Последование святыя Купины, иже во святей горе Синайстей
Как обещал ранее, выкладываю дониконовскую службу Неопалимой Купине. Изначально она не правилась как служба чудотворной иконе (это сугубо русская привязка), это была храмовая служба придела Явления Моисею в Купине соборного храма Синайского монастыря. Напоминаю, что текст воспроизводится по «белокриницкому» календарю на 1995 год, стр. 91-95. Публикуется в дониконовском чтении (во веки веком, радуися и т.д.). Есть вариант с ударениями, желающие могут обращаться.
Последование святыя Купины, иже во святей горе Синайстей
Поется, егда кто произволит, или егда бывает молния страшна
На велицей Вечерни: Блажен муж, антифон 1-ый.
На Господи возвах, стихеры, поставим стихов 8, глас 2-ыи, подобен: Егда от древа.
Приидем днесь с любовию, мыслено к горе Синайстей, и узрим видение великое, иже преже исхожаше из купины, юже видя великий Моисей, како купина горит огнем неопаляема. Разум приносящи неприкосновеннаго Огня, хотящаго родитися по естеству земленому, из Чистыя Девы без истления (дважды).
Пребываеши неопалима, Пречистая во чреве Твоем, приемши Огнь непостоянныи, на Тебе бо преже купина прообразова великое таиньство, тем же пребысть неизменна во опалении. Того ради молим Тя, избави Владычице огня гееньскаго, иже под кров Твой прибегающих.
Пламы страстных искушении, яже завистию сопротивнии вжигают мя. И якоже тиною помазан есмь сквернами моими, но преблагии Господи, угаси словом силы Твоея непобедимыя, мольбами Щедре, Пречистыя Матере Твоея, и Моисея Слове угодника Твоего.
Ины стихеры, глас четвертыи, самогласны.
Радуися Марие Богоневестная, радуися Корень Давыдов, радуися Жезле прозябшии, радуися Граде одушевленныи, радуися Стено необоримая, радуися Мосте всех к Богу приводящая, радуися душевная Владыце Ложнице, радуися едина Пречистая, радуися всем Упование (дважды).
Радуися Марие Богоневестная, радуися безсеменная Земле, Клас прозябшии, радуися отверзшая покаяния путь, радуися падшим исправление, радуися воскресение умершим, радуися Полато, радуися Горо присенная, радуися Свеще, радуися Престоле огненыи Царя Христа, радуися чистоте Сокровище.
Радуися Марие Богоневестная, радуися Двери света чистое одеяние, радуися Главо спасения нашего, радуися апостолом проповедание, радуися мучеником Похвало, радуися исправление пророком Пренепорочная. Радуися постником Крепость. Радуися и миру Радость.
Слава, и ныне, глас вторыи. Прейде сень законная, благодати пришедши. якоже бо купина не сгараше, распалающися, тако и Девая родила есть, и Девою пребысть. В место столпа огненаго, праведное возсия Солнце. В место Моисея Христос, во спасение душам нашим.
Выход. Прокимен, дню. Таже, чтения три.
От Бытия, чтение.
Изыде Ияков от студенца клятвенаго, и иде в Харрань, и обрете место и ста ту: зайде бо солнце. И взят от камения места того, и положи е возглавие себе, и спа на месте том, и сон виде. И се лествица утвержена на земли, ейже глава досязаше до небес, и ангели Божии восхождаху и нисхождаху по ней, Господь же утвержашеся на ней. И рече: Аз Бог Авраамов отца твоего, и Бог Исааков, не бойся: земля идеже ты спиши на ней, тебе дам ю, и семени твоему. И будет семя твое, яко песок земныи. И распространится до моря и до восток, и запад и до севера. И благословятся о тебе вся колена земная, и о семени твоем. И се Аз с тобою, сохраняя тя на всяком пути, аможе аще пойдеши. И возвращу тя в землю сию, яко не имам тебе оставити, дондеже сотворити Ми вся, елика глаголах тебе. И воста Ияков от сна своего, и рече: яко есть Господь на месте сем, аз же не ведех. И убояся, и рече: яко страшно место се; несть се, но дом Божии. И си врата небесная.
От пророчества Иезекиилева, чтение.
Тако глаголет Господь: будет от дне осмаго, и прочее сотворят иереи на олтари всесожжения вашего, и яже спасения вашего. И прииму вы, глаголет Аданаи Господь. И обрати мя на путь врат святых внешних, зрящих на востоки, и сия бяху затворена. И рече Господь ко мне: врата сия затворена будут и не отверзутся, и никто же пройдет сквозе их, яко Господь Бог израилев пройдет ими, и будут затворена, яко Игумен сей сядет в них снести хлеб. По пути Еламьских врат внидет, и по пути его изыдет. И введе мя ко вратом святым, сущим к северу прямо храму. И видех: и се исполнь славы храм Господень.
От премудрости Соломони, чтение.
Премудрость созда Себе храм, и утверди столп седьм. Закла Своя жертвеная, и черпа в чаши Своей вино. И уготова Свою трапезу, посла Своя рабы, созывающи с высоким проповеданием на чашу, глаголющи: иже есть безумен, да уклонится ко Мне. И требующим ума, рече: приидите, ядите Мой хлеб, и пийте вино, еже черпах вам. Оставите безумие, и поживете. Взыщите премудрость, да живи будете, и исправите в свидении разум. Кажаи злыя, приемлет себе бесчестие. Обличаяи же нечестива, поречет себе. Обличение бо нечестивому, мозолие ему. Не обличай злых, да не возненавидят тебе. Обличи премудра, и возлюбит тя. Дай премудру вину, и премудрее будет. Сказай праведному, и приложит приимати. Зачало премудрости, страх Господень, и свет святых разум. А еже разумети закон, помысла есть блага. Сим бо образом много поживеши время, и приложат ти ся лета животу.
На Литии, стихеры самогласны, глас пятыи.
Яко же на руно сниде без шума с небес, Дево во утробу Твою, дождь Божественныи, и спасе изсохшее все человеческое естество Пречистая, и явился еси Моисею в купине, яко Ангел света великаго Вседержителю, Твое от Девы проявляя воплощение Божии Слове, им же нас ознаменав, и на небеса возвел еси.
Яко виде Тя древле Чистая Пресвятая пророк, зрящую дверь к Свету незаходимому, абие Тя позна Божие жилище, и Гору Тя святую присенную, Юже виде прежде Аввакум, из Нея же пройдет Святыи, не удобь видимое рожество, являше от Девы зачатие.
