Служба святой мученице Леввине деве
Полиелейная служба святой мученице Леввине деве, Сассексской (V, память 24 июля) составлена клириком Одесской епархии Украинской Православной Церкви протоиереем Илией Тетерько. Последование публикуется по авторской машинописи, цензурными инстанциями текст не рассматривался.
СЛУЖБА
святой мученице Леввине Сассексской
НА ВЕЛИЦЕЙ ВЕЧЕРНИ
На Господи, воззвах: стихиры, глас 4:Плод красный сеяния евангельскаго, / в Сассексской земли прозябший, / явилася еси, достославная Леввино, / от благородства земнаго прешла еси к страдальческому житию / и претерпела еси муки веры ради, / мечным усечением вселилася еси в Небесныя житницы, // и тамо процветши, молишися о душах наших.
Райскую доброту богатно зриши / и довольно пожинаеши нетления класы, / иже процветоша мирови духовне. / Ихже причащающеся, тя почитаем, Леввино славная, / тем и всечестную память твою празднующе, молим: / сотвори мольбы о нас, // иже верою тя славящих всегда.
Одеяна в порфиру, от твоих крове обагрену, славная Леввино, / и победы царственным венцем живоначальною рукою увязена, / на Небесех живеши, сцарствуя Христу Всещедрому. / Темже тя ублажаем, яко истинную мученицу, // и Слова служительницу, и веры утверждение.
Мощей твоих рака, Леввино Богомудрая, / всех собирает и, богатно имеющи исцеление, / всем подает, верою притекающим к тебе, всеблаженная дево. // Непрестанно моли о нас, еже спасти души наша.
Слава, глас 1:Страстотерпческое торжество, вернии, / богомудренне совершаемо видяще, / чудному в советех Богу нашему / благодарственное пение воспоим. / Ибо невидимую державу сопротивныя силы / в женском естестве победи / и Божественную Свою силу / в немощи совершив добрыя мученицы, // тоя молитвами спасает души наша.
И ныне, Догматик, глас тойже: Всемирную славу:
Вход. Прокимен дне и чтения.
Пророчества Исаиина чтение (глава 43):Тако глаголет Господь: вси языцы собрашася вкупе и соберутся князи от них. Кто возвестит сия в них или яже от начала, кто слышана сотворит вам? Да приведут свидетели своя и оправдятся, и да услышат, и да рекут истину; будете Ми свидетели, и Аз Свидетель, глаголет Господь Бог, и Отрок, Егоже избрах, да познаете и веруете Ми, и разумеете, яко Аз есмь: прежде Мене не бысть ин бог, и по Мне не будет. Аз есмь Бог, и несть разве Мене спасаяй. Аз возвестих и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь: и несть от рук Моих избавляяй; сотворю, и кто отвратит то? Сице глаголет Господь Бог, избавляяй вас Святый Израилев.
Премудрости Соломони чтение (глава 3):Праведных души в руце Божией, и не прикоснется их мука; непщевани быша во очесех безумных умрети, и вменися озлобление исход их, и еже от нас шествие - сокрушение; они же суть в мире. Ибо пред лицем человеческим аще и муку приимут, упование их безсмертия исполнено; и, вмаленаказани бывше, великими благодетельствовани будут: яко Бог искуси я, и обрете их достойны Себе. Яко злато в горниле искуси их, и яко всеплодие жертвенное прият я. И во время посещения их возсияют, и яко искры по стеблию потекут. Судят языком и обладают людьми, и воцарится Господь в них во веки. Надеющиися Нань разумеют истину, и вернии в любви пребудут Ему; яко благодать и милость в преподобных Его, и посещение во избранных Его.
Премудрости Соломони чтение (главы 5 и 6):Праведницы во веки живут, и в Господе мзда их, и попечение их у Вышняго: сего ради приимут царствие благолепия и венец доброты от руки Господни, зане десницею покрыет я и мышцею защитит их. Приимет всеоружие - рвение Свое, и вооружит тварь в месть врагом. Облечется в броня правды и возложит шлем - суд нелицемерен. Приимет щит непобедимый - преподобие. Поострит же напрасный гнев во оружие; споборет же с Ним мир на безумныя. Пойдут праволучныя стрелы молниины, и, яко от благокругла лука облаков, на намерение полетят. И от каменометныя ярости исполнь падут грады; вознегодует на них вода морская, реки же потопят я нагло. Сопротив станет им дух силы, и, яко вихор, развеет их, и опустошит всю землю беззаконие, и злодейство превратит престолы сильных. Слышите убо, царие, и разумейте; навыкните, судии концев земли. Внушите, держащии множества и гордящиися от народов языков: яко дана от Господа держава вам, и сила от Вышняго.
На стиховне стихиры, глас 2.
Подобен: Доме Евфрафов:Дом Духа Святаго / явилася еси, Леввино славная, / и чистоты вместилище, / спасай нас молитвами твоими, // тя хвалящих любовию.
Стих: Святым, иже суть на земли Его, / удиви Господь вся хотения Своя в них.
Царство Отчее Небесное, / достохвальная Леввино, / наследила еси страданием, / и Христов воистинну чертог, // и свет незаходимый.
