Неделя пятая Великого поста, прп. Марии Египетской. Глас 1. УТРЕНЯ (окончание) ЧАС ПЕРВЫЙ
2 апрéля 2023 гóда. Недéля пя́тая Велúкaго постá. Преподóбной Марíи Егúпетской. Глас 1. Воскрéсная прáздничная слýжба для домáшнего (келéйнаго) совершéнiя. Послéдованiе ýтрени (окончáнiе). Пéрвый час.
Окончáнiе всенóщного бдéнiя. Начáло здесь ( великая вечéрня), здесь ( ýтреня) здесь ( продолжéнiе ýтрени с канóном)
ПЕСНЬ 7
Iрмóс: Тебé ýмную, Богорóдице, пещь/ разсмотря́ем, вéрнiи,/ я́коже бо óтроки спасé три Превозноси́мый,/ мiр обнови́,/ во чрéве Твоéм всецéл,// хвáльный отцéв Бог и препрослáвлен.
Хор: Слáва, Гóсподи, Святóму Воскресéнiю Твоемý.
Чтец: Убоя́ся земля́, сокры́ся сóлнце, и помéрче свет,/ раздрáся церкóвная божéственная завéса,/ кáменiе же разсéдеся:/ на крестé бо ви́сит Прáведный,// Хвáльный отцéв Бог, и препрослáвлен.
На 12.Хор: Благословéн есù, Гóсподи, Бóже отéц нáших,/ и хвáльно и прослáвлено И́мя Твоé во вéки.
Чтец: Ты быв áки безпомóщен,/ и уя́звен в мéртвых вóлею нас рáди/ превозноси́мый, вся свободи́л еси́,/ и держáвною рукóю совоскреси́л еси́,// хвáльный отцéв Бог, и препрослáвлен.
Хор: И вся делá Твоя́ úстинна, и прáви путié Твоù.
Богорóдичен: Рáдуйся, истóчниче присноживы́я воды́./ Рáдуйся, раю́ пи́щный./ Рáдуйся, стенó вéрных./ Рáдуйся, Неискусобрáчная./ Рáдуйся, всемíрная Рáдосте,/ Éюже нам возсiя́// Хвáльный отцéв Бог, и препрослáвлен.
Глас 1
На 10.Хор: И вси судù Твоù úстинни,/ и судьбы́ úстинны сотворúл есù.
Чтец: Тя, Богорóдице, лéствицу Iáков прорóчески разумевáет:/ Тобóю бо Превозноси́мый на земли́ яви́ся,/ и с человéки поживé, я́ко благоволи́,// Хвáльный отцéв Бог и Препрослáвлен.
Хор: И на град святы́й отéц нáших Iерусалúм.
Чтец: Рáдуйся, Чи́стая, из Тебé прóйде Пáстырь,/ И́же во Адáмову кóжу обóлкся вои́стинну Превозноси́мый,/ во всегó мя человéка, за благоутрóбiе непости́жное:// Хвáльный отцéв Бог и Препрослáвлен.
Глас 8
На 8.Хор: Благословéн есù, Гóсподи Бóже отéц нáших,/ и препéтый и превозносúмый во вéки.
Чтец: Íов я́коже дрéвле во гнóищи червéй и кáлѣ лежáше,/ тáкоже и пред враты́ богáтаго Лáзарь сѣдя́ше, вопiя́:// отéц Бóже благословéн еси́.
Хор: И благословéно И́мя слáвы Твоея́ святóе,/ препéтое и превозносúмое во вéки.
Чтец: Валя́яся пред враты́ немилосéрдаго богáтаго дрéвле Лáзарь,/ крупи́ц желáше егó трапéзы, но никтóже дая́ше емý:// и вмѣ́сто сих обрѣ́те авраáмля нѣ́дра.
На 6.Хор: Благословéн есù в хрáме святы́я слáвы Твоея́,/ препéтый и превозносúмый во вéки.
Чтец: Немилосéрдаго богáтаго чáсти, Хрiстé мой избáви мя́, молю́ся,/ и убóгому Лáзарю счини́в мя, вопи́ти тебѣ́ благодáрно сподóби:// отéц нáших Бóже благословéн еси́.
Хор: Благословéн есù вúдяй бéздны, седя́й на Херувíмех,/ препéтый и превозносúмый во вéки.
Богорóдичен: Из утрóбы дѣ́вственныя воплоти́выйся, яви́лся еси́ на спасéнiе нáше./ тѣ́мже твою́ Мáтерь вѣ́дуще Богорóдицу, благодáрно зовéм:// отéц нáших Бóже благословéн еси́.
Глас 8
На 4.Хор: Благословéн есù на престóле слáвы Цáрствiя Твоегó,/ препéтый и превозносúмый во вéки.
Чтец: Превели́кiй во отцéх, обхождá пусты́ню, зосíма мýдрый,/ преподóбную ви́дѣти сподóбися:// благословéн еси́, зовéт же, Бóже отéц нáших.
Хор: Благословéн есù на твéрди Небéсней,/ препéтый и превозносúмый во вéки.
Чтец: Что óтче, стрáнное вся́кiя добродѣ́тели дѣ́тельныя,/ ви́дѣти пришéл еси́ жени́ще?/ преподóбная вопiя́ше стáрцу:// благословéн еси́, зовéт же, Бóже отéц нáших.
Слáва Ѻтцý и Сы́ну и Святóму Дýху.
