Неделя 25 по Пятидесятнице. Святителя Иоанна Златоустого, глас 8. ВСЕНОЩНОЕ БДЕНИЕ ВЕЛИКАЯ ВЕЧЕРНЯ
26 ноября́ 2023 гóда. Недéля 25 по Пятидеся́тнице. Святúтеля Iоáнна, архiепíскопа Константíна грáда, Златоýстаго. Глас 8. Всeнóщное бдéнiе для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстè, Бóже наш, поми́луй нас, ами́нь.
Слáва Тебè, Бóже наш, слáва Тебè.
Царю́ Небéсный, Утéшителю, Дýше И҆́стины, И҆́же вездè сый и вся исполня́яй, Сокрóвище благи́х и жи́зни Подáтелю, прiидѝ и всели́ся в ны, и очи́сти ны от вся́кiя сквéрны, и спасѝ, Блáже, Дýши нáша.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжїй, поми́луй нас. Ами́нь.
Гóсподи, поми́луй, (12 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Пріиди́те, поклони́мся Царéви нáшему Бóгу.
Пріиди́те, поклони́мся и припадéм Хрїстý, Царéви нáшему Бóгу.
Пріиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинaтельный
Стiхù избрáннiи: Благословѝ, душè моя́, Гóспода./ Благословéн есѝ, Гóсподи./ Гóсподи, Бóже мой, возвели́чился есѝ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредè гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благословѝ, душè моя, Гóспода. Гóсподи, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своè, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижè обратя́тся покры́ти зéмлю. Посылáяй истóчники в дéбрех, посредè гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицè елéем, и хлеб сéрдце человéка укрепи́т. Насы́тятся древá польскáя, кéдри Лiвáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себè. Возсiя́ сóлнце и собрáшася и в лóжах свои́х ля́гут. Изы́дет человéк на дéло своè и на дéланiе своè до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебè чáют, дáти пи́щу им во блáго врéмя. Дáвшу Тебè им соберýт, отвéрзшу Тебè рýку вся́ческая испóлнятся блáгости, отврáщшу же Тебè лицè, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицè землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животè моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душè моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
Читáем кафíсму 1-ю лúбо 1-ю cтатiю(«Блажéн муж» - 1-й антiфóн.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своè, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижè грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрїстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речè ко Мне: Сын Мой еси Ты, Аз днесь роди́х Тя. Просѝ от Менè, и дам Ти язы́ки достоя́нiе Твоè, и одержáнiе Твоè концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоè.
Лúбо поéм стiхù избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýїа, аллилýїа, аллилýїа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýїа, аллилýїа, аллилýїа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýїа, аллилýїа, аллилýїа.
Чтец (или хор): Блажéни вси надéющiися Нань.
Хор: Аллилýїа, аллилýїа, аллилýїа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýїа, аллилýїа, аллилýїа.
Чтец (или хор): Госпóдне есть спасéнiе, и на лю́дех Твои́х благословéнiе Твоè.
Хор: Аллилýїа, аллилýїа, аллилýїа.
Чтец: Слáва Ѻтцý и Сы́ну и Святóму Дýху.
Хор: Аллилýїа, аллилýїа, аллилýїа.
Хор: И ны́не и при́сно и во вéки векóв, ами́нь.
Хор: Аллилýїа, аллилýїа, аллилýїа.
Аллилýїа, аллилýїа, аллилýїа, слáва Тебè Бóже. (трúжды)
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 8
Хор: Гóсподи, воззвáх к Тебè, услы́ши мя./ Услы́ши мя, Гóсподи./ Гóсподи, воззвáх к Тебè, услы́ши мя:/ вонмѝ глáсу молéнія моегó,/ внегдá воззвáти ми к Тебè./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моè в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещè и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебè, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моè, печáль мою́ пред Ним возвещý. Внегдá исчезáти от менè дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менè: поги́бе бéгство от менè, и несть взыскáяй дýшу мою́. Воззвáх к Тебè, Гóсподи, рех: Ты есѝ уповáнiе моè, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менè.
