Служба на Собор Казанских святых
Текст службы всем святым, в земле Казанской просиявшим, получен из Казанской епархии. Автор службы - схимонахиня Игнатия (Пузик; 1903 - 2004).
Месяца октября в 4-й день
Служба Собору Казанских святых
На малой вечерни
На Господи, воззвах: стихиры, глас 6:Дивны путие Промысла Господня, иже явиша в земли Казанской угодников святых веры Христовы прежде просвещения ея: святителей преславных, таже святых мучеников, и прочих святых, Христа исповедавших.
Воспоим, людие, Спасу нашему Богу, иже благоволи крещением святым землю Казанскую просветити, таже святых проповедников веры, святителей Гурия и Варсонофия купно с Германом первых учителей земли сей явити.
Христова просвещения плод красен приносит земля Казанская: святыя мученики и исповедники, еще же преподобныя отцы, иже страданьми и слезами Господу Иисусу Христу души своя молитвенно возложиша.
Слава, глас 8:Да почтется святых собор в земли Казанстей просиявших: святителей Христовых, исповедников, преподобных и праведных, да будет изрядно среди них воспет святый священномученик Ермоген, Патриарх Российский преславно явлынийся.
И ныне, глас тойже:Владычице, приими молитвы раб Твоих и избави ны от всякия нужды и печали.
На стиховне стихиры, глас 2.
Подобен: Доме Евфрафов:Богопросвещенныя ныне земли Казанския святии вси, о людях Российских молитву сотворите.
Стих: Честна пред Господем смерть преподобных Его.
Грады же и веси отечества нашего и всех живущих в них заступлением вашим от бед избавите, молимся.
Стих: Блажен муж, бояйся Господа, в заповедех Его восхощет зело.
Во дни, егда страждет от бури и нестроения земля Российская, помощники нам, святии вси, будите.
Слава: глас 6:Борими многажды грехом, да присно будем возстающе святою помощию и заступлением вашим, святии вси светлыя ныне земли Казанския.
И ныне: Богородице, Ты еси лоза истинная:
Тропарь, глас 3:Красуйся светло, земле Казанская, память Собора Святых Твоих совершающи: первых проповедник Слова - святителей преславных, таже святых мученик, исповедник и чудотворец, еще же преподобных и праведных, иже купно в славе вечной предстояще, молятся Христу Богу и Заступнице Усердней спастися людем Своим.
На велицей вечерни
Блажен муж: 1-й антифон.
На Господи, воззвах: стихиры, глас 8:Приидите, российстии собори, воспоим Содетелю нашему Богу, икону Казанскую Заступницы Усердныя нам явльшему, многия святыя, в дар честный нам даровавшаго.
Приидите, российстии людие, восхвалим земли Казанския первыя просветители, предивная Гурия и Варсонофия, таже преславнаго Германа, семена Христова учения в земли сей насадившия и люди многия к свету Христова Евангелия приведшия.
Приидите, чада церковная, подивимся, како израсте в земли сей великий святитель и мученик, Ермоген, Патриарх Российский, первый приявший на длани свои икону Казанскую Пречистыя Богоотроковицы, таже явление сие Богоматери и первыя просветители земли тоя в песнех церковных возвеличивший.
Приидите, вернии, познаем силу любве Христовы, юже святии мученицы восприяша, заступницы наши, святии чудотворцы Иоанн, Петр и Стефан, иже сладкое имя Христово исповедаша и от присных своих горькую смерть прияша.
Слава, глас 4:Да прославится днесь Собор святых, в земли Казанской Богу угодивших: славнии святители и просветители, таже священномученицы и исповедницы, кровь свою за Христа изливший, еще же преподобнии и праведнии, именованнии и неименованнии, покровом Матере Божия, Заступницы Усердныя в земли сей утвержденнии.
И ныне, глас тойже: Иже Тебе ради Богоотец пророк Давид:
Пророчества Исаиина чтениеТако глаголет Господь: вси языцы собрашася вкупе, и соберутся князи от них. Кто возвестит сия в них? Или, яже от начала, кто слышана сотворит вам? Да приведут свидетели своя, и оправдятся, и да услышат, и да рекут истину. Будите Ми свидетели, и Аз Свидетель, глаголет Господь Бог, и отрок, егоже избрах. Да познаете, и веруете Ми, и разумеете, яко Аз есмь, прежде Мене не бысть ин бог, и по Мне не будет. Аз есмь Бог, и несть, разве Мене, спасаяй. Аз возвестих и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь, и несть от рук Моих избавляяй. Сотворю, и кто отвратит то? Сице глаголет Господь Бог, избавляяй вас, Святый Израилев.
Премудрости Соломоновы чтениеПраведных души в руце Божией, и не прикоснется их мука. Непщевани быша во очесех безумных умрети, и вменися озлобление исход их. И еже от нас шествие - сокрушение, они же суть в мире. Ибо пред лицем человеческим аще и муку приимут, упование их безсмертия исполнено. И вмале наказани бывше, великими благодетельствовани будут, яко Бог искуси я и обрете их достойны Себе. Яко злато в горниле, искуси их и, яко всеплодие жертвенное, прият я. И во время посещения их возсияют и, яко искры по стеблию, потекут. Судят языком и обладают людьми, и воцарится Господь в них во веки. Надеющиися Нань разумеют истину и вернии в любви пребудут Ему, яко благодать и милость в преподобных Его и посещение во избранных Его.