Тропáрь: Умертви́вши блажéнная страстéй твои́х взыгрáнiя,/ к безстрáстiя ны́нѣ устреми́лася еси́ пристáнищу, зовýщи:// благословéн еси́ Гóсподи Бóже отéц нáших.
И ны́не и прúсно и во вéки векóв. Амúнь.
Богорóдичен: Зачалá еси́ неизречéнно, Дéва пребы́вши Пречи́стая, и родилá еси́ мíрови спасéнiе, Хрiстá Бóга нáшего: тѣ́мже тя вси пѣ́сньми вѣ́рнiи величáем.
Катавáсiя (глас 4): Не послужи́ша твáри Богомýдрiи,/ пáче Создáвшаго,/ но, óгненное прещéнiе мýжески попрáвше,/ рáдовахуся, пою́ще:// препéтый отцéв Госпóдь и Бог, благословéн еси́.
ПЕСНЬ 8
Iрмóс: В пещи́ óтроцы Iзрáилевы,/ я́коже в горни́ле,/ добрóтою благочéстiя чистéе злáта блещáхуся, глагóлюще:/ благослови́те, вся делá Госпóдня, Гóспода,// пóйте и превозноси́те во вся вéки.
Хор: Слáва, Гóсподи, Святóму Воскресéнiю Твоемý.
Чтец: И҆́же вóлею вся творя́й, и претворя́яй,/ обращáяй сень смéртную в вéчную жизнь,/ стрáстiю Твоéю, Слóве Бóжiй,/ Тебé непрестáнно вся делá Госпóдня,// Гóспода пои́м, и превознóсим во вся вéки.
На 12.Хор: Благословúте, вся делá Госпóдня, Гóспода,/ пóйте и превозносúте Егó во вéки.
Чтец: Ты разори́л еси́ сокрушéнiе, Хрiстé, и окая́нство,/ во вратéх и тверды́нях áдовых,/ воскрéс из грóба триднéвен./ Тебé непрестáнно вся делá, я́ко Гóспода, пою́т,// и превознóсят во вся вéки.
Хор: Благословúте, Áнгели Госпóдни, Небесá Госпóдня, Гóспода,/ пóйте и превозносúте Егó во вéки.
Богорóдичен: Я́же без сéмене и преестéственне от облистáнiя Божéственнаго/ Рóждшую би́сера многоцéннаго Хрiстá, воспои́м глагóлюще:/ благослови́те вся делá Госпóдня, Гóспода,// пóйте и превозноси́те Егó во вся вéки.
Глас 1
На 10.Хор: Благословúте, вóды вся, я́же превы́ше Небéс, вся сúлы Госпóдни, Гóспода,/ пóйте и превозносúте Егó во вéки.
Чтец: Чертóг светови́дный, из негóже всех Влады́ка,/ я́ко Жени́х произы́де Хрiстóс,/ воспои́м вси вопiю́ще:/ вся делá Госпóдня, Гóспода пóйте,// и превозноси́те во вся вéки.
Хор: Благословúте, сóлнце и мéсяц, звéзды небéсныя, Гóспода,/ пóйте и превозносúте Егó во вéки.
Чтец: Рáдуйся, Престóле слáвный Бóжiй,/ рáдуйся, вéрных стенó,/ Éюже сýщим во тьме возсiя́ свет Хрiстóс,/ Тебé блажáщим, и вопiю́щим:/ вся делá Госпóдня, Гóспода пóйте,// и превозноси́те во вся вéки.
Глас 8
На 8.Хор: Благословúте, вся птúцы небéсныя, звéрiе и вси скóти, Гóспода,/ пóйте и превозносúте Егó во вéки.
Чтец: Во одéжду багря́ную и ви́ссон, и порфи́ру/ богáтый дрéвле облачáшеся свéтло окая́нный;/ убóгiй же Лáзарь во вратéх сегó лю́те лежáше,/ крупи́ц пáдающих трапéзы хотя́ насы́титися,/ и никтóже подая́ше емý,// тéмже в слáве Хрiстý сцáрствует.
Хор: Благословúте, сы́нове человéчестiи, да благословúт Iзрáиль Гóспода,/ пóйте и превозносúте Егó во вéки.
Чтец: Во вратѣ́х лежáше богáтаго Лáзарь, согни́в тѣ́лом рáнами,/ и хотя́ше насыщáтися снѣ́ди, и никтóже дая́ше емý:/ но и пси сострадáтельно язы́ком облизовáху гной и стрýпы егó.// тѣ́мже в раи́ слáдости сподóбися.
На 6.Хор: Благословúте, свящéнницы Госпóдни, рабú Госпóдни, Гóспода,/ пóйте и превозносúте Егó во вéки.
Чтец: В сластéх обогатéх, я́коже дрéвле богáтый,/ облачáяся на всяк день в багряни́цу, и аз, Многоми́лостиве,/ в слáдости житiя́ сегó себé осуждáю, сластьми́ и прéлестьми./ Тéмже молю́ся Тебé,// от огня́ избáвитися, Хрiстé, вéчнаго, во вся вéки.
Хор: Благословúте, дýси и дýши прáведных,/ преподóбнiи и смирéннiи сéрдцем, Гóспода,/ пóйте и превозносúте Егó во вéки.