На 10 Чтец: Изведù из темнúцы дýшу мою́,// исповéдатися úмени Твоемý.
Стiхúры воскрéсные, глас 8: Вечéрнюю песнь, и словéсную слýжбу,/ Тебè, Хрїстè, принóсим,/ я́ко благоволи́л есѝ// поми́ловати нас Воскресéнiем.
Менè ждут прáведницы,// дóндеже воздáси мне.
Стiхúра: Гóсподи, Гóсподи,/ не отвéржи нас от Твоегó лицá,// но благоволѝ поми́ловати нас Воскресéнiем.
На 8. Стiх: Из глубины́ воззвáх к Тебè, Гóсподи,// Гóсподи, услы́ши глас мой.
Стiхúра: Рáдуйся, Сióне Святы́й,/ мáти церквéй, Бóжiе жили́ще,/ Ты бо прiя́л есѝ пéрвый,// оставлéнiе грехóв, Воскресéнiем.
Да бýдут ýши Твоù// внéмлюще глáсу молéнiя моегó.
И҆́ны стiхúры анатóлiевы: Éже от Бóга Отцá Слóво,/ прéжде век Рóждшееся, в послéдняя же временá,/ Тóежде от Неискусобрáчныя воплóщшееся вóлею,/ распя́тiе смéртное претерпè:/ и дрéвле умерщвлéннаго человéка спасè// Свои́м Воскресéнiем.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебè очищéнiе есть.
Стiхúры свт. Iоáнна, глас 4: Златоковáнную трубý, Богодохновéнный оргáн,/ догмáтов пучи́ну неисчерпáемую,/ Цéркве утверждéнiе,/ ум Небéсный, премýдрости глубинý,/ чáшу всезлатýю,/ изливáющую рéки учéнiй медотóчных и напая́ющую тварь,// пéсненно воспои́м.
И҆́мене рáди Твоегó потерпéх Тя, Гóсподи, потерпè душá моя́ в слóво Твоè,// уповá душá моя на Гóспода.
Стiхúра: Звездý незаходи́мую,/ заря́ми просвещáющую учéнiй всю подсóлнечную,/ покая́нiя проповéдника,/ гýбу всезлатýю,/ мокрóту лю́тую невéденiя взéмлющую/ и орошáющую истáявшая сердцá грехмѝ,// Iоáнна достóйно Златословéснаго почти́м.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Земны́й Áнгел и Небéсный человéк,/ лáстовица благоглагóливая и многоглáсная,/ добродéтелей сокрóвище,/ кáмень наразсéдный, вéрных воображéнiе,/ мýчеником подóбен,/ равностоя́тель святы́х Áнгел,/ апóстолов единонрáвен,// в пéснех да возвели́чится Златоýст.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
И҆́ны свт. Iоáнна, глас 2 (Типикóн умáлчивает об этих стiхúрах): Дом духóвный одея́нiи, я́ко кáменiи, сограждéн/ и мир покрывáяй,// премýдрый Златоýст.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: Дом духóвен благодáти всей/ слóва премýдрости яви́ся, внутрь имы́й,// Златоýсте блажéнне.
Яко утвердúся мúлость Егó на нас,// и и҆́стина Госпóдня пребывáет во век.
Глас 5: Дом свящéнных добродéтелей свящéнный/ себè соверши́л есѝ,/ в тебè бо жили́ще,/ я́ко во святéм хрáме и честнéйшем, óтче,/ положѝ, премýдро окорми́в,/ и чýвства телéсная,/ я́ко в неокрáдоме сокрóвищи, / соблю́л есѝ помышлéнiя страстны́х смущéнiй,/ отню́дуже богови́днейши, преблажéнне, быв,/ Цéркви предстáтельством укрáшен,/ Хрiстá моли́,// подаю́щаго мíрови вéлiю ми́лость.
Слáва Отцý и Сыну и Святóму Дýху.
