Неделя 3 по Пятидесятнице,прп.Онуфрия Великого, прп.Петра Афонского ОБЕДНИЦА(Изобразительные) Глас 2
25 iю́ня 2023 гóда. Недéля 3 по Пятидеся́тнице, преподóбнаго Онýфрiя Велúкаго, преподóбнаго Петрá Афóнскаго. Глас 2. Воскрéсная прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Глагóли сúце: Благословѝ, душé моя́, Гóспода,/ благословéн есѝ Гóсподи.
Псалом 102
Благословѝ, душé моя́, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянù нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Чтец (стiхúры воскрéсные, глас 2): Глас Ти принóсим разбóйничь, и мóлимся: помянѝ нас, Спáсе, во Цáрствiи Твоéм.
Хор: Блажéни плáчущiи,/ я́ко тíи утéшатся.
Чтец: Крест Тебé принóсим в прощéнiе прегрешéнiй: егóже нас рáди прiя́л есѝ, Человеколю́бче.
На 10. Хор: Блажéни крóтцыи,/ я́ко тíи наслéдят зéмлю.
Чтец: Покланя́емся Твоемý, Влады́ко, погребéнiю и востáнiю: и́миже от тлéнiя избáвил есѝ мiр, Человеколю́бче.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Смéртiю Твоéю, Гóсподи, пожéрта бысть смерть: и Воскресéнiем Твои́м, Спáсе, мiр спасл есѝ.
На 8. Хор: Блажéни мúлостивiи,/ я́ко тíи помúловани бýдут.
Чтец (стiхúры прп. Петрá, глас 2): Умертви́в я́же на земли́ ýды, преподóбне,/ поучéнiи оживи́л еси́ дýшу Божéственными// и получи́л еси́ вéчную жи́знь и свéтлость.
Хор: Блажéни чúстiи сéрдцем,/ я́ко тíи Бóга ýзрят.
Чтец: Совокупи́лся еси́, я́ко дóбре пожи́в, с Вы́шними, преблажéнне, ликостоя́нiи,// в безмóлвiи пребывáя и на добрóту Божéственную взирáя.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: В горáх я́ве скрывáемь, человéк совокуплéнiя удали́лся еси́// и ум весь впери́л еси́ к Небéсней добрóте, веселя́ся.
Хор: Блажéни изгнáни прáвды рáди,/ я́ко тех есть Цáрство Небéсное.
Богорóдичен: Палáту краснý неизречéннаго богáтства, Дéво, знáюще,/ по дóлгу Тя слáвим,// спáсшiися Рождествóм Твои́м, Всенепорóчная.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
Чтец (стiхúры прп. Онýфрiя, глас 4): Мрáзом померзáемей плóти твоéй,/ теплотóю Дýха грéяшеся твой дух;/ знóем же опаля́емь, мýдре,// росá прохлаждáше Небéсная тя благодáтiю.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Ходя́щу ти в пусты́ни, от Бóга предвождáлся еси́, слáвне, светозарéнiем,/ тáмо хотя́щаго свéта прiя́ти тя ны́не прописýя// и слáву, при́сно пребывáющую.
Хор: Слáва Ѻтцý и Сы́ну и Святóму Дýху.
Чтец: В вертéпе роди́выйся и на рукý стáрца я́ко Младéнец прiя́ти сподóблься,// младéнствующа дéлы благи́ми, стáрца в вертéпе тя учиня́ет к лýчшим.
Хор: И ны́не и прúсно и во вéки векóв. Амúнь.
Богорóдичен: Бéздну ми́лости рóждшая,/ страстéй мои́х бéздну пучи́ною щедрóт Твои́х потóпльши,// тýчу от души́ подáждь ми слез, Богороди́тельнице Всенепорóчная.
Тропари и кондаки
Тропáрь воскрéсный, глас 2: Егдá снизшéл еси́ к смéрти, Животé Безсмéртный,/ тогдá ад умертви́л еси́ блистáнiем Божествá./ Егдá же и умéршыя от преиспóдних воскреси́л еси́,/ вся Си́лы Небéсныя взывáху:// Жизнодáвче, Хрiстé Бóже наш, слáва Тебé.
Тропáрь преподóбных, глас 4: Бóже отéц нáших,/ творя́й при́сно с нáми по Твоéй крóтости,/ не отстáви ми́лость Твою́ от нас/ но моли́твами их// в ми́ре упрáви живóт наш.
