Иная служба преподобному Иустину Челийскому
Иная, полиелейная, служба преподобному Иустину (Поповичу) составлена одним из насельников Оптиной пустыни. Текст воспроизводится по авторской машинописи; никакими цензурными инстанциями служба пока не рассматривалась.
Служба преподобному и богоносному отцу нашему Иустину Сербскому
Вечер
На Господи воззвах: стихиры, глас 5.
Подобен: Преподобне отче:Преподобне отче Богоносе Иустине, / в привременней жизни якоже древнии святии подвизался еси / в пениих и пощениих, и бдениих / образ быв твоим учеником; / ныне же ликуеши со Ангелы / Христа непрестанно славословя / без семени зачавшагося Архангельским гласом / и во утробу неискусобрачныя Богоотроковицы всельшагося / Того моли, Тому помолися, преподобне / даровати Церкви единомыслие / мир и велию милость.
Преподобне отче Богоносе Иустине, / обретши, якоже желаше / боголикую твою душу / Духа всесладкая благодать в тя вселися / яко Премудрости свет / и богомудраго тя пастыря показа / Христово спасительное домостроительство благовестити / к нам от Девы плоть приемшаго пришедшего Слова / Того моли, Тому помолися, преподобне / даровати вселенней единомыслие / мир и велию милость.
Преподобне отче Богоносе Иустине, / воистину сподобился еси божественныя жизни / чистейшим богословием и молитвою сию обрет / добродетельми безсмертными украсився и Горней жизни преставился еси / обожения путь всем рек / и со Безплотными Христа непрестанно славословя / Вочеловечшагося Бога / и человека богом соделавшаго / Того моли, Тому помолися преподобне / боготворящей благодати ниспослатися нам / мира и велия милости.
Слава, глас 2:Благовествует днесь Иустин богоглаголивый / богочеловеческия красоты высоким проповеданием / и радуется о нем Церковь Сербская / и вси земнии концы свеселятся / яко удиви Господь милость Свою на нас / и яви нам нового молитвенника / и предстателя и учителя / Сего ради вси зовем: / Радуйся, Иустине Златоглаголивый / единонравный Златоусту Божественному / имже венчался еси в проповедники / златотрубными глаголы просвещати земнии концы.
И ныне, догматик.
Паримии преподобническия.
На стиховне стихиры, глас 1.
Подобен: Небесных чинов:Богоносе Иустине, / Бога Слова благовестниче, / превысоким богословием украсивый Церковь / якоже и цветы благочестия возрастив в души твоей / явился еси живоносный сад Церкви Сербския / и молитвенник прилежный о всех нас.
Стих: Благовестите день от дне / спасение Бога нашего.
Богомудре отче Иустине, / догматы яко башню крепкую водрузил еси / и лжеименный разум яко вавилонский столп сокрушил еси / истину в Богочеловеке воплощенную благовестил еси / и непобедимый явился еси поборник православия / моли спастися всем нам.
Стих: Честна пред Господем / смерть преподобных Его
Богоблаженне Иустине, / воине крепкий Христа Бога, / на демоны яко вооружився непрестанным молением / и страсти низложив крепким пощением / добродетелей собрав великое множество / и святое житие / яко победоносный трофей принесл еси Христу.
Слава, глас 6:Яко серп изострив слово / и плевелы посекл еси новых ересей / ноги твоя красны содеяв благовествуя миру Вышний мир / на умовредныя страсти ополчился еси доброделанием / и копием смиренномудрия разорил еси бесовския полчища / победными почестьми украсился еси / и от Бога прием нетленный венец / Сего ради предстоя престолу Вседержителя / молися со дерзновением / о стаде твоем, отче Иустине / избавитися нам от сетей льстиваго змия / и улучити милость в день Судный.
И ныне, Богородичен.
