Служба старцу Феодору Томскому
Выкладываю в «Уставные заметки» текст неполной службы святому праведному Феодору Кузьмичу Томскому. Имеющиеся фрагменты воспроизводятся по машинописи, полученной из Томской епархии. Официальной санкции церковных властей на этот текст, насколько мне известно, нет.
Служба святому праведному старцу Феодору Томскому
На Господи воззвах: стихиры, глас 8:Иже Христовы ради любве, / Божественный Феодоре, / сан, имение и почести оставль, / изволил еси нищету паче богатства, / и якоже Моисей с людьми Божиими работати / нежели имети жития тленного наслаждение, / отнудоже и небесного сподобися со святыми блаженства, / блаженне Феодоре, / моли спастися душам нашим.
Пребывал еси неведом в земли Томской, мудре, / отечествие, богатство и славу / и вкупе вся оставил еси, / и на нетленная оная простираяся, / сего ради Христос твой Человеколюбец / большими тебе даровании обогати и чудесы почте, / Егоже моли даровати душам нашим / мир и велию милость.
На Творца твоего упование возложив, / праведне отче Феодоре, / самовольную нищету паче богатства тленнаго возлюбил еси, / и Владычнему странствию подобяся, / земли Томския достигл еси, / идеже даром чудес и прозрения явлен был еси, / не утаися, яко град верху горы стоя, / добродетели твоя, / но преславно возсия силою Божиею, / Егоже моли спастися душам нашим.
Слава, глас 2:Тихое твое, отче, и молчаливое, / беззлобное и кроткое житие / возлюбив Христос Бог, / праведне Феодоре, / явил тя есть светильника земли сибирстей, / сияюща паче солнца, / ибо сан земной и богатство временное / яко прах, вменил еси, / единаго желая, любимаго тобою Христа, / но помяни твоя рабы / у престола Всецаря, Христа Бога нашего, / праведне отче, / не престай моляся за рабы своя.
На литии стихиры, глас 1:Радуйтеся, сибирстии народи, / торжествуйте вси, любящии томскаго праведника, / сей бо в России светское житие оставль, / во образе быв узника, / в хладную Сибирь притече, / великую старческую мудрость сюда принесе / и блаженную кончину прият, / и прослави его Господь и даром чудес обогати / и святыя его мощи к поклонению нам дарова.
Слава, глас 6:Красоты мирския, преподобне, оставль / и странствовати о Христе изволив, / яко крин в пустыни добродетельми по всей Сибири просиял еси, / токи Божественных даров всем туне источая. / Ныне же от престола Святыя Троицы всем прибегающим к молитвенному предстательству твоему / оставление грехов и жизнь вечную ходатайствуеши, / и нам улучити вечных благ моли, / чтущим святую память твою.
На стиховне стихиры, глас 5:Радуйся, блаженне отче Феодоре, / града Томска хранителю, / молящимся крепкое упование, / болящих безмездный целебниче, / нищих питателю и всем христианам мудрый наставниче, / буди всем нам заступник необоримый / и о всем мире молитвенник.
Стих: Возвеселится праведник о Господе / и уповает на него.
Радуйся, граде Томск, / таковаго сподобивыйся имети в себе угодника Божия, / иже яко дар свыше от Бога даровася тебе, / и яко богатство неоскудное послася тебе, / и яко дражайшее сокровище вверися ти, / цельбоподательныя мощи праведнаго Феодора, / словом, житием, любовию, духом, верою, чистотою в стране сибирстей потрудившагося, / защитника и заступника твоего, / стеною молитв своих крепко тя ограждающаго, / Богу о тебе предстательствующаго / и молящагося выну, / да приемлеши всегда велию милость.
Стих: Праведник яко финикс процветет, / яко кедр иже в Ливане умножится.
Слава, глас 8:Блаженне Феодоре, / хладныя Сибири молитвенниче, / града Томска стено необоримая, / российския страны страже благодатный, / преподобных сопричастниче и праведных похвало, / не забуди нас убогих, / у раки мощей твоих словесную службу ти приносящих / и вопиющих прилежно: / молися Господеви даровати душам нашим велию милость.
Тропарь, глас 4:Жития мирскаго, праведне Феодоре, удалився, / в землю Сибирскую вольно прийти изволив, / чудесы и знаменьми Божиими / народ Томский удивил еси, / и по смерти своей веру чтущих тя укрепляеши. / Поминай нас, чтущих память твою, / отче наш Феодоре.
Величание:Величаем тя, / святый праведный Феодоре, / и чтим святую память твою, / ты бо молиши за нас / Христа Бога нашего.
