Неделя 4 по Пятидесятнице. Апостола Иуды, брата Господня. Глас 3. УТРЕНЯ (окончание) ЧАС ПЕРВЫЙ
2 iю́ля 2023 гóда. Недéля 4 по Пятидеся́тнице. Апóстола Iýды, брáта Госпóдня. Глас 3. Воскрéсная прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе ýтрени (окончáнiе). Пéрвый час.
Окончáнiе всенóщного бдéнiя. Начáло здесь ( великая вечéрня), здесь ( ýтреня) здесь ( продолжéнiе ýтрени с канóном)
Глас 3
Хор: Пресвятáя Богорóдице, спасù нас.
Чтец: Чи́ны ýмныя, я́ко Мáти, превозшлá еси́,/ и близ Бóга бы́вши:/ благослови́м, Благословéнная Дéво, рождествó Твоé,// и превознóсим во вся вéки.
Хор: Пресвятáя Богорóдице, спасù нас.
Чтец: Добрóту естéственную, краснéйшу/ показáла еси́, облиставáющую плоть Божествá./ Благослови́м, Благословéнная Дéво, рождествó Твоé,// и превознóсим во вся вéки.
Глас 5
Хор: Святы́й апóстоле Iýдo, молù Бóга о нас.
Чтец: Богáтство язы́к и царéй пóчесть,/ благозвáнiе воспрiя́л еси́, вопiя́, апóстоле:// вся делá Госпóдня, Гóспода пóйте и превозноси́те во вся вéки. (Двáжды)
Хор: Святы́й апóстоле Iýдо, молù Бóга о нас.
Чтец: Всю зарю́ Утéшителеву, блажéнне, прiя́л еси́ сошéдшую, зовы́й, слáвне:// вся делá Госпóдня, Гóспода пóйте и превозноси́те во вся вéки. (Двáжды)
Благословúм Отцá, и Сы́на, и Святáго Дýха, Гóспода.
Тропáрь: Вéщи тлéнныя возненави́дев, Небéсных слáву произвóлил еси́,/ пребывáющую вéдый, апóстоле, тéмже вопiя́л еси́:// вся делá Госпóдня, Гóспода пóйте и превозноси́те во вся вéки.
И ны́не и прúсно и во вéки векóв. Амúнь.
Богорóдичен: Прiиди́те, добрóту Iáковлю воспои́м,/ Марíю Пречи́стую, соглáсно пою́ще:// вся делá Госпóдня, Гóспода пóйте и превозноси́те во вся вéки.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя (глас 4): Óтроки благочести́выя в пещѝ/ Рождествó Богорóдичо спаслó есть;/ тогдá ýбо образýемое,/ ны́не же дéйствуемое,/ вселéнную всю воздвизáет пéти Тебé:/ Гóспода пóйте, делá,// и превозноси́те Егó во вся вéки.
Вóзглас: Богорóдицу и Мáтерь Свéта в пéснех возвелúчим.
Хор: Вели́чит душá Моя́ Гóспода,/ и возрáдовася дух Мой о Бóзе Спáсе Моéм.
Припéв: Честнéйшую Херувíм/ и Слáвнейшую без сравнéнiя Серафíм,/ без истлéнiя Бóга Слóва рóждшую,/ сýщую Богорóдицу, Тя величáем. (На каждый стiх)
Я́ко призрé на смирéнiе рабы́ Своея́,/ се бо от ны́не ублажáт Мя вси рóди.
Я́ко сотвори́ Мне вели́чiе Си́льный,/ и свя́то И҆́мя Егó, и ми́лость Егó в рóды родóв боя́щимся Егó.
Сотвори́ держáву мы́шцею Своéю,/ расточи́ гóрдыя мы́слiю сéрдца их.
Низложи́ си́льныя со престóл, и вознесé смирéнныя;/ áлчущiя испóлни благ, и богатя́щiяся отпусти́ тщи.
