В Неделю по 25 января (7 февраля)…
…совершается соборная память святых сродников святителя Григория Богослова.
В сей Собор включены имена святых: родителей свят. Григория Старшего, еп. Назианзского († ок. 374), и прав. Нонны диаконисы (†374), брата прав. Кесария врача († ок. 369), сестры прав. Горгонии († ок. 370), двоюродного брата свят. Амфилохия, еп. Иконийского († после 394).
Шестиричную службу на это празднование составил в 2018 году сербский гимнограф lazar_ljubic. Текст на сербском языке выложен на сайте «Нови Србљак» (файл в формате PDF, 470 кБайт). В тексте службы не упоминается святитель Амфилохий, она посвящена только ближайшим родственникам святителя Григория Богослова.
Кроме того, в 2020 году украинский гимнограф протоиерей Илия Тетерько (Одесская епархия Украинской Православной Церкви) составил шестиричную службу родителям святителя Григория - святителю Григорию Старшему и праведной Нонне. Её я представляю читателям «Уставных заметок». Текст публикуется по авторской машинописи, цензурными инстанциями не рассматривался.
СЛУЖБА
Святым праведным святителю Григорию Старшему, епископу Назианзскому, и
диакониссе Нонне, родителям святителя Григория Богослова
НА ВЕЧЕРНИ
На Господи, воззвах: стихиры, глас 4:Двоицу всечестную и священную, приидите, восхвалим, / Григория мудраго и Нонну всечудную, / просвещенных чистотою и целомудрием, / украшенных богатством милости; / и ныне притекающе к их предстательству, // просим от Господа получити велию милость.
От языческия тьмы пришел еси к Евангельскому Свету, / Григорие отче преславне, / и миро, излиянное на тебе благодати, / помаза тя проповедати Христово воплощение: / ты бо святительскою одеявся одеждею, / Троицы поборник явился еси // и молитвенник теплейший о душах наших.
Ревность твоя по Бозе и молитвы теплейшия, / словеса кроткия и житие непорочное, / Нонно мати Богоблаженная, / мужа твоего Григория от нечестия отврати, / любовь бо Христову и Того Человеколюбие / священными беседами ему проповедала еси. / Темже, прехвальная, и нас не остави // матерним предстательствои твоим и любовию.
Супруг всечестных Григория и Нонну воспоим любовию, / и чада их восхвалим всекрасныя и святыя: / Григория Богослова священнаго, / Горгонию, добродетельми и чадами украшенную, / Кесария, врача милостиваго и святых собеседника, / и к ним, припадающе возопиим сердечне: / не оставите нас заступничеством вашим, Богоблажении, / да вашими молитвами дарует нам Господь // просвещение и велию милость.
Слава, И ныне, Богородичен, глас тойже:Небесных чинов радование, / на земли человеков крепкое предстательство, / Пречистая Дево, / спаси нас, иже к Тебе прибегающия, / яко на Тя упование // по Бозе, Богородице, возложихом.
Или Крестобогородичен:Агнца, Агница и Всенепорочная Владычица, / на Кресте яко видевши / зрака не имуща, ни доброты, / увы Мне, плачущи глаголаше: / где красота Твоя зайде, Сладчайший, где благолепие? / Где благодать сияющая образа Твоего, // Сыне Мой Любезнейший?
На стиховне стихиры Осмогласника.
Слава святых, глас 1:Григорий преславный и Нонна всехвальная, / сосуди Духа Святаго, / супружества христианскаго честное правило, / крепцыи поборницы веры православныя, / цветы неувядаемыя Церкви Христовы // о мире и людех прилежно молитеся, Богоблажении.
И ныне, Богородичен, глас тойже:Ум ангельский и человеческий / не может изъяснити несказаннаго и преславнаго / таинства рождества Твоего, Дево Богородице. / Тобою бо Свободный естеством / образом раба обнища нас ради по богатству благости, // Ему же молися Всечистая, да спасет души наша.
Или Крестобогородичен:Воздвижена яко виде на Кресте Агнца, / Непорочная Дева плачущи вопияше: / Сладкое Мое Чадо, / что новое и преславное видение? / Како содержай всяческая горстию, // на Древе пригвождаешися плотию?
