нетыкет - "няма тыкету" :)

[veragodna]

Возьмем рэальнае жыццё.
Правілы этыкету з большага ведаюць усе (хаця і не ўсе іх прытрымліваюцца:). Было б жаданне - кнігі, накшталт "Як сябе паводзіць", у самых "драбнюткіх драбніцах" раскажуць, "что такое хорошо і что такое плохо": хто першы, у якой руцэ, з якога боку і ў якім парадку etc.

Возьмем жыццё віртуальнае.
Палазіўшы з гадзіну па сайтах,

Comments

[kabierac]

тут ёсьць элементы.

[veragodna]

Клас! :)) Амаль з усім згодна. Ну, можа, за выключэннем палітыкі зафрэнджвання. Не тое што ўспрымаю як "сяброў на ўсё жыццё", але, як правіла, фрэнджу з "разлікам на ўзаемнасць". У сэнсе асоба цікавіць і зносіны з ёю. Варыянт "падпіска на часопіс" не люблю :).

[dzie_ja]

у каментарах раздражняе перш за ўсё навязлівасць і дурная дурасць.
у пастах - манернасць, але гэта ўжо, напэўна, мае асабістыя праблемы.
на пытанні канешне лепей адказваць, але вогуле не лічу, што адказваць на каментары трэба абавязкова :)

[veragodna]

Дык Вы ж на ўсе каментары адказваеце :)).
О так! Калі ў пастах манернасць ці іншая пафасная трасца - увогуле не фрэнджу.

[dzie_ja]

Не заўсёды :) Вам, напрклад, таму што вы не пісалі лухты і вапшчэ я вас паважаю.

[veragodna]

Дзякуй! Вельмі прыемна :). Хаця мне часам здаецца, што свой дзённік я вяду ў фармаце "штодзённай лухты" :)).
У адказ скажу: шкадую, што Вы не мая студэнтка :)).

Парывалася некалькі разоў адказаць на Ваш допіс пра Ньютона (хацела цытату перапісаць, але спадзяюся, Вы зразумелі), ды ўрэшце перадумала, каб не "лячыць" :)). Гэта наўпрост тычыцца маёй дысертацыі.

[lionellia]

не люблю, калі не адказваюць на мае каменты, асабліва калі там утрымліваецца пытанне :))
не тое, каб я лічыла сябе зоркай і "як гэта на мяне не звярнулі ўвагу". проста ствараецца ўражанне таго, што твой мэсэдж не прачытаны...

наконт "ты" і "вы" не надта заганяюся. адразу да ўсіх на "вы", але з лёгкасцю і радасцю пераходжу на "ты", бо гэта Інтэрнэт)))

што тычыцца ката, то лічу патрэбным ставіць яго толькі на вялікія здымкі (ці на вялікую колькасць здымкаў), на тыя здымкі, што вельмі шырокія (ірвуць стужку). прынамсі ў мяне заўжды Інэт па трафіку, таму я вельмі ашчадна стаўлюся))))) а вось тэкст любых памераў успрымаю без ката з большым задавальненнем. бо як напісала мая фрэндэса: калі вы мяне зафрэндзілі, то вам цікава мяне чытаць - навошта тады кат? )))
звычайна яшчэ хаваю пад кат допісы, якія пішу пад цэтлікам "чытаць пад настрой" (ну, каб чытачы былі падрыхтаваныя, што будуць соплі) і яшчэ часам вельмі карціць стварыць інтрыгу))))

яшчэ не люблю, калі мяне лечаць у каментах :) асабліва што тычыцца асабістага жыцця))

[veragodna]

І я не разумею ігнараванне каментараў.
Наконт майго нязменнага звароту на Вы сутыкалася з добразычлівай іроніяй малодшага пакалення :)). Але ж я і да студэнтаў на Вы звяртаюся. І лічу, што было б няблага, калі б такі зварот стаў нормай для настаўнікаў у адносінах да старэйшых падлеткаў :)) Праўда?
Калі "лечаць у каментах" - гэта жорстка. Спадзяюся, я не лячыла :))).

[lionellia]

я калі на практыцы ў школе была пару гадоў таму, то сваіх шасцікласнікаў таксама на "вы" называла :) лічу гэта педагагічна правільным)))) пра студэнтаў - тым больш!

не лячылі! і нават калі б лячылі, то я б не пакрыўдзілася, бо ёсць пэўны аўтарытэт. а то прыходзіць, даруйце, школьніца і пачынае мне расказваць, як трэба жыць і паводзіцца з мужчынамі))) вось калі ў яе будуць такія допісы, як у Вас (муж, рыбалка, грыбы і падобнае), то буду радая слухаць :))))

я ў гэтым плане вельмі агрэсіўная, бо раней насамрэч больш допісаў было пра асабістае жыццё. а дакладней - пра праблемы))

[veragodna]

Цікава, як шасцікласнікі рэагавалі? :)) У мяне на практыцы так рабілі некаторыя студэнткі, але ў старэйшых класах.

На мой погляд, вы самадастатковая і цэльная асоба, каб даваць Вам парады, нават з маім "тыпу вопытам". Тым больш "лячэбныя" :)).

[michalinka]

Раздражняе хранічная неўвага да каментаў, калі на твае каметны не рэагуць наогул, пачынаеш думаць, што нешта не так пішаш. А яшчэ ненарматыўная лексіка ў пастах, спасылкі на іншыя рэсурсы без тлумачэння што там, шмат фотак і тэкста без ката. І звадкі ды спрэчкі ў пастах-каментах проста дзеля звадак і спрэчак...

[emieryka]

А я вось кАты вельмі не люблю і залажу пад іх толькі ў скрайніх выпадках :)
Бывае, што нейкі камэнтар можна не заўважыць, ці ён нават можа патрапіць у спам. А можа ў чалавека галава трашчыць ад стомленасьці і ён проста ня ў сілах на яго адказаць?.. :)
Але, калі чалавек не адказвае на некалькі маіх камэнтараў, дык я іх больш яму і не пішу.
"ненарматыўная лексіка ў пастах"
Так. Адразу ўзьнікае жаданьне расфрэндзіцца...

[veragodna]

Вось і я задумалася. Калі чалавек адзін раз не адказаў - усё можа быць. Жыццё. А каліі некалькі - гэта заканамернасць. Не пісаць яму болей?

[emieryka]

А Вы ў асабістым паведамленьні спытайце ў яго, чаму ён так робіць. Я так разумею, ён Ваш узаемны сябра? Бо мне не адказвалі на камэнтары ўвогуле не сябры. А некаторыя ўзаемныя сябры адказваюць не заўсёды.

[lada_aleinik]

Калі ў мяне дрэнны настрой, мяне ўсё раздражняе!))) А ўвогуле вялікай розніцы паміж этыкетам "рэальным" і "віртуальным" я не бачу:)

[veragodna]

Згодна, у цэлым варта кіравацца звычайным этыкетам :)). Але.
Ну, у рэальным жыцці не будзеш жа доўгую прамову хаваць пад кат :)). І калі нехта не адкажа на твой зварот да яго, падумеш - хам! Ды і вітацца ў жж неабавязкова :)).

[veragodna]

А яшчэ ў кепскім настроі я жж не адкрываю. А калі асабліва карціць, чытаю, але не каментую. Каб не шкадаваць пасля :)).

[lada_aleinik]

Бывае, што ўсё вельмі шчыльна ўзаемазвязана. Адкрываеш ЖЖ, чытаеш што-небудзь такое, што цябе "чапляе", настрой псуецца... і г.д. "Не каментаваць" не заўсёды магчыма:)