По 50-м псалме стихира, глас 6:Приидите днесь вси, постническое сословие / и празднолюбных собори, / цветы добродетелей вземше, / песньми священными воспоим божественнаго Феодора, / на земли яко ангела с плотию пожившаго, / и вся красоты мира сего яко преходящая оставльшаго / и Христу последовавшего воздержанием многим, / злостраданием и постом тело свое изнурившаго, / дондеже исполненнаго благодатных дарований яви тя всем Господь / и толпы жаждущих насытитися сея благодати к тебе привлече / и преславными чудесы удиви, / темже яко имея дерзновение ко Господу, / того моли очищение грехов низпослати, иже верою празднующим / всечестную и многорадостную память твою.
Канон читается по Общей Минее по службе преподобному, вместо «преподобный» везде читается «праведный».
Кондак, глас 8 [ 1]:Вышния красоты желая, / нижния сласти телесныя / тощно оставил еси, / нестяжанием суетнаго мира, / ангельское житие проходя, / скончався, Феодоре, праведне: / с нимиже Христа Бога моли / непрестанно о всех нас.
На хвалитех стихиры, глас 1:Странствием цветый якоже древле Авраам, / вышняго дошел еси светлаго жития, / в нем же, блаженне, предстоя Христу-свету, / сияеши, яко солнце, / тем же и нас просвети, / ныне чтущих пресветлое твое торжество.
Земное твое отечествие оставль, / в земли сибирстей странно водворяяся, / небесное отечествие себе приобрел еси, / нищету вольную, наготу, жажду и поношения / Христа ради приял еси, к Нему же вопияше: / приими ныне, Владыко, / в руце Божественне душу раба Твоего / по велицей милости Твоей.
Глас 8.
Подобен: О преславнаго чудесе:О преславнаго чудесе, / пречестный храм Богоматере / града Томска / якоже драгоценною утварию невеста, / украсися мощами праведнаго Феодора. / О, каково дарование, / Христе Боже, / се даровал еси нам, / яко един милосерд.
Слава, глас 8:Красуйся и веселися, граде Томск, / радуйся и веселися, церковь Божия, / се бо в тебе сокровище божественных даров / неоскудное явися, / мощи праведнаго Феодора, / от них же истекают исцеления / и подается благодать / всем с верою приходящим / и чтущим любовию святую память его.
И ныне, глас той же:Владычице, приими молитвы раб Твоих и избави нас / от всякия нужды и печали.
[ 1] Из службы общия юродивому единому.
Служба святому праведному старцу Феодору Томскому
На Господи воззвах: стихиры, глас 8:Иже Христовы ради любве, / Божественный Феодоре, / сан, имение и почести оставль, / изволил еси нищету паче богатства, / и якоже Моисей с людьми Божиими работати / нежели имети жития тленного наслаждение, / отнудоже и небесного сподобися со святыми блаженства, / блаженне Феодоре, / моли спастися душам нашим.
Пребывал еси неведом в земли Томской, мудре, / отечествие, богатство и славу / и вкупе вся оставил еси, / и на нетленная оная простираяся, / сего ради Христос твой Человеколюбец / большими тебе даровании обогати и чудесы почте, / Егоже моли даровати душам нашим / мир и велию милость.
На Творца твоего упование возложив, / праведне отче Феодоре, / самовольную нищету паче богатства тленнаго возлюбил еси, / и Владычнему странствию подобяся, / земли Томския достигл еси, / идеже даром чудес и прозрения явлен был еси, / не утаися, яко град верху горы стоя, / добродетели твоя, / но преславно возсия силою Божиею, / Егоже моли спастися душам нашим.
Слава, глас 2:Тихое твое, отче, и молчаливое, / беззлобное и кроткое житие / возлюбив Христос Бог, / праведне Феодоре, / явил тя есть светильника земли сибирстей, / сияюща паче солнца, / ибо сан земной и богатство временное / яко прах, вменил еси, / единаго желая, любимаго тобою Христа, / но помяни твоя рабы / у престола Всецаря, Христа Бога нашего, / праведне отче, / не престай моляся за рабы своя.
На литии стихиры, глас 1:Радуйтеся, сибирстии народи, / торжествуйте вси, любящии томскаго праведника, / сей бо в России светское житие оставль, / во образе быв узника, / в хладную Сибирь притече, / великую старческую мудрость сюда принесе / и блаженную кончину прият, / и прослави его Господь и даром чудес обогати / и святыя его мощи к поклонению нам дарова.
