Служба преподобному Парфению Киевскому
Полиелейная служба преподобному старцу Парфению Киевскому воспроизводится (текстовым перенабром гражданским алфавитом) по «Печерской Минее» (т. 2, стр. 23 - 33). Текст не был унифицирован по грамматическим формам (в частности, встречались как формы с -иа, так и с -ия), поэтому я его малость «причесал». Надеюсь, что обработал все чисто, но за поправки (если таковые последуют) буду благодарен.
Служба преподобному Парфению Киевскому
Вечер
Блажен муж: 1-й антифон.
На Господи, воззвах: стихиры, глас 1.
Подобен: Прехвальнии мученицы:Приидите, людие, / во святую обитель Печерскую: / воспоим собеседника чуднаго Ангелов, / преподобнаго отца нашего Парфения, / сосуд благодати неоскудевающия, / любовию непрестанно истекающий. / Припадем к нему с верою и помолимся тепле: / моли Христа Бога / спастися душам нашим.
Приидите, людие, / составим похвалу честному сроднику нашему, / узким путем на высоту духовную востекшему, / послушанием и бдением, / наипаче же трудами молитвенными просиявшему, / крайния чистоты душевныя и телесныя достигшему, / дерзновение ко Христу стяжавшему. / Того моли, Парфение преподобне, / спастися душам нашим.
Приидите, вернии людие, / похвальными песньми днесь почтим отца чуднаго / преподобнаго Парфения, / всем сердцем Христа возлюбившаго, / и бремя Его легкое и благое подъявшаго, / на высоту небесную со креста вознесшагося. / И ныне, предстоя Престолу Святыя Троицы, / молися о нас, отче преподобне, / да спасет Господь души наша.
Приидите, празднолюбцы, / со умилением воспоим / похвалами многими / земнаго ангела и человека небеснаго / Парфения предивнаго, / всею жизнию Евангелие исполнившаго, / ближнему послужившаго и Богу угодившаго. / Того моли, отче блаженне, / да спасет души наша.
Слава, глас 8:Иже по образу Евангелия Христова житие твое поставив, постнически пребывал еси, мужески естество понудив, да плоть поработиши духу, всякое злострадание с любовию терпел еси, яко истинный ученик небеснаго Учителя Христа: и ныне, на небеса преселився, лице Того пресветлое зриши, отче наш Парфение, и молишися благоприятно о верою и любовию чтущих святую память твою.
И ныне, Богородичен догматик: Царь Небесный:
Вход. Прокимен дне. И чтения 3.
На стиховне стихиры, глас 2.
Подобен: Егда от древа:Егда явися ти Дух Святый / в виде голубине, / тогда Божественная благодать / исполни душу твою, / от земнаго отрешая, / молитве научая, / да славится тобою / имя Бога в Троице Единаго, / Емуже молися, отче Парфение, / ниспослати нам мир и велию милость.
Стих: Честна пред Господем смерть преподобных Его.
Егда Божественная благодать / исполни сердце твое, / тогда явися ти старец и рече: / странен монах земен мертвец. / Сердце же твое распалися / огнем невещественным / и родися в тебе желание / уневестити душу Христови. / Того моли, отче преподобне, / спасти и просветити души наша.
Стих: Блажен муж бояйся Господа, в заповедех Его восхощет зело.
Егда Божественное звание / достиже тя, / преподобне отче наш Парфение, / тогда лепоту мира презрев, / в Лавру Печерскую пришел еси / и житие жестоко пожив, / в молитве непрестанней и трудех / Господеви угодил еси. / Темже молися Христу Богу / спасти и просветити души наша.
Слава, глас 8:Монахов множества наставника тя почитаем, отче наш Парфение, твоею бо стезею воистинну право ходити познахом. Блажен еси, Христу работав, и вражию обличил еси силу, Ангелов собеседниче, преподобных сопричастниче и праведных: с нимиже молися Господеви, помиловати души наша.
И ныне, Богородичен: Безневестная Дево:
Тропарь, глас 2:Небесное отечество возлюбив, суетнаго мира отверглся еси, темже кротость, простоту и незлобие стяжав, поревновал еси подвигом отцев наших Печерских. Соименитый чистоте и девству, преподобне Парфение, киевская похвало, моли Христа Бога спасти и просветити души наша.