Стих: Многи скорби праведным, / и от всех их избавит я Господь.
Велики за Христа подвиги, / мученице Леввино, прошла еси, / благородство души соблюдши / и веру истинную сохраньши. // Темже ныне радуешися.
Слава, глас и подобен тойже:Услыши наша моления, / Леввино, мученице славная, / любовию к тебе прибегающих, / и сердечная подавай прошения / чтущим святую память твою.
И ныне, Богородичен, глас и подобен тойже:Пресвятая Мати Божия, / с лики дев святых / молися из Тебе Воплощенному, / Солнцу Правды, Господу, / спасти и просветити души наша.
На благословении хлебов тропарь святыя дважды и Богородице Дево: единожды.
Тропарь, глас 4:Зарею проповеди евангельския просвещшися, / прелестную оставила еси тьму / и на муки за Христа востекла еси, Леввино славная, / благодатьми исполнившися Святаго Духа. / Темже почитающи страдания твоя, / благодарне тебе вопием: / моли Милостиваго Бога о душах наших.
НА УТРЕНИ
На Бог Господь: тропарь святыя дважды. Слава, и ныне, Богородичен.
По 1-м стихословии седален, глас 2:Подвигом, мученице, добрым подвизався и светлыя венцы приим, Свету предстоиши, просвещаема по причастию Невещественному, тем молим тя: просвети нас молитвами твоими.
Слава, и ныне, Богородичен:Свет, от Света происходяй, во Твою Девичу утробу вниде / и плотию обложися недомысленно и несказанно, / рождеством же Его вся тварь обновися и идольская лесть разорися. / Тем молим Тя, Пречистая: / моли, да спасет души наша.
По 2-м стихословии седален, глас 6:Светлый твой, мученице Леввино, праздник вся созва радостно на трапезу днесь, предложив страданий твоих борения, мужество и противление, имиже насыщшеся, верою тя и любовию ублажаем.
Слава, и ныне, Богородичен:Труждает мя буря греховная / и возмущение безместных помышлений: / умилосердися, Всенепорочная, / и руку помощи, яко Милосердная, простри ми, / да величаю Тя, спасаемый.
Величание:Величаем тя, / страстотерпице святая Леввино, / и чтим честная страдания твоя, // яже за Христа претерпела еси.
Псалом избранный:1. Терпя потерпех Господа, и внят ми, и услыша молитву мою. 2. Бог нам Прибежище и Сила, Помощник в скорбех, обретших ны зело. 1. Многи скорби праведным и от всех их избавит я Господь. 2. Приведутся Царю девы, приведутся в веселии и радовании. 1. Девы да восхвалят имя Господне. 2. Суди ми, Господи, яко аз незлобоюмоею ходих. 1. Искуси мя, Господи, и испытай мя, разжи утробы моя, и сердце мое. 2. Да не погубиши с нечестивыми душу мою. 1. Аз же незлобою моею ходих, избави мя, Господи, и помилуй мя. 2. Нога моя ста на правоте: в церквах благословлю Тя, Господи.
По полиелеи седален, глас 8:Кровь твою, Леввино честная, / якоже алавастр мира, любовию принесла еси Христу, / от Него же возмездие прияла еси, досточудная, / венец Божественный и нетленен, мученице славная. / Темже прияла еси исцелений благодать силою духовною, / и о нас помолися, молимся, // спастися душам нашим.
Слава, и ныне, Богородичен:Тя надежду, прибежище и Предстательницу обретше, вернии, / к Тебе притекаем и прилежно вопием: / помилуй, Богородице, на Тя уповающия / и прегрешений оставление нам испроси / молитвами Твоими, Пречистая.
Таже степенна, 1-й антифон, глас 4.Прокимен, глас 4: Святым, иже суть на земли Его, / удиви Господь вся хотения своя в них.
Стих: Презрех Господа предо мною выну, яко одесную мене есть, да не подвижуся.
Всякое дыхание: Евангелие от Матфея, зачало 36.
По 50-м псалме стихира самогласна, глас 6:Днесь красуется земля Сассексская, / восприявши тело твое, славная Леввино, / днесь память твоя созывает нас, мучениколюбцев, / на хвалу и славу Христу Богу нашему, / в тебе источник чудес нам явльшему. / Темже, притекающе к честным мощем твоим, / исцелений дарования приемлем, / венчавшаго тебе Спаса Христа // с тобою непрестанно славяще.
Канон святыя, глас 2.
Песнь 1Ирмос: Грядите, людие, / поим песнь Христу Богу, / раздельшему море, / и наставльшему люди, яже изведе из работы египетския, // яко прославися.
Христову Престолу ныне предстоя, венценосица, славная мученице Леввино, светоносную мне зарю и благодать с Небесе даждь молитвами твоими.
Умом очищенным преславно зриши, Леввино честная, доброту неизреченную, Христа, всяческих Бога нашего, Егоже моли о чтущих подвиги твоя.
Струями кровей твоих, Леввино добропобедная, невидимыя враги потопила еси победительною десницею Христа, погрузившаго древнего мучителя в воде зельней.