Воспрiя́т Iзрáиля óтрока Своегó, помянýти ми́лости,/ я́коже глагóла ко отцéм нáшим, Авраáму и сéмени егó, дáже до вéка.
ПЕСНЬ 9
Iрмóс: Нóвое чýдо и Боголéпное:/ девúческую бо дверь затворéнную/ я́ве прохóдит Госпóдь,/ наг во вхóде,/ и плотонóсец явúся во исхóде Бог,/ и пребывáет дверь затворéна./ Сiю́ неизречéнно// я́ко Богомáтерь, величáем.
Хор: Слáва, Гóсподи, Святóму Воскресéнiю Твоемý.
Чтец: Стрáшно есть зрéти Тебé, Творцá/ на дрéве воздви́жена, Слóве Бóжiй,/ плóтски же стрáждуща Бóга за рабы́,/ и во грóбе бездыхáнна лежáща,/ мéртвыя же из áда разреши́вша:// тéмже Тя, Хрїстé, я́ко Всеси́льна, величáем.
Хор: Слáва, Гóсподи, Святóму Воскресéнiю Твоемý.
Чтец: Из тли смéртныя спасл еси́, Хрїстé, прáотцы,/ положéн быв во грóбе мертв,/ и живóт процвéл еси́, мéртвыя воскреси́в,/ руководи́в естествó человéческое ко свéту,/ и в Божéственное облéк нетлéнiе.// Тéмже истóчника Тя свéта при́сно живáго величáем.
Хор: Пресвятáя Богорóдице, спасù нас.
Богорóдичен: Храм и Престóл яви́лася еси́ Бóжiй,/ вóньже всели́ся И҆́же в вы́шних сый,/ рождéйся неискусомýжно, Всечи́стая,/ плóти Твоея́ не отвéрз вся́чески вратá./ Тéмже непрестáнными, Чи́стая, моли́твами Твои́ми,// язы́ки вáрварскiя скóро до концá покори́.
Глас 3
Хор: Слáва, Гóсподи, Крестý Твоемý Честнóму и Воскресéнiю.
Чтец: Честь человéком от безчéстныя смéрти всем источи́л еси́:/ ея́же распя́тiем Твои́м, Спáсе, вкуси́в,// существóм смéртным нетлéнiе мне даровáл еси́, Хрїстé, я́ко Человеколю́бец.
Хор: Слáва, Гóсподи, Крестý Твоемý Честнóму и Воскресéнiю.
Чтец: Спасл мя еси́ воскрéс из грóба, Хрїстé:/ воскрéсл же еси́, и Отцý привéл еси́ Твоемý Роди́телю:/ одеснýю же Егó спосади́л еси́// за благоутрóбiе ми́лости Твоея́, Гóсподи.
Глас 3
Хор: Пресвятáя Богорóдице, спасù нас.
Чтец:Сы́тость Твои́х похвáл, Дéво,/ благочести́вым вéрным отню́д не бывáет:/ желáнiем бо желáнiе при́сно Божéственное, и Духóвное прiéмлюще,// я́ко Мáтерь Бóжiю, величáем.
Хор: Пресвятáя Богорóдице, спасù нас.
Чтец: Положи́л еси́ нам непосты́дную Моли́твенницу,/ Тебé рóждшую, Хрїстé./ Тоя́ мольбáми Ми́лостива подаéши нам Дýха, Подáтеля блáгости,// от Отцá Тобóю происходя́ща.
Глас 5
Хор: Святы́й апóстоле Iýдo, молù Бóга о нас.
Чтец: Облистáвся, слáвне, светоли́тiй Дýха зарéю,/ чудéс блистáнiя пáче естествá всем испущáеши, я́ко учени́к Емманýилев,// Егóже величáюще, тя, Богови́дче, ублажáем. (Трúжды)
Хор: Святы́й апóстоле Iýдо, молù Бóга о нас.
