Акафист преподобной Софии Клисурской
Акафист преподобной Софии Клисурской написан клириком г. Одессы протоиереем Андреем Николаиди к принесению 6 мая 2017 г. части святых мощей блаженной в Свято-Ильинский мужской монастырь г. Одессы. Гимн публикуется по авторской машинописи; цензурными инстанциями текст пока не рассматривался. Инципиты строф с икоса 1 по икос 12 образуют азбучный акростих.
Акафист святой блаженной и преподобной матери нашей Софии Клисурской
Кондак 1Избранной Небесным Царем во еже светом благочестия осветити землю нашу и образ святости явити, Софии блаженной днесь похвалу составити дерзаем и во умилении зовем: Радуйся, блаженная мати Софие, преславная молитвеннице о душах наших.
Икос 1Ангельски на земли поживши и всякия поправшее бесовския злоухищренныя соблазны, Небесным сочиталася еси ликом и ныне у Престола Божия молитву возносиши о всех, песньми сицевыми тя почитающих:
Радуйся, старице всеблаженная;
радуйся, благодатию Божиею всеосененная.
Радуйся, образ жития праведнаго верным явившая;
радуйся, искушения вражия молитвою твоею поправшая.
Радуйся, благословением матерним нас осеняющая;
радуйся, от бед и нестроений нас присно защищающая,
Радуйся, от всякаго дела неправеднаго нас отвращающая;
радуйся, на стези правды нас всемудренно наставляющая.
Радуйся, блаженная мати Софие, преславная молитвеннице о душах наших.
Кондак 2Брак твой Творец и всяческих благих Податель благословением небесным утверди и сочета тя в плоть едину со Иорданием преславным, супругом твоим всечестным, с ним же Господа благодаряще, пела еси непрестанно: Аллилуиа.
Икос 2Веселия исполнися сердце твое и любови, Софие всепремудрая, егда во храме яко от руки Вседержителя прияла еси супруга твоего благочестиваго, емуже верность во все житие твое сохранила еси, и сего ради песньми сицевыми ублажаешися:
Радуйся, добродетельным житием просиявшая;
радуйся, венцем всезлатым правды главу свою увенчавшая.
Радуйся, брак свой целомудрием украсившая;
радуйся, лампаду души своея елеем святости исполнившая.
Радуйся, жен христианских во благочестии наставляющая;
радуйся, девиц чистоту до брака хранити увещавающая;
Радуйся, супругом христианским благословение свое подающая;
радуйся, пред Богом за них присно ходатайствующая.
Радуйся, блаженная мати Софие, преславная молитвеннице о душах наших.
Кондак 3Господь помошник мой и Упование мое на Вышняго, - тако взывала еси в скорби, Софие блаженная, его безвременная кончина сына твоего младенца и супруга вселюбезнаго погибель горькая постиже и слезами молитву твою растворяла еси, со гласом плача вопия: Аллилуиа.
Икос 3Древнему подражала еси Иову, егда скорбей нахождение тя постиже, и не похулила еси Господа Твоего, но присно в молитве утешение обретала еси, да и нас научиши скорби молитвою отгоняти и Господа с тобою славити и тя хвалити сице:
Радуйся, мати наша блаженная;
радуйся, наставнице наша всепремудрая.
Радуйся, в Господе сердце свое утвердившая;
радуйся, соблазнов море невредимо пошедшая.
Радуйся, искушений огнь слезами молитвы угасившая;
радуйся, пламя злобы адския смирением своим поправшая.
Радуйся, в скорбех утешение небесное нам подающая;
радуйся, в напастем сущим помощи руку простирающая.
Радуйся, блаженная мати Софие, преславная молитвеннице о душах наших.
Кондак 4Евангельский глас услышала еси, всемудрая, и ко Спасу шествовала еси, иго Его благое подъемше и обрела еси покой душе твоей, в молитве утешение обретающе и непрестанно зовуще: Аллилуиа.
Икос 4Жатву горькую жития вдовичаго пожала еси серпом скорби и обрела еси плод мног воздаяния праведнаго. Тем же, мати блаженна, всякия скорби избави чада твоя духовная, иже ти ублажают пении таковыми:
Радуйся, на Господа упование свое возложившая;
радуйся, от Него Единаго утешения возжелавшая.
