Служба священномученику Евтропию и мученице Эстелле Сентским
К приближающейся памяти святых города Сантоны (или Сантоника, ныне Сент во Франции) священномученика Евтропия, первого епископа Сантонского, и пострадавшей с ним мученицы Эстеллы (или Евстолии) девы выкладываю в «Уставные заметки» шестиричную службу им, составленную в 2020 году клириком Украинской Православной Церкви протоиереем Илией Тетерько (Одесса). Текст публикуется по авторской машинописи, цензурными инстанциями текст пока не рассматривался. Как сообщает в своем сочинении «О славе мучеников» (глава 55) святитель Григорий Турский (†594), Евтропий был рукоположен в епископы папой Римским священномучеником Климентом (†101), учеником святого апостола Петра, однако агиологи склоняются к тому, что святитель жил всё же позднее - в III или даже IV веке.
СЛУЖБА
святому священномученику Евтропию, первому епискому Сентскому
и святей мученице Евстелле (Евстолии), деве
НА ВЕЧЕРНИ
На Господи, воззвах: стихиры, глас 4:Мучения кровию одежду твою обагрив, Евтропие славне, / с неюже вшел еси, яко мудрый архиерей, во святая святых; / жертва непорочна Христу и совершенное приношение // пречисто принеслся еси, священнейше.
Богомудрый Евтропий и Евстелла всечестная, / двоица Божественная, / возсиявше, яко звезды многосветлы, церковь просвещают / подвигов сияньми и чудес светлостьми, / сих днесь веесвященную память совершающе, // с веселием покланяемся раце мощей ваших.
Жития долу влекущая, и пищи наслаждение, / и цветущую славу, всехвальнии, оставивше яко привременну, / Христу прилепистеся, / Того добротою красною распалаеми, / и принесостеся, яко жертва всесовершенна, // и венцем нетленнаго Царствия Боголепно венчастеся.
Христа Спаса всем сердцем возлюбивши / и свещу свою светло украсивши, / добродетельми просияли есте, / Евтропиее Богомудре и Евстелло всечестная. / Темже возшли есте в Небесный чертог / и, венецы страдания приемше, / от бед избавите нас, // совершающих, любовию память вашу.
Слава, и ныне, Богородичен, глас тойже:Небесных чинов радование, / на земли человеков крепкое предстательство, / Пречистая Дево, / спаси нас, иже к Тебе прибегающия, / яко на Тя упование // по Бозе, Богородице, возложихом.
Или Крестобогородичен:Агнца, Агница и Всенепорочная Владычица, / на Кресте яко видевши / зрака не имуща, ни доброты, / увы Мне, плачущи глаголаше: / где красота Твоя зайде, Сладчайший, где благолепие? / Где благодать сияющая образа Твоего, // Сыне Мой Любезнейший?
На стиховне стихиры Осмогласника.
Слава, святым, глас 1:Двоицу мучеников, вернии, днесь в песнех священных похвалим, / яко лесть идольскую низложиша, / многобожия огнь испепелиша и демоны посрамиша; / мучителей же ярости не устрашишася, / плоти терзаний и меча убо не убояшася, / доблественно подвизавшеся добре / Евтропий славный с честною девицею Евстеллою, // явльшеся мучеников слава, купно и похвала.
И ныне, Богородичен, глас тойже:Ум ангельский и человеческий / не может изъяснити несказаннаго и преславнаго / таинства рождества Твоего, Дево Богородице. / Тобою бо Свободный естеством / образом раба обнища нас ради по богатству благости, // Ему же молися Всечистая, да спасет души наша.
Или Крестобогородичен:Воздвижена яко виде на Кресте Агнца, / Непорочная Дева плачущи вопияше: / Сладкое Мое Чадо, / что новое и преславное видение? / Како содержай всяческая горстию, // на Древе пригвождаешися плотию?