Премудрости Соломоновы чтениеПраведницы во веки живут, и в Господе мзда их, и попечение их у Вышняго. Сего ради приимут Царствие благолепия и венец доброты от руки Господни, зане десницею покрыет я и мышцею защитит их. Приимет всеоружие рвение Свое и вооружит тварь в месть врагом. Облечется в броня правды и возложит шлем - суд нелицемерен. Приимет щит непобедимый - преподобие, поострит же напрасный гнев во оружие, споборет же с ним мир на безумныя. Пойдут праволучныя стрелы молниины и, яко от благокругла лука облаков, на намерение полетят, и от каменометныя ярости исполнь падут грады, вознегодует на них вода морская, реки же потопят я нагло. Сопротив станет им дух силы и, яко вихор, развеет их, и опустошит всю землю беззаконие, и злодейство превратит престолы сильных. Слышите убо, царие, и разумейте, навыкните, судии концев земли, внушите, держащия множества и гордящияся о народех язык. Яко дана есть от Господа держава вам и сила от Вышняго.
На литии стихира, глас 6:Воззовем со благодарением Промыслителю нашему Богу, извольшему люди восточныя, крайния отечества нашего, святым крещением просветити, многая святыя проповедники и исповедники в тех возставити, таже люди российския на подвиг ратный "встречь солнца" управити. Господи, слава святому смотрению Твоему!
Слава, глас 8:Егда темный сей край восточный земли нашея просветися, тогда многая святыя явил еси, Боже наш, славу Церкве Твоея возвещающия. Господи, слава Тебе.
И ныне, Богородичен.
На стиховне стихиры, глас 8:Припадем с любовию к преславным святителем Господним Гурию, Варсонофию и Герману, первым просветителем земли Казанския, таже воспоим пречуднаго Ермогена, святителя-исповедника и Патриарха Российскаго.
Стих: Честна пред Господем смерть преподобных Его.
Помолимся усердно страстотерпцем Казанским, святым мучеником Иоанну, Стефану и Петру, имя Христово дерзновенно исповедавшим, таже воспоим собор страдалец Христовых со Иаковом, Борисом и Феодором, души своя за Христа положивших и заступники наша усердныя явльшихся.
Стих: Блажен муж, бояйся Господа, в заповедех Его восхощет зело.
Воспоим и почудимся подвигом же, слезам и молитвам, яже преподобнии отцы Казанстии со преславныма Ионою и Нектарием Богу принесоша, таже плод духовный многовековый в земли сей возрастиша.
Слава, глас 6:Собор святых земли Казанския вопиет усердно ко Господу, да сохранит и избавит Спас мира Христос народ православный, во всех концех державы Российстей, молитву о спасении приносящих.
И ныне, Богородичен: Богородице, ты еси лоза истинная:
На утрени
На Бог Господь: тропарь Собора Казанских святых, дважды.
Слава, и ныне, Богородичен.
По первом стнхословии седален, глас 6:Собор святых земли Казанския Богу предстоит, о людех скорбящих усердно молитву возсылающий.
Слава, и ныне, Богородичен:Богородице, Мати Божия, носило света неизреченнаго, помощию Твоею люди скорбящия Твоя снабдевати не престай, Дево Пресвятая.
По втором стихословии седален, глас 6:Память святых, в земли Казанской просиявших, совершающе, людие, возвеселимся, крепкия сия помощники стяжавше.
Слава, и ныне, Богородичен:Людей Твоих мольбы приими, Пречистая Мати Божия, и от всякаго злато обстояния избави.
По полиелеи величание:Величаем вас, святии вси, в земли Казанстей просиявшии, и чтим святую память вашу, вы бо молите о нас Христа Бога нашего.
По полиелеи седален. глас 1:В чертозех небесных Владыки нашего славно сияющь, Соборе святых Казанских, братий твоих земных не остави.
Слава, и ныне, Богородичен:Недугов и всяких болезней да избавлени будем заступлением Твоим, Пречистая Мати, селение и слава небесная.
По 50-м псалме стихира, глас 6:Соберемся, людие, милостивое смотрение Божие восславити, изволил бо Господь наш землю Казанскую просветити; темже подвижников Христовых прославим: святителей чудных, исповедников, преподобных, праведных и всех святых, край сей освятивших помощию Господа нашего и благодатию Его.
Канон Богородице со ирмосом на 6.
Таже всем святым, в земли Казанстей просиявшим, глас 8.
Песнь 1Ирмос: Воду прошед яко сушу и Египетскаго зла избежав, израильтянин вопияше: избавителю и Богу нашему поим.
Припев: Вси святи, в земли Казанской просиявшии, молите Бога о нас.
Святии вси, иже землю Казанскую прежде ея просвещения именем Христовым освятиша, святителие Христовы и исповедницы, ихже достойно исчислити не можем, молитву вашу сотворите о братиях ваших страждущих, молим вы.
Первый просветителю Казанский, Гурие преславне, многу печаль и тяготу в юности твоей понесл еси, все упование на Бога возложь, добр инок сотворился еси, путь бо твой духовный управи Господь.
