Служба святителю Виктору исповеднику, епископу Глазовскому (часть 1)
К приближающейся памяти святого священноисповедника Виктора (Островидова), епископа Глазовского и Воткинского (†1934), выкладываю в «Уставные заметки» службу ему, написанную к 75-летию со дня его преставления. Текст воспроизводится по изданию: Служба святителю Виктору Вятскому и Глазовскому, исповеднику. Вятка (Киров): Издание Спасо-Преображенского женского монастыря Вятской епархии, 2009. - 40 с. Служба одобрена митрополитом Вятским и Слободским Хрисанфом (†2011) к употреблению в пределах Вятской епархии. Особая благодарность дорогому ier_in_nefedov и его сотрудникам за помощь в оцифровке текста. В этой записи помещены тексты для малой и великой вечерен, в следующей - для утрени и Литургии.
Месяца апреля в 19-й день
Месяца июня в 18-й день
Святителя Виктора Вятскаго и Глазовскаго, исповедника.
На малой вечерни
На Господи, воззвах: стихиры святому на 4, глас 6.В годину лютых испытаний приял еси омофор святительский, / яко крест Голгофский, / и мужески на подвиг исповедания Христова изшел еси, // Викторе преблаженне.
Воистинну правило веры православныя / явился еси пастве твоей и наставник богомудрый, / не попустил еси злохулителем овец церковных расхитити, / на страже стоя преданий отеческих, // Викторе достохвальне.
Велия благодать Духа Святаго тя осени, / приуготовил бо в подвизех иноческих душу твою место нескверно / и сердце твое престол свят Всесвятаго Бога. / Сего ради даровася тебе пред мучители непобедимое дерзновение, // Викторе предивне.
Слава, глас тойже:Драгий бисер есть вера наша, / и аще кто позна цену сего, / ничтоже тому в мире тленном есть красно: / тако не токмо проповедал, / но деянием стяжал еси, / темже ублажают тя Ангели во Царствии Небеснем, // Викторе преславне.
И ныне, Богородичен, глас тойже.
На стиховне, стихиры, глас 4:Днесь воспоим, вернии, Виктора славнаго, / святителя Вятския земли, / иже возлюби истину Христову / и паству свою паче живота, / тяжкия изгнания и узы претерпе, Господа славословя. / Молися за ны, отче наш Викторе, ко Пресвятей Троице, // любовию тя чтущих.
Стих: Многи скорби праведным, / и от всех их избавит я Господь.
Путь иноческий скорбный избирая, / обещался еси Христу работати неленостно, / не ища утешения мирскаго, / но единаго чая Божественнаго радования. / Восприим же сан архиерейский, / сугубое возложил еси бремя на рамена твоя, / непреложно на помощь Божию уповая. / Сего ради преложи Благий Бог тяготу сию в иго легкое, // обвесели и укрепи тя.
Стих: Уста праведнаго поучатся премудрости, / и язык его возглаголет суд.
Возлюбил еси, блаженне, от юности заповеди Божия, / и в тех единех возжелал еси поучатися, / словеса Господня разженна пища и питие твое быша, / и от брашна сего помысл твой просветися, // и дадеся тебе правое разсуждение.
Слава, и ныне: Богородичен, глас тойже.
На велицей вечерни
Блажен муж: 1-й антифон.
На Господи, воззвах: стихиры святому на 8, глас 1:Егда свирепая смятения буря / корабль церковный потопити тщашеся, / преискусен кормчий явился еси, / и ветри погибельнии, иже суть учения лжепастырей беззаконных, ничтоже возмогоша, / и соборище злочестивое от тебе, святителю преизрядне Викторе, посрамися, / имя же Христа Бога нашего прославися. // Того моли спастися душам нашим.
Возрадовался еси посреде скорбей лютых, / гонения от безбожных яко честь велию от Отца Небеснаго почитая, / Христа же Бога исповедуя. // Того моли спастися душам нашим.