Трóичен: Трисвéтлое Божествó, еди́нственную сiя́ющую зарю́,/ от еди́наго трiипостáснаго Естествá,/ Роди́теля безначáльна,/ единоестéственна же Слóва Отцý,/ и сцáрствующа единосýщна Дýха,/ дéти благослови́те, свящéнницы воспóйте,// лю́дiе превозноси́те во вся вéки.
Глас 8
На 4.Хор: Благословúте Анáнiя, Азáрiя, Мiсаúл, Гóспода,/ пóйте и превозносúте Егó во вéки.
Чтец: Глубины́ сéрдца испытýяй,/ прéжде бытiя́ предвéдый вся нáша,/ нýжнаго житiя́ исхити́л еси́ прибéгшую к Тебé, Спáсе,/ нýждно Твоемý человеколю́бiю вопiю́щую немóлчно:/ свящéнницы благослови́те,// лю́дiе превозноси́те во вся вéки.
Хор: Благословúте, апóстоли, прорóцы и мýченицы Госпóдни, Гóспода,/ пóйте и превозносúте Егó во вéки.
Чтец: О изменéнiя честнáго, к лýчшему преложéнiя твоегó честнáя!/ О любвé Божéственныя, возненави́девшiя плотскíя слáсти!/ О вéры горя́щiя и Божéственныя, всехвáльная Марíе!// Ю́же вéрно хвáлим, и превознóсим во вéки.
Благословúм Отцá, и Сы́на, и Святáго Дýха, Гóспода.
Тропáрь: Обрелá еси́ болéзней возмéздiе,/ и трудóв твои́х воздая́нiе честнáя Марíе,/ и́миже низложи́ла еси́ убíйцу врагá,/ и ны́не со áнгелы зовéши, песнь немóлчно вопiю́щи,// и превознося́щи Хрiстá во вéки.
И ны́не и прúсно и во вéки векóв. Амúнь.
Богорóдичен: Всегó обнови́ мя блáгости рáди, во утрóбе Твоéй, Чи́стая,/ не растли́в обоегó естествá свойств,/ я́ко всех векóв Влады́ка,/ отню́дуже Тя, я́ко винý нáшего спасéнiя,// пéсньми поéм во вся вéки.
Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя (глас 4): Óтроки благочести́выя в пéщи/ Рождествó Богорóдичо спаслó есть;/ тогдá ýбо образýемое,/ ны́не же дéйствуемое,/ вселéнную всю воздвизáет пéти Тебé:/ Гóспода пóйте, делá,// и превозноси́те Егó во вся вéки.
Вóзглас: Богорóдицу и Мáтерь Свéта в пéснех возвелúчим.
Хор: Вели́чит душá Моя́ Гóспода,/ и возрáдовася дух Мой о Бóзе Спáсе Моéм.
Припéв: Честнéйшую Херувíм/ и Слáвнейшую без сравнéнiя Серафíм,/ без истлéнiя Бóга Слóва рóждшую,/ сýщую Богорóдицу, Тя величáем. (На каждый стiх)
Я́ко призрé на смирéнiе рабы́ Своея́,/ се бо от ны́не ублажáт Мя вси рóди.
Я́ко сотвори́ Мне вели́чiе Си́льный,/ и свя́то И҆́мя Егó, и ми́лость Егó в рóды родóв боя́щимся Егó.
Сотвори́ держáву мы́шцею Своéю,/ расточи́ гóрдыя мы́слiю сéрдца их.
Низложи́ си́льныя со престóл, и вознесé смирéнныя;/ áлчущiя испóлни благ, и богатя́щiяся отпусти́ тщи.
Воспрiя́т Iзрáиля óтрока Своегó, помянýти ми́лости,/ я́коже глагóла ко отцéм нáшим, Авраáму и сéмени егó, дáже до вéка.
ПЕСНЬ 9
Iрмóс: Ѻ́браз чи́стаго рождествá Твоегó,/ огнепали́мая купинá/ показá неопáльная;/ и ны́не на нас/ напáстей свирéпеющую угаси́ти, мóлимся, пещь,/ да Тя, Богорóдице,// непрестáнно величáем.
Хор: Слáва, Гóсподи, Святóму Воскресéнiю Твоемý.
Чтец: О кáко, лю́дiе беззакóннiи и непокори́вiи,/ лукáвая совещáвше,/ гóрдаго и нечести́ваго оправди́ша:/ Прáведнаго же на дрéве осуди́ша Гóспода слáвы,// Егóже достóйно величáем!
На 12.Хор: Благословéн Госпóдь, Бог Iзрáилев,/ я́ко посетù и сотворù избавлéнiе лю́дем Своúм.
Чтец: Спáсе Áгнче Непорóчне,/ И҆́же мíра грехи́ взéмый,/ Тебé слáвим воскрéсшаго триднéвно,/ со Отцéм и Божéственным Твои́м Дýхом,/ и Гóспода слáвы:// Егóже богослóвяще, величáем.
Хор: И воздвúже рог спасéнiя нам/ в домý Давíдове, óтрока Своегó.
Богорóдичен: Спаси́ лю́ди Твоя́, Гóсподи,/ и҆́хже стяжáл еси́ честнóю Твоéю крóвiю,/ цéрквам Твои́м подая́ мир, Человеколю́бче,// Богорóдицы моли́твами.
Глас 1
На 10.Хор: Я́коже глагóла усты́ святы́х, сýщих от вéка прорóк Егó,/ спасéнiе от враг нáших/ и из рукù всех, ненавúдящих нас.
