Неделя 25 по Пятидесятнице. Святителя Иоанна Златоустого, глас 8. УТРЕНЯ (окончание) ЧАС ПЕРВЫЙ
26 ноября́ 2023 гóда. Недéля 25 по Пятидеся́тнице. Святúтеля Iоáнна, архiепíскопа Константíна грáда, Златоýстаго. Глас 8. Воскрéсная прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе ýтрени (окончáнiе). Пéрвый час.
Окончáнiе всенóщного бдéнiя. Начáло здесь ( великая вечéрня), здесь ( ýтреня) здесь ( продолжéнiе ýтрени с канóном)
Глас 8
Хор: Пресвятáя Богорóдице, спасù нас.
Чтец: Сопроти́вных разжжéнныя и пламенови́дныя на нас угасѝ стрéлы:// я́ко да поéм Тя во вся вéки.
Хор: Пресвятáя Богорóдице, спасù нас.
Чтец: Преестéственне Содéтеля и Спáса,/ Бóга Слóва родилá есѝ, Дéво:// тéмже Тя поéм, и превознóсим во вся вéки.
Глас 8
Хор: Святúтелю óтче Iоáнне, молù Бóга о нас.
Чтец: И́же разýмно словесéм твои́м бесéдующе, Златоýсте,/ Богослóвiя честнóму учи́мся,/ и всеплóдствуем благи́х полéзное,/ и злóбы отбегáем врéда:/ óбщiй бо строи́тель спасéнiя был есѝ, вопiя́:// превозноси́те Хрїстá во вéки. (Трúжды)
Хор: Святúтелю óтче Iоáнне, молù Бóга о нас.
Чтец: За ны молѝ Влады́ку, Златоýсте,/ сострадáтельнейшее дерзновéнiе имéя/ и ми́лостивною и человеколю́бною твоéю, óтче, любóвiю:/ тя бо ко Спáсу предлагáем, вéрнiи, ходáтая же, и предстáтеля,// и теплéйша моли́твенника, Богомýдре iерáрше, всеблажéнне Iоáнне. (Двáжды)
Хор: Святúтелю óтче Iоáнне, молù Бóга о нас.
Чтец: Ю́ношское противлéнiе, и непреклóнное мудровáнiе,/ и цáрствующих непрáвду обличи́л есѝ,/ тéпле предстáтельствуя оби́димыя, преподóбне;/ и сирóт, и вдов, и ни́щих отéц был есѝ любóвным предложéнiем,// превозноси́те, вопiя́, Хрїстá во вéки.
Хор: Благословúм Отцá, и Сы́на, и Святáго Дýха, Гóспода.
Тропáрь: Ю́ношское противлéнiе, и непреклóнное мудровáнiе,/ и цáрствующих непрáвду обличи́л есѝ,/ тéпле предстáтельствуя оби́димыя, преподóбне;/ и сирóт, и вдов, и ни́щих отéц был есѝ любóвным предложéнiем,// превозноси́те, вопiя́, Хрїстá во вéки.
Хор: И ны́не и прúсно и во вéки векóв. Амúнь.
Богорóдичен: Телéсными образовáнiи, и разли́чными гадáнiи,/ и символи́ческими, и знаменáтельными предъявлéньми,/ Твоè провозвести́ша Богоглагóливiи рождествó,/ преестéственное и чýдное, Дéво;/ тем Тя, веселя́щеся, благочéстно воспевáем,// Хрїстá превознося́ще во вся вéки.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя (глас 4): Óтроки благочестúвыя в пещù/ Рождествó Богорóдичо спаслó есть;/ тогдá ýбо образýемое,/ ны́не же дéйствуемое,/ вселéнную всю воздвизáет пéти Тебè:/ Гóспода пóйте, делá,// и превозносúте Егó во вся вéки.
Вóзглас: Богорóдицу и Мáтерь Свéта в пéснех возвелúчим.
Хор: Вели́чит душá Моя́ Гóспода,/ и возрáдовася дух Мой о Бóзе Спáсе Моéм.