По Ныне отпущаеши:
Тропарь, глас 8:Православия сладость и нектар, / отче преподобне, / излиял еси в сердца верных яко богатство, / житием своим и учением явив себе яко живая книга Духа, / Иустине Богомудре, / моли Христа Бога Слова / да обогословит тя почитающих.
На утрени
По 1-м стихословии седален, глас 4:Мертвых помышлений отвратився преблаженне Иустине, и возжелел еси служити Живому Богу, яко всякую мысль верою Христовою облагоухал еси и был еси причастник Животворящего всякое дыхание Духа. Сего ради оживотвори молитвами твоими, вкупе же и поученьми омертвевшия души наша, да в радости с тобою Воскресшему Христу поем: Аллилуия.
Слава, и ныне, Богородичен.
По 2-м стихословии седален, глас 1:Собрал еси в души Божественное богатство Духа отче Иустине, непорочную молитву богословие точащую, бдение всегдашние, чистоту и воздержания труды, имиже дом познался еси Божий. Сего ради от непотребных дел и страстей безчестия свободитися нам умоли Христа, да домы Духа Святаго явимся, твоим добродетелем возследствующа.
Слава, и ныне, Богородичен.
По полиелее седален, глас 8.
Подобен: Премудрость:Видением и деянием преестественне просияв, облистаеши ученьми, богословие богочеловеческаго пути ясно изъяснил еси, блаженне, яко прилепляяся Богу, обожение приемлем, прилепляяся же греху, низвергаемся во ад. Отонудуже возводиши твоим последствующия Духоносным учением, от страстей тины к Христоподражательней чистоте, Иустине Богомудре, моли Бога Слова прегрешений оставление подати чтущим любовию святую память твою.
Слава, и ныне, Богородичен.
По 50-м псалме, стихира, глас 2:
Благовествует днесь Иустин богоглаголивый:
Канон, глас 1, егоже краегранесие:
Благоглаголиваго Иустина благо воспою.
Песнь 1
Ирмос: Твоя победительная десница:Благодать от Бога приим, благоглаголиве Иустине, яко красный орган явился еси Всесвятаго Духа, воплощение Христово проповедав изящно, темже и моим устнам подаждь красно тя восхвалити.
Лепотно воспел еси Трисиятельное Божество, богомудро изъяснил еси тайноводственное учение Церкви, темже яко учителя тя восхваляют Церкви, блаженне.
Ангельски мудрствуя и живя на земли, небесным просвещся откровением, непричастен явился еси скверны греха, яко добродетели изрядный был еси подвижниче.
Богородичен: Господородительнице Пречистая, всея твари Госпоже Пресветлая, умножи милости Твоя, яко тварь вся болезнует, чая откровения сынов воскресения и пришествия Сына Твоего.
Песнь 3
Ирмос: Содетельная и содержительная всех:Освятился еси пресветлыми лучами Духа Божия, яко пресветлым добродетели путем ходил еси, темже на стези правыя настави тебе хвалящия, Иустине.
Господень был еси ученик преподобне, яко евангельским воспитался еси млеком издетска, и благочестными делы украсился еси.
Легкими крилы облетел еси учения, нектар собрал еси мудрости в душевный улий, святе, и небомудренную сладость произвел еси.
Богородичен: Ангелов Царя на руку Твоею носила еси, руки человекоубийственной избавившего человечество и со Ангелы сченившего праведных род.
Седален, глас 7:Миру распялся еси, преподобне, яко на крест молитвенным созерцанием воздвигл еси себе, и мира неразумие распял еси острыми гвоздьми учений твоих. Сего ради познание Истины яко свет воскресения областал еси, отче Иустине, имже и нам облистатися моли Спаса Христа.
Песнь 4
Ирмос: Велия тайна Твоего, Христе, смотрения:Глас Слова быв Иустине, Предтече подражая рачением, яко покаяние падшим проповедал еси и обличил еси властей предержащих неправедное.
