КАЗАНСКАЯ ИКОНА БОЖИЕЙ МАТЕРИ
КАЗАНСКАЯ ИКОНА БОЖIЕЙ МАТЕРИ
Величанiе Божiей Матери въ честь иконы Ея Казанскiя
Тропарь, гласъ 4:
Заступнице усердная, Мати Господа Вышняго, за всѣхъ молиши Сына Твоего Христа Бога нашего, и всѣмъ твориши спастися, въ державный Твой покровъ прибѣгающимъ. Всѣхъ насъ заступи, о Госпоже Царице и Владычице, иже въ напастѣхъ и въ скорбѣхъ, и в болѣзнѣхъ, обремененныхъ грѣхи многими, предстоящихъ и молящихся Тебѣ умиленною душею и сокрушеннымъ сердцемъ, предъ пречистымъ Твоимъ образомъ со слезами, и невозвратно надежду имущихъ на Тя, избавленiя всѣхъ золъ, всѣмъ полезная даруй, и вся спаси, Богородице Дѣво: Ты бо еси Божественный Покровъ рабомъ Твоимъ.
Кондакъ, гласъ 8:
Притецемъ, людiе, къ тихому сему и доброму пристанищу, скорой Помощницѣ, готовому и теплому спасенiю, покрову Дѣвы, ускоримъ на молитву и потщимся на покаянiе: источаетъ бо намъ неоскудныя милости Пречистая Богородица, предваряя на помощь, и избавляетъ отъ великихъ бѣдъ и золъ благонравныя и богобоящiяся рабы Своя.
Величанiе:
Величаемъ Тя, Пресвятая Дѣво, и чтимъ образъ Твой святый, отъ негоже истекаетъ благодатная помощь всѣмъ, съ вѣрою притекающимъ къ нему.
Молитва Пресвятой Богородице
Въ честь иконы Ея Казанскiя
О Пресвятая Госпоже, Владычице Богородице!
Со страхомъ, вѣрою и любовiю предъ честною и чудотворною иконою Твоею припадающе, молимъ Тя: не отврати лица Твоего отъ прибѣгающихъ къ Тебѣ. Умоли, Милосердая Мати, Сына Твоего и Бога нашего, Господа Iисуса Христа, да сохранитъ мирну страну нашу, Церковь же Свою Святую непоколебиму да соблюдетъ, и отъ невѣрiя, ересей и раскола да избавитъ. Не имамы бо иныя помощи, не имамы иныя надежды, развѣ Тебе, Пречистая Дѣво: Ты еси всесильная христiанъ помощница и заступница. Избави же и всѣхъ, съ вѣрою Тебѣ молящихся, отъ паденiй грѣховныхъ, отъ навѣта злыхъ человѣкъ, отъ всякихъ искушенiй, скорбей, болѣзней, бѣдъ и отъ внезапныя смерти. Даруй намъ духъ сокрушенiя, смиренiя сердца, чистоту помышленiй, исправленiе грѣховныя жизни и оставленiе прегрѣшенiй, да вси, благодарне воспѣвающе величiя и милости Твоя, являемыя надъ нами здѣ на земли, сподобимся и Небеснаго Царствiя, и тамо со всѣми Святыми прославимъ пречестное и великолѣпое имя Отца и Сына и Святаго Духа во вѣки вѣковъ. Аминь.
Troparion - Tone 4
O fervent Protectress, Mother of the Lord Most High; Thou prayest for all before Thy Son Christ our God, granting salvation to all who seek refuge in Thy protection. Protect us all, O Queen and Sovereign Lady, for we are stricken with grief and wounded by sin. With tears we stand before Thy pure Icon, praying with contrite souls and humble hearts. All our hope we place in Thee, may we be delivered from evil. Grant to all what is expedient, and save all, O Virgin Theotokos: for Thou art the Holy Protection of Thy servants.
Kontakion - Tone 8
Let us run to the gracious and quiet haven, to the fervent Helper, ardent and eager to save all. Let us run to the Virgin’s protection and hasten to repentance. The pure Theotokos granteth us unfailing mercy, She cometh to help all, delivering Her faithful servants from tribulations.
Magnification
We magnify Thee, O Most Holy Virgin, and we do venerate Thy Holy Icon, wherefrom proceedth the blessing help to all those who are faithfully having recourse to Her.