрестанно моли с вышними Силами подати оставление грехов наших всех // и исправление жития верою и любовию присно Тя славящим.
Песнь 4Ирмос: Из горы приосененныя, Слове, пророк, единыя Богородице, хотяща воплотитися боговидно усмотри и со страхом славословяще силу Твою.
Священен глас услышал еси свыше, преблаженне, кончину тебе извествующий страданием за Христа и ликом мученик сочтавший тя.
Истекшая на землю кровь твоя, Богомудре Николае, сию поистинне освяти достойно и души напои верных, к ревности Божественней воздвизающи.
Плотскими твоими уды, мучениче, Христа прославив, приял еси с праведных духи веселие Божественное и негиблющее, Николае.
Богородичен: Владычице Милостивая, не возгнушайся язвами нашими греховными, Врача рождшая душ и телес наших, утоли болезни и исцели неможения, и спаси души наша.
Песнь 5Ирмос: Страстей мя мглы, яко от глубокия нощи, избавляяй, утреневати сподоби дух мой, молюся, во свете дне повелений Твоих, Христе.
Победив постническими борении злокозненнаго, страдальческими венчался еси добротами и Богу ныне предстоиши, Николае славне, о нас моляся, чтущих тя.
Воинством духовным препоясан, воинство Божественное спостников твоих вооружил еси ко страдания подвигом, мучениче Христов Николае.
Распяв постнически плоть, Николае всеславне, первее, потщался еси страдальческими ранами полки демонския победити.
Богородичен: Льщением человекоубийцы древняго праотцы наша от Присносущныя Жизни отпадоша: Рождеством Твоим, Чистая, земнороднии вси паки в рай восхищенни быхом.
Песнь 6Ирмос: Содержима мя, приими, Человеколюбче, грехи многими, и припадающа щедротам Твоим, яко пророка Иону, Господи, и спаси мя.
Кровьми твоими обрел еси, Николае, светлость вечнующия славы, и радость, никогдаже престающую, и венцы Небесныя, и сияние невечернее.
Усмотряя, всеблаженне, воздаяния Божественная, терпел еси, Николае, нестерпимыя раны и болезни крепчайше.
Претерпев муки многоплетенныя и главы честныя отсечение, Богомудре, в славе присносущней ликуеши на Небесех, о нас, Николае, моляся.
Богородичен: Архангельский глас вопием Ти: Радуйся, Благодатная, Господь с Тобою; радуйся, Благословенная, Заступница наша и скорая в бедах Помощница.
Кондак, глас 8:Избраннаго мученика Христова, / от Восток яко звезда воссиявшаго / и в Вуненах священно подвизавшагося, / венчаем песненными похвалы; / во Христа бо облекийся, / силою преподобных и мучеников украсися, / емуже глаголем: // радуйся, Николае блаженне.
Икос:Ангельское житие во плоти человечестей пожил еси, Николае, Христов страстотерпче, и человек небеснаго разума познался еси в мире. Сего ради подвигом твоим дивящеся, зовем сице:
Радуйся, любви Христовой стяжание; радуйся, заблуждения лести посрамление.
Радуйся, высото постничества, возносящая благочестивыя; радуйся, глубино страдания, враги поражающая.
Радуйся, яко сияеши от Востока светло; радуйся, яко озаряеши Фессалии страны.
Радуйся, славных преподобных единонравный; радуйся, твердых мученик единоревностный.
Радуйся, Николае блаженне.
Песнь 7Ирмос: На поле Деире иногда мучитель пещь постави на мучение Богоносных, в нейже три отроки песнословляху Единаго Бога, троично воспеваху, глаголюще: отцев Боже, благословен еси.
Манием Божественным Владыки отвергл еси безбожных мерзость, Божественную яве избрав мудрость, Николае, поя непрестанно: отцев Боже, благословен еси.
Просвещшеся зарею Святыя Троицы, Богоблаженне, тьму прелести отгнал еси и славу улучил еси, песнопоюще: отцев Боже, благословен еси.
Нижняя оставльши и Вышняя наследовавше, Богоносный Николай да почтется, песнопоюще: отцев Боже, благословен еси.
Богородичен: Радосте наша, Пречистая Дево, Ты едина во всех родех Мати Божия показалася еси, Божество неопально вместившая. Тем Тя благословим, Марие Богоневестная.
Песнь 8Ирмос: Победители мучителя и пламене благодатию Твоею бывше, заповедем Твоим зело прилежаще, отроцы вопияху: благословите, вся дела Господня, Господа.
Победитель мучителей и духов был еси нечистых, верных же человеков слава и похвала, тя восхваляющих, Николае, и вопиющих: благословите, вся дела Господня, Господа.
Недреманно нося сияние сердца твоего, напоено слез потоки и страдания кровьми, Николае преподобне, в нерукотвореннем чертозе ныне живеши, вопия: благословите, вся дела Господня, Господа.