Тропарь, глас 4:Мученицы Твои, Господи, Евтропий и Евстелла / во страданиих своих венцы прияша нетленныя от Тебе, Бога нашего: / имуще бо крепость Твою, / мучителей низложиша, / сокрушиша и демонов немощныя дерзости. / Тех молитвами // спаси души наша.
НА УТРЕНИ
Канон Октоиха и святым, глас 1:
Песнь 1. Ирмос: Твоя победительная десница:Престолу предстоя Христову яко иерей благоприятен и мученик изряднейший, / Евтропие треблаженне, / яже любовию чествующия твою память светоносную, / житейских избави искушений.
Зарею просвещаемь, мудре, Трисолнечнаго Сияния, / мглу разорил еси языческаго злословия и, светом твоих словес вся просветив, / ныне прешел еси к незаходимому сиянию.
Род презревши и юже от богатства светлость, Евстелло всечестная, / вместо всех Христа стяжала еси.
Богородичен: Родила еси Безплотнаго, Богородице Пречистая, / страсти лютыя ума утоли, Дево, / и исправи мя, заблуждшаго, яко да славлю Тя.
Песнь 3. Ирмос: Едине ведый:Угль явлен мысленный, / огнем вжигаемь Божественнаго Духа, всех сердца вжегл еси к желанию Божественному, Евтропие священнотаинниче, / и прелесть попалил еси всякую.
Чадо от святыя купели даровася тебе, отче Евтропие, всечестная дева Евстелла, / спострадати бо тебе произволи и с тобою насладитися вечныя славы.
Просвещенна словесы евангельскими Евтропия блаженнаго, / ко Христове красоте немеркнущей, отроковице, притекла еси яве, / мученице Евстелло приснославная.
Богородичен: Тебе вси христиане имеем, Пречистая Богомати, прибежище и стену / и Тебе славим немолчно, Богоневестная Дево.
Седален, глас 3:Разжегшеся любовию Божественною, мученицы Господни, / огнь безбожия кровей струями угасисте / и, возсиявше световидно, яко звезды, // всю подсолнечную уяснисте.
Слава, и ныне, Богородичен:Пречистыя Твои руце, Дево Мати, простерши, / покрый уповающия на Тя и к Сыну Твоему зовущия: // всем подаждь, Христе, Твоя милости.
Песнь 4. Ирмос: Духом провидя:Любве ради Зиждителя, о страстотерпцы, / всю мирскую лесть истинно презревше, / Единаго возжелесте Христа, взывающе: / слава силе Твоей, Господи.
Просвещшеся Троичным сиянием, мучеников доброе сопряжение / идольское разруши омрачение, Христу взывающе: / слава силе Твоей, Господи.
Благославное и светоносное торжество славныя памяти твоей, Евстелло всехвальная, / крепко дерзость вражию поправши, яко звезда всесветлая, возсия, / в немже велегласно Христу вопием: / слава силе Твоей, Господи.
Богородичен: Блажит Тя, Пречистая Богородице, / всяк возраст и всяка душа верных, / Спаса Христа родила еси, Марие, во спасение наше и обновление.
Песнь 5. Ирмос: Просветивый сиянием:Возвышен явился еси страдании честными, священнейше, / и приял еси венцы победы, мудре, и вечное получил еси радование, / тем тя почитаем, отче иерарше Евтропие.
Девства зарями сластолюбия тьму отгнала еси / и светом страданий безбожия нощь потребила еси, / Евстелло мученице, Иисусова красная дщерь, жилище Божественнаго Духа.
Богородичен: Яко сияющую красотою добродетелей обрет Тя палату, красное Слово / в Твоя нетленная ложесна вселися / и из Тебе родитися неизменно благоизволи, верных украшая лица.
Песнь 6. Ирмос: Обыде нас:Яко звезда пресветлая возсиял еси людем галльским, отче Евтропие Богомудре, / словес светлостию и жития чистотою просвещая / верою и любовию к тебе притекающия.
Кровию страдания, Евтропие блаженне, освятил еси землю, / духом же на Небеса возшед, первородных Церковь возвеселил еси, / иерархов и мучеников светлая похвало.