Чтец: Со Áнгельскими чи́нми предстоя́ще, богови́днiи самови́дцы/ и зри́тели Единорóднаго, плóтiю обнищáвшаго нас рáди,// Сегó прилéжно ны́не моли́те спасти́ дýши нáша.
Слáва Ѻтцý и Сы́ну и Святóму Дýху.
Тропáрь: Со Áнгельскими чи́нми предстоя́ще, богови́днiи самови́дцы/ и зри́тели Единорóднаго, плóтiю обнищáвшаго нас рáди,// Сегó прилéжно ны́не моли́те спасти́ дýши нáша.
И ны́не и прúсно и во вéки векóв. Амúнь.
Богорóдичен: Я́ко рóждши, Пречи́стая, твáри Содéтеля, по всемý Роди́теля нóсиши начáло,/ несравни́тельно имéя превзя́тiе и превознесéнно.// Тéмже Рождествý Твоемý покланя́ющеся, Тя прославля́ем.
Катавáсiя (глас 4): Всяк земнорóдный/ да взыгрáется, Дýхом просвещáемь,/ да торжествýет же Безплóтных умóв естествó,/ почитáющее свящéнное торжествó Богомáтере,/ и да вопiéт:/ рáдуйся, Всеблажéнная,// Богорóдице, Чи́стая Приснодéво.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Свят Госпóдь Бог наш.
Хор: Свят Госпóдь Бог наш
Я́ко Свят Госпóдь Бог наш.
Хор: Свят Госпóдь Бог наш
Над всéми людьми́ Бог наш.
Хор: Свят Госпóдь Бог наш
Ексапостилáрiй воскрéсный четвéртый: Добродéтельми блистáвшеся,/ ви́дим предстоя́ща в живонóснем грóбе/ мýжа в блещáщихся ри́зах:/ миронóсицам преклóньшим ли́ца на зéмлю,/ небесы́ Влады́чествующаго воскресéнiю да научи́мся,/ и к Животá грóбу с Петрóм притецéм,/ и содéянному уди́вльшеся,// пребýдем Хрїстá ви́дети.
Слáва Ѻтцý и Сы́ну и Святóму Дýху.
Светúлен ап. Iýды: Течéнiе крáсных твои́х ног, Iýдо апóстоле, возврати́в к шéствiю Небéсному,/ возшéл еси́, рáдуяся,/ и, Трóице предстáв, во Отцé ви́диши Сы́на и Дýха Божéственнаго.// Сегó рáди вéрою пресвящéнную твою́ и Божéственную прáзднуем пáмять.
И ны́не и прúсно и во вéки векóв. Амúнь.
Богорóдичен воскрéснаго Ексапостiлáрiя: Рáдоватися вещáвый, претвори́л еси́/ печáль прароди́телей, Гóсподи,/ рáдость внося́ востáнiя Твоегó в мíре:/ тогó ýбо Живодáвче, Рóждшею Тя,/ свет просвещáющ сердцá,/ свет щедрóт Твои́х низпосли́,/ éже вопи́ти Тебé:/ человеколю́бче Богочеловéче,// слáва Твоемý востáнiю.
ХВАЛИТНЫ
Хор, глас 3: Вся́кое дыхáнiе да хвáлит Гóспода./ Хвали́те Гóспода с небéс,/ хвали́те Егó в вы́шних.// Тебé подобáет песнь Бóгу.
Хвали́те Егó вси áнгели Егó,/ хвалите Егó вся си́лы Егó.// Тебé подобáет песнь Бóгу.