Богородичен: Светлыми лучами Твоего Сына, Богородице, просвети омраченную мою душу, страстей смущение отжени, Твоими, Чистая, ходатайствы.
Песнь 3Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, // и несть праведен паче Тебе, Господи.
Была еси, яко избранна Христова лоза, серпом мучений очищаема и мног плод носящая, в точилех Спасовых приносимая.
Венцы тебе светлы, ураняемо тело, суровством мучителей исходатайствова, Леввино, и пищи райския наслаждение.
Очищение нам испроси, честную твою память совершающим, дерзновение имея, исповеднице Христава Леввино.
Богородичен: Прогоняющее оружие грехи и страсти души моея буди, Дево, и покажи мя, якоже другий рай, безнаветен и соблюден Тобою и приносящий цветы Духа.
Седален, глас 2:Тя, славная и приснопамятная Леввино, звезду Христос возсия земным в земли Сассексской, того ради прелести мрак отгна, и верным благодать Духа возсия. Темже память твою совершающе, верно празднуим и возопиим, глаголюще: всечестная страстоносице, моли Христа Бога грехов оставление даровати празднующим любовию святую память твою.
Слава, и ныне, Богородичен:Пречистыя Твои руце, Дево Мати, простерши, / покрый уповающия на Тя и к Сыну Твоему зовущия: // всем подаждь, Христе, Твоя милости.
Песнь 4Ирмос: Пришел еси от Девы, / не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: // слава силе Твоей, Господи.
Текущия крове токи от твоих удес, треблаженне, / прелести пламень весь погасиша.
Уязвилася еси любовию Божественною яве, всечестная, темже твердо язвы же и болезни лютыя претерпела еси.
Течения кровей твоих многобожия огнь погасиша, мученице Леввино честная, чудес же струи человеков омывают недуги.
Богородичен: Дреманием уныния мя сон греховный, Отроковице, постиже, / бодренною молитвою Твоею возстави мя к покаянию.
Песнь 5Ирмос: Света подателю и веков Творче, Господи, / во свете Твоих повелений настави нас; // разве бо Тебе иного бога не знаем.
Ангелообразныя души красотою и добротою сияя телесною, вышнюю зарю Божественнаго сияния прияла еси, Леввино хвальная, светло и, радуяся, взывала еси: разве бо Тебе иного бога не знаю.
Научена, славная, Богодохновеннаго писания учением, вся ко спасению обрела еси ведущая, Леввино Богомудрая, и пети научала сродный ти язык: разве бо Тебе иного бога не знаю.
Веру тверду и упование к Богу имея, претекла еси жития нестоятельное и, мечем посекаема, блаженная, к пространней широте прешла еси.
Богородичен: Дреманием уныния мя сон греховный, Отроковице, постиже, / бодренною молитвою Твоею возставимя к покаянию.
Песнь 6Ирмос: Вбездне греховней валяяся, / неизследную милосердия Твоего / призываю бездну: // от тли, Боже, мя возведи.
В ризу спасения и веселия одежду явственно, кровию твоею обагрившуюся, премудрая Леввино, яко мученица, облеклася еси.
Истекши на земли многочестней крови твоей, была еси исцелений река, страстей изсушая потоки.
Явилася еси прежде конца, славная Леввино, и по Божественней кончине, творя множество чудес, дар Святаго Духа от купели приемши.
Богородичен: Милости Твоея, Богородице, сподоби мя, премилостиваго Слова рождшая, Своею Кровию от тли человеки избавльшаго.
Кондак, глас 4:Добродетельным житием украшена, / непорочно и праведно течение земное совершила еси, Леввино достохвальная, / и Жениху Безсмертному сочеталася еси кончиною страдальческою, / Иже и по смерти нетлением и чудесы светло тя прослави, // и дарова нам в тебе молитвенницу неусыпну о душах наших.
Песнь 7Ирмос: Да преславное рождество Твое, Христе, / еже от Девы прообразиши яве, / неопалимы в пещи отроки сохранил еси, / песньми поющия Тебе: // отцев, Боже, благословен еси.
Крепостию умною, терпением же душевным, ураняему, мученице, твоему телу, непреложна и непреклонна была еси, верою укрепляема Божественною, зовуще: благословен еси, Господи Боже, во веки.
Благочестивое дерзновение имея, добропобедная Леввино, злочестивыя обычаи обличавши, воспевала еси велегласно: благословен еси, Господи Боже, во веки.
Избавится прегрешений ныне моли, Леввино приснославная, верою чтущим твою честную память и поющим велегласно: благословен еси, Господи Боже, во веки.
Богородичен: Тьмою лютою жития объят быв, соскорбящаго и сболезнующаго не обретох: Твоею, Дево, светлостию разреши тьму прегрешений и озари пети Тебе, Благословенная, Яже Бога плотию рождшая.
Песнь 8Ирмос: Пещь иногда огненная в Вавилоне действа разделяше, / Божиим велением халдеи опаляющая, / верныя же орошающая, поющия: // благословите, вся дела Господня, Господа.