Онебесил еси житие твое мудре, со святыми на небеси душею живя, яко и на земли подражати их праведному житию непрестая.
Лик Христов напечатлел еси в души твоей богообразней и был еси подражатель Христовых скорбей, яко терновый венец скорбей носил еси Иустине, боля о всей твари.
Богородичен: Из ложесн Твоих Девических Правды возсия Солнце, всю просвети вселенную пресвятыми лучи, и мою отемненную душу беззаконными делы, просвети, Пречистая, Твоими молитвами.
Песнь 5
Ирмос: О Всевидче, царей славо:Востекл еси на мысленныя горы боговедения, премудре, и тайны постигл еси богочеловеческия чистым умом, ихже проповедал еси неустанно отче Иустине, нашу богатя нищету.
Апостольски поревновав о Бозе Спасе твоем, и во всеоружия одеявся Всесвятаго Духа, и прелесть мудрования мирскаго, огнем проповедания преподобне попалив, сердца распалил еси учеников твоих благодатию.
Господню ризу украсил еси бисером твоих учений, и яко нешвенный хитон соткал еси труды твоими православную философию истины, сего ради тя ублажаем Иустине.
От источников неизсякаемых воду богословия почерпл еси, яко святоотеческий обрет кладезь православнаго предания, имже напоил еси чад твоих Иустине авво преподобне.
Богородичен: Изтече из утробы Твоея исцелений река, напаяющая землю изсохшую преступлением яко Господа родила еси Пречистая Дево, Иже землю на водах повесивый.
Песнь 6
Ирмос: Морский пучинородный:Ум херувимский стяжал еси, отче, якоже тайны богочеловеческия миру благовестил еси, и очи чистотою слезящия, имел еси. Имиже проплакаша всякая тварь богоблаженне.
Смиренномудрием одеявся яко сын царев, и правды венец терновый на челе твоем Иустине носивый, сего ради общник страстем Христовым явился еси и сонаследник горнего царствия.
Тверже адаманта бысть исповедание богочеловеческаго твоего пути, имже блажняхуся немощные умы, отче богомудре, но аще аз Иона - рекл еси Иустине - вверзите мя в море, да утишится буря и спасется корабль Церкви Сербския.
Богородичен: Иисуса Господа зачала еси паче чаяния Твоего Богоневесто, смиренномудрием украсшеся яко невестническою лепотою. Сего ради Мати явилася еси Безначального Слова, Емуже яко Раба поклонилася еси со Отцем и Духом.
Кондак, глас 4:Яко Божественную лествицу обретохом Иустине преподобне, твоя Боженственная поучения, к небеси ны возводящия, якоже учил еси, житием вообразил еси. Тем ти зовем: радуйся, православный философе Истины.
ИкосС небесных кругов слетев иногда Гавриил Архангел благовестити Деве Примирную Радость. Ты же, отче, на небесныя круги херувимским твоим востекл еси умом, и примирныя тайны постигл еси Богочеловеческия, к нам пришел еси яко учитель изящнейший, и изъяснил еси в няже Ангели жаждают приникнути. Сего ради с любовию тебе зовем: Радуйся, православный философе Истины.
Песнь 7
Ирмос: Всецаря любовию уловленнии образы:На небесную яко востекл еси стезю, стезями правыми ходивый по земли богоподражательне, темже научи ны уклонятися от пропастей греха и ходити богочеловеческим путем всеистины.
Ангельское житие показавый на земли, пощением усмиривый старстей возстание, и молитвою омолитвевый всю твою жизнь, благословен еси, Боже наш, непрестанно взывающе.
Божиими красотами украсивыйся, Христу последуя, Христа любя всею душею, с Нимже и сочтался еси богосодетельным единением, и был еси яко красныя Христовы уста, Иустине.
Богородичен: Ложесна Твоя Чистая, яко Престол показашася Царский, на нихже упокоися Христос Господь. Егоже милостива мне сотвори Богорадованная, унынием и нищетою содержимаго.
