Неделя 9 по Пятидесятнице. ВСЕНОЩНОЕ БДЕНИЕ.ВЕЛИКАЯ ВЕЧЕРНЯ. Изнесение Честных Древ Креста Господня.
14 áвгуста 2022 гóда. Недéля 9 по Пятидеся́тнице. Происхождéнiе (изнесéнiе) Честны́х Древ Животворя́щего Крестá Госпóдня. Семú мýчеников Маккавéев, мáтери их Соломонíи и учúтеля их Елеазáра. Глас 8. (Начáло Успéнского постá, медóвый Спас). Воскрéсная прáздничная слýжба для домáшнего (келéйнаго) совершéнiя. Всенóщное бдéнiе состоúт из Велúкой вечéрни, ýтрени, тáже канóна и пéрвого чáса. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Святы́й Бóже, Святы́й Крéпкiй, Святый Безсмéртный, помилуй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Гóсподи, поми́луй, (12 раз.)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинáтельный
Стихú избрáннiи: Благословѝ, душé моя́, Гóспода./ Благословéн есѝ, Гóсподи./ Гóсподи, Бóже мой, возвели́чился еси́ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредé гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благослови, душé моя, Гóспода, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Ливáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýіа, аллилýіа, аллилýіа, слáва Тебé Бóже. (3 раза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
Читаем либо кафúсму 1-ю (1-ю cтатию(«Блажен муж» - 1-й антифон.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своé, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижé грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрiстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речé ко Мне: Сын Мой еси Ты, Аз днесь роди́х Тя. Просѝ от Менé, и дам Ти язы́ки достоя́нiе Твоé, и одержáнiе Твоé концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоé.
Лúбо поем стiхú избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýіа, аллилýіа, аллилýіа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýіа, аллилýіа, аллилýіа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýіа, аллилýіа, аллилýіа.
Чтец (или хор): Блажéни вси надéющiися Нань.
Хор: Аллилýіа, аллилýіа, аллилýіа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýіа, аллилýіа, аллилýіа.
Чтец (или хор): Госпóдне есть спасéнiе, и на лю́дех Твои́х благословéнiе Твоé.
Хор: Аллилýіа, аллилýіа, аллилýіа.
Чтец: Слáва Ѻтцý и Сы́ну и Святóму Дýху.
Хор: Аллилýіа, аллилýіа, аллилýіа.
Хор: И ны́не и при́сно и во вéки векóв, ами́нь.
Хор: Аллилýіа, аллилýіа, аллилýіа.
Аллилýіа, аллилýіа, аллилýіа, слáва Тебé Бóже. (трúжды)
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 8
Хор: Гóсподи, воззвáх к Тебé, услы́ши мя./ Услы́ши мя, Гóсподи./ Гóсподи, воззвáх к Тебé, услы́ши мя:/ вонми́ глáсу молéнія моегó,/ внегдá воззвáти ми к Тебé./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[в приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моé в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещé и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебé, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[в приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моé, печáль мою́ пред Ним возвещý. Внегдá исчезáти от менé дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менé: поги́бе бéгство от менé, и несть взыскáяй дýшу мою́. Воззвáх к Тебé, Гóсподи, рех: Ты есѝ уповáнiе моé, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менé.
На 10 Чтец: Изведú из темнúцы дýшу мою,// исповéдатися úмени Твоемý.
Стiхиры воскрéсные, глас 8: Вечéрнюю песнь, и словéсную слýжбу,/ Тебé, Хрїстé, принóсим,/ я́ко благоволи́л еси́// поми́ловати нас Воскресéнiем.
Менé ждут прáведницы,// дóндеже воздáси мне.
Стiхúра: Гóсподи, Гóсподи,/ не отвéржи нас от Твоегó лицá,// но благоволи́ поми́ловати нас Воскресéнiем.
На 8. Стiх: Из глубины́ воззвáх к Тебе, Гóсподи,// Гóсподи, услы́ши глас мой.
Стiхúра: Рáдуйся, Сióне Святы́й,/ мáти церквéй, Бóжiе жили́ще,/ Ты бо прiя́л еси́ пéрвый,// оставлéнiе грехóв, Воскресéнiем.
Да бýдут ýши Твоú// внéмлюще глáсу молéнiя моегó.