Яко добру, и яко красну, яко честну, / и яко девства зарями сияющую, / тебе Христос Господь Себе приводит, Евстелло преславная.
Богородичен: Се Дева, - Исаия вопияше, - / Совета Ангела Великаго раждает, / Еммануила, Бога и Господа, и Спаса душ наших.
Кондак, глас 1:Богомудраго честнаго пастыря Евтропия / песньми и пении восхвалим / с доброю девою и нескверною Евстеллою, / сущею того сострадалицею, / яко низложиша вражия сверепства / и идольское безбожие обличиша, / веру же Христову уясниша. // Темже радостно прияша ныне венец нетленный.
Песнь 7. Ирмос: Сущим в пещи:Дает тебе честь Владыка, пострадавшу твердо / и низложившу козни вражия, и поющу велегласно: / благословен Бог отец наших.
Идеже есть шум гласа празднующих, ликуеши, страстотерпице Евстелло, / с девами Богу Зиждителю песнопоющи: / благословен Бог отец наших.
Богородичен: Христа рождши Владыку и Врача всяческих, Пречистая, / ранами греховными нас, уязвленных и неисцельно болящих, / исцели, Владычице, Твоими молитвами, Сыну Твоему зовущих: / благословен Бог отец наших.
Песнь 8. Ирмос: Небеса небес:Светоносный твой праздник, преподобне, / исполняет радости и веселия духовнаго, благоухания же и просвещения / тя имущих заступника и Богу вопиющих: / благословите, пойте Господа / и превозносите Его во веки.
Ни ласкание, ни лесть, / ни слава земных возможе отсещи веры вашея течение, страдальцы Христовы, / темже и радуетеся ныне, вопиюще: / благословите, пойте Господа / и превозносите Его во веки.
Троичен: Яко Единицу естеством, Тя пою, Божество Всесвятое, / в триех ипостасях Единаго Создателя, радуяся зову: / благословите, пойте Господа / и превозносите Его во веки.
Богородичен: Слово Отца Небеснаго Единосущное, / Адамово избавление от кровей Твоих девственных воплотися, Дево Марие Чистая, / Емуже благодарственне зовем: / благословите, пойте Господа / и превозносите Его во веки.
Песнь 9. Ирмос: Образ чистаго рождества:Стоял еси пред мучителями, Евтропие преславне, / воплощение Вседержителя светлым гласом проповедуя / и страдания Его, Крест, и смерть, и Воскресение, / имже спасе нас яко Человеколюбец.
Звезда светла возсияла еси в мире, / сиянием священным озаряя мысли верных, Евстелло преблаженная, / темже тя верно ублажаем.
Венец нетления, святии, от Христа приемше, / багряницу же омочивше от мученических ваших кровей, / предстоите Царю веков, осияеми светлыми светолитии / и всебогатными раздаянии.
Богородичен: Глас Тебе ангелов, Пречистая, вопием: / радуйся, спасение всех человеков / и славных мучеников Божественное венчание.
Светилен:Предстоще ныне Трисиянному Великому Свету / и пребывающе в неизреченней светлости со всеми святыми, / Богосиянии мученицы, помяните всех нас, / память вашу светоносно совершающих.
Слава, и ныне, Богородичен:Света Превечнаго родила еси нам, Христа, Бога нашего, Пречистая Дево, / избавльшаго весь мир от лести диавола. / Темже молим Тя: не престай Его молити, / да подаст нам милость Свою.
На стиховне стихиры Осмогласника.
Слава, святым, глас 1:Положени бысте, якоже светозарнии, / на высоте страдания, яко воистинну звезды, / озаряюще вселенную незаходимыми сияньми / и тьму решаще лести, святии; / сего ради верно вас ублажаем, / и молитвами вашими просим дарований духовных // и велия милости.
И ныне, Богородичен, глас тойжеРадуйся, Богородице Дево, / радуйся, похвало всея вселенныя, // радуйся, Пречистая Мати Божия, Благословенная.
