Канон «пасхальный» Божией Матери в честь Ея Иверской иконы
Выкладываю в «Уставные заметки» текст канона Божией Матери в честь Ея Иверской иконы, именуемой «Портаитисса» или «Вратарница», предназначенного для утрени Светлого Вторника и написанного в подражание пасхальному канону преподобного Иоанна Дамаскина. В Светлый Вторник в святогорском монастыре Ивирон совершается воспоминание взятия чудотворной иконы из моря преподобным Гавриилом. Канон воспроизводится текстовым перенабором по рукописи из собрания бывшей Московской епархиальной библиотеки, хранящейся в настоящее время в Отделе рукописей РГБ (ф. 558, ркп. №10.2). Перенабор выполнен достопочтеннейшим dkhl, за что ему большая благодарность!
Во святый и всерадостный вторник Светлыя седмицы
празднуем дивное и паче разума человеческа пришествие
святыя и покланяемыя иконы Владычицы нашея Богородицы Портаитския (Вратарницы)
Канон Богородицы Портаитския, глас 1:
Песнь 1
Ирмос: Воскресения день:Торжества день Матере Божия всех призываяй к радости таинственней: небо, и земля, и всякое дыхание веселитеся днесь, победная поюще.
Очистим чувствия, и узрим, на Нюже не смеют Херувими взирати, образ Пречистыя Единыя Богоотроковицы, Сию со страхом прославим и с радостию икону Ея целуем.
Небеса убо достойно да веселятся, земля же да радуется, да празднует же зело обитель Иверская, почитающи иконы пришествие Матере Бога нашего.
Общая хвало Иверския обители, радуйся, Марие, радуйся, Неискусомужная Чистая, храниши бо икону Твою, дарованием чудес обогащенную, недремлющую хранительницу, Богоневестная.
Песнь 3
Ирмос: Приидите, пиво пием новое:Приидите, чудо видим новое, не люди иудейския понтом шествующия, но от моря на землю посылаемую неврежденну икону Чистыя Богоматере.
Ныне вся исполняются радости неизреченныя, видимыя же и невидимыя, ныне празднует светло стадо Твое, Владычице, Твоея иконы пришествие.
Воистинну чудо бысть в Тебе паче слова, Дево, и всякаго разума, обители бо дарова Твою икону море, люди к пению воздвигши.
Течет благодать независтная от Твоя, Богородице, иконы, всем точащия молящимся тепле, от бед свобождение многих, и здравие, и милость.
Песнь 4
Ирмос: На Божественней стражи:При мори горько Иоанн с материю рыдаше, Твою икону носяй, Приснодево, и сию на водах положи, яже и дивно во Иверскую обитель скорее изскочи.
Богоотец убо Давид пред сенным ковчегом скакаше играя, мы же наследие Твое, Дево, днесь, Твою икону носяще, Божественне совершаем моление окрест всеблаженнаго Твоего стада, Богоневесто.
Стадо избавила еси от огня, Тя славящее присно, егда быти, о, Дево, снедию сего име беду, и от обышедшия язвы сохранила еси, яко Непобедимая Помощница сущи.
Присно борет мя множество нечаянных напастей, Владычице, вопиет Твое стадо, не презри, предвари, и изми мя скоро, молящееся днесь, и воспевающее всегда величия Твоя.
Песнь 5
Ирмос: Утренюем утреннюю:Утренюем днесь вси, и вместо мира песни тебе соплетаем, Богородице, и объемлем всечестную икону Твою, благодать черплюще, подаемую туне.
Безмерное Твое предстательство, еже являеши присно, Всечистая, стаду Твоему, зряще, вопием Ти ныне веселою душею: радуйся, Марие Богоневесто.
Приступим, свещеноснии, к празднику Девы днесь множество монахов и спразднуем любопразднственными чинми мира всего Прибежище.
Воспеваемая Отроковице Дево, Твоея иконы воистинну чудеса изумляют смертных разум: паче бо слова спасается Тя чтущее стадо человеческое.
Песнь 6
Ирмос: Снизшел еси в преисподняя земли:Сниде на морския струи, и взя Твою всечестную икону, Твой раб Гавриил, и возопи Тебе, яко Архангел Гавриил, радуйся, Мати Господа.
Сохраняй стадо Твое цело и ныне от всяких бед, потопившая совершенне исмаильтеския люди, противу ополчившияся иногда, Богородице Дево.
Спасе мой, Боже преблагий и всяческих Творче, Чистыя Богородицы благоприятными молитвами, соблюди твоя певцы невредимы от всяких бед.