Купину Тя неопалиму, и Гору и Лествицу одушевлену, и Дверь небесную достойно славим, Марие славная, православным похвало, и Тебе бо древле прообразующе купина в Синаи, не опали Девице огню беседовавши. Дева бо родила еси, и Девою пребысть, паче ума Богоневесто.
Нетленна царства восияла еси Скипетро, от корене Иессеова, и раждаеши Отроча безмужно Чистая, Адамова и Давыдова Бога, вкупе и Зиждителя и Господа, яже Ияков предъвиде Дево Лествицу, к небесней высоте нас возводящу, иже во глубину зол поползшихся, тем же Чистую Тя благословим во веки. Радуися Купино неопалимая, радуися Свеще неугасимая, Свет невечернии понесшая, и всякия беды люди избавльшая.
Слава, и ныне, глас той же.
Радуися святая Горо и Богопроходная, радуися одушевленая Купино и неопалимая. Радуися яже едина к Богу мирови мост, преводящи мертвыя вечному животу. Радуися нетленная Отроковице, неискусомужно рождьшая Спасение душам нашим.
На стиховне, стихеры, глас седьмыи.
Явился еси при купине Моисеови Божии Слове, яко Огнь снедаяи, не опаляя же отнюд, еже от Девы прообразуя Твое воплощение, им же человека вообразил еси.
Стих: Слыши Дщи и виждь, и приклони ухо Твое.
Купина Тя проображаше Чистая неопалимая, Огнь бо родила еси непостоянный Дево, Тем же вопию Ти: попали невещественныя ми страсти Обрадованная, и спаси мя.
Стих: Лицу Твоему помолятся, богатии людьстии.
Ковчеже мысленныи, яже нетленную Манну рождьшая миру воистину, Купино неопалимая, посреде нас Дево прииди в час сий, и помилуй нас настоящия беды, и всякия нас измени скверны, иже чисте Тебе ублажающих.
Слава, и ныне, глас той же. Неопальна огневи в Синаи, причащьшаяся купина, Бога показа медленоязычну и гугниву Моисеови, темже поем Тя Владычице: моли спастися нам, яко Ты еси упование на Тя надеющимся, и прибежище душам нашим Богоневестная.
На благословение хлебом, тропарь Богородице (трижды), глас первыи.
Иже во огне показавыи Моисеови, еже во плоти на землю приход Твой, иже законнаго священства Аарону прообразивыи, образом жезла Благодателю Тя рождьшую. Ея же молитвами Христе Боже наш, умири живот наш, яко Человеколюбец.
Аще не творим Бдение, тропарь единощи; таже, Честнейшую херувим, и прочая; и отпуст.
На Утрени, на Бог Господь, тропарь Богородице (трижды).
По 1-й стихологии, седален, глас шестыи.
Упование миру, благая Богородице Дево, Твое единое страшное предстательство подвижем. Умилосердися на люди беднующия, Купино неопалимая, моли Милостиваго Бога, избавится душам нашим от всякаго прещения, едина Благословеная. Слава, и ныне, той же.
По 2-й стихологии, седален, глас пятыи.
Яже о Тебе пророчествия ясполнишася, Пресвятая Дево Чистая. Ов бо Тя пророк Дверь пронарече, к Едему зрящу на восток, Ею же никтоже пройде, но токмо Твой Содетель и всего мира. Ов же Купину огнем горящу, яко в Тя вселися Огнь Божественныи, и неопалима пребысть. Ин Гору святую, от нея же усечеся не руками человеческими, и порази образ мысленаго Навуходоносора. Воистину велие и преславно, еже о Тебе таинство есть Богородице. Тем же Тя славим, Тобою бо бысть спасение душам нашим. Слава, и ныне, той же.
Полиелеос. Припев: Достойно есть. Псалом: Боже суд Твой цареви даждь.
По полиелеосе, седален, глас пятыи.
О! Пресвятая Богородице Дево, безпомощным Помощь, и ненадеющимся Надежда, Ты еси похвала наша и спасение, Богорадованная и Купино неопалимая. О! Небесная Царице, и державная наша Помощнице, посети наша немощи, и сохрани нас милостию Твоею от всякия беды, Владычице, молимтися прилежно, помилуй и спаси нас. Слава, и ныне, той же.
Степенна, антифон первыи, четвертаго гласа.
От юности моея мнози борют мя страсти; но Сам мя заступи, и спаси мя, Спасе (дважды).
Ненавидящии Сиона, посрамятся от Господа; яко трава бо огневи будут изсохшая (дважды).
Святым Духом всяка душа живится, и чистотою возвышается. Светлеется троическим единьством, священно тайно (дважды).
Прокимен, псалом Давыдов (глас 4): Помяну имя Твое, во всяком роде и роде.
Стих: Слыши Дщи и виждь, и приклони ухо твое.
Всяко дыхание да хвалит Господа.
Стих: Хвалите Бога во святых Его, хвалите Его во утвержении сил Его.
Иерей: От Луки святаго Евангелия чтение:
Певцы: Слава Тебе, Господи (поклон).
И, оградившись крестным знамением, слушаем со вниманием благовестие.
Евангелие от Луки, зачало 4.
Во дни оны, воставши Мариам, иде в горняя со тщанием, во град июдов, и вниде в дом Захариин, и целова Елисаветь. И бысть, яко услыша Елисаветь целование Мариино, взыграся младенец во чреве ея. И исполнися Духа Свята Елисаветь, и возопи гласом велиим и рече: благословена Ты в женах, и благословен Плод чрева Твоего. И откуду мне се, да прииде Мати Господа моего ко мне? Се бо яко бысть глас целования Твоего во ушию моею, взыграся младенец радощами во чреве моем. И блажена Веровавшая, яко будет совершение глаголанным Ей от Господа. И рече Мариам: Величит душа Моя Господа, и возрадовася дух Мой о Бозе, Спасе Моем. Яко призре на смирение рабы Своея, се бо от ныне блажат Мя вси роди. Яко сотвори Мне величие Силныи, и свято имя Его. Пребысть же Мариам с нею, яко три месяцы, и возвратися в дом Свой.
Певцы: Слава Тебе, Господи (поклон).
Таже, псалом 50-й: Помилуй мя, Боже:
Таже, пением: Слава Отцу и Сыну и Святому Духу: молитв ради Богородицы, Милостиве очисти множество согрешении наших.
И ныне и присно и во веки веком, аминь: молитв ради Богородицы, Милостиве очисти множество согрешении наших.
Помилуй мя Боже, по велицей милости Твоей, по многим щедротам Твоим, очисти беззакония моя, Боже Спасе мой.
По 50-м псалме, стихера, глас вторыи.