Повелением царевым в Казань пришед, велий проповедник веры Христовы явился еси, святителю Гурие, многия неверныя ко Христу обратил еси, чудесы преславными веру сих укрепляяй.
Богородичен: Аще и горение велие града Казани яви нам зрак Лица Твоего, Дево Пречистая, обаче Заступница Усердная земли нашея явилася еси, Мати Божия, христиан похвало.
Песнь 3Ирмос: Ты еси утверждение притекающих к Тебе, Господи, Ты еси свет омраченных и поет Тя дух мой.
Святии исповедницы земли Казанския, прежде просвещения и по просвещении ея, кровь свою за Христа излившии, молитеся о нас недостойных дерзновение о вере Христове чрез все житие наше сохранити.
Святителю преславный Варсонофие, первый просветителю града Казани, в младем возрасте твоем горький плен понесый, монах предивный по избытии того явился еси, таже отцем иноков содеявся, моли спастися унылым душам нашим.
Святителю Варсонофие преподобне, первый устроитель жития монашескаго во граде Казани быв, красну обитель Спасова Преображения воздвигл еси, наставник быв чадом твоим, в законех жизни духовныя преславно светил еси .
Богородичен: Сокрытый в земли образ Твой, Дево Пречистая, Заступнице Усердная, по явлении Лика Твоего многая чудеса преславная и утешения духовная обильно источает страждущим рабом Твоим.
Седален, глас 5:Исповедников имене Христова, прежде просвещения земли Казанския и по просвещении ея, святых всех возвеличим: святителей Гурия, Варсонофия, Германа, Ефрема и Епифания преславных, святых мучеников Авраамия, Иоанна, Петра, Стефана, Феодора, Бориса, Иакова, Сильвана и яже с ними, души своя за Христа положивших, таже преподобных Иону и Нектария с Гавриилом, вкупе пред престолом Божиим предстоящих, и всех святых, подвиги своя в земли Казанской совершивших и за ны Богу молящихся.
Слава, и ныне, Богородичен:Деву Пречистую, Матерь Христа Бога возвеличим, Собора святых в роде нашем память соблюдающую.
Песнь 4Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра отча и нашу нищету посетив, тем с пророком Аввакумом зову Ти: силе Твоей слава, человеколюбие.
Край Казанский солию учения Христова просветил еси, святителю Германе, таже во граде Свияжске обитель Богоматери создав, добр учитель явился еси, святе.
Книжному учению навык, инок добр от юности твоея явися, еще же друг и собеседник Максима преподобнаго быв, на пути иночестем укреплялся еси, преподобне Германе преславне.
Престол Казанский по святем Гурии наследовав, добр пастырь и просветитель людем новым явился еси, святе Германе премудре, таже храмы Божия в земли Казанской умножив, на высшее служение восхищен был еси.
Богородичен: Образ Твой Преславный восхотев дати людем новопросвещенным, Заступнице Усердная, волю Свою чистей отроковице открыла еси, тем же Тя славим, Мати Богоневестная.
Песнь 5Ирмос: Вскую мя отринул еси от лица Твоего, свете незаходимый, и покрыла мя есть чуждая тьма окаяннаго, но обрати мя, и к свету заповедей Твоих пути моя направи, молюся.
Икону явльшуюся Пресвятыя Богородицы Заступницы Усердныя на длани своя приял еси, святителю Ермогене, первое же пение молебное пред нею сотворил еси, темже тя ублажаем, преславне.
Был еси, святителю Ермогене досточудне, первоиерарх Церкве Российския, таже залог спасения ея и всего отечества, егда брань тяжкая постиже Российскую землю, первый положил еси молитвы, слезы и прещения твоя, от врагов сию избавляли.
Явился еси предстатель наш и всего отечества православнаго, егда страдания тяжкая и смерть горькую приял еси, священноисповедниче Ермогене прехвальне, темже в чертозех небесных вселился еси, святе.
Богородичен: Знамение спасения явилася еси, Богомати Пречистая, егда иконою Твоею святою, яко Заступница Усердная, людем православным победу даровала еси, полки же иноземныя рассеяла еси.
Песнь 6Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися и молюся, яко Иона, от тли, Боже, возведи мя.
Святии вси земли Казанския, яко звезды пресветлыя в странах востока просиявшия, людем новым, в Церкви Христове упасшимся, покров свой и защиту явите.
Молим вы, святителие Христовы Казанския страны: Ефреме и Епифание, да вашими святыми молитвами подаст Господь миру умирение.
Молим вы, Соборе святых земли Казанския, святым образом Матери Божией, Заступницы Усердной осиянныя, людей отечества вашего предстательством своим не оставите.
Богородичен: Егда возсия от земли Казанския святая икона Твоя, Владычице, тогда вси людие возвеселишася, помощницу Божию в скорбех своих обретше.
Кондак, глас 3:Веселитеся, людие, и взыграйте, память всех святых земли Казанския совершающе, тии бо молят прилежно Спасителя нашего Бога и Заступницу Усердную спастися рабом Своим.
Икос:Соберитеся, людие, в храм пресветлый Заступницы Усердныя, идеже купно со святыми, в земли Казанстей явльшимися, молит Пресвятая Владычица Сына Своего спастися недостойным рабом Своим.