О коликия напасти претерпел еси, / яже человецы, от бесов наущаеми, праведником творяху! / Несть сия человеку мощно понести, / аще не стяжет Божией благодати. / Вся превозмогл еси, Христу помогающу. // Того моли спастися душам нашим.
Во изгнаниях, во узах, / идеже вера и упование наше искушаются, / искуси тя Господь, и изведе тя в покой, / и еще в телеси сущу, дарова ти небесную радость, / еюже и ныне осияваем, / предстоиши Христу со лики святых исповедник и мученик. // Того моли спастися душам нашим.
Ины стихиры, глас 4:Любы Божественная, / верх лествицы духовныя и цвет добродетелей увенча тя, пречудне Викторе, / юже пощеньми, бденьми, / а паче всех Христа ради страданьми стяжал еси. / И нас, любовию тебе почитающих, // в молитвах не забуди.
Святительских риз велелепных лишенный, / красотою нетленною кроткаго и смиреннаго духа украсився, / в храме нерукотворенном, / егоже купол твердь небесная бысть, / Безкровную Жертву Господу приносил еси. / Ныне во Царствии Небеснем служение твое совершая, / и нас, любовию тебе почитающих, // в молитвах не забуди.
Милость ко всякому человеку страждущему показуя, / явился еси делатель заповедей Господних верный / и проповедник Христа неложный. / И нас, любовию тебе почитающих, // в молитвах не забуди.
Знаменася на тебе свет Божественныя любве, / и лице твое просветися, / и взираху на свет твой вси вернии со умилением, / ведуще тя Божия избранника. / Мы же, о сем слышаще, смиренно просим: / и нас, любовию тебе почитающих, // в молитвах не забуди.
Ины стихиры, глас 8:Земли Саратовския дивное прозябение, / родителей благочестивых радость неизреченная, / ты бо благочестия позна силу, / святителю отче наш Викторе, / заповеди Божия исполняя, / людей сему следовати научаеши, / пагубность новых безбожных учений обличаеши, // лучшую же жизнь в Царстве Божием указуеши.
Послушание исполняя неленостно, / в Палестине пребывая, / любовию к ближним движимый, / старообрядцам заблуждение их разъясняеши // и на путь спасения усердно наставляеши.
Смиренным иноком в Лавру Невскую жити вступаеши, / но недолго зде пребываеши, / во обитель Зеленецкую послушание настоятельское исполняти посылаешися, / и много на благо обители труждаешися, // иноком наставник теплейший и мудрейший являешися.
Обрете в тебе земля Вятская мудраго и кроткаго святителя, / от душепагубных ветров пасомых ограждаеши, / ревностию по Бозе снедаемый, / обновленческих властолюбцев отвращатися повелеваеши, // святоотеческия же уставления свято хранити научаеши.
Восплакаше чада земли Вятския, / видяще во изгнание тя отсылаема, / попечения о тебе не оставиша, / вся же, ими присылаемая, // соузником твоим раздаеши.
Соловецкая обитель узника тя прият, / зде же молитвы тайныя со архиереи и священницами совершал еси, / святителю Викторе, / добрым же и мудрым словом // унывающия утешал еси.
Изгнание суровое на севере терпиши, / среди мук тягчайших утешение свыше тебе даровася, / обретоша бо икону Спаса Христа, // сию же и до конца жизни сохраниша.
Дитяти незлобивому уподобився, / в любви Христовой приспевая, / душу свою очистил еси. / В отдалении же северном пребывая, / зде упокоение и дух мирен обретая, // к сему упокоению негиблемому пасомых своих призывал еси.
Слава, глас 2:По успении твоем почитати тя не престает земля Вятская / и мнози грады и веси Русския, / инии же народи память о тебе усердно сохраняют, / от стран западных даже до Америцы, / сего ради прославляти не умолкнем, / но в веселии духовнем восхвалим тя, // святителю преславне Викторе.
И ныне, Богородичен, глас тойже.
