Неделя 24 по Пятидесятнице. Апостола Филиппа, глас 7 ВСЕНОЩНОЕ БДЕНИЕ. ВЕЛИКАЯ ВЕЧЕРНЯ.
27 ноября́ 2022 гóда. Недéля 24 по Пятидеся́тнице. Апóстола Фiлíппа. Глас 7. Всeнóщное бдéнiе для домáшнего (келéйнаго) совершéнiя состоúт из Велúкой вечéрни, ýтрени, тáкже канóна и пéрваго чáса. Вся слýжба прáздника по Октóиху и Минéе. Слýжба мiрскúм чúном. Заговéнiе на Рождéственскiй (Фiлíппов) пост.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiидѝ и всели́ся в ны, и очи́сти ны от вся́кiя сквéрны, и спасѝ, Блáже, Дýши нáша.
Святы́й Бóже, Святы́й Крéпкiй, Святый Безсмéртный, помилуй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Гóсподи, поми́луй, (12 раз.)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинáтельный
Стiхù избрáннiи: Благословѝ, душé моя́, Гóспода./ Благословéн есѝ, Гóсподи./ Гóсподи, Бóже мой, возвели́чился еси́ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредé гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благослови, душé моя, Гóспода, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Ливáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýіа, аллилýіа, аллилýіа, слáва Тебé Бóже. (3 раза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
Читаем либо кафíсму 1-ю (1-ю cтатiю(«Блажен муж» - 1-й антiфóн.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своé, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижé грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрiстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речé ко Мне: Сын Мой еси Ты, Аз днесь роди́х Тя. Просѝ от Менé, и дам Ти язы́ки достоя́нiе Твоé, и одержáнiе Твоé концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоé.
Лúбо поем стiхù избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýїа, аллилýїа, аллилýїа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýїа, аллилýїа, аллилýїа.
Чтец: Рабóтайте Гóсподеви со стрáхом и рáдуйтеся Емý с трéпетом.
Хор: Аллилýїа, аллилýїа, аллилýїа.
Чтец: Блажéни вси надéющiися Нань.
Хор: Аллилýїа, аллилýїа, аллилýїа.
Чтец: Воскреснѝ, Гóсподи, спасѝ мя, Бóже мой.
Хор: Аллилýїа, аллилýїа, аллилýїа.
Чтец: Госпóдне есть спасéнiе, и на лю́дех Твои́х благословéнiе Твоé.
Хор: Аллилýїа, аллилýїа, аллилýїа.
Чтец: Слáва Ѻтцý и Сы́ну и Святóму Дýху.
Хор: Аллилýїа, аллилýїа, аллилýїа.
Хор: И ны́не и при́сно и во вéки векóв, ами́нь.
Хор: Аллилýїа, аллилýїа, аллилýїа.
Аллилýїа, аллилýїа, аллилýїа, слáва Тебé Бóже. (Трúжды)
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 7
Хор: Гóсподи, воззвáх к Тебé, услы́ши мя./ Услы́ши мя, Гóсподи./ Гóсподи, воззвáх к Тебé, услы́ши мя:/ вонми́ глáсу молéнія моегó,/ внегдá воззвáти ми к Тебé./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моé в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещé и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебé, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моé, печáль мою́ пред Ним возвещý. Внегдá исчезáти от менé дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менé: поги́бе бéгство от менé, и несть взыскáяй дýшу мою́. Воззвáх к Тебé, Гóсподи, рех: Ты есѝ уповáнiе моé, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менé.
На 10 Чтец: Изведù из темнúцы дýшу мою́,// исповéдатися и҆́мени Твоемý.
Стiхиры воскрéсные, глас 7: Пpiиди́те, возpáдуемся Гóсподеви,/ сокpуши́вшему смépти деpжáву,/ и пpосвети́вшему человéческий pод,/ со безплóтными зовýще:// Содéтелю и Спáсе наш, слáва Тебé.
Менé ждут прáведницы,// дóндеже воздáси мне.