Припéв: Честнéйшую Херувíм/ и Слáвнейшую без сравнéнiя Серафíм,/ без истлéнiя Бóга Слóва рóждшую,/ сýщую Богорóдицу, Тя величáем. (На каждый стiх)
Я́ко призрè на смирéнiе рабы́ Своея́,/ се бо от ны́не ублажáт Мя вси рóди.
Я́ко сотворѝ Мне вели́чiе Си́льный,/ и свя́то И҆́мя Егó, и ми́лость Егó в рóды родóв боя́щимся Егó.
Сотворѝ держáву мы́шцею Своéю,/ расточѝ гóрдыя мы́слiю сéрдца их.
Низложѝ си́льныя со престóл, и вознесè смирéнныя;/ áлчущiя испóлни благ, и богатя́щiяся отпустѝ тщи.
Воспрiя́т Iзрáиля óтрока Своегó, помянýти ми́лости,/ я́коже глагóла ко отцéм нáшим, Авраáму и сéмени егó, дáже до вéка.
ПЕСНЬ 9
Iрмóс: Ужасéся о сем Нéбо,/ и земли́ удиви́шася концы́,/ я́ко Бог яви́ся человéком плóтски,/ и чрéво Твоé бысть прострáннейшее Небéс./ Тем Тя, Богорóдицу,// Áнгелов и человéк чиноначáлiя величáют.
Хор: Слáва, Гóсподи, Святóму Воскресéнiю Твоемý.
Чтец: Божéственным и Безначáльным Естествóм прост сый,/ сложи́лся есѝ прiя́тiем плóти, в Тебè Самóм Сiю́ состáвив, Слóве Бóжiй,/ и пострадáв я́ко человéк, пребы́л есѝ кромè страстéй, я́ко Бог.// Тéмже Тя во Двою́ Существý нераздéльно и неслiя́нно величáем.
Хор: Слáва, Гóсподи, Святóму Воскресéнiю Твоемý.
Чтец: Отцá по Существý Божéственному,/ я́коже естествóм быв человéк,/ рекл есѝ Бóга Вы́шнiй, рабóм снизходя́,/ воскрéс от грóба, благодáтiю Отцá/ земнорóдным полóж, и҆́же по естествý Бóга же и Влады́ку,// с Ни́мже Тя вси величáем.
Хор: Пресвятáя Богорóдице, спасù нас.
Богорóдичен: Яви́лася есѝ, о Дéво Мáти Бóжiя,/ пáче естествá рóждши плóтiю Бóга Слóва,/ Егóже Отéц отры́гну от сéрдца Своегó прéжде всех век, я́ко Благ,// Егóже ны́не и телéс превы́шша разумéем, áще и в тéло облечéся.
Глас 8
Хор: Пресвятáя Богорóдице, спасù нас.
Чтец: Рáдости и весéлiя испóлнь есть пáмять Твоя́,/ приступáющим исцелéнiя точáщи,// и благочéстно Богорóдицу Тя возвещáющим.
Хор: Пресвятáя Богорóдице, спасù нас.
Чтец: Псалмы́ Тя воспевáем Благодáтная,/ и немóлчно, éже рáдуйся, принóсим:// Ты бо источи́ла есѝ всем рáдость.
Глас 8
Хор: Святúтелю óтче Iоáнне, молù Бóга о нас.
Чтец: И́стинно наслаждáяся, óтче, жи́зни,/ о нéйже подвизáлся есѝ, ели́ко мóщно,/ на землѝ житiéм преизя́ществовав Áнгельским/ и Хрїстóв стяжáв язы́к и устá ти́хая:// спасти́ся, Богоглагóливе, молѝ тя вéрою изя́щне блажáщим. (Трúжды)
Хор: Святúтелю óтче Iоáнне, молù Бóга о нас.
