Служба преподобному Порфирию Кавсокаливиту
Выкладываю в «Уставные заметки» текст службы преподобному Порфирию Кавсокаливиту (†1991, память 19 ноября). Служба составлена клириком города Одессы (Украинская Православная Церковь) протоиереем Илией Тетерько. Текст воспроизводится по авторской машинописи; цензурными инстанциями пока не рассматривался.
СЛУЖБА
преподобному и Богоносному отцу Порфирию Кавсковаливиту
НА ВЕЧЕРНИ
На Господи, воззвах: стихиры, глас 4:Свящeнник богодухновeннейший, / избрaн сосуд честный, / утeшитель велий наречeся, / совершая превысокая и Божeственная любвe Божия Таинства, / яко Ангелов превысший / послужил еси всех Владыце по достоянию; // сего ради тя вси чтим, возлюбленне Порфирие.
Уязвлен рачeнием ко Господу, Порфирие всеблажeнне, / мирския вещи презрeл еси, / богоугодно жительство твое прошел, радуяся, / Божественных же заповедей делатель усeрднейший явился еси, / возлюбив всякаго человека в мире, // сего ради в Пристанищи Небeснем ныне веселишися.
Преподобным единонрaвный, / добродетели всяцей научился еси издeтства, святе, / Божественным стопам последовaв, / пребыл еси яко столп неподвижим / и благодатей Троицы содержитель, Порфирие: / темже днесь святую твою память празднующе, // Бога в радости благодаряще, славим.
Светом сияя неприступным, / яко звезда, просиял еси еллинским людем, / добродетельми тех просвещая, отче Порфирие, / и ныне точиши благодать исцелений // несомненною душею приступающим к тебе.
Слава, глас 1:Отреклся еси плоти Христа ради / и духовный явился еси народоводитель, / монахов был еси честное правило / и страсти вся крепко попрал еси. / Тем и демонов коварство до конца испепелил еси / и недужным здравие даровал еси; / к Богу зря всегда, Богоносе Порфирие, / моли грехов оставление даровати // чтущим любовию святую память твою.
И ныне, Богородичен, глас тойже:Всемирную славу / от человек прозябшую / и Владыку рождшую, / Небесную дверь воспоим, Марию Деву, / Безплотных песнь и верных удобрение: / Сия бо явися небо и храм Божества; / Сия преграждение вражды разрушивши, / мир введе и Царствие отверзе. / Сию убо имуще веры утверждение, / Поборника имамы из Нея рождшагося Господа. / Дерзайте убо, дерзайте, людие Божии, / ибо Той победит враги, // яко Всесилен.
На стиховне стихиры, глас 2:Пастырскому художеству незлобием обучився, / отечески паству твою научал еси страху Божию, / Порфирие, отче блаженне, / образ праведныя жизни в себе явивый, / любовь же милующую молитвою стяжал еси. / Тем к тебе, яко дивному угоднику Божию, припадающе, просим: / молися Господеви / мир миру даровати // и душам нашим велию милость.
Стих: Честна пред Господем / смерть преподобных Его.
Преподобне отче Порфирие, / светлая твоя память / освящает наша души благоуханием добродетелей, / всем являющи, имиже Богу угодил еси / и чудотворец изряден явился еси, / дарами Духа Святаго сияя. / И ныне, отче, твоими молитвами нас озари / и молися ко Господу, тя прославльшему, // да спасет души наша.
Стих: Блажен муж, бояйся Господа, / в заповедех Его восхощет зело.
Мудростию украшаяся и разумом просвещаяся, / смирением сердца красуяся, / и высотою жития, досточудне, / в разумныя дворы вшел еси, // идеже нас поминай, чтущих тя, Порфирие блаженне.
Слава, глас 6:Имел еси душу милостиву, отче Порфирие, / и чист помысл, и сердце нестропотно, / и веру нескверную, и любовь нелицемерную. / Темже почитаем тя священными песньми / и благочестно вси ублажаем // на молитвы твоя уповающе.
И ныне, Богородичен, глас тойже:Творец и Избавитель мой, Пречистая, / Христос Господь, из Твоих ложесн прошед, / в мя оболкийся, первыя клятвы Адама свободи. / Темже Ти, Всечистая, / яко Божии Матери же и Деве, / воистинну вопием немолчно: / радуйся, Ангельски, радуйся, Владычице, / предстательство и покрове, // и спасение душ наших.
