Служба святым преподобномученицам Архелае, Фекле и Сосанне
Четверичная служба святым преподобномученицам девам Архелае, Фекле и Сосанне Салернским (†293) составлена клириком Одесской епархии Украинской Православной Церкви протоиереем Илией Тетерько. Последование публикуется по авторской машинописи, цензурными инстанциями текст не рассматривался.
СЛУЖБА
святым преподобномученицам девам Архелае, Фекле и Сосанне
НА ВЕЧЕРНИ
На Господи, воззвах: стихиры, глас 4:Троицу мучениц, вернии, днесь в песнех священных похвалим, / яко лесть идольскую низложиша, / многобожия огнь испепелиша и демоны посрамиша; / мучителей же ярости не устрашишася, / меча убо и плоти терзаний не убояшася, / доблественно подвизавшеся добре, / Архелая, Фекла и Сосанна славныя, // явльшеся мучеников слава, купно и похвала.
Девства добротою просияли есте, / и мученичества венцем украсилися есте, / в мужество женство добродетельми преложивши любовию Христовою, / Архелае, Фекло и Сосанно всечестныя, / о нас Христа Бога молите, // даровати нам мир и велию милость.
Божия жилища были есте, / страстей бо мрак пощением умаливши, / мученически показалися есте во страданиих славныя, / девы достоблаженныя и Богомудрыя, / о Церкви, о мире Христа молите, // даровати нам мир и велию милость.
Слава, глас тойже:Вашу достославную память совершающе, / любовию почитающии вас, девы преподобныя, поем Христа, / вас ради подающаго крепость исцелений, // Емуже всегда молитеся о всех нас.
И ныне, Богородичен, глас тойже:Едина истинная христиан Покровительнице, / Дево Марие Богородице, / всяких лютых обстояний, / бед и скорбей и болезней нас избави // и молитвами Твоими спаси души наша.
На стиховне стихиры Октоиха.
Слава, святых, глас 2:За Троицу терпеливно страдальчествовавшия, / многокозненнаго врага победисте, / трие девы честныя, / Архелае, Фекло и Сосанно; / темже водвористеся в Небесном, страстотерпицы, чертозе, / и со Ангелы Всецарю в веселии непрестанно предстоите / о нас моляще Владыку Христа, // во еже спасти души наши.
Тропарь, глас 4:Мечем скончаваеми, девы преподобныя, / посекосте идольское неистовство / и, свещу неугасшу душевную соблюдше, / внидосте со Христом в Небесный чертог, / чудесными же искрами страсти пожгосте, / страстоносицы честныя Архелае, Фекло и Сосанно, / демонов же полки страдальчески победисте / и ныне Христу Спасу молитеся, // во еже спастися душам нашим.
НА УТРЕНИ
Канон, глас 2.
Песнь 1Ирмос: Грядите, людие, / поим песнь Христу Богу, / раздельшему море, / и наставльшему люди, яже изведе из работы египетския, // яко прославися.
Плотскою немощию сильнаго врага низложисте и присвоистеся к Богу, преподобныя жены, молящеся, силу нам всем подати спасительну.
Крепко на противнаго подвизастеся, мученцы, пощением первее, таже второе кровными страдании: сего ради вашу память верою почитаем.
Уязвившеся желанием претерпевшаго нас ради Крест и смерть, сего стопам последоваша, преподобныя мученцы, плотскую немощь забывше.
Богородичен: Укрепившеся благодатию Возсиявшаго, Пренепорочная, из ложесн твоих, девы отроковицы приразишася к болезнем мучения, и приведошася во след тебе радующеся.
Песнь 3Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, // и несть праведен паче Тебе, Господи.
Силою крепкою от Бога укрепляеми, противнаго борца попраша силу: и сего ради яко победоносицы непобедимии прославишася.
Явишася зверина зияния бездельна, Божественною силою Христовою: и избавлены бысте Богомудрии девы невреждены, Бога прославляюще.
Мудростию и благодатию просвещься ум ваш, мучителей прещения не устрашистеся, страстотерпицы Спасовы, Архелае, Фекло и Сосанно, Божиею силою укрепляеми.