Радуйся, радости нетленныя сподобившаяся;
радуйся, скорбь всякую молитвою отгнавшая.
Радуйся, верных от напастей избавляющая;
радуйся, всех нас плодами веры веселящая.
Радуйся, сирым и вдовицам наставнице премудрая;
радуйся, всякую печаль от лица их отъемлющая.
Радуйся, блаженная мати Софие, преславная молитвеннице о душах наших.
Кондак 5Звезда светозарная явилася еси, предивная мати, единоплеменницем твоим, светом евангельским сияющая и посреде мрака гонения надеждою всех просвещающая, непрестанно научая всех молитву творити, вопия: Аллилуиа.
Икос 5Землю достигла еси желаний, Иерусалима горняго, мати блаженная, не имевщая на земли где главы подклонити и водворилася еси в чертозех превыспренных Отца Небеснаго, отечества и дома во временнем житии лишенная, темже воспеваем тя, глаголюще:
Радуйся, Христа ради гонение претерпевшая;
радуйся, крест стадания за веру безропотно подъявшая.
Радуйся, вместо земных небесная приявшая;
радуйся, вместо тленных нетленныя обретшая.
Радуйся, в небесных чертозех водворяющаяся;
радуйся, райскаго веселия сподобльшаяся.
Радуйся, светом невечерним осиянная;
радуйся, нетленным венцем увенчанная.
Радуйся, блаженная мати Софие, преславная молитвеннице о душах наших.
Кондак 6Избавителю молитву присно возсылающе и на Того все упование свое возлагающе, сподобилася еси, мати, купно со единоплеменники твоими избегнути всякаго злоухищрения агарянскаго и новое отечество обретше, Богородицу восхвалиша и Господу воспеша: Аллилуиа.
Икос 6Икона живая явилася еси, блаженная Софие, и образ воистину жития подвижническаго, всякую бо страсть отвергше, ко Господу шествовала еси и образ Божий обновила еси в сердце своем, сего ради песньми ублажаешися сицевыми:
Радуйся, во мраце неверия свеще веры неугасимая;
радуйся, лампадо, тьму безбожия просвещающая.
Радуйся, сердца верных светом веры озаряющая;
радуйся, кадильнице молитвы благоухающая.
Радуйся, небеснаго вертограда цвете благодатный;
радуйся, саде благочестия, посреде древния Эллады насажденный.
Радуйся, обители Клисурския украшение;
радуйся, всего мира величание.
Радуйся, блаженная мати Софие, преславная молитвеннице о душах наших.
Кондак 7«Коль возлюбленна селения Твоя, Господи сил, желает и скончавается душа моя во дворы Господни», - взывала еси, мати, егда во обители Клисурския упокоение обрела еси, да Господа славиши и о всех православных христианах молитвы Богу приносиши, зовуще: Аллилуиа.
Икос 7Любовь нелицемерную стяжала еси, мати, ко всякому приходящему к тебе. Темже и мы на молитвы твоя уповаем и тя прославляем, глаголюще:
Радуйся, души наша благодатию Божиею просвещающая;
радуйся, сердца наша питием благочестия напояющая.
Радуйся, от адских мучений молитвою твоею нас исхищающая;
радуйся, от рабства страстей предстательством твоим всех избавляющая.
Радуйся, утешение нам присно низпосылающая;
радуйся, благодатные дары от Господа подающая.
Радуйся, росою благодатною нас орошающая;
радуйся, от всякаго зла нас присно ограждающая.
Радуйся, блаженная мати Софие, преславная молитвеннице о душах наших.
Кондак 8Милостивый Господи, помилуй всех нас блаженныя Софии молитвами, да купно с нею возможем пред престолом величествия Твоего стати и дерзновенно со ангели и всеми святыми Тебе воспевати: Аллилуиа.