На утрени
По 1-м стихословии седален, глас 4:Всем сердцем и душею Бога возлюбил еси, преподобне отче Парфение, мысленно Христу сораспялся еси, темже дар благодатных слез и молитву непрестанную стяжал еси: научи и нас присно глаголати: Господи Иисусе Христе Сыне Божий, помилуй нас. (Дважды)
Слава, и ныне, Богородичен:Пресвятая Мати Дево, не хощу тех, яже в мире суть, точию даждь ми возлюбити всем сердцем Сына Твоего, и Твоим Матерним ходатайством улучити наследие жизни вечныя.
По 2-м стихословии седален, глас 4:Слезными теченьми душу твою напоил еси изрядно, отче богомудре, многоплоден добродетелей твоих пожал еси клас, и пастырь добрый овцам словесным явился еси. Темже, разрешився от жития в день Страстей Христовых и праздник Благовещения, отеческим ликом сочетался еси, Парфение: сего ради вопием ти: моли Христа Бога, согрешений оставление даровати, чтущим любовию святую память твою. (Дважды)
Слава, и ныне, Богородичен:О Тебе радуемся, Пренепорочная Богомати, покрове и надеждо наша несумненная, душелюбная правительнице иноков и всея вселенныя хранительнице, Ты бо молиши о нас Христа Бога нашего.
По полиелеи седален, глас 8:Духовную мудрость смиренномудрием стяжав, многим был еси учитель, монахом отец и скорбящим утешитель, и молитвы Иисусовы неумолкающий орган: темже в вечности прослави тя Мздовоздаятель Господь, Егоже непрестанно моли прегрешений оставление даровати, чтущим любовию память твою. (Дважды)
Слава, и ныне, Богородичен:Небесную дверь и кивот, всесвятую гору, светлый облак воспоим, неопалимую купину, словесный рай, Евы воззвание, вселенныя всея великое сокровище, яко спасение в Ней соделася миру, и оставление древних согрешений. Сего ради вопием Ти, Богомати: молися Сыну Твоему, прегрешений оставление даровати, благочестно покланяющимся всесвятому рождеству Твоему.
Степенна, 1-й антифон 4 гласа.Прокимен, глас 4: Честна пред господем смерть преподобных Его. Стих: Что воздам господеви о всех, яже воздаде ми?
Всякое дыхание: Евангелие от Матфеа, зачало 43.
По 50-м псалме стихира, глас 6:Преподобне отче, во всю землю изыде вещание трудов твоих: теми бо на небесех обрел еси мзду многу, и демонския погубив полки, со Ангелы причтен быв, их же житию без порока на земли поревновал еси. И тако дерзновение ко Христу Богу стяжав, Того моли даровати мир душам нашим.
Канон святаго, глас 8.
Песнь 1.Ирмос: Сокрушившему брани мышцею Своею, и проведшему Израиля сквозе Чермное море, поим Ему, яко Избавителю нашему Богу, яко прославися.
Освяти мою душу, Спасе, помышления исправи, мысли очисти, да возмогу пети достойно память блаженнаго Парфения, ныне Престолу Славы Твоея предстоящаго и за всех тепле молящагося.
От младых ногтей земли отрешивыйся, безмолвию, богомыслию и молитве прилежал еси, святче Парфение, моли Христа Бога, да избавит нас суеты мирския и возведет души наша в горняя.
В юности сподобився наития Святаго Духа в виде голубине, молитвенно воспел еси: неописанне Параклите, от Отца исходяй и в Сыне пребываяй, устави во мне храм Своему величеству.
Богородичен: Пресвятая Госпоже Дево Пренепорочная, изнеможе дух мой от рабства греховнаго, но яко мати чадолюбивая угаси пламень страстей моих, Своею милостию орошающи.
Песнь 3.Ирмос: Утвердися сердце мое во Господе, вознесеся рог мой в Бозе моем, разширишася на враги моя уста моя, возвеселихся о спасении Твоем.
Не прельстився суетою мира многомятежнаго, мудростию своею родителей удивил еси, блаженне, желания мирския и земных невест отвергся, во обитель Печерскую притек, тамо праведно пожил еси.
Веселится Церковь и воспевает подвиги твоя, ихже подъял еси, богомудре, ради Царствия Небеснаго: бдение, пощение, затвор и псалмопение восхваляем, и по долгу благочестно ублажаем тя.
Ангелонравное житие твое видяще, преподобне, восхвалим Господа, ниспославшаго рабом Своим благодать и дары пребогатыя. Сего ради прославляет тя, блаженне Парфение, обитель Печерская и вси вернии чада твоя.
Богородичен: Киими похвалами прославим Деву чистую, возрастившую во уделе Своем дивнаго молитвенника, преподобнаго Парфения, возлюбившаго Сию, Ходатаицу о спасении рода нашего.