[В приходской практике пропускается до стихир]Хвали́те Егó, сóлнце и лунá, хвали́те Егó, вся звéзды и свет. Хвали́те Егó Небесá небéс и водá, я́же превы́ше небéс. Да восхвáлят и҆́мя Госпóдне: я́ко Той речé, и бы́ша, Той повелé, и создáшася. Постáви я́ в век и в век вéка, повелéнiе положи́, и не ми́мо и҆́дет. Хвали́те Гóспода от земли́, змíеве и вся бéздны: огнь, град, снег, гóлоть, дух бýрен, творя́щая слóво Егó, гóры и вси хóлми, древá плодонóсна и вси кéдри, звéрiе и вси скóти, гáди и пти́цы пернáты. Цáрiе зéмстiи и вси лю́дiе, кня́зи и вси судiи́ зéмстiи, ю́ноши и дéвы, стáрцы с ю́нотами да восхвáлят и҆́мя Госпóдне, я́ко вознесéся и҆́мя Тогó Еди́наго, исповéданiе Егó на земли́ и на небеси́. И вознесéт рог людéй Свои́х, песнь всем преподóбным Егó, сыновóм Iзрáилевым, лю́дем, приближáющымся Емý.
[В приходской практике пропускается до стихир]Воспóйте Гóсподеви песнь нóву, хвалéнiе Егó в цéркви преподóбных. Да возвеселится Iзрáиль о сотвóршем Егó, и сы́нове Сióни возрáдуются о Царé своéм. Да восхвáлят и҆́мя Егó в ли́це, в тимпáне и псалти́ри да поют Емý. Яко благоволи́т Госпóдь в людех Свои́х, и вознесéт крóткiя во спасéнiе. Восхвáлятся преподóбнiи во слáве и возрáдуются на лóжах свои́х. Возношéнiя Бóжiя в гортáни их, и мечи́ обою́ду остри́ в рукáх их: сотвори́ти отмщéнiе во языцех, обличéнiя в лю́дех, связáти цари́ их пýты, и слáвныя их ручными окóвы желéзными,
На 8.Чтец: Сотворúти в них суд напúсан:/ слáва сiя бýдет всем преподóбным Егó.
Стiхúры воскрéсные, глас 3: Прiиди́те вси язы́цы,/ уразумéйте стрáшныя тáйны си́лу:/ Хрїстóс бо Спас наш, Éже в начáле Слóво,/ распя́тся нас рáди, и вóлею погребéся,/ и воскрéсе из мéртвых, éже спасти́ вся́ческая:// Томý поклони́мся.
Хвалúте Бóга во святых Егó,/ хвалúте Егó в утвержéнiи сúлы Егó.
Стiхúра: Повéдаша вся чудесá/ стрáжiе Твои́, Гóсподи,/ но собóр суеты́ испóлни мздóю десни́цу их,/ скры́ти мня́ше воскресéнiе Твоé,// éже мiр слáвит: поми́луй нас.
На 6: Хвалúте Егó на сúлах Егó, хвалúте Егó по мнóжеству велúчествiя Егó.
Стiхúра: Рáдости вся испóлнишася/ воскресéнiя искýс прiи́мша:/ Марíя бо Магдали́на ко грóбу прiи́де,/ обрéте Áнгела на кáмени седя́ща,/ ри́зами блистáющася и глагóлюща:/ что и҆́щете живáго с мéртвыми?/ Несть зде, но востá, я́коже речé,// предваря́я вы в Галiлéи.
Хвалúте Егó во глáсе трýбнем, хвалúте Егó во псалтúри и гýслех.
Стiхúра: Во свéте Твоéм, Влады́ко,/ ýзрим свет, Человеколю́бче:/ воскрéсл бо еси́ из мéртвых,/ Спасéнiе рóду человéческому дáруя:/ да Тя вся тварь славослóвит Еди́наго Безгрéшнаго,// поми́луй нас.
На 4. Хвалúте Егó в тимпáне и лúце, хвалúте Егó во стрýнах и оргáне.
Стiхúры ап. Iýды, глас 5: Мановéнiем Божéственным повинýяся, преблажéнне,/ воплощéнное Слóво всем проповéдал еси́,/ нам уподóбльшася без преложéнiя,/ Сегó быв чéстен учени́к,/ Семý быв брат по плóти,/ Тогó слáвы сподóблься,/ я́ко чист, зрéти Божéственным умóм./ Тéмже почитáем тя, Iýдо Богоглáсе,/ и пáмять твою́ совершáем, вéрно вопiю́ще ти:/ Хрїстá моли́ всегдá/ даровáти вселéнней единомы́слiе,// мир и вéлiю ми́лость.