Икос 8Невечерним светом всерадостным озарен бысть лик твой, мати блаженная, и благодатиею Божиею словеса напоенна, егда глаголаше наставление всем, приходящим к тебе, от греха отвращающи и на путь доброделания наставляющи. Сего ради похвалы сицевыми воспеваху тя чада твоя духовная:
Радуйся, спасения многих взыскавшая;
радуйся, вся любовию объявшая.
Радуйся, всякия правды исполненная;
радуйся, добродетельми светло преукрашенная.
Радуйся, крепкое падающих возведение;
радуйся, право стоящим утверждение.
Радуйся, всесветлое греха попрание;
радуйся, всемощное диавола посрамление.
Радуйся, блаженная мати Софие, преславная молитвеннице о душах наших.
Кондак 9Огнем молитвы возжегла еси сердце твое, мати святая, и во свете его пребывающе, многих просветила еси, наставляюще заповеди Божия непрестанно соблюдати, от грехов отвращатися и непрестанно Господу молитися: Аллилуиа.
Икос 9Плод мног явила еси, Софие блаженная, талант от Господа приятый усердно умножающе, Господеви работающе и душу свою добродетельми украшающе, темже приими от нас пение сицевое:
Радуйся, маслино благоуханная;
радуйся, вертограда Христова розго богоизбранная.
Радуйся, крине, благочестием прозябший;
радуйся, светильниче, благодатию возженнный.
Радуйся, преславный источниче чудотворений;
радуйся, кладезю знамений и исцелений.
Радуйся, звездо пресветлая неба церковнаго;
радуйся, заре дне Господняго невечерняго.
Радуйся, блаженная мати Софие, преславная молитвеннице о душах наших.
Кондак 10.Рцыте во языцех, яко дивна сотвори Господь, внегда дарова нам тя, мати блаженная, яко источник чудес приснотекущий и реку чудотворений. Мы же прияша тобою вся благопотребная ко спасению, умиленно взываем благих Подателю Богу: Аллилуиа.
Икос10Сердце твое яко обитель всеславная явися, Софие всемудрая, благодатию светло украшенное и любовию Божественною преисполненное, всякаго бо приходящаго к тебе не отвергаеши и ко спасению наставляеши, темже приими от нас похвалы сицевая:
Радуйся, Святыя Троицы пречистое селение;
радуйся, ангельскаго жития уподобление.
Радуйся, всесветлое благодати приятелище;
радуйся, благочестия всечудное сокровище.
Радуйся, света невечерняго всерадостное сияние;
радуйся, ликов иноческих украшение.
Радуйся, молитвы учительнице всеблаженная;
радуйся, постников и подвижников наставнице досточудная.
Радуйся, блаженная мати Софие, преславная молитвеннице о душах наших.
Кондак 11Тело твое покорила еси духу и постом попрала еси вселукавая ухищрения сатанинския, мати наша блаженная, темже молитвами твоими и ны настави от греховных страстей отвращатися и убегати суеты мира сего мимоходящаго, да милостию Божиею нетленнаго Царствия сподобимся достигнути, идеже ты в незаходимей славе купно с лики святых поеши: Аллилуиа.
Икос 11Утешение в болезни горькия от Господа прияла еси, Софие блаженная, егда Сама Всемилостивая Владычице купно со архистратигом Михаилом и великомучеником Георгием к тебе приидоша и от немощи телесной свободиша, темже от болезней душевных и телесных молитвами твоими сохрани всех, сице поющих:
Радуйся, пречудное наше заступление;
радуйся, всякия скорби избавление.
Радуйся, от немощей и болезней нас исцеляющая;
радуйся, здравие прославляющим тя обновляющая.
Радуйся, молитвы и ходатайства наша приемлющая;
радуйся, ко Престолу Божию их скоро приносящая.
Радуйся, благодатные дары от Господа подающая;
радуйся, утешение нам присно ниспосылающая.
Радуйся, блаженная мати Софие, преславная молитвеннице о душах наших.
Кондак 12Фиал, дарований Божиих исполненный, вемы тя, мати блаженная, от негоже напояются людие, к тебе притекающия и у святых мощей твоих молитвы своя приносящия, многия бо приемше милости молитвами твоими, тя прославляем и Бога благодаряще поим: Аллилуиа.