Чтец: Словесá твоя́, треблажéнне, словесá жи́зни,/ жизнь ходáтайствующая неконéчную:/ тя бо истóчника текýща показá Хрїстóс/ и рекý, проливáющу Божéственных потóки учéнiй,/ слáдости и́стинно потóк, оставлéнiя же струю́// и покая́нiя свéтла проповéдника. (Двáжды)
Хор: Святúтелю óтче Iоáнне, молù Бóга о нас.
Чтец: Ходáтай яви́лся есѝ, священноначáльниче, Бóга и человéков пресвéтлый,/ ты бо свети́льник яви́лся есѝ благочéстiя Богосвéтлый/ и Божéственнаго знáнiя и ми́лостыни наказáтель:// тем тя, златослóве, сердéчною любóвiю ны́не достóйно величáем.
Хор: Слáва Ѻтцý и Сы́ну и Святóму Дýху.
Тропáрь: Ходáтай яви́лся есѝ, священноначáльниче, Бóга и человéков пресвéтлый,/ ты бо свети́льник яви́лся есѝ благочéстiя Богосвéтлый/ и Божéственнаго знáнiя и ми́лостыни наказáтель:// тем тя, златослóве, сердéчною любóвiю ны́не достóйно величáем.
Хор: И ны́не и прúсно и во вéки векóв. Амúнь.
Богорóдичен: Чи́стая препрослáвленная Мáти Бóжiя,/ пою́щiя Тя любóвiю спасáй,/ искушéнiй молвý разрешáющи ми́лостивно./ Я́ко бо Бóга рóждши,/ вся, ели́ко хóщеши, совершáеши,/ успевáеши невозбрáнно и мóжеши, Дéво.// Тем Тя вси величáем.
Катавáсiя (глас 4): Всяк земнорóдный/ да взыгрáется, Дýхом просвещáемь,/ да торжествýет же Безплóтных умóв естествó,/ почитáющее свящéнное торжествó Богомáтере,/ и да вопiéт:/ рáдуйся, Всеблажéнная,// Богорóдице, Чúстая Приснодéво.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Свят Госпóдь Бог наш.
Хор: Свят Госпóдь Бог наш
Я́ко Свят Госпóдь Бог наш.
Хор: Свят Госпóдь Бог наш
Над всéми людьмѝ Бог наш.
Хор: Свят Госпóдь Бог наш
Ексапостiлáрiй воскрéсный трéтiй: Я́ко Хрїстóс воскрéсе, никтóже да не вéрует:/ яви́ся бо Марíи, потóм же ви́ден бысть на селó идýщима,/ таи́нником же пáки яви́ся возлежáщим единонáдесятим,/ и́хже крещáти послáв,/ на небесá вознесéся, отню́дуже и сни́де,// утверждáя проповéданiе мнóжествы знáменiй.
Светúлен свт. Iоáнна Златоýстаго: Златозáрными словесы́ твои́ми Хрїстóва Цéрковь светлéется я́сно,/ о Златоýсте óтче!/ Дýши же веселя́тся вéрных, почитáющыя всесвятýю твою́ пáмять,// ты бо всем показáлся есѝ покая́нiя настáвник и вождь спасéнiя.
Слáва Ѻтцý и Сы́ну и Святóму Дýху.
Ин светúлен свт. Iоáнна Златоýстаго: Великоглáснейшаго покая́нiя проповéдника,/ сокрóвище убóгих,/ устá Цéркве златáя и благоглагóливая, писáнiй явлéнiе,/ Iоáнна всему́драго да восхвáлим вси,// я́ко от тогó утверди́вшеся.
И ны́не и прúсно и во вéки векóв. Амúнь.
Богорóдичен воскрéснаго Ексапостiлáрiя: Возсiя́вшее Сóлнце, я́ко от чертóга жени́х, из грóба днесь,/ и ад плени́в, и смерть упраздни́в,/ Тебè Рóждшiя моли́твами, свет нам низпослѝ:/ свет, просвещáющ сердцá и дýши:/ свет, ходи́ти всех наставля́ющ// на стезѝ повелéнiй Твои́х, и на путь ми́ра.