Песнь 7Ирмос: В начале землю основавый и небеса Словом утвердивый, благословен еси во веки, Господи Боже отец наших.
Прежде просвещения земли Казанския ты, святый мучениче Иоанне, свет пресветлый явился еси, Христа Сына Божия исповедав и кровь Твою честную за Того пролил еси, братию твою, люди Российския, в вере Христове укрепляя.
Сладкое имя Христово призывал еси, святый мучениче Петре, ближняя твоя приглашая имя сие исповедати и Троице Святей поклонитися. Темже пострадав, помощь твою нам источаеши, святе мучениче Петре блаженне.
Ты, преславный мучениче Стефане, Христа возлюбив и исцеление недугов прием, даже до конца верен Тому пребыл еси, от соотечественник твоих раздробляем; темже помощник верный людем Христовым явился еси, святе.
Святии мученицы: Борисе, Иакове, Феодоре, Василие и прочии страстотерпцы Казанстии, вы велие дерзновение в вере Христове явили есте, темже и чудотворцы преславнии людем своим соделастеся.
Богородичен: Мати Божия Пречистая, образ Свой, яко дар пресвят земли Казанской давшая и тем многих исповедников Сына и Бога Твоего укрепившая, Заступнице Усердная, люди Твоя не остави
Песнь 8Ирмос: На горе святей прославльшася и в купине огнем Приснодевы Моисеови тайну явльшаго, Господа пойте и превозносите во вся веки.
Молитвами вашими, преподобнии отцы Ионо и Нектарие, землю Кзанскую новопросвещенную освятиста и погребена близ наставника вашего святителя Гурия, нетление обретоста, темже братий ваших заступлением своим не оставляйте.
Подвижники земли Казанския, преподобнии Ефреме и Епифание преславнии, подвиги вашими к Богу взыдоста, ты же, преподобне Гаврииле, Седмиезерская похвало, молитвенник изрядный явися и помощник в скорбех людем твоим.
Преподобнии отцы наши и матери, подвиги вашими землю Казанскую осиявшии, ихже имена изочтени у Бога суть, подвижницы древнии, таже и дней новых молитву усердную о братиях ваших, спасения ищущих, Богу сотворите.
Богородичен: Мати Божия, Пречистая, ты не точию землю Казанскую святою иконою Твоею просвещаеши, но и всей державе Российстей в скорбех и ратных нахождениях Заступница Усердная являешися; темже Тя верно почитаем.
Песнь 9Ирмос: Проявленное на горе Законоположнику во огни и купине рождество Приснодевы, в наше верных спасение, песньми немолчными величаем.
Воздадим хвалу Богу, восточныя пределы земли нашея святым крещением просветившему, темже многия святыя помощники и покровители, в стране Казанстей нам возставившему.
Вси святии земли Казанския, угодницы Божии, Духа Святаго сосуди честнии бывше, благодать Божественную восприясте, непрестанно молите о воспевающих и чтущих святую память вашу.
Честныя бисеры Христовы, славныя страдальцы воспоим, иже землю Казанскую кровьми своими освятивша и помощницы теплии в скорбех нашх явишася.
Иже во времена прежняя и новая, святии вси: преподобнии и праведнии, ихже имена суть нам знаема и незнаема, Собор святых земли Казанския, Господу нашему о людех скорбных молитву вашу теплую излейте.
Богородичен: Всему отечеству нашему вменися честная икона Твоя, Владычице Богородице, всю землю Российскую любовию Твоею озарявши, Заступнице Усердная, темже и к жизни духовней, в Бозе сокровенней, люди Твоя недостойныя устрояеши.
Светилен:Красуйся, земле наша, светом Христовым просвещенная и Собор святых явившая: святителей и проповедников; мучеников, преподобных и праведных, тепле молящихся о роде своем, людех Российских, пред Богом ходящих.
Слава:Ликует ныне Церковь Казанская о прославлении новомучеников своих, в тяжкия дни гонения от безбожной власти за Христа пострадавших: священномучеников Кирилла, Амвросия, Димитрия, Филарета, преподобномучеников Сергия, Лаврентия, Серафима, и иже с ними во обители Зилантовой убиенных, таже Иосифа, Сергия, Антония, Варлаама, Иова и Петра, в пустыни Раифской кровью своею землю нашу освятивших и молящихся пред Богом за нас недостойных.
И ныне, Богородичен:Радуйся, Радосте наша, Заступнице Усердная, иконою Твоею верныя просвещающая и путь спасения вечнаго людем Твоим дарующая.
На хвалитех стихиры, глас 2.
Подобен: Доме Евфрафов:Да воспоется усердно Собор Святых, землю Казанскую светом учения Христова утвердивший.
Да прославятся и вознесутся звезды пресветлыя, святители Христови, земли восточныя отечества нашего просветивший.
Да возвысится память пресветлых мучеников Христовых, преподобных и праведных, люди своя чудотвореньми наставляющих.
Слава, глас тойже:Да радуется днесь Собор Святых, в земли Казанстей просиявших, да ликуют усердно Господу о нас молящийся, сии святии вей, иже именована быша, и сии, ихже имена у Господа сокрювена суть.