Икос 12Хвалите имя Господне, хвалите, раби Господа, яко сподобихомся прияти от Него сокровище всеценное - многоцелебныя мощи блаженныя Софии, от них же благодать изливается всем, воспевающим похвалы таковая:
Радуйся, море Эвксинское освятившая;
радуйся, град Одессу благословившая.
Радуйся, земли нашея похвало и украшение;
радуйся, чудес Христовых всеславное явление.
Радуйся, любви Божия откровение;
радуйся, промысла Его всечудное совершение.
Радуйся, в молитве к Богу предстоящая;
радуйся, о нас Того непрестанно умоляющая.
Радуйся, блаженная мати Софие, преславная молитвеннице о душах наших.
Кондак 13О всеблаженная и богоизбранная мати Софие, Богодарованная нам заступнице и ходатаице, пение наше всеумиленное приими и молитвами твоими от искушений и бед свободи, да, прешедше неврежденно жития сего всебурное море, сподобимся с тобою и со всеми святыми Господу воспевати: Аллилуиа.
Сей кондак глаголи трижды, а затем икос 1 и кондак 1.
МолитваО богоизбранная и всеблаженная мати наша Софие, Понтийския страны всечудное прозябение, Эллады древния преславное украшение, обители Клисурския похвало (монастыря Ильинскаго всечудное сокровище) и всем православным христианом благословенная помошнице и защитнице! Во дни земнаго жития твоего всякия напасти и беды безропотно претерпела еси и за Господом последовала еси всеусердно. Темже и сподобилася еси наследовати жизнь вечную и ныне, пред Престолом Божиим предстояще, благодать обрела еси о чадех твоих молитвы и ходатайства приносити. Сего ради ти припадаем и тепле просим: не остави нас лишенных быти покрова и заступления твоего, настави нас во днех земнаго нашего жития, в скорбех предстани и утешение подаждь, в немощей терпение и ослабу низспосли, во обстояниих настави на путь правый, злокозненныя ухищрения коварнаго человекоубийцы далече отжени, на путь доброделания настави, в вере православней даже до конца пребыти сотвори и путь ко спасению укажи, да сподобимся и мы Царствие Небесное наследовати и купно с тобою и со всеми святыми воспевати, благословити и славословити всесвятое Имя Отца и Сына и Святаго Духа ныне и присно и во веки веков. Аминь.
Акафист святой блаженной и преподобной матери нашей Софии Клисурской
Кондак 1Избранной Небесным Царем во еже светом благочестия осветити землю нашу и образ святости явити, Софии блаженной днесь похвалу составити дерзаем и во умилении зовем: Радуйся, блаженная мати Софие, преславная молитвеннице о душах наших.
Икос 1Ангельски на земли поживши и всякия поправшее бесовския злоухищренныя соблазны, Небесным сочиталася еси ликом и ныне у Престола Божия молитву возносиши о всех, песньми сицевыми тя почитающих:
Радуйся, старице всеблаженная;
радуйся, благодатию Божиею всеосененная.
Радуйся, образ жития праведнаго верным явившая;
радуйся, искушения вражия молитвою твоею поправшая.
Радуйся, благословением матерним нас осеняющая;
радуйся, от бед и нестроений нас присно защищающая,
Радуйся, от всякаго дела неправеднаго нас отвращающая;
радуйся, на стези правды нас всемудренно наставляющая.
Радуйся, блаженная мати Софие, преславная молитвеннице о душах наших.
Кондак 2Брак твой Творец и всяческих благих Податель благословением небесным утверди и сочета тя в плоть едину со Иорданием преславным, супругом твоим всечестным, с ним же Господа благодаряще, пела еси непрестанно: Аллилуиа.
Икос 2Веселия исполнися сердце твое и любови, Софие всепремудрая, егда во храме яко от руки Вседержителя прияла еси супруга твоего благочестиваго, емуже верность во все житие твое сохранила еси, и сего ради песньми сицевыми ублажаешися:
Радуйся, добродетельным житием просиявшая;
радуйся, венцем всезлатым правды главу свою увенчавшая.
Радуйся, брак свой целомудрием украсившая;
радуйся, лампаду души своея елеем святости исполнившая.