Песнь 8
Ирмос: Премудростью и Словом вся составльшаго Бога:Архангельским благовестием рождество твое почтеся, яко неустанным благовестником быв на земли, и даже до смерти не престал еси дело благовестника темже в Благовещение и преставился еси.
Грееши чад твоих, Иустине, ученьми твоими яко доилица духом посещая стадо твое, и обходиши всюду Церковь сербскую и с нею поеши: священницы, прославите, людие превозносите Христа во вся веки.
Основание непоколебимое Церкви оставив богомудре, твое богословие богочеловеческаго пути, имже просвещаются на земли живущии и христоносцами бывают благословяще Его во вся веки.
Троичен: В триех Лицех Единаго Бога воспевают тригубо небесное воинство, в человеце Благоволившего вселитися всем Божеством и Невидимаго воображенного во плоти одушевленней во Отце со Духом на престоле славы седящего.
Богородичен: От земных отступала еси, Девомати чистотою явльшися выше херувим, темже Почивающий на них вселься в Тя, Богорадованная, и твердь Тя умную показав.
Песнь 9Ирмос: Иже вышнюю глубину Божественного непостижения / благочестно отверз / ум, яко из камене необъемлемыя / Богоначальныя возвысил еси Троицы, всеблаженне отче, / тя величаем.
Святосавское дело продолжил еси на земли, благовествуя в Церкви Сербстей Христобогочеловеческое совершенство, темже к Савве боголикому отшел еси, яко ко Авраамову покоищу, с нимже молися о тя величающих.
Подвигом добрым подвизався, веру яко святосиянный адамант стяжав, святотроичным богословием яко пращею Давидовою, враги Церкви победив. Темже от Христа неувядаемым венцем увязлся еси, Иустине, моли о всех тя почитающих.
Отверзи твоя уста богоглаголивыя Иустине и Троицу Преблагостную умоли, умирити мир, Церкви кафоличестей даровати всеправославное единение, и обожение ниспослати всем кротким земли.
Богородичен: Юница Божественная, Отроковице Всечестная, Божественнаго Юнца моли Егоже родила еси несказанно: обновити мир обветшавший страстьми и младенствовати злобою православным христианом и юношески возростати в добродетели.
Светилен, глас 1:Яко полная луна на тверди возсиял еси Церкви Сербстей, нощь разсеявая мрачнаго греха, и сосветя Николаю солнцезрачному проповеднику, мир озаряя богоразумием. Темже молитеся о нас всегда.
На хвалитех стихиры, глас 1.
Подобен: О дивное чудо:О дивное чудо, / источник богословия отверзеся / напаяяй разумы боговедения / веселитися о сем Церковь Сербская / Святосавский святый доме / возопиим вернии / Иустина имуще яко учителя / Благословен еси Господи / яко во плоти к нам пришел еси / подаяй мирови Собою велию милость.
О дивное чудо, / источник жизни / от бренных устен источается / и лествица к небеси боговещанныя глаголы бывают / Веселится о сем Иустин премудрый / богословия троичнаго яко дом явися / возопиим вернии: / Радуйся преподобный наш учителю / яко тобою восприяхом от Христа велию милость.
Дивны твоя тайны, Иустине, / добродетельми яко звездами украсивыйся / и нощь неразумия прогнал еси / трисвятосолнечнаго Бога в сердце стяжав / и тайны евангельския боготворящия души наши яве раскрыв / херувимским богословием нас озарив / и к Небесным обителем светло возшел еси / идеже со всеми святыми Троице предстоя / молися, преподобне, / даровати нам велию милость.
Слава, глас 6:Преподобне отче Иустине / во всю землю изыде вещание исправлений твоих: / темже на небесех обрел еси мзду трудов твоих / демонская разорил еси полчища / и ангельския достигл еси чины / ихже житию непорочно поревновал еси. / дерзновение имея ко Христу Богу / мир испроси душам нашим.
