Неделя 24 по Пятидесятнице. Апостола Филиппа, глас 7 ОБЕДНИЦА (Изобразительные) Служба мирским чином
27 ноября́ 2022 гóда. Недéля 24 по Пятидеся́тнице. Апóстола Фiлíппа. Глас 7. Воскрéсная прáздничная слýжба для домáшнего (келéйнаго) совершéнiя. Послéдованiе изобразúтельных. Заговéнiе на Рождéственскiй (Фiлíппов) пост.
Прежде глаголи часы. Аще имаши произволенiе то чти ýтреню с канóном и пéрвым чáсом, аще же ни, токмо часы.
ЧИН ОБЕДНИЦЫ
Глагóли сúце: Благословѝ, душé моя́, Гóспода,/ благословéн есѝ Гóсподи.
Псалом 102
Благословѝ, душé моя́, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянú нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцыи,/ я́ко тíи наслéдят зéмлю.
Чтец (стiхúры воскрéсные, глас 7): Красéн бе и добр в снедь, и҆́же менé умертви́вый плод:/ Хрїстóс есть Дрéво живóтное,/ от Негóже яды́й не умирáю,/ но вопiю́ с разбóйником:// помяни́ мя Гóсподи, во Цáрствiи Твоéм.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: На Крест вознéсся Щéдре,/ Адáмово рукописáнiе дрéвняго грехá заглáдил еси́,/ и спасл еси́ от прéлести весь род человéческiй.// Тéмже воспевáем Тя, благодéтелю Гóсподи.
На 8. Хор: Блажéни мúлостивiи,/ я́ко тíи помúловани бýдут.
Чтец: Пригвозди́л еси́ на Крестé Щéдре, грехи́ нáша Хрїстé,/ и Твоéю смéртiю смерть умертви́л еси́/ воздви́гнувый умéршiя из мéртвых:// тéмже покланя́емся Твоемý святóму воскресéнiю.
Хор: Блажéни чúстiи сéрдцем,/ я́ко тíи Бóга ýзрят.
Чтец: Излiя́ яд змiй в слýхи Éвины иногдá:/ Хрїстóс же на Дрéве крéстнем источи́л есть ми́рови жи́зни слáдость./ Тéмже взывáем:// помяни́ нас Гóсподи, во Цáрствiи Твоéм.
На 6. Хор: Блажéни миротвóрцы,/ яко тíи сы́нове Бóжiи нарекýтся.
На 6. Чтец: Во грóбе я́ко смéртен положéн был еси́, Животé всех Хрїстé:/ и вереи́ áдовы сломи́л еси́:/ и воскрéс во слáве триднéвен я́ко си́лен, всех просвети́л еси́:// слáва Твоемý востáнiю.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: Госпóдь воскрéс триднéвен из мéртвых,/ даровá мир Свой ученикóм,/ и сих благослови́в послá, рек:// вся приведи́те во Цáрствiе Моé.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
Чтец (стiхúры ап. Фiлíппа, глас 6): Ты, испóлнен свéта дéятельнаго видéнiя,/ Свéту вели́кому, бы́вшу с нáми, сподóбился еси́ Хрiстý служи́ти,// Фiлíппе Богоглагóливе.
Хор: Рáдуйтеся и веселúтеся,/ я́ко мзда вáша мнóга на Небесéх.
Чтец: Степéнь догмáтов благочести́вых твоé тайновóдствiе благочести́во яви́ся,/ тем бо Сы́на познáхом соестéственна// и соединéнна сýща Роди́телю.
Хор: Слáва Ѻтцý и Сы́ну и Святóму Дýху.
Чтец: Свéщник был еси́ злат,/ сiя́я человéком присносýщный свет/ и просвещáющ им вселéнную я́ве познáнiем,// Фiлíппе всеизя́щнейше.
Хор: И ны́не и прúсно и во вéки векóв. Амúнь.