Стiхúра: Кpест пpетеpпéл еси́ Спáсе,/ и погpебéнiе нас páди,/ смépтiю же я́ко Бог смеpть умеpтви́л еси́./ Тéмже покланя́емся тpиднéвному воскpесéнiю Твоемý:// Гóсподи, слáва Тебé.
На 8. Стiх: Из глубины́ воззвáх к Тебе, Гóсподи,// Гóсподи, услы́ши глас мой.
Стiхúра: Апóстоли ви́девше воскpесéнiе Содéтеля, чудя́хуся,/ пою́ще хвалý Áнгельскую:/ сiя́ слáва есть цеpкóвная,/ сié богáтство Цápствiя:/ постpадáвый нас páди, Гóсподи, слáва Тебé.
Да бýдут ýши Твоù// внéмлюще глáсу молéнiя моегó.
И҆́ны стiхúры анатóлiевы: Áще и ят был еси́ Хpїстé, от беззакóнных мужéй,/ но Ты ми еси́ Бог, и не постыждýся;/ бiéн был еси́ по плещéма, не отметáюся;/ на Кpестé пpигвождéн был еси́, и не таю́;/ востáнiем Твои́м хвалю́ся:/ смеpть бо Твоя́ живóт мой,// Всеси́льне и Человеколю́бче Гóсподи, слáва Тебé.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебé очищéнiе есть.
Стiхúры апóстола, глас 6: Дея́нiе ýбо восхождéнiе и́стиннаго видéнiя,/ видéнiе же конéц Боголюби́ваго дея́нiя, блажéнне, положи́в,/ Хрiстá моли́л еси́/ Óтчую слáву показáти тебé неизречéнную,/ и́бо желáет вся́кое словéсное естествó слáвне, Бóга состáвльшаго,/ и желáемаго получи́л еси́,/ тогó áбiе прiéмь печáть Сы́на:// Егóже со дерзновéнiем моли́ о душáх нáших.
И҆́мене рáди Твоегó потерпéх Тя, Гóсподи, потерпé душá моя́ в слóво Твоé,// уповá душá моя на Гóспода.
Стiхúра: Дея́нiе ýбо восхождéнiе и́стиннаго видéнiя,/ видéнiе же конéц Боголюби́ваго дея́нiя, блажéнне, положи́в,/ Хрiстá моли́л еси́/ Óтчую слáву показáти тебé неизречéнную,/ и́бо желáет вся́кое словéсное естествó слáвне, Бóга состáвльшаго,/ и желáемаго получи́л еси́,/ тогó áбiе прiéмь печáть Сы́на:// Егóже со дерзновéнiем моли́ о душáх нáших.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Божéственными восхождéнiи всегдá научáемь,/ я́ко Моисéй пéрвее, Бóга ви́дети возжелéл еси́/ и мы́сленно ви́дел еси́ Тогó óбраз,/ прiéмь к подóбiю,/ Отцá бо скóрое увéденiе Сын и указáнiе,/ Сы́на же и Роди́теля Еди́но Существó знáется/ и от всех тóждество вознóсится чéстно,// и Цáрство, и си́ла, слáва, и поклонéнiе.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúра: Божéственными восхождéнiи всегдá научáемь,/ я́ко Моисéй пéрвее, Бóга ви́дети возжелéл еси́/ и мы́сленно ви́дел еси́ Тогó óбраз,/ прiéмь к подóбiю,/ Отцá бо скóрое увéденiе Сын и указáнiе,/ Сы́на же и Роди́теля Еди́но Существó знáется/ и от всех тóждество вознóсится чéстно,// и Цáрство, и си́ла, слáва, и поклонéнiе.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: Оргáн, бряцáя Божéственными вдохновéньми/ и сказáнiи Святáго Дýха, был еси́/ и, преми́рное песнопоя́ в мíре Спáсово Евáнгелiе/ óгненным язы́ком твои́м,/ всю бо лесть попали́л еси́,/ я́ко вещь удобосожигáему/ и я́ко травý земнýю увядáему:/ сýщаго же над всéми Влады́ку и Гóспода Хрiстá/ вселéнней проповéдал еси́,// Фiлíппе Богови́дче.