ХВАЛИТНЫ
Хор, глас 8: Вся́кое дыхáнiе да хвáлит Гóспода./ Хвали́те Гóспода с небéс,/ хвали́те Егó в вы́шних.// Тебè подобáет песнь Бóгу.
Хвали́те Егó вси áнгели Егó,/ хвалите Егó вся си́лы Егó.// Тебè подобáет песнь Бóгу.
[В приходской практике пропускается до стихир]Хвали́те Егó, сóлнце и лунá, хвали́те Егó, вся звéзды и свет. Хвали́те Егó Небесá небéс и водá, я́же превы́ше небéс. Да восхвáлят и҆́мя Госпóдне: я́ко Той речè, и бы́ша, Той повелè, и создáшася. Постáви я́ в век и в век вéка, повелéнiе положи́, и не ми́мо и҆́дет. Хвали́те Гóспода от земли́, змíеве и вся бéздны: огнь, град, снег, гóлоть, дух бýрен, творя́щая слóво Егó, гóры и вси хóлми, древá плодонóсна и вси кéдри, звéрiе и вси скóти, гáди и пти́цы пернáты. Цáрiе зéмстiи и вси лю́дiе, кня́зи и вси судiи́ зéмстiи, ю́ноши и дéвы, стáрцы с ю́нотами да восхвáлят и҆́мя Госпóдне, я́ко вознесéся и҆́мя Тогó Еди́наго, исповéданiе Егó на земли́ и на небеси́. И вознесéт рог людéй Свои́х, песнь всем преподóбным Егó, сыновóм Iзрáилевым, лю́дем, приближáющымся Емý.
[В приходской практике пропускается до стихир]Воспóйте Гóсподеви песнь нóву, хвалéнiе Егó в цéркви преподóбных. Да возвеселится Iзрáиль о сотвóршем Егó, и сы́нове Сióни возрáдуются о Царè своéм. Да восхвáлят и҆́мя Егó в ли́це, в тимпáне и псалти́ри да поют Емý. Яко благоволи́т Госпóдь в людех Свои́х, и вознесéт крóткiя во спасéнiе. Восхвáлятся преподóбнiи во слáве и возрáдуются на лóжах свои́х. Возношéнiя Бóжiя в гортáни их, и мечи́ обою́ду остри́ в рукáх их: сотвори́ти отмщéнiе во языцех, обличéнiя в лю́дех, связáти цари́ их пýты, и слáвныя их ручными окóвы желéзными,
На 8.Чтец: Сотворúти в них суд напúсан:/ слáва сiя бýдет всем преподóбным Егó.
Стiхúры воскрéсные, глас 8: Гóсподи, áще и суди́лищу предстáл еси́ от Пiлáта суди́мый,/ но не отступи́л еси́ от престóла со Отцéм седя́:/ и воскрéс из мéртвых,/ мiр свободи́л еси́ от рабóты чуждáго,// я́ко Щедр и Человеколю́бец.
Хвалúте Бóга во святых Егó,/ хвалúте Егó в утвержéнiи сúлы Егó.
Стiхúра: Гóсподи, орýжiе на дiáвола/ Крест Твой дал еси́ нам:/ трепéщет бо и трясéтся, не терпя́ взирáти на си́лу Егó:/ я́ко мéртвыя возставля́ет, и смерть упраздни́./ Сегó рáди покланя́емся// погребéнiю Твоемý и востáнiю.
На 6: Хвалúте Егó на сúлах Егó, хвалúте Егó по мнóжеству велúчествiя Егó.
Стiхúра: Гóсподи, áще и я́ко мéртва/ во грóбе iудéи положи́ша,/ но я́ко Царя́ спя́ща вóини Тя стрежáху,/ и я́ко животá сокрóвище, печáтiю печáташа,/ но воскрéсл еси́,// и пóдал еси́ нетлéнiе душáм нáшым.
