Людзі дарагія, падкажыце, што рабіць у досыць дзіўнаватым выпадку?
Піша Мілаш пра бацьку сваёго стрыечнага дзяді Оскара. Як той, напрыклад, у Парыжы часоў Камуны (1871 г.) замест таго, каб пайсьці на барыкады, узяў штурмам нейкі кляштар, каб скрасьці паслушніцу, у якую закахаўся. І было яму за гэта некалькі тыдняў сядзеньня ў Шатле (Châtelet).
Лезу ў Інтэрнэт, каб напісаць камэнтар да Шатле. Знаходжу наступнае: Малы Шатле быў разбураны ў канцы 18 стагоддзя,
а Вялікі - у 1802 годзе. Дык што?
Мілаш зрабіў памылку і тады:
1. Альбо ветліва не зьвярнуць на гэта ўвагі і не рабіць ніякага камэнтару да слова “Шатле”
2. Альбо напісаць камэнтар тыпу “сямейныя легенды ўвялі дзядзьку Чэся ў зман ”.
Мілаш не зрабіў памылкі і тады:
1. Альбо ў Парыжы ў канцы 19 стагодзьдзя была нейкая трэцяя турма Шатле
2. Альбо, можа, у французскай мове гэтае слова стала эўфэмізмам для ўсіх турмаў?
Альбо Мілаш не зрабіў памылкі і я проста чагосьці не разумею?
*