Вход. Прокимен дне. И чтения:
Деяний святых апостол чтение (глава 4):Во дни оны, глаголющим апостолом к людем, / наидоша на них священницы и воевода церковный и саддукеи, / жаляще си, за еже учити им люди и возвещати о Иисусе воскресение мертвых: / и возложиша на них руки и положиша их в соблюдение до утрия: / бе бо вечер уже. / Мнози же от слышавших слово вероваша: / и бысть число мужей яко тысящ пять. / Бысть же наутрие собратися князем их, и старцем, и книжником во Иерусалим: / и Анне архиерею и Каиафе и Иоанну и Александру, / и елицы беша от рода архиерейска: / и поставльше их посреде, вопрошаху: / коею силою или коим именеме сотвористе сие вы? / Тогда Петр, исполнився Духа Свята, рече к ним: / князи людстии и старцы Израилевы, / аще мы днесь истязуеми есмы о благодеянии человека немощна, / о чесом сей спасеся, / разумно буди всем вам и всем людем Израилевым, / яко во имя Иисуса Христа Назорея, / егоже вы распясте, / егоже Бог воскреси от мертвых, / о сем сей стоит пред вами здрав. / Сей есть камень, укоренный от вас, зиждущих, / бывый во главу угла, / и несть ни о единем же инем спасения; / несть бо иного имене под небесем, даннаго в человецех, / о немже подобает спастися нам.
Деяний святых апостол чтение (глава 4):Во дни оны, видяще иудеи Петрово дерзновение и Иоанново и разумевше, / яко человека некнижна еста и проста, дивляхуся, / знаху же их, яко со Иисусом беста; / видяще же исцелевшаго человека с нима стояща, / ничтоже имяху противу рещи. / Повелевше же има вон из сонмища изыти, / стязахуся ко друг другу, глаголюще: / что сотворим человекома сима? / Яко убо нарочитое знамение бысть има, / всем живущим во Иерусалиме яве, / и не можем отврещися; / но да не более прострется в людех, / прещением да запретим има ктому не глаголати о имени сем ни единому от человек. / И призвавше их, / заповедаша има отнюд не провещавати, ниже учити о имени Иисусове. / Петр же и Иоанн, отвещавше к ним, реста: / аще праведно есть пред Богом / вас послушати паче, нежели Бога, судите? / Не можем бо мы, яже видехом и слышахом, не глаголати. / Они же, призапрещше има, пустиша я, / ничтоже обретше, како мучити их, людей ради, / яко вси прославляху Бога о бывшем: / лет бо бяше множае четыредесяти человек той, / на немже бысть чудо сие исцеления.
Деяний святых апостол чтение (глава 4):Во дни оны, отпущена бывша апостола приидоста ко своим и возвестиста, / елика к нима архиереи и старцы реша. / Они же, слышавше, единодушно воздвигоша глас к Богу и рекоша: / Владыко, Ты, Боже, сотворивый небо и землю и море и вся, яже в них, / Иже усты Давида, отрока Твоего, рече: / вскую шаташася языцы и людие поучишася тщетным? / Предсташа царие земстии, / и князи собрашася вкупе на Господа и на Христа Его. / Собрашася бо воистину во граде сем на святаго Отрока Твоего Иисуса, / Егоже помазал еси, / Ирод же и Понтийский Пилат, с языки и людьми израилевыми, / сотворити, елика рука Твоя и совет Твой преднарече быти. / И ныне, Господи, призри на прещения их / и даждь рабом Твоим со всяким дерзновением глаголати слово Твое, / внегда руку Твою прострети Ти во исцеления, / и знамением и чудесем бывати именем святым Отрока Твоего Иисуса. / И помолившимся им, подвижеся место, идеже бяху собрани, / и исполнишася вси Духа Свята, / и глаголаху слово Божие со дерзновением.