Чтец: Из кóрене Давíдова прозяблá еси́ прорóческаго, Дéво, и богоотéческаго:/ но и Давíда я́ко вои́стинну Ты прослáвила еси́,/ я́ко рóждши прорóчествованнаго Гóспода слáвы:// Егóже достóйно величáем.
Хор: Сотворúти мúлость со отцы́ нáшими/ и помянýти Завéт Святы́й Свой.
Чтец: Всяк похвáльный, Пречи́стая, закóн/ побеждáется вели́чеством слáвы Твоея́./ Но о, Влады́чице, от раб Твои́х недостóйных,/ от любвé Тебé приноси́мое прiими́, Богорóдице,// со усéрдiем пéнiе похвáльное.
Глас 8
На 8.Хор: Кля́тву, éюже кля́тся ко Авраáму, отцý нáшему,/ дáти нам без стрáха, из рукù враг нáших избáвльшимся.
Чтец: Убóгаго мя Ла́заря, Хрiстé, молю́ся, содéлай,/ сластéй возжелéнiя моя́ потребля́я, я́ко естествóм Бог:/ добродéтельми же мя бога́та сотвори́,// да вéрою в песнопéнiих велича́ю Тя.
Хор: Служúти Емý преподóбiем и прáвдою/ пред Ним вся дни животá нáшего.
Чтец: Бога́тый и немилосéрдый, ум мой презрéх,/ ве́рою Твои́х за́поведей, Человеколю́бче,/ пред враты́ повéржен лю́те,/ но я́ко сострада́телен и любощéдр возста́ви,// я́коже дрéвле четвероднéвнаго дру́га Ла́заря.
На 6.Хор: И ты, отрочá, прорóк Вы́шняго наречéшися,/ преды́деши бо пред лицéм Госпóдним, уготóвати путù Егó.
Чтец: Вси извыкóхом при́тче Влады́чней,/ вси у́бо вéрнiи возненави́дим бога́таго немилосéрдное, да му́ки избéгнем,// и в нéдрех Авраа́млих при́сно лику́им.
Хор: Дáти рáзум спасéнiя лю́дем Егó/ во оставлéнiе грех их/ милосéрдiя рáди мúлости Бóга нáшего.
Богорóдичен: Тя неви́димаго Бóга носи́вшую объя́тiи,/ на небесéх пева́емаго от вся́кiя тва́ри,/ и Тобóю нам да́рующаго всегда́ спасéнiе,// в вéре велича́ем.
Глас 8
На 4.Хор: В нúхже посетù нас Востóк с высоты́,/ явúтися во тьме и сéни смéртней седя́щим.
Чтец: Удóбь претерпéла еси́, мáти, пусты́нный труд,/ укрепля́ема держáвною си́лою Хрiстóвою,/ сквéрная бо помышлéнiя находя́щая,/ струя́ми божéственных слез угаси́ла еси́, чи́стая,// пóстников высотó, преподóбных похвалó.
Хор: Напрáвити нóги нáша на путь мúрен.
Чтец: Пресветлéйшими лучáми,/ просвещáет тя еди́на свет рóждшая Хрiстá, Дéва и Чи́стая,/ стрáшную врагóм тя поставля́ет, честнáя,/ я́вственную же всем, Мари́е, явля́ет тя,// страдáлец красотó, преподóбных утверждéнiе.
Слáва Ѻтцý и Сы́ну и Святóму Дýху.
Тропáрь: Остáвивши му́дренно земнáя вся,/ жили́ще честнóе Ду́ха яви́лася еси́,/ мирски́х у́бо лю́тых свободи́тися,/ моли́ еди́наго Хрiстá свободи́теля,// вéрно совершáющим Божéственную пáмять твою́.
И ны́не и прúсно и во вéки векóв. Амúнь.
Богорóдичен: Закóнов естествá, Дéво, пáче естествá утаи́вшися,/ нóвое Отрочá на земли́ родилá еси́, Чи́стая,/ Законодáвца су́ща и Вéтха дéньми,/ мы́сленное нéбо всех Творцá,// тем вéрою и любóвiю Тя ублажáем.
Катавáсiя (глас 4): Всяк земнорóдный/ да взыгрáется, Дýхом просвещáемь,/ да торжествýет же Безплóтных умóв естествó,/ почитáющее свящéнное торжествó Богомáтере,/ и да вопiéт:/ рáдуйся, Всеблажéнная,// Богорóдице, Чи́стая Приснодéво.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Свят Госпóдь Бог наш.
Хор: Свят Госпóдь Бог наш
Я́ко Свят Госпóдь Бог наш.
Хор: Свят Госпóдь Бог наш
Над всéми людьми́ Бог наш.
Хор: Свят Госпóдь Бог наш
Ексапостилáрiй воскрéсный девя́тый: Заключéнным Влады́ко двéрем, я́ко вшел еси́,/ Апóстолы испóлнил еси́ Дýха Пресвятáго, ми́рно дýнув,/ и҆́мже вязáти же и решáти грехи́ рекл еси́:/ и по осми́ днех Твоя́ рéбра Фомé показáл еси́, и рýце./ С ни́мже вопiéм:// Госпóдь и Бог Ты еси́.
Слáва Ѻтцý и Сы́ну и Святóму Дýху.
Светúлен Трióди (прп. Марíи): О́браз покая́нiя тебé иму́ще, всепреподóбная Марíе, Хрiстá моли́,/ во врéмени постá, сему́ нам даровáтися,// я́ко да в вéре и любви́, тя пéсньми восхвáлим.