Глас 6: Преподóбне, треблажéнне, святéйшiй óтче,/ пáстырю дóбрый и началопáстыря Хрiстá ученичè,/ положи́вый дýшу за óвцы:/ сам и ны́не, всеблагохвáльне Iоáнне Златоýсте,/ просѝ моли́твами твои́ми// даровáти нам вéлiю ми́лость.
И ны́не и прúсно и во вéки векóв, амúнь.
Догмáтик. Глас 8: Царь Небéсный за человеколю́бiе на землѝ яви́ся,/ и с человéки поживè:/ от Дéвы бо Чи́стыя плоть прiéмый,/ и из Нея́ прошéдый с воспрiя́тiем./ Еди́н есть Сын, сугýб естествóм,/ но не Ипостáсiю./ Тéмже совершéнна Тогó Бóга/ и совершéнна Человéка вои́стину проповéдающе,/ исповéдуем Хрїстá Бóга нáшего:/ Егóже молѝ, Мáти Безневéстная,// поми́ловатися душáм нáшим.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстè! Пришéдше на зáпад сóлнца, ви́девше свет вечéрнiй, поéм Ѻтцá, Сы́на и Святáго Дýха, Бóга. Достóин есѝ во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВОСКРЕСНЫЙ
Чтец: Прокíмен, глас шесты́й: Госпóдь воцари́ся, в лéпоту облечéся.
Хор: Госпóдь воцарúся,/ в лéпоту облечéся. (Пс.92:1А)
Чтец: Облечéся Госпóдь в си́лу и препоя́сася. (Пс.92:1Б)
Хор: Госпóдь воцарúся,/ в лéпоту облечéся.
Чтец: И҆́бо утвердѝ вселéнную, я́же не подви́жится. (Пс.92:1В)
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)
Хор: Госпóдь воцарúся,/ в лéпоту облечéся.
Чтец: Госпóдь воцари́ся.
Хор: В лéпоту облечéся.
ПАРЕМИИ СВЯТИТЕЛЮ
Чтец: При́тчей чтéнiе.
(Из глав 10, 3 и 8): Пáмять прáведнаго с похвалáми, и благословéнiе Госпóдне на главè егó. Блажéн человéк, и́же обрéте премýдрость, и смéртен, и́же увéде рáзум. Лýчше бо сiю́ куповáти, нéжели злáта и сребрá сокрóвища. Честнéйшая же есть кáменiй многоцéнных, все же честнóе недостóйно ея́ есть. Долготá бо дней и лéта животá в десни́це ея́, в шýйце же ея́ богáтство и слáва. От уст ея́ исхóдит прáвда, закóн же и ми́лость на язы́це нóсит. Послýшайте ýбо менè, о чáда, честнáя бо рекý, и блажéн человéк, и́же путѝ моя́ сохрани́т. Исхóди бо моѝ - исхóди животá, и уготовля́ется хотéнiе от Гóспода. Сегó рáди молю́ вас и предлагáю мой глас сыновóм человéческим: я́ко аз, премýдрость, устрóих совéт, и рáзум и смысл аз призвáх. Мой совéт и утверждéнiе, мой рáзум, моя́ же крéпость. Аз менè лю́бящiя люблю́, и́щущiи же менè обря́щут благодáть. Разумéйте ýбо, незлóбивiи, ковáрство, ненакáзаннiи же, прилагáйте сердцá. Послýшайте менè и пáки, честнáя бо рекý, и отвéрзу от устéн прáвая, я́ко и́стине поучи́тся гортáнь мой, мéрзки же предо мнóю устны́ лжи́выя. С прáвдою вси глагóлы уст мои́х, ничтóже в них стрóпотно, нижè развращéнно. Вся прáва суть разумевáющим и прóста обретáющим рáзум. Научáю бо вас и́стине, да бýдет о Гóсподе надéжда вáша, и испóлнитеся Дýха.