Хвалúте Егó в кимвáлех доброглáсных, хвалúте Егó в кимвáлех восклицáнiя. Всякое дыхáнiе да хвáлит Гóспода.
Стiхúра: Гóру, искáпающую слáдость Божéственнаго рáзума,/ апóстоле Iýдо, тя именýем;/ ми́рную рекý, устреми́вшуюся от духóвных невещéственных истóчник,/ и безбóжiя изсушáющую моря́,/ и напоя́ющую тáйно благочести́вых сердцá и помышлéнiя;/ трубý доброглáсну, глася́щую Слóва Божéственное явлéнiе,/ мир избавля́юща./ Егóже ны́не моли́, Емýже помоли́ся всегдá/ даровáти вселéнней единомы́слiе,// мир и вéлiю ми́лость.
Во всю зéмлю изы́де вещáнiе их/ и в концы́ вселéнныя глагóлы их.(Пс.18:5А)
Стiхúра: Блажéнне Iýдо,/ брáтiя твоя́ тя восхвали́ша,/ Бóжiя брáта я́вльшася/ и бы́вша Дýха прiя́телище боголéпно./ Егóже светлостьми́ чи́сто просвéщся,/ угль яви́лся еси́, лесть попаля́я,/ вéрныя же вся просвещáя чи́стых учéнiй сiя́ньми./ Тéмже почитáем тя,/ я́ко незаходи́мую денни́цу,/ и совершáем твою́ пáмять святýю,/ вéрно вопiю́ще ти:/ Хрїстá моли́ всегдá даровáти вселéнней единомы́слiе,// мир и вéлiю ми́лость.
Небесá повéдают слáву Бóжiю,/ творéнiе же рукý Егó возвещáет твердь. (Пс.18:2)
Глас 2: Остáвив земнáя,/ послéдовал еси́ Хрїстý/ и, знáменався дохновéнiем Святáго Дýха,/ пóслан быв от Негó в язы́ки поги́бшыя/ обращáти человéки во свет Богоразýмiя,/ апóстоле Iýдо,/ и, скончáв пóдвиги Божéственныя твоéя стрáсти/ и мук разли́чных,/ дýшу твою́ Хрїстý прéдал еси́./ Тогó моли́, всеблажéнне,// даровáти нам вéлiю ми́лость.
Слáва Отцý и Сыну и Святóму Дýху.
Стiхúра евáнгельская четвéртая, глас 4: У́тро бе глубокó,/ и жены́ прiидóша на гроб Твой, Хрїстé,/ но Тéло не обрéтеся желáемое и́ми./ Тéмже недоумевáющимся,/ и́же в ри́зах блещáщихся предстáвшiи глагóлаху:/ что живáго с мéртвыми и́щете;/ востá, я́коже предречé,/ что не пóмните глагóл Егó?/ И́мже вéровавша, ви́денная проповéдаху,/ но мня́хуся лжа благовéщенiя:/ тáко бы́ша ещé кóсни ученицы́./ Но Петр течé, и ви́дев// прослáви Твоя́ в себé чудесá.
И ныне и прúсно и во вéки векóв, амúнь.
Глас 2: Преблагословéнна еси́, Богорóдице Дéво,/ Воплóщшим бо ся из Тебé ад плени́ся,/ Адáм воззвáся,/ кля́тва потреби́ся,/ Éва свободи́ся,/ смерть умертви́ся, и мы ожи́хом./ Тем воспевáюще вопiéм:/ благословéн Хрїстóс Бог,// благоволи́вый тáко, слáва Тебé.
Вóзглас: Слáва Тебé, показáвшему нам свет.
