са святам, сябры!

[veragodna]

Калі Дзень святога Валянціна - гэта свята кахання, то Вялікдзень - свята любові. Гэй, вы, скептыкі і цынікі, няўжо вы не любіце жыццё, сваіх блізкіх, сваю работу ці хоць якія-небудзь бакі свайго існавання? Упэўнена, любіце

Comments

[markiz_de_kiss]

Шрэку адбілі мозг - так шкада! :)

Хрыстос уваскрос!

[veragodna]

Чаму мозг адбілі? Толькі ж ногі, здаецца :).

Сапраўды ўваскрос!

[znikla]

Якая ж вы цудоўная гаспадыня! Няма слоў, апрача слоў захаплення :)
Мы вас таксама любім :)

[markiz_de_kiss]

Далучаюся :)

[veragodna]

:) А ад Вас такі камплімент, шаноўны Маркіз, удвая каштоўны :).

[veragodna]

Дзякуй, Ірачка :).

І гэта ўзаемна-ўзаемна!

[lada_aleinik]

Са святам, спадарыня Ала!
У мяне няма слоў. Дакладней іх так шмат, што не ведаю, як выказаць!)))

Падыходжу з практычнага боку.
*трасецца ад зайздрасці*
З чаго зроблены ружы на тварожных пасачках? Гэта мастыка? Дзе бралі? Гатовую набывалі? Месцы і паролі, калі ласка. :)

[veragodna]

Хрыстос уваскрос, спадарыня Лада!

Ружы не маё творчае вынаходніцтва, купляла гатовыя. Мастыка, так :).
На рынку купляла, хаця ў гэтым годзе - голае поле, звычайна гэтыя прыўкрасы з Украіны вазілі.

[lada_aleinik]

Нічога сабе! Я такіх цікавостак яшчэ не сустракала. Трэба будзе звярнуць увагу...

Эх, нейкае такое жыццё пайшло, што па-нармальнаму не выпадае падрыхтавацца да свята. Часу бракуе, усё - бягом і бягом. :(

[veragodna]

Ды і нашы маглі б ужо прыдумаць нешта падобнае і вырабляць. Нічога ж, здаецца, складанага. А тое пераплочваем утрая.

У мяне насамрэч тое ж самае. Я клумбы свае да ладу так і не давяла перад Вялікаднем, хаця збіралася. Суцяшаю сябе тым, што тыдзень да Дня народзінаў мужа ёсць (быў тыдзень :), каб хвасты свае прыбраць перад тым, як бацькі прыйдуць і ўбачаць, якая я "гаспадыня" :).

[pani_teklia]

Вось і ў нас дома перад Вялікаднем рабілі не тое што генеральную, генералісімусную прыборку :) І цяпер я пераймаюся кожны раз, бо, вядома ж, не паспяваю ўсё так дасканала прыбраць.

Мультываза шыкоўная, як і ўсё астатняе. Колькі ж у Вас фантазіі!

[veragodna]

генералісімусную прыборку :)
--------------
Як я разумею! :) І прыпадае ж звычайна на самы розрух курсавых-дыпломных.

Дзякуй, спадарыня Вера! Я проста вельмі люблю гэтае свята.

[pani_teklia]

курсавых-дыпломных у мяне сёлета акурат і няма, улічваючы змену месца працы. але затое ёсць рэйтынгавая сістэма, дзе трэба правяраць бясконцыя кантрольныя і лічыць балы.

[veragodna]

Рэйтынгавая сістэма - гэта яшчэ той звер :).

Мяне заўсёды цікавіла, як можна паспець праверыць канспект практычных заняткаў (кожнага занятку!) і рэальную падрыхтоўку ("выкананне дамашняга задання") у кожнага студэнта. Патраціць палову практычных на гэта? :)

[veronika_myself]

Алачка, неВЕРАГОДНАе дзякуй табе! Ты так своечасова зрабіла гэты падарунак. Гадзіну таму спрачалася з сяброўкай пра тое, што куліч - гэта толькі ў Расіі, а тварожная пасха - таксама не пра нас.

У цябе такое прыгожае свята атрымалася, і ты столькі сапраўднага ўклала ў яго! Віншую!

[veragodna]

Дзякуй, Вераніка! У маім дзяцінстве таксама кулічы пасхамі называлі :). Зараз я напішу рэцэпт у тваім допісе.

[veronika_myself]

Величезний (укр.) дзякуй, Ала!

А па-беларуску дапушчальна будзе так сказаць - вялiчэзны? Неяк сказала адной шчырай беларусачцы, як люблю ўкраiнскае "не переймайся". А яна мяне здзiвiла, што i па-беларуску так можна казаць.

[veragodna]

Можна :). У беларускай і ўкраінскай шмат агульнай лексікі. Я калі пачынала асвойваць уменне чытаць па-ўкраінску, толькі недзе 5-10% слоў не разумела.