[Русский синодальный перевод]Память праведника пребудет благословенна, и благословения - на голове его. Блажен человек, который снискал мудрость, и человек, который приобрел разум, - потому что приобретение её лучше приобретения серебра, и прибыли от неё больше, нежели от золота: она дороже драгоценных камней, и ничто из желаемого тобою не сравнится с нею. Долгоденствие - в правой руке её, а в левой у неё - богатство и слава; из уст её выходит правда; закон и милость она на языке носит. Слушайте меня, дети, потому что я буду говорить важное: Блажен человек, который слушает меня, потому что, кто нашел меня, тот нашел жизнь, и получит благодать от Господа. К вам, люди, взываю я, и к сынам человеческим голос мой! Я, премудрость, обитаю с разумом и ищу рассудительного знания. У меня совет и правда; я разум, у меня сила. Любящих меня я люблю, и ищущие меня найдут меня. Научитесь, неразумные, благоразумию, и глупые - разуму. Слушайте, потому что я буду говорить важное, и изречение уст моих - правда; ибо истину произнесет язык мой, и нечестие - мерзость для уст моих; все слова уст моих справедливы; нет в них коварства и лукавства; все они ясны для разумного и справедливы для приобретших знание. Ибо я учу вас истинному, чтобы была в Господе надежда ваша, и вы исполнились Духа.(Притч.10:7А 5 А; 3:13-16; 8:6, 34А, 35, 4, 12, 14, 17, 5-9)
Чтец: Премýдрости Соломóни чтéнiе.
(Из глав 10,6,8 и 9): Устá прáведнаго кáплют премýдрость, устнè же мужéй мýдрых вéдят благодáть. Устá мýдрых поучáтся премýдрости, прáвда же избавля́ет их от смéрти. Скончáвшуся мýжу прáведну, не поги́бнет надéжда. Сын бо прáведен раждáется в живóт и во благи́х свои́х плод прáвды обы́мет. Свет прáведным всегдá, и от Гóспода обря́щут благодáть и слáву. Язы́к мýдрых дóбрая свесть, и в сéрдце их почи́ет мýдрость. Лю́бит Госпóдь преподóбная сердцá, прiя́тни же Емý вси, непорóчнiи в путѝ. Мýдрость Госпóдня просвещáет лицè разýмнаго. Постигáет бо желáющiя ю́, прéжде дáже разумéти ю́, и удóбь ýзрится от лю́бящих ю́. У́треневавый к ней не утруди́тся, и бдяй ея́ рáди вскóре без печáли бýдет. Я́ко достóйных ея́ самá обхóдит и́щущи, и во стезя́х ея́ явля́ется им благопрiéмне. Мýдрости никогдáже одолéет злóба. Сих рáди и рачи́тель бых добрóты ея́, и возлюби́х ю́, и поискáх от ю́ности моея́. И взыскáх невéсту привестѝ себè, я́ко всех Влады́ка возлюбѝ ю́. Таи́нница бо есть Бóжiя хи́трости и обретáтельница дел Егó. Труды́ ея́, суть добродéтели, целомýдрiю же и рáзуму та учи́т, прáвде и мýжеству, и́хже потрéбнее ничтóже есть в житiѝ человéком. Áще же и многоискýсства желáет кто, весть дрéвняя, и бы́ти хотя́щая разсмóтрит. Свесть изви́тiя словéс и разрешéнiя гадáнiй, знáменiя и чудесá проразумéет и сбытiя́ времéн и лет, и всем совéтник есть благ, я́ко безсмéртiе есть в ней и благослáвiе во общéнiи словéс ея́. Сегó рáди бесéдовах ко Гóсподу, и помоли́хся Емý, и рех от всегó сéрдца моегó: Бóже отцéв и Гóсподи ми́лости, сотвори́вый вся слóвом Твои́м, и мýдростiю Твоéю устрóивый человéка, да владéет бы́вшими от Тебè тварьмѝ и да управля́ет мир в преподóбiи и прáвде. Даждь ми Твои́х престóлов приседя́щую премýдрость и не отлучѝ менè от óтрок Твои́х, я́ко аз раб Твой и сын рабы́ни Твоея́. Послѝ ю́ с Небéс, от святáго жили́ща Твоегó и от Престóла слáвы Твоея́, да, сýщи со мнóю, научи́т мя, что благоугóдно есть пред Тобóю. И настáвит мя в рáзум, и сохрани́т мя в слáве своéй. Помышлéнiя бо смéртных вся боязли́ва и погреши́тельна умышлéнiя их.