Или Крестобогородичен, глас тойже:У Креста Твоего предстоящи, Слове Божий, / Агница и Непорочная Мати Твоя, / рыдающи вопияше: / увы Мне, Сыне, како умираеши на Кресте? / Увы Мне, Свете Мой сладкий, / где Твоея доброты ныне зайде зрак, // краснейший паче всех человек?
СЛУЖБА
святому священномученику Евтропию, первому епискому Сентскому
и святей мученице Евстелле (Евстолии), деве
НА ВЕЧЕРНИ
На Господи, воззвах: стихиры, глас 4:Мучения кровию одежду твою обагрив, Евтропие славне, / с неюже вшел еси, яко мудрый архиерей, во святая святых; / жертва непорочна Христу и совершенное приношение // пречисто принеслся еси, священнейше.
Богомудрый Евтропий и Евстелла всечестная, / двоица Божественная, / возсиявше, яко звезды многосветлы, церковь просвещают / подвигов сияньми и чудес светлостьми, / сих днесь веесвященную память совершающе, // с веселием покланяемся раце мощей ваших.
Жития долу влекущая, и пищи наслаждение, / и цветущую славу, всехвальнии, оставивше яко привременну, / Христу прилепистеся, / Того добротою красною распалаеми, / и принесостеся, яко жертва всесовершенна, // и венцем нетленнаго Царствия Боголепно венчастеся.
Христа Спаса всем сердцем возлюбивши / и свещу свою светло украсивши, / добродетельми просияли есте, / Евтропиее Богомудре и Евстелло всечестная. / Темже возшли есте в Небесный чертог / и, венецы страдания приемше, / от бед избавите нас, // совершающих, любовию память вашу.
Слава, и ныне, Богородичен, глас тойже:Небесных чинов радование, / на земли человеков крепкое предстательство, / Пречистая Дево, / спаси нас, иже к Тебе прибегающия, / яко на Тя упование // по Бозе, Богородице, возложихом.
Или Крестобогородичен:Агнца, Агница и Всенепорочная Владычица, / на Кресте яко видевши / зрака не имуща, ни доброты, / увы Мне, плачущи глаголаше: / где красота Твоя зайде, Сладчайший, где благолепие? / Где благодать сияющая образа Твоего, // Сыне Мой Любезнейший?
На стиховне стихиры Осмогласника.
Слава, святым, глас 1:Двоицу мучеников, вернии, днесь в песнех священных похвалим, / яко лесть идольскую низложиша, / многобожия огнь испепелиша и демоны посрамиша; / мучителей же ярости не устрашишася, / плоти терзаний и меча убо не убояшася, / доблественно подвизавшеся добре / Евтропий славный с честною девицею Евстеллою, // явльшеся мучеников слава, купно и похвала.
И ныне, Богородичен, глас тойже:Ум ангельский и человеческий / не может изъяснити несказаннаго и преславнаго / таинства рождества Твоего, Дево Богородице. / Тобою бо Свободный естеством / образом раба обнища нас ради по богатству благости, // Ему же молися Всечистая, да спасет души наша.
Или Крестобогородичен:Воздвижена яко виде на Кресте Агнца, / Непорочная Дева плачущи вопияше: / Сладкое Мое Чадо, / что новое и преславное видение? / Како содержай всяческая горстию, // на Древе пригвождаешися плотию?
Тропарь, глас 4:Мученицы Твои, Господи, Евтропий и Евстелла / во страданиих своих венцы прияша нетленныя от Тебе, Бога нашего: / имуще бо крепость Твою, / мучителей низложиша, / сокрушиша и демонов немощныя дерзости. / Тех молитвами // спаси души наша.
НА УТРЕНИ
Канон Октоиха и святым, глас 1:
Песнь 1. Ирмос: Твоя победительная десница:Престолу предстоя Христову яко иерей благоприятен и мученик изряднейший, / Евтропие треблаженне, / яже любовию чествующия твою память светоносную, / житейских избави искушений.