И҆́ны стiхúры анатóлiевы: Éже от Бóга Отцá Слóво,/ прéжде век Рóждшееся, в послéдняя же временá,/ Тóежде от Неискусобрáчныя воплóщшееся вóлею,/ распя́тiе смéртное претерпé:/ и дрéвле умерщвлéннаго человéка спасé// Свои́м Воскресéнiем.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебé очищéнiе есть.
Стiхúры Крестá, глас 4: Днесь рáдуется вéрных мнóжество Божéственное:/ явля́ется бо Небéсный Крест концéм,/ осiявáет твердь Свéтом непристýпным,/ воздýх озаря́ет/ и земли́ лицé украшáет./ Поéт Божéственными пéсньми Цéрковь Хрiстóва,/ слýжит, почитáющи/ свы́ше ю соблюдáющiй Крест Божéственный и пречýдный./ Егóже си́лою укрепля́еми,/ Влады́це пристýпим, зовýще:// умири́ мiр и просвети́ дýши нáша.
И҆́мене рáди Твоегó потерпéх Тя, Гóсподи, потерпé душá моя́ в слóво Твоé,// уповá душá моя на Гóспода.
Стiхúра: Да рáдуется тварь и игрáет:/ днесь бо облистá Крест в концéх с Небесé,/ земнáя просвещáя,/ и совокýплены показá расточéныя./ Днесь ликýют с ли́ки Áнгельскими человéцы,/ и҆́бо браня́щее средогрáдiе, Крестóм разорéно,/ во еди́но вся я́ве совокупи́./ Тем, предсiя́я пáче сóлнца,/ всю тварь просвещáет благодáтiю,/ и уясня́ет, и спасáет// вéрно тогó чтýщiя.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Пáче сóлнечныя зари́/ хотя́й мíрови, я́коже скиптр честны́й,/ Царя́ Хрiстá и кончи́ну показáти,/ Крест Божéственный се предсiя́ет я́сно в концéх./ Сей возведé из áда род человéч,/ áда вельми́ плени́в, врагá низложи́в,/ дéмонов горды́ню до концá погуби́./ Ны́не же проявля́ет воскресéнiе Спáсово/ и спасáет зовýщiя:// умири́ мiр и просвети́ дýши нáша.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúры мýчеников, глас 1: Закóна верх, седмiю́ столпы́ возвы́шен,/ мучи́тельство не поколебá,/ и҆́бо скóтскiй гони́теля гнев мýжески претерпéша,/ тéло предáвше секýщим,/ благорóднiи ю́ноши и брáтiя,// Моисéйским предáнiем храни́телiе.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: Пáче зри́мых ум вои́стинну возвы́сивше,/ ýды плотскíя отсецáху/ благочести́вiи и дóблiи óтроцы/ с мáтерiю Богомýдрою,/ вели́кими надéждами вжиля́еми,/ я́же ны́не получи́ша,// у Авраáма почи́вше на лóнех, прáотца своегó.
Яко утвердúся мúлость Егó на нас,// и úстина Госпóдня пребывáет во век.
Стiхúра: Душéвною дóблестiю твéрдо себé вооружи́вше/ и я́рость я́ко преоби́девше,/ проти́ву борцý крéпко прилежáху/ благочéстiя рáди/ и закóна отéческаго хранéнiем/ свящéннейшiй Елеазáр и премýдрiи ю́ноши// с мáтерiю Богомýдрою.
Слáва Ѻтцý и Сы́ну и Святóму Дýху.
Стiхúра Крестá, глас 8: Егóже дрéвле Моисéй прообрази́в собóю,/ Амали́ка низложи́в, победи́,/ и Давíд песнопéвец/ поднóжiю Твоемý, вопiя́, клáнятися повелевáше,/ Честнóму Крестý Твоемý, Хрiстé Бóже,/ днесь, грéшнiи, клáняемся,/ устнáми недостóйными/ Тя, извóлившаго пригвозди́тися на нем, воспевáюще, мóлимся:// Гóсподи, с разбóйником Цáрствiя Твоегó сподóби нас.
И ны́не и прúсно и во вéки векóв, амúнь.