Тропарь, глас 4:Апоcтольскою рeвностию жительствуя / и Христово имя непрестанно призывая, / всем любовь Божию проповедуя, / в той всегда пребывaл еси, / многия дyши исцеляя и ко воскресшему Господу приводя. / Потщися и настaви нaс, отче Порфирие преподобне, // да приидем и мы во объятия Божия, славяще предстательство твое.
Слава, и ныне, Богородичен, глас тойже:Еже от века утаеное / и Ангелом несведомое таинство, / Тобою, Богородице, сущим на земли явися Бог, / в неслитном соединении воплощаем / и, Крест волею нас ради восприим, / имже воскресив первозданнаго, // спасе от смерти души наша.
НА УТРЕНИ
Канон, глас 1
Песнь 1.
Ирмос: Христос раждается, славите:Христова друга искренняго, / Христова священнодeйственника теплeйшаго, / Христова честнaго послушника, вси Порфирия Кавсокаливийскаго, вернии, / радующеся, в пeснех да восхвалим.
Играют мирстии концы, людие вселeнныя радуются, / ликовствуют небесная, сонмы свящeнников и инокyющих воспевают соглaсно / в памяти Порфирия богомyдраго.
О чудесе! Како от юности ты претерпeл еси с родительми разлучение, / не побеждeн естественною любoвию? / Возгорeся сердце твое рачением еже к Богу / и яко свет сияше уму твоему Иоанна Кyщника образ.
Божия испроси благодати нам, взыскyющим помощи, / и любовию к тебе притекающим, / Божественным осенeнием и заступлeнием, таинниче неизреченный, о Порфирие мудре, / яко да воспеваем тя.
Богородичен: Сосуд благодати сущи, сердце мое радования исполни, / и Господу и Сыну Твоему, Дево, усердно о всех верных всегда молися.
Песнь 3.
Ирмос: Прежде век:Кроткому и смиренному сердцем Господу Иисусу подражая, смирен мудрованием, кроток и послушлив ты был еси, от Негоже и благодать тебе, Порфирие, даровася.
Житие твое, яко солнце, возсия, преподобне, светлыми деянии, монашествующих лики просветил еси и демонскую тьму отгнал еси.
Якоже Илия на колеснице, отче Порфирие, добродетельми твоими возшел еси на Небо и тамо чисте зриши Святую Троицу, к Ней же духом горя и возлетая.
Богородичен: Спасение родила еси человеком и обновление принесла еси нам, обетшавшим грехми, Дево, Мати Божия.
Седален, глас 3:Словесами евангельскими озаряемь, / в пути, ведущий к жизни, Божественным сиянием ходив верно, / вражиих отбег прилогов, / сын света и дне явился еси, // Порфирие Богоблаженне.
Слава, и ныне, Богородичен:Пречистеи Твои руце, Дево Мати, простерши, / покрый уповающия на Тя и к Сыну Твоему зовущия: // всем подаждь, Христе, Твою милость.
Песнь 4.
Ирмос: Жезл из корене:Всем притекающим к тебе показался еси чистый источник радости, надежды и исцелений, / рoсою животoчных вод окропляяй души, отче блаженне.
Агнца Божия закалаемаго за грех всего мира зрел еси сердечными очима, отче, священную Евхаристию совершающе, таже и ныне воздержи твои праведниируцы к Престолу Божию за люди твоя, тя почитающих.
Отец преискренний показался еси, отче Порфирие, пастве твоей, любовию своею согревающий сердца чад твоих.
Богородичен: Возсия из утробы Твоея, Отроковице Неискусобрачная, Отчее сияние - Христос, и просвети вселенную и бесовскую тьму потребил есть.
Песнь 5.
Ирмос: Бог сый мира:От Афонскаго затвора твоего уединеннаго песни благоумиленно, хвалы и славословия Христу Богу воспевал еси присно, Порфирие блаженне, Того Божественное снизхождение прославляя.
Естеством кроток и милостив, не остави нас, на твоя молитвы уповающих и молящихся тебе, покрый нас, отче, от навет вражиих святыми твоими молитвами и пути наша направи.
Образ добродетелей был еси пастве твоей, Богопросвещенный наставниче наш Порфирие, от всякия злыя вещи удален: яко да избавиши нас от соблазна, преткновения и кознодейства вражия.
Богородичен: Закона исполнение, высшая Херувим, родила еси Божия Слова воплощена, Сына Единородна, Егоже о рабех Твоих умоли.
Песнь 6.