Зарею просвещаемь, мудре, Трисолнечнаго Сияния, / мглу разорил еси языческаго злословия и, светом твоих словес вся просветив, / ныне прешел еси к незаходимому сиянию.
Род презревши и юже от богатства светлость, Евстелло всечестная, / вместо всех Христа стяжала еси.
Богородичен: Родила еси Безплотнаго, Богородице Пречистая, / страсти лютыя ума утоли, Дево, / и исправи мя, заблуждшаго, яко да славлю Тя.
Песнь 3. Ирмос: Едине ведый:Угль явлен мысленный, / огнем вжигаемь Божественнаго Духа, всех сердца вжегл еси к желанию Божественному, Евтропие священнотаинниче, / и прелесть попалил еси всякую.
Чадо от святыя купели даровася тебе, отче Евтропие, всечестная дева Евстелла, / спострадати бо тебе произволи и с тобою насладитися вечныя славы.
Просвещенна словесы евангельскими Евтропия блаженнаго, / ко Христове красоте немеркнущей, отроковице, притекла еси яве, / мученице Евстелло приснославная.
Богородичен: Тебе вси христиане имеем, Пречистая Богомати, прибежище и стену / и Тебе славим немолчно, Богоневестная Дево.
Седален, глас 3:Разжегшеся любовию Божественною, мученицы Господни, / огнь безбожия кровей струями угасисте / и, возсиявше световидно, яко звезды, // всю подсолнечную уяснисте.
Слава, и ныне, Богородичен:Пречистыя Твои руце, Дево Мати, простерши, / покрый уповающия на Тя и к Сыну Твоему зовущия: // всем подаждь, Христе, Твоя милости.
Песнь 4. Ирмос: Духом провидя:Любве ради Зиждителя, о страстотерпцы, / всю мирскую лесть истинно презревше, / Единаго возжелесте Христа, взывающе: / слава силе Твоей, Господи.
Просвещшеся Троичным сиянием, мучеников доброе сопряжение / идольское разруши омрачение, Христу взывающе: / слава силе Твоей, Господи.
Благославное и светоносное торжество славныя памяти твоей, Евстелло всехвальная, / крепко дерзость вражию поправши, яко звезда всесветлая, возсия, / в немже велегласно Христу вопием: / слава силе Твоей, Господи.
Богородичен: Блажит Тя, Пречистая Богородице, / всяк возраст и всяка душа верных, / Спаса Христа родила еси, Марие, во спасение наше и обновление.
Песнь 5. Ирмос: Просветивый сиянием:Возвышен явился еси страдании честными, священнейше, / и приял еси венцы победы, мудре, и вечное получил еси радование, / тем тя почитаем, отче иерарше Евтропие.
Девства зарями сластолюбия тьму отгнала еси / и светом страданий безбожия нощь потребила еси, / Евстелло мученице, Иисусова красная дщерь, жилище Божественнаго Духа.
Богородичен: Яко сияющую красотою добродетелей обрет Тя палату, красное Слово / в Твоя нетленная ложесна вселися / и из Тебе родитися неизменно благоизволи, верных украшая лица.
Песнь 6. Ирмос: Обыде нас:Яко звезда пресветлая возсиял еси людем галльским, отче Евтропие Богомудре, / словес светлостию и жития чистотою просвещая / верою и любовию к тебе притекающия.
Кровию страдания, Евтропие блаженне, освятил еси землю, / духом же на Небеса возшед, первородных Церковь возвеселил еси, / иерархов и мучеников светлая похвало.
Яко добру, и яко красну, яко честну, / и яко девства зарями сияющую, / тебе Христос Господь Себе приводит, Евстелло преславная.
Богородичен: Се Дева, - Исаия вопияше, - / Совета Ангела Великаго раждает, / Еммануила, Бога и Господа, и Спаса душ наших.