Богородичен: Разумевше благоверно, проповедаем тебе истинную Божию Матерь Всенепорочную: Тобою бо с нами Зиждитель совокупитися изволи.
Седален, глас 1:Чудес вас источники стяжавше, почерпаем здравие обильно, мученцы прехвальнии, поюще болезни ваша, и ревность Божественную, и
язвы доблественныя и подвиги: и совершаем вашу досточудную память в славу Бога нашего.
Слава, и ныне, Богородичен:Молитвы Твоих раб приими, Богородице, и избави нас от всякия беды: яко родила еси Христа Спаса, Избавителя душ наших.
Песнь 4Ирмос: Пришел еси от Девы, / не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: // слава силе Твоей, Господи.
Доброту пречистую любимаго Жениха своего видят преподобныя жены, увядивше плотскую красоту воздержанием.
Светлое ваше празднество, Архелае славная, Фекло всечестная и Сосанна чудная, светом Божия Духа сияющее, озаряет души наша, верою чтущих вас, преподобныя.
Мучениц блаженных подвигу удивишася Небесныя силы, како врага победиша в женстем естестве, укрепляеми силою от Девы Возсиявшаго.
Богородичен: Воплотившагося Тебе, Господи, от Пречистыя Девы, преподобныя возлюбивше, в воню мира Твоего потекоша, твоею уязвившеся Божественною любовию.
Песнь 5Ирмос: Света подателю и веков Творче, Господи, / во свете Твоих повелений настави нас; // разве бо Тебе иного бога не знаем.
Отвергше мирскую всю суету, Богу единому всею душею прилепистеся. Темже постническия труды и мучения претерпесте, невесты Христовы терпеливыя.
Яко агницы непорочныя и яко жертвы приятныя, Христу истинному пастырю принесостеся, приношения совершена, и приятна всесожжения.
Умертвившеся телом, ожисте душею, умертвившему крепость смертную, Крест, и смерть, и страсть вольную претерпевшему Христу, девы мученицы, подобящеся.
Богородичен: Воздвигни мя падшаго в рове страстей, и управимя яже Бога и правителя рождшая, едина Всенепорочная, совокупившаго благодатию разстоящияся первее.
Песнь 6Ирмос: В бездне греховней валяяся, / неизследную милосердия Твоего / призываю бездну: // от тли, Боже, мя возведи.
Недуги решаще вся силою Святаго Духа, отгоните болезненный мрак зарями преславными чудес ваших, и к великому свету Небеснаго Царствия верных наставляете, всечестныя.
Умертвившеся мирови, наследовасте жизнь безсмертную: и чертога Божественнаго сподобистеся, богоблаженныя, светильницы ваша постническим елеем неугасимы соблюдше, всечестныя.
О маловременней и тлеющей небрегше жизни, сущим на земли оставльше сию, связастеся любовию духовною, Архелае, Фекло и Сосанно блаженныя, темже ныне водворяетеся, идеже праведных селения.
Богородичен: Предстательницу тя живота вем, и хранительницу тверду, Дево, и напастей решащу молвы, и налоги бесов отгоняющу: и молюся всегда, от тли страстей моих избавити мя.
Кондак, глас 6:Страстотерпиц Христовых память празднуим, / и верою просяще помощи, / избавитися всем от всякия скорби, зовуще: / Бог наш с нами, // иже сих прославивый, якоже изволи.
Икос:Чудес вас источники стяжавше, почерпаем здравие обильно, мученцы Христовы Архелае, Фекло и Сосанно, почитающе болезни ваша, и ревность Божественную, и язвы доблественныя и подвиги, и совершаем вашу досточудную память, зовуще: Бог наш с нами, иже сих прославивый, якоже изволи.
Песнь 7Ирмос: Телу златому премудрыя дети не послужиша, / и в пламень сами поидоша, / и боги их обругаша, / среди пламене возопиша, и ороси я Ангел: // услышася уже уст ваших молитва.
Един имуще разум в телесех мнозех, различными ранами стружеми, единаго всех Господа Иисуса исповедаху, Богомудрии.