Ирмос: Из утробы Иону:Образ был еси верным: словом, житием, любовию, сего ради вселися в тя Дух Святый, отче Богоносе, и нам, помолися, стяжати благодать Того.
Истине Евангельской с детства наученный, животворныя заповеди Спасовы исполнил еси ревностно, отче Порфирие, и явился еси проповедник деятельный пути спасительнаго.
Предведый Бог, отче Порфирие, твоей души красоту и разума чистоту, священнопроповедника мудра людем показа тя.
Богородичен: Милости Твоея, Богородице, сподоби мя, премилостиваго Слова рождшая, Своею Кровию от тли человекиизбавльшаго.
Кондак, глас 3:Радуйся, Афона смиренное овча, / Порфирие, Любве проповедниче, / монахов славо, святых удобрение. Овому бо Духом дадеся слово премудрости, / другому же слово разума и действия сил, тебе же купно вся открышася, / яко таиннику Божия благодати.
Песнь 7.
Ирмос: Из утробы Иону:Мудростию вышнею очистив телесная и душевная чувства, премудре, / возжег сердце Божественным рачением, / и со Ангелы Богу усердно поеши ныне: / отцев Боже, благословен еси.
Вболезнех горьких взывал еси радостно, Порфирие, / мне еже жити Христос и еже умрети приобрeтение многое, / не престaну бо воспевати милость Его и вопити: отцев Боже, благословен еси.
Повеления отеческая храня невредимо, правоверным смыслом, ты от юности имел еси житие чисто и милостивен нрав, Порфирие досточудне и ко Творцу всех взывал еси: отцев Боже, благословен еси.
Слово твое, мудростию срастворенное и Божиею благодатию преудобренное, / радостию насыщает и веселием верных сердца, иже поют любовию: / отцев Боже, благословен еси.
Богородичен:Радуйся, Владычице Дево, яко всем людем похвала еси, непрестанно молися Христу Богу сохранити град сей и люди молитвами всеблаженнаго Порфирия.
Песнь 8.
Ирмос: Чудо преестественное:Отец чадолюбивый был еси всем приходящим к тебе со скорбию сердечною и нуждою, и никтоже неутешен отыде от твоего лица, блаженне.
К тебе, отче Порфирие, припадающе, умиленным гласом вопием: посети немощи наша, буди ходатай о нас, тебе ради благословящих Христа во веки.
Рай истинно соделал еси пустыню, в ней преизяществовав во всякой добродетели, темже и рая сладости сподобился еси, Порфирие преподобне.
Богородичен: Бога нам родила еси, Пречистая Богорадованная Дево, спаси место сие и люди, на Тя уповающия, Богородице Пренепорочная, и Сыну Твоему вопиющия: благословите Христа во веки.
Песнь 9.
Ирмос: Таинство странное вижду:Красно убо Церковь веселится в памяти твоей, о пастырю дивный отче Порфирие! Вернии же людие стекаются, празднственная тебе приносяще, восхваляюще Христа, тебе прославльшаго.
Обрати свой взор с превыспренних высот на нас, в памяти твоей ликующих и Христа славословящих, и отеческим твоим благословением осени всех, пастырю священнейший Порфирие.
Весь во Свет Божественныя Троицы с веселием прешел еси, ангельским воинством ныне срадуешися, пречудне отче Порфирие, с нимиже непрестанно моли всем спастися, поющим тя.
Богородичен: Юже воспевают Силы Небесныя, Владычицу Деву, Церкве красоту, верных державу и похвалу, благодарно величаю и пение скончаваю.
Светилен:Светом Превечнаго сияния озарився, отче Порфирие, Христу последовал еси, и Того благодатию просветився, источник чудес и милостей явился еси, сего ради молим тя: спаси души наша.
Слава, и ныне, Богородичен:Зарю пресветлую, являющую нам Солнце незаходимое, вемы, Тя, Пресвятая Дево Богородице. Сего ради молим Тя: яко Мати Света сущи, просвети нас светом Сына Твоего, Христа Бога нашего.
МОЛИТВАО, добрый и милостивый пастырю, отче преподобне Порфирие! К тебе смиренно припадаем и усердно молимся: яви нам, грешным, любовь твою отеческую и многомощное твое и чудное заступление. Испроси предстательством твоим у Всемилостивого Бога нашего и Матери Его Пречистыя вся яже на пользу душам и телесем нашим, согрешений наших прощение и исправление, любовь нелицемерную, ревность о спасение нашем, да благодатию Божиею соблюдаеми и спасаеми, славу, благодарение и поклонение возсылаем Отцу и Сыну и Святому Духу, ныне и присно, и во веки веков. Аминь.