Яко утвердúся мúлость Егó на нас,// и и҆́стина Госпóдня пребывáет во век.
Стiхúра: Оргáн, бряцáя Божéственными вдохновéньми/ и сказáнiи Святáго Дýха, был еси́/ и, преми́рное песнопоя́ в мíре Спáсово Евáнгелiе/ óгненным язы́ком твои́м,/ всю бо лесть попали́л еси́,/ я́ко вещь удобосожигáему/ и я́ко травý земнýю увядáему:/ сýщаго же над всéми Влады́ку и Гóспода Хрiстá/ вселéнней проповéдал еси́,// Фiлíппе Богови́дче.
Слáва Отцý и Сыну и Святóму Дýху.
Византíево, глас 6: Вели́каго, Фiлíппе, Свéта блистáнiи разжéгся,/ всемíрный возсiя́л еси́ свети́льник,/ Отцá же Свéтов,/ в Сы́не взыскáв, обрéл еси́:/ во свéте бо свет обретáется./ И́бо той печáть равнообрáзна,/ явля́я началообрáзное./ Егóже, апóстоле, моли́// запечáтствованным Божéственною спасти́ся Крóвiю.
И ныне и прúсно и во вéки векóв, амúнь.
Догмáтик. Глас 7: Мáти ýбо познáлася еси́,/ пáче естествá, Богоpóдице,/ пpебылá же еси́ Дéва,/ пáче слóва и páзума:/ и чудесé Рождествá Твоегó сказáти язы́к не мóжет./ Пpеслáвну бо сýщу зачáтiю Чи́стая,/ непости́жен есть óбpаз pождéнiя:/ идéже бо хóщет Бог, побеждáется естествá чин./ Тéмже Тя вси, Мáтеpь Бóжiю вéдуще,/ мóлим Ти ся пpилéжно,// моли́ спасти́ся душáм нáшим.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сы́на и Святáго Дýха, Бóга. Достóин есѝ во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВОСКРЕСНЫЙ
Чтец: Прокíмен, глас шесты́й: Госпóдь воцари́ся, в лéпоту облечéся.
Хор: Госпóдь воцарúся,/ в лéпоту облечéся. (Пс.92:1А)
Чтец: Облечéся Госпóдь в си́лу и препоя́сася. (Пс.92:1Б)
Хор: Госпóдь воцарúся,/ в лéпоту облечéся.
Чтец: И҆́бо утверди́ вселéнную, я́же не подви́жится. (Пс.92:1В)
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)
Хор: Госпóдь воцарúся,/ в лéпоту облечéся.
Чтец: Госпóдь воцари́ся.
Хор: В лéпоту облечéся.
ПАРИМИИ
Чтец: Собóрнаго Послáнiя Петрóва чтéнiе.