На литии стихиры, глас 5:Пресвятыя Троицы избранник, / Бога Отца служитель, / Христа исповедник, / Духа Святаго обиталище был еси. / Велия радость твоя ныне, Викторе преблаженне, // в невечернем Троическом свете ти торжествующу.
Воитель в бранех духовных крепок бе, / святаго князя Александра Невскаго покров стяжавый, / и яко сей оружием земным, / молитвою и словом пастырским // на супостаты Святыя Церкве ополчился еси.
Ины стихиры, глас 2:Егда обретошася мощи твоя, святителю Викторе, / тогда заградишася хульная уста, / муж же, ярости исполненный, укрощается, // и яко агнец кроток является.
Тихостию нрава украшен / и по смерти таковыя чудеса твориши, / не просящих твоея помощи исцеляеши, / сими явлениями благодати Божия, // малодушныя почитати тя вразумляеши.
Радость велия обители нашей Вятстей даровася / в принесении иконы Спаса Вседержителя, / в заключении мучительном обретоша ея святитель Виктор, // ныне же нам утешение по милости своей ниспосылает.
Слава, глас 6:Еще в заключении пребывающи, святителю Викторе, / прозреваеши будущее и соузником глаголеши: / по мнозех летех свободится от ига безбожнаго Церковь Русская, / пострадавших же в годину лютую прославляти будет // вся полнота Церкви Российския.
И ныне, Богородичен, глас тойже:Восхвалите вся чиноначалия, / Небесную Царицу, Богоотроковицу, / Заступницу рода человеческаго необоримую, // пред Богом же неослабную Ходатаицу.
На стиховне стихиры, глас 6:Празднуем ныне во архиереех преславнаго Виктора память, / той бо явися святитель Христовы Церкве непорочен, / всякия скверны странен, / всякаго соблазна чуждь, / на всяко время образ высокий святительскаго сана показуяй. / И той Небеснаго Чертога сподобивыйся, // молится днесь ко Господу о людех православных.
Стих: На Тя, Господи, уповах, / да не постыжуся во век.
Что есть человек падший? / Увы мне, создание есмь немощное и окаянное, / не могущее зрети ангельския чистоты. / Обаче верою укрепляем, со апостолом реку: / вся могу о Господе моем Иисусе Христе. / Тако, отче святый, научаеши нас житием своим на единаго Господа уповати, // да приимем и мы венцы победы.
Стих: Веселитеся о Господе и радуйтеся, праведнии, / и хвалитеся, вси правии сердцем.
Узы ради имени Христова веселие быша тебе, / святителю честный, / яко рабу верному Владыце своему. / Лице светло, дух мирен и радостен всегда имеяй, // искренним твоим утешитель был еси богодарованный.
Ины стихиры, глас 6:Верныя чада Церкви Православныя в истине утверждаеши, / самозванныя обновленцы обличати не престаеши, / пасомых же исповедати Христа небоязненно призываеши, // дабы не лишитися Царствия Небеснаго.
Стих: Бог нам прибежище и сила, / Помощник в скорбех, обретших ны зело.
Да не погибнет Церковь Русская, / безбожною властию отягченная, / но востанет и Бога чистым сердцем прославит, // тако взывал еси, святителю дивный.
Стих: Закон Бога в сердце его, / и не запнутся стопы его.
Восхвалим угодника Божия, / теплаго о нас к Богу ходатая, / в земнем жительстве своем много страдати изволивый, / и убелися паче снега, / смиренный и кроткий нрав имея, // добрым житием пример чадом своим показуеши.
Слава, глас 8:Александро-Невская Лавра прославляет тя, / Зеленецкая обитель хвалится тобою, / возвеселися же Вятская земля о обретении и принесении мощей твоих благоухающих, / исцеления всем с верою просящим источаеши, / тако молимся ти, святителю Викторе, / помози и сохрани страну Российскую, // да не погибнут чада ея в пучине моря житейскаго.
И ныне, Богородичен, глас 8.