[Русский синодальный перевод]Уста праведника источают мудрость, а губы мужей мудрых знают благодать. Уста мудрых обучаются премудрости, правда же избавляет их от смерти. По кончине мужа праведного не гибнет надежда: ибо сын праведный рождается для жизни, и во благах своих плод правды соберет. Свет праведным - всегда, и от Господа они обретут благодать и славу. Язык мудрых доброе знает, и в сердце их почивает мудрость. Любит Господь благоговейные сердца, и приятны Ему все непорочные в пути. Мудрость Господня просветит лицо разумного: ведь Она опережает жаждущих её, прежде, чем те уразумеют ее и легко созерцается любящими её. С рассвета ищущий её не утомится, и бодрствующий ради неё вскоре беззаботен будет. Ибо она сама ходит кругом, ища её достойных, и на путях своих показывается им благосклонно. Мудрости никогда не одолеет злоба. Потому я и стал ревнителем красоты её, и возлюбил ее, и взыскал с юности моей. И постарался привести её в невесту себе, ибо всех Владыка возлюбил её. Ведь она - вводит в тайны ведения Божия и избирает дела Его. Труды ее - добродетели, целомудрию и разуму она учит, правде и мужеству, полезнее которых ничего нет в жизни для людей. Если же кто и большого опыта желает, то ей известно древнее, и что должно произойти. Знает она повороты слов и разрешение загадок, предугадывает знамения и чудеса и исходы событий и времен, и для всех - советник благой. Ибо бессмертие пребывает в ней, и слава в общении слов ее. Потому я обратился к Господу, и помолился Ему, и сказал Ему от всего сердца моего: "Боже отцов и Господи милости, сотворивший всё словом Твоим и мудростью Твоею устроивший человека, чтобы он властвовал над созданными Тобой творениями и управлял миром в святости и правде! Дай мне у Твоих престолов сидящую Премудрость и не отвергни меня из числа отроков Твоих: ибо я раб Твой и сын рабы Твоей. Пошли её с небес, от святого жилища Твоего и от престола славы Твоей, чтобы она пребывая со мною научила меня, что благоугодно пред Тобою, и руководила мной в познании, и сохранила меня в славе своей: ибо все помышления смертных боязливы, и нетверды намерения их".(Премсол.10,6,8 и 9)
Чтец: Премýдрости Соломóни чтéнiе.
(Из глав 4,6,7 и 2): Похваля́ему прáведнику, возвеселя́тся лю́дiе: безсмéртiе бо есть пáмять егó, я́ко от Гóспода познавáется и от человéк, и угóдна Гóсподеви душá егó. Возлюби́те ýбо, о мýжiе, мýдрость и поживетè, восхощи́те ея́ и накáзани бýдете: начáло бо ея́ любы́ и соблюдéнiе закóна. Почти́те премýдрость, да во вéки цáрствуете. Возвещý вам и не скры́ю от вас тáин Бóжiих, я́ко Той мýдрости Настáвник есть, и мýдрых Испрáвитель, и вся́кому смы́слу и дéлу Хитрéц. И всем смы́слом научи́т мýдрость: есть бо в ней дух разýмен и свят, и сiя́нiе свéта присносýщнаго, и óбраз блáгости Бóжiя; тáя дрýги Бóжiя и прóроки устроя́ет. Благолéпнейши же есть сóлнца и пáче вся́каго сотворéнiя звезд, свéту сосуждáема обретáется пéрвейши. Тáя угождáющыя ей от болéзней избáви и настáви на стезѝ прáвыя. Дадè им рáзум имéти свят и сохранѝ от ловя́щих, и пóдвиг крéпок подадè им. Да разумéют вси, я́ко си́льнейши всегó есть благочéстiе; и никогдáже премóжет злóба мýдрости, нижè прéйдет, злы́я обличáющи, суд. Рекóша же в себè, помы́сливше непрáведно: наси́льствуем прáведнаго и не пощади́м преподóбства егó, ни усрами́мся седи́н стáрости многолéтны. Бýдет бо нам крéпость закóн, и улови́м прáведнаго, я́ко неугóден нам есть, и проти́вится делóм нáшим, и понóсит нам отпадéнiе закóна, и обличáет нам согрешéнiя наказáнiя нáшего. Возвещáет нам рáзум имéти Бóжiй и óтрока Госпóдня себè именýет. Бысть нам на обличéнiе