(1Петр.зач.58): Петр, апóстол Iисýс Хрiстóв, избрáнным пришéльцем разсéянiя, Пóнта, Галатíи, Каппадокíи, Асíи и Вiфинíи, по прозрéнiю Бóга Отцá во святы́ню Дýха, в послушáнiе и кроплéнiе Крóве Iисýс Хрiстóвы, благодáть вам и мир да умнóжится. Благословéн Бог и Отéц Гóспода нáшего Iисýс Хрiстá, И́же по мнóзей Своéй ми́лости порождéй нас во уповáнiе жи́во воскресéнiем Iисýс Хрiстóвым от мéртвых, в наслéдiе нетлéнно, и несквéрно, и неувядáемо, соблюдéно на Небесéх вас рáди,/ и́же си́лою Бóжiею соблюдéни вéрою во спасéнiе готóвое яви́тися во врéмя послéднее. О нéмже рáдуйтеся, мáло ны́не, áще лéпо есть, прискóрбни бы́вше в разли́чных напáстех, да искушéнiе вáшея вéры, многочéстнейше злáта ги́бнуща,/ огнéм же искушéна, обря́щется в похвалý и честь и слáву, во откровéнiи Iисýс Хрiстóве. Егóже не ви́девше, лю́бите, и на Негóже ны́не не зря́ще, вéрующе же, рáдуетеся рáдостiю неизглагóланною и прослáвленною, прiéмлюще кончи́ну вéре вáшей спасéнiе душáм. О нéмже спасéнiи взыскáша и испытáша прорóцы, и́же о вáшей благодáти прорекóша, испытáюще, в каковó и́ли в кóе врéмя явля́ше в них Дух Хрiстóв, прéжде свидéтельствуя о Хрiстóвех страстéх и я́же по сих слáвах, и́мже откры́ся, я́ко не им самéм, но нам служáху сiя́, я́же ны́не возвести́шася вам, благовествовáвшими вам Дýхом Святы́м, пóсланным с Небесé, в ня́же желáют Áнгели прини́кнути. Тéмже, возлю́бленнiи, препоя́савше чрéсла помышлéнiя вáшего, трезвя́щеся, совершéнне уповáйте на приноси́мую вам благодáть откровéнiем Iисýс Хрiстóвым. Я́ко чáда послушáнiя, не преобразýющеся пéрвыми невéденiя вáшего похотéнiи, но по звáвшему вы Святóму, и сáми свя́ти во всем житiи́ бýдите. Занé пи́сано есть: свя́ти бýдите, я́ко Аз Свят есмь. И áще Отцá назывáете, нелицемéрно судя́ща комýждо по дéлу, со стрáхом житiя́ вáшего врéмя жи́тельствуйте, вéдяще, я́ко не истлéнным сребрóм, и́ли злáтом избáвистеся от сýетнаго вáшего житiя́, отцы́ прéданнаго, но честнóю Крóвiю я́ко Áгнца Непорóчна и Пречи́ста Хрiстá, предувéдена ýбо прéжде сложéнiя ми́ра, я́вльшася же в послéдняя лéта вас рáди. И́же Егó рáди вéровавших в Бóга, воздви́гшаго Егó из мéртвых и слáву Емý дáвша, я́ко да вéра вáша и уповáнiе бýдет на Бóга. Дýши вáша очи́стивше в послушáнiе и́стины дýхом, в братолю́бiе нелицемéрно, от чи́ста сéрдца друг дрýга люби́те прилéжно, порождéни не от сéмене истлéнна, но неистлéнна, слóвом Живáго Бóга и пребывáюща во вéки. Занé вся́ка плоть, я́ко травá, и вся́ка слáва человéча, я́ко цвет травны́й. Изсшé травá и цвет ея́ отпадé, глагóл же Госпóдень пребывáет во вéки, се же есть глагóл благовествовáнный в вас. Отлóжше ýбо вся́ку злóбу, и вся́ку лесть, и лицемéрiе, и зáвисть, и вся клеветы́, я́ко новорождéни младéнцы, словéсное и нелéстное млекó возлюби́те, я́ко да о нем возрастéте во спасéнiе, понéже вкуси́сте, я́ко благ Госпóдь. К Немýже приходя́ще, Кáменю Жи́ву, от человéк ýбо уничижéну, от Бóга же избрáнну, чéстну, и сáми я́ко кáменiе жи́во, зижди́теся в храм духóвен, святи́тельство свя́то, возноси́ти жéртвы духóвны, благопрiя́тны Бóгови Iисýс Хрiстóм. Занé пи́сано есть в Писáнiи: се полагáю в Сióне Кáмень Краеугóлен, избрáн, чéстен, и вéруяй в Онь не постыди́тся.