Тропарь глас 4:Честнаго супружества и попечения о чадех добрый образе, / блаженств Христовых причастницы, / Григорие всечестне и Нонно всеблаженная, / плод благочестия Церкви явившии, / со чады своими усердно молите Господа / низпослати нам дух любве и смиренномудрия, // да в мире и единомыслии прославим Троицу Единосущную.
НА УТРЕНИ
Канон святым, глас 2.
Песнь 1.
Ирмос: Грядите, людие:Древа жизни наслаждающеся и райское воистинну веселие восприимше, всемудрии, / вас восхваляющия молите Человеколюбца спасти от всяких зол.
В пути заповедей Твоих шествуя тепле, Владыко Христе, / Твои раби, обители достигоша, / сугубым желанием жизни вечныя наслаждаяся.
Лучами и теплотою Солнца Правды, Христа Спаса, озарившеся, / чада света и дне явишася, Григорие и Нонна всечестныя, / мир весь просветили добродетельным житием вашим.
Богородичен: Светлыми лучами Твоего Сына, Богородице, / просвети омраченную мою душу, / страстей смущение отжени, Твоими, Чистая, ходатайствы.
Песнь 3.
Ирмос: На камени мя веры:Воспоем супруг всечестных, Григория и Нонну, / от нихже возсияша Церкви чада благодатная: / Григорий Богомудрый, Горгония и Кесарий славнии, / добродетелям нас научающии.
Уз избежав идольскаго суетства, святителю Григорие, / связался еси желанием любве Христовы, / иерарх честен и милостивый явился еси, / паству твою любовию соблюдая.
Законами питаяся Владыки и в добродетелех возрастая, / поучала еси твоя дети заповедем Господним, Нонна всечудная, зовущи: / несть свят, якоже Бог наш, // и несть праведен паче Тебе, Господи.
Богородичен: Яко Бога заченши, Содетеля же, и Зиждителя, и Господа, / роди Тя вси человечестии, Чистая, ублажают, / и Безтелесных разумная чиноначалия яко Матерь Божию Тя славят.
Седален, глас 8:В заповедех Владыки хождаше, / подобными же нравы дети твоя научая, / Григорие и Нонно Богоблаженнии, / с нимиже Вышнее наследовали есте Царствие, / напастей всяческих оставив обуревание. / Темже вси восхваляем благочестно вас, / и любовию почитаем, и верно взываем: / молитеся, святии, Христу Богу грехов оставление даровати // празднующим любовию святую память вашу.
Слава, и ныне, Богородичен:Яко Деву и Едину в женах, / Тя, безсеменно рождшую Бога плотию, / вси блажим, роди человечестии: / Огнь бо вселися в Тя Божества / и яко Младенца млеком питаеши Зиждителя и Господа. / Тем, Ангельский и человеческий род, достойно славим Всесвятое Рождество Твое.
Крестобогородичен:Агнца, и Пастыря, и Избавителя / Агница зрящи на Кресте, восклицаше, плачущи, и, горько рыдающи, вопияше: / мир убо радуется, приемляй Тобою избавление, / утроба же Моя горит, зрящи Твое распятие, / еже терпиши, Сыне и Боже мой.
Песнь 4.
Ирмос: Пришел еси от Девы:Образу вашего благочестиваго супружескаго жития многия люди удивишася, всеславнии. / Сего бо ради Бог вас прослави и дарова плод благославный: / прехвальную Горгонию и Кесария блаженнаго, / и Григория Богослова всечуднаго.
Великия милости сподобистеся от Бога добронравным житием вашим, блаженнии, / темже и нам испросите богоприятными вашими молитвами / оставление грехов, милости Божия и Царства Небеснаго.
Радости исполняются днесь верных собори, / имуще вас, Григорие и Нонна всеблаженнии, / теплыя молитвенники и христианом усердныя заступники.
Богородичен: Невесту Тя безневестну и чисто, Чистая, селение Иисусово, / святейшую Херувим вемы, Богородице.
Песнь 5.
Ирмос: Света подателю:Днесь память ваша, блаженнии, созывает люди на духовную трапезу. / Темже сподобите и нас достойно сия вкусити, / и пищи райския во обителех Отца Небеснаго вкупе с вами наслаждатися.
Имуще житие благочестием сияющее / и супружество чистотою блистающее, достославнии родителие, / воистину древо благословенное явистеся, / плод Богу угодный израстивше.