Имуще очи сердечныя, ко Спасающему Богу же и Царю, агницы Христовы внидоша ко всяческим злокозненным полком, и победиша мужески, вопиюще: благословен Бог отец наших.
Все желание стяжавше, мученицы, ко единому Владыце, житейския красоты яко сон вменисте, вопиюще: благословен Бог отец наших.
Да не уныем, се отверзеся чертог, но паче станем мужески: Христос бо венцы простирает, и телес своих не пощадим, вопияху доблия мученицы на судищи.
Богородичен: Благословен плод Благословеннаго чрева Твоего, Чистая: егоже благословят Небесныя силы и человечестии собори, избавльшаго нас от первыя клятвы, Благословенная.
Песнь 8Ирмос: Пещь иногда огненная в Вавилоне действа разделяше, / Божиим велением халдеи опаляющая, / верныя же орошающая, поющия: // благословите, вся дела Господня, Господа.
Во светлыя одежды себе кровию мучения одеясте, совлекшеся воистинну истлевшаго грехи человека, воспевающе: Господа пойте, дела, и превозносите Его во веки.
Богатаго света светолитии, солнца мысленнаго Божественными светлостьми, мученцы прехвальнии Архелае, Фекло и Сосанно, нощь преидосте безбожия, поюще во единстве души: Господа воспевайте, дела, и превозносите Его во веки.
Яко агницы, и яко нескверныя юницы, яко Божия голубицы, яко самовольныя жертвы, принесостеся, мученцы, Зиждителю, яко жертва непорочная, согласно поюще: Господа пойте, дела, и превозносите Его во веки.
Богородичен: Во след Тебе текоша жены страстотерпицы, мира благоуханнаго желающе, Пречистая Богоневесто, едина Неискусобрачная, Возсиявшаго из чрева Твоего, единочаднаго Твоего Сына, и с Тобою царствуют, воистинну песнословяще Христа во веки.
Песнь 9Ирмос: Безначальна Родителя Сын, Бог и Господь, / воплощься от Девы нам явися, / омраченная просветити, / собрати расточенная: // тем всепетую Богородицу величаем.
Устранивше себе житейских сластей, терпением болезней постнических, на землю сошедшаго нас ради Спаса и Господа, девы честныя Архелае, Фекло и Сосанно, сего ради стяжасте на Небесех нетленный венец.
Подавают исцеления требующим капли кровей ваших, яко от источника, преславныя мученцы, утоляют страсти болезненныя, и бесов прогоняют полки: сердца же Боголюбивых напояют на благоплодие Божиих дел.
Память вашу, страстотерпицы и девы Богомудрыя, Архелае, Фекло и Сосанно, Божественными сияющи световидными благодатьми, помышление просвещает похваляющих вас.
Богородичен: Премудрости селение, паче ума лучши показалася еси, Дево непорочная, одушевлен же Престол и дверь: темже яко Царицу тя жены возлюбиша, девы во след Тебе приведошася.
Светилен, глас 2:Совершающих любовию молебную вашу память, преподобнии и всечестнии мученицы, к Богу Избавителю молитвами вашими от всяких бед спасите: и мне душевную скверну, мало вас воспевшаго, омыйте.
Слава, и ныне, Богородичен:Света Превечнаго родила еси нам, Христа, Бога нашего, Пречистая Дево, избавльшаго весь мир от лести диавола. Темже молим Тя: не престай молящи, да подаст нам просвещение и велию милость.
МОЛИТВАО равноангельныя и всеславныя девы, Архелае, Фекло и Сосанно, предстательницы наши милостивыя! Призрите с высоты небесныя на нас, любовию почитающих святую память вашу и призывающих вас в помощь, вонмите гласу моления нашего и умолите Возлюбившаго вас Христа Бога, да милостив будет нам, просящим Его благостыню, да подаст нам оставление многих прегрешений наших, да укрепит нас благодатию Своею трезвенно и бодренно шествовати путем святых заповедей Его, христианскую же кончину жития нашего безболезненну, непостыдну, мирну и Божественных Таин причастну да дарует и сподобит нас вселитися во святыя блаженныя Небесныя обители, идеже вы, славныя, со всеми святыми выну радостно славословите Единосущную Троицу: Отца и Сына и Святаго Духа. Аминь.