Свободися от различных скорбей, чтущая тя обитель, Богородице Дево, и огня и язвы показася превыше, сего ради Тебе вопиет радостно: Радуйся.
Песнь 7
Ирмос: Отроки от пещи:Отроки от пещи избавльшаго, Чистая, Ты родила еси, нетленну Твою, Богоблагодатная, утробу, по рождестве якоже прежде рождества, сохраньшаго, Егоже молити не престай о нас, воспевающих Тя.
Вси с миры соберитеся, воспевающе празднественная, ныне во обители Иверстей, и Христа Матерь славите, Едину паче Херувим без сравнения и Серафим славную.
Яко воистинну священная и спасительная сия Девы икона и светоносная: покланяющим бо ся Ей здравие подает и спасение телес и душ, и вопиющим: благословенна Бога плотию рождшая.
Монашествующии обители Богоотроковицы, и вси людие, со страхом и радостию ныне поклонимся верно иконе, светло совершая моление, и радуйся Гавриилово велегласно Той воскликнем.
Песнь 8
Ирмос: Сей нареченный:Сей нареченный и святый день, всех созывает к умному веселию: срящем убо и возопиим вонь веселящеся: радуйся, Богородице, во вся веки.
Приидите, монахов множество, исполнимся Божественнаго благоухания, от честныя иконы Матере Бога, и Той искренне поклонимся, поюще ю присно во вся веки.
Возведи окрест очи Твоя, Пречистая, и виждь: се бо приидоша к Тебе, яко Богосветлая светила, от запада, и севера, и моря, и востока чада Твоя, Твоей поклонитися пречистей иконе.
Отче Вседержителю и Слове, и Душе, Безначальное Существо, Непостижимое Естество, Боже вселенныя, избави от всякия скорби обитель воистинну Чистыя и Единыя Богородицы,
Песнь 9
Ирмос: Светися, светися:Светися, радуйся, монашествующих множество, паче же играй обитель Иверская, ликуй ныне и веселися светло, обрела бо еси Чистую Деву, стражу непобедимую.
О, Божественнаго, о, любезнаго, о, неистощимаго источника неизчислимых чудес, имиже, Чистая, стадо Твое обогащаеши присно! Слава бо сего Ты еси, и Вратарница, и утверждение.
О, Мати Дево благоволения Отча, просим от Тебе вси, избави стадо Твое от всякаго гнева и озлобления, имуще Твою Вратарницу, богатящую икону Единыя Богоотроковицы.
Сохраняй, Дево, стадо, начальника Твоея обители, и с сим всякаго с любовию в Твоем храме пребывающаго, прочим же противу страстей укрепление, телесное здравие и мир свыше, Отроковице, подавай.
Сей канон поется и на молебне.
Во святый и всерадостный вторник Светлыя седмицы
празднуем дивное и паче разума человеческа пришествие
святыя и покланяемыя иконы Владычицы нашея Богородицы Портаитския (Вратарницы)
Канон Богородицы Портаитския, глас 1:
Песнь 1
Ирмос: Воскресения день:Торжества день Матере Божия всех призываяй к радости таинственней: небо, и земля, и всякое дыхание веселитеся днесь, победная поюще.
Очистим чувствия, и узрим, на Нюже не смеют Херувими взирати, образ Пречистыя Единыя Богоотроковицы, Сию со страхом прославим и с радостию икону Ея целуем.
Небеса убо достойно да веселятся, земля же да радуется, да празднует же зело обитель Иверская, почитающи иконы пришествие Матере Бога нашего.
Общая хвало Иверския обители, радуйся, Марие, радуйся, Неискусомужная Чистая, храниши бо икону Твою, дарованием чудес обогащенную, недремлющую хранительницу, Богоневестная.
Песнь 3
Ирмос: Приидите, пиво пием новое:Приидите, чудо видим новое, не люди иудейския понтом шествующия, но от моря на землю посылаемую неврежденну икону Чистыя Богоматере.
Ныне вся исполняются радости неизреченныя, видимыя же и невидимыя, ныне празднует светло стадо Твое, Владычице, Твоея иконы пришествие.
Воистинну чудо бысть в Тебе паче слова, Дево, и всякаго разума, обители бо дарова Твою икону море, люди к пению воздвигши.
Течет благодать независтная от Твоя, Богородице, иконы, всем точащия молящимся тепле, от бед свобождение многих, и здравие, и милость.
Песнь 4
Ирмос: На Божественней стражи:При мори горько Иоанн с материю рыдаше, Твою икону носяй, Приснодево, и сию на водах положи, яже и дивно во Иверскую обитель скорее изскочи.