И ны́не и прúсно и во вéки векóв. Амúнь.
Богорóдичен Трióди: Слáдосте А́нгелов, скорбя́щих рáдосте, хрiстiáн предстáтельнице,/ Дéво Мáти Госпóдня,// заступи́ нас, и избáви вéчных мук.
ХВАЛИТНЫ
Хор, глас 1: Вся́кое дыхáнiе да хвáлит Гóспода./ Хвали́те Гóспода с небéс,/ хвали́те Егó в вы́шних.// Тебé подобáет песнь Бóгу.
Хвали́те Егó вси áнгели Егó,/ хвалите Егó вся си́лы Егó.// Тебé подобáет песнь Бóгу.
[В приходской практике пропускается до стихир]Хвали́те Егó, сóлнце и лунá, хвали́те Егó, вся звéзды и свет. Хвали́те Егó Небесá небéс и водá, я́же превы́ше небéс. Да восхвáлят и҆́мя Госпóдне: я́ко Той речé, и бы́ша, Той повелé, и создáшася. Постáви я́ в век и в век вéка, повелéнiе положи́, и не ми́мо и҆́дет. Хвали́те Гóспода от земли́, змíеве и вся бéздны: огнь, град, снег, гóлоть, дух бýрен, творя́щая слóво Егó, гóры и вси хóлми, древá плодонóсна и вси кéдри, звéрiе и вси скóти, гáди и пти́цы пернáты. Цáрiе зéмстiи и вси лю́дiе, кня́зи и вси судiи́ зéмстiи, ю́ноши и дéвы, стáрцы с ю́нотами да восхвáлят и҆́мя Госпóдне, я́ко вознесéся и҆́мя Тогó Еди́наго, исповéданiе Егó на земли́ и на небеси́. И вознесéт рог людéй Свои́х, песнь всем преподóбным Егó, сыновóм Iзрáилевым, лю́дем, приближáющымся Емý.
[В приходской практике пропускается до стихир]Воспóйте Гóсподеви песнь нóву, хвалéнiе Егó в цéркви преподóбных. Да возвеселится Iзрáиль о сотвóршем Егó, и сы́нове Сióни возрáдуются о Царé своéм. Да восхвáлят и҆́мя Егó в ли́це, в тимпáне и псалти́ри да поют Емý. Яко благоволи́т Госпóдь в людех Свои́х, и вознесéт крóткiя во спасéнiе. Восхвáлятся преподóбнiи во слáве и возрáдуются на лóжах свои́х. Возношéнiя Бóжiя в гортáни их, и мечи́ обою́ду остри́ в рукáх их: сотвори́ти отмщéнiе во языцех, обличéнiя в лю́дех, связáти цари́ их пýты, и слáвныя их ручными окóвы желéзными,
На 8.Чтец: Сотворúти в них суд напúсан:/ слáва сiя бýдет всем преподóбным Егó.
Стiхúры воскрéсные, глас 1: Поéм Твою́, Хрїстé, спаси́тельную страсть,// и слáвим Твоé Воскресéнiе.
Хвалúте Бóга во святых Егó,/ хвалúте Егó в утвержéнiи сúлы Егó.
Стiхúра: Крест претерпéвый, и смерть упраздни́вый,/ и воскресы́й из мéртвых,/ умири́ нáшу жизнь, Гóсподи,// я́ко еди́н Всеси́лен.
На 6: Хвалúте Егó на сúлах Егó, хвалúте Егó по мнóжеству велúчествiя Егó.
Стiхúра: Áда плени́вый, и человéка воскреси́вый,/ Воскресéнiем Твои́м, Хрiстé,/ сподóби нас чи́стым сéрдцем// Тебé пéти и слáвити.
Хвалúте Егó во глáсе трýбнем, хвалúте Егó во псалтúри и гýслех.
Стiхúра: Боголéпное Твоé снисхождéнiе слáвяще,/ поéм Тя, Хрїстé./ Роди́лся еси́ от Дéвы,/ и не разлучéн был еси́ от Отцá,/ пострадáл еси́, я́ко человéк,/ и вóлею претерпéл еси́ Крест,/ воскрéсл еси́ от грóба, я́ко от чертóга произшéд,/ да спасéши мiр,// Гóсподи слáва Тебé.
На 4. Хвалúте Егó в тимпáне и лúце, хвалúте Егó во стрýнах и оргáне.
И҆́ны стiхúры анатóлiевы: Егдá пригвозди́лся еси́ на дрéве крéстнем,/ тогдá умертви́ся держáва врáжiя:/ тварь поколебáся стрáхом Твои́м:/ и ад пленéн бысть держáвою Твоéю:/ мéртвыя от гроб воскреси́л еси́,/ и разбóйнику рай отвéрзл еси́:// Хрїстé Бóже наш, слáва Тебé.
Хвалúте Егó в кимвáлех доброглáсных, хвалúте Егó в кимвáлех восклицáнiя. Всякое дыхáнiе да хвáлит Гóспода.
Стiхúра: Рыдáюща со тщáнiем/ грóба Твоегó дошéдша честны́я жены́,/ обрéтша же гроб отвéрст,/ и увéдевша от Áнгела нóвое и преслáвное чýдо,/ возвести́ша апóстолом: я́ко воскрéсе Госпóдь,// дáруяй мíрови вéлiю ми́лость.