Кондáк прп. Онýфрiя, глас 3: Сiя́нiем Дýха Пресвятáго,/ Богомýдре, просвéщся,/ остáвил еси́ я́же в житiи́ молвы́,/ пусты́ню же дости́гл еси́, преподóбне óтче,/ возвесели́л еси́ и́же над всéми Бóга и Зижди́теля,/ сегó рáди прославля́ет тя Хрїстóс, блажéнне,// вели́кiй Дародáтель.
Слáва Ѻтцý и Сы́ну и Святóму Дýху.
Кондáк прп. Петрá, глас 2: Удали́в себé человéческаго сожи́тельства,/ в пещéрах кáменных и разсéлинах пожи́л еси́,/ желáнiем Божéственным и любóвiю, Пéтре, Гóспода твоегó,/ от Негóже венéц прiя́л еси́.// Моли́ непрестáнно спасти́ся нам.
И ны́не и прúсно и во вéки векóв, амúнь.
Кондáк воскрéсный, глас 2: Воскрéсл еси́ от грóба, Всеси́льне Спáсе,/ и ад, ви́дев чýдо, ужасéся,/ и мéртвiи востáша;/ тварь же ви́дящи срáдуется Тебé,/ и Адáм свесели́тся,// и мiр, Спáсе мой, воспевáет Тя при́сно.
Трисвятое
Хор: Святы́й Бóже,/ Святы́й Крéпкій,/ Святы́й Безсмéртный, поми́луй нас. (3 раза)
Хор: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкій,/ Святы́й Безсмéртный, поми́луй нас.
Прокимен воскресный, глас 2
Чтец: Прокíмен, глас вторы́й, псалóм Давíдов: Крéпость моя́ и пéнiе моé Госпóдь, и бысть мне во Спасéнiе. (Пс.117:14)
Хор: Крéпость моя́ и пéнiе моé Госпóдь,/ и бысть мне во Спасéнiе.
Чтец: Наказýя наказá мя Госпóдь, смéрти же не предадé мя. (Пс.117:18)
Хор: Крéпость моя́ и пéнiе моé Госпóдь,/ и бысть мне во Спасéнiе.
Прокимен преподобных, глaс 7
Чтец: Прокíмен, глас седьмы́й, псалóм Давíдов: Честнá пред Гóсподем/ смерть преподóбных Егó.(Пс.115:6)
Хор: Честнá пред Гóсподем/ смерть преподóбных Егó.
АПОСТОЛ
Чтец: К Ри́мляном послáнiя святáго апóстола Пáвла чтéнiе.
(Рим.зач.88): Брáтiе, оправди́вшеся вéрою, мир и́мамы к Бóгу Гóсподем нáшим Iисýс Хрїстóм, И҆́мже и приведéнiе обретóхом вéрою во благодáть сiю́, в нéйже стои́м, и хвáлимся уповáниiем слáвы Бóжiя. Не тóчiю же, но и хвáлимся в скóрбех, вéдяще, я́ко скорбь терпéнiе содéловает, терпéнiе же искýсство, искýсство же уповáнiе, уповáнiе же не посрами́т. Я́ко любы́ Бóжiя излiя́ся в сердцá нáша Дýхом Святы́м дáнным нам. Ещé бо Хрїстóс сýщым нам немощны́м, по врéмени за нечести́вых ýмре. Едвá бо за прáведника кто ýмрет, за благáго бо нéгли кто и дéрзнет умрéти. Составля́ет же Свою́ любóвь к нам Бог, я́ко ещé грéшником сýщым нам, Хрїстóс за ны ýмре. Мнóго ýбо пáче, оправдáни бы́вше ны́не Крóвiю Егó, спасéмся Им от гнéва. Áще бо врази́ бы́вше примири́хомся Бóгу смéртiю Сы́на Егó, мнóжае пáче примири́вшеся спасéмся в животé Егó.
