شهر شوال الحافل, وسوالف أخرى
.
قطعت نفسي مده طويلة عن الدراما عن قصد
والسبب هو اني فقدت الاستمتاع بالمشاهده حتى مع حماسي للقصص والأداء
فكان الحل انقطاع عن الدرامات لمده (كم شهر) عشان لما اتابع يرجع لي الحماس والاستمتاع
بالفتره هذي لما كنت أبحث عن موضوع الدراما اليابانية بالصدفه لقيت موضوع عن دراما تايوانيه!
مع اني بديت اتابع (الرجل الغني والفتاة الفقيرة) لكن بصراحه
لما شفت (دراما تايوانية) حسيت قلبي انتعش :"
مع انو الدراما مو بذاك المستوى وحسستي بالملل لكن اجواء الدرامات التايوانية
الي يجتمع فيها العباطة بالصدف والبساطة بالافكار والتصوير والخيال الشاطح
وجمال اللغة الي يتكلمون فيها *_* تعجبني اللغة تناسب اجواء مسلسلاتهم العبيط XD
لو بقارن المسلسلات التايوانية باليابانية والكورية, الثانيات بيتفوقون عليها بقوه!
من ناحية الأداء, القصة والهدف منها, التصوير وحتى الواقعية نوعا ما
مع صدف الكوريين الغبية إلا انها مو شي مقارنه ببعض شطحات التايوانيين XD *قلب*
وفوق هذا كله, بالنسبة لي
يكفيني أستمتع بأجواء الدراما بشكل عام بخيالها وعباطتها وكوميديتها ورومانسيتها
وأنسجم مع الميوزك والاحداث, بمجرد ما احد يتعبّر حتى لو مو عاجبتني القصه أتعبر معه
< النقطه هذي بايخه ._. ما احب احس ان الدموع بالباب ه8
بس يمكن كمية المشاعر هذي جت بعد الضغط والاشغال الي انزحمت فيها الأيام الأخيره
من تعب ابوي وامي للرشح الي طيحني بالفراش ميت1
للحين ماوصلت للهدف الرئيسي من كتابة البوست هذا :"
الكلام الي فوق هذا كله على درامتين شفتها بس وحده يابانية
والثانية تايوانيه شفتها لاني مشتاقه لهم بس ولا هي ماعجبتني وممثلينها مو حلوين ._.
الكلام هذا كله صار بأقل من اسبوع
(مضى على كتابة التدوينة أكثر من ثلاثة أسابيع)
جهازي ارسل لي رسالة بيتبرأ فيها مني فجأه جته زحمة تحميلات مالقى لها مكان XD
طبعاً بعد الإضافة والتعديل..
شفت لحد الآن 3 مسلسلات تايوانية لمايك هي الأخير ماكملته للحين
- Love keeps going
- sunny happiness
- Marry me, marry
مسلسل ياباني اوقوري شون يازينك XD
مسلسل كوري T_T أثينا
اذكر اني شفته اول مانزل لكن ماكملت حلقاته لانها ترجمه انقلش وكان الحماس مايخليني اصبر وافهم
فصار فيه لبس بالاحداث عندي ونسيان
وهذا أحلى شي لاني رجعت اشوفها كامله بترجمه عربيه
اكتشفت اليوم المغنية لارا فابيان
Lara Fabian
مع اني كنت منسجمه مع المسلسل التايواني أعيده
لكنها طلعتني من مود المشاهدة لمتابعة الكتابة
هذا بالنسبة للفنون
أحداث البيت والي صار لنا انو ماعندنا خدامه الحين ._.