Седален, глас 2:Чудный отче, чудотворче преславный, Богу приятный, не остави нас в скорбех сущих, унылых, да души наша грехми омраченныя, просветит и помилует Господь молитвами твоими. (Дважды)
Слава, и ныне, Богородичен:Яже радости приемшая исполнение, приими от нас рабов Твоих целование Архангелово: радуйся, радость рождшая миру: радуйся, ручко, из Неяже манна небесная всем верным даровася, радуйся, Благословенная.
Песнь 4.Ирмос: Пророк Аввакум умныма очима провиде, Господи, пришествие Твое, тем и вопияше: от юга приидет Бог. Слава силе Твоей, слава снизхождению Твоему.
Во обитель Печерскую притекл еси, и в ней противу козней демонских усердно подвизаяся, узким путем послушания шествовав, достигл еси высоты безстрастия, помолись о нас Христу, преподобне, да и мы твоим стопам последуем.
В духовней брани молитвою непрестанно поучаяся, видением Никодима просфорника обрадован быв, подвигом того в житии подражал еси. Молитеся о нас, отцы преподобнии, да не нази обрящемся на судищи Христове.
Кротостию и смирением Христу уподобився, и любовию к Нему горя, сосуд избран Святаго Духа явился еси, отче Парфение, молися, да не угаснет и в нас огнь любве Божественныя.
Богородичен: Невместимаго вместившая, Необъятнаго носившая, Мати Божия, высшая всех светлостей, помолись о нас Сыну Твоему, да спасет души наша.
Песнь 5.Ирмос: Господи Боже наш, мир даждь нам, Господи Боже наш, стяжи ны, Господи разве Тебе инаго не вемы: имя Твое именуем.
Не прилепляяся к земному, чистоты помыслов достиг еси, сего ради и Христос даром чудес обогати тя и прослави, яко светлую звезду, среди отцев наших Печерских.
Во младых летех мудростию старца исполнився, ближних своих на путь истины наставлял еси, в старости кротостию младенцу уподобився, преподобне Парфение, моли Христа Бога, да поможет и нам злобою младенствовать.
Русская похвало, Лавры Печерския украшение, целомудрия наставниче, духом горяй, помолись о нас недостойных чадех своих.
Богородичен: Неизреченный свете, Мати Божия, просвети души наша во тме лежащия, и умягчи сердца окамененныя, присно о нас со слезами молящися.
Песнь 6.Ирмос: Яко воды морския, Человеколюбче, волнами житейскими обуреваюся. Темже яко Иона, тако вопию Ти: возведи от тли живот мой, благоутробне Господи.
Стопы наша направи право шествовати, преподобне, девству тезоименитый, и сподоби нас чистым сердцем Бога славити.
Незлобием просиявый, утиши многогрешное житие наше, мира горняго жителю, научи нас мирскаго мудрования отвергатися.
Помолись, преподобне Парфение, о всех в молитве труждающихся, сердцем Богу воспевающих и житием Ему служащих, да вси достигнем молитвы совершенныя.
Богородичен: Девственных начальнице и молитвы подательнице, монашествующих покровительнице, Царице Небесная, услыши нас и спаси от искушений мира, плоти и диавола.
Кондак, глас 3:Кто не удивится чистоте твоей, девственниче и молитвенниче присный, сосуд бо Духа Святаго явился еси и молитвою о мире всем возсиял еси. И ныне помяни нас у Престола Божия во царствии небеснем.
Икос:Отверзи уста твоя, келлие убогая, и рцы нам колькраты потоки слезными омочалася еси? Како воздыхания преподобнаго стены твоя расторгоша? Како Ангели приницаху ко бденным подвигом его? Теми бо освятися земля, мы же сия вся помышляюще, слезами умиления исполняемся, и просим тя, отче: помяни нас у Престола Божия во Царствии Небеснем.
Песнь 7.Ирмос: Халдейская пещь огнем распалаемая орошашеся Духом, Божиим предстоянием, отроцы пояху: благословен еси Боже отец наших.
Объя сердце твое пламень молитвы непрестанныя, день и нощь в тебе горя, сего огня и нам причаститися Господа умоли, да попалит в нас страсти сердечныя.
Безоружна бысть незлобием и кротостию твоею злоба человеческая, мимоходи тебе, отче, но не дрема злоба древняя, нападением от бесов ополчавшаяся и тя удручавшая, аще не бы сила Божия помогающая, давно належало бы тебе во гроб вселитися.