На 2. Воскреснú Гóсподи Бóже мой, да вознесéтся рукá Твоя́,/ не забýди убóгих Твоúх до концá.
Стiхира: Страстéй Твои́х Божéственным я́звам/ покланя́емся, Хрїстé Бóже,/ и éже в Сióне Влады́чнему священнодéйствiю,/ на конéц векóв богоявлéнне бы́вшему:/ и́бо во тьме спя́щiя, Сóлнце просвети́ прáвды,/ к невечéрнему наставля́я сiя́нiю:// Гóсподи, слáва Тебé.
Исповéмся Тебé Гóсподи, всем сéрдцем моúм,/ повéм вся чудесá Твоя́.
Стiхúра: Любомятéжный рóде еврéйскiй, внуши́те,/ где суть, и́же к Пiлáту пришéдшiи:/ да рекýт стрегýщiи вóини:/ где суть печáти грóбныя;/ где преложéн бысть Погребéнный;/ где прóдан бысть Непродáнный;/ кáко укрáдено бысть Сокрóвище;/ что оклеветýете Спáсово востáнiе/ пребеззакóнiи iудéи?/ Воскрéсе, И́же в мéртвых свобóдь,// и подаéт мíрови вéлiю ми́лость.
Воскреснú Гóсподи Бóже мой, да вознесéтся рукá Твоя́,/ не забýди убóгих Твоúх до концá.(Пс.9:33)
Стiхúра, самоглáсен дне Трióди, глас 1: Несть Цáрство Бóжiе пи́ща и питiе́:/ но прáвда и воздержáнiе со свя́тостiю./ Те́мже не богáтiи вни́дут в не:/ но ели́цы сокрóвища своя́ в ру́ки ни́щих влагáют./ Сiя́ и Дави́д прорóк учи́т глагóля:/ прáведен муж ми́луяй весь день,/ наслаждáяйся Гóсподеви,/ и во све́те ходя́й не пóткнется./ Сiя́ же вся к наказáнiю нáшему писáшася,/ я́ко да постя́щеся благосты́ню твори́м,// и даст нам Госпóдь вме́сто земны́х небе́сная.
Слáва Отцý и Сыну и Святóму Дýху.
Несть Ца́рство Бóжiе пи́ща и питiе́:/ но пра́вда и воздержа́нiе со свя́тостiю./ Те́мже не бога́тiи вни́дут в не:/ но ели́цы сокрóвища своя́ в ру́ки ни́щих влага́ют./ Сiя́ и Дави́д прорóк учи́т глагóля:/ пра́веден муж ми́луяй весь день,/ наслажда́яйся Гóсподеви,/ и во све́те ходя́й не пóткнется./ Сiя́ же вся к наказа́нiю на́шему писа́шася,/ я́ко да постя́щеся благосты́ню твори́м,// и даст нам Госпóдь вме́сто земны́х небе́сная.
И ны́не и прúсно и во вéки векóв. Амúнь.
Глас 2: Преблагословéнна еси́, Богорóдице Дéво,/ Воплóщшим бо ся из Тебé ад плени́ся,/ Адáм воззвáся,/ кля́тва потреби́ся,/ Éва свободи́ся,/ смерть умертви́ся, и мы ожи́хом./ Тем воспевáюще вопiéм:/ благословéн Хрїстóс Бог,// благоволи́вый тáко, слáва Тебé.
Возглас: Слáва Тебé, показáвшему нам свет.
Славословие великое
Хор: Слáва в вы́шних Бóгу, и на землѝ мир, в человéцех благоволéнiе. Хвáлим Тя, благослови́м Тя, клáняем Ти ся, славослóвим Тя, благодари́м Тя вели́кiя рáди слáвы Твоея́. Гóсподи, Царю́ Небéсный, Бóже, Ѻ́тче Вседержи́телю, Гóсподи Сы́не Единорóдный, Iисýсе Хрїстé, и Святы́й Дýше. Гóсподи Бóже, Áгнче Бóжiй, Сы́не Ѻтéчь, взéмляй грех мíра, поми́луй нас. Взéмляй грехѝ мíра, прiимѝ молитву нáшу. Седя́й одеснýю Ѻтцá, поми́луй нас. Яко Ты есѝ Един Свят; Ты есѝ Един Госпóдь, Iисýс Хрїстóс, в слáву Бóга Отцá, ами́нь.
На всяк день благословлю́ Тя и восхвалю́ и҆́мя Твоé во вéки, и в век вéка.
Сподóби, Гóсподи, в день сей без грехá сохрани́тися нам. Благословéн есѝ, Гóсподи Бóже отéц нáших, и хвáльно и прослáвлено и҆́мя Твоé во вéки, ами́нь.
Бýди, Гóсподи, милость Твоя на нас, я́коже уповáхом на Тя.
Благословéн есѝ, Гóсподи, научѝ мя оправдáнiем Твои́м.
Благословéн есѝ, Влады́ко, вразумѝ мя оправдáнiем Твои́м.
Благословéн есѝ, Святы́й, просветѝ мя оправдáнiи Твои́ми.
Гóсподи, прибéжище был еси нам в род и род. Аз рех: Гóсподи, поми́луй мя, исцелѝ дýшу мою́, я́ко согреши́х Тебé. Гóсподи, к Тебé прибегóх, научѝ мя твори́ти вóлю Твою́, яко Ты есѝ Бог мой, яко у Тебé истóчник животá, во свéте Твоéм ýзрим свет. Пробáви ми́лость Твою́ вéдущим Тя.