помышлéнiй нáших и тя́жек нам есть, и ви́дим, я́ко неподóбно ины́м житié егó и изменéны стезѝ егó. В поругáнiе вмени́хомся емý, и удаля́ется от путéй нáших, я́ко от нечистóт, и блажи́т послéдняя прáведных. Уви́дим ýбо, áще словесá егó и́стинна суть, искýсим, я́же сбывáются емý. Ругáнiем и мýкою истя́жем егó, да разумéем крóтость егó, и искýсим беззлóбство егó, смéртiю безобрáзною осýдим егó, бýдет бо посещéнiе от словéс егó. Сiя́ помы́слиша и прельсти́шася: ослепѝ бо я́ злóба их, и не разумéша тáин Бóжiих и не разсуди́ша, я́ко Ты есѝ Бог Еди́н, животá имéяй и смéрти власть, и спасáяй во врéмя скóрби, и избавля́яй от вся́каго зла. Щедр и ми́лостив, и дая́й преподóбным Свои́м благодáть, и Своéю мы́шцею гóрдым противля́яся.
[Русский синодальный перевод]Когда прославляется праведник, возвеселится народ; ибо бессмертие - память о нем: потому что и у Бога признается она, и у людей; и угодна Господу душа его. Возжелайте же, о мужи, мудрости, и возлюбите, и примите наставление. Ведь начало ее - любовь и соблюдение законов; почтите премудрость, чтобы вам царствовать вовек. Я возвещу вам, и не скрою от вас таинств Божиих, ибо Он и к мудрости руководитель, и мудрых исправитель, и во всяком смысле и деле Искусник. И всем смыслам научит мудрость. Ибо есть в ней Дух разумный, святой, отблеск света вечного и образ благости Божией. Она - готовит друзей Божиих и пророков. Она прекраснее солнца и выше всего строя звезд; в сравнении со светом оказывается первейшей. Она послуживших ей от скорбей избавила и направила на пути прямые. Дала им знание святых, и сохранила их от злоумышлявших, и за борьбу крепкую наградила их, дабы познали все, что сильнее всего благочестие. И никогда не преодолеет злоба премудрости, как и не прейдет обличающее злых правосудие. Ведь сказали сами в себе помыслившие неправо: "Будем притеснять праведника, не пощадим благочестия его, и не постыдимся седины старца многолетнего: пусть же будет у нас сила законом. И мы устроим засаду праведнику, ибо он помеха для нас и противится делам нашим, и порицает нас за изъяны воспитания нашего; объявляет, что имеет знание о Боге и сыном Господа себя именует; он стал нам обличением мыслей наших. Тяжело нам и смотреть на него, ибо не похожа на жизнь других жизнь его, и необычны пути его; в подделку мы вменены для него, и он удаляется от путей наших, как от нечистот, и блаженной называет кончину праведных. Увидим же, истинны ли слова его, и узнаем, что будет при исходе его. Оскорблением и мучением испытаем его, чтобы узнать кротость его и проверить беззлобие его; на смерть бесчестную осудим его, ведь будет попечение о нём, по словам его". Так они помыслили, и ошиблись; ибо ослепила их злоба их; и они не познали таинств Божиих, и не рассудили, что Ты - Бог единый, имеющий над жизнью и смертью власть, и спасающий во время скорби, и избавляющий от всякого зла, жалеющий и милующий и дающий благоговейным пред Тобою благодать и Cвоею мышцею надменным противящийся.(Премсол.4,6,7 и 2)
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоè во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебè подобáет хвалá. Тебè подобáет пéнiе,/ Тебè слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры свт. Iоáнна, глас 1, самоглáсен (Анатóлiево): Свети́льниче Iоáнне, устá златосiя́нная,/ удобрéнiе Богодéянных добродéтелей,/ обитáлище писáнiй тайноначáльных:/ ты пречи́стое, Всесвятáго Дýха нетлéнное сокрóвище был есѝ,/ отню́дуже возвесели́л есѝ всю Цéрковь/ спаси́тельным твои́м слóвом сýщим,/ дерзновéнiе ýбо обрéт к Бóгу,/ в наслаждéнiи Гóрняго наслéдiя// моли́ся о нас, óтче святéйшiй.