Богоотец убо Давид пред сенным ковчегом скакаше играя, мы же наследие Твое, Дево, днесь, Твою икону носяще, Божественне совершаем моление окрест всеблаженнаго Твоего стада, Богоневесто.
Стадо избавила еси от огня, Тя славящее присно, егда быти, о, Дево, снедию сего име беду, и от обышедшия язвы сохранила еси, яко Непобедимая Помощница сущи.
Присно борет мя множество нечаянных напастей, Владычице, вопиет Твое стадо, не презри, предвари, и изми мя скоро, молящееся днесь, и воспевающее всегда величия Твоя.
Песнь 5
Ирмос: Утренюем утреннюю:Утренюем днесь вси, и вместо мира песни тебе соплетаем, Богородице, и объемлем всечестную икону Твою, благодать черплюще, подаемую туне.
Безмерное Твое предстательство, еже являеши присно, Всечистая, стаду Твоему, зряще, вопием Ти ныне веселою душею: радуйся, Марие Богоневесто.
Приступим, свещеноснии, к празднику Девы днесь множество монахов и спразднуем любопразднственными чинми мира всего Прибежище.
Воспеваемая Отроковице Дево, Твоея иконы воистинну чудеса изумляют смертных разум: паче бо слова спасается Тя чтущее стадо человеческое.
Песнь 6
Ирмос: Снизшел еси в преисподняя земли:Сниде на морския струи, и взя Твою всечестную икону, Твой раб Гавриил, и возопи Тебе, яко Архангел Гавриил, радуйся, Мати Господа.
Сохраняй стадо Твое цело и ныне от всяких бед, потопившая совершенне исмаильтеския люди, противу ополчившияся иногда, Богородице Дево.
Спасе мой, Боже преблагий и всяческих Творче, Чистыя Богородицы благоприятными молитвами, соблюди твоя певцы невредимы от всяких бед.
Свободися от различных скорбей, чтущая тя обитель, Богородице Дево, и огня и язвы показася превыше, сего ради Тебе вопиет радостно: Радуйся.
Песнь 7
Ирмос: Отроки от пещи:Отроки от пещи избавльшаго, Чистая, Ты родила еси, нетленну Твою, Богоблагодатная, утробу, по рождестве якоже прежде рождества, сохраньшаго, Егоже молити не престай о нас, воспевающих Тя.
Вси с миры соберитеся, воспевающе празднественная, ныне во обители Иверстей, и Христа Матерь славите, Едину паче Херувим без сравнения и Серафим славную.
Яко воистинну священная и спасительная сия Девы икона и светоносная: покланяющим бо ся Ей здравие подает и спасение телес и душ, и вопиющим: благословенна Бога плотию рождшая.
Монашествующии обители Богоотроковицы, и вси людие, со страхом и радостию ныне поклонимся верно иконе, светло совершая моление, и радуйся Гавриилово велегласно Той воскликнем.
Песнь 8
Ирмос: Сей нареченный:Сей нареченный и святый день, всех созывает к умному веселию: срящем убо и возопиим вонь веселящеся: радуйся, Богородице, во вся веки.
Приидите, монахов множество, исполнимся Божественнаго благоухания, от честныя иконы Матере Бога, и Той искренне поклонимся, поюще ю присно во вся веки.
Возведи окрест очи Твоя, Пречистая, и виждь: се бо приидоша к Тебе, яко Богосветлая светила, от запада, и севера, и моря, и востока чада Твоя, Твоей поклонитися пречистей иконе.
Отче Вседержителю и Слове, и Душе, Безначальное Существо, Непостижимое Естество, Боже вселенныя, избави от всякия скорби обитель воистинну Чистыя и Единыя Богородицы,
Песнь 9
Ирмос: Светися, светися:Светися, радуйся, монашествующих множество, паче же играй обитель Иверская, ликуй ныне и веселися светло, обрела бо еси Чистую Деву, стражу непобедимую.
О, Божественнаго, о, любезнаго, о, неистощимаго источника неизчислимых чудес, имиже, Чистая, стадо Твое обогащаеши присно! Слава бо сего Ты еси, и Вратарница, и утверждение.
О, Мати Дево благоволения Отча, просим от Тебе вси, избави стадо Твое от всякаго гнева и озлобления, имуще Твою Вратарницу, богатящую икону Единыя Богоотроковицы.
Сохраняй, Дево, стадо, начальника Твоея обители, и с сим всякаго с любовию в Твоем храме пребывающаго, прочим же противу страстей укрепление, телесное здравие и мир свыше, Отроковице, подавай.
Сей канон поется и на молебне.