Русский синодальный перевод
Петр, Апостол Иисуса Христа, пришельцам, рассеянным в Понте, Галатии, Каппадокии, Асии и Вифинии, избранным, по предведению Бога Отца, при освящении от Духа, к послушанию и окроплению Кровию Иисуса Христа: благодать вам и мир да умножится. Благословен Бог и Отец Господа нашего Иисуса Христа, по великой Своей милости возродивший нас воскресением Иисуса Христа из мертвых к упованию живому, к наследству нетленному, чистому, неувядаемому, хранящемуся на небесах для вас, силою Божиею через веру соблюдаемых ко спасению, готовому открыться в последнее время. О сем радуйтесь, поскорбев теперь немного, если нужно, от различных искушений, дабы испытанная вера ваша оказалась драгоценнее гибнущего, хотя и огнем испытываемого золота, к похвале и чести и славе в явление Иисуса Христа, Которого, не видев, любите, и Которого доселе не видя, но веруя в Него, радуетесь радостью неизреченною и преславною, достигая наконец верою вашею спасения душ. К сему-то спасению относились изыскания и исследования пророков, которые предсказывали о назначенной вам благодати, исследывая, на которое и на какое время указывал сущий в них Дух Христов, когда Он предвозвещал Христовы страдания и последующую за ними славу. Им открыто было, что не им самим, а нам служило то, что ныне проповедано вам благовествовавшими Духом Святым, посланным с небес, во что желают проникнуть Ангелы. Посему, возлюбленные, препоясав чресла ума вашего, бодрствуя, совершенно уповайте на подаваемую вам благодать в явлении Иисуса Христа. Как послушные дети, не сообразуйтесь с прежними похотями, бывшими в неведении вашем, но, по примеру призвавшего вас Святаго, и сами будьте святы во всех поступках. Ибо написано: будьте святы, потому что Я свят. И если вы называете Отцем Того, Который нелицеприятно судит каждого по делам, то со страхом проводите время странствования вашего, зная, что не тленным серебром или золотом искуплены вы от суетной жизни, преданной вам от отцов, но драгоценною Кровию Христа, как непорочного и чистого Агнца, предназначенного еще прежде создания мира, но явившегося в последние времена для вас, уверовавших чрез Него в Бога, Который воскресил Его из мертвых и дал Ему славу, чтобы вы имели веру и упование на Бога. Послушанием истине чрез Духа, очистив души ваши к нелицемерному братолюбию, постоянно любите друг друга от чистого сердца, как возрожденные не от тленного семени, но от нетленного, от слова Божия, живаго и пребывающего вовек. Ибо всякая плоть - как трава, и всякая слава человеческая - как цвет на траве: засохла трава, и цвет ее опал; но слово Господне пребывает вовек; а это есть то слово, которое вам проповедано. Итак, отложив всякую злобу и всякое коварство, и лицемерие, и зависть, и всякое злословие, как новорожденные младенцы, возлюбите чистое словесное молоко, дабы от него возрасти вам во спасение; ибо вы вкусили, что благ Господь. Приступая к Нему, камню живому, человеками отверженному, но Богом избранному, драгоценному, и сами, как живые камни, устрояйте из себя дом духовный, священство святое, чтобы приносить духовные жертвы, благоприятные Богу Иисусом Христом. Ибо сказано в Писании: вот, Я полагаю в Сионе камень краеугольный, избранный, драгоценный; и верующий в Него не постыдится. (1Петр 1:1 - 2:6)
Чтец: Собóрнаго Послáнiя Петрóва чтéнiе.