И ныне, Богородичен.
Служба преподобному и богоносному отцу нашему Иустину Сербскому
Вечер
На Господи воззвах: стихиры, глас 5.
Подобен: Преподобне отче:Преподобне отче Богоносе Иустине, / в привременней жизни якоже древнии святии подвизался еси / в пениих и пощениих, и бдениих / образ быв твоим учеником; / ныне же ликуеши со Ангелы / Христа непрестанно славословя / без семени зачавшагося Архангельским гласом / и во утробу неискусобрачныя Богоотроковицы всельшагося / Того моли, Тому помолися, преподобне / даровати Церкви единомыслие / мир и велию милость.
Преподобне отче Богоносе Иустине, / обретши, якоже желаше / боголикую твою душу / Духа всесладкая благодать в тя вселися / яко Премудрости свет / и богомудраго тя пастыря показа / Христово спасительное домостроительство благовестити / к нам от Девы плоть приемшаго пришедшего Слова / Того моли, Тому помолися, преподобне / даровати вселенней единомыслие / мир и велию милость.
Преподобне отче Богоносе Иустине, / воистину сподобился еси божественныя жизни / чистейшим богословием и молитвою сию обрет / добродетельми безсмертными украсився и Горней жизни преставился еси / обожения путь всем рек / и со Безплотными Христа непрестанно славословя / Вочеловечшагося Бога / и человека богом соделавшаго / Того моли, Тому помолися преподобне / боготворящей благодати ниспослатися нам / мира и велия милости.
Слава, глас 2:Благовествует днесь Иустин богоглаголивый / богочеловеческия красоты высоким проповеданием / и радуется о нем Церковь Сербская / и вси земнии концы свеселятся / яко удиви Господь милость Свою на нас / и яви нам нового молитвенника / и предстателя и учителя / Сего ради вси зовем: / Радуйся, Иустине Златоглаголивый / единонравный Златоусту Божественному / имже венчался еси в проповедники / златотрубными глаголы просвещати земнии концы.
И ныне, догматик.
Паримии преподобническия.
На стиховне стихиры, глас 1.
Подобен: Небесных чинов:Богоносе Иустине, / Бога Слова благовестниче, / превысоким богословием украсивый Церковь / якоже и цветы благочестия возрастив в души твоей / явился еси живоносный сад Церкви Сербския / и молитвенник прилежный о всех нас.
Стих: Благовестите день от дне / спасение Бога нашего.
Богомудре отче Иустине, / догматы яко башню крепкую водрузил еси / и лжеименный разум яко вавилонский столп сокрушил еси / истину в Богочеловеке воплощенную благовестил еси / и непобедимый явился еси поборник православия / моли спастися всем нам.
Стих: Честна пред Господем / смерть преподобных Его
Богоблаженне Иустине, / воине крепкий Христа Бога, / на демоны яко вооружився непрестанным молением / и страсти низложив крепким пощением / добродетелей собрав великое множество / и святое житие / яко победоносный трофей принесл еси Христу.
Слава, глас 6:Яко серп изострив слово / и плевелы посекл еси новых ересей / ноги твоя красны содеяв благовествуя миру Вышний мир / на умовредныя страсти ополчился еси доброделанием / и копием смиренномудрия разорил еси бесовския полчища / победными почестьми украсился еси / и от Бога прием нетленный венец / Сего ради предстоя престолу Вседержителя / молися со дерзновением / о стаде твоем, отче Иустине / избавитися нам от сетей льстиваго змия / и улучити милость в день Судный.
И ныне, Богородичен.
По Ныне отпущаеши:
Тропарь, глас 8:Православия сладость и нектар, / отче преподобне, / излиял еси в сердца верных яко богатство, / житием своим и учением явив себе яко живая книга Духа, / Иустине Богомудре, / моли Христа Бога Слова / да обогословит тя почитающих.