Приидем днесь с любовию, мыслено к горе Синайстей, и узрим видение великое, иже преже исхожаше из купины, юже видя великии Моисей, како купина горит огнем неопаляема, разум приносящи неприкосновеннаго Огня, хотящаго родитися по естеству земленому, из Чистыя Девы без истления.
Канон, ему же краегранесие: страшную похвалу огнеопальныя купины; ирмосы по дважды, а тропари на 12; глас шестыи. Песнь 1-я, ирмос.
Волною морскою, сокрывшаго древле гонителя мучителя, под землею скрыша спасеных дети. Но мы, яко откровица, Господеви поем: славно бо прославися.
Запев: Пресвятая Госпоже Богородице, спаси нас.
Помраченую душу мою Дево, юже омрачих страстными деянии, светлее солнца, яже Славе Мати, просвети, и к свету настави, хвалящих Тя, Всехвальную.
Праотец Дево, вкушением древа, объем терние, Ты же Огнем Божественным попаляеши, Иже в купине Тя Владычице, огне неопально показаему.
Устрашается пророк Моисей в купине видении огня, и удивляется умом Пренепорочная, ибо многоразумием огня Божественнаго Духа, провиде тем неизреченную Твою славу, Дево Мати Божия.
Корень от терния прелестныи, корень затворивыи созданныя вся, изсыхает весь Огнем Божественным, иже купину Тя - Пречистая.
Песнь 3-я, ирмос. Тебе иже на водах повесившаго, всю землю неодержимо, тварь видевши на лобнем висяща, ужасом одержима бе: несть свята, разве Тебе, Господи взывающи.
Яко тернием Всехвальная, попаляеши ереси, рожеством Ти Дево. Купина бо огнем неопально показа, Тебе прообразующи Пречистая, Огнь Непостоянныи родити хотящу, Пренепорочная.
Покланяются полцы ангельстии, видяще огнена начала обстояща, паче естества Тя огненыи предуготован престол, Владычице Пречистая.
Место на немже Ты стоиши есть свято, и неудобь прикасайся зде, глас Божии возва из купины, яко же слыша Моисей. Воста убо, узре сию, Владычице, неопальну.
Гора Синайская божественая, благословися паче всех гор, на нюже сошед, иже огнь положивыи на земли последи, купину паля неопальне. Его же воспеваем, Слова воплощение.
Седален, глас осьмыи, подобен: Премудрости. Духовными лучами предочистився Моисей Боговидец, пророческими Тя купину, огнем неопальну, в Синаи провиде. И стамну и трапезу, образно прописа Рожество Ти, Владычице. Темже исхожения его видения, и мы ныне зряще, богомудрено взываем Ти, Богородице: молися даровати нам, верно покланяющимся Рожеству Твоему (поклон), грехов оставление, и велию милость. Слава, и ныне, той же.
Песнь 4-я, ирмос. Еже на Кресте Твое Божественое смотрение, предъзря Аввакум, дивяся вопияше: Ты сильных ссече державу Благии, приобщаяся сущим во аде, яко Всесилен.
Новотвореное всяческое огненое преже явленое очищение, купине неопальныи огнь испущьши. И Божественнем ныне содержащи естестве, и Сего воспославшии.
Уснув паки Тя провиде Ияков, от земли лествицу возносиму. Моисей же купину Тя виде очевидную, огнепальну, но не опалившу, Владычице.
Увядают пламы естеством воды, и железу огнь, и каменю естество опаляет, купины же не опали. Тебе Благая приемлет разрешение Огню Непостоянному.
Закон смертный извнутрь прободе, иже купине Чистая терн, и гной излияв, иже в купине Божественным Огнем очистися, явльшимся Моисею, Всенепорочная.
Песнь 5-я, ирмос. К Тебе утренюю, милосердия ради в самого падшаго, преложьшуся непреложно, и до страсти безстрастием преклоншуся, Слове Божии, мир подаждь ми, Человеколюбче.
Красен Дево, Тя плод, купина паче естества проявляет, Огнем опаляема, и вся огненая с Солнцем ясно просвещающи, от Тебе бо Огнь облиставши Непостоянныи.
Столп Дево, огненыи Израиля наставляя, к земли обетованней, мы же Огнем купинным, к земли востицаем Тобою, еже о Бозе восприятия.
Солнца лучи, Огнь купины омрачи Дево, Солнце бо славы Чистая, в Тебе посреде купины восия разумно, просвещая создание все.
Синайския горы Боговидцу, паки видение странно зрится паче естества. Купина бо, яже горящи неопально, прозябе Тя цвет, Дево неувядаемыи.
Песнь 6-я, ирмос. Ят бысть, но не удержан в персех китовех Иона, Твой бо образ нося: Пострадавша и погребению дана; яко из чертога, от зверя изшед. Приглашаше же кустодии, иже хранящии суетная и лжу; милость вашу оставили есте.
Изощряется Огнем купинным, ныне секира страстем и клятвам. Паки же ныне куется искушаемым оружие божественное, и ссекает весь, Иже терновныи венец, всякаго возраста преступление, Тобою Владычице.
От Бога погубляема зависть, огнь с небесе Илии испустися, и попали тук законнаго существа. Но купина не опали Тебе, Владычице, Огня сказа Божественнаго в восприятие: выше убо ума, и паче естества не опалися.
Мечтается якоже в клещах Исаия Благая, Угль Божественныи восприимовав Богородительнице, не опалився Непорочная, иже прописа Тя, Пречистая, купину божественную, Владычице.
Ты пламень юным не соделанныи Пречистая, преже огнь вся пояде. Ныне же прохлаждь Тя соделанием, Иже и купину показавыи огне неопальную, и соблюд Тя по рожестве всю целу Владычице, и Огнем не опалившуся Божественным.
Кондак, глас осьмыи, подобен: Возбранной. Предъочистимся и мы Божественно в Дусе, и на гору Синайскую верою взыдем, да видим тамо купину огненосную, Девыя провозвещающу Рожество. И видевше, поклонимся (поклон), вси со страхом вопиюще: радуися Невесто Неневестная.
Икос. Провиде пророк Моисей в Синаи Тя Дево, прежде огнем в неопальной купине, и видению чудному удивися, и ужасеся видя Владычице, носящу Огнь Божественныя славы. Сего ради зовем Ти. Радуися, закону Дателя порождьшая. Радуися, Света миру родившая. Радуися, Купино прохлаждающи разумы верных. Радуися, яко просвещаеши сущия во тме житейстей. Радуися, яко помрачаеши попирателя миру. Радуися, Свету незаходимому Родительнице. Радуися, Огня непостояннаго Приемнице. Радуися, иже Тобою младеньствовав Бог Слово. Радуися, яко Тобою проклинается прелесть. Радуися, Невесто Неневестная.