Богатство неистощимое исцелений подаде тебе, славная, Христос и вместо достоинства земнаго наследием Царства Небеснаго тя обогати, яко возлюбльшую Его от искренния души; темже моли Его благость не лишити и нас, омраченных, просвещения свыше и части благия святых.
Искапают целебныя струи твоя святыя мощи, Леввино блаженная, имиже орошаеши души наша благодатно и врачуеши телеса наша от недугов многоразличных, яко приимшая от Господа богатыя дары исцелений.
Всесветло, яко солнце, тихое твое лице, мучения радованием явльшееся, яко агница бо непорочна, заклана быв, принеслася еси Богу, Емуже, яко Содетелю, песньми вопияла еси: благословите, вся дела Господня, Господа.
Богородичен: Нетленное Слово, паче слова тления нас всякаго избавляюща, родила еси, сего ради Тя вси, Дево, славим.
Песнь 9Ирмос: Безначальна Родителя Сын, Бог и Господь, / воплощься от Девы нам явися, / омраченная просветити, / собрати расточенная: // тем всепетую Богородицу величаем.
Милостива быти моли Владыку верою тя чтущим и твой светоносный и честный праздник совершающим, Леввино достохвальная, мучеников украшение.
Славу мимотекущую, и тленную, и попираемую презрев, Богомудрая мученице, присносущныя ныне славы и радости воистинну наслаждаешися, Престолу Владычнему предстоя.
Свещеносица предстала еси Спасу всех, идеже мучеников собори, идеже всех святых упокоися множество, идеже праведных дуси, идеже Церковь перворожденных, ныне на Небесех вселилася еси воистинну яко мученица, о Леввино достоблаженная!
Богородичен: Глас Тебе ангелов, Пречистая, вопием: радуйся, спасение всех человеков и славных мученик Божественное венчание.
Светилен:Предстояще ныне Трисиянному Великому Свету и пребывающе в неизреченней светлости со всеми святыми, добрая мученице Леввино, помяни всех нас, память твою светоносно совершающих.
Слава, и ныне, Богородичен:Света Превечнаго родила еси нам, Христа, Бога нашего, Пречистая Дево, избавльшаго весь мир от лести диавола. Темже молим Тя: не престай молящи, да подаст нам милость Свою в День Судный.
На хвалитех стихиры, глас 8:Приидите, мучениколюбцы, / песньми хвалебными прославим добропобедную мученицу, / светильник души своея вжегшую / и сретившую Христа в багрянице страданий своих. / Ейже с любовию возопиим: / всеславная и чудная Леввино, / моли грехов оставление даровати // празднующим честную память твою.
Христа Спаса всем сердцем возлюбивши / и свещу твою светло украсивши, / добродетельми просияла еси, славная Леввино. / Темже возшла еси в Небесный чертог / и, венец страдания приимши, / от бед избави нас, // совершающих памятьтвою.
Глаголом внимающи сладким, / достославная Леввино, / Божественнаго и Всесвятаго Духа, / горесть всяку плотских страстей оставила еси / и смертию к безсмертней славе преминула еси, // Христа молящи всем даровати велиюмилость.
Уязвися, Христе, любовию Твоею сладкою Леввина премудрая / и страдания славно претерпевает, Слове Божий, / темже к неболезненному преставляется наслаждению, / яко нескверна и нетленна. // Тоя молитвами даруй всем, Господи, велию милость.
Слава, глас тойже:Да торжествует Церковь Твоя, Христе, / украшенная сонмом славных мучеников, / жизнь свою Тебе предавших / и от Тебе живот вечный получивших; / их молитвами, Долготерпеливе Человеколюбче Господи, // в правоверии нас сохрани до скончания века.
И ныне, глас тойже:Владычице, приими молитвы раб Твоих / и избави нас // от всякия нужды и печали.
Славословие великое и отпуст.
НА ЛИТУРГИИБлаженны от канона, песнь 3-я и 6-я.
Прокимен, глас 4: Святым, иже суть на земли Его, / удиви Господь вся хотения своя в них. Стих: Презрех Господа предо мною выну, яко одесную мене есть, да не подвижуся.
Апостол к Галатом, зачало 214.
Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит я Господь.
Евангелие от Иоанна, зачало 51.
Причастен: Радуйтеся, праведнии, о Господе, правым подобает похвала.
МОЛИТВАО, достохвальная и премудрая мученице Леввино! Ныне почитающе святую память твою, к тебе мы, грешнии и недостойнии, усердно прибегаем и во умилении сердец наших молимся. Ты паче всех благ земных Сладчайшаго Господа Иисуса Христа возлюбила еси и Тому чрез все житие верно последовала еси, Божественною благодатию душу свою питающи. Испроси убо и нам благодать, просвещающую нас, да ею осеняеми, в вере и благочестии, в подвизех целомудрия и любви преуспевати будем и Христу в ближних Его служити неленостно потщимся. Моли убо Спаса нашего, да сподобит и нас странствие наше земное непреткновенно совершити, и в мире и покаянии житие наше проводити, да тако на земли поживше, вечныя и блаженныя жизни на небеси сподобимся, и тамо с тобою и со всеми святыми вкупе восхвалим Троицу Единосущную и Нераздельную, и воспоем Едино Божество и Царство, Отца и Сына и Святаго Духа во веки веков. Аминь.