Украшено добродетельми твое житие препроводив, Григорие всечестне, / заповеди бо вся Господня с Нонною, диакониссою Христовою совершил еси.
Богородичен: Дреманием уныния мя сон греховный постиже, Марие Богородице, / бодренною молитвою Твоею возстави мя к покаянию.
Песнь 6.
Ирмос: В бездне:Теплоту вашея любве к Богу, праведная чето, / и ревность к добродетельному житию / от юности восприяша чада ваша достохвальныя: / вы бо явистеся первии научителие их добродетельному житию.
Христовою окормляеми дланию благочестно, / мирския жизни пучину преидосте, аки безплотнии, / и ко пристанищу тихому Вышния светлости, Богоблажении, устремистеся.
Яко цвети, благоухают подвиги ваша, Григорие и Нонно всемудрии, / ибо Божие явилися еси благовонно кадило, / чада ваша и жизнь свою, яко фимиам Спасу Господу принесше.
Богородичен: Милости Твоея, Богородице, сподоби мя, премилостиваго Спаса рождшая, / Своею кровию от смерти вечныя человеки избавльшаго.
Кондак, глас 4:Праведных возсия Божественная память / и земныя озари вся концы светло: / Нонна радуется ныне о чадех своих / и Григорий с веселием зовет: // Ты еси верных твоих, Христе, похвала и радование.
Песнь 7.
Ирмос: Богопротивное веление:Яко единодушна от Бога даровася Григорию помощница Нонна всемудрая, / извлачащи сего от суетства языческаго и научающаго пети: / воплотивыйся нас ради человеков, Иисус Господь, / Сый благословен и препрославлен.
Принесли есте елей всечистаго жития своего, Григорие и Нонно достохвальнии, / и возжгли есте лампады светосиянии, чада ваша, пред лицем Вседержителя, благодарне поюще: / воплотивыйся нас ради человеков, Иисус Господь, / Сый благословен и препрославлен.
Богородичен: Гавриилово благовестие услышавши, Марие Чистая, / прияла еси благоволение Отчее и Духа нашествие, / и родила еси Христа - Слово воплощенное, радуяся и вопиющи: / Иисусе, Сыне Прелюбезный, Сый благословен и препрославлен.
Песнь 8.
Ирмос: Пещь иногда:Воспоим, вернии, всечестную двоицу, Григория и Нонну Богоблаженных, / от них бо возсия нам Григорий досточудный, Кесарий и Горгония всечестнии, / украшения Церкве Православныя и верных утверждение, / с нимиже едиными усты воспоем Владыце: / благословите, вся дела Господня, Господа.
Единомудренни и единодушии добродетельми бысте, целомудреннии супрузи. / Помогите и нам в чистоте и святости житие провождати, / да вас имуще молитвенников, возопием Владыце: / благословите, вся дела Господня, Господа.
Ока два всегда бодрствующих / не токмо Назианз, но вся Церковь имать днесь, / Григориев двух святителей, нас научающих Святей Троице всерадостно пети: / благословите, вся дела Господня, Господа.
Богородичен: Слово Отца Небеснаго Единосущное, / Адамово избавление от кровей Твоих девственных воплотися, Дево Марие Чистая, / Емуже благодарственне зовем: / благословите, вся дела Господня, Господа.
Песнь 9.
Ирмос: Безначальна Родителя Сын:Како ублажим вас, предобрая двоице! / Како прославим благое единодушие! / Аще и земнии бысте, но Небесных достигосте, Богоблаженнии, / идеже Святей Троице предстоите и молите спастися любовию вас почитающим.
Целомудренно поживше и благочестно, всечестнии, / ныне сладости несказанныя сподобистеся, / совершающим усердно прехвальную и славную память вашу, священнейшии, / спастися молитеся.
Источник, вод исполненый духовных, / и река, Божественных дарований, / и чаша, милосердия проливающая токи, / пучины спасения, Григорий и Нонна, явистеся, / бури напастей различных нас избавляюще.
Богородичен: Глас Тебе ангелов, Пречистая, вопием: / радуйся, спасение всех человеков / и славных мучеников Божественное венчание.
Светилен:Предстояще ныне Трисиянному Великому Свету / и пребывающе в неизреченней светлости со всеми святыми, / помяните всех нас, Григорие и Нонно Богосияннии, / память вашу светоносно совершающих.