Радуйся, жен христианских во благочестии наставляющая;
радуйся, девиц чистоту до брака хранити увещавающая;
Радуйся, супругом христианским благословение свое подающая;
радуйся, пред Богом за них присно ходатайствующая.
Радуйся, блаженная мати Софие, преславная молитвеннице о душах наших.
Кондак 3Господь помошник мой и Упование мое на Вышняго, - тако взывала еси в скорби, Софие блаженная, его безвременная кончина сына твоего младенца и супруга вселюбезнаго погибель горькая постиже и слезами молитву твою растворяла еси, со гласом плача вопия: Аллилуиа.
Икос 3Древнему подражала еси Иову, егда скорбей нахождение тя постиже, и не похулила еси Господа Твоего, но присно в молитве утешение обретала еси, да и нас научиши скорби молитвою отгоняти и Господа с тобою славити и тя хвалити сице:
Радуйся, мати наша блаженная;
радуйся, наставнице наша всепремудрая.
Радуйся, в Господе сердце свое утвердившая;
радуйся, соблазнов море невредимо пошедшая.
Радуйся, искушений огнь слезами молитвы угасившая;
радуйся, пламя злобы адския смирением своим поправшая.
Радуйся, в скорбех утешение небесное нам подающая;
радуйся, в напастем сущим помощи руку простирающая.
Радуйся, блаженная мати Софие, преславная молитвеннице о душах наших.
Кондак 4Евангельский глас услышала еси, всемудрая, и ко Спасу шествовала еси, иго Его благое подъемше и обрела еси покой душе твоей, в молитве утешение обретающе и непрестанно зовуще: Аллилуиа.
Икос 4Жатву горькую жития вдовичаго пожала еси серпом скорби и обрела еси плод мног воздаяния праведнаго. Тем же, мати блаженна, всякия скорби избави чада твоя духовная, иже ти ублажают пении таковыми:
Радуйся, на Господа упование свое возложившая;
радуйся, от Него Единаго утешения возжелавшая.
Радуйся, радости нетленныя сподобившаяся;
радуйся, скорбь всякую молитвою отгнавшая.
Радуйся, верных от напастей избавляющая;
радуйся, всех нас плодами веры веселящая.
Радуйся, сирым и вдовицам наставнице премудрая;
радуйся, всякую печаль от лица их отъемлющая.
Радуйся, блаженная мати Софие, преславная молитвеннице о душах наших.
Кондак 5Звезда светозарная явилася еси, предивная мати, единоплеменницем твоим, светом евангельским сияющая и посреде мрака гонения надеждою всех просвещающая, непрестанно научая всех молитву творити, вопия: Аллилуиа.
Икос 5Землю достигла еси желаний, Иерусалима горняго, мати блаженная, не имевщая на земли где главы подклонити и водворилася еси в чертозех превыспренных Отца Небеснаго, отечества и дома во временнем житии лишенная, темже воспеваем тя, глаголюще:
Радуйся, Христа ради гонение претерпевшая;
радуйся, крест стадания за веру безропотно подъявшая.
Радуйся, вместо земных небесная приявшая;
радуйся, вместо тленных нетленныя обретшая.
Радуйся, в небесных чертозех водворяющаяся;
радуйся, райскаго веселия сподобльшаяся.
Радуйся, светом невечерним осиянная;
радуйся, нетленным венцем увенчанная.
Радуйся, блаженная мати Софие, преславная молитвеннице о душах наших.
Кондак 6Избавителю молитву присно возсылающе и на Того все упование свое возлагающе, сподобилася еси, мати, купно со единоплеменники твоими избегнути всякаго злоухищрения агарянскаго и новое отечество обретше, Богородицу восхвалиша и Господу воспеша: Аллилуиа.
Икос 6Икона живая явилася еси, блаженная Софие, и образ воистину жития подвижническаго, всякую бо страсть отвергше, ко Господу шествовала еси и образ Божий обновила еси в сердце своем, сего ради песньми ублажаешися сицевыми:
Радуйся, во мраце неверия свеще веры неугасимая;
радуйся, лампадо, тьму безбожия просвещающая.