Излiя́ся благодáть во устнáх твои́х,/ преподóбне óтче Iоáнне Златоýсте,/ сегó рáди помáза тя Бог архiерéя лю́дем Свои́м,/ пáствити пáству Егó в преподóбiи и прáвде./ Тéмже, препоя́сан орýжiем Си́льнаго,/ пресéкл есѝ языковрéдiя ересéй,/ и ны́не не престáй моля́ся// умири́ти мiр и спастѝ дýшы нáша.
Студíтово, глас 2: Тя, вели́каго архiерéя и пáстыря,/ незлóбива и преподóбна,/ покая́нiя проповéдника,/ златословéсная устá благодáти,/ восхваля́юще любóвiю, мóлимся:/ преподáждь нам моли́твы твоя́, óтче,// во спасéнiе душ нáших.
Геóргiя Нiкомидíйскаго: Златы́ми словесы́ твои́ми,/ Цéрковь, я́ко ýтварiю златóю, украси́вшися,/ Iоáнне Златоýсте,/ невéстнически рáдующися, вопiéт тебé:/ насы́тихся от твои́х златотóчных вод,/ украси́вшися златоткáнными и медозлаты́ми питiѝ;/ от дея́нiя бо в видéнiе возвождýся/ крóтких рáди твои́х поучéнiй/ и со Хрiстóм, ýмным Женихóм, соединя́юся, цáрствующи с Ним./ Тем и мы, совокýпльшеся в пáмять твою́, зовéм:/ не престáй моля́ся за ны ко Гóсподу,// éже спастѝ дýшы нáша.
Прiя́л есѝ, iерáрше, Гóрнейшую филосóфiю/ и вне мíра был есѝ,/ живя́ вы́шше ви́димых,/ и зерцáло несквéрное Бóжiе Божéственно показáлся есѝ,/ и сый, при́сно соединéн Свéтом,/ свет прiимáл есѝ,/ и яснéйшiй блажéнный получи́л есѝ конéц.// Моли́ся, Златоýсте, о душáх нáших.
Глас 4: Глагóлы златозáрнейшими/ зéмлю я́ве напои́л есѝ,/ златоточи́ву имéя дýшу же и тéло, всеблажéнне,/ вся позлати́в словесы́ твои́ми,/ златодéлателю догмáтов твои́х,/ и, кни́ги написáв златопи́санныя,/ возлетéл есѝ на Небесá./ Тем вопiéм ти:/ златоточи́ве и Златоýсте,// Хрiстá Бóга молѝ спастѝ дýшы нáша.
Слáва Ѻтцý и Сы́ну и Святóму Дýху.
Гéрманово: Подобáше Цáрствующему градóв/ Iоáнна имéти архiерéя,/ я́коже нéкую ýтварь цáрскую/ и златоковáнную трубý,/ вся оглашáющу концы́ спаси́тельными догмáты/ и вся совоздви́жущую к рéвности пéнiй Боголéпных./ К немýже возопiи́м:/ златослóве и Златоýсте,// Хрiстá Бóга молѝ спастѝ дýшы нáша.