Красота постников и страдальцев показался еси, всеславне, во обоих бо обрел еси победы венцы, зовый спасающему Богу: благословите, вся дела Господня, Господа.
Богородичен: Слово Отчее Единосущное, Адамово избавление от кровей Твоих девственных воплотися, Един, яко весть, Всепетая, спасая нас Своею благостию.
Песнь 9Ирмос: Проявленное на горе законоположнику во огни и купине Рождество Приснодевы в наше, верных, спасение песньми немолчными величаем.
По многих муках, блаженне, Богу выю преклонил еси, мечем во главу усекаемь, главы же ссекая беззаконных врагов верою.
Сам себе на заколение вольное, яко агня, даде, непорочно, Агнцу Божию подобяся, вземлющему грехи мира, Николае добропобедне, и венец нетленный от Сего приял еси.
Днесь веселие Церковь познавает в твоей памяти Божественней, Николае, воине Христов неодоленный, в нюже поющия тя вся милостию посети молитвами твоими.
Земля убо, мучениче, погребением, небо же душею освятися твоею: якоже бо багряницею светлою от крове твоей одеян, Николае, Христу Богу нашему сцарствуеши всегда, поминая верно почитающих тя.
Богородичен: Юже воспевают Силы Небесныя, Владычицу Деву, Церкве красоту, верных державу и похвалу, благодарно величаю и пение скончаваю.
Светилен:Светом Превечнаго сияния озарився, Николае всечестне, Христу последовал еси, и Того благодатию просветився, источник чудес и милостей явился еси, сего ради молим тя: спаси души наша.
Слава, и ныне, Богородичен:Зарю пресветлую, являющую нам Солнце незаходимое, вемы, Тя, Пресвятая Дево Богородице. Сего ради молим Тя: яко Мати Света сущи, просвети нас светом Сына Твоего, Христа Бога нашего.
На хвалитех стихиры святаго, глас 1:Главе твоей отсекаемей, / главу врага сокрушил еси / доблий страдальче Николае, / мужества правило, жертво одушевленная, / храма небеснаго сокровище, // мир испроси душам нашим.
Благодушно добрый совершив подвиг, / победил еси врага супостата, мучениче славне, / почести и чудеса от Бога прием. / Темже вся верных Церковь ублажает тя, Николае, // в настоящий день богохвально почитающи.
Веселися и торжествуй, церковь Божия, / имея в себе мощи славнаго мученика Николая, / иже днесь предстоит Невечернему Свету, / зрит неизреченную Его доброту / и присно Владыку Христа молит // даровати душам нашим мир и велию милость.
Ликуй и веселися, страстотерпче Христов Николае! / Ты кровию твоею честною землю освятил еси, / и венец нетленный от руки Господни / на версе твоем приял еси, всечестне, / и посещати не престаешь люди чудесы преславными // предстательствуя присно о душах наших.
Слава, глас 8:Приидите, мучениколюбцы вси, / лик празднующий составим, / венцы похвальныя плетуще / и честную главу Христова мученика Николая венчающе. / Сей убо, на земли пострадавый / и ныне на Небесех царствуя, / со Ангелы, и с лики мученик, / и со всеми святыми молится Спасу о нас, // умирити мир и спасти души наша.
И ныне, глас тойже:Владычице, приими молитвы раб Твоих / и избави нас // от всякия нужды и печали.
НА ЛИТУРГИИПрокимен, глас 7: Честна пред Господем / смерть преподобных Его. Стих: Что воздам Господеви о всех, яже воздаде ми?
Апостол к Галатом, зачало 213.
Аллилуиа, глас 4: Праведник, яко финикс, процветет, / яко кедр, иже в Ливане, умножится. Стих: Насажденнии в дому Господни / во дворех Бога нашего процветут.
Евангелие от Луки, зачало 24.
Причастен: В память вечную будет праведник:
МОЛИТВАО, всеславне преподобномучениче Христов, святе Николае, глаголам Христа Бога всею душею и всем сердцем последовавый, и страдальчески равноангельским житием Ему благоугодивый. Всесвятое имя Спасителя паче всякаго имени исповедовавый, и Его ради готовно кровь свою проливый и от Него достойно чудес дарованием и силою исцелений прославляемый, и всем подававяй теплаго твоего предстательства спасительное заступление. Тебе молимся в час сей: призри с высоты небесныя и исполни прошения наша, со благоговением и верою притекающих ко всечестным мощам твоим. Не презри, святе, моления нашего, и избави нас от всякия душевныя и телесныя болезни и печали, яко многое дерзновение ко Христу стяжавый. Благослови мученическим твоим молением и благодатию жилища наша и дела рук наших, притекающих к тебе тепле. Умоли нам от Господа улучити укрепление и здравие, земли плодоносие и всякое благодеяние, и отгони от нас всякое искушение и всякое действо началозлобника врага, хотящего гибели нашея, и молися ко Господу дати нам прегрешений оставление, в бесконечной Его милости, яко Благ есть и Человеколюбец. Аминь.