И ныне, Богородичен: Все упование мое на Тя возлагаю:
Славословие великое. И отпуст.
Месяца октября в 4-й день
Служба Собору Казанских святых
На малой вечерни
На Господи, воззвах: стихиры, глас 6:Дивны путие Промысла Господня, иже явиша в земли Казанской угодников святых веры Христовы прежде просвещения ея: святителей преславных, таже святых мучеников, и прочих святых, Христа исповедавших.
Воспоим, людие, Спасу нашему Богу, иже благоволи крещением святым землю Казанскую просветити, таже святых проповедников веры, святителей Гурия и Варсонофия купно с Германом первых учителей земли сей явити.
Христова просвещения плод красен приносит земля Казанская: святыя мученики и исповедники, еще же преподобныя отцы, иже страданьми и слезами Господу Иисусу Христу души своя молитвенно возложиша.
Слава, глас 8:Да почтется святых собор в земли Казанстей просиявших: святителей Христовых, исповедников, преподобных и праведных, да будет изрядно среди них воспет святый священномученик Ермоген, Патриарх Российский преславно явлынийся.
И ныне, глас тойже:Владычице, приими молитвы раб Твоих и избави ны от всякия нужды и печали.
На стиховне стихиры, глас 2.
Подобен: Доме Евфрафов:Богопросвещенныя ныне земли Казанския святии вси, о людях Российских молитву сотворите.
Стих: Честна пред Господем смерть преподобных Его.
Грады же и веси отечества нашего и всех живущих в них заступлением вашим от бед избавите, молимся.
Стих: Блажен муж, бояйся Господа, в заповедех Его восхощет зело.
Во дни, егда страждет от бури и нестроения земля Российская, помощники нам, святии вси, будите.
Слава: глас 6:Борими многажды грехом, да присно будем возстающе святою помощию и заступлением вашим, святии вси светлыя ныне земли Казанския.
И ныне: Богородице, Ты еси лоза истинная:
Тропарь, глас 3:Красуйся светло, земле Казанская, память Собора Святых Твоих совершающи: первых проповедник Слова - святителей преславных, таже святых мученик, исповедник и чудотворец, еще же преподобных и праведных, иже купно в славе вечной предстояще, молятся Христу Богу и Заступнице Усердней спастися людем Своим.
На велицей вечерни
Блажен муж: 1-й антифон.
На Господи, воззвах: стихиры, глас 8:Приидите, российстии собори, воспоим Содетелю нашему Богу, икону Казанскую Заступницы Усердныя нам явльшему, многия святыя, в дар честный нам даровавшаго.
Приидите, российстии людие, восхвалим земли Казанския первыя просветители, предивная Гурия и Варсонофия, таже преславнаго Германа, семена Христова учения в земли сей насадившия и люди многия к свету Христова Евангелия приведшия.
Приидите, чада церковная, подивимся, како израсте в земли сей великий святитель и мученик, Ермоген, Патриарх Российский, первый приявший на длани свои икону Казанскую Пречистыя Богоотроковицы, таже явление сие Богоматери и первыя просветители земли тоя в песнех церковных возвеличивший.
Приидите, вернии, познаем силу любве Христовы, юже святии мученицы восприяша, заступницы наши, святии чудотворцы Иоанн, Петр и Стефан, иже сладкое имя Христово исповедаша и от присных своих горькую смерть прияша.
Слава, глас 4:Да прославится днесь Собор святых, в земли Казанской Богу угодивших: славнии святители и просветители, таже священномученицы и исповедницы, кровь свою за Христа изливший, еще же преподобнии и праведнии, именованнии и неименованнии, покровом Матере Божия, Заступницы Усердныя в земли сей утвержденнии.
И ныне, глас тойже: Иже Тебе ради Богоотец пророк Давид:
Пророчества Исаиина чтениеТако глаголет Господь: вси языцы собрашася вкупе, и соберутся князи от них. Кто возвестит сия в них? Или, яже от начала, кто слышана сотворит вам? Да приведут свидетели своя, и оправдятся, и да услышат, и да рекут истину. Будите Ми свидетели, и Аз Свидетель, глаголет Господь Бог, и отрок, егоже избрах. Да познаете, и веруете Ми, и разумеете, яко Аз есмь, прежде Мене не бысть ин бог, и по Мне не будет. Аз есмь Бог, и несть, разве Мене, спасаяй. Аз возвестих и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь, и несть от рук Моих избавляяй. Сотворю, и кто отвратит то? Сице глаголет Господь Бог, избавляяй вас, Святый Израилев.
Премудрости Соломоновы чтениеПраведных души в руце Божией, и не прикоснется их мука. Непщевани быша во очесех безумных умрети, и вменися озлобление исход их. И еже от нас шествие - сокрушение, они же суть в мире. Ибо пред лицем человеческим аще и муку приимут, упование их безсмертия исполнено. И вмале наказани бывше, великими благодетельствовани будут, яко Бог искуси я и обрете их достойны Себе. Яко злато в горниле, искуси их и, яко всеплодие жертвенное, прият я. И во время посещения их возсияют и, яко искры по стеблию, потекут. Судят языком и обладают людьми, и воцарится Господь в них во веки. Надеющиися Нань разумеют истину и вернии в любви пребудут Ему, яко благодать и милость в преподобных Его и посещение во избранных Его.