Догмáтик. Глас 8: Царь Небéсный за человеколю́бiе на земли́ яви́ся,/ и с человéки поживé:/ от Дéвы бо Чи́стыя плоть прiéмый,/ и из Нея́ прошéдый с воспрiя́тiем./ Еди́н есть Сын, сугýб естествóм,/ но не Ипостáсiю./ Тéмже совершéнна Тогó Бóга/ и совершéнна Человéка вои́стину проповéдающе,/ исповéдуем Хрiстá Бóга нáшего:/ Егóже моли́, Мáти Безневéстная,// поми́ловатися душáм нáшим.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сына и Святáго Дýха, Бóга. Достóин еси во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВОСКРЕСНЫЙ
Чтец: Прокíмен, глас шесты́й: Госпóдь воцари́ся, в лéпоту облечéся.
Хор: Госпóдь воцарúся,/ в лéпоту облечéся. (Пс.92:1А)
Чтец: Облечéся Госпóдь в си́лу и препоя́сася. (Пс.92:1Б)
Хор: Госпóдь воцарúся,/ в лéпоту облечéся.
Чтец: И҆́бо утверди́ вселéнную, я́же не подви́жится. (Пс.92:1В)
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)
Хор: Госпóдь воцарúся,/ в лéпоту облечéся.
Чтец: Госпóдь воцари́ся.
Хор: В лéпоту облечéся.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебé подобáет хвалá. Тебé подобáет пéнiе,/ Тебé слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры мýчеников, глас 1: Многострадáльная мáти,/ к подвигóм созвáвши своя́ дéти, глагóлаше:/ авраáмстей седи́не послéдуйте,/ да заколéнiю Iсаáкову причаститéся./ Тíи же прiимáху наставля́ющую,/ предпостизáху учáщую,/ друг по дрýзе томлéнiя мýки ви́дяще,// и҆́хже моли́твами, Бóже, поми́луй нас.
Глас 4: Седмь столпи́ избрáннiи/ от еди́наго кáмене словéснаго усéчени бы́ша,/ непоколеби́м показáша закóна столп./ Тéмже благоволи́, Спáсе,// в ми́ре сохрани́тися душáм нáшим.
Глас 5: И҆́же закóна храни́телiе/ и Соломонíи сы́нове,/ на суди́щи стрáждуще, ко Антióху вопiя́ху:/ мы, Антióше, за отéческiй закóн терпи́м./ Не отлучи́т же нас ни огнь, ни меч, ни звéрiе, ни рáны,/ но вкýпе ýмрем с мáтерiю стáрицею/ и учи́телем отцéм,// живýще и срáдующеся в некончáемыя вéки.
Слáва Ѻтцý и Сы́ну и Святóму Дýху.
Глас 4: На Маккавéи собрáвшуюся рать,/ прiиди́те, ýзрим, вéрнiи, мýжество:/ мучи́тель бо царь, вся язы́ки удержáв,/ держи́м бéяше от стáрца и детéй седьми́/ и еди́ныя жены́./ Тéмже моли́твами их, Бóже,// поми́луй нас.
И ны́не и прúсно и во вéки векóв, амúнь.
Богорóдичен воскрéсный, глас 4: При́зри на молéнiя Твои́х раб, Всенепорóчная,/ утоля́ющи лю́тая на ны востáнiя,/ вся́кiя скóрби нас изменя́ющи./ Тя бо, Еди́ну, твéрдое и извéстное Утверждéнiе и҆́мамы,/ и Твоé предстáтельство стяжáхом./ Да не постыди́мся, Влады́чице, Тя призывáющiи,/ потщи́ся на умолéнiе, Тебé вéрно вопiю́щих:/ рáдуйся, Влады́чице, всех Пóмоще,// Рáдосте и Покрóве, и Спасéнiе душ нáших.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхúры воскрéсные, глас 8): Возшéл еси́ на Крест, Iисýсе,/ снизшéдый с Небесé,/ пришéл еси́ на смерть, Животé Безсмéртный,/ к сýщим во тьме Свет и҆́стинный,/ к пáдшым всех Воскресéнiе,// просвещéнiе, и Спáсе наш, слáва Тебé.
Стiх: Госпóдь воцарúся, в лéпоту облечéся.
Хрiстá славослóвим, воскрéсшаго от мéртвых:/ дýшу бо и тéло прiéм,/ стрáсти отъобою́ду отсечé,/ пречи́стей ýбо души́ во ад сошéдшей,/ егóже и плени́:/ во грóбе же истлéнiя не ви́де святóе тéло,// Избáвителя душ нáших.