Тропарь, глас 4:Правды Божия поборниче / и расколов обличителю, / исповедниче Христов святителю Викторе, / яко пресветлое светило добродетельми просиявый / и изгнание претерпевый, / упасл еси паству твою в православии и благочестии. / Радуется днесь земля Вятская, / в нюже восхотел еси возвратитися цельбоносными мощьми твоими, / празднующи любовию святую память твою. / Моли о нас Бога, // с верою к предстательству твоему прибегающих.
Месяца апреля в 19-й день
Месяца июня в 18-й день
Святителя Виктора Вятскаго и Глазовскаго, исповедника.
На малой вечерни
На Господи, воззвах: стихиры святому на 4, глас 6.В годину лютых испытаний приял еси омофор святительский, / яко крест Голгофский, / и мужески на подвиг исповедания Христова изшел еси, // Викторе преблаженне.
Воистинну правило веры православныя / явился еси пастве твоей и наставник богомудрый, / не попустил еси злохулителем овец церковных расхитити, / на страже стоя преданий отеческих, // Викторе достохвальне.
Велия благодать Духа Святаго тя осени, / приуготовил бо в подвизех иноческих душу твою место нескверно / и сердце твое престол свят Всесвятаго Бога. / Сего ради даровася тебе пред мучители непобедимое дерзновение, // Викторе предивне.
Слава, глас тойже:Драгий бисер есть вера наша, / и аще кто позна цену сего, / ничтоже тому в мире тленном есть красно: / тако не токмо проповедал, / но деянием стяжал еси, / темже ублажают тя Ангели во Царствии Небеснем, // Викторе преславне.
И ныне, Богородичен, глас тойже.
На стиховне, стихиры, глас 4:Днесь воспоим, вернии, Виктора славнаго, / святителя Вятския земли, / иже возлюби истину Христову / и паству свою паче живота, / тяжкия изгнания и узы претерпе, Господа славословя. / Молися за ны, отче наш Викторе, ко Пресвятей Троице, // любовию тя чтущих.
Стих: Многи скорби праведным, / и от всех их избавит я Господь.
Путь иноческий скорбный избирая, / обещался еси Христу работати неленостно, / не ища утешения мирскаго, / но единаго чая Божественнаго радования. / Восприим же сан архиерейский, / сугубое возложил еси бремя на рамена твоя, / непреложно на помощь Божию уповая. / Сего ради преложи Благий Бог тяготу сию в иго легкое, // обвесели и укрепи тя.
Стих: Уста праведнаго поучатся премудрости, / и язык его возглаголет суд.
Возлюбил еси, блаженне, от юности заповеди Божия, / и в тех единех возжелал еси поучатися, / словеса Господня разженна пища и питие твое быша, / и от брашна сего помысл твой просветися, // и дадеся тебе правое разсуждение.
Слава, и ныне: Богородичен, глас тойже.
На велицей вечерни
Блажен муж: 1-й антифон.
На Господи, воззвах: стихиры святому на 8, глас 1:Егда свирепая смятения буря / корабль церковный потопити тщашеся, / преискусен кормчий явился еси, / и ветри погибельнии, иже суть учения лжепастырей беззаконных, ничтоже возмогоша, / и соборище злочестивое от тебе, святителю преизрядне Викторе, посрамися, / имя же Христа Бога нашего прославися. // Того моли спастися душам нашим.
Возрадовался еси посреде скорбей лютых, / гонения от безбожных яко честь велию от Отца Небеснаго почитая, / Христа же Бога исповедуя. // Того моли спастися душам нашим.
О коликия напасти претерпел еси, / яже человецы, от бесов наущаеми, праведником творяху! / Несть сия человеку мощно понести, / аще не стяжет Божией благодати. / Вся превозмогл еси, Христу помогающу. // Того моли спастися душам нашим.
Во изгнаниях, во узах, / идеже вера и упование наше искушаются, / искуси тя Господь, и изведе тя в покой, / и еще в телеси сущу, дарова ти небесную радость, / еюже и ныне осияваем, / предстоиши Христу со лики святых исповедник и мученик. // Того моли спастися душам нашим.