Уязвленный любовию Божественною, непрестанно взывал еси: Иисусе, живи во мне и даждь ми в Тебе жити, и услышал еси сладкий глас: ядый Мою Плоть, и пияй Мою Кровь, во Мне пребывает, и Аз в нем.
Богородичен: Нетленная Родительнице и браку непричастная, неискусомужная Дево, несгараемая свеще мирови светящая, всепетая Мати утешительнице, спаси мене от неприязни в пагубней сей суете.
Песнь 8.Ирмос: Покрываяй водами превыспренняя Своя, полагаяй морю предел песок, и содержай вся, Тя поет солнце, Тя славит луна, Тебе приносит песнь вся тварь, яко Содетелю всех во веки.
Обуреваемый духом уныния, укрепляемь быв благодатным сновидением, помози и нам печали и унынию не соизволяти, взывая в радости: благословен Бог отец наших!
Безмолвне в Голосеевой пустыни пребывая, и тамо молитвою душу питая, рекл еси: зде ношашеся дух преподобных наших Печерских! Ихже сонму ныне сопричтенный на небеси воспеваеши: благословен Бог отец наших!
Поучаяся о великом Воплощения Господня таинстве, сподобился еси видения Богомладенца, и воскликнул еси радостно: благословен Бог отец наших!
Богородичен: Всею душею Царицу Небесную возлюбив, Парфение, услышал еси глас Пречистыя: Аз монахиня есмь! Помолись о нас старче, недостойных, Игумение обители Печерския, да достойни звания иноческаго вопием: благословен Бог отец наших!
Песнь 9.Ирмос: Чужде матерем девство, и странно девам деторождение: на Тебе, Богородице, обоя устроишася, тем Тя вся племена земная непрестанно величаем.
Безмерно Матерь Божию возлюбив, от всего сердца преподобный взывал есть: аз на Богоматерь тако надеюся, яко на гору каменную. И не посрами любве твоея Пречистая.
Затворив окно тесныя келлии иконою Богоматере, ты рекл еси, святче: почто мне свет чувственный, Пречистая, свет очию моею и души моея! Помолися и нашим очесем мысленным просветитися, Парфение блаженне.
Предзря кончину свою, взывал еси, преподобне: путеводити ми будет Дева Богомати, несумненная моя надежда, Тая приведет мя поклонитися Сыну Своему.
Богородичен: Вседневно сраспинаяся распятому Христу и принося Архангельское целование Пречистей Деве, уготовал еси душу свою к преселению в мир горний, юже и прияша Господь и Матерь Его в день Страстей Христовых и Благовещения.
Светилен.
Подобен: Жены услышите:Процвел еси яко финикс давидски отче, и обитель явился еси духа Пресвятаго, и славна тя вселенней показа. О нас непрестанно моли, почитающих верою пречестную память твою, преподобне Парфение. (Дважды)
Слава, и ныне, Богородичен:Тя песньми немолчными ублажаем, Дево, яко от Троицы Единаго родила еси Богородице, и носиши на Божественную руку пребогатое Слово, непременно и неизменно.
На хвалитех стихиры, глас 5:Преподобне отче Парфение, яко мира суетнаго сетей избежав, во обитель Божия Матере притекл еси. В нейже противу козней диавольских добре подвизався, Царице Небесней до конца послужил еси: Юже моли, да не отымет покров Свой от нас во веки.
Свеще пресветлая, непрестанно к Богу горевшая, просвещая и питая всякаго грядущаго к тебе сладким Именем Иисусовым, и ныне сподоби нам райския пищи причаститися, молитвами твоими, Парфение блаженне.
Новая звездо светозарная, на небе духовнем возсиявшая, своим светом верным путь озаряющая и ко Христу заблуждших души приводящая, моли Его, Парфение блаженне, спасти и просветити души наша.
Слава, глас 6:Како возможем восхвалити твоя подвиги, преподобне Парфение, или изчести твоих добродетелей множество, наипаче уразумети безмолвное твое Богу собеседование? Но не отрини певцы твоя убогия, твоего заступления просящия, и слышанием жития твоего умиления исполняющияся, о твоей же святей памяти веселящияся.
И ныне, глас 6: Богородице, Ты еси лоза истинная:
На литургииПрокимен, глас 7: Честна пред Господем смерть преподобных Его. Стих: Что воздам Господеви о всех, яже воздаде ми? Апостол к Евреом, зачало 333 от полу. Аллилуия, глас 6: Блажен муж: Евангелие от Луки, зачало 24. Причастен: В память вечную будет праведник, от слуха зла не убоится.