Чтец (Богорóдичен): На Тя, Пресвятáя Чи́стая, надéявся,/ да не отпадý Твоегó чáянiя,/ но, я́ко Мáти ми́лостивная человеколюби́ваго Бóга,// сетéй мя врагá избáви.
Тропари и кондаки
Тропáрь воскрéсный, глас 7: Разруши́л еси́ Крестóм Твои́м смерть,/ отвéрзл еси́ разбóйнику рай;/ мvронóсицам плач преложи́л еси́/ и Апóстолом проповéдати повелéл еси́/, я́ко воскрéсл еси́, Хрїстé Бóже,/ дáруяй мíрови// вéлiю ми́лость.
Тропáрь апóстола Фiлíппа, глас 3: Благоукрашáется вселéнная,/ Ефióпiя ликовствýет,/ я́ко венцéм красýема,/ тобóю просвети́вшися,/ свéтло торжествýет пáмять твою́,/ Богоглагóливе Фiлíппе,/ вся бо вéровати Хрїстý научи́л еси́/ и течéнiе соверши́л достóйно Евáнгелiя./ Тем дерзновéнно вари́т Ефióпская рукá к Бóгу,// Егóже моли́ даровáти нам вéлiю ми́лость.
Слáва Отцý и Сы́ну и Святóму Дýху.
Кондáк апóстола, глас 8: Учени́к, и друг Твой, и подражáтель стрáсти Твоея́/ вселéнней Бóга Тя проповéда Богоглагóливый Фiлíпп;/ тогó моли́твами от врагóв пребеззакóнных/ Цéрковь Твою́ и всяк град Твой// Богорóдицею соблюди́, Многоми́лостиве.
И ны́не и прúсно и во вéки векóв. Амúнь.
Кондáк воскрéсный, глас 7: Не ктомý держáва смéртная/ возмóжет держáти человéки:/ Хрїстóс бо сни́де, сокрушáя и разоря́я си́лы ея́./ Связýем бывáет ад,/ прорóцы соглáсно рáдуются:/ предстá, глагóлюще, Спас сýщим в вéре,// изыди́те, вéрнiи, в воскресéнiе.
Трисвятое
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас. (3 раза)
Хор: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас.
Прокимен воскресный, глас 7
Чтец: Прокíмен, глас седьмы́й, псалóм Давíдов: Госпóдь крéпость лю́дем Свои́м даст, Госпóдь благослови́т лю́ди Своя́ ми́ром. (Пс.28:11)
Хор: Госпóдь крéпость лю́дем Своúм даст,/ Госпóдь благословúт лю́ди Своя́ мúром.
Чтец: Спаси́ мя, Гóсподи, я́ко оскудé преподóбный. (Пс.28:1А)
Хор: Госпóдь крéпость лю́дем Своúм даст,/ Госпóдь благословúт лю́ди Своя́ мúром.
Прокимен ап. Филиппа, глас 8
Чтец: Прокíмен, глас осьмы́й, псалóм Давíдов: Во всю зéмлю изы́де вещáнiе их и в концы́ вселéнныя глагóлы их. (Пс.18:5А)
Хор: Во всю зéмлю изы́де вещáнiе их/ и в концы́ вселéнныя глагóлы их.
АПОСТОЛ
Чтец: Ко Ефесéем послáнiя святáго апóстола Пáвла чтéнiе.
(Еф.зач.221): Брáтiе, Хрiстóс есть мир наш, сотвори́вый обоя́ еди́но, и средостéнiе огрáды разори́вый, враждý Плóтiю Своéю, закóн зáповедей учéньми упраздни́в, да óба сози́ждет Собóю во еди́наго нóваго человéка, творя́ мир, и примири́т обои́х во еди́ном тéле Бóгови крестóм, уби́в враждý на нем. И пришéд благовести́ мир вам, дáльним и бли́жним, занé Тем и́мамы приведéнiе óбои во еди́ном Дýсе ко Отцý. Тéмже ýбо ктомý нéсте стрáнни и пришéльцы, но сожи́теле святы́м и при́снiи Бóгу, наздáни бы́вше на основáнiи Апóстол и прорóк, сýщу краеугóльну Самомý Iисýсу Хрiстý, о Нéмже вся́ко создáнiе составля́емо растéт в цéрковь святýю о Гóсподе, о Нéмже и вы созидáетеся в жили́ще Бóжiе Дýхом.