تعبت مرتين خلال هذا الشهر ميت1
المره الأولى مؤازره لأمي وابوي خخخ والثانيه اختي ساره تعبت وانا تعبت معها $:
سويت حركة جديدة بالبيت
فكرتها جت وانا أسولف مع ساره, في أحد الأوقات العجيبة الي تحس ساره فيها اني مستخفه XD
رايقه بشكل عجيب وجالسه اطقطق مثل مايقولون على ساره واسألها بعبط يخالطه جد عن كم شغله
سوالف ألعاب وانيمي ومدرسة وهي متحمسه تتجاوب معي
تستغل فرصة مزاجي مثل ماتقول هي
بعدين قالت لي:"إلا جد بدور ترا انتي تقهريني بشغله, لما أجي متحمسه أكلمك عن كذا وتعطيني ذيك النظره الي تقولي ترا هذا مو وقتك"
هنا ولعت فوق راسي لمبة XD
قلت لها اصبري خلك على المود هذا كملي كلامك بس اصبري
وأمسك النوته الي اوراقها تطيح من كثر ماجرجرتها معي بكل مكان
وأدور بين صفحاتها بالغصب نص صفحه فاضيه أكتب فيه الي جا في بالي
وكتبت على عجل كم سؤال
طبعا جاويت أختي الحبيبة على اسئلتي XD
وعجبتني الفكره لما دخل عندي ولد اخوي استلمته
جلسته عندي وطورت الأسئلة كثرتها وجزأتها وخليته يجاوبها $:
دخل بعد اخوي الجميل احب شخص بالبيت بالنسبه لي *قلوب* وأنشب بحلقه
طيب غصب أبيك تجاوب, جلست عنده الورقه 3 ايام طبعا تطورت فيها الأسئله أكثر $:
وأخيرا جابها لي وقالي ابيك تجاوبين انتي بعد
حتى هذه اللحظه ما كتبت اي شي عن اي احد فيهم ._. مع انو كلهم تحمسوا يبوني اكتب لهم ميت1
انا متحمسه أكثر منهم كنت ابي اسوي استفتاء بالبيت كله ومواجهات بينا
طبعا جلست عند امي واخوي وعلمتهم بالي سويته والإجابات الي حصلتها
انبسطت امي كثير وتحمست وصارت تتابع معي كل يوم مين كتب لي ومين عطاني وجه
وتقول هذا صح وهذا مبالغ فيها وتنقد معي وتحلل $:
في بالي أستلم سوير لكن مو قادره اكتب اسئلة محدده عنها للحين
مع انو صار في محاضرة عطيتها ساره وبدر
لما سألوني وش فايدة الكلام هذا كله؟
اخوي قال مايكفي انو نحبك؟ قلت له حبك خله بقلبك ما ابيه
انا ابي اهتمام, ابي لما نجلس مع بعض نتكلم باهتمامات بعضنا ونتناقش
نعرف كل واحد وش يحب ووش يكره؟ وكيف نتعامل معه, كيف يحس, متى يتضايق, يحس بإهتمام الكل فيه
وتجاوبهم معه وحرصهم, يعرف مين يفهمه صح من بين الكل
ويعلم الي ماقدروا يفهمونه كيف يتعاملون معه.. نتصارح ونحترم بعضنا
ومايكون الواحد يدخل ويطلع ما كأن له اهل بالبيت مايتكلم معهم الا عن أكل وشرب ونوم
وان جلس يسكت ويطفش :/
يعني كلنا نحب بعض ونخاف على بعض ونتضايق لما احد يزعل من الثاني.. لكن لما ما تتصارحون وتجون فوق راسي كل واحد من جهة يشكي ويهاوش وانو الثاني مايفهمه ويستغله ومدري ايش
لين متى والحال كذا؟
ما صارت حياة هذي..
طبعا خليت عيال اخوي وبنات اختي يكتبون لي بعد
واخواني الي أكبر مني ع طول كتبوا لي
باقي الكبار للحين ما نشبت لهم $: لازم لهم اسئلة على مستواهم XD
***
**
من الناحية الثقافية العامة..
كانت مجموعة متنوعة
مواضيع نهضة وسياسة وتاريخ وعقائد وحوار وأفكار وفلسفة
وصديقي فيها يوتيوب , اكتب الاسم هناك واتنقل بين الفيديوهات
من الدكتور جاسم سلطان
للد. عبد الله النفيسي
والد. عادل عبدالله
للد. محمد العوضي
لبرنامج ساعة حوار وفيديوهات لفهد السنيدي عن القراءة او سلاسل إذاعية
مثل سلسلة فنون الحياة
برضو من الناحية اللغوية
تابعت الدكتور, فاضل السامرائي
مذهل الإنسان هذا الله ينفع بعلمه ويجزاه خير
معركة المفاهيم لـ أحمد سالم
(أبو فهر السلفي)
والي اكتشفت معه علم تاريخ الأفكار
طليت ع كم فيديو للدكتور طارق الحبيب
ومنها لسلسلة صوتية بعنوان العرب حسب ونسب للدكتور أحمد العرفج
وكنت تحمست لأن الدكتور له سلاسل ثانيه تتحدث عن التاريخ السياسي للدول الأموية/ العباسية/ العثمانية
المواضيع تشوّق بقوه
همم لأني اكتب على عجل ماحطيت روابط ولا شي
إذا عجبكم اي شيء من الي ذكرته خبروني أعطيكم روابط تحميل او مشاهدة
كلها متوفرة عندي ^-^
ماراح اقول إذا في بقيّة لكلامي او لا
XD
< ماتعرف تكتب خاتمة