На стиховне стихиры Осмогласника.
Слава святым, глас 1:Григорий всемудрый, священства правило, / с честною Нонною песньми достойно да почтится, / с нимиже облистает чад их собор святый. / Ихже светлое торжество совершающе любовию, // поем песньми Божественными.
И ныне, Богородичен, глас тойже:Святейшая всех Сил святых, / честнейшая всякаго творения, / Богородице, Владычице мира, / спаси нас, Спаса рождшая, / от прегрешений безмерных и бед // яко Благая молитвами Твоими.
Или Крестобогородичен:У Креста Твоего предстоящи, Слове Божий, / Агница и Непорочная Мати Твоя, рыдающи вопияше: / увы Мне, Сыне, како умираеши на Кресте? / Увы Мне, Свете Мой сладкий, / где Твоея доброты ныне зайде зрак, // краснейший паче всех человек?
Некоторые из эпитафий, сложенных святителем Григорием Богословом
в память о своих родителях
Столетний, переступивший пределы человеческой жизни,
Сорокалетний в духе и на престоле,
Кроткий, сладкоречивый, светлый проповедник Троицы,
Глубокий сон вкушает здесь телом Григорий,
Душа же его переселилась к Богу. Но, о, иереи,
С благоговением лобызайте и его гробницу!
Пастырскую свирель вложил в руки твои я, Григорий.
А ты, сын, играй на ней искусно.
Дверь жизни всем отверзай
И в гроб отца сойди созревшим.
Нонна священная, всю жизнь свою вознеся к Богу,
Напоследок ты и душу отдала в чистую жертву.
Ибо здесь, молясь, оставила ты жизнь. Престол же
Даровал славу смерти твоей, мать моя.
Молившейся здесь некогда Нонне Бог сказал свыше:
"Прииди!" Она же охотно разрешилась от тела
Обеими руками - одной держась за престол,
А другой молясь: «Будь милостив, Христос Царь!»
Великим служителем этого престола был мой отец,
Мать же, молясь перед этим же престолом, разрешилась от жизни.
Григорий и Нонна великие! Молю Царя,
Чтобы и моя жизнь и мой конец были такими же.
В сей Собор включены имена святых: родителей свят. Григория Старшего, еп. Назианзского († ок. 374), и прав. Нонны диаконисы (†374), брата прав. Кесария врача († ок. 369), сестры прав. Горгонии († ок. 370), двоюродного брата свят. Амфилохия, еп. Иконийского († после 394).
Шестиричную службу на это празднование составил в 2018 году сербский гимнограф lazar_ljubic. Текст на сербском языке выложен на сайте «Нови Србљак» (файл в формате PDF, 470 кБайт). В тексте службы не упоминается святитель Амфилохий, она посвящена только ближайшим родственникам святителя Григория Богослова.
Кроме того, в 2020 году украинский гимнограф протоиерей Илия Тетерько (Одесская епархия Украинской Православной Церкви) составил шестиричную службу родителям святителя Григория - святителю Григорию Старшему и праведной Нонне. Её я представляю читателям «Уставных заметок». Текст публикуется по авторской машинописи, цензурными инстанциями не рассматривался.
СЛУЖБА
Святым праведным святителю Григорию Старшему, епископу Назианзскому, и
диакониссе Нонне, родителям святителя Григория Богослова
НА ВЕЧЕРНИ
На Господи, воззвах: стихиры, глас 4:Двоицу всечестную и священную, приидите, восхвалим, / Григория мудраго и Нонну всечудную, / просвещенных чистотою и целомудрием, / украшенных богатством милости; / и ныне притекающе к их предстательству, // просим от Господа получити велию милость.
От языческия тьмы пришел еси к Евангельскому Свету, / Григорие отче преславне, / и миро, излиянное на тебе благодати, / помаза тя проповедати Христово воплощение: / ты бо святительскою одеявся одеждею, / Троицы поборник явился еси // и молитвенник теплейший о душах наших.
Ревность твоя по Бозе и молитвы теплейшия, / словеса кроткия и житие непорочное, / Нонно мати Богоблаженная, / мужа твоего Григория от нечестия отврати, / любовь бо Христову и Того Человеколюбие / священными беседами ему проповедала еси. / Темже, прехвальная, и нас не остави // матерним предстательствои твоим и любовию.