Песнь 7-я, ирмос. Неизреченное чудо, Иже в пещи избавивыи, преподобныя отроки из пламене, во гробе нове бездушно полагается, на спасение нам поющим: Избавителю Боже благословен еси.
Пламенно окружие ин путь показа Фезвитянину Илии, яко же Огня не опаляюща Пречистая, в купине огнедохновенна явлена проявляя. Яко бо родити сугуба естеством, а не составом, Избавителя поющим: Боже благословен еси.
Свещеносно вседушно приидете, ныне разумно Божественному, иже купины не опали незлобьством, в вере свещи вжегши, глаголюще и поюще: Избавителю Боже благословен еси.
Во огнь вверже беззаконныи, благочестиваго огня служителя Владыце, но невредимы пребыша. Божественный же Огнь купину опаляя, но не опали, яко пети ны ведяща: Избавителю Боже благословен еси.
Оружие ныне Тебе ради плещи дает огненое, Пречистая Владычице, яко Божественный Огнь купину не опаляя; о Тебе учит ны в Дусе Святе, попаляеши бо страсти терновныя поющих: Боже благословен еси.
Песнь 8-я, ирмос. Ужаснися бояися небо, и да подвижатся основания земли, се убо в мертвых вменяется, иже в вышних живыи, и во гробе мале полагается. Его же дети благословите, священнии пойте, и превозносите Его во веки.
Что чудеса Твоя Благая, воспети может? Пламы бо, якоже пишет своих служитель, Купину опаляет преславно, и неопалима показуется, воображающи Рожество Твое, схождением показует.
Обогащьшися Всечистая, Его же полцы огненыя служители во страсе обходят, невозмогающе Сего славы зрети. Вселибося во Твоя чресла, и не опали их, якоже и купину Огнь не опали, Божественное Слово, Чистая.
Под кров Твой, Чистая прибегающе, от всех искушении, и всякия избавляемся скорби, и вечнаго огня, в вере Рожество Ти хваляще, еже неизглаголанно восия Боговидцу, купину горящу всю неопальну.
Купину огнем неопалиму Пречистая, Тя прозря пророк Моисей. Гору же нрисенну, видев Тя боговидно Аввакум. Мы же верно взываем: попали терние страстей наших Дево, и кровом крилу Твоею покрый ны.
Песнь 9-я, ирмос. Не рыдай Мене Мати, зрящи во гробе, Его же во чреве без семене зачала еси Сына. Воскресну бо и прославлюся, и вознесу со славою немолчно, яко Бог, иже верою и любовию Тебе величающия.
С силы небесными, со ангелы и престолы, с херувимы и серафимы, чудо страшное огне неопальныя Купины, воспоем поюще, песнь трисвятую.
Превышьшу и превознесенную пламенных служитель, и огненых престол, страшнаго Царя Матерь воспоем, яко Богородительницу.
Весь распалаюся благодатию Твоею, и любовию Ти приношу похвальную песнь, яко убо моя страсти попали Дево, Огнь Божественныи порождьши.
Суща терния моих страстей попали, рождьшая иже выше естества венчаваемая Дево, и огня избави мя, Купино огненая и неопалимая.
Светилен, глас шестыи, подобен: Со ученики.
С Моисеом сошедшеся в горы Синайския, купину верно видим всю, Божественныи Огнь испущающу, и никако же сгарающу; разумеем како извещает, иже от Девы рожество Богу и Владыце, якоже бо та несгараема видится и неопаляема, тако Девою пребысть и рождьшия Слово.
Слава, и ныне, той же.
На хвалитех, стихеры на 4, глас третии.
Величаем Тя Богородице Дево, ибо из Тебе воплотися Бог, спасаяи Тебе присно величающих (дважды).
Святая Богородице Владычице, исцеления Твоя низпосли нам, от Твоих дланей Богородице, миро истекающее непрестанно.
Благодарствуем Тя Богородице Дево, и со ангелом взываем Ти Чистая: радуися яко Тебе ради, радости сподобихомся, Святая Владычице Богородице, и исцеления Твоя низпосли нам.
Слава, стих, той же.
И ныне. Владычице моли спастися нам, яко Ты еси упование на Тя надеющимся, и прибежище душам нашим.
Славословие Великое, и прочая до отпуста.
И час Первый.
На Литургии, блаженна от канона, песнь 3-я, и 6-я.
Прокимен, песнь Богородицы: Величит душа Моя Господа, и возрадовася дух Мой о Бозе Спасе моем.
Стих: Яко призре на смирение рабы Своея, се бо от ныне блажат Мя вси роди.
Апостол ко Евреом, зачало 320.
Братие, имяше первая скиния оправдания службы, святое же людьское. Скиния бо сооружена бысть первая, в ней же светильник, и трапеза, и предложение хлебом, яже глаголется святая. По вторей же завесе, скиния глаголемая Святая Святых, злату имущи кадильницу, и ковчег Завета окован всюду златом. В нем же стамна злата, имущая манну, и жезл Ааронов прозябший, и скрижали Завета. Превыше же ея, херувими славы, осеняющия олтарь. О них же несть ныне глаголати подробну. Сим же тако устроеном: в первую убо скинию выну вхождаху священницы, службы совершающе; во вторую же, единою в лето, един архиерей, не без крове, юже приносит за себе, и о людьских согрешениих.
Аллилуия, глас 8.
Стих: Слыши Дщи и виждь, и приклони ухо Твое.
Стих: Лицу Твоему помолятся, богатии людьстии.
Евангелие от Луки, зачало 54.
Во время оно, вниде Исус в весь некую. Жена же некая, именем Марфа, прият Его в дом свой. И сестра ей бе, нарицаемая Мария, яже и седши при ногу Исусову, слышаше слово Его. Марфа же молвяше о мнозе службе. Ставши же рече: Господи, небрежеши ли, яко сестра моя едину мя остави служити? Рцы убо ей, да ми поможет. Отвещав же Исус, рече ей: Марфо, Марфо, печешися, и молвиши о мнозе, едино же есть на потребу. Мария же благую часть избра, яже не отимется от нея. Бысть же, егда глаголаше сия, воздвигши некая жена глас от народа, рече Ему: блажено чрево, носившее Тя, и сосца яже еси ссал. Он же рече: тем же убо блажени слышащии слово Божие, и храняще е.
Причастен: Чашу спасения прииму, и имя Господне призову, Аллилуия.
И прочая, до отпуста.