СЛУЖБА
святым преподобномученицам девам Архелае, Фекле и Сосанне
НА ВЕЧЕРНИ
На Господи, воззвах: стихиры, глас 4:Троицу мучениц, вернии, днесь в песнех священных похвалим, / яко лесть идольскую низложиша, / многобожия огнь испепелиша и демоны посрамиша; / мучителей же ярости не устрашишася, / меча убо и плоти терзаний не убояшася, / доблественно подвизавшеся добре, / Архелая, Фекла и Сосанна славныя, // явльшеся мучеников слава, купно и похвала.
Девства добротою просияли есте, / и мученичества венцем украсилися есте, / в мужество женство добродетельми преложивши любовию Христовою, / Архелае, Фекло и Сосанно всечестныя, / о нас Христа Бога молите, // даровати нам мир и велию милость.
Божия жилища были есте, / страстей бо мрак пощением умаливши, / мученически показалися есте во страданиих славныя, / девы достоблаженныя и Богомудрыя, / о Церкви, о мире Христа молите, // даровати нам мир и велию милость.
Слава, глас тойже:Вашу достославную память совершающе, / любовию почитающии вас, девы преподобныя, поем Христа, / вас ради подающаго крепость исцелений, // Емуже всегда молитеся о всех нас.
И ныне, Богородичен, глас тойже:Едина истинная христиан Покровительнице, / Дево Марие Богородице, / всяких лютых обстояний, / бед и скорбей и болезней нас избави // и молитвами Твоими спаси души наша.
На стиховне стихиры Октоиха.
Слава, святых, глас 2:За Троицу терпеливно страдальчествовавшия, / многокозненнаго врага победисте, / трие девы честныя, / Архелае, Фекло и Сосанно; / темже водвористеся в Небесном, страстотерпицы, чертозе, / и со Ангелы Всецарю в веселии непрестанно предстоите / о нас моляще Владыку Христа, // во еже спасти души наши.
Тропарь, глас 4:Мечем скончаваеми, девы преподобныя, / посекосте идольское неистовство / и, свещу неугасшу душевную соблюдше, / внидосте со Христом в Небесный чертог, / чудесными же искрами страсти пожгосте, / страстоносицы честныя Архелае, Фекло и Сосанно, / демонов же полки страдальчески победисте / и ныне Христу Спасу молитеся, // во еже спастися душам нашим.
НА УТРЕНИ
Канон, глас 2.
Песнь 1Ирмос: Грядите, людие, / поим песнь Христу Богу, / раздельшему море, / и наставльшему люди, яже изведе из работы египетския, // яко прославися.
Плотскою немощию сильнаго врага низложисте и присвоистеся к Богу, преподобныя жены, молящеся, силу нам всем подати спасительну.
Крепко на противнаго подвизастеся, мученцы, пощением первее, таже второе кровными страдании: сего ради вашу память верою почитаем.
Уязвившеся желанием претерпевшаго нас ради Крест и смерть, сего стопам последоваша, преподобныя мученцы, плотскую немощь забывше.
Богородичен: Укрепившеся благодатию Возсиявшаго, Пренепорочная, из ложесн твоих, девы отроковицы приразишася к болезнем мучения, и приведошася во след тебе радующеся.
Песнь 3Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, // и несть праведен паче Тебе, Господи.
Силою крепкою от Бога укрепляеми, противнаго борца попраша силу: и сего ради яко победоносицы непобедимии прославишася.
Явишася зверина зияния бездельна, Божественною силою Христовою: и избавлены бысте Богомудрии девы невреждены, Бога прославляюще.
Мудростию и благодатию просвещься ум ваш, мучителей прещения не устрашистеся, страстотерпицы Спасовы, Архелае, Фекло и Сосанно, Божиею силою укрепляеми.
Богородичен: Разумевше благоверно, проповедаем тебе истинную Божию Матерь Всенепорочную: Тобою бо с нами Зиждитель совокупитися изволи.