Стiх: И҆́бо утвердú вселéнную, я́же не подвúжется.
Псалмы́ и пéсньми славослóвим, Хрiстé,/ от мéртвых Твоé Воскресéнiе:/ и҆́мже нас свободи́л еси́ мучи́тельства áдова,/ и я́ко Бог даровáл еси́ жизнь вéчную,// и вéлiю ми́лость.
Стiх: Дóму Твоемý подобáет святы́ня, Гóсподи, в долготý днiй.
О Влады́ко всех Непостижи́ме,/ Твóрче небесé и земли́,/ крестóм пострадáвый, мне безстрáстiе источи́л еси́:/ погребéнiе же прiéм, и воскрéс во слáве,/ совоскреси́л еси́ Адáма рукóю всеси́льною./ Слáва Твоемý триднéвному востáнiю,/ и҆́мже даровáл еси́ нам вéчную жизнь,/ и очищéнiе грехóв,// я́ко Еди́н Благоутрóбен.
Слáва Ѻтцý и Сы́ну и Святóму Дýху.
Стiхúра мýчеников, глас 8: Дýши прáведных в руцé Госпóдни,/ я́коже Авраáма, и Iсаáка, и Iáкова,/ и҆́же прéжде закóна прáотцы и Маккавéов прáдеди,/ ны́не восхваля́емых от нас:/ сíи бо крепкодýшнiи Авраáмстiи внýцы сýще,/ вéре поревновáвше своегó прáотца Авраáма,/ и дáже до смéрти подвизáшася за благочéстiе./ Благочéстно бо воспитáвшеся/ и закóнно пострадáвше,/ нечéстiе обличи́ша гóрдаго Антióха/ и, ничтóже предпочéтше врéменныя жи́зни,/ вéчныя рáди вся Бóгу возложи́ша:/ дýшу, мýжество, рáзум,/ тéло мя́гкое и воздая́нiя чистоты́ воспитáнiем./ О, кóрене благочести́ва,/ из негóже вы прозябóсте, Маккавéи!/ О, мáтере святы́я,/ рóждшiя равночи́сленное седмери́цы числó!/ Но мóлим вас, Маккавéи,/ с мáтерiю вáшею Соломонíею/ и мýдрым свящéнником Елеазáром,/ егдá предстоитé Хрiстý Бóгу,/ Егóже рáди потруди́стеся,/ труды́ плодóв вáших прiя́ти от Негó,/ прилéжну мольбý сотвори́те о человéчестве:/ твори́т бо, ели́ко хóщет,// и испо́лнит хотéнiя вáша, боя́щихся Егó.
И ны́не и прúсно и во вéки векóв, амúнь.
Стiхúра Крестá, глас 8 (по гласу «Славы»): Глас прорóка Твоегó Моисéя, Бóже,/ испóлнися, глагóляй:/ ýзрите живóт ваш, ви́сящ пред очесы́ вáшими./ Днесь Крест воздвизáется,/ и мир от лéсти свобождáется;/ днесь Хрiстóво воскресéнiе обновля́ется,/ и концы́ земли́ рáдуются,/ в кимвáлех давíдски песнь Тебé принося́ще и глагóлюще:/ содéлал еси́ спасéнiе посредé земли́, Бóже,/ Крест и воскресéнiе,/ и҆́хже рáди нас спасл еси́, Блáже и Человеколю́бче,// Всеси́льне Гóсподи, слáва Тебé.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоé,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святы́й Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегó,// яко Спáса родилá есѝ душ нáших. (Двáжды)
Тропáрь Крестá, глас 1: Спаси́, Гóсподи, лю́ди Твоя́/ и благослови́ достоя́нiе Твоé,/ побéды правослáвным хрiстiáнам на сопроти́вныя дáруя// и Твоé сохраня́я Крестóм Твои́м жи́тельство.
[Тропарь ц. ч.]Тропáрь Крестá, глас 1: Спаси́, Гóсподи, лю́ди Твоя́/ и благослови́ достоя́нiе Твоé,/ побéды грядýщему рýсскому Царю́ и правослáвным хрiстiáнам на сопроти́вныя дáруя// и Твоé сохраня́я Крестóм Твои́м жи́тельство.
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[в приходской практитке пропускается]/Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я́ Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющiи на Негó.
И глаголи ýтреню