Радуйся, сердца верных светом веры озаряющая;
радуйся, кадильнице молитвы благоухающая.
Радуйся, небеснаго вертограда цвете благодатный;
радуйся, саде благочестия, посреде древния Эллады насажденный.
Радуйся, обители Клисурския украшение;
радуйся, всего мира величание.
Радуйся, блаженная мати Софие, преславная молитвеннице о душах наших.
Кондак 7«Коль возлюбленна селения Твоя, Господи сил, желает и скончавается душа моя во дворы Господни», - взывала еси, мати, егда во обители Клисурския упокоение обрела еси, да Господа славиши и о всех православных христианах молитвы Богу приносиши, зовуще: Аллилуиа.
Икос 7Любовь нелицемерную стяжала еси, мати, ко всякому приходящему к тебе. Темже и мы на молитвы твоя уповаем и тя прославляем, глаголюще:
Радуйся, души наша благодатию Божиею просвещающая;
радуйся, сердца наша питием благочестия напояющая.
Радуйся, от адских мучений молитвою твоею нас исхищающая;
радуйся, от рабства страстей предстательством твоим всех избавляющая.
Радуйся, утешение нам присно низпосылающая;
радуйся, благодатные дары от Господа подающая.
Радуйся, росою благодатною нас орошающая;
радуйся, от всякаго зла нас присно ограждающая.
Радуйся, блаженная мати Софие, преславная молитвеннице о душах наших.
Кондак 8Милостивый Господи, помилуй всех нас блаженныя Софии молитвами, да купно с нею возможем пред престолом величествия Твоего стати и дерзновенно со ангели и всеми святыми Тебе воспевати: Аллилуиа.
Икос 8Невечерним светом всерадостным озарен бысть лик твой, мати блаженная, и благодатиею Божиею словеса напоенна, егда глаголаше наставление всем, приходящим к тебе, от греха отвращающи и на путь доброделания наставляющи. Сего ради похвалы сицевыми воспеваху тя чада твоя духовная:
Радуйся, спасения многих взыскавшая;
радуйся, вся любовию объявшая.
Радуйся, всякия правды исполненная;
радуйся, добродетельми светло преукрашенная.
Радуйся, крепкое падающих возведение;
радуйся, право стоящим утверждение.
Радуйся, всесветлое греха попрание;
радуйся, всемощное диавола посрамление.
Радуйся, блаженная мати Софие, преславная молитвеннице о душах наших.
Кондак 9Огнем молитвы возжегла еси сердце твое, мати святая, и во свете его пребывающе, многих просветила еси, наставляюще заповеди Божия непрестанно соблюдати, от грехов отвращатися и непрестанно Господу молитися: Аллилуиа.
Икос 9Плод мног явила еси, Софие блаженная, талант от Господа приятый усердно умножающе, Господеви работающе и душу свою добродетельми украшающе, темже приими от нас пение сицевое:
Радуйся, маслино благоуханная;
радуйся, вертограда Христова розго богоизбранная.
Радуйся, крине, благочестием прозябший;
радуйся, светильниче, благодатию возженнный.
Радуйся, преславный источниче чудотворений;
радуйся, кладезю знамений и исцелений.
Радуйся, звездо пресветлая неба церковнаго;
радуйся, заре дне Господняго невечерняго.
Радуйся, блаженная мати Софие, преславная молитвеннице о душах наших.
Кондак 10.Рцыте во языцех, яко дивна сотвори Господь, внегда дарова нам тя, мати блаженная, яко источник чудес приснотекущий и реку чудотворений. Мы же прияша тобою вся благопотребная ко спасению, умиленно взываем благих Подателю Богу: Аллилуиа.
Икос10Сердце твое яко обитель всеславная явися, Софие всемудрая, благодатию светло украшенное и любовию Божественною преисполненное, всякаго бо приходящаго к тебе не отвергаеши и ко спасению наставляеши, темже приими от нас похвалы сицевая:
Радуйся, Святыя Троицы пречистое селение;
радуйся, ангельскаго жития уподобление.
Радуйся, всесветлое благодати приятелище;
радуйся, благочестия всечудное сокровище.