СЛУЖБА
святой мученице Леввине Сассексской
НА ВЕЛИЦЕЙ ВЕЧЕРНИ
На Господи, воззвах: стихиры, глас 4:Плод красный сеяния евангельскаго, / в Сассексской земли прозябший, / явилася еси, достославная Леввино, / от благородства земнаго прешла еси к страдальческому житию / и претерпела еси муки веры ради, / мечным усечением вселилася еси в Небесныя житницы, // и тамо процветши, молишися о душах наших.
Райскую доброту богатно зриши / и довольно пожинаеши нетления класы, / иже процветоша мирови духовне. / Ихже причащающеся, тя почитаем, Леввино славная, / тем и всечестную память твою празднующе, молим: / сотвори мольбы о нас, // иже верою тя славящих всегда.
Одеяна в порфиру, от твоих крове обагрену, славная Леввино, / и победы царственным венцем живоначальною рукою увязена, / на Небесех живеши, сцарствуя Христу Всещедрому. / Темже тя ублажаем, яко истинную мученицу, // и Слова служительницу, и веры утверждение.
Мощей твоих рака, Леввино Богомудрая, / всех собирает и, богатно имеющи исцеление, / всем подает, верою притекающим к тебе, всеблаженная дево. // Непрестанно моли о нас, еже спасти души наша.
Слава, глас 1:Страстотерпческое торжество, вернии, / богомудренне совершаемо видяще, / чудному в советех Богу нашему / благодарственное пение воспоим. / Ибо невидимую державу сопротивныя силы / в женском естестве победи / и Божественную Свою силу / в немощи совершив добрыя мученицы, // тоя молитвами спасает души наша.
И ныне, Догматик, глас тойже: Всемирную славу:
Вход. Прокимен дне и чтения.
Пророчества Исаиина чтение (глава 43):Тако глаголет Господь: вси языцы собрашася вкупе и соберутся князи от них. Кто возвестит сия в них или яже от начала, кто слышана сотворит вам? Да приведут свидетели своя и оправдятся, и да услышат, и да рекут истину; будете Ми свидетели, и Аз Свидетель, глаголет Господь Бог, и Отрок, Егоже избрах, да познаете и веруете Ми, и разумеете, яко Аз есмь: прежде Мене не бысть ин бог, и по Мне не будет. Аз есмь Бог, и несть разве Мене спасаяй. Аз возвестих и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь: и несть от рук Моих избавляяй; сотворю, и кто отвратит то? Сице глаголет Господь Бог, избавляяй вас Святый Израилев.
Премудрости Соломони чтение (глава 3):Праведных души в руце Божией, и не прикоснется их мука; непщевани быша во очесех безумных умрети, и вменися озлобление исход их, и еже от нас шествие - сокрушение; они же суть в мире. Ибо пред лицем человеческим аще и муку приимут, упование их безсмертия исполнено; и, вмаленаказани бывше, великими благодетельствовани будут: яко Бог искуси я, и обрете их достойны Себе. Яко злато в горниле искуси их, и яко всеплодие жертвенное прият я. И во время посещения их возсияют, и яко искры по стеблию потекут. Судят языком и обладают людьми, и воцарится Господь в них во веки. Надеющиися Нань разумеют истину, и вернии в любви пребудут Ему; яко благодать и милость в преподобных Его, и посещение во избранных Его.
Премудрости Соломони чтение (главы 5 и 6):Праведницы во веки живут, и в Господе мзда их, и попечение их у Вышняго: сего ради приимут царствие благолепия и венец доброты от руки Господни, зане десницею покрыет я и мышцею защитит их. Приимет всеоружие - рвение Свое, и вооружит тварь в месть врагом. Облечется в броня правды и возложит шлем - суд нелицемерен. Приимет щит непобедимый - преподобие. Поострит же напрасный гнев во оружие; споборет же с Ним мир на безумныя. Пойдут праволучныя стрелы молниины, и, яко от благокругла лука облаков, на намерение полетят. И от каменометныя ярости исполнь падут грады; вознегодует на них вода морская, реки же потопят я нагло. Сопротив станет им дух силы, и, яко вихор, развеет их, и опустошит всю землю беззаконие, и злодейство превратит престолы сильных. Слышите убо, царие, и разумейте; навыкните, судии концев земли. Внушите, держащии множества и гордящиися от народов языков: яко дана от Господа держава вам, и сила от Вышняго.
На стиховне стихиры, глас 2.
Подобен: Доме Евфрафов:Дом Духа Святаго / явилася еси, Леввино славная, / и чистоты вместилище, / спасай нас молитвами твоими, // тя хвалящих любовию.
Стих: Святым, иже суть на земли Его, / удиви Господь вся хотения Своя в них.
Царство Отчее Небесное, / достохвальная Леввино, / наследила еси страданием, / и Христов воистинну чертог, // и свет незаходимый.
Стих: Многи скорби праведным, / и от всех их избавит я Господь.