[Русский синодальный перевод]Итак, оправдавшись верою, мы имеем мир с Богом через Господа нашего Иисуса Христа, через Которого верою и получили мы доступ к той благодати, в которой стоим и хвалимся надеждою славы Божией. И не сим только, но хвалимся и скорбями, зная, что от скорби происходит терпение, от терпения опытность, от опытности надежда, а надежда не постыжает, потому что любовь Божия излилась в сердца наши Духом Святым, данным нам. Ибо Христос, когда еще мы были немощны, в определенное время умер за нечестивых. Ибо едва ли кто умрет за праведника; разве за благодетеля, может быть, кто и решится умереть. Но Бог Свою любовь к нам доказывает тем, что Христос умер за нас, когда мы были еще грешниками. Посему тем более ныне, будучи оправданы Кровию Его, спасемся Им от гнева. Ибо если, будучи врагами, мы примирились с Богом смертью Сына Его, то тем более, примирившись, спасемся жизнью Его. (5:1-10)
(Гал.зач.213): Брáтiе, плод духóвный есть любы́, рáдость, мир, долготерпéнiе, блáгость, милосéрдiе, вéра, крóтость, воздержáнiе: на таковы́х несть закóна. А и҆̀же Хрїстóвы суть, плоть распя́ша со страстьми́ и҆ похотьми́. Áще живéм дýхом, дýхом и да хóдим. Не бывáим тщеслáвни, друг дрýга раздражáюще, друг дрýгу зави́дяще. Брáтiе, áще и впадéт человéк в нéкое прегрешéнiе, вы духóвнiи исправля́йте таковáго дýхом крóтости: блюды́й себé, да не и ты искушéн бýдеши. Друг дрýга тяготы́ носи́те, и тáко испóлните закóн Хрїстóв.
[Русский синодальный перевод]Братия, плод же духа: любовь, радость, мир, долготерпение, благость, милосердие, вера, кротость, воздержание. На таковых нет закона. Но те, которые Христовы, распяли плоть со страстями и похотями. Если мы живем духом, то по духу и поступать должны. Не будем тщеславиться, друг друга раздражать, друг другу завидовать. Братия! если и впадет человек в какое согрешение, вы, духовные, исправляйте такового в духе кротости, наблюдая каждый за собою, чтобы не быть искушенным. Носи́те бремена друг друга, и таким образом исполните закон Христов. (5:22-6:2)
Аллилуарий воскресный, глас 2
Чтец: Аллилýїа, аллилýїа, аллилýїа, глас вторы́й, псалóм Давíдов.
Хор: Аллилýїа, аллилýїа, аллилýїа.
Чтец: Услы́шит тя Госпóдь в день печáли, защи́тит тя И҆́мя Бóга Iáковля. (Пс.19:2)
Хор: Аллилýїа, аллилýїа, аллилýїа.
Чтец: Гóсподи, спаси́ царя́, и услы́ши ны, вóньже áще день призовéм Тя. (Пс.19:10)
Хор: Аллилýїа, аллилýїа, аллилýїа.
Аллилуарий преподобных, глас 6
Чтец: Глас шесты́й: Блажéн муж боя́йся Гóспода, в зáповедех Егó восхóщет зелó. (Пс.111:1)
Хор: Аллилýїа, аллилýїа, аллилýїа.
Чтец: Си́льно на земли́ бýдет сéмя егó. (Пс.111:2А)
Хор: Аллилýїа, аллилýїа, аллилýїа.
ЕВАНГЕЛИЕ
От Матфéя Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Мф.зач.18): Речé Госпóдь: свети́льник тéлу есть óко. Áще ýбо бýдет óко твоé прóсто, все тéло твоé свéтло бýдет. Áще ли óко твоé лукáво бýдет, все тéло твоé тéмно бýдет. Áще ýбо свет, и́же в тебé, тма есть, то тма кольми́? Никтóже мо́жет двемá господи́нома рабóтати: лю́бо еди́наго возлю́бит, а другáго возненави́дит, или́ еди́наго держи́тся, о друзéм же нерадéти нáчнет. Не мóжете Бóгу рабóтати и мамóне. Сегó рáди глагóлю вам: не пецы́теся душéю вáшею, что я́сте, или́ что пiéте, ни тéлом вáшим, во что облечéтеся. Не душá ли бóльши есть пи́щи, и тéло одéжди? Воззри́те на пти́цы небéсныя, я́ко не сéют, ни жнут, ни собирáют в жи́тницы, и Отéц ваш Небéсный питáет их. Не вы ли пáче лýчши их естé? Кто же от вас пекíйся мóжет приложи́ти вóзрасту своемý лáкоть еди́н? И о одéжди что печéтеся? Смотри́те крин сéльных, кáко растýт, не труждáются, ни прядýт. Глагóлю же вам, я́ко ни Соломóн во всей слáве своéй облечéся, я́ко еди́н от сих. Áще же сéно сéльное, днесь сýще и ýтре в пещь вметáемо, Бог тáко одевáет, не мнóго ли пáче вас, маловéри? Не пецы́теся ýбо, глагóлюще: что я́мы, или́ что пiéм, или́ чим одéждемся? Всех бо сих язы́цы и́щут, весть бо Ѻтéц ваш Небéсный, я́ко трéбуете сих всех. Ищи́те же прéжде Цáрствiя Бóжiя и прáвды Егó, и сiя́ вся приложáтся вам.