Отпуст:
Господи, Исусе Христе, Сыне Божии, молитв ради Пречистыя Твоея Матере, честнаго и славнаго Ея празднества чудотворныя иконы Неопалимыя Купины, и святаго пророка Боговидца Моисея, и всех святых, помилуй и спаси нас, яко Благ и Человеколюбец. Аминь.
Последование святыя Купины, иже во святей горе Синайстей
Поется, егда кто произволит, или егда бывает молния страшна
На велицей Вечерни: Блажен муж, антифон 1-ый.
На Господи возвах, стихеры, поставим стихов 8, глас 2-ыи, подобен: Егда от древа.
Приидем днесь с любовию, мыслено к горе Синайстей, и узрим видение великое, иже преже исхожаше из купины, юже видя великий Моисей, како купина горит огнем неопаляема. Разум приносящи неприкосновеннаго Огня, хотящаго родитися по естеству земленому, из Чистыя Девы без истления (дважды).
Пребываеши неопалима, Пречистая во чреве Твоем, приемши Огнь непостоянныи, на Тебе бо преже купина прообразова великое таиньство, тем же пребысть неизменна во опалении. Того ради молим Тя, избави Владычице огня гееньскаго, иже под кров Твой прибегающих.
Пламы страстных искушении, яже завистию сопротивнии вжигают мя. И якоже тиною помазан есмь сквернами моими, но преблагии Господи, угаси словом силы Твоея непобедимыя, мольбами Щедре, Пречистыя Матере Твоея, и Моисея Слове угодника Твоего.
Ины стихеры, глас четвертыи, самогласны.
Радуися Марие Богоневестная, радуися Корень Давыдов, радуися Жезле прозябшии, радуися Граде одушевленныи, радуися Стено необоримая, радуися Мосте всех к Богу приводящая, радуися душевная Владыце Ложнице, радуися едина Пречистая, радуися всем Упование (дважды).
Радуися Марие Богоневестная, радуися безсеменная Земле, Клас прозябшии, радуися отверзшая покаяния путь, радуися падшим исправление, радуися воскресение умершим, радуися Полато, радуися Горо присенная, радуися Свеще, радуися Престоле огненыи Царя Христа, радуися чистоте Сокровище.
Радуися Марие Богоневестная, радуися Двери света чистое одеяние, радуися Главо спасения нашего, радуися апостолом проповедание, радуися мучеником Похвало, радуися исправление пророком Пренепорочная. Радуися постником Крепость. Радуися и миру Радость.
Слава, и ныне, глас вторыи. Прейде сень законная, благодати пришедши. якоже бо купина не сгараше, распалающися, тако и Девая родила есть, и Девою пребысть. В место столпа огненаго, праведное возсия Солнце. В место Моисея Христос, во спасение душам нашим.
Выход. Прокимен, дню. Таже, чтения три.
От Бытия, чтение.
Изыде Ияков от студенца клятвенаго, и иде в Харрань, и обрете место и ста ту: зайде бо солнце. И взят от камения места того, и положи е возглавие себе, и спа на месте том, и сон виде. И се лествица утвержена на земли, ейже глава досязаше до небес, и ангели Божии восхождаху и нисхождаху по ней, Господь же утвержашеся на ней. И рече: Аз Бог Авраамов отца твоего, и Бог Исааков, не бойся: земля идеже ты спиши на ней, тебе дам ю, и семени твоему. И будет семя твое, яко песок земныи. И распространится до моря и до восток, и запад и до севера. И благословятся о тебе вся колена земная, и о семени твоем. И се Аз с тобою, сохраняя тя на всяком пути, аможе аще пойдеши. И возвращу тя в землю сию, яко не имам тебе оставити, дондеже сотворити Ми вся, елика глаголах тебе. И воста Ияков от сна своего, и рече: яко есть Господь на месте сем, аз же не ведех. И убояся, и рече: яко страшно место се; несть се, но дом Божии. И си врата небесная.
От пророчества Иезекиилева, чтение.
Тако глаголет Господь: будет от дне осмаго, и прочее сотворят иереи на олтари всесожжения вашего, и яже спасения вашего. И прииму вы, глаголет Аданаи Господь. И обрати мя на путь врат святых внешних, зрящих на востоки, и сия бяху затворена. И рече Господь ко мне: врата сия затворена будут и не отверзутся, и никто же пройдет сквозе их, яко Господь Бог израилев пройдет ими, и будут затворена, яко Игумен сей сядет в них снести хлеб. По пути Еламьских врат внидет, и по пути его изыдет. И введе мя ко вратом святым, сущим к северу прямо храму. И видех: и се исполнь славы храм Господень.
От премудрости Соломони, чтение.
Премудрость созда Себе храм, и утверди столп седьм. Закла Своя жертвеная, и черпа в чаши Своей вино. И уготова Свою трапезу, посла Своя рабы, созывающи с высоким проповеданием на чашу, глаголющи: иже есть безумен, да уклонится ко Мне. И требующим ума, рече: приидите, ядите Мой хлеб, и пийте вино, еже черпах вам. Оставите безумие, и поживете. Взыщите премудрость, да живи будете, и исправите в свидении разум. Кажаи злыя, приемлет себе бесчестие. Обличаяи же нечестива, поречет себе. Обличение бо нечестивому, мозолие ему. Не обличай злых, да не возненавидят тебе. Обличи премудра, и возлюбит тя. Дай премудру вину, и премудрее будет. Сказай праведному, и приложит приимати. Зачало премудрости, страх Господень, и свет святых разум. А еже разумети закон, помысла есть блага. Сим бо образом много поживеши время, и приложат ти ся лета животу.
На Литии, стихеры самогласны, глас пятыи.
Яко же на руно сниде без шума с небес, Дево во утробу Твою, дождь Божественныи, и спасе изсохшее все человеческое естество Пречистая, и явился еси Моисею в купине, яко Ангел света великаго Вседержителю, Твое от Девы проявляя воплощение Божии Слове, им же нас ознаменав, и на небеса возвел еси.
Яко виде Тя древле Чистая Пресвятая пророк, зрящую дверь к Свету незаходимому, абие Тя позна Божие жилище, и Гору Тя святую присенную, Юже виде прежде Аввакум, из Нея же пройдет Святыи, не удобь видимое рожество, являше от Девы зачатие.
Купину Тя неопалиму, и Гору и Лествицу одушевлену, и Дверь небесную достойно славим, Марие славная, православным похвало, и Тебе бо древле прообразующе купина в Синаи, не опали Девице огню беседовавши. Дева бо родила еси, и Девою пребысть, паче ума Богоневесто.