(1Петр.зач.59): Возлю́бленнiи, Хрiстóс пострадá по нас, нам остáвль óбраз, да послéдуем стопáм Егó. И́же грехá не сотвори́, ни обрéтеся лесть во устéх Егó, И́же укаря́емь проти́ву не укаря́ше, страждá, не прещáше, предая́ше же судя́щему прáведно. И́же грехи́ нáша сам вознесé на тéле Своéм на Дрéво, да, от грех избы́вше, прáвдою поживéм, Егóже я́звою исцелéсте. Бéсте бо, я́ко óвцы заблýждшiя, не имýще пáстыря, но возврати́стеся ны́не к Пáстырю и Посети́телю душ вáших. Тáкожде же и жены́ повинýющеся свои́м мужéм, да и áще нéцiи не повинýются слóву, жéнским житiéм без слóва пленéни бýдут, ви́девше éже со стрáхом чи́сто житié вáше. И́мже да есть не внéшняя плетéнiя влас, и обложéнiя злáта, и́ли одея́нiя риз лéпота, но потаéный сéрдца человéк, в неистлéнiи крóткаго и молчали́ваго дýха, éже есть пред Бóгом многоцéнно. Тáко бо иногдá и святы́я жены́, уповáющiя на Бóга, украшáху себé, повинýющеся свои́м мужéм: я́коже Сáрра послýшаше Авраáма, господи́на тогó зовýще, ея́же бы́сте чáда, благотворя́ще и не боя́щеся ни еди́наго стрáха. Мýжiе, тáкожде вкýпе живýще с свои́ми женáми по рáзуму, я́ко немощнéйшу сосýду, жéнскому воздаю́ще честь, я́ко и снаслéдницы благодáтныя жи́зни, во éже не прекращáтися моли́твам вáшим. Конéц же - вси единомýдрени бýдите, ми́лостиви, братолю́бцы, милосéрдни, благоутрóбни, мудролю́бцы, смиреномýдри, не воздаю́ще зла за зло и́ли досаждéнiя за досаждéнiе, супроти́вное же благословя́ще, вéдяще, я́ко на се звáни бы́сте, да благословéнiе наслéдите.
Русский синодальный перевод
Возлюбленные, Христос пострадал за нас, оставив нам пример, дабы мы шли по следам Его. Он не сделал никакого греха, и не было лести в устах Его. Будучи злословим, Он не злословил взаимно; страдая, не угрожал, но предавал то Судии Праведному. Он грехи наши Сам вознес телом Своим на древо, дабы мы, избавившись от грехов, жили для правды: ранами Его вы исцелились. Ибо вы были, как овцы блуждающие не имея пастыря, но возвратились ныне к Пастырю и Блюстителю душ ваших. Также и вы, жены, повинуйтесь своим мужьям, чтобы те из них, которые не покоряются слову, житием жен своих без слова приобретаемы были, когда увидят ваше чистое, богобоязненное житие. Да будет украшением вашим не внешнее плетение волос, не золотые уборы или нарядность в одежде, но сокровенный сердца человек в нетленной красоте кроткого и молчаливого духа, что драгоценно пред Богом. Так некогда и святые жены, уповавшие на Бога, украшали себя, повинуясь своим мужьям. Так Сарра повиновалась Аврааму, называя его господином. Вы - дети ее, если делаете добро и не смущаетесь ни от какого страха. Также и вы, мужья, обращайтесь благоразумно с женами, как с немощнейшим сосудом, оказывая им честь, как сонаследницам благодатной жизни, дабы не было вам препятствия в молитвах. Наконец будьте все единомысленны, сострадательны, братолюбивы, милосерды, дружелюбны, смиренномудры; не воздавайте злом за зло или ругательством за ругательство; напротив, благословляйте, зная, что вы к тому призваны, чтобы наследовать благословение.(1Петр 2:21Б - 3:9)
Чтец: Собóрнаго Послáнiя Петрóва чтéнiе.