Хор: Святы́й Бóже, Святы́й Крéпкiй, Святы́й Безсмéртный, поми́луй нас. (3 раза)
Хор: Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкiй,/ Святы́й Безсмéртный, помилуй нас.
Тропáрь воскрéсный, глас 1: Днесь Спасéнiе мíру бысть,/ поéм Воскрéсшему из грóба,/ и Начáльнику жи́зни нáшея:/ разруши́в бо смéртiю смерть,// побéду дадé нам и вéлiю ми́лость.
Гóсподи поми́луй (40 раз)
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Гóсподи поми́луй (12раз)
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Утвердѝ, Бóже, святýю правослáвную вéру, правослáвных хрiстiáн во век вéка.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.
Гóсподи, поми́луй. (3 раза)
Гóсподи, благословѝ.
ОТПУСТ
Гóсподи, Iисýсе Хрїстé, Сыне Бóжiй, моли́твами пречи́стыя Своея́ Мáтере, святы́х слáвных и всехвáльных Апóстол, преподóбной Марíи Еги́петской, святы́х и прáведных богоотéц Iоакíма и Áнны, и всех святы́х, поми́лует и спасéт нас, я́ко Благ и Человеколю́бец.
МНОГОЛЕТИЕ
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Стiхúра евáнгельская девя́тая, глас 5: Я́ко в послéдняя лéта,/ сýщу пóзде от суббóт,/ предстáл еси́ другóм Хрiстé,/ и чудесéм чýдо извествýеши,/ заключéным вхóдом двéрным,/ éже из мéртвых Твоé воскресéнiе./ Но испóлнил еси́ рáдости ученики́,/ и Дýха Святáго преподáл еси́ им,/ и власть пóдал еси́ оставлéнiя грехóв/ и Фомы́ не остáвил еси́ в невéрствiя погружáтися бýри./ Тéмже подáждь и нам рáзум и҆́стинный и оставлéнiе прегрешéнiй,// благоутрóбне Гóсподи.
ПЕРВЫЙ ЧАС
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 5
Глагóлы моя́ внушѝ, Гóсподи, разумéй звáнiе моé. Вонмѝ глáсу молéнiя моегó, Царю́ мой и Бóже мой, яко к Тебé помолю́ся, Гóсподи. Заýтра услы́ши глас мой, заýтра предстáну Ти, и ýзриши мя. Яко Бог не хотя́й беззакóнiя, Ты есѝ: не присели́тся к Тебé лукáвнуяй, нижé пребýдут беззакóнницы пред очи́ма Твои́ма: возненави́дел еси вся дéлающыя беззакóнiе. Погуби́ши вся глагóлющыя лжу: мýжа кровéй и льсти́ва гнушáется Госпóдь. Аз же мнóжеством ми́лости Твоея́, вни́ду в дом Твой, поклоню́ся ко хрáму святóму Твоемý, в стрáсе Твоéм. Гóсподи, настáви мя прáвдою Твоéю, враг моих рáди испрáви пред Тобóю путь мой. Яко несть во устéх их и҆́стины, сéрдце их сýетно, гроб отвéрст гортáнь их: язы́ки свои́ми льщáху. Судѝ им, Бóже, да отпадýт от мы́слей свои́х, по мнóжеству нечéстiя их изри́ни я́, яко преогорчи́ша Тя, Гóсподи. И да возвеселя́тся вси уповáющiи на Тя, во век возрáдуются, и всели́шися в них, и похвáлятся о Тебé лю́бящiи имя Твоé. Яко Ты благослови́ши прáведника, Гóсподи: яко орýжiем благоволéнiя венчáл еси нас.
Псалом 89
Гóсподи, прибéжище был еси нам в род и род. Прéжде дáже горáм не бы́ти и создáтися землѝ и вселéнней, и от вéка и до вéка Ты еси. Не отвратѝ человéка во смирéнiе, и рекл еси: обрати́теся, сы́нове человéчестiи. Яко ты́сяща лет пред очи́ма Твои́ма, Гóсподи, яко день вчерáшнiй, и҆́же мимои́де, и стрáжа нощнáя. Уничижéнiя их лéта бýдут. Утро яко травá мимои́дет, ýтро процветéт и прéйдет: на вéчер отпадéт ожестéет и и҆́зсхнет. Яко исчéзохом гнéвом Твоим, и я́ростiю Твоéю смути́хомся. Положи́л еси беззакóнiя нáша пред Тобóю: век наш в просвещéнiе лицá Твоегó. Яко вси днíе нáши оскудéша, и гнéвом Твоим исчезóхом, лéта нáша яко паучи́на поучáхуся. Днíе лет нáших, в ни́хже сéдмьдесят лет, áще же в си́лах, óсмьдесят лет, и мнóжае их труд и болéзнь: яко прiи́де крóтость на ны, и накáжемся. Кто весть держáву гнéва Твоегó, и от стрáха Твоегó, я́рость Твою исчестѝ? Десни́цу Твою́ тáко скажѝ ми, и оковáнныя сéрдцем в мýдрости. Обрати́ся, Гóсподи, докóле? И умолéн бýди на рабы́ Твоя. Испóлнихомся заýтра ми́лости Твоея, Гóсподи, и возрáдовахомся, и возвесели́хомся, во вся дни нáша возвесели́хомся, за дни в ня́же смири́л ны еси, лéта в ня́же ви́дехом злáя. И при́зри на рабы́ Твоя́, и на делá Твоя, и настáви сы́ны их. И бýди свéтлость Гóспода Бóга нáшего на нас, и делá рук нáших испрáви на нас, и дéло рук нáших испрáви.