Нетленна царства восияла еси Скипетро, от корене Иессеова, и раждаеши Отроча безмужно Чистая, Адамова и Давыдова Бога, вкупе и Зиждителя и Господа, яже Ияков предъвиде Дево Лествицу, к небесней высоте нас возводящу, иже во глубину зол поползшихся, тем же Чистую Тя благословим во веки. Радуися Купино неопалимая, радуися Свеще неугасимая, Свет невечернии понесшая, и всякия беды люди избавльшая.
Слава, и ныне, глас той же.
Радуися святая Горо и Богопроходная, радуися одушевленая Купино и неопалимая. Радуися яже едина к Богу мирови мост, преводящи мертвыя вечному животу. Радуися нетленная Отроковице, неискусомужно рождьшая Спасение душам нашим.
На стиховне, стихеры, глас седьмыи.
Явился еси при купине Моисеови Божии Слове, яко Огнь снедаяи, не опаляя же отнюд, еже от Девы прообразуя Твое воплощение, им же человека вообразил еси.
Стих: Слыши Дщи и виждь, и приклони ухо Твое.
Купина Тя проображаше Чистая неопалимая, Огнь бо родила еси непостоянный Дево, Тем же вопию Ти: попали невещественныя ми страсти Обрадованная, и спаси мя.
Стих: Лицу Твоему помолятся, богатии людьстии.
Ковчеже мысленныи, яже нетленную Манну рождьшая миру воистину, Купино неопалимая, посреде нас Дево прииди в час сий, и помилуй нас настоящия беды, и всякия нас измени скверны, иже чисте Тебе ублажающих.
Слава, и ныне, глас той же. Неопальна огневи в Синаи, причащьшаяся купина, Бога показа медленоязычну и гугниву Моисеови, темже поем Тя Владычице: моли спастися нам, яко Ты еси упование на Тя надеющимся, и прибежище душам нашим Богоневестная.
На благословение хлебом, тропарь Богородице (трижды), глас первыи.
Иже во огне показавыи Моисеови, еже во плоти на землю приход Твой, иже законнаго священства Аарону прообразивыи, образом жезла Благодателю Тя рождьшую. Ея же молитвами Христе Боже наш, умири живот наш, яко Человеколюбец.
Аще не творим Бдение, тропарь единощи; таже, Честнейшую херувим, и прочая; и отпуст.
На Утрени, на Бог Господь, тропарь Богородице (трижды).
По 1-й стихологии, седален, глас шестыи.
Упование миру, благая Богородице Дево, Твое единое страшное предстательство подвижем. Умилосердися на люди беднующия, Купино неопалимая, моли Милостиваго Бога, избавится душам нашим от всякаго прещения, едина Благословеная. Слава, и ныне, той же.
По 2-й стихологии, седален, глас пятыи.
Яже о Тебе пророчествия ясполнишася, Пресвятая Дево Чистая. Ов бо Тя пророк Дверь пронарече, к Едему зрящу на восток, Ею же никтоже пройде, но токмо Твой Содетель и всего мира. Ов же Купину огнем горящу, яко в Тя вселися Огнь Божественныи, и неопалима пребысть. Ин Гору святую, от нея же усечеся не руками человеческими, и порази образ мысленаго Навуходоносора. Воистину велие и преславно, еже о Тебе таинство есть Богородице. Тем же Тя славим, Тобою бо бысть спасение душам нашим. Слава, и ныне, той же.
Полиелеос. Припев: Достойно есть. Псалом: Боже суд Твой цареви даждь.
По полиелеосе, седален, глас пятыи.
О! Пресвятая Богородице Дево, безпомощным Помощь, и ненадеющимся Надежда, Ты еси похвала наша и спасение, Богорадованная и Купино неопалимая. О! Небесная Царице, и державная наша Помощнице, посети наша немощи, и сохрани нас милостию Твоею от всякия беды, Владычице, молимтися прилежно, помилуй и спаси нас. Слава, и ныне, той же.
Степенна, антифон первыи, четвертаго гласа.
От юности моея мнози борют мя страсти; но Сам мя заступи, и спаси мя, Спасе (дважды).
Ненавидящии Сиона, посрамятся от Господа; яко трава бо огневи будут изсохшая (дважды).
Святым Духом всяка душа живится, и чистотою возвышается. Светлеется троическим единьством, священно тайно (дважды).
Прокимен, псалом Давыдов (глас 4): Помяну имя Твое, во всяком роде и роде.
Стих: Слыши Дщи и виждь, и приклони ухо твое.
Всяко дыхание да хвалит Господа.
Стих: Хвалите Бога во святых Его, хвалите Его во утвержении сил Его.
Иерей: От Луки святаго Евангелия чтение:
Певцы: Слава Тебе, Господи (поклон).
И, оградившись крестным знамением, слушаем со вниманием благовестие.
Евангелие от Луки, зачало 4.
Во дни оны, воставши Мариам, иде в горняя со тщанием, во град июдов, и вниде в дом Захариин, и целова Елисаветь. И бысть, яко услыша Елисаветь целование Мариино, взыграся младенец во чреве ея. И исполнися Духа Свята Елисаветь, и возопи гласом велиим и рече: благословена Ты в женах, и благословен Плод чрева Твоего. И откуду мне се, да прииде Мати Господа моего ко мне? Се бо яко бысть глас целования Твоего во ушию моею, взыграся младенец радощами во чреве моем. И блажена Веровавшая, яко будет совершение глаголанным Ей от Господа. И рече Мариам: Величит душа Моя Господа, и возрадовася дух Мой о Бозе, Спасе Моем. Яко призре на смирение рабы Своея, се бо от ныне блажат Мя вси роди. Яко сотвори Мне величие Силныи, и свято имя Его. Пребысть же Мариам с нею, яко три месяцы, и возвратися в дом Свой.
Певцы: Слава Тебе, Господи (поклон).
Таже, псалом 50-й: Помилуй мя, Боже:
Таже, пением: Слава Отцу и Сыну и Святому Духу: молитв ради Богородицы, Милостиве очисти множество согрешении наших.
И ныне и присно и во веки веком, аминь: молитв ради Богородицы, Милостиве очисти множество согрешении наших.
Помилуй мя Боже, по велицей милости Твоей, по многим щедротам Твоим, очисти беззакония моя, Боже Спасе мой.
По 50-м псалме, стихера, глас вторыи.
Приидем днесь с любовию, мыслено к горе Синайстей, и узрим видение великое, иже преже исхожаше из купины, юже видя великии Моисей, како купина горит огнем неопаляема, разум приносящи неприкосновеннаго Огня, хотящаго родитися по естеству земленому, из Чистыя Девы без истления.
