Канон святой мученице Бландине Лионской
Канон святой мученице Бландине (†177) составлен известным русским литургистом Борисом Ивановичем Сове (1899 - 1962). Текст воспроизводится по публикации в «Вестнике русского христианского движения» № 2 (139) за 1983 г. (стр. 5 - 9).
25 июля
Канон святой мученице Бландине, глас 5.
Песнь 1Ирмос: Спасителю Богу, / в мори люди немокрыми ногами наставльшему, / и фараона со всевоинством потопльшему, / Тому Единому поим, яко прославися.
Отверзи ми, Господи, устне недостойнии, да воспою радостно славныя мученицы Твоея Бландины победное торжество.
Се ныне избра Бог немощная мира, и уничиженная, и не сущая, да сущая упразднит, о мученице Бландино, христианского рода похвало и радование.
Никтоже о юности твоей да нерадит! тако взываше Галлийская крестоносная Церковь, внимая славному исповеданию твоему. Явила бо ся еси крепчае многих мужей, взывая непрестанно: Христу Единому поим, яко прославися.
Богородичен: Царице моя, Царя царствующих Мати, укрепи ум мой царствовати над суетным мира сего пленением.
Песнь 3Ирмос: Водрузивый на ничесомже землю повелением Твоим, / и повесивши неодержимо тяготеющую, / на недвижемем, Христе, камени заповедей Твоих / Церковь Твою утверди, / Едине Блаже и Человеколюбце.
Глаголаше Бландина страждущим с нею: не убойтеся за немощь мою, о братие! аз бо познах Истину, свободившую душу мою от работы вражия и подклонихся благому игу Христову.
В темницу ввержена была еси, и вяжема и к каменному столбу прикована, юнице терпеливодушная, за слово Господне еже воистину не вяжется.
Кое слово изрещи возможет терзания, яже претерпела еси на многи дни, яко верная раба Христова, удивляя самих мучителей радостотворною светлостию твоею, яже утверждаше Церковь.
Богородичен: Радость Ангелов, скорбящих всех пребыстрая Утешительнице, Марие, утесненное сердце мое мольбами Твоими утеши.
Седален, глас 4.
Подобен: Удивися Иосиф:Удивишася твоему терпению многому, / человецы на земли и бесплотнии силы небеснии: / смерть бо горькую терпяще, честная, / змия отступника убила еси, / дева невесто Жизнодавца Бландина, / веры поборница.
Песнь 4Ирмос: Дела смотрения Твоего, Господи, / ужасиша пророка Аввакума / изшел бо ecи на спасение людей Твоих, / спасти помазанныя Твоя пришел ecи.
Во смирении и трудах провождала еси жизнь твою, отроковице. Темже и во время страсти твоея покры тя благодать Божия и воистину непобедиму сотвори.
Повешена крестообразно на древе и молящеся о мучителях своих, возвела еси сердца взирающих на пречистой Страсти Христовой, ейже воистину божественно причастилася еси.
Видевши святая себе от уз плотских разрешаему муками, несказанно веселяшеся.
Богородичен: Как соделалася еси Маги Судии всех и Бога, рцы ми, о Дево? смиреннее бо всех созданий воистину была еси.
Песнь 5Ирмос: Одеяйся светом яко ризою, / к Тебе утренюю, / и Тебе зову: / душу мою просвети омраченную, Христе, / яко Един благоутробен.
Кто ми разлучит от любве Христа моего? тако взывала еси, мученице, во страдании твоем. Той бо дарует ми живот вечный, яко Един благоутробен.
И словом и делом увеселяла еси страждущих с тобою, Бландино, и, яко доблественная мать, совершивши подвиг чад своих, сама устремилася еси во след их на брачный пир Агнца.
Поистине вера твоя победила мира сего всю силу, страстотерпице, утверждашеся бо на Камени краеугольнем, по слову Господню: веруяй в Он не постыдится!