СЛУЖБА
преподобному и Богоносному отцу Порфирию Кавсковаливиту
НА ВЕЧЕРНИ
На Господи, воззвах: стихиры, глас 4:Свящeнник богодухновeннейший, / избрaн сосуд честный, / утeшитель велий наречeся, / совершая превысокая и Божeственная любвe Божия Таинства, / яко Ангелов превысший / послужил еси всех Владыце по достоянию; // сего ради тя вси чтим, возлюбленне Порфирие.
Уязвлен рачeнием ко Господу, Порфирие всеблажeнне, / мирския вещи презрeл еси, / богоугодно жительство твое прошел, радуяся, / Божественных же заповедей делатель усeрднейший явился еси, / возлюбив всякаго человека в мире, // сего ради в Пристанищи Небeснем ныне веселишися.
Преподобным единонрaвный, / добродетели всяцей научился еси издeтства, святе, / Божественным стопам последовaв, / пребыл еси яко столп неподвижим / и благодатей Троицы содержитель, Порфирие: / темже днесь святую твою память празднующе, // Бога в радости благодаряще, славим.
Светом сияя неприступным, / яко звезда, просиял еси еллинским людем, / добродетельми тех просвещая, отче Порфирие, / и ныне точиши благодать исцелений // несомненною душею приступающим к тебе.
Слава, глас 1:Отреклся еси плоти Христа ради / и духовный явился еси народоводитель, / монахов был еси честное правило / и страсти вся крепко попрал еси. / Тем и демонов коварство до конца испепелил еси / и недужным здравие даровал еси; / к Богу зря всегда, Богоносе Порфирие, / моли грехов оставление даровати // чтущим любовию святую память твою.
И ныне, Богородичен, глас тойже:Всемирную славу / от человек прозябшую / и Владыку рождшую, / Небесную дверь воспоим, Марию Деву, / Безплотных песнь и верных удобрение: / Сия бо явися небо и храм Божества; / Сия преграждение вражды разрушивши, / мир введе и Царствие отверзе. / Сию убо имуще веры утверждение, / Поборника имамы из Нея рождшагося Господа. / Дерзайте убо, дерзайте, людие Божии, / ибо Той победит враги, // яко Всесилен.
На стиховне стихиры, глас 2:Пастырскому художеству незлобием обучився, / отечески паству твою научал еси страху Божию, / Порфирие, отче блаженне, / образ праведныя жизни в себе явивый, / любовь же милующую молитвою стяжал еси. / Тем к тебе, яко дивному угоднику Божию, припадающе, просим: / молися Господеви / мир миру даровати // и душам нашим велию милость.
Стих: Честна пред Господем / смерть преподобных Его.
Преподобне отче Порфирие, / светлая твоя память / освящает наша души благоуханием добродетелей, / всем являющи, имиже Богу угодил еси / и чудотворец изряден явился еси, / дарами Духа Святаго сияя. / И ныне, отче, твоими молитвами нас озари / и молися ко Господу, тя прославльшему, // да спасет души наша.
Стих: Блажен муж, бояйся Господа, / в заповедех Его восхощет зело.
Мудростию украшаяся и разумом просвещаяся, / смирением сердца красуяся, / и высотою жития, досточудне, / в разумныя дворы вшел еси, // идеже нас поминай, чтущих тя, Порфирие блаженне.
Слава, глас 6:Имел еси душу милостиву, отче Порфирие, / и чист помысл, и сердце нестропотно, / и веру нескверную, и любовь нелицемерную. / Темже почитаем тя священными песньми / и благочестно вси ублажаем // на молитвы твоя уповающе.
И ныне, Богородичен, глас тойже:Творец и Избавитель мой, Пречистая, / Христос Господь, из Твоих ложесн прошед, / в мя оболкийся, первыя клятвы Адама свободи. / Темже Ти, Всечистая, / яко Божии Матери же и Деве, / воистинну вопием немолчно: / радуйся, Ангельски, радуйся, Владычице, / предстательство и покрове, // и спасение душ наших.
Тропарь, глас 4:Апоcтольскою рeвностию жительствуя / и Христово имя непрестанно призывая, / всем любовь Божию проповедуя, / в той всегда пребывaл еси, / многия дyши исцеляя и ко воскресшему Господу приводя. / Потщися и настaви нaс, отче Порфирие преподобне, // да приидем и мы во объятия Божия, славяще предстательство твое.