Ины стихиры, глас 4:Любы Божественная, / верх лествицы духовныя и цвет добродетелей увенча тя, пречудне Викторе, / юже пощеньми, бденьми, / а паче всех Христа ради страданьми стяжал еси. / И нас, любовию тебе почитающих, // в молитвах не забуди.
Святительских риз велелепных лишенный, / красотою нетленною кроткаго и смиреннаго духа украсився, / в храме нерукотворенном, / егоже купол твердь небесная бысть, / Безкровную Жертву Господу приносил еси. / Ныне во Царствии Небеснем служение твое совершая, / и нас, любовию тебе почитающих, // в молитвах не забуди.
Милость ко всякому человеку страждущему показуя, / явился еси делатель заповедей Господних верный / и проповедник Христа неложный. / И нас, любовию тебе почитающих, // в молитвах не забуди.
Знаменася на тебе свет Божественныя любве, / и лице твое просветися, / и взираху на свет твой вси вернии со умилением, / ведуще тя Божия избранника. / Мы же, о сем слышаще, смиренно просим: / и нас, любовию тебе почитающих, // в молитвах не забуди.
Ины стихиры, глас 8:Земли Саратовския дивное прозябение, / родителей благочестивых радость неизреченная, / ты бо благочестия позна силу, / святителю отче наш Викторе, / заповеди Божия исполняя, / людей сему следовати научаеши, / пагубность новых безбожных учений обличаеши, // лучшую же жизнь в Царстве Божием указуеши.
Послушание исполняя неленостно, / в Палестине пребывая, / любовию к ближним движимый, / старообрядцам заблуждение их разъясняеши // и на путь спасения усердно наставляеши.
Смиренным иноком в Лавру Невскую жити вступаеши, / но недолго зде пребываеши, / во обитель Зеленецкую послушание настоятельское исполняти посылаешися, / и много на благо обители труждаешися, // иноком наставник теплейший и мудрейший являешися.
Обрете в тебе земля Вятская мудраго и кроткаго святителя, / от душепагубных ветров пасомых ограждаеши, / ревностию по Бозе снедаемый, / обновленческих властолюбцев отвращатися повелеваеши, // святоотеческия же уставления свято хранити научаеши.
Восплакаше чада земли Вятския, / видяще во изгнание тя отсылаема, / попечения о тебе не оставиша, / вся же, ими присылаемая, // соузником твоим раздаеши.
Соловецкая обитель узника тя прият, / зде же молитвы тайныя со архиереи и священницами совершал еси, / святителю Викторе, / добрым же и мудрым словом // унывающия утешал еси.
Изгнание суровое на севере терпиши, / среди мук тягчайших утешение свыше тебе даровася, / обретоша бо икону Спаса Христа, // сию же и до конца жизни сохраниша.
Дитяти незлобивому уподобився, / в любви Христовой приспевая, / душу свою очистил еси. / В отдалении же северном пребывая, / зде упокоение и дух мирен обретая, // к сему упокоению негиблемому пасомых своих призывал еси.
Слава, глас 2:По успении твоем почитати тя не престает земля Вятская / и мнози грады и веси Русския, / инии же народи память о тебе усердно сохраняют, / от стран западных даже до Америцы, / сего ради прославляти не умолкнем, / но в веселии духовнем восхвалим тя, // святителю преславне Викторе.
И ныне, Богородичен, глас тойже.