Радуйся, света невечерняго всерадостное сияние;
радуйся, ликов иноческих украшение.
Радуйся, молитвы учительнице всеблаженная;
радуйся, постников и подвижников наставнице досточудная.
Радуйся, блаженная мати Софие, преславная молитвеннице о душах наших.
Кондак 11Тело твое покорила еси духу и постом попрала еси вселукавая ухищрения сатанинския, мати наша блаженная, темже молитвами твоими и ны настави от греховных страстей отвращатися и убегати суеты мира сего мимоходящаго, да милостию Божиею нетленнаго Царствия сподобимся достигнути, идеже ты в незаходимей славе купно с лики святых поеши: Аллилуиа.
Икос 11Утешение в болезни горькия от Господа прияла еси, Софие блаженная, егда Сама Всемилостивая Владычице купно со архистратигом Михаилом и великомучеником Георгием к тебе приидоша и от немощи телесной свободиша, темже от болезней душевных и телесных молитвами твоими сохрани всех, сице поющих:
Радуйся, пречудное наше заступление;
радуйся, всякия скорби избавление.
Радуйся, от немощей и болезней нас исцеляющая;
радуйся, здравие прославляющим тя обновляющая.
Радуйся, молитвы и ходатайства наша приемлющая;
радуйся, ко Престолу Божию их скоро приносящая.
Радуйся, благодатные дары от Господа подающая;
радуйся, утешение нам присно ниспосылающая.
Радуйся, блаженная мати Софие, преславная молитвеннице о душах наших.
Кондак 12Фиал, дарований Божиих исполненный, вемы тя, мати блаженная, от негоже напояются людие, к тебе притекающия и у святых мощей твоих молитвы своя приносящия, многия бо приемше милости молитвами твоими, тя прославляем и Бога благодаряще поим: Аллилуиа.
Икос 12Хвалите имя Господне, хвалите, раби Господа, яко сподобихомся прияти от Него сокровище всеценное - многоцелебныя мощи блаженныя Софии, от них же благодать изливается всем, воспевающим похвалы таковая:
Радуйся, море Эвксинское освятившая;
радуйся, град Одессу благословившая.
Радуйся, земли нашея похвало и украшение;
радуйся, чудес Христовых всеславное явление.
Радуйся, любви Божия откровение;
радуйся, промысла Его всечудное совершение.
Радуйся, в молитве к Богу предстоящая;
радуйся, о нас Того непрестанно умоляющая.
Радуйся, блаженная мати Софие, преславная молитвеннице о душах наших.
Кондак 13О всеблаженная и богоизбранная мати Софие, Богодарованная нам заступнице и ходатаице, пение наше всеумиленное приими и молитвами твоими от искушений и бед свободи, да, прешедше неврежденно жития сего всебурное море, сподобимся с тобою и со всеми святыми Господу воспевати: Аллилуиа.
Сей кондак глаголи трижды, а затем икос 1 и кондак 1.
МолитваО богоизбранная и всеблаженная мати наша Софие, Понтийския страны всечудное прозябение, Эллады древния преславное украшение, обители Клисурския похвало (монастыря Ильинскаго всечудное сокровище) и всем православным христианом благословенная помошнице и защитнице! Во дни земнаго жития твоего всякия напасти и беды безропотно претерпела еси и за Господом последовала еси всеусердно. Темже и сподобилася еси наследовати жизнь вечную и ныне, пред Престолом Божиим предстояще, благодать обрела еси о чадех твоих молитвы и ходатайства приносити. Сего ради ти припадаем и тепле просим: не остави нас лишенных быти покрова и заступления твоего, настави нас во днех земнаго нашего жития, в скорбех предстани и утешение подаждь, в немощей терпение и ослабу низспосли, во обстояниих настави на путь правый, злокозненныя ухищрения коварнаго человекоубийцы далече отжени, на путь доброделания настави, в вере православней даже до конца пребыти сотвори и путь ко спасению укажи, да сподобимся и мы Царствие Небесное наследовати и купно с тобою и со всеми святыми воспевати, благословити и славословити всесвятое Имя Отца и Сына и Святаго Духа ныне и присно и во веки веков. Аминь.