Супруг всечестных Григория и Нонну воспоим любовию, / и чада их восхвалим всекрасныя и святыя: / Григория Богослова священнаго, / Горгонию, добродетельми и чадами украшенную, / Кесария, врача милостиваго и святых собеседника, / и к ним, припадающе возопиим сердечне: / не оставите нас заступничеством вашим, Богоблажении, / да вашими молитвами дарует нам Господь // просвещение и велию милость.
Слава, И ныне, Богородичен, глас тойже:Небесных чинов радование, / на земли человеков крепкое предстательство, / Пречистая Дево, / спаси нас, иже к Тебе прибегающия, / яко на Тя упование // по Бозе, Богородице, возложихом.
Или Крестобогородичен:Агнца, Агница и Всенепорочная Владычица, / на Кресте яко видевши / зрака не имуща, ни доброты, / увы Мне, плачущи глаголаше: / где красота Твоя зайде, Сладчайший, где благолепие? / Где благодать сияющая образа Твоего, // Сыне Мой Любезнейший?
На стиховне стихиры Осмогласника.
Слава святых, глас 1:Григорий преславный и Нонна всехвальная, / сосуди Духа Святаго, / супружества христианскаго честное правило, / крепцыи поборницы веры православныя, / цветы неувядаемыя Церкви Христовы // о мире и людех прилежно молитеся, Богоблажении.
И ныне, Богородичен, глас тойже:Ум ангельский и человеческий / не может изъяснити несказаннаго и преславнаго / таинства рождества Твоего, Дево Богородице. / Тобою бо Свободный естеством / образом раба обнища нас ради по богатству благости, // Ему же молися Всечистая, да спасет души наша.
Или Крестобогородичен:Воздвижена яко виде на Кресте Агнца, / Непорочная Дева плачущи вопияше: / Сладкое Мое Чадо, / что новое и преславное видение? / Како содержай всяческая горстию, // на Древе пригвождаешися плотию?
Тропарь глас 4:Честнаго супружества и попечения о чадех добрый образе, / блаженств Христовых причастницы, / Григорие всечестне и Нонно всеблаженная, / плод благочестия Церкви явившии, / со чады своими усердно молите Господа / низпослати нам дух любве и смиренномудрия, // да в мире и единомыслии прославим Троицу Единосущную.
НА УТРЕНИ
Канон святым, глас 2.
Песнь 1.
Ирмос: Грядите, людие:Древа жизни наслаждающеся и райское воистинну веселие восприимше, всемудрии, / вас восхваляющия молите Человеколюбца спасти от всяких зол.
В пути заповедей Твоих шествуя тепле, Владыко Христе, / Твои раби, обители достигоша, / сугубым желанием жизни вечныя наслаждаяся.
Лучами и теплотою Солнца Правды, Христа Спаса, озарившеся, / чада света и дне явишася, Григорие и Нонна всечестныя, / мир весь просветили добродетельным житием вашим.
Богородичен: Светлыми лучами Твоего Сына, Богородице, / просвети омраченную мою душу, / страстей смущение отжени, Твоими, Чистая, ходатайствы.
Песнь 3.
Ирмос: На камени мя веры:Воспоем супруг всечестных, Григория и Нонну, / от нихже возсияша Церкви чада благодатная: / Григорий Богомудрый, Горгония и Кесарий славнии, / добродетелям нас научающии.
Уз избежав идольскаго суетства, святителю Григорие, / связался еси желанием любве Христовы, / иерарх честен и милостивый явился еси, / паству твою любовию соблюдая.
Законами питаяся Владыки и в добродетелех возрастая, / поучала еси твоя дети заповедем Господним, Нонна всечудная, зовущи: / несть свят, якоже Бог наш, // и несть праведен паче Тебе, Господи.
Богородичен: Яко Бога заченши, Содетеля же, и Зиждителя, и Господа, / роди Тя вси человечестии, Чистая, ублажают, / и Безтелесных разумная чиноначалия яко Матерь Божию Тя славят.
Седален, глас 8:В заповедех Владыки хождаше, / подобными же нравы дети твоя научая, / Григорие и Нонно Богоблаженнии, / с нимиже Вышнее наследовали есте Царствие, / напастей всяческих оставив обуревание. / Темже вси восхваляем благочестно вас, / и любовию почитаем, и верно взываем: / молитеся, святии, Христу Богу грехов оставление даровати // празднующим любовию святую память вашу.