Псалом 100
Ми́лость и суд воспою́ Тебé, Гóсподи. Пою́ и разумéю в путѝ непорóчне, когдá прiи́деши ко мне? Прехождáх в незлóбiи сéрдца моегó посредé дóму моегó. Не предлагáх пред очи́ма мои́ма вещь законопрестýпную: творя́щыя преступлéнiе возненави́дех. Не прильпé мне сéрдце стропти́во, уклоня́ющагося от менé лукáваго не познáх. Оклеветáющаго тай и҆́скренняго своегó, сегó изгоня́х: гóрдым óком, и несы́тым сéрдцем, с сим не ядя́х. Ѻ́чи моѝ на вéрныя землѝ, посаждáти я́ со мнóю: ходя́й по путѝ непорóчну, сей ми служáше. Не живя́ше посредé дóму моегó творя́й горды́ню, глагóляй непрáведная, не исправля́ше пред очи́ма мои́ма. Во ýтрiя избивáх вся грéшныя землѝ, еже потреби́ти от грáда Госпóдня вся дéлающыя беззакóнiе.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебé Бóже. (3 раза)
Гóсподи, помúлуй. (3 раза)
Тропáрь воскрéсный, глас 1: Кáмени запечáтану от iудéй и вóином стрегýщим Пречи́стое Тéло Твоé, воскрéсл еси триднéвный, Спáсе, дáруяй мíрови жизнь. Сегó рáди си́лы небéсныя вопiя́ху Ти, Жизнодáвче: слáва Воскресéнiю Твоемý, Хрїстé, слáва Цáрствiю Твоемý, слáва смотрéнiю Твоемý, еди́не Человеколю́бче.
Слáва Отцý и Сы́ну и Святóму Дýху.
Тропáрь Трióди (прп. Марíи), глас 8: В тебé, мáти, извéстно спасéся éже по óбразу, прiи́мши бо крест, послéдовала еси́ Хрїстý, и дéющи учи́ла еси́ презирáти ýбо плоть, прехóдит бо, прилежáти же о души́, вéщи безсмéртней. Тéмже и со Áнгелы срáдуется, преподóбная Марíе, дух твой.
И ны́не и прúсно и во вéки векóв. Амúнь.
Богорóдичен: Что Тя наречéм, о Благодáтная? Нéбо, я́ко возсiя́ла есѝ Сóлнце Прáвды. Рай, я́ко прозяблá есѝ цвет нетлéнiя. Дéву, я́ко пребылá есѝ нетлéнна. Чи́стую Мáтерь, яко имéла есѝ на святы́х Твои́х объя́тiях Сы́на, всех Бóга. Тогó молѝ спасти́ся душáм нáшим.
Стопы́ моя́ напрáви по словесѝ Твоемý и да не обладáет мнóю вся́кое беззакóнiе. Избáви мя от клеветы́ человéческiя, и сохраню́ зáповеди Твоя́. Лицé Твоé просветѝ на рабá Твоегó и научѝ мя оправдáнiем Твои́м.
Да испóлнятся устá моя хвалéнiя Твоегó, Гóсподи, я́ко да воспою́ слáву Твою́, весь день великолéпiе Твоé.
Посем Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Отцý и Сыну и Святóму Дýху, и ныне и при́сно и во вéки векóв, ами́нь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сыне Бóжїй, поми́луй нас. Ами́нь.
КОНДАК
Кондáк Трióди (прп. Марíи), глaс 3: Блудáми пéрвее преиспóлнена вся́ческими,/ Хрїстóва невéста днесь покая́нiем яви́ся,/ Áнгельское жи́тельство подражáющи,/ дéмоны Крестá орýжiем погубля́ет./ Сегó рáди Цáрствiя невéста яви́лася еси́,/ Марíе преслáвная.
Гóсподи, помилуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстé Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесá очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословѝ.
Хрїстé, Свéте И҆́стинный, просвещáяй и освящáяй вся́каго человéка, грядýщаго в мiр, да знáменается на нас свет лицá Твоегó, да в нем ýзрим Свет Непристýпный: и испрáви стопы́ нáша к дéланiю зáповедей Твои́х, моли́твами Пречи́стыя Твоея́ Мáтере, и всех Твои́х святы́х, ами́нь.
Кондáк, глас 8: Взбрáнной Воевóде победи́тельная,/ я́ко избáвльшеся от злы́х,/ благодáрственная восписýем Ти́ раби́ Твои́, Богорóдице;/ но я́ко имýщая держáву непобеди́мую,/ от вся́ких нас бед свободи́, да зовéм Ти́:// рáдуйся, Невéсто Неневéстная.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 раза)
Гóсподи, благословᴎ́.
Гóсподи, Iисýсе Хрїстé, Сыне Бóжiй, моли́твами пречи́стыя Своея́ Мáтере, святы́х слáвных и всехвáльных Апóстол, преподóбной Марíи Еги́петской, святы́х и прáведных богоотéц Iоакíма и Áнны, и всех святы́х, поми́лует и спасéт нас, я́ко Благ и Человеколю́бец.
С утрá чти часы и обéдницу