Славословие великое
Хор: Слáва в вы́шних Бóгу, и на землѝ мир, в человéцех благоволéнiе. Хвáлим Тя, благослови́м Тя, клáняем Ти ся, славослóвим Тя, благодари́м Тя вели́кiя рáди слáвы Твоея́. Гóсподи, Царю́ Небéсный, Бóже, Ѻ́тче Вседержи́телю, Гóсподи Сы́не Единорóдный, Iисýсе Хрїстé, и Святы́й Дýше. Гóсподи Бóже, Áгнче Бóжiй, Сы́не Ѻтéчь, взéмляй грех мíра, поми́луй нас. Взéмляй грехѝ мíра, прiимѝ молитву нáшу. Седя́й одеснýю Ѻтцá, поми́луй нас. Яко Ты есѝ Един Свят; Ты есѝ Един Госпóдь, Iисýс Хрїстóс, в слáву Бóга Отцá, ами́нь.
На всяк день благословлю́ Тя и восхвалю́ и҆́мя Твоé во вéки, и в век вéка.
Сподóби, Гóсподи, в день сей без грехá сохрани́тися нам. Благословéн есѝ, Гóсподи Бóже отéц нáших, и хвáльно и прослáвлено и҆́мя Твоé во вéки, ами́нь.
Бýди, Гóсподи, милость Твоя на нас, я́коже уповáхом на Тя.
Благословéн есѝ, Гóсподи, научѝ мя оправдáнiем Твои́м.
Благословéн есѝ, Влады́ко, вразумѝ мя оправдáнiем Твои́м.
Благословéн есѝ, Святы́й, просветѝ мя оправдáнiи Твои́ми.
Гóсподи, прибéжище был еси нам в род и род. Аз рех: Гóсподи, поми́луй мя, исцелѝ дýшу мою́, я́ко согреши́х Тебé. Гóсподи, к Тебé прибегóх, научѝ мя твори́ти вóлю Твою́, яко Ты есѝ Бог мой, яко у Тебé истóчник животá, во свéте Твоéм ýзрим свет. Пробáви ми́лость Твою́ вéдущим Тя.
Хор: Святы́й Бóже, Святы́й Крéпкiй, Святы́й Безсмéртный, поми́луй нас. (3 раза)
Хор: Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкiй,/ Святы́й Безсмéртный, помилуй нас.
Тропáрь воскрéсный, глас 1: Днесь Спасéнiе мíру бысть,/ поéм Воскрéсшему из грóба,/ и Начáльнику жи́зни нáшея:/ разруши́в бо смéртiю смерть,// побéду дадé нам и вéлiю ми́лость.
Гóсподи поми́луй (40 раз)
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Гóсподи поми́луй (12раз)
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Утвердѝ, Бóже, святýю правослáвную вéру, правослáвных хрїстiáн во век вéка.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.
Гóсподи, поми́луй. (3 рáза)
Гóсподи, благословѝ.
ОТПУСТ
Гóсподи, Iисýсе Хрїстé, Сыне Бóжій, моли́твами пречи́стыя Своея́ Мáтере, и всех святы́х, поми́лует и спасéт нас, я́ко Благ и Человеколю́бец.