Кондак, глас 1:Богомудраго честнаго пастыря Евтропия / песньми и пении восхвалим / с доброю девою и нескверною Евстеллою, / сущею того сострадалицею, / яко низложиша вражия сверепства / и идольское безбожие обличиша, / веру же Христову уясниша. // Темже радостно прияша ныне венец нетленный.
Песнь 7. Ирмос: Сущим в пещи:Дает тебе честь Владыка, пострадавшу твердо / и низложившу козни вражия, и поющу велегласно: / благословен Бог отец наших.
Идеже есть шум гласа празднующих, ликуеши, страстотерпице Евстелло, / с девами Богу Зиждителю песнопоющи: / благословен Бог отец наших.
Богородичен: Христа рождши Владыку и Врача всяческих, Пречистая, / ранами греховными нас, уязвленных и неисцельно болящих, / исцели, Владычице, Твоими молитвами, Сыну Твоему зовущих: / благословен Бог отец наших.
Песнь 8. Ирмос: Небеса небес:Светоносный твой праздник, преподобне, / исполняет радости и веселия духовнаго, благоухания же и просвещения / тя имущих заступника и Богу вопиющих: / благословите, пойте Господа / и превозносите Его во веки.
Ни ласкание, ни лесть, / ни слава земных возможе отсещи веры вашея течение, страдальцы Христовы, / темже и радуетеся ныне, вопиюще: / благословите, пойте Господа / и превозносите Его во веки.
Троичен: Яко Единицу естеством, Тя пою, Божество Всесвятое, / в триех ипостасях Единаго Создателя, радуяся зову: / благословите, пойте Господа / и превозносите Его во веки.
Богородичен: Слово Отца Небеснаго Единосущное, / Адамово избавление от кровей Твоих девственных воплотися, Дево Марие Чистая, / Емуже благодарственне зовем: / благословите, пойте Господа / и превозносите Его во веки.
Песнь 9. Ирмос: Образ чистаго рождества:Стоял еси пред мучителями, Евтропие преславне, / воплощение Вседержителя светлым гласом проповедуя / и страдания Его, Крест, и смерть, и Воскресение, / имже спасе нас яко Человеколюбец.
Звезда светла возсияла еси в мире, / сиянием священным озаряя мысли верных, Евстелло преблаженная, / темже тя верно ублажаем.
Венец нетления, святии, от Христа приемше, / багряницу же омочивше от мученических ваших кровей, / предстоите Царю веков, осияеми светлыми светолитии / и всебогатными раздаянии.
Богородичен: Глас Тебе ангелов, Пречистая, вопием: / радуйся, спасение всех человеков / и славных мучеников Божественное венчание.
Светилен:Предстоще ныне Трисиянному Великому Свету / и пребывающе в неизреченней светлости со всеми святыми, / Богосиянии мученицы, помяните всех нас, / память вашу светоносно совершающих.
Слава, и ныне, Богородичен:Света Превечнаго родила еси нам, Христа, Бога нашего, Пречистая Дево, / избавльшаго весь мир от лести диавола. / Темже молим Тя: не престай Его молити, / да подаст нам милость Свою.
На стиховне стихиры Осмогласника.
Слава, святым, глас 1:Положени бысте, якоже светозарнии, / на высоте страдания, яко воистинну звезды, / озаряюще вселенную незаходимыми сияньми / и тьму решаще лести, святии; / сего ради верно вас ублажаем, / и молитвами вашими просим дарований духовных // и велия милости.
И ныне, Богородичен, глас тойжеРадуйся, Богородице Дево, / радуйся, похвало всея вселенныя, // радуйся, Пречистая Мати Божия, Благословенная.
Или Крестобогородичен, глас тойже:У Креста Твоего предстоящи, Слове Божий, / Агница и Непорочная Мати Твоя, / рыдающи вопияше: / увы Мне, Сыне, како умираеши на Кресте? / Увы Мне, Свете Мой сладкий, / где Твоея доброты ныне зайде зрак, // краснейший паче всех человек?