Слава, глас 6:Красоты мирския, преподобне, оставль / и странствовати о Христе изволив, / яко крин в пустыни добродетельми по всей Сибири просиял еси, / токи Божественных даров всем туне источая. / Ныне же от престола Святыя Троицы всем прибегающим к молитвенному предстательству твоему / оставление грехов и жизнь вечную ходатайствуеши, / и нам улучити вечных благ моли, / чтущим святую память твою.
На стиховне стихиры, глас 5:Радуйся, блаженне отче Феодоре, / града Томска хранителю, / молящимся крепкое упование, / болящих безмездный целебниче, / нищих питателю и всем христианам мудрый наставниче, / буди всем нам заступник необоримый / и о всем мире молитвенник.
Стих: Возвеселится праведник о Господе / и уповает на него.
Радуйся, граде Томск, / таковаго сподобивыйся имети в себе угодника Божия, / иже яко дар свыше от Бога даровася тебе, / и яко богатство неоскудное послася тебе, / и яко дражайшее сокровище вверися ти, / цельбоподательныя мощи праведнаго Феодора, / словом, житием, любовию, духом, верою, чистотою в стране сибирстей потрудившагося, / защитника и заступника твоего, / стеною молитв своих крепко тя ограждающаго, / Богу о тебе предстательствующаго / и молящагося выну, / да приемлеши всегда велию милость.
Стих: Праведник яко финикс процветет, / яко кедр иже в Ливане умножится.
Слава, глас 8:Блаженне Феодоре, / хладныя Сибири молитвенниче, / града Томска стено необоримая, / российския страны страже благодатный, / преподобных сопричастниче и праведных похвало, / не забуди нас убогих, / у раки мощей твоих словесную службу ти приносящих / и вопиющих прилежно: / молися Господеви даровати душам нашим велию милость.
Тропарь, глас 4:Жития мирскаго, праведне Феодоре, удалився, / в землю Сибирскую вольно прийти изволив, / чудесы и знаменьми Божиими / народ Томский удивил еси, / и по смерти своей веру чтущих тя укрепляеши. / Поминай нас, чтущих память твою, / отче наш Феодоре.
Величание:Величаем тя, / святый праведный Феодоре, / и чтим святую память твою, / ты бо молиши за нас / Христа Бога нашего.
По 50-м псалме стихира, глас 6:Приидите днесь вси, постническое сословие / и празднолюбных собори, / цветы добродетелей вземше, / песньми священными воспоим божественнаго Феодора, / на земли яко ангела с плотию пожившаго, / и вся красоты мира сего яко преходящая оставльшаго / и Христу последовавшего воздержанием многим, / злостраданием и постом тело свое изнурившаго, / дондеже исполненнаго благодатных дарований яви тя всем Господь / и толпы жаждущих насытитися сея благодати к тебе привлече / и преславными чудесы удиви, / темже яко имея дерзновение ко Господу, / того моли очищение грехов низпослати, иже верою празднующим / всечестную и многорадостную память твою.
Канон читается по Общей Минее по службе преподобному, вместо «преподобный» везде читается «праведный».
Кондак, глас 8 [ 1]:Вышния красоты желая, / нижния сласти телесныя / тощно оставил еси, / нестяжанием суетнаго мира, / ангельское житие проходя, / скончався, Феодоре, праведне: / с нимиже Христа Бога моли / непрестанно о всех нас.
На хвалитех стихиры, глас 1:Странствием цветый якоже древле Авраам, / вышняго дошел еси светлаго жития, / в нем же, блаженне, предстоя Христу-свету, / сияеши, яко солнце, / тем же и нас просвети, / ныне чтущих пресветлое твое торжество.
Земное твое отечествие оставль, / в земли сибирстей странно водворяяся, / небесное отечествие себе приобрел еси, / нищету вольную, наготу, жажду и поношения / Христа ради приял еси, к Нему же вопияше: / приими ныне, Владыко, / в руце Божественне душу раба Твоего / по велицей милости Твоей.
Глас 8.
Подобен: О преславнаго чудесе:О преславнаго чудесе, / пречестный храм Богоматере / града Томска / якоже драгоценною утварию невеста, / украсися мощами праведнаго Феодора. / О, каково дарование, / Христе Боже, / се даровал еси нам, / яко един милосерд.
Слава, глас 8:Красуйся и веселися, граде Томск, / радуйся и веселися, церковь Божия, / се бо в тебе сокровище божественных даров / неоскудное явися, / мощи праведнаго Феодора, / от них же истекают исцеления / и подается благодать / всем с верою приходящим / и чтущим любовию святую память его.
И ныне, глас той же:Владычице, приими молитвы раб Твоих и избави нас / от всякия нужды и печали.
[ 1] Из службы общия юродивому единому.