МНОГОЛЕТИЕ
ПЕРВЫЙ ЧАС
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 5
Глагóлы моя́ внушѝ, Гóсподи, разумéй звáнiе моé. Вонмѝ глáсу молéнiя моегó, Царю́ мой и Бóже мой, яко к Тебé помолю́ся, Гóсподи. Заýтра услы́ши глас мой, заýтра предстáну Ти, и ýзриши мя. Яко Бог не хотя́й беззакóнiя, Ты есѝ: не присели́тся к Тебé лукáвнуяй, нижé пребýдут беззакóнницы пред очи́ма Твои́ма: возненави́дел еси вся дéлающыя беззакóнiе. Погуби́ши вся глагóлющыя лжу: мýжа кровéй и льсти́ва гнушáется Госпóдь. Аз же мнóжеством ми́лости Твоея́, вни́ду в дом Твой, поклоню́ся ко хрáму святóму Твоемý, в стрáсе Твоéм. Гóсподи, настáви мя прáвдою Твоéю, враг моих рáди испрáви пред Тобóю путь мой. Яко несть во устéх их и҆́стины, сéрдце их сýетно, гроб отвéрст гортáнь их: язы́ки свои́ми льщáху. Судѝ им, Бóже, да отпадýт от мы́слей свои́х, по мнóжеству нечéстiя их изри́ни я́, яко преогорчи́ша Тя, Гóсподи. И да возвеселя́тся вси уповáющiи на Тя, во век возрáдуются, и всели́шися в них, и похвáлятся о Тебé лю́бящiи имя Твоé. Яко Ты благослови́ши прáведника, Гóсподи: яко орýжiем благоволéнiя венчáл еси нас.
Псалом 89
Гóсподи, прибéжище был еси нам в род и род. Прéжде дáже горáм не бы́ти и создáтися землѝ и вселéнней, и от вéка и до вéка Ты еси. Не отвратѝ человéка во смирéнiе, и рекл еси: обрати́теся, сы́нове человéчестiи. Яко ты́сяща лет пред очи́ма Твои́ма, Гóсподи, яко день вчерáшнiй, и҆́же мимои́де, и стрáжа нощнáя. Уничижéнiя их лéта бýдут. Утро яко травá мимои́дет, ýтро процветéт и прéйдет: на вéчер отпадéт ожестéет и и҆́зсхнет. Яко исчéзохом гнéвом Твоим, и я́ростiю Твоéю смути́хомся. Положи́л еси беззакóнiя нáша пред Тобóю: век наш в просвещéнiе лицá Твоегó. Яко вси днíе нáши оскудéша, и гнéвом Твоим исчезóхом, лéта нáша яко паучи́на поучáхуся. Днíе лет нáших, в ни́хже сéдмьдесят лет, áще же в си́лах, óсмьдесят лет, и мнóжае их труд и болéзнь: яко прiи́де крóтость на ны, и накáжемся. Кто весть держáву гнéва Твоегó, и от стрáха Твоегó, я́рость Твою исчестѝ? Десни́цу Твою́ тáко скажѝ ми, и оковáнныя сéрдцем в мýдрости. Обрати́ся, Гóсподи, докóле? И умолéн бýди на рабы́ Твоя. Испóлнихомся заýтра ми́лости Твоея, Гóсподи, и возрáдовахомся, и возвесели́хомся, во вся дни нáша возвесели́хомся, за дни в ня́же смири́л ны еси, лéта в ня́же ви́дехом злáя. И при́зри на рабы́ Твоя́, и на делá Твоя, и настáви сы́ны их. И бýди свéтлость Гóспода Бóга нáшего на нас, и делá рук нáших испрáви на нас, и дéло рук нáших испрáви.
Псалом 100
Ми́лость и суд воспою́ Тебé, Гóсподи. Пою́ и разумéю в путѝ непорóчне, когдá прiи́деши ко мне? Прехождáх в незлóбiи сéрдца моегó посредé дóму моегó. Не предлагáх пред очи́ма мои́ма вещь законопрестýпную: творя́щыя преступлéнiе возненави́дех. Не прильпé мне сéрдце стропти́во, уклоня́ющагося от менé лукáваго не познáх. Оклеветáющаго тай и҆́скренняго своегó, сегó изгоня́х: гóрдым óком, и несы́тым сéрдцем, с сим не ядя́х. Ѻ́чи моѝ на вéрныя землѝ, посаждáти я́ со мнóю: ходя́й по путѝ непорóчну, сей ми служáше. Не живя́ше посредé дóму моегó творя́й горды́ню, глагóляй непрáведная, не исправля́ше пред очи́ма мои́ма. Во ýтрiя избивáх вся грéшныя землѝ, еже потреби́ти от грáда Госпóдня вся дéлающыя беззакóнiе.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебé Бóже. (3 раза)
Гóсподи, помúлуй. (3 раза)
Тропáрь воскрéсный, глас 3: Да веселя́тся небéсная, да рáдуются земнáя; я́ко сотворѝ держáву мы́шцею Своéю Госпóдь, попрá смéртiю смерть, пéрвенец мéртвых бысть; из чрéва áдова избáви нас, и подадé мíрови вéлiю ми́лость.