[Русский синодальный перевод]Ибо Он есть мир наш, соделавший из обоих одно и разрушивший стоявшую посреди преграду, упразднив вражду Плотию Своею, а закон заповедей учением, дабы из двух создать в Себе Самом одного нового человека, устрояя мир, и в одном теле примирить обоих с Богом посредством креста, убив вражду на нем. И, придя, благовествовал мир вам, дальним и близким, потому что через Него и те и другие имеем доступ к Отцу, в одном Духе. Итак вы уже не чужие и не пришельцы, но сограждане святым и свои Богу, быв утверждены на основании Апостолов и пророков, имея Самого Иисуса Христа краеугольным камнем, на котором все здание, слагаясь стройно, возрастает в святый храм в Господе, на котором и вы устрояетесь в жилище Божие Духом.(2:14-22)
(1Кор.зач.131): Брáтiе, Бoг ны послáнники послéднiя яви́, я́ко насмéртники, занé позóр бы́хом мíру и Áнгелом и человéком. Мы ýбо бýи Хрiстá рáди, вы же мýдри о Хрiстé, мы нéмощни, вы же крéпцы, вы слáвни, мы же безчéстни. До ны́нешняго часá и áлчем, и жáждем, и наготýем, и стрáждем, и скитáемся, и труждáемся, дéлающе свои́ми рукáми. Укоря́еми, благословля́ем, гони́ми, терпи́м, хýлими, утешáемся, я́коже отрéби мíру бы́хом, всем попрáнiе досéле. Не срамля́я вас сiя́ пишý, но я́коже чáда моя́ возлю́бленная наказýю. Áще бо и мнóги пéстуны и҆́мате о Хрiстé, но не мнóги отцы́, о Хрiстé бо Iисýсе благовествовáнiем аз вы роди́х. Молю́ же вас: подóбни мне бывáйте, я́коже аз Хрiстý.
[Русский синодальный перевод]Ибо я думаю, что нам, последним посланникам, Бог судил быть как бы приговоренными к смерти, потому что мы сделались позорищем для мира, для Ангелов и человеков. Мы безумны Христа ради, а вы мудры во Христе; мы немощны, а вы крепки; вы в славе, а мы в бесчестии. Даже доныне терпим голод и жажду, и наготу и побои, и скитаемся, и трудимся, работая своими руками. Злословят нас, мы благословляем; гонят нас, мы терпим; хулят нас, мы молим; мы как сор для мира, как прах, всеми попираемый доныне. Не к постыжению вашему пишу сие, но вразумляю вас, как возлюбленных детей моих. Ибо, хотя у вас тысячи наставников во Хрiсте, но не много отцов; я родил вас во Хрiсте Iисусе благовествованiем. Посему умоляю вас: подражайте мне, как я Христу. (4:9 - 16)
Аллилуиарий воскресный, глас 7
Чтец: Аллилýїа, аллилýїа, аллилýїа, глас седьмы́й.
Хор: Аллилýїа, аллилýїа, аллилýїа.
Чтец: Блáго есть исповéдатися Гóсподеви, и пéти и҆́мени Твоемý Вы́шнiй. (Пс.91:2)
Хор: Аллилýїа, аллилýїа, аллилýїа.
Чтец: Возвещáти заýтра ми́лость Твою́, и и҆́стину Твою́ на вся́ку нощь. (Пс.91:3)
Хор: Аллилýїа, аллилýїа, аллилýїа.