Хвалúте Егó во глáсе трýбнем, хвалúте Егó во псалтúри и гýслех.
Стiхúра: Áнгел Твой, Гóсподи,/ Воскресéнiе проповéдавый,/ стрáжи ýбо устраши́,/ женáм же возгласи́, глагóля:/ что и́щете Живáго с мéртвыми;/ воскрéсе Бог сый,// и вселéнней жизнь даровá.
На 4. Хвалúте Егó в тимпáне и лúце, хвалúте Егó во стрýнах и оргáне.
Стiхúры свт. Iоáнна, глас 4: Сосýд честнéйшiй Божéственнаго Дýха был еси́/ и пáстырь свящéннейшiй,/ Áнгел на земли́, столп церкóвный и догмáтов степéнь,/ грéшных порýчник, кáющихся Божéственное утешéнiе,/ ни́щих же промы́сленник и сирóт утешéнiе,/ Iоáнне Златоýсте,// моли́твенниче о душáх нáших.
Хвалúте Егó в кимвáлех доброглáсных, хвалúте Егó в кимвáлех восклицáнiя. Всякое дыхáнiе да хвáлит Гóспода.
Стiхúра: Сóлнце многосвéтлое,/ вселéнную словесы́ твои́ми озаря́я,/ был еси́ звездá светлéйшая,/ свещá светя́щiя зари́,/ и́же в мóри мíра всегдá обуревáемыя/ привлачáя ко пристáнищу тишáйшему/ спасéнiя благодáтiю, златослóве Златоýсте,// моли́твенниче о душáх нáших.
Устá моя́ возглагóлют премýдрость,/ и поучéнiе сéрдца моегó рáзум. (Пс.48:3)
Стiхúра: Áнгел земны́й и Небéсный человéк,/ славíй добропéснивый,/ рекá, исполня́ема словéсных вод,/ óблак тýчи разýмныя,/ всем нам богáтно кáплющiй,/ спасéнiя учи́тель и покая́нiя споспéшник,// Iоáнне Златоýсте, вои́стинну был еси́.
Устá прáведнаго поучáтся премýдрости,/ и язы́к егó возглагóлет суд. (Пс.36:30)
Стiхúра: Непрáведно от пáствы твоея́ изгнáн, óтче преподóбне,/ приобщи́лся еси́ скорбéм и гóрьким заточéнiем,/ в ни́хже удостóился еси́ блажéнныя кончи́ны,/ áки дóблественный страдáлец,/ победи́в многокóзненнаго,/ и побéды дiади́мою тя Хрїстóс венчá,/ Iоáнне Златоýсте,// моли́твенниче о душáх нáших.
Слáва Отцý и Сыну и Святóму Дýху.
Стiхúра евáнгельская третiя, глас 3: Магдали́не Марíи/ Спáсово благовествýющей из мéртвых Воскресéнiе и явлéнiе,/ не вéрующе же ученицы́, поноси́ми бы́ша о жестосéрдiи:/ но знáменьми воорýжшеся и чудесы́,/ ко проповéданiю посылáхуся,/ и Ты ýбо, Гóсподи, к начáльному свéту вознéслся еси́ Отцý,/ они́ же проповéдаша всю́ду слóво, чудесы́ уверя́юще./ Тéмже просвети́вшеся тéми,/ слáвим Твоé éже из мéртвых воскресéнiе,// человеколю́бче Гóсподи.
И ны́не и прúсно и во вéки векóв. Амúнь.
Глас 2: Преблагословéнна есѝ, Богорóдице Дéво,/ Воплóщшим бо ся из Тебè ад плени́ся,/ Адáм воззвáся,/ кля́тва потреби́ся,/ Éва свободи́ся,/ смерть умертви́ся, и мы ожи́хом./ Тем воспевáюще вопiéм:/ благословéн Хрїстóс Бог,// благоволи́вый тáко, слáва Тебè.
Вóзглас: Слáва Тебè, показáвшему нам свет.