Велики за Христа подвиги, / мученице Леввино, прошла еси, / благородство души соблюдши / и веру истинную сохраньши. // Темже ныне радуешися.
Слава, глас и подобен тойже:Услыши наша моления, / Леввино, мученице славная, / любовию к тебе прибегающих, / и сердечная подавай прошения / чтущим святую память твою.
И ныне, Богородичен, глас и подобен тойже:Пресвятая Мати Божия, / с лики дев святых / молися из Тебе Воплощенному, / Солнцу Правды, Господу, / спасти и просветити души наша.
На благословении хлебов тропарь святыя дважды и Богородице Дево: единожды.
Тропарь, глас 4:Зарею проповеди евангельския просвещшися, / прелестную оставила еси тьму / и на муки за Христа востекла еси, Леввино славная, / благодатьми исполнившися Святаго Духа. / Темже почитающи страдания твоя, / благодарне тебе вопием: / моли Милостиваго Бога о душах наших.
НА УТРЕНИ
На Бог Господь: тропарь святыя дважды. Слава, и ныне, Богородичен.
По 1-м стихословии седален, глас 2:Подвигом, мученице, добрым подвизався и светлыя венцы приим, Свету предстоиши, просвещаема по причастию Невещественному, тем молим тя: просвети нас молитвами твоими.
Слава, и ныне, Богородичен:Свет, от Света происходяй, во Твою Девичу утробу вниде / и плотию обложися недомысленно и несказанно, / рождеством же Его вся тварь обновися и идольская лесть разорися. / Тем молим Тя, Пречистая: / моли, да спасет души наша.
По 2-м стихословии седален, глас 6:Светлый твой, мученице Леввино, праздник вся созва радостно на трапезу днесь, предложив страданий твоих борения, мужество и противление, имиже насыщшеся, верою тя и любовию ублажаем.
Слава, и ныне, Богородичен:Труждает мя буря греховная / и возмущение безместных помышлений: / умилосердися, Всенепорочная, / и руку помощи, яко Милосердная, простри ми, / да величаю Тя, спасаемый.
Величание:Величаем тя, / страстотерпице святая Леввино, / и чтим честная страдания твоя, // яже за Христа претерпела еси.
Псалом избранный:1. Терпя потерпех Господа, и внят ми, и услыша молитву мою. 2. Бог нам Прибежище и Сила, Помощник в скорбех, обретших ны зело. 1. Многи скорби праведным и от всех их избавит я Господь. 2. Приведутся Царю девы, приведутся в веселии и радовании. 1. Девы да восхвалят имя Господне. 2. Суди ми, Господи, яко аз незлобоюмоею ходих. 1. Искуси мя, Господи, и испытай мя, разжи утробы моя, и сердце мое. 2. Да не погубиши с нечестивыми душу мою. 1. Аз же незлобою моею ходих, избави мя, Господи, и помилуй мя. 2. Нога моя ста на правоте: в церквах благословлю Тя, Господи.
По полиелеи седален, глас 8:Кровь твою, Леввино честная, / якоже алавастр мира, любовию принесла еси Христу, / от Него же возмездие прияла еси, досточудная, / венец Божественный и нетленен, мученице славная. / Темже прияла еси исцелений благодать силою духовною, / и о нас помолися, молимся, // спастися душам нашим.
Слава, и ныне, Богородичен:Тя надежду, прибежище и Предстательницу обретше, вернии, / к Тебе притекаем и прилежно вопием: / помилуй, Богородице, на Тя уповающия / и прегрешений оставление нам испроси / молитвами Твоими, Пречистая.
Таже степенна, 1-й антифон, глас 4.Прокимен, глас 4: Святым, иже суть на земли Его, / удиви Господь вся хотения своя в них.
Стих: Презрех Господа предо мною выну, яко одесную мене есть, да не подвижуся.
Всякое дыхание: Евангелие от Матфея, зачало 36.
По 50-м псалме стихира самогласна, глас 6:Днесь красуется земля Сассексская, / восприявши тело твое, славная Леввино, / днесь память твоя созывает нас, мучениколюбцев, / на хвалу и славу Христу Богу нашему, / в тебе источник чудес нам явльшему. / Темже, притекающе к честным мощем твоим, / исцелений дарования приемлем, / венчавшаго тебе Спаса Христа // с тобою непрестанно славяще.
Канон святыя, глас 2.
Песнь 1Ирмос: Грядите, людие, / поим песнь Христу Богу, / раздельшему море, / и наставльшему люди, яже изведе из работы египетския, // яко прославися.
Христову Престолу ныне предстоя, венценосица, славная мученице Леввино, светоносную мне зарю и благодать с Небесе даждь молитвами твоими.
Умом очищенным преславно зриши, Леввино честная, доброту неизреченную, Христа, всяческих Бога нашего, Егоже моли о чтущих подвиги твоя.
Струями кровей твоих, Леввино добропобедная, невидимыя враги потопила еси победительною десницею Христа, погрузившаго древнего мучителя в воде зельней.
Богородичен: Светлыми лучами Твоего Сына, Богородице, просвети омраченную мою душу, страстей смущение отжени, Твоими, Чистая, ходатайствы.