Седален, глас 1:Чудес вас источники стяжавше, почерпаем здравие обильно, мученцы прехвальнии, поюще болезни ваша, и ревность Божественную, и
язвы доблественныя и подвиги: и совершаем вашу досточудную память в славу Бога нашего.
Слава, и ныне, Богородичен:Молитвы Твоих раб приими, Богородице, и избави нас от всякия беды: яко родила еси Христа Спаса, Избавителя душ наших.
Песнь 4Ирмос: Пришел еси от Девы, / не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: // слава силе Твоей, Господи.
Доброту пречистую любимаго Жениха своего видят преподобныя жены, увядивше плотскую красоту воздержанием.
Светлое ваше празднество, Архелае славная, Фекло всечестная и Сосанна чудная, светом Божия Духа сияющее, озаряет души наша, верою чтущих вас, преподобныя.
Мучениц блаженных подвигу удивишася Небесныя силы, како врага победиша в женстем естестве, укрепляеми силою от Девы Возсиявшаго.
Богородичен: Воплотившагося Тебе, Господи, от Пречистыя Девы, преподобныя возлюбивше, в воню мира Твоего потекоша, твоею уязвившеся Божественною любовию.
Песнь 5Ирмос: Света подателю и веков Творче, Господи, / во свете Твоих повелений настави нас; // разве бо Тебе иного бога не знаем.
Отвергше мирскую всю суету, Богу единому всею душею прилепистеся. Темже постническия труды и мучения претерпесте, невесты Христовы терпеливыя.
Яко агницы непорочныя и яко жертвы приятныя, Христу истинному пастырю принесостеся, приношения совершена, и приятна всесожжения.
Умертвившеся телом, ожисте душею, умертвившему крепость смертную, Крест, и смерть, и страсть вольную претерпевшему Христу, девы мученицы, подобящеся.
Богородичен: Воздвигни мя падшаго в рове страстей, и управимя яже Бога и правителя рождшая, едина Всенепорочная, совокупившаго благодатию разстоящияся первее.
Песнь 6Ирмос: В бездне греховней валяяся, / неизследную милосердия Твоего / призываю бездну: // от тли, Боже, мя возведи.
Недуги решаще вся силою Святаго Духа, отгоните болезненный мрак зарями преславными чудес ваших, и к великому свету Небеснаго Царствия верных наставляете, всечестныя.
Умертвившеся мирови, наследовасте жизнь безсмертную: и чертога Божественнаго сподобистеся, богоблаженныя, светильницы ваша постническим елеем неугасимы соблюдше, всечестныя.
О маловременней и тлеющей небрегше жизни, сущим на земли оставльше сию, связастеся любовию духовною, Архелае, Фекло и Сосанно блаженныя, темже ныне водворяетеся, идеже праведных селения.
Богородичен: Предстательницу тя живота вем, и хранительницу тверду, Дево, и напастей решащу молвы, и налоги бесов отгоняющу: и молюся всегда, от тли страстей моих избавити мя.
Кондак, глас 6:Страстотерпиц Христовых память празднуим, / и верою просяще помощи, / избавитися всем от всякия скорби, зовуще: / Бог наш с нами, // иже сих прославивый, якоже изволи.
Икос:Чудес вас источники стяжавше, почерпаем здравие обильно, мученцы Христовы Архелае, Фекло и Сосанно, почитающе болезни ваша, и ревность Божественную, и язвы доблественныя и подвиги, и совершаем вашу досточудную память, зовуще: Бог наш с нами, иже сих прославивый, якоже изволи.
Песнь 7Ирмос: Телу златому премудрыя дети не послужиша, / и в пламень сами поидоша, / и боги их обругаша, / среди пламене возопиша, и ороси я Ангел: // услышася уже уст ваших молитва.
Един имуще разум в телесех мнозех, различными ранами стружеми, единаго всех Господа Иисуса исповедаху, Богомудрии.
Имуще очи сердечныя, ко Спасающему Богу же и Царю, агницы Христовы внидоша ко всяческим злокозненным полком, и победиша мужески, вопиюще: благословен Бог отец наших.