Слава, и ныне, Богородичен:Яко Деву и Едину в женах, / Тя, безсеменно рождшую Бога плотию, / вси блажим, роди человечестии: / Огнь бо вселися в Тя Божества / и яко Младенца млеком питаеши Зиждителя и Господа. / Тем, Ангельский и человеческий род, достойно славим Всесвятое Рождество Твое.
Крестобогородичен:Агнца, и Пастыря, и Избавителя / Агница зрящи на Кресте, восклицаше, плачущи, и, горько рыдающи, вопияше: / мир убо радуется, приемляй Тобою избавление, / утроба же Моя горит, зрящи Твое распятие, / еже терпиши, Сыне и Боже мой.
Песнь 4.
Ирмос: Пришел еси от Девы:Образу вашего благочестиваго супружескаго жития многия люди удивишася, всеславнии. / Сего бо ради Бог вас прослави и дарова плод благославный: / прехвальную Горгонию и Кесария блаженнаго, / и Григория Богослова всечуднаго.
Великия милости сподобистеся от Бога добронравным житием вашим, блаженнии, / темже и нам испросите богоприятными вашими молитвами / оставление грехов, милости Божия и Царства Небеснаго.
Радости исполняются днесь верных собори, / имуще вас, Григорие и Нонна всеблаженнии, / теплыя молитвенники и христианом усердныя заступники.
Богородичен: Невесту Тя безневестну и чисто, Чистая, селение Иисусово, / святейшую Херувим вемы, Богородице.
Песнь 5.
Ирмос: Света подателю:Днесь память ваша, блаженнии, созывает люди на духовную трапезу. / Темже сподобите и нас достойно сия вкусити, / и пищи райския во обителех Отца Небеснаго вкупе с вами наслаждатися.
Имуще житие благочестием сияющее / и супружество чистотою блистающее, достославнии родителие, / воистину древо благословенное явистеся, / плод Богу угодный израстивше.
Украшено добродетельми твое житие препроводив, Григорие всечестне, / заповеди бо вся Господня с Нонною, диакониссою Христовою совершил еси.
Богородичен: Дреманием уныния мя сон греховный постиже, Марие Богородице, / бодренною молитвою Твоею возстави мя к покаянию.
Песнь 6.
Ирмос: В бездне:Теплоту вашея любве к Богу, праведная чето, / и ревность к добродетельному житию / от юности восприяша чада ваша достохвальныя: / вы бо явистеся первии научителие их добродетельному житию.
Христовою окормляеми дланию благочестно, / мирския жизни пучину преидосте, аки безплотнии, / и ко пристанищу тихому Вышния светлости, Богоблажении, устремистеся.
Яко цвети, благоухают подвиги ваша, Григорие и Нонно всемудрии, / ибо Божие явилися еси благовонно кадило, / чада ваша и жизнь свою, яко фимиам Спасу Господу принесше.
Богородичен: Милости Твоея, Богородице, сподоби мя, премилостиваго Спаса рождшая, / Своею кровию от смерти вечныя человеки избавльшаго.
Кондак, глас 4:Праведных возсия Божественная память / и земныя озари вся концы светло: / Нонна радуется ныне о чадех своих / и Григорий с веселием зовет: // Ты еси верных твоих, Христе, похвала и радование.
Песнь 7.
Ирмос: Богопротивное веление:Яко единодушна от Бога даровася Григорию помощница Нонна всемудрая, / извлачащи сего от суетства языческаго и научающаго пети: / воплотивыйся нас ради человеков, Иисус Господь, / Сый благословен и препрославлен.
Принесли есте елей всечистаго жития своего, Григорие и Нонно достохвальнии, / и возжгли есте лампады светосиянии, чада ваша, пред лицем Вседержителя, благодарне поюще: / воплотивыйся нас ради человеков, Иисус Господь, / Сый благословен и препрославлен.
Богородичен: Гавриилово благовестие услышавши, Марие Чистая, / прияла еси благоволение Отчее и Духа нашествие, / и родила еси Христа - Слово воплощенное, радуяся и вопиющи: / Иисусе, Сыне Прелюбезный, Сый благословен и препрославлен.