Слáва Отцý и Сы́ну и Святóму Дýху.
Тропáрь ап. Iýды, глас 1: Хрiстóва тя срóдника, о Iýдо, вéдуще и мýченика твéрда, свящéнно восхваля́ем, прéлесть попрáвша и вéру соблю́дша. Тéмже, днесь всесвятýю твою́ пáмять прáзднующе, грехóв разрешéнiе моли́твами твои́ми прiéмлем.
И ны́не и прúсно и во вéки векóв. Амúнь.
Богорóдичен: Что Тя наречéм, о Благодáтная? Нéбо, я́ко возсiя́ла есѝ Сóлнце Прáвды. Рай, я́ко прозяблá есѝ цвет нетлéнiя. Дéву, я́ко пребылá есѝ нетлéнна. Чи́стую Мáтерь, яко имéла есѝ на святы́х Твои́х объя́тiях Сы́на, всех Бóга. Тогó молѝ спасти́ся душáм нáшим.
Стопы́ моя́ напрáви по словесѝ Твоемý и да не обладáет мнóю вся́кое беззакóнiе. Избáви мя от клеветы́ человéческiя, и сохраню́ зáповеди Твоя́. Лицé Твоé просветѝ на рабá Твоегó и научѝ мя оправдáнiем Твои́м.
Да испóлнятся устá моя хвалéнiя Твоегó, Гóсподи, я́ко да воспою́ слáву Твою́, весь день великолéпiе Твоé.
Посем Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Отцý и Сыну и Святóму Дýху, и ныне и при́сно и во вéки векóв, ами́нь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сыне Бóжїй, поми́луй нас. Ами́нь.
КОНДАК
Кондáк Апóстола Iýды, глас 2: Твéрдым умóм избрáн учени́к ты яви́лся еси́ и столп необори́м Цéркве Хрiстóвы, язы́ком проповéдал еси́ слóво Хрiстóво,/ вéровати глагóля во Еди́но Божествó; от Негóже прослáвився, прiя́л еси́ дар исцелéнiй, цели́ти недýги притекáющих к тебé, апóстоле Iýдо всехвáльне.
Гóсподи, помилуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстé Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесá очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословѝ.
Хрїстè, Свéте И҆́стинный, просвещáяй и освящáяй вся́каго человéка, грядýщаго в мiр, да знáменается на нас свет лицá Твоегó, да в нем ýзрим Свет Непристýпный: и испрáви стопы́ нáша к дéланiю зáповедей Твои́х, моли́твами Пречи́стыя Твоея́ Мáтере, и всех Твои́х святы́х, ами́нь.
Кондáк, глас 8: Взбрáнной Воевóде победи́тельная,/ я́ко избáвльшеся от злы́х,/ благодáрственная восписýем Ти́ раби́ Твои́, Богорóдице;/ но я́ко имýщая держáву непобеди́мую,/ от вся́ких нас бед свободи́, да зовéм Ти́:// рáдуйся, Невéсто Неневéстная.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 раза)
Гóсподи, благословᴎ́.
Гóсподи, Iисýсе Хрїстé, Сыне Бóжій, моли́твами Пречи́стыя Своея́ Мáтере, святы́х слáвных и всехвáльных Апóстол, святы́х и прáведных богоотéц Iоакíма и Áнны, и всех святы́х, поми́лует и спасéт нас, яко Благ и Человеколю́бец. Ами́нь.
С утрá чти часы и обéдницу