Все желание стяжавше, мученицы, ко единому Владыце, житейския красоты яко сон вменисте, вопиюще: благословен Бог отец наших.
Да не уныем, се отверзеся чертог, но паче станем мужески: Христос бо венцы простирает, и телес своих не пощадим, вопияху доблия мученицы на судищи.
Богородичен: Благословен плод Благословеннаго чрева Твоего, Чистая: егоже благословят Небесныя силы и человечестии собори, избавльшаго нас от первыя клятвы, Благословенная.
Песнь 8Ирмос: Пещь иногда огненная в Вавилоне действа разделяше, / Божиим велением халдеи опаляющая, / верныя же орошающая, поющия: // благословите, вся дела Господня, Господа.
Во светлыя одежды себе кровию мучения одеясте, совлекшеся воистинну истлевшаго грехи человека, воспевающе: Господа пойте, дела, и превозносите Его во веки.
Богатаго света светолитии, солнца мысленнаго Божественными светлостьми, мученцы прехвальнии Архелае, Фекло и Сосанно, нощь преидосте безбожия, поюще во единстве души: Господа воспевайте, дела, и превозносите Его во веки.
Яко агницы, и яко нескверныя юницы, яко Божия голубицы, яко самовольныя жертвы, принесостеся, мученцы, Зиждителю, яко жертва непорочная, согласно поюще: Господа пойте, дела, и превозносите Его во веки.
Богородичен: Во след Тебе текоша жены страстотерпицы, мира благоуханнаго желающе, Пречистая Богоневесто, едина Неискусобрачная, Возсиявшаго из чрева Твоего, единочаднаго Твоего Сына, и с Тобою царствуют, воистинну песнословяще Христа во веки.
Песнь 9Ирмос: Безначальна Родителя Сын, Бог и Господь, / воплощься от Девы нам явися, / омраченная просветити, / собрати расточенная: // тем всепетую Богородицу величаем.
Устранивше себе житейских сластей, терпением болезней постнических, на землю сошедшаго нас ради Спаса и Господа, девы честныя Архелае, Фекло и Сосанно, сего ради стяжасте на Небесех нетленный венец.
Подавают исцеления требующим капли кровей ваших, яко от источника, преславныя мученцы, утоляют страсти болезненныя, и бесов прогоняют полки: сердца же Боголюбивых напояют на благоплодие Божиих дел.
Память вашу, страстотерпицы и девы Богомудрыя, Архелае, Фекло и Сосанно, Божественными сияющи световидными благодатьми, помышление просвещает похваляющих вас.
Богородичен: Премудрости селение, паче ума лучши показалася еси, Дево непорочная, одушевлен же Престол и дверь: темже яко Царицу тя жены возлюбиша, девы во след Тебе приведошася.
Светилен, глас 2:Совершающих любовию молебную вашу память, преподобнии и всечестнии мученицы, к Богу Избавителю молитвами вашими от всяких бед спасите: и мне душевную скверну, мало вас воспевшаго, омыйте.
Слава, и ныне, Богородичен:Света Превечнаго родила еси нам, Христа, Бога нашего, Пречистая Дево, избавльшаго весь мир от лести диавола. Темже молим Тя: не престай молящи, да подаст нам просвещение и велию милость.
МОЛИТВАО равноангельныя и всеславныя девы, Архелае, Фекло и Сосанно, предстательницы наши милостивыя! Призрите с высоты небесныя на нас, любовию почитающих святую память вашу и призывающих вас в помощь, вонмите гласу моления нашего и умолите Возлюбившаго вас Христа Бога, да милостив будет нам, просящим Его благостыню, да подаст нам оставление многих прегрешений наших, да укрепит нас благодатию Своею трезвенно и бодренно шествовати путем святых заповедей Его, христианскую же кончину жития нашего безболезненну, непостыдну, мирну и Божественных Таин причастну да дарует и сподобит нас вселитися во святыя блаженныя Небесныя обители, идеже вы, славныя, со всеми святыми выну радостно славословите Единосущную Троицу: Отца и Сына и Святаго Духа. Аминь.