Песнь 8.
Ирмос: Пещь иногда:Воспоим, вернии, всечестную двоицу, Григория и Нонну Богоблаженных, / от них бо возсия нам Григорий досточудный, Кесарий и Горгония всечестнии, / украшения Церкве Православныя и верных утверждение, / с нимиже едиными усты воспоем Владыце: / благословите, вся дела Господня, Господа.
Единомудренни и единодушии добродетельми бысте, целомудреннии супрузи. / Помогите и нам в чистоте и святости житие провождати, / да вас имуще молитвенников, возопием Владыце: / благословите, вся дела Господня, Господа.
Ока два всегда бодрствующих / не токмо Назианз, но вся Церковь имать днесь, / Григориев двух святителей, нас научающих Святей Троице всерадостно пети: / благословите, вся дела Господня, Господа.
Богородичен: Слово Отца Небеснаго Единосущное, / Адамово избавление от кровей Твоих девственных воплотися, Дево Марие Чистая, / Емуже благодарственне зовем: / благословите, вся дела Господня, Господа.
Песнь 9.
Ирмос: Безначальна Родителя Сын:Како ублажим вас, предобрая двоице! / Како прославим благое единодушие! / Аще и земнии бысте, но Небесных достигосте, Богоблаженнии, / идеже Святей Троице предстоите и молите спастися любовию вас почитающим.
Целомудренно поживше и благочестно, всечестнии, / ныне сладости несказанныя сподобистеся, / совершающим усердно прехвальную и славную память вашу, священнейшии, / спастися молитеся.
Источник, вод исполненый духовных, / и река, Божественных дарований, / и чаша, милосердия проливающая токи, / пучины спасения, Григорий и Нонна, явистеся, / бури напастей различных нас избавляюще.
Богородичен: Глас Тебе ангелов, Пречистая, вопием: / радуйся, спасение всех человеков / и славных мучеников Божественное венчание.
Светилен:Предстояще ныне Трисиянному Великому Свету / и пребывающе в неизреченней светлости со всеми святыми, / помяните всех нас, Григорие и Нонно Богосияннии, / память вашу светоносно совершающих.
На стиховне стихиры Осмогласника.
Слава святым, глас 1:Григорий всемудрый, священства правило, / с честною Нонною песньми достойно да почтится, / с нимиже облистает чад их собор святый. / Ихже светлое торжество совершающе любовию, // поем песньми Божественными.
И ныне, Богородичен, глас тойже:Святейшая всех Сил святых, / честнейшая всякаго творения, / Богородице, Владычице мира, / спаси нас, Спаса рождшая, / от прегрешений безмерных и бед // яко Благая молитвами Твоими.
Или Крестобогородичен:У Креста Твоего предстоящи, Слове Божий, / Агница и Непорочная Мати Твоя, рыдающи вопияше: / увы Мне, Сыне, како умираеши на Кресте? / Увы Мне, Свете Мой сладкий, / где Твоея доброты ныне зайде зрак, // краснейший паче всех человек?
Некоторые из эпитафий, сложенных святителем Григорием Богословом
в память о своих родителях
Столетний, переступивший пределы человеческой жизни,
Сорокалетний в духе и на престоле,
Кроткий, сладкоречивый, светлый проповедник Троицы,
Глубокий сон вкушает здесь телом Григорий,
Душа же его переселилась к Богу. Но, о, иереи,
С благоговением лобызайте и его гробницу!
Пастырскую свирель вложил в руки твои я, Григорий.
А ты, сын, играй на ней искусно.
Дверь жизни всем отверзай
И в гроб отца сойди созревшим.
Нонна священная, всю жизнь свою вознеся к Богу,
Напоследок ты и душу отдала в чистую жертву.
Ибо здесь, молясь, оставила ты жизнь. Престол же
Даровал славу смерти твоей, мать моя.
Молившейся здесь некогда Нонне Бог сказал свыше:
"Прииди!" Она же охотно разрешилась от тела
Обеими руками - одной держась за престол,
А другой молясь: «Будь милостив, Христос Царь!»
Великим служителем этого престола был мой отец,
Мать же, молясь перед этим же престолом, разрешилась от жизни.
Григорий и Нонна великие! Молю Царя,
Чтобы и моя жизнь и мой конец были такими же.