На утрени
По 1-м стихословии седален, глас 4:Мертвых помышлений отвратився преблаженне Иустине, и возжелел еси служити Живому Богу, яко всякую мысль верою Христовою облагоухал еси и был еси причастник Животворящего всякое дыхание Духа. Сего ради оживотвори молитвами твоими, вкупе же и поученьми омертвевшия души наша, да в радости с тобою Воскресшему Христу поем: Аллилуия.
Слава, и ныне, Богородичен.
По 2-м стихословии седален, глас 1:Собрал еси в души Божественное богатство Духа отче Иустине, непорочную молитву богословие точащую, бдение всегдашние, чистоту и воздержания труды, имиже дом познался еси Божий. Сего ради от непотребных дел и страстей безчестия свободитися нам умоли Христа, да домы Духа Святаго явимся, твоим добродетелем возследствующа.
Слава, и ныне, Богородичен.
По полиелее седален, глас 8.
Подобен: Премудрость:Видением и деянием преестественне просияв, облистаеши ученьми, богословие богочеловеческаго пути ясно изъяснил еси, блаженне, яко прилепляяся Богу, обожение приемлем, прилепляяся же греху, низвергаемся во ад. Отонудуже возводиши твоим последствующия Духоносным учением, от страстей тины к Христоподражательней чистоте, Иустине Богомудре, моли Бога Слова прегрешений оставление подати чтущим любовию святую память твою.
Слава, и ныне, Богородичен.
По 50-м псалме, стихира, глас 2:
Благовествует днесь Иустин богоглаголивый:
Канон, глас 1, егоже краегранесие:
Благоглаголиваго Иустина благо воспою.
Песнь 1
Ирмос: Твоя победительная десница:Благодать от Бога приим, благоглаголиве Иустине, яко красный орган явился еси Всесвятаго Духа, воплощение Христово проповедав изящно, темже и моим устнам подаждь красно тя восхвалити.
Лепотно воспел еси Трисиятельное Божество, богомудро изъяснил еси тайноводственное учение Церкви, темже яко учителя тя восхваляют Церкви, блаженне.
Ангельски мудрствуя и живя на земли, небесным просвещся откровением, непричастен явился еси скверны греха, яко добродетели изрядный был еси подвижниче.
Богородичен: Господородительнице Пречистая, всея твари Госпоже Пресветлая, умножи милости Твоя, яко тварь вся болезнует, чая откровения сынов воскресения и пришествия Сына Твоего.
Песнь 3
Ирмос: Содетельная и содержительная всех:Освятился еси пресветлыми лучами Духа Божия, яко пресветлым добродетели путем ходил еси, темже на стези правыя настави тебе хвалящия, Иустине.
Господень был еси ученик преподобне, яко евангельским воспитался еси млеком издетска, и благочестными делы украсился еси.
Легкими крилы облетел еси учения, нектар собрал еси мудрости в душевный улий, святе, и небомудренную сладость произвел еси.
Богородичен: Ангелов Царя на руку Твоею носила еси, руки человекоубийственной избавившего человечество и со Ангелы сченившего праведных род.
Седален, глас 7:Миру распялся еси, преподобне, яко на крест молитвенным созерцанием воздвигл еси себе, и мира неразумие распял еси острыми гвоздьми учений твоих. Сего ради познание Истины яко свет воскресения областал еси, отче Иустине, имже и нам облистатися моли Спаса Христа.
Песнь 4
Ирмос: Велия тайна Твоего, Христе, смотрения:Глас Слова быв Иустине, Предтече подражая рачением, яко покаяние падшим проповедал еси и обличил еси властей предержащих неправедное.
Онебесил еси житие твое мудре, со святыми на небеси душею живя, яко и на земли подражати их праведному житию непрестая.