Песнь 3Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, // и несть праведен паче Тебе, Господи.
Была еси, яко избранна Христова лоза, серпом мучений очищаема и мног плод носящая, в точилех Спасовых приносимая.
Венцы тебе светлы, ураняемо тело, суровством мучителей исходатайствова, Леввино, и пищи райския наслаждение.
Очищение нам испроси, честную твою память совершающим, дерзновение имея, исповеднице Христава Леввино.
Богородичен: Прогоняющее оружие грехи и страсти души моея буди, Дево, и покажи мя, якоже другий рай, безнаветен и соблюден Тобою и приносящий цветы Духа.
Седален, глас 2:Тя, славная и приснопамятная Леввино, звезду Христос возсия земным в земли Сассексской, того ради прелести мрак отгна, и верным благодать Духа возсия. Темже память твою совершающе, верно празднуим и возопиим, глаголюще: всечестная страстоносице, моли Христа Бога грехов оставление даровати празднующим любовию святую память твою.
Слава, и ныне, Богородичен:Пречистыя Твои руце, Дево Мати, простерши, / покрый уповающия на Тя и к Сыну Твоему зовущия: // всем подаждь, Христе, Твоя милости.
Песнь 4Ирмос: Пришел еси от Девы, / не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: // слава силе Твоей, Господи.
Текущия крове токи от твоих удес, треблаженне, / прелести пламень весь погасиша.
Уязвилася еси любовию Божественною яве, всечестная, темже твердо язвы же и болезни лютыя претерпела еси.
Течения кровей твоих многобожия огнь погасиша, мученице Леввино честная, чудес же струи человеков омывают недуги.
Богородичен: Дреманием уныния мя сон греховный, Отроковице, постиже, / бодренною молитвою Твоею возстави мя к покаянию.
Песнь 5Ирмос: Света подателю и веков Творче, Господи, / во свете Твоих повелений настави нас; // разве бо Тебе иного бога не знаем.
Ангелообразныя души красотою и добротою сияя телесною, вышнюю зарю Божественнаго сияния прияла еси, Леввино хвальная, светло и, радуяся, взывала еси: разве бо Тебе иного бога не знаю.
Научена, славная, Богодохновеннаго писания учением, вся ко спасению обрела еси ведущая, Леввино Богомудрая, и пети научала сродный ти язык: разве бо Тебе иного бога не знаю.
Веру тверду и упование к Богу имея, претекла еси жития нестоятельное и, мечем посекаема, блаженная, к пространней широте прешла еси.
Богородичен: Дреманием уныния мя сон греховный, Отроковице, постиже, / бодренною молитвою Твоею возставимя к покаянию.
Песнь 6Ирмос: Вбездне греховней валяяся, / неизследную милосердия Твоего / призываю бездну: // от тли, Боже, мя возведи.
В ризу спасения и веселия одежду явственно, кровию твоею обагрившуюся, премудрая Леввино, яко мученица, облеклася еси.
Истекши на земли многочестней крови твоей, была еси исцелений река, страстей изсушая потоки.
Явилася еси прежде конца, славная Леввино, и по Божественней кончине, творя множество чудес, дар Святаго Духа от купели приемши.
Богородичен: Милости Твоея, Богородице, сподоби мя, премилостиваго Слова рождшая, Своею Кровию от тли человеки избавльшаго.
Кондак, глас 4:Добродетельным житием украшена, / непорочно и праведно течение земное совершила еси, Леввино достохвальная, / и Жениху Безсмертному сочеталася еси кончиною страдальческою, / Иже и по смерти нетлением и чудесы светло тя прослави, // и дарова нам в тебе молитвенницу неусыпну о душах наших.
Песнь 7Ирмос: Да преславное рождество Твое, Христе, / еже от Девы прообразиши яве, / неопалимы в пещи отроки сохранил еси, / песньми поющия Тебе: // отцев, Боже, благословен еси.
Крепостию умною, терпением же душевным, ураняему, мученице, твоему телу, непреложна и непреклонна была еси, верою укрепляема Божественною, зовуще: благословен еси, Господи Боже, во веки.
Благочестивое дерзновение имея, добропобедная Леввино, злочестивыя обычаи обличавши, воспевала еси велегласно: благословен еси, Господи Боже, во веки.
Избавится прегрешений ныне моли, Леввино приснославная, верою чтущим твою честную память и поющим велегласно: благословен еси, Господи Боже, во веки.
Богородичен: Тьмою лютою жития объят быв, соскорбящаго и сболезнующаго не обретох: Твоею, Дево, светлостию разреши тьму прегрешений и озари пети Тебе, Благословенная, Яже Бога плотию рождшая.
Песнь 8Ирмос: Пещь иногда огненная в Вавилоне действа разделяше, / Божиим велением халдеи опаляющая, / верныя же орошающая, поющия: // благословите, вся дела Господня, Господа.
Богатство неистощимое исцелений подаде тебе, славная, Христос и вместо достоинства земнаго наследием Царства Небеснаго тя обогати, яко возлюбльшую Его от искренния души; темже моли Его благость не лишити и нас, омраченных, просвещения свыше и части благия святых.