Служба преподобному Парфению Киевскому
Вечер
Блажен муж: 1-й антифон.
На Господи, воззвах: стихиры, глас 1.
Подобен: Прехвальнии мученицы:Приидите, людие, / во святую обитель Печерскую: / воспоим собеседника чуднаго Ангелов, / преподобнаго отца нашего Парфения, / сосуд благодати неоскудевающия, / любовию непрестанно истекающий. / Припадем к нему с верою и помолимся тепле: / моли Христа Бога / спастися душам нашим.
Приидите, людие, / составим похвалу честному сроднику нашему, / узким путем на высоту духовную востекшему, / послушанием и бдением, / наипаче же трудами молитвенными просиявшему, / крайния чистоты душевныя и телесныя достигшему, / дерзновение ко Христу стяжавшему. / Того моли, Парфение преподобне, / спастися душам нашим.
Приидите, вернии людие, / похвальными песньми днесь почтим отца чуднаго / преподобнаго Парфения, / всем сердцем Христа возлюбившаго, / и бремя Его легкое и благое подъявшаго, / на высоту небесную со креста вознесшагося. / И ныне, предстоя Престолу Святыя Троицы, / молися о нас, отче преподобне, / да спасет Господь души наша.
Приидите, празднолюбцы, / со умилением воспоим / похвалами многими / земнаго ангела и человека небеснаго / Парфения предивнаго, / всею жизнию Евангелие исполнившаго, / ближнему послужившаго и Богу угодившаго. / Того моли, отче блаженне, / да спасет души наша.
Слава, глас 8:Иже по образу Евангелия Христова житие твое поставив, постнически пребывал еси, мужески естество понудив, да плоть поработиши духу, всякое злострадание с любовию терпел еси, яко истинный ученик небеснаго Учителя Христа: и ныне, на небеса преселився, лице Того пресветлое зриши, отче наш Парфение, и молишися благоприятно о верою и любовию чтущих святую память твою.
И ныне, Богородичен догматик: Царь Небесный:
Вход. Прокимен дне. И чтения 3.
На стиховне стихиры, глас 2.
Подобен: Егда от древа:Егда явися ти Дух Святый / в виде голубине, / тогда Божественная благодать / исполни душу твою, / от земнаго отрешая, / молитве научая, / да славится тобою / имя Бога в Троице Единаго, / Емуже молися, отче Парфение, / ниспослати нам мир и велию милость.
Стих: Честна пред Господем смерть преподобных Его.
Егда Божественная благодать / исполни сердце твое, / тогда явися ти старец и рече: / странен монах земен мертвец. / Сердце же твое распалися / огнем невещественным / и родися в тебе желание / уневестити душу Христови. / Того моли, отче преподобне, / спасти и просветити души наша.
Стих: Блажен муж бояйся Господа, в заповедех Его восхощет зело.
Егда Божественное звание / достиже тя, / преподобне отче наш Парфение, / тогда лепоту мира презрев, / в Лавру Печерскую пришел еси / и житие жестоко пожив, / в молитве непрестанней и трудех / Господеви угодил еси. / Темже молися Христу Богу / спасти и просветити души наша.
Слава, глас 8:Монахов множества наставника тя почитаем, отче наш Парфение, твоею бо стезею воистинну право ходити познахом. Блажен еси, Христу работав, и вражию обличил еси силу, Ангелов собеседниче, преподобных сопричастниче и праведных: с нимиже молися Господеви, помиловати души наша.
И ныне, Богородичен: Безневестная Дево:
Тропарь, глас 2:Небесное отечество возлюбив, суетнаго мира отверглся еси, темже кротость, простоту и незлобие стяжав, поревновал еси подвигом отцев наших Печерских. Соименитый чистоте и девству, преподобне Парфение, киевская похвало, моли Христа Бога спасти и просветити души наша.
На утрени
По 1-м стихословии седален, глас 4:Всем сердцем и душею Бога возлюбил еси, преподобне отче Парфение, мысленно Христу сораспялся еси, темже дар благодатных слез и молитву непрестанную стяжал еси: научи и нас присно глаголати: Господи Иисусе Христе Сыне Божий, помилуй нас. (Дважды)
Слава, и ныне, Богородичен:Пресвятая Мати Дево, не хощу тех, яже в мире суть, точию даждь ми возлюбити всем сердцем Сына Твоего, и Твоим Матерним ходатайством улучити наследие жизни вечныя.
По 2-