Славословие великое
Хор: Слáва в вы́шних Бóгу, и на землѝ мир, в человéцех благоволéнiе. Хвáлим Тя, благослови́м Тя, клáняем Ти ся, славослóвим Тя, благодари́м Тя вели́кiя рáди слáвы Твоея́. Гóсподи, Царю́ Небéсный, Бóже, Ѻ́тче Вседержи́телю, Гóсподи Сы́не Единорóдный, Iисýсе Хрїстè, и Святы́й Дýше. Гóсподи Бóже, Áгнче Бóжiй, Сы́не Ѻтéчь, взéмляй грех мíра, поми́луй нас. Взéмляй грехѝ мíра, прiимѝ молитву нáшу. Седя́й одеснýю Ѻтцá, поми́луй нас. Яко Ты есѝ Един Свят; Ты есѝ Един Госпóдь, Iисýс Хрїстóс, в слáву Бóга Отцá, ами́нь.
На всяк день благословлю́ Тя и восхвалю́ и҆́мя Твоè во вéки, и в век вéка.
Сподóби, Гóсподи, в день сей без грехá сохрани́тися нам. Благословéн есѝ, Гóсподи Бóже отéц нáших, и хвáльно и прослáвлено и҆́мя Твоè во вéки, ами́нь.
Бýди, Гóсподи, милость Твоя на нас, я́коже уповáхом на Тя.
Благословéн есѝ, Гóсподи, научѝ мя оправдáнiем Твои́м.
Благословéн есѝ, Влады́ко, вразумѝ мя оправдáнiем Твои́м.
Благословéн есѝ, Святы́й, просветѝ мя оправдáнiи Твои́ми.
Гóсподи, прибéжище был есѝ нам в род и род. Аз рех: Гóсподи, поми́луй мя, исцелѝ дýшу мою́, я́ко согреши́х Тебè. Гóсподи, к Тебè прибегóх, научѝ мя твори́ти вóлю Твою́, яко Ты есѝ Бог мой, яко у Тебè истóчник животá, во свéте Твоéм ýзрим свет. Пробáви ми́лость Твою́ вéдущим Тя.
Хор: Святы́й Бóже, Святы́й Крéпкiй, Святы́й Безсмéртный, помúлуй нас. (3 рáза)
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкiй,/ Святы́й Безсмéртный, помúлуй нас.
Тропáрь воскрéсный, глас 2: Воскрéс из грóба и ýзы растерзáл еси áда,/ разруши́л еси осуждéнiе смéрти, Гóсподи,/ вся от сетéй врагá избáвивый;/ яви́вый же Себè апóстолом Твоим,/ послáл еси я на прóповедь,/ и тéми мир Твой пóдал еси вселéнней,// Еди́не Многоми́лостиве.
Гóсподи поми́луй (40 раз)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи поми́луй (12раз)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Утвердѝ, Бóже, святýю правослáвную вéру, правослáвных хрїстiáн во век вéка.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.
Гóсподи, поми́луй. (3 рáза)
Гóсподи, благословѝ.
ОТПУСТ
Гóсподи, Iисýсе Хрїстè, Сыне Бóжій, моли́твами пречи́стыя Своея́ Мáтере, и всех святы́х, поми́лует и спасéт нас, я́ко Благ и Человеколю́бец.