Богородичен: Одеяйся светом яко ризою облекает Тя в Солнце, Пресвятая Дево, лучами живоносными всю землю осиявающее.
Песнь 6Ирмос: Неистовствующееся бурею душетленною, / Владыко Христе, / страстей море укроти, / и от тли возведи мя, / яко благоутробен.
Брат от брата помогаем удобь попирает врага: и ты, дево мудрая, неослабно укрепляла еси страждущих с тобою, углаждая путь их в небесный Сион.
Якоже агница повешена, славная, посреди зверей, кроткими показала еси сих паче мучителей твоих, якоже иногда пророк.
Смирив себе под крепкую руку Господню, ныне высоко вознесена еси на небеси, мученице Боговиднейшая.
Богородичен: Разрушила еси клятву праматернюю и укрепила еси на ню множество мучениц славных, паче всех благ Сына Твоего взыскавших, Пречистая.
Кондак, глас 3:Отроковица предивная Бландина, / за любовь Христову крестовидную страсть в немощи твоей мужески претерпела еси, / благодатию божественнаго причащения поспешествуема. / Зверю же терзающи плоти твоя, / глас Женихов внимала еси: / гряди, голубице моя, в пресветлый Чертог Мой.
Песнь 7Ирмос: Превозносимый отцев Господь / пламень угаси, отроки ороси, / согласно поющия: / Боже, благословен еси.
Уподобилася еси благочестивым отроком трием, древле ликующим в пещи, добрая юнице, велегласно поюще: Боже, благословен еси.
Мужески пронесла еси Имя Христово пред человеки, святая, на Сего Еданаго взирая очами и сердцем и взывая: Боже, благословен еси.
Ты веси немощь мрю, Создавый мя: облецы мя крепостию Твоею, Возлюбленне, да Тебе непрестанно взываю: Боже, благословен еси.
Богородичен: Пою Тя, Владычице, любовию сердца моего, внимая благоговейно божественной песни, юже воспела еси древле: Боже, благословен еси.
Песнь 8Ирмос: Тебе Вседетелю / в пещи отроцы, / всемирный лик сплетше, пояху: / дела всякая Господа пойте / и превозносите во вся веки.
Цветница мучеников Богокрасная, имуще посреде себе Бландину деву, яко шипок благовоннейший, песнь божественную воспевая, глаголаше: дела всякая Господа пойте и превозносите во вся веки.
На земли равноангельное житие имела еси, святая, и преукрашенное мученическими кровьми; и ныне, на небесех, насыщался Светом Божественным, назирай поющия: дела всякая Господа пойте и превозносите во вся веки.
Тя Богу приводим молитвенницу о чтущих тя, блаженная, моли подати нам разум пеги всегда: дела всякая Господа пойте и превозносите во вся веки.
Богородичен: Пещь отроков изобрази таинство Рождества Твоего, Богородице: да и мы, в пещи скорбей сущи, зрим Христа мысленно раждающагося в душах наших, и воспеваем: дела всякая Господа пойте и превозносите во вся веки.
Песнь 9Ирмос: Исайе, ликуй, Дева име во чреве, / и роди Сына Еммануила, Бога же и человека, / Восток Имя Ему: / Егоже величающе, Деву ублажаем.
Яко плод зрел, блаженная, в муках многообразных достойно совершившися, пала еси на землю живых, величая Создавшего тя.
Аще и умолкоша уста твоя, исповедница Христова, но не престают и доныне столп и юзы свидетельствовати о добром подвизе твоем.
Се ныне воззри с высоты на певцы твоя, приснопамятная, заступай ны в нуждах наших и буди нам путеводите льница к блаженству вечному.
Богородичен: Кую Ти песнь принесу достойную, Пресвятая Дево? радостотвориши бо верныя люди Твоя всегда надеждею Живота Нескончаемаго.