И ны́не и прúсно и во вéки векóв, амúнь.
Богорóдичен из Минéи, глас тóйже: Тя стéну стяжáхом, Богорóдице Пречи́стая,/ и благоути́шное пристáнище, и утверждéнiе,/ тéмже мóлим, и́же в житiи́ обуревáемiи,// упрáви и спаси́ ны.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхúры воскрéсные, глас 8): Возшéл еси́ на Крест, Iисýсе,/ снизшéдый с Небесè,/ пришéл еси́ на смерть, Животé Безсмéртный,/ к сýщим во тьме Свет и҆́стинный,/ к пáдшым всех Воскресéнiе,// просвещéнiе, и Спáсе наш, слáва Тебè.
Стiх: Госпóдь воцарúся, в лéпоту облечéся.
И҆́ны по алфавúту, глас 8: Хрїстá славослóвим, воскрéсшаго от мéртвых:/ дýшу бо и тéло прiéм,/ стрáсти отъобою́ду отсечè,/ пречи́стей ýбо души́ во ад сошéдшей,/ егóже и плени́:/ во грóбе же истлéнiя не ви́де святóе тéло,// Избáвителя душ нáших.
Стiх: И҆́бо утвердù вселéнную,/ я́же не подвúжется.
Псалмы́ и пéсньми славослóвим, Хрїстè,/ от мéртвых Твоè Воскресéнiе:/ и҆́мже нас свободи́л еси́ мучи́тельства áдова,/ и я́ко Бог даровáл еси́ жизнь вéчную,// и вéлiю ми́лость.
Стiх: Дóму Твоемý подобáет святы́ня, Гóсподи,/ в долготý днiй.
О Влады́ко всех Непостижи́ме,/ Твóрче небесè и земли́,/ крестóм пострадáвый, мне безстрáстiе источи́л еси́:/ погребéнiе же прiéм, и воскрéс во слáве,/ совоскреси́л еси́ Адáма рукóю всеси́льною./ Слáва Твоемý триднéвному востáнiю,/ и҆́мже даровáл еси́ нам вéчную жизнь,/ и очищéнiе грехóв,// я́ко Еди́н Благоутрóбен.
Слáва Ѻтцý и Сы́ну и Святóму Дýху.
Стихúра свт. Iоáнна, глас 6: Трубá златоглáсная показáлся еси́,/ златоглагóливе Златоýсте,/ златодéйствуя сердцá вéрных/ златотрýдными твои́ми учéнiи,/ прорóчески бо изы́де вещáнiе исправлéнiй твои́х, преподóбне óтче,// и мíра всегó концы́ просвети́л еси́.
И ны́не и прúсно и во вéки векóв, амúнь.
Богорóдичен воскрéсен, глас 6 (по глáсу «Слáвы»): Творéц и Избáвитель мой Пречи́стая,/ Хрїстóс Госпóдь из Твои́х ложéсн прошéд,/ в мя оболкíйся,/ пéрвыя кля́твы Адáма свободи́./ Тéмже Ти Всечи́стая,/ я́ко Бóжiи Мáтери же и Дéве,/ вои́стинну вопiéм немóлчно:/ рáдуйся áнгельски, рáдуйся Влады́чице,/ предстáтельство и покрóве,// и спасéнiе душ нáших.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоè,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 рáза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегó,// яко Спáса родилá есѝ душ нáших. (Двáжды)
Тропáрь свт. Iоáнна, глас 8: Уст твои́х, я́коже свéтлость огня́ возсiя́вши, благодáть/ вселéнную просвети́:/ не сребролю́бiя ми́рови сокрóвища снискá,/ высотý нам смиренномýдрiя показá,/ но, твои́ми словесы́ наказýя, óтче Iоáнне Златоýсте,// моли́ Слóва Хрiстá Бóга спасти́ся душáм нáшим.
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалá Егó во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасè и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[В приходской практитке пропускается]/ Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я́ Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющiи на Негó.
И глаголи ýтреню