МНОГОЛЕТИЕ
ПЕРВЫЙ ЧАС
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 5
Глагóлы моя́ внушѝ, Гóсподи, разумéй звáнiе моè. Вонмѝ глáсу молéнiя моегó, Царю́ мой и Бóже мой, яко к Тебè помолю́ся, Гóсподи. Заýтра услы́ши глас мой, заýтра предстáну Ти, и ýзриши мя. Яко Бог не хотя́й беззакóнiя, Ты есѝ: не присели́тся к Тебè лукáвнуяй, нижè пребýдут беззакóнницы пред очи́ма Твои́ма: возненави́дел еси вся дéлающыя беззакóнiе. Погуби́ши вся глагóлющыя лжу: мýжа кровéй и льсти́ва гнушáется Госпóдь. Аз же мнóжеством ми́лости Твоея́, вни́ду в дом Твой, поклоню́ся ко хрáму святóму Твоемý, в стрáсе Твоéм. Гóсподи, настáви мя прáвдою Твоéю, враг моих рáди испрáви пред Тобóю путь мой. Яко несть во устéх их и҆́стины, сéрдце их сýетно, гроб отвéрст гортáнь их: язы́ки свои́ми льщáху. Судѝ им, Бóже, да отпадýт от мы́слей свои́х, по мнóжеству нечéстiя их изри́ни я́, яко преогорчи́ша Тя, Гóсподи. И да возвеселя́тся вси уповáющiи на Тя, во век возрáдуются, и всели́шися в них, и похвáлятся о Тебè лю́бящiи имя Твоè. Яко Ты благослови́ши прáведника, Гóсподи: яко орýжiем благоволéнiя венчáл есѝ нас.
Псалом 89
Гóсподи, прибéжище был еси нам в род и род. Прéжде дáже горáм не бы́ти и создáтися землѝ и вселéнней, и от вéка и до вéка Ты есѝ. Не отвратѝ человéка во смирéнiе, и рекл есѝ: обрати́теся, сы́нове человéчестiи. Яко ты́сяща лет пред очи́ма Твои́ма, Гóсподи, яко день вчерáшнiй, и҆́же мимои́де, и стрáжа нощнáя. Уничижéнiя их лéта бýдут. Утро яко травá мимои́дет, ýтро процветéт и прéйдет: на вéчер отпадéт ожестéет и и҆́зсхнет. Яко исчéзохом гнéвом Твоим, и я́ростiю Твоéю смути́хомся. Положи́л есѝ беззакóнiя нáша пред Тобóю: век наш в просвещéнiе лицá Твоегó. Яко вси днíе нáши оскудéша, и гнéвом Твоим исчезóхом, лéта нáша яко паучи́на поучáхуся. Днíе лет нáших, в ни́хже сéдмьдесят лет, áще же в си́лах, óсмьдесят лет, и мнóжае их труд и болéзнь: яко прiи́де крóтость на ны, и накáжемся. Кто весть держáву гнéва Твоегó, и от стрáха Твоегó, я́рость Твою исчестѝ? Десни́цу Твою́ тáко скажѝ ми, и оковáнныя сéрдцем в мýдрости. Обрати́ся, Гóсподи, докóле? И умолéн бýди на рабы́ Твоя́. Испóлнихомся заýтра ми́лости Твоея́, Гóсподи, и возрáдовахомся, и возвесели́хомся, во вся дни нáша возвесели́хомся, за дни в ня́же смири́л ны есѝ, лéта в ня́же ви́дехом злáя. И при́зри на рабы́ Твоя́, и на делá Твоя́, и настáви сы́ны их. И бýди свéтлость Гóспода Бóга нáшего на нас, и делá рук нáших испрáви на нас, и дéло рук нáших испрáви.
Псалом 100
Ми́лость и суд воспою́ Тебè, Гóсподи. Пою́ и разумéю в путѝ непорóчне, когдá прiи́деши ко мне? Прехождáх в незлóбiи сéрдца моегó посредè дóму моегó. Не предлагáх пред очи́ма мои́ма вещь законопрестýпную: творя́щыя преступлéнiе возненави́дех. Не прильпè мне сéрдце стропти́во, уклоня́ющагося от менè лукáваго не познáх. Оклеветáющаго тай и҆́скренняго своегó, сегó изгоня́х: гóрдым óком, и несы́тым сéрдцем, с сим не ядя́х. Ѻ́чи моѝ на вéрныя землѝ, посаждáти я́ со мнóю: ходя́й по путѝ непорóчну, сей ми служáше. Не живя́ше посредè дóму моегó творя́й горды́ню, глагóляй непрáведная, не исправля́ше пред очи́ма мои́ма. Во ýтрiя избивáх вся грéшныя землѝ, еже потреби́ти от грáда Госпóдня вся дéлающыя беззакóнiе.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, помúлуй. (3 рáза)
Тропáрь воскрéсный, глас 8: С высоты́ снизшéл есѝ, Благоутрóбне,/ погребéнiе прiя́л есѝ триднéвное,/ да нас свободи́ши страстéй,// Животè и Воскресéнiе нáше, Гóсподи, слáва Тебè!