Канон, ему же краегранесие: страшную похвалу огнеопальныя купины; ирмосы по дважды, а тропари на 12; глас шестыи. Песнь 1-я, ирмос.
Волною морскою, сокрывшаго древле гонителя мучителя, под землею скрыша спасеных дети. Но мы, яко откровица, Господеви поем: славно бо прославися.
Запев: Пресвятая Госпоже Богородице, спаси нас.
Помраченую душу мою Дево, юже омрачих страстными деянии, светлее солнца, яже Славе Мати, просвети, и к свету настави, хвалящих Тя, Всехвальную.
Праотец Дево, вкушением древа, объем терние, Ты же Огнем Божественным попаляеши, Иже в купине Тя Владычице, огне неопально показаему.
Устрашается пророк Моисей в купине видении огня, и удивляется умом Пренепорочная, ибо многоразумием огня Божественнаго Духа, провиде тем неизреченную Твою славу, Дево Мати Божия.
Корень от терния прелестныи, корень затворивыи созданныя вся, изсыхает весь Огнем Божественным, иже купину Тя - Пречистая.
Песнь 3-я, ирмос. Тебе иже на водах повесившаго, всю землю неодержимо, тварь видевши на лобнем висяща, ужасом одержима бе: несть свята, разве Тебе, Господи взывающи.
Яко тернием Всехвальная, попаляеши ереси, рожеством Ти Дево. Купина бо огнем неопально показа, Тебе прообразующи Пречистая, Огнь Непостоянныи родити хотящу, Пренепорочная.
Покланяются полцы ангельстии, видяще огнена начала обстояща, паче естества Тя огненыи предуготован престол, Владычице Пречистая.
Место на немже Ты стоиши есть свято, и неудобь прикасайся зде, глас Божии возва из купины, яко же слыша Моисей. Воста убо, узре сию, Владычице, неопальну.
Гора Синайская божественая, благословися паче всех гор, на нюже сошед, иже огнь положивыи на земли последи, купину паля неопальне. Его же воспеваем, Слова воплощение.
Седален, глас осьмыи, подобен: Премудрости. Духовными лучами предочистився Моисей Боговидец, пророческими Тя купину, огнем неопальну, в Синаи провиде. И стамну и трапезу, образно прописа Рожество Ти, Владычице. Темже исхожения его видения, и мы ныне зряще, богомудрено взываем Ти, Богородице: молися даровати нам, верно покланяющимся Рожеству Твоему (поклон), грехов оставление, и велию милость. Слава, и ныне, той же.
Песнь 4-я, ирмос. Еже на Кресте Твое Божественое смотрение, предъзря Аввакум, дивяся вопияше: Ты сильных ссече державу Благии, приобщаяся сущим во аде, яко Всесилен.
Новотвореное всяческое огненое преже явленое очищение, купине неопальныи огнь испущьши. И Божественнем ныне содержащи естестве, и Сего воспославшии.
Уснув паки Тя провиде Ияков, от земли лествицу возносиму. Моисей же купину Тя виде очевидную, огнепальну, но не опалившу, Владычице.
Увядают пламы естеством воды, и железу огнь, и каменю естество опаляет, купины же не опали. Тебе Благая приемлет разрешение Огню Непостоянному.
Закон смертный извнутрь прободе, иже купине Чистая терн, и гной излияв, иже в купине Божественным Огнем очистися, явльшимся Моисею, Всенепорочная.
Песнь 5-я, ирмос. К Тебе утренюю, милосердия ради в самого падшаго, преложьшуся непреложно, и до страсти безстрастием преклоншуся, Слове Божии, мир подаждь ми, Человеколюбче.
Красен Дево, Тя плод, купина паче естества проявляет, Огнем опаляема, и вся огненая с Солнцем ясно просвещающи, от Тебе бо Огнь облиставши Непостоянныи.
Столп Дево, огненыи Израиля наставляя, к земли обетованней, мы же Огнем купинным, к земли востицаем Тобою, еже о Бозе восприятия.
Солнца лучи, Огнь купины омрачи Дево, Солнце бо славы Чистая, в Тебе посреде купины восия разумно, просвещая создание все.
Синайския горы Боговидцу, паки видение странно зрится паче естества. Купина бо, яже горящи неопально, прозябе Тя цвет, Дево неувядаемыи.
Песнь 6-я, ирмос. Ят бысть, но не удержан в персех китовех Иона, Твой бо образ нося: Пострадавша и погребению дана; яко из чертога, от зверя изшед. Приглашаше же кустодии, иже хранящии суетная и лжу; милость вашу оставили есте.
Изощряется Огнем купинным, ныне секира страстем и клятвам. Паки же ныне куется искушаемым оружие божественное, и ссекает весь, Иже терновныи венец, всякаго возраста преступление, Тобою Владычице.
От Бога погубляема зависть, огнь с небесе Илии испустися, и попали тук законнаго существа. Но купина не опали Тебе, Владычице, Огня сказа Божественнаго в восприятие: выше убо ума, и паче естества не опалися.
Мечтается якоже в клещах Исаия Благая, Угль Божественныи восприимовав Богородительнице, не опалився Непорочная, иже прописа Тя, Пречистая, купину божественную, Владычице.
Ты пламень юным не соделанныи Пречистая, преже огнь вся пояде. Ныне же прохлаждь Тя соделанием, Иже и купину показавыи огне неопальную, и соблюд Тя по рожестве всю целу Владычице, и Огнем не опалившуся Божественным.
Кондак, глас осьмыи, подобен: Возбранной. Предъочистимся и мы Божественно в Дусе, и на гору Синайскую верою взыдем, да видим тамо купину огненосную, Девыя провозвещающу Рожество. И видевше, поклонимся (поклон), вси со страхом вопиюще: радуися Невесто Неневестная.
Икос. Провиде пророк Моисей в Синаи Тя Дево, прежде огнем в неопальной купине, и видению чудному удивися, и ужасеся видя Владычице, носящу Огнь Божественныя славы. Сего ради зовем Ти. Радуися, закону Дателя порождьшая. Радуися, Света миру родившая. Радуися, Купино прохлаждающи разумы верных. Радуися, яко просвещаеши сущия во тме житейстей. Радуися, яко помрачаеши попирателя миру. Радуися, Свету незаходимому Родительнице. Радуися, Огня непостояннаго Приемнице. Радуися, иже Тобою младеньствовав Бог Слово. Радуися, яко Тобою проклинается прелесть. Радуися, Невесто Неневестная.
Песнь 7-я, ирмос. Неизреченное чудо, Иже в пещи избавивыи, преподобныя отроки из пламене, во гробе нове бездушно полагается, на спасение нам поющим: Избавителю Боже благословен еси.