Лик Христов напечатлел еси в души твоей богообразней и был еси подражатель Христовых скорбей, яко терновый венец скорбей носил еси Иустине, боля о всей твари.
Богородичен: Из ложесн Твоих Девических Правды возсия Солнце, всю просвети вселенную пресвятыми лучи, и мою отемненную душу беззаконными делы, просвети, Пречистая, Твоими молитвами.
Песнь 5
Ирмос: О Всевидче, царей славо:Востекл еси на мысленныя горы боговедения, премудре, и тайны постигл еси богочеловеческия чистым умом, ихже проповедал еси неустанно отче Иустине, нашу богатя нищету.
Апостольски поревновав о Бозе Спасе твоем, и во всеоружия одеявся Всесвятаго Духа, и прелесть мудрования мирскаго, огнем проповедания преподобне попалив, сердца распалил еси учеников твоих благодатию.
Господню ризу украсил еси бисером твоих учений, и яко нешвенный хитон соткал еси труды твоими православную философию истины, сего ради тя ублажаем Иустине.
От источников неизсякаемых воду богословия почерпл еси, яко святоотеческий обрет кладезь православнаго предания, имже напоил еси чад твоих Иустине авво преподобне.
Богородичен: Изтече из утробы Твоея исцелений река, напаяющая землю изсохшую преступлением яко Господа родила еси Пречистая Дево, Иже землю на водах повесивый.
Песнь 6
Ирмос: Морский пучинородный:Ум херувимский стяжал еси, отче, якоже тайны богочеловеческия миру благовестил еси, и очи чистотою слезящия, имел еси. Имиже проплакаша всякая тварь богоблаженне.
Смиренномудрием одеявся яко сын царев, и правды венец терновый на челе твоем Иустине носивый, сего ради общник страстем Христовым явился еси и сонаследник горнего царствия.
Тверже адаманта бысть исповедание богочеловеческаго твоего пути, имже блажняхуся немощные умы, отче богомудре, но аще аз Иона - рекл еси Иустине - вверзите мя в море, да утишится буря и спасется корабль Церкви Сербския.
Богородичен: Иисуса Господа зачала еси паче чаяния Твоего Богоневесто, смиренномудрием украсшеся яко невестническою лепотою. Сего ради Мати явилася еси Безначального Слова, Емуже яко Раба поклонилася еси со Отцем и Духом.
Кондак, глас 4:Яко Божественную лествицу обретохом Иустине преподобне, твоя Боженственная поучения, к небеси ны возводящия, якоже учил еси, житием вообразил еси. Тем ти зовем: радуйся, православный философе Истины.
ИкосС небесных кругов слетев иногда Гавриил Архангел благовестити Деве Примирную Радость. Ты же, отче, на небесныя круги херувимским твоим востекл еси умом, и примирныя тайны постигл еси Богочеловеческия, к нам пришел еси яко учитель изящнейший, и изъяснил еси в няже Ангели жаждают приникнути. Сего ради с любовию тебе зовем: Радуйся, православный философе Истины.
Песнь 7
Ирмос: Всецаря любовию уловленнии образы:На небесную яко востекл еси стезю, стезями правыми ходивый по земли богоподражательне, темже научи ны уклонятися от пропастей греха и ходити богочеловеческим путем всеистины.
Ангельское житие показавый на земли, пощением усмиривый старстей возстание, и молитвою омолитвевый всю твою жизнь, благословен еси, Боже наш, непрестанно взывающе.
Божиими красотами украсивыйся, Христу последуя, Христа любя всею душею, с Нимже и сочтался еси богосодетельным единением, и был еси яко красныя Христовы уста, Иустине.
Богородичен: Ложесна Твоя Чистая, яко Престол показашася Царский, на нихже упокоися Христос Господь. Егоже милостива мне сотвори Богорадованная, унынием и нищетою содержимаго.