Вход. Прокимен дне. И чтения:
Деяний святых апостол чтение (глава 4):Во дни оны, глаголющим апостолом к людем, / наидоша на них священницы и воевода церковный и саддукеи, / жаляще си, за еже учити им люди и возвещати о Иисусе воскресение мертвых: / и возложиша на них руки и положиша их в соблюдение до утрия: / бе бо вечер уже. / Мнози же от слышавших слово вероваша: / и бысть число мужей яко тысящ пять. / Бысть же наутрие собратися князем их, и старцем, и книжником во Иерусалим: / и Анне архиерею и Каиафе и Иоанну и Александру, / и елицы беша от рода архиерейска: / и поставльше их посреде, вопрошаху: / коею силою или коим именеме сотвористе сие вы? / Тогда Петр, исполнився Духа Свята, рече к ним: / князи людстии и старцы Израилевы, / аще мы днесь истязуеми есмы о благодеянии человека немощна, / о чесом сей спасеся, / разумно буди всем вам и всем людем Израилевым, / яко во имя Иисуса Христа Назорея, / егоже вы распясте, / егоже Бог воскреси от мертвых, / о сем сей стоит пред вами здрав. / Сей есть камень, укоренный от вас, зиждущих, / бывый во главу угла, / и несть ни о единем же инем спасения; / несть бо иного имене под небесем, даннаго в человецех, / о немже подобает спастися нам.
Деяний святых апостол чтение (глава 4):Во дни оны, видяще иудеи Петрово дерзновение и Иоанново и разумевше, / яко человека некнижна еста и проста, дивляхуся, / знаху же их, яко со Иисусом беста; / видяще же исцелевшаго человека с нима стояща, / ничтоже имяху противу рещи. / Повелевше же има вон из сонмища изыти, / стязахуся ко друг другу, глаголюще: / что сотворим человекома сима? / Яко убо нарочитое знамение бысть има, / всем живущим во Иерусалиме яве, / и не можем отврещися; / но да не более прострется в людех, / прещением да запретим има ктому не глаголати о имени сем ни единому от человек. / И призвавше их, / заповедаша има отнюд не провещавати, ниже учити о имени Иисусове. / Петр же и Иоанн, отвещавше к ним, реста: / аще праведно есть пред Богом / вас послушати паче, нежели Бога, судите? / Не можем бо мы, яже видехом и слышахом, не глаголати. / Они же, призапрещше има, пустиша я, / ничтоже обретше, како мучити их, людей ради, / яко вси прославляху Бога о бывшем: / лет бо бяше множае четыредесяти человек той, / на немже бысть чудо сие исцеления.
Деяний святых апостол чтение (глава 4):Во дни оны, отпущена бывша апостола приидоста ко своим и возвестиста, / елика к нима архиереи и старцы реша. / Они же, слышавше, единодушно воздвигоша глас к Богу и рекоша: / Владыко, Ты, Боже, сотворивый небо и землю и море и вся, яже в них, / Иже усты Давида, отрока Твоего, рече: / вскую шаташася языцы и людие поучишася тщетным? / Предсташа царие земстии, / и князи собрашася вкупе на Господа и на Христа Его. / Собрашася бо воистину во граде сем на святаго Отрока Твоего Иисуса, / Егоже помазал еси, / Ирод же и Понтийский Пилат, с языки и людьми израилевыми, / сотворити, елика рука Твоя и совет Твой преднарече быти. / И ныне, Господи, призри на прещения их / и даждь рабом Твоим со всяким дерзновением глаголати слово Твое, / внегда руку Твою прострети Ти во исцеления, / и знамением и чудесем бывати именем святым Отрока Твоего Иисуса. / И помолившимся им, подвижеся место, идеже бяху собрани, / и исполнишася вси Духа Свята, / и глаголаху слово Божие со дерзновением.
На литии стихиры, глас 5:Пресвятыя Троицы избранник, / Бога Отца служитель, / Христа исповедник, / Духа Святаго обиталище был еси. / Велия радость твоя ныне, Викторе преблаженне, // в невечернем Троическом свете ти торжествующу.
Воитель в бранех духовных крепок бе, / святаго князя Александра Невскаго покров стяжавый, / и яко сей оружием земным, / молитвою и словом пастырским // на супостаты Святыя Церкве ополчился еси.