Слáва Отцý и Сы́ну и Святóму Дýху.
Тропáрь свт. Iоáнна, глас 8: Уст твои́х, я́коже свéтлость огня́ возсiя́вши, благодáть/ вселéнную просветѝ:/ не сребролю́бiя мíрови сокрóвища снискá,/ высотý нам смиренномýдрiя показá,/ но, твои́ми словесы́ наказýя, óтче Iоáнне Златоýсте,// молѝ Слóва Хрїстá Бóга спасти́ся душáм нáшим.
И ны́не и прúсно и во вéки векóв. Амúнь.
Богорóдичен 1‑го часá: Что Тя наречéм, о Благодáтная? Нéбо, я́ко возсiя́ла есѝ Сóлнце Прáвды. Рай, я́ко прозяблá есѝ цвет нетлéнiя. Дéву, я́ко пребылá есѝ нетлéнна. Чи́стую Мáтерь, яко имéла есѝ на святы́х Твои́х объя́тiях Сы́на, всех Бóга. Тогó молѝ спасти́ся душáм нáшим.
Стопы́ моя́ напрáви по словесѝ Твоемý и да не обладáет мнóю вся́кое беззакóнiе. Избáви мя от клеветы́ человéческiя, и сохраню́ зáповеди Твоя́. Лицè Твоè просветѝ на рабá Твоегó и научѝ мя оправдáнiем Твои́м.
Да испóлнятся устá моя хвалéнiя Твоегó, Гóсподи, я́ко да воспою́ слáву Твою́, весь день великолéпiе Твоè.
Посем Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 рáза)
Слáва Отцý и Сыну и Святóму Дýху, и ныне и при́сно и во вéки векóв, ами́нь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 рáза)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сыне Бóжїй, поми́луй нас. Ами́нь.
КОНДАК
Кондáк свт. Iоáнна, глас 6: От Небéс прiя́л есѝ Божéственную благодáть,/ и твои́ми устнáми вся учи́ши/ покланя́тися в Трóице еди́ному Бóгу,/ Iоáнне Златоýсте, всеблажéнне преподóбне,/ достóйно хвáлим тя:// есѝ бо настáвник, я́ко Божéственная явля́я.
Гóсподи, помилуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстè Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесá очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (3 рáза)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословѝ.
Хрїстè, Свéте И҆́стинный, просвещáяй и освящáяй вся́каго человéка, грядýщаго в мiр, да знáменается на нас свет лицá Твоегó, да в нем ýзрим Свет Непристýпный: и испрáви стопы́ нáша к дéланiю зáповедей Твои́х, моли́твами Пречи́стыя Твоея́ Мáтере, и всех Твои́х святы́х, ами́нь.
Кондáк, глас 8: Взбрáнной Воевóде победúтельная,/ я́ко избáвльшеся от злых,/ благодáрственная восписýем Ти рабù Твоù, Богорóдице;/ но я́ко имýщая держáву непобедúмую,/ от вся́ких нас бед свободù, да зовéм Ти:// рáдуйся, Невéсто Неневéстная.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 рáза)
Гóсподи, благословᴎ́.
Гóсподи, Iисýсе Хрїстè, Сыне Бóжій, моли́твами Пречи́стыя Своея́ Мáтере, святы́х слáвных и всехвáльных Апóстол, святы́х и прáведных богоотéц Iоакíма и Áнны, и всех святы́х, поми́лует и спасéт нас, яко Благ и Человеколю́бец. Ами́нь.
С утрá чти часы и обéдницу