Аллилуиарий ап. Филиппа, глас 1
Чтец: Глас пéрвый: Исповéдят Небесá чудесá Твоя́ Гóсподи, и҆́бо и҆́стину Твою́ в цéркви святы́х. (Пс.88:6)
Хор: Аллилýїа, аллилýїа, аллилýїа.
Чтец: Бог прославля́емь в совéте святы́х. (Пс.88:8А)
Хор: Аллилýїа, аллилýїа, аллилýїа.
ЕВАНГЕЛИЕ
От Луки́ Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Лк.зач.53): Во врéмя óно: закóнник нéкiй приступи́ ко Iисýсу, искушáя Егó и глагóля: Учи́телю, что сотвори́в, живóт вéчный наслéдую? Он же речé к немý: в закóне что пи́сано есть? Кáко чтéши? Он же отвещáв речé: возлю́биши Гóспода Бóга твоегó от всегó сéрдца твоегó, и от всея́ души́ твоея́, и все́ю крéпостiю твоéю, и всем помышлéнiем твои́м, и бли́жняго своегó я́ко сам себé. Речé же емý: пра́во отвещáл еси́, сié сотвори́, и жив бýдеши. Он же хотя́ оправди́тися сам, речé ко Iисýсу: и кто есть бли́жнiй мой? Отвещáв же Iисýс речé: человéк нéкiй схождáше от Iерусали́ма во Iерiхóн, и в разбóйники впадé, и́же совлéкше егó, и я́звы возлóжше отидóша, остáвльше едвá жи́ва сýща. По слýчаю же свящéнник нéкiй схождáше путéм тем, и ви́дев егó, мимои́де. Тáкожде же и левíт, быв на том мéсте, пришéд и ви́дев, мимои́де. Самаряни́н же нéкто гряды́й, прiи́де над негó, и ви́дев егó, милосéрдова, и пристýпль обвязá стрýпы егó, возливáя мáсло и винó. Всади́в же егó на свой скот, приведé егó в гости́нницу и прилежá емý, и наýтрiя изшéд, изéм два срéбреника, дадé гости́ннику и речé емý: прилежи́ емý, и éже áще прiиждивéши, аз егдá возвращýся, воздáм ти. Кто ýбо от тех трiéх бли́жнiй мни́ттися бы́ти впáдшему в разбóйники? Он же речé: сотвори́вый ми́лость с ним. Речé же емý Iисýс: иди́, и ты твори́ тáкожде.
[Русский синодальный перевод]И вот, один законник встал и, искушая Его, сказал: Учитель! чтó мне делать, чтобы наследовать жизнь вечную? Он же сказал ему: в законе чтó написано? кáк читаешь? Он сказал в ответ: возлюби Господа Бога твоего всем сердцем твоим, и всею душою твоею, и всею крепостию твоею, и всем разумением твоим, и ближнего твоего, как самого себя. Иисус сказал ему: правильно ты отвечал; так поступай, и будешь жить. Но он, желая оправдать себя, сказал Иисусу: а кто мой ближний? На это сказал Иисус: некоторый человек шел из Иерусалима в Иерихон и попался разбойникам, которые сняли с него одежду, изранили его и ушли, оставив его едва живым. По случаю один священник шел тою дорогою и, увидев его, прошел мимо. Также и левит, быв на том месте, подошел, посмотрел и прошел мимо. Самарянин же некто, проезжая, нашел на него и, увидев его, сжалился и, подойдя, перевязал ему раны, возливая масло и вино; и, посадив его на своего осла, привез его в гостиницу и позаботился о нем; а на другой день, отъезжая, вынул два динария, дал содержателю гостиницы и сказал ему: позаботься о нем; и если издержишь что более, я, когда возвращусь, отдам тебе. Кто из этих троих, думаешь ты, был ближний попавшемуся разбойникам? Он сказал: оказавший ему милость. Тогда Иисус сказал ему: иди, и ты поступай так же. (10:25-37)