Песнь 8
Ирмос: Премудростью и Словом вся составльшаго Бога:Архангельским благовестием рождество твое почтеся, яко неустанным благовестником быв на земли, и даже до смерти не престал еси дело благовестника темже в Благовещение и преставился еси.
Грееши чад твоих, Иустине, ученьми твоими яко доилица духом посещая стадо твое, и обходиши всюду Церковь сербскую и с нею поеши: священницы, прославите, людие превозносите Христа во вся веки.
Основание непоколебимое Церкви оставив богомудре, твое богословие богочеловеческаго пути, имже просвещаются на земли живущии и христоносцами бывают благословяще Его во вся веки.
Троичен: В триех Лицех Единаго Бога воспевают тригубо небесное воинство, в человеце Благоволившего вселитися всем Божеством и Невидимаго воображенного во плоти одушевленней во Отце со Духом на престоле славы седящего.
Богородичен: От земных отступала еси, Девомати чистотою явльшися выше херувим, темже Почивающий на них вселься в Тя, Богорадованная, и твердь Тя умную показав.
Песнь 9Ирмос: Иже вышнюю глубину Божественного непостижения / благочестно отверз / ум, яко из камене необъемлемыя / Богоначальныя возвысил еси Троицы, всеблаженне отче, / тя величаем.
Святосавское дело продолжил еси на земли, благовествуя в Церкви Сербстей Христобогочеловеческое совершенство, темже к Савве боголикому отшел еси, яко ко Авраамову покоищу, с нимже молися о тя величающих.
Подвигом добрым подвизався, веру яко святосиянный адамант стяжав, святотроичным богословием яко пращею Давидовою, враги Церкви победив. Темже от Христа неувядаемым венцем увязлся еси, Иустине, моли о всех тя почитающих.
Отверзи твоя уста богоглаголивыя Иустине и Троицу Преблагостную умоли, умирити мир, Церкви кафоличестей даровати всеправославное единение, и обожение ниспослати всем кротким земли.
Богородичен: Юница Божественная, Отроковице Всечестная, Божественнаго Юнца моли Егоже родила еси несказанно: обновити мир обветшавший страстьми и младенствовати злобою православным христианом и юношески возростати в добродетели.
Светилен, глас 1:Яко полная луна на тверди возсиял еси Церкви Сербстей, нощь разсеявая мрачнаго греха, и сосветя Николаю солнцезрачному проповеднику, мир озаряя богоразумием. Темже молитеся о нас всегда.
На хвалитех стихиры, глас 1.
Подобен: О дивное чудо:О дивное чудо, / источник богословия отверзеся / напаяяй разумы боговедения / веселитися о сем Церковь Сербская / Святосавский святый доме / возопиим вернии / Иустина имуще яко учителя / Благословен еси Господи / яко во плоти к нам пришел еси / подаяй мирови Собою велию милость.
О дивное чудо, / источник жизни / от бренных устен источается / и лествица к небеси боговещанныя глаголы бывают / Веселится о сем Иустин премудрый / богословия троичнаго яко дом явися / возопиим вернии: / Радуйся преподобный наш учителю / яко тобою восприяхом от Христа велию милость.
Дивны твоя тайны, Иустине, / добродетельми яко звездами украсивыйся / и нощь неразумия прогнал еси / трисвятосолнечнаго Бога в сердце стяжав / и тайны евангельския боготворящия души наши яве раскрыв / херувимским богословием нас озарив / и к Небесным обителем светло возшел еси / идеже со всеми святыми Троице предстоя / молися, преподобне, / даровати нам велию милость.
Слава, глас 6:Преподобне отче Иустине / во всю землю изыде вещание исправлений твоих: / темже на небесех обрел еси мзду трудов твоих / демонская разорил еси полчища / и ангельския достигл еси чины / ихже житию непорочно поревновал еси. / дерзновение имея ко Христу Богу / мир испроси душам нашим.
И ныне, Богородичен.