Слава, и ныне, Богородичен, глас тойже:Еже от века утаеное / и Ангелом несведомое таинство, / Тобою, Богородице, сущим на земли явися Бог, / в неслитном соединении воплощаем / и, Крест волею нас ради восприим, / имже воскресив первозданнаго, // спасе от смерти души наша.
НА УТРЕНИ
Канон, глас 1
Песнь 1.
Ирмос: Христос раждается, славите:Христова друга искренняго, / Христова священнодeйственника теплeйшаго, / Христова честнaго послушника, вси Порфирия Кавсокаливийскаго, вернии, / радующеся, в пeснех да восхвалим.
Играют мирстии концы, людие вселeнныя радуются, / ликовствуют небесная, сонмы свящeнников и инокyющих воспевают соглaсно / в памяти Порфирия богомyдраго.
О чудесе! Како от юности ты претерпeл еси с родительми разлучение, / не побеждeн естественною любoвию? / Возгорeся сердце твое рачением еже к Богу / и яко свет сияше уму твоему Иоанна Кyщника образ.
Божия испроси благодати нам, взыскyющим помощи, / и любовию к тебе притекающим, / Божественным осенeнием и заступлeнием, таинниче неизреченный, о Порфирие мудре, / яко да воспеваем тя.
Богородичен: Сосуд благодати сущи, сердце мое радования исполни, / и Господу и Сыну Твоему, Дево, усердно о всех верных всегда молися.
Песнь 3.
Ирмос: Прежде век:Кроткому и смиренному сердцем Господу Иисусу подражая, смирен мудрованием, кроток и послушлив ты был еси, от Негоже и благодать тебе, Порфирие, даровася.
Житие твое, яко солнце, возсия, преподобне, светлыми деянии, монашествующих лики просветил еси и демонскую тьму отгнал еси.
Якоже Илия на колеснице, отче Порфирие, добродетельми твоими возшел еси на Небо и тамо чисте зриши Святую Троицу, к Ней же духом горя и возлетая.
Богородичен: Спасение родила еси человеком и обновление принесла еси нам, обетшавшим грехми, Дево, Мати Божия.
Седален, глас 3:Словесами евангельскими озаряемь, / в пути, ведущий к жизни, Божественным сиянием ходив верно, / вражиих отбег прилогов, / сын света и дне явился еси, // Порфирие Богоблаженне.
Слава, и ныне, Богородичен:Пречистеи Твои руце, Дево Мати, простерши, / покрый уповающия на Тя и к Сыну Твоему зовущия: // всем подаждь, Христе, Твою милость.
Песнь 4.
Ирмос: Жезл из корене:Всем притекающим к тебе показался еси чистый источник радости, надежды и исцелений, / рoсою животoчных вод окропляяй души, отче блаженне.
Агнца Божия закалаемаго за грех всего мира зрел еси сердечными очима, отче, священную Евхаристию совершающе, таже и ныне воздержи твои праведниируцы к Престолу Божию за люди твоя, тя почитающих.
Отец преискренний показался еси, отче Порфирие, пастве твоей, любовию своею согревающий сердца чад твоих.
Богородичен: Возсия из утробы Твоея, Отроковице Неискусобрачная, Отчее сияние - Христос, и просвети вселенную и бесовскую тьму потребил есть.
Песнь 5.
Ирмос: Бог сый мира:От Афонскаго затвора твоего уединеннаго песни благоумиленно, хвалы и славословия Христу Богу воспевал еси присно, Порфирие блаженне, Того Божественное снизхождение прославляя.
Естеством кроток и милостив, не остави нас, на твоя молитвы уповающих и молящихся тебе, покрый нас, отче, от навет вражиих святыми твоими молитвами и пути наша направи.
Образ добродетелей был еси пастве твоей, Богопросвещенный наставниче наш Порфирие, от всякия злыя вещи удален: яко да избавиши нас от соблазна, преткновения и кознодейства вражия.
Богородичен: Закона исполнение, высшая Херувим, родила еси Божия Слова воплощена, Сына Единородна, Егоже о рабех Твоих умоли.
Песнь 6.
Ирмос: Из утробы Иону:Образ был еси верным: словом, житием, любовию, сего ради вселися в тя Дух Святый, отче Богоносе, и нам, помолися, стяжати благодать Того.