Премудрости Соломоновы чтениеПраведницы во веки живут, и в Господе мзда их, и попечение их у Вышняго. Сего ради приимут Царствие благолепия и венец доброты от руки Господни, зане десницею покрыет я и мышцею защитит их. Приимет всеоружие рвение Свое и вооружит тварь в месть врагом. Облечется в броня правды и возложит шлем - суд нелицемерен. Приимет щит непобедимый - преподобие, поострит же напрасный гнев во оружие, споборет же с ним мир на безумныя. Пойдут праволучныя стрелы молниины и, яко от благокругла лука облаков, на намерение полетят, и от каменометныя ярости исполнь падут грады, вознегодует на них вода морская, реки же потопят я нагло. Сопротив станет им дух силы и, яко вихор, развеет их, и опустошит всю землю беззаконие, и злодейство превратит престолы сильных. Слышите убо, царие, и разумейте, навыкните, судии концев земли, внушите, держащия множества и гордящияся о народех язык. Яко дана есть от Господа держава вам и сила от Вышняго.
На литии стихира, глас 6:Воззовем со благодарением Промыслителю нашему Богу, извольшему люди восточныя, крайния отечества нашего, святым крещением просветити, многая святыя проповедники и исповедники в тех возставити, таже люди российския на подвиг ратный "встречь солнца" управити. Господи, слава святому смотрению Твоему!
Слава, глас 8:Егда темный сей край восточный земли нашея просветися, тогда многая святыя явил еси, Боже наш, славу Церкве Твоея возвещающия. Господи, слава Тебе.
И ныне, Богородичен.
На стиховне стихиры, глас 8:Припадем с любовию к преславным святителем Господним Гурию, Варсонофию и Герману, первым просветителем земли Казанския, таже воспоим пречуднаго Ермогена, святителя-исповедника и Патриарха Российскаго.
Стих: Честна пред Господем смерть преподобных Его.
Помолимся усердно страстотерпцем Казанским, святым мучеником Иоанну, Стефану и Петру, имя Христово дерзновенно исповедавшим, таже воспоим собор страдалец Христовых со Иаковом, Борисом и Феодором, души своя за Христа положивших и заступники наша усердныя явльшихся.
Стих: Блажен муж, бояйся Господа, в заповедех Его восхощет зело.
Воспоим и почудимся подвигом же, слезам и молитвам, яже преподобнии отцы Казанстии со преславныма Ионою и Нектарием Богу принесоша, таже плод духовный многовековый в земли сей возрастиша.
Слава, глас 6:Собор святых земли Казанския вопиет усердно ко Господу, да сохранит и избавит Спас мира Христос народ православный, во всех концех державы Российстей, молитву о спасении приносящих.
И ныне, Богородичен: Богородице, ты еси лоза истинная:
На утрени
На Бог Господь: тропарь Собора Казанских святых, дважды.
Слава, и ныне, Богородичен.
По первом стнхословии седален, глас 6:Собор святых земли Казанския Богу предстоит, о людех скорбящих усердно молитву возсылающий.
Слава, и ныне, Богородичен:Богородице, Мати Божия, носило света неизреченнаго, помощию Твоею люди скорбящия Твоя снабдевати не престай, Дево Пресвятая.
По втором стихословии седален, глас 6:Память святых, в земли Казанской просиявших, совершающе, людие, возвеселимся, крепкия сия помощники стяжавше.
Слава, и ныне, Богородичен:Людей Твоих мольбы приими, Пречистая Мати Божия, и от всякаго злато обстояния избави.
По полиелеи величание:Величаем вас, святии вси, в земли Казанстей просиявшии, и чтим святую память вашу, вы бо молите о нас Христа Бога нашего.
По полиелеи седален. глас 1:В чертозех небесных Владыки нашего славно сияющь, Соборе святых Казанских, братий твоих земных не остави.
Слава, и ныне, Богородичен:Недугов и всяких болезней да избавлени будем заступлением Твоим, Пречистая Мати, селение и слава небесная.
По 50-м псалме стихира, глас 6:Соберемся, людие, милостивое смотрение Божие восславити, изволил бо Господь наш землю Казанскую просветити; темже подвижников Христовых прославим: святителей чудных, исповедников, преподобных, праведных и всех святых, край сей освятивших помощию Господа нашего и благодатию Его.
Канон Богородице со ирмосом на 6.
Таже всем святым, в земли Казанстей просиявшим, глас 8.
Песнь 1Ирмос: Воду прошед яко сушу и Египетскаго зла избежав, израильтянин вопияше: избавителю и Богу нашему поим.
Припев: Вси святи, в земли Казанской просиявшии, молите Бога о нас.
Святии вси, иже землю Казанскую прежде ея просвещения именем Христовым освятиша, святителие Христовы и исповедницы, ихже достойно исчислити не можем, молитву вашу сотворите о братиях ваших страждущих, молим вы.
Первый просветителю Казанский, Гурие преславне, многу печаль и тяготу в юности твоей понесл еси, все упование на Бога возложь, добр инок сотворился еси, путь бо твой духовный управи Господь.