Светилен:Верою, надеждею и любовию вооружившеся, блаженная, дерзнула еси на страдальчество, и ныне на небесех богатное приемлеши воздаяние от руки Подвигоположника твоего.
25 июля
Канон святой мученице Бландине, глас 5.
Песнь 1Ирмос: Спасителю Богу, / в мори люди немокрыми ногами наставльшему, / и фараона со всевоинством потопльшему, / Тому Единому поим, яко прославися.
Отверзи ми, Господи, устне недостойнии, да воспою радостно славныя мученицы Твоея Бландины победное торжество.
Се ныне избра Бог немощная мира, и уничиженная, и не сущая, да сущая упразднит, о мученице Бландино, христианского рода похвало и радование.
Никтоже о юности твоей да нерадит! тако взываше Галлийская крестоносная Церковь, внимая славному исповеданию твоему. Явила бо ся еси крепчае многих мужей, взывая непрестанно: Христу Единому поим, яко прославися.
Богородичен: Царице моя, Царя царствующих Мати, укрепи ум мой царствовати над суетным мира сего пленением.
Песнь 3Ирмос: Водрузивый на ничесомже землю повелением Твоим, / и повесивши неодержимо тяготеющую, / на недвижемем, Христе, камени заповедей Твоих / Церковь Твою утверди, / Едине Блаже и Человеколюбце.
Глаголаше Бландина страждущим с нею: не убойтеся за немощь мою, о братие! аз бо познах Истину, свободившую душу мою от работы вражия и подклонихся благому игу Христову.
В темницу ввержена была еси, и вяжема и к каменному столбу прикована, юнице терпеливодушная, за слово Господне еже воистину не вяжется.
Кое слово изрещи возможет терзания, яже претерпела еси на многи дни, яко верная раба Христова, удивляя самих мучителей радостотворною светлостию твоею, яже утверждаше Церковь.
Богородичен: Радость Ангелов, скорбящих всех пребыстрая Утешительнице, Марие, утесненное сердце мое мольбами Твоими утеши.
Седален, глас 4.
Подобен: Удивися Иосиф:Удивишася твоему терпению многому, / человецы на земли и бесплотнии силы небеснии: / смерть бо горькую терпяще, честная, / змия отступника убила еси, / дева невесто Жизнодавца Бландина, / веры поборница.
Песнь 4Ирмос: Дела смотрения Твоего, Господи, / ужасиша пророка Аввакума / изшел бо ecи на спасение людей Твоих, / спасти помазанныя Твоя пришел ecи.
Во смирении и трудах провождала еси жизнь твою, отроковице. Темже и во время страсти твоея покры тя благодать Божия и воистину непобедиму сотвори.
Повешена крестообразно на древе и молящеся о мучителях своих, возвела еси сердца взирающих на пречистой Страсти Христовой, ейже воистину божественно причастилася еси.
Видевши святая себе от уз плотских разрешаему муками, несказанно веселяшеся.
Богородичен: Как соделалася еси Маги Судии всех и Бога, рцы ми, о Дево? смиреннее бо всех созданий воистину была еси.
Песнь 5Ирмос: Одеяйся светом яко ризою, / к Тебе утренюю, / и Тебе зову: / душу мою просвети омраченную, Христе, / яко Един благоутробен.
Кто ми разлучит от любве Христа моего? тако взывала еси, мученице, во страдании твоем. Той бо дарует ми живот вечный, яко Един благоутробен.
И словом и делом увеселяла еси страждущих с тобою, Бландино, и, яко доблественная мать, совершивши подвиг чад своих, сама устремилася еси во след их на брачный пир Агнца.
Поистине вера твоя победила мира сего всю силу, страстотерпице, утверждашеся бо на Камени краеугольнем, по слову Господню: веруяй в Он не постыдится!
Богородичен: Одеяйся светом яко ризою облекает Тя в Солнце, Пресвятая Дево, лучами живоносными всю землю осиявающее.