(1Петр.зач.61): Возлю́бленнiи, Хрiстý пострадáвшу за ны плóтiю, и вы в ту же мысль вооружи́теся, занé пострадáвый плóтiю престá от грехá. Во éже не ктомý в человéческiя пóхоти, но в вóлю Бóжiю прóчее во плóти жи́ти врéмя. Довлéет бо вам мимошéдшее врéмя житiя́, вóлю язы́ческую твори́вшим, хóждшим в нечистотáх, в пóхотех, в скотолóжстве, в пóмыслех, в пiя́нстве, в козлогласовáнiих, в лихоимáнiи, и богомéрзских идолослужéнiих. О нéмже дивя́тся, не сходя́щимся вам в то же блудá разлiя́нiе, хýляще: и́же воздадя́т слóво готóву Сýщему суди́ти живы́м и мéртвым. На се бо и мéртвым благовести́ся, да Суд ýбо прiи́мут по человéку плóтiю, поживýт же по Бóзе Дýхом. Всем же кончи́на прибли́жися, уцеломýдритеся ýбо и трезви́теся в моли́твах. Прéжде же всех друг ко дрýгу любóвь прилéжну имéйте, занé любóвь покрывáет мнóжество грехóв. Страннолю́бцы друг ко дрýгу без роптáнiй. Кíйждо я́коже прiя́т даровáнiе, мéжду себé сим служáще, я́ко дóбрiи строи́телiе разли́чныя благодáти Бóжiя. Áще кто глагóлет, я́ко словесá Бóжiя, áще кто слýжит, я́ко от крéпости, ю́же подаéт Бог, да о всем слáвится Бог Iисýс Хрiстóм, Емýже есть слáва и держáва во вéки векóв, ами́нь.
Русский синодальный перевод
Возлюбленные, как Христос пострадал за нас плотию, то и вы вооружитесь тою же мыслью; ибо страдающий плотию перестает грешить, чтобы остальное во плоти время жить уже не по человеческим похотям, но по воле Божией. Ибо довольно, что вы в прошедшее время жизни поступали по воле языческой, предаваясь нечистотам, похотям мужеложству, скотоложству, помыслам, пьянству, излишеству в пище и питии и нелепому идолослужению; почему они и дивятся, что вы не участвуете с ними в том же распутстве, и злословят вас. Они дадут ответ Имеющему вскоре судить живых и мертвых. Ибо для того и мертвым было благовествуемо, чтобы они, подвергшись суду по человеку плотию, жили по Богу духом. Впрочем близок всему конец. Итак будьте благоразумны и бодрствуйте в молитвах. Более же всего имейте усердную любовь друг ко другу, потому что любовь покрывает множество грехов. Будьте страннолюбивы друг ко другу без ропота. Служите друг другу, каждый тем даром, какой получил, как добрые домостроители многоразличной благодати Божией. Говорит ли кто, говори как слова Божии; служит ли кто, служи по силе, какую дает Бог, дабы во всем прославлялся Бог через Иисуса Христа, Которому слава и держава во веки веков. Аминь.(1Петр 4:1-11)
Гóсподи, поми́луй. (40 раз)
Слáва Отцý и Сыну и Святóму Дýху, и ныне и присно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебé подобáет хвалá. Тебé подобáет пéнiе,/ Тебé слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры апóстола Фiлíппа, глас 1: Трóстiю благодáти/ от глубины́ сýетства человéки извлéкл еси́, досточýдне,/ Учи́теля мáнiем повинýвся, Фiлíппе,/ просвéщшаго по всемý твоé разумéнiе,/ и апóстола, и чéстна Богоглагóльника,/ тя, всеблажéнне, показáвша,// Тогó непостижи́маго Божествá.
Дýха сiя́нiе на тя сни́де во óгненне ви́де/ и тя, блажéнне, Божéственное прiя́телище содéла,/ скóро отгоня́ща безбóжiя мглу/ и мiр просвещáюща сiя́нiем всемýдрых твои́х словéс,/ тайноглагóльниче, апóстолов украшéнiе,// Хрiстóв самови́дче блажéнне.
Мóлнiями проповéданiя/ во тьме седя́щiя невéденiя, слáвне, просвети́в,/ показáл еси́ сы́ны Влады́ки и Бóга вéры рáди./ Егóже страстéм ревновáл еси́ и смéрти/ и слáвы был еси́ наслéдник,/ я́ко мудр и Богоглагóлив,// я́ко учени́к и́стины.
Слáва Ѻтцý и Сы́ну и Святóму Дýху.