(Ин.зач.5): Во врéмя óно, восхотé Iисýс изы́ти в Галiлéю, и обрéте Фiлíппа и глагóла емý: гряди́ по Мне. Бе же Фiлíпп от Вифсаíды, от грáда Андрéова и Петрóва. Обрéте Фiлíпп Нафанáила и глагóла емý: Егóже писá Моисéй в закóне и прорóцы, обретóхом Iисýса сы́на Ióсифова, и́же от Назарéта. И глагóла емý Нафанáил: от Назарéта мóжет ли что добрó бы́ти? Глагóла емý Фiлíпп: прiиди́ и виждь. Ви́де же Iисýс Нафанáила грядýща к Себé и глагóла о нем: се вои́стинну Iзрáильтянин, в нéмже льсти несть. Глагóла Емý Нафанáил: кáко мя знáеши? Отвещá Iисýс и речé емý: прéжде дáже не возгласи́ тебé Фiлíпп, сýща под смокóвницею ви́дех тя. Отвещá Нафанáил и глагóла Емý: Раввí, Ты еси́ Сын Бóжiй, Ты еси́ Царь Iзрáилев. Отвещá Iисýс и речé емý: занé рех ти, я́ко ви́дех тя под смокóвницею, вéруеши, бóльша сих ýзриши. И глагóла емý: ами́нь, ами́нь глагóлю вам, отсéле ýзрите нéбо отвéрсто и Áнгелы Бóжiя восходя́ща и нисходя́ща над Сы́на Человéческаго.
[Русский синодальный перевод]На другой день Иисус восхотел идти в Галилею, и находит Филиппа и говорит ему: иди за Мною. Филипп же был из Вифсаиды, из одного города с Андреем и Петром. Филипп находит Нафанаила и говорит ему: мы нашли Того, о Котором писали Моисей в законе и пророки, Иисуса, сына Иосифова, из Назарета. Но Нафанаил сказал ему: из Назарета может ли быть что доброе? Филипп говорит ему: пойди и посмотри. Иисус, увидев идущего к Нему Нафанаила, говорит о нем: вот подлинно Израильтянин, в котором нет лукавства. Нафанаил говорит Ему: почему Ты знаешь меня? Иисус сказал ему в ответ: прежде нежели позвал тебя Филипп, когда ты был под смоковницею, Я видел тебя. Нафанаил отвечал Ему: Равви! Ты Сын Божий, Ты Царь Израилев. Иисус сказал ему в ответ: ты веришь, потому что Я тебе сказал: Я видел тебя под смоковницею; увидишь больше сего. И говорит ему: истинно, истинно говорю вам: отныне будете видеть небо отверстым и Ангелов Божиих восходящих и нисходящих к Сыну Человеческому.(Ин.1:43-51)
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стих: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пилáте, и страдáвша и погребéнна. И воскрéсшаго в трéтiй день по Писáнiем, и҆ возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
КОНДАК
Кондáк воскрéсный, глас 7: Не ктомý держáва смéртная/ возмóжет держáти человéки:/ Хрїстóс бо сни́де, сокрушáя и разоря́я си́лы ея́./ Связýем бывáет ад,/ прорóцы соглáсно рáдуются:/ предстá, глагóлюще, Спас сýщим в вéре,// изыди́те, вéрнiи, в воскресéнiе.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и҆ вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Гóсподи, поми́луй. (3 раза)
Гóсподи, благословѝ.
ОТПУСТ
Гóсподи, Iисýсе Хрїстé, Сыне Бóжїй, моли́твами пречи́стыя Своея́ Мáтере, святы́х слáвных и всехвáльных Апóстол, преподóбных и Богонóсных отéц нáших и всех святы́х, поми́лует и спасéт нас, я́ко Благ и Человеколю́бец.