Искапают целебныя струи твоя святыя мощи, Леввино блаженная, имиже орошаеши души наша благодатно и врачуеши телеса наша от недугов многоразличных, яко приимшая от Господа богатыя дары исцелений.
Всесветло, яко солнце, тихое твое лице, мучения радованием явльшееся, яко агница бо непорочна, заклана быв, принеслася еси Богу, Емуже, яко Содетелю, песньми вопияла еси: благословите, вся дела Господня, Господа.
Богородичен: Нетленное Слово, паче слова тления нас всякаго избавляюща, родила еси, сего ради Тя вси, Дево, славим.
Песнь 9Ирмос: Безначальна Родителя Сын, Бог и Господь, / воплощься от Девы нам явися, / омраченная просветити, / собрати расточенная: // тем всепетую Богородицу величаем.
Милостива быти моли Владыку верою тя чтущим и твой светоносный и честный праздник совершающим, Леввино достохвальная, мучеников украшение.
Славу мимотекущую, и тленную, и попираемую презрев, Богомудрая мученице, присносущныя ныне славы и радости воистинну наслаждаешися, Престолу Владычнему предстоя.
Свещеносица предстала еси Спасу всех, идеже мучеников собори, идеже всех святых упокоися множество, идеже праведных дуси, идеже Церковь перворожденных, ныне на Небесех вселилася еси воистинну яко мученица, о Леввино достоблаженная!
Богородичен: Глас Тебе ангелов, Пречистая, вопием: радуйся, спасение всех человеков и славных мученик Божественное венчание.
Светилен:Предстояще ныне Трисиянному Великому Свету и пребывающе в неизреченней светлости со всеми святыми, добрая мученице Леввино, помяни всех нас, память твою светоносно совершающих.
Слава, и ныне, Богородичен:Света Превечнаго родила еси нам, Христа, Бога нашего, Пречистая Дево, избавльшаго весь мир от лести диавола. Темже молим Тя: не престай молящи, да подаст нам милость Свою в День Судный.
На хвалитех стихиры, глас 8:Приидите, мучениколюбцы, / песньми хвалебными прославим добропобедную мученицу, / светильник души своея вжегшую / и сретившую Христа в багрянице страданий своих. / Ейже с любовию возопиим: / всеславная и чудная Леввино, / моли грехов оставление даровати // празднующим честную память твою.
Христа Спаса всем сердцем возлюбивши / и свещу твою светло украсивши, / добродетельми просияла еси, славная Леввино. / Темже возшла еси в Небесный чертог / и, венец страдания приимши, / от бед избави нас, // совершающих памятьтвою.
Глаголом внимающи сладким, / достославная Леввино, / Божественнаго и Всесвятаго Духа, / горесть всяку плотских страстей оставила еси / и смертию к безсмертней славе преминула еси, // Христа молящи всем даровати велиюмилость.
Уязвися, Христе, любовию Твоею сладкою Леввина премудрая / и страдания славно претерпевает, Слове Божий, / темже к неболезненному преставляется наслаждению, / яко нескверна и нетленна. // Тоя молитвами даруй всем, Господи, велию милость.
Слава, глас тойже:Да торжествует Церковь Твоя, Христе, / украшенная сонмом славных мучеников, / жизнь свою Тебе предавших / и от Тебе живот вечный получивших; / их молитвами, Долготерпеливе Человеколюбче Господи, // в правоверии нас сохрани до скончания века.
И ныне, глас тойже:Владычице, приими молитвы раб Твоих / и избави нас // от всякия нужды и печали.
Славословие великое и отпуст.
НА ЛИТУРГИИБлаженны от канона, песнь 3-я и 6-я.
Прокимен, глас 4: Святым, иже суть на земли Его, / удиви Господь вся хотения своя в них. Стих: Презрех Господа предо мною выну, яко одесную мене есть, да не подвижуся.
Апостол к Галатом, зачало 214.
Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит я Господь.
Евангелие от Иоанна, зачало 51.
Причастен: Радуйтеся, праведнии, о Господе, правым подобает похвала.
МОЛИТВАО, достохвальная и премудрая мученице Леввино! Ныне почитающе святую память твою, к тебе мы, грешнии и недостойнии, усердно прибегаем и во умилении сердец наших молимся. Ты паче всех благ земных Сладчайшаго Господа Иисуса Христа возлюбила еси и Тому чрез все житие верно последовала еси, Божественною благодатию душу свою питающи. Испроси убо и нам благодать, просвещающую нас, да ею осеняеми, в вере и благочестии, в подвизех целомудрия и любви преуспевати будем и Христу в ближних Его служити неленостно потщимся. Моли убо Спаса нашего, да сподобит и нас странствие наше земное непреткновенно совершити, и в мире и покаянии житие наше проводити, да тако на земли поживше, вечныя и блаженныя жизни на небеси сподобимся, и тамо с тобою и со всеми святыми вкупе восхвалим Троицу Единосущную и Нераздельную, и воспоем Едино Божество и Царство, Отца и Сына и Святаго Духа во веки веков. Аминь.