Глас 2: Остáвив земнáя, послéдовал еси́ Хрiстý,/ и знáменався дохновéнiем Святáго Дýха,/ пóслан быв от Негó в язы́ки поги́бшiя/ обращáти человéки во свет Богознáнiя,/ апóстоле Фiлíппе,/ и, скончáв пóдвиги Божéственныя твоея́ стрáсти/ и мук разли́чных,/ дýшу твою́ Хрiстý прéдал еси́./ Тогó моли́, всеблажéнне,// даровáти нам вéлiю ми́лость.
И ны́не и прúсно и во вéки векóв, амúнь.
Богорóдичен воскрéсный, глас 2 (по гласу «Славы»): О чудесé нóваго всех дрéвних чудéс!/ Кто бо познá мáтерь без мýжа рóждшую,/ и на рукý нося́щую,/ всю тварь Содержáщаго?/ Бóжiе есть изволéнiе, Рóждшееся./ Егóже я́ко Младéнца, Пречи́стая,/ Твои́ма рукáма носи́вшая,/ и Мáтерне дерзновéнiе к Немý имýщая,/ не престáй моля́щи о чтýщих Тя,// ущéдрити и спасти́ дýши нáша.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхúры воскрéсные, глас 7): Воскpéсл еси́ из гpóба Спáсе мípа,/ и совоздви́гл еси́ человéки с плóтiю Твоéю:// Гóсподи, слáва Тебé.
Стих: Госпóдь воцарúся, в лéпоту облечéся.
И҆́ны по алфавúту, глас 4: Воскpéсшему из мépтвых, и пpосвети́вшему вся,/ пpiиди́те поклони́мся:/ от áдова бо мучи́тельства нас свободи́л есть,/ Свои́м тpиднéвным Воскpесéнiем живóт нам даpовавый,// и вéлiю ми́лость.
Стих: И҆́бо утвердú вселéнную, я́же не подвúжется.
Во ад сошéд Хpiстé, смеpть плени́л еси́,/ и тpиднéвен воскpéс, нас совоскpеси́л еси́,/ слáвящих Твоé всеси́льное востáнiе,// Гóсподи Человеколю́бче.
Стих: Дóму Твоемý подобáет святы́ня, Гóсподи, в долготý днiй.
Стpáшен яви́лся еси́ Гóсподи, во гpóбе лежá я́ко спя,/ воскpéс же тpиднéвен я́ко си́лен,/ Адáма совоскpеси́л еси́ зовýща:/ слáва Воскpесéнiю Твоемý,// Еди́не Человеколю́бче.
Слáва Отцý и Сыну и Святóму Дýху.
Стiхúра ап. Фiлíппа, глас 2: Чáши аромáт/ в ми́ре лани́ты твоя́, мýдре, яви́шася,/ апóстоле Фiлíппе,/ почерпáющiя вéрным пи́во жизнотвóрное./ Дея́нiя бо в видéнiя восхождéнiе имы́й,/ Хрiстá послéдователь и привéтствователь был еси́,/ неплóдную и безчáдную язы́ков Цéрковь украси́л еси́ поучéньми,/ благочáдствующу в нем./ Éйже и ны́не моли́ избáвитися нужд и обстоя́нiй,// мóжеши бо о Бóзе мнóго, приближáяся Емý.
И ны́не и прúсно и во вéки векóв, амúнь.
Богорóдичен воскрéсный, глас 2 (по гласу «Славы»): О чудесé нóваго всех дрéвних чудéс!/ Кто бо познá мáтерь без мýжа рóждшую,/ и на рукý нося́щую,/ всю тварь Содержáщаго?/ Бóжiе есть изволéнiе, Рóждшееся./ Егóже я́ко Младéнца, Пречи́стая,/ Твои́ма рукáма носи́вшая,/ и Мáтерне дерзновéнiе к Немý имýщая,/ не престáй моля́щи о чтýщих Тя,// ущéдрити и спасти́ дýши нáша.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоé,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святы́й Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегó,// яко Спáса родилá есѝ душ нáших. (Трúжды)
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.
И глаголи ýтреню