Пламенно окружие ин путь показа Фезвитянину Илии, яко же Огня не опаляюща Пречистая, в купине огнедохновенна явлена проявляя. Яко бо родити сугуба естеством, а не составом, Избавителя поющим: Боже благословен еси.
Свещеносно вседушно приидете, ныне разумно Божественному, иже купины не опали незлобьством, в вере свещи вжегши, глаголюще и поюще: Избавителю Боже благословен еси.
Во огнь вверже беззаконныи, благочестиваго огня служителя Владыце, но невредимы пребыша. Божественный же Огнь купину опаляя, но не опали, яко пети ны ведяща: Избавителю Боже благословен еси.
Оружие ныне Тебе ради плещи дает огненое, Пречистая Владычице, яко Божественный Огнь купину не опаляя; о Тебе учит ны в Дусе Святе, попаляеши бо страсти терновныя поющих: Боже благословен еси.
Песнь 8-я, ирмос. Ужаснися бояися небо, и да подвижатся основания земли, се убо в мертвых вменяется, иже в вышних живыи, и во гробе мале полагается. Его же дети благословите, священнии пойте, и превозносите Его во веки.
Что чудеса Твоя Благая, воспети может? Пламы бо, якоже пишет своих служитель, Купину опаляет преславно, и неопалима показуется, воображающи Рожество Твое, схождением показует.
Обогащьшися Всечистая, Его же полцы огненыя служители во страсе обходят, невозмогающе Сего славы зрети. Вселибося во Твоя чресла, и не опали их, якоже и купину Огнь не опали, Божественное Слово, Чистая.
Под кров Твой, Чистая прибегающе, от всех искушении, и всякия избавляемся скорби, и вечнаго огня, в вере Рожество Ти хваляще, еже неизглаголанно восия Боговидцу, купину горящу всю неопальну.
Купину огнем неопалиму Пречистая, Тя прозря пророк Моисей. Гору же нрисенну, видев Тя боговидно Аввакум. Мы же верно взываем: попали терние страстей наших Дево, и кровом крилу Твоею покрый ны.
Песнь 9-я, ирмос. Не рыдай Мене Мати, зрящи во гробе, Его же во чреве без семене зачала еси Сына. Воскресну бо и прославлюся, и вознесу со славою немолчно, яко Бог, иже верою и любовию Тебе величающия.
С силы небесными, со ангелы и престолы, с херувимы и серафимы, чудо страшное огне неопальныя Купины, воспоем поюще, песнь трисвятую.
Превышьшу и превознесенную пламенных служитель, и огненых престол, страшнаго Царя Матерь воспоем, яко Богородительницу.
Весь распалаюся благодатию Твоею, и любовию Ти приношу похвальную песнь, яко убо моя страсти попали Дево, Огнь Божественныи порождьши.
Суща терния моих страстей попали, рождьшая иже выше естества венчаваемая Дево, и огня избави мя, Купино огненая и неопалимая.
Светилен, глас шестыи, подобен: Со ученики.
С Моисеом сошедшеся в горы Синайския, купину верно видим всю, Божественныи Огнь испущающу, и никако же сгарающу; разумеем како извещает, иже от Девы рожество Богу и Владыце, якоже бо та несгараема видится и неопаляема, тако Девою пребысть и рождьшия Слово.
Слава, и ныне, той же.
На хвалитех, стихеры на 4, глас третии.
Величаем Тя Богородице Дево, ибо из Тебе воплотися Бог, спасаяи Тебе присно величающих (дважды).
Святая Богородице Владычице, исцеления Твоя низпосли нам, от Твоих дланей Богородице, миро истекающее непрестанно.
Благодарствуем Тя Богородице Дево, и со ангелом взываем Ти Чистая: радуися яко Тебе ради, радости сподобихомся, Святая Владычице Богородице, и исцеления Твоя низпосли нам.
Слава, стих, той же.
И ныне. Владычице моли спастися нам, яко Ты еси упование на Тя надеющимся, и прибежище душам нашим.
Славословие Великое, и прочая до отпуста.
И час Первый.
На Литургии, блаженна от канона, песнь 3-я, и 6-я.
Прокимен, песнь Богородицы: Величит душа Моя Господа, и возрадовася дух Мой о Бозе Спасе моем.
Стих: Яко призре на смирение рабы Своея, се бо от ныне блажат Мя вси роди.
Апостол ко Евреом, зачало 320.
Братие, имяше первая скиния оправдания службы, святое же людьское. Скиния бо сооружена бысть первая, в ней же светильник, и трапеза, и предложение хлебом, яже глаголется святая. По вторей же завесе, скиния глаголемая Святая Святых, злату имущи кадильницу, и ковчег Завета окован всюду златом. В нем же стамна злата, имущая манну, и жезл Ааронов прозябший, и скрижали Завета. Превыше же ея, херувими славы, осеняющия олтарь. О них же несть ныне глаголати подробну. Сим же тако устроеном: в первую убо скинию выну вхождаху священницы, службы совершающе; во вторую же, единою в лето, един архиерей, не без крове, юже приносит за себе, и о людьских согрешениих.
Аллилуия, глас 8.
Стих: Слыши Дщи и виждь, и приклони ухо Твое.
Стих: Лицу Твоему помолятся, богатии людьстии.
Евангелие от Луки, зачало 54.
Во время оно, вниде Исус в весь некую. Жена же некая, именем Марфа, прият Его в дом свой. И сестра ей бе, нарицаемая Мария, яже и седши при ногу Исусову, слышаше слово Его. Марфа же молвяше о мнозе службе. Ставши же рече: Господи, небрежеши ли, яко сестра моя едину мя остави служити? Рцы убо ей, да ми поможет. Отвещав же Исус, рече ей: Марфо, Марфо, печешися, и молвиши о мнозе, едино же есть на потребу. Мария же благую часть избра, яже не отимется от нея. Бысть же, егда глаголаше сия, воздвигши некая жена глас от народа, рече Ему: блажено чрево, носившее Тя, и сосца яже еси ссал. Он же рече: тем же убо блажени слышащии слово Божие, и храняще е.
Причастен: Чашу спасения прииму, и имя Господне призову, Аллилуия.
И прочая, до отпуста.
Отпуст:
Господи, Исусе Христе, Сыне Божии, молитв ради Пречистыя Твоея Матере, честнаго и славнаго Ея празднества чудотворныя иконы Неопалимыя Купины, и святаго пророка Боговидца Моисея, и всех святых, помилуй и спаси нас, яко Благ и Человеколюбец. Аминь.