[Русский синодальный перевод]Сказал Господь: светильник для тела есть око. Итак, если око твое будет чисто, то всё тело твое будет светло; если же око твое будет худо, то всё тело твое будет темно. Итак, если свет, который в тебе, тьма, то какова же тьма? Никто не может служить двум господам: ибо или одного будет ненавидеть, а другого любить; или одному станет усердствовать, а о другом нерадеть. Не можете служить Богу и мамоне. Посему говорю вам: не заботьтесь для души вашей, что вам есть и что пить, ни для тела вашего, во что одеться. Душа не больше ли пищи, и тело одежды? Взгляните на птиц небесных: они ни сеют, ни жнут, ни собирают в житницы; и Отец ваш Небесный питает их. Вы не гораздо ли лучше их? Да и кто из вас, заботясь, может прибавить себе росту хотя на один локоть? И об одежде что заботитесь? Посмотрите на полевые лилии, как они растут: ни трудятся, ни прядут; но говорю вам, что и Соломон во всей славе своей не одевался так, как всякая из них; если же траву полевую, которая сегодня есть, а завтра будет брошена в печь, Бог так одевает, не гораздо ли больше вас, маловеры! Итак не заботьтесь и не говорите: что нам есть? или что пить? или во что одеться? потому что всего этого ищут язычники, и потому что Отец ваш Небесный знает, что вы имеете нужду во всем этом. Ищите же прежде Царства Божия и правды Его, и это все приложится вам. (6:22-33)
(Мф.зач.43): Речé Госпóдь Свои́м ученикóм: вся Мне преданá суть Oтцéм Мои́м, и никтóже знáет Сы́на, тóкмо Oтéц, ни Oтцá кто знáет, тóкмо Сын, и емýже áще вóлит Сын откры́ти. Прiиди́те ко Мне вси труждáющiися и обременéннiи, и Аз упокóю вы. Возми́те и́го Моé на себé, и научи́теся от Менé, я́ко крóток есмь и смирéн сéрдцем, и обря́щете покóй душáм вáшим. И́го бо Моé блáго, и брéмя Моé легкó есть.
[Русский синодальный перевод]Сказал Господь Своим ученикам: все предано Мне Отцом Моим, и никто не знает Сына, кроме Отца; и Отца не знает никто, кроме Сына, и кому Сын хочет открыть. Придите ко Мне все труждающиеся и обремененные, и Я успокою вас; возьмите иго Мое на себя и научитесь от Меня, ибо Я кроток и смирен сердцем, и найдете покой душам вашим; ибо иго Мое благо, и бремя Мое легко.(Мф. 11:27-30)
Хор: Слáва Тебè, Гóсподи, слáва Тебè.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
КОНДАК
Кондáк воскрéсный, глас 2: Воскрéсл еси́ от грóба, Всеси́льне Спáсе,/ и ад, ви́дев чýдо, ужасéся,/ и мéртвiи востáша;/ тварь же ви́дящи срáдуется Тебé,/ и Адáм свесели́тся,// и мiр, Спáсе мой, воспевáет Тя при́сно.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 раза)
Гóсподи, благословᴎ́.
ОТПУСТ
Гóсподи, Iисýсе Хрїстé, Сыне Бóжiй, моли́твами пречи́стыя Своея́ Мáтере, святы́х слáвных и всехвáльных Апóстол, святы́х и прáведных богоотéц Iоакíма и Áнны, и всех святы́х, поми́лует и спасéт нас, я́ко Благ и Человеколю́бец.