Истине Евангельской с детства наученный, животворныя заповеди Спасовы исполнил еси ревностно, отче Порфирие, и явился еси проповедник деятельный пути спасительнаго.
Предведый Бог, отче Порфирие, твоей души красоту и разума чистоту, священнопроповедника мудра людем показа тя.
Богородичен: Милости Твоея, Богородице, сподоби мя, премилостиваго Слова рождшая, Своею Кровию от тли человекиизбавльшаго.
Кондак, глас 3:Радуйся, Афона смиренное овча, / Порфирие, Любве проповедниче, / монахов славо, святых удобрение. Овому бо Духом дадеся слово премудрости, / другому же слово разума и действия сил, тебе же купно вся открышася, / яко таиннику Божия благодати.
Песнь 7.
Ирмос: Из утробы Иону:Мудростию вышнею очистив телесная и душевная чувства, премудре, / возжег сердце Божественным рачением, / и со Ангелы Богу усердно поеши ныне: / отцев Боже, благословен еси.
Вболезнех горьких взывал еси радостно, Порфирие, / мне еже жити Христос и еже умрети приобрeтение многое, / не престaну бо воспевати милость Его и вопити: отцев Боже, благословен еси.
Повеления отеческая храня невредимо, правоверным смыслом, ты от юности имел еси житие чисто и милостивен нрав, Порфирие досточудне и ко Творцу всех взывал еси: отцев Боже, благословен еси.
Слово твое, мудростию срастворенное и Божиею благодатию преудобренное, / радостию насыщает и веселием верных сердца, иже поют любовию: / отцев Боже, благословен еси.
Богородичен:Радуйся, Владычице Дево, яко всем людем похвала еси, непрестанно молися Христу Богу сохранити град сей и люди молитвами всеблаженнаго Порфирия.
Песнь 8.
Ирмос: Чудо преестественное:Отец чадолюбивый был еси всем приходящим к тебе со скорбию сердечною и нуждою, и никтоже неутешен отыде от твоего лица, блаженне.
К тебе, отче Порфирие, припадающе, умиленным гласом вопием: посети немощи наша, буди ходатай о нас, тебе ради благословящих Христа во веки.
Рай истинно соделал еси пустыню, в ней преизяществовав во всякой добродетели, темже и рая сладости сподобился еси, Порфирие преподобне.
Богородичен: Бога нам родила еси, Пречистая Богорадованная Дево, спаси место сие и люди, на Тя уповающия, Богородице Пренепорочная, и Сыну Твоему вопиющия: благословите Христа во веки.
Песнь 9.
Ирмос: Таинство странное вижду:Красно убо Церковь веселится в памяти твоей, о пастырю дивный отче Порфирие! Вернии же людие стекаются, празднственная тебе приносяще, восхваляюще Христа, тебе прославльшаго.
Обрати свой взор с превыспренних высот на нас, в памяти твоей ликующих и Христа славословящих, и отеческим твоим благословением осени всех, пастырю священнейший Порфирие.
Весь во Свет Божественныя Троицы с веселием прешел еси, ангельским воинством ныне срадуешися, пречудне отче Порфирие, с нимиже непрестанно моли всем спастися, поющим тя.
Богородичен: Юже воспевают Силы Небесныя, Владычицу Деву, Церкве красоту, верных державу и похвалу, благодарно величаю и пение скончаваю.
Светилен:Светом Превечнаго сияния озарився, отче Порфирие, Христу последовал еси, и Того благодатию просветився, источник чудес и милостей явился еси, сего ради молим тя: спаси души наша.
Слава, и ныне, Богородичен:Зарю пресветлую, являющую нам Солнце незаходимое, вемы, Тя, Пресвятая Дево Богородице. Сего ради молим Тя: яко Мати Света сущи, просвети нас светом Сына Твоего, Христа Бога нашего.
МОЛИТВАО, добрый и милостивый пастырю, отче преподобне Порфирие! К тебе смиренно припадаем и усердно молимся: яви нам, грешным, любовь твою отеческую и многомощное твое и чудное заступление. Испроси предстательством твоим у Всемилостивого Бога нашего и Матери Его Пречистыя вся яже на пользу душам и телесем нашим, согрешений наших прощение и исправление, любовь нелицемерную, ревность о спасение нашем, да благодатию Божиею соблюдаеми и спасаеми, славу, благодарение и поклонение возсылаем Отцу и Сыну и Святому Духу, ныне и присно, и во веки веков. Аминь.