Повелением царевым в Казань пришед, велий проповедник веры Христовы явился еси, святителю Гурие, многия неверныя ко Христу обратил еси, чудесы преславными веру сих укрепляяй.
Богородичен: Аще и горение велие града Казани яви нам зрак Лица Твоего, Дево Пречистая, обаче Заступница Усердная земли нашея явилася еси, Мати Божия, христиан похвало.
Песнь 3Ирмос: Ты еси утверждение притекающих к Тебе, Господи, Ты еси свет омраченных и поет Тя дух мой.
Святии исповедницы земли Казанския, прежде просвещения и по просвещении ея, кровь свою за Христа излившии, молитеся о нас недостойных дерзновение о вере Христове чрез все житие наше сохранити.
Святителю преславный Варсонофие, первый просветителю града Казани, в младем возрасте твоем горький плен понесый, монах предивный по избытии того явился еси, таже отцем иноков содеявся, моли спастися унылым душам нашим.
Святителю Варсонофие преподобне, первый устроитель жития монашескаго во граде Казани быв, красну обитель Спасова Преображения воздвигл еси, наставник быв чадом твоим, в законех жизни духовныя преславно светил еси .
Богородичен: Сокрытый в земли образ Твой, Дево Пречистая, Заступнице Усердная, по явлении Лика Твоего многая чудеса преславная и утешения духовная обильно источает страждущим рабом Твоим.
Седален, глас 5:Исповедников имене Христова, прежде просвещения земли Казанския и по просвещении ея, святых всех возвеличим: святителей Гурия, Варсонофия, Германа, Ефрема и Епифания преславных, святых мучеников Авраамия, Иоанна, Петра, Стефана, Феодора, Бориса, Иакова, Сильвана и яже с ними, души своя за Христа положивших, таже преподобных Иону и Нектария с Гавриилом, вкупе пред престолом Божиим предстоящих, и всех святых, подвиги своя в земли Казанской совершивших и за ны Богу молящихся.
Слава, и ныне, Богородичен:Деву Пречистую, Матерь Христа Бога возвеличим, Собора святых в роде нашем память соблюдающую.
Песнь 4Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра отча и нашу нищету посетив, тем с пророком Аввакумом зову Ти: силе Твоей слава, человеколюбие.
Край Казанский солию учения Христова просветил еси, святителю Германе, таже во граде Свияжске обитель Богоматери создав, добр учитель явился еси, святе.
Книжному учению навык, инок добр от юности твоея явися, еще же друг и собеседник Максима преподобнаго быв, на пути иночестем укреплялся еси, преподобне Германе преславне.
Престол Казанский по святем Гурии наследовав, добр пастырь и просветитель людем новым явился еси, святе Германе премудре, таже храмы Божия в земли Казанской умножив, на высшее служение восхищен был еси.
Богородичен: Образ Твой Преславный восхотев дати людем новопросвещенным, Заступнице Усердная, волю Свою чистей отроковице открыла еси, тем же Тя славим, Мати Богоневестная.
Песнь 5Ирмос: Вскую мя отринул еси от лица Твоего, свете незаходимый, и покрыла мя есть чуждая тьма окаяннаго, но обрати мя, и к свету заповедей Твоих пути моя направи, молюся.
Икону явльшуюся Пресвятыя Богородицы Заступницы Усердныя на длани своя приял еси, святителю Ермогене, первое же пение молебное пред нею сотворил еси, темже тя ублажаем, преславне.
Был еси, святителю Ермогене досточудне, первоиерарх Церкве Российския, таже залог спасения ея и всего отечества, егда брань тяжкая постиже Российскую землю, первый положил еси молитвы, слезы и прещения твоя, от врагов сию избавляли.
Явился еси предстатель наш и всего отечества православнаго, егда страдания тяжкая и смерть горькую приял еси, священноисповедниче Ермогене прехвальне, темже в чертозех небесных вселился еси, святе.
Богородичен: Знамение спасения явилася еси, Богомати Пречистая, егда иконою Твоею святою, яко Заступница Усердная, людем православным победу даровала еси, полки же иноземныя рассеяла еси.
Песнь 6Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися и молюся, яко Иона, от тли, Боже, возведи мя.
Святии вси земли Казанския, яко звезды пресветлыя в странах востока просиявшия, людем новым, в Церкви Христове упасшимся, покров свой и защиту явите.
Молим вы, святителие Христовы Казанския страны: Ефреме и Епифание, да вашими святыми молитвами подаст Господь миру умирение.
Молим вы, Соборе святых земли Казанския, святым образом Матери Божией, Заступницы Усердной осиянныя, людей отечества вашего предстательством своим не оставите.
Богородичен: Егда возсия от земли Казанския святая икона Твоя, Владычице, тогда вси людие возвеселишася, помощницу Божию в скорбех своих обретше.
Кондак, глас 3:Веселитеся, людие, и взыграйте, память всех святых земли Казанския совершающе, тии бо молят прилежно Спасителя нашего Бога и Заступницу Усердную спастися рабом Своим.
Икос:Соберитеся, людие, в храм пресветлый Заступницы Усердныя, идеже купно со святыми, в земли Казанстей явльшимися, молит Пресвятая Владычица Сына Своего спастися недостойным рабом Своим.
Песнь 7Ирмос: В начале землю основавый и небеса Словом утвердивый, благословен еси во веки, Господи Боже отец наших.
Прежде просвещения земли Казанския ты, святый мучениче Иоанне, свет пресветлый явился еси, Христа Сына Божия исповедав и кровь Твою честную за Того пролил еси, братию твою, люди Российския, в вере Христове укрепляя.
Сладкое имя Христово призывал еси, святый мучениче Петре, ближняя твоя приглашая имя сие исповедати и Троице Святей поклонитися. Темже пострадав, помощь твою нам источаеши, святе мучениче Петре блаженне.
Ты, преславный мучениче Стефане, Христа возлюбив и исцеление недугов прием, даже до конца верен Тому пребыл еси, от соотечественник твоих раздробляем; темже помощник верный людем Христовым явился еси, святе.
Святии мученицы: Борисе, Иакове, Феодоре, Василие и прочии страстотерпцы Казанстии, вы велие дерзновение в вере Христове явили есте, темже и чудотворцы преславнии людем своим соделастеся.
Богородичен: Мати Божия Пречистая, образ Свой, яко дар пресвят земли Казанской давшая и тем многих исповедников Сына и Бога Твоего укрепившая, Заступнице Усердная, люди Твоя не остави
Песнь 8Ирмос: На горе святей прославльшася и в купине огнем Приснодевы Моисеови тайну явльшаго, Господа пойте и превозносите во вся веки.
Молитвами вашими, преподобнии отцы Ионо и Нектарие, землю Кзанскую новопросвещенную освятиста и погребена близ наставника вашего святителя Гурия, нетление обретоста, темже братий ваших заступлением своим не оставляйте.
Подвижники земли Казанския, преподобнии Ефреме и Епифание преславнии, подвиги вашими к Богу взыдоста, ты же, преподобне Гаврииле, Седмиезерская похвало, молитвенник изрядный явися и помощник в скорбех людем твоим.
Преподобнии отцы наши и матери, подвиги вашими землю Казанскую осиявшии, ихже имена изочтени у Бога суть, подвижницы древнии, таже и дней новых молитву усердную о братиях ваших, спасения ищущих, Богу сотворите.
Богородичен: Мати Божия, Пречистая, ты не точию землю Казанскую святою иконою Твоею просвещаеши, но и всей державе Российстей в скорбех и ратных нахождениях Заступница Усердная являешися; темже Тя верно почитаем.
Песнь 9Ирмос: Проявленное на горе Законоположнику во огни и купине рождество Приснодевы, в наше верных спасение, песньми немолчными величаем.
Воздадим хвалу Богу, восточныя пределы земли нашея святым крещением просветившему, темже многия святыя помощники и покровители, в стране Казанстей нам возставившему.
Вси святии земли Казанския, угодницы Божии, Духа Святаго сосуди честнии бывше, благодать Божественную восприясте, непрестанно молите о воспевающих и чтущих святую память вашу.
Честныя бисеры Христовы, славныя страдальцы воспоим, иже землю Казанскую кровьми своими освятивша и помощницы теплии в скорбех нашх явишася.
Иже во времена прежняя и новая, святии вси: преподобнии и праведнии, ихже имена суть нам знаема и незнаема, Собор святых земли Казанския, Господу нашему о людех скорбных молитву вашу теплую излейте.
Богородичен: Всему отечеству нашему вменися честная икона Твоя, Владычице Богородице, всю землю Российскую любовию Твоею озарявши, Заступнице Усердная, темже и к жизни духовней, в Бозе сокровенней, люди Твоя недостойныя устрояеши.
Светилен:Красуйся, земле наша, светом Христовым просвещенная и Собор святых явившая: святителей и проповедников; мучеников, преподобных и праведных, тепле молящихся о роде своем, людех Российских, пред Богом ходящих.
Слава:Ликует ныне Церковь Казанская о прославлении новомучеников своих, в тяжкия дни гонения от безбожной власти за Христа пострадавших: священномучеников Кирилла, Амвросия, Димитрия, Филарета, преподобномучеников Сергия, Лаврентия, Серафима, и иже с ними во обители Зилантовой убиенных, таже Иосифа, Сергия, Антония, Варлаама, Иова и Петра, в пустыни Раифской кровью своею землю нашу освятивших и молящихся пред Богом за нас недостойных.
И ныне, Богородичен:Радуйся, Радосте наша, Заступнице Усердная, иконою Твоею верныя просвещающая и путь спасения вечнаго людем Твоим дарующая.
На хвалитех стихиры, глас 2.
Подобен: Доме Евфрафов:Да воспоется усердно Собор Святых, землю Казанскую светом учения Христова утвердивший.
Да прославятся и вознесутся звезды пресветлыя, святители Христови, земли восточныя отечества нашего просветивший.
Да возвысится память пресветлых мучеников Христовых, преподобных и праведных, люди своя чудотвореньми наставляющих.
Слава, глас тойже:Да радуется днесь Собор Святых, в земли Казанстей просиявших, да ликуют усердно Господу о нас молящийся, сии святии вей, иже именована быша, и сии, ихже имена у Господа сокрювена суть.
И ныне, Богородичен: Все упование мое на Тя возлагаю:
Славословие великое. И отпуст.