Ины стихиры, глас 2:Егда обретошася мощи твоя, святителю Викторе, / тогда заградишася хульная уста, / муж же, ярости исполненный, укрощается, // и яко агнец кроток является.
Тихостию нрава украшен / и по смерти таковыя чудеса твориши, / не просящих твоея помощи исцеляеши, / сими явлениями благодати Божия, // малодушныя почитати тя вразумляеши.
Радость велия обители нашей Вятстей даровася / в принесении иконы Спаса Вседержителя, / в заключении мучительном обретоша ея святитель Виктор, // ныне же нам утешение по милости своей ниспосылает.
Слава, глас 6:Еще в заключении пребывающи, святителю Викторе, / прозреваеши будущее и соузником глаголеши: / по мнозех летех свободится от ига безбожнаго Церковь Русская, / пострадавших же в годину лютую прославляти будет // вся полнота Церкви Российския.
И ныне, Богородичен, глас тойже:Восхвалите вся чиноначалия, / Небесную Царицу, Богоотроковицу, / Заступницу рода человеческаго необоримую, // пред Богом же неослабную Ходатаицу.
На стиховне стихиры, глас 6:Празднуем ныне во архиереех преславнаго Виктора память, / той бо явися святитель Христовы Церкве непорочен, / всякия скверны странен, / всякаго соблазна чуждь, / на всяко время образ высокий святительскаго сана показуяй. / И той Небеснаго Чертога сподобивыйся, // молится днесь ко Господу о людех православных.
Стих: На Тя, Господи, уповах, / да не постыжуся во век.
Что есть человек падший? / Увы мне, создание есмь немощное и окаянное, / не могущее зрети ангельския чистоты. / Обаче верою укрепляем, со апостолом реку: / вся могу о Господе моем Иисусе Христе. / Тако, отче святый, научаеши нас житием своим на единаго Господа уповати, // да приимем и мы венцы победы.
Стих: Веселитеся о Господе и радуйтеся, праведнии, / и хвалитеся, вси правии сердцем.
Узы ради имени Христова веселие быша тебе, / святителю честный, / яко рабу верному Владыце своему. / Лице светло, дух мирен и радостен всегда имеяй, // искренним твоим утешитель был еси богодарованный.
Ины стихиры, глас 6:Верныя чада Церкви Православныя в истине утверждаеши, / самозванныя обновленцы обличати не престаеши, / пасомых же исповедати Христа небоязненно призываеши, // дабы не лишитися Царствия Небеснаго.
Стих: Бог нам прибежище и сила, / Помощник в скорбех, обретших ны зело.
Да не погибнет Церковь Русская, / безбожною властию отягченная, / но востанет и Бога чистым сердцем прославит, // тако взывал еси, святителю дивный.
Стих: Закон Бога в сердце его, / и не запнутся стопы его.
Восхвалим угодника Божия, / теплаго о нас к Богу ходатая, / в земнем жительстве своем много страдати изволивый, / и убелися паче снега, / смиренный и кроткий нрав имея, // добрым житием пример чадом своим показуеши.
Слава, глас 8:Александро-Невская Лавра прославляет тя, / Зеленецкая обитель хвалится тобою, / возвеселися же Вятская земля о обретении и принесении мощей твоих благоухающих, / исцеления всем с верою просящим источаеши, / тако молимся ти, святителю Викторе, / помози и сохрани страну Российскую, // да не погибнут чада ея в пучине моря житейскаго.
И ныне, Богородичен, глас 8.
Тропарь, глас 4:Правды Божия поборниче / и расколов обличителю, / исповедниче Христов святителю Викторе, / яко пресветлое светило добродетельми просиявый / и изгнание претерпевый, / упасл еси паству твою в православии и благочестии. / Радуется днесь земля Вятская, / в нюже восхотел еси возвратитися цельбоносными мощьми твоими, / празднующи любовию святую память твою. / Моли о нас Бога, // с верою к предстательству твоему прибегающих.