Песнь 6Ирмос: Неистовствующееся бурею душетленною, / Владыко Христе, / страстей море укроти, / и от тли возведи мя, / яко благоутробен.
Брат от брата помогаем удобь попирает врага: и ты, дево мудрая, неослабно укрепляла еси страждущих с тобою, углаждая путь их в небесный Сион.
Якоже агница повешена, славная, посреди зверей, кроткими показала еси сих паче мучителей твоих, якоже иногда пророк.
Смирив себе под крепкую руку Господню, ныне высоко вознесена еси на небеси, мученице Боговиднейшая.
Богородичен: Разрушила еси клятву праматернюю и укрепила еси на ню множество мучениц славных, паче всех благ Сына Твоего взыскавших, Пречистая.
Кондак, глас 3:Отроковица предивная Бландина, / за любовь Христову крестовидную страсть в немощи твоей мужески претерпела еси, / благодатию божественнаго причащения поспешествуема. / Зверю же терзающи плоти твоя, / глас Женихов внимала еси: / гряди, голубице моя, в пресветлый Чертог Мой.
Песнь 7Ирмос: Превозносимый отцев Господь / пламень угаси, отроки ороси, / согласно поющия: / Боже, благословен еси.
Уподобилася еси благочестивым отроком трием, древле ликующим в пещи, добрая юнице, велегласно поюще: Боже, благословен еси.
Мужески пронесла еси Имя Христово пред человеки, святая, на Сего Еданаго взирая очами и сердцем и взывая: Боже, благословен еси.
Ты веси немощь мрю, Создавый мя: облецы мя крепостию Твоею, Возлюбленне, да Тебе непрестанно взываю: Боже, благословен еси.
Богородичен: Пою Тя, Владычице, любовию сердца моего, внимая благоговейно божественной песни, юже воспела еси древле: Боже, благословен еси.
Песнь 8Ирмос: Тебе Вседетелю / в пещи отроцы, / всемирный лик сплетше, пояху: / дела всякая Господа пойте / и превозносите во вся веки.
Цветница мучеников Богокрасная, имуще посреде себе Бландину деву, яко шипок благовоннейший, песнь божественную воспевая, глаголаше: дела всякая Господа пойте и превозносите во вся веки.
На земли равноангельное житие имела еси, святая, и преукрашенное мученическими кровьми; и ныне, на небесех, насыщался Светом Божественным, назирай поющия: дела всякая Господа пойте и превозносите во вся веки.
Тя Богу приводим молитвенницу о чтущих тя, блаженная, моли подати нам разум пеги всегда: дела всякая Господа пойте и превозносите во вся веки.
Богородичен: Пещь отроков изобрази таинство Рождества Твоего, Богородице: да и мы, в пещи скорбей сущи, зрим Христа мысленно раждающагося в душах наших, и воспеваем: дела всякая Господа пойте и превозносите во вся веки.
Песнь 9Ирмос: Исайе, ликуй, Дева име во чреве, / и роди Сына Еммануила, Бога же и человека, / Восток Имя Ему: / Егоже величающе, Деву ублажаем.
Яко плод зрел, блаженная, в муках многообразных достойно совершившися, пала еси на землю живых, величая Создавшего тя.
Аще и умолкоша уста твоя, исповедница Христова, но не престают и доныне столп и юзы свидетельствовати о добром подвизе твоем.
Се ныне воззри с высоты на певцы твоя, приснопамятная, заступай ны в нуждах наших и буди нам путеводите льница к блаженству вечному.
Богородичен: Кую Ти песнь принесу достойную, Пресвятая Дево? радостотвориши бо верныя люди Твоя всегда надеждею Живота Нескончаемаго.
Светилен:Верою, надеждею и любовию вооружившеся, блаженная, дерзнула еси на страдальчество, и ныне на небесех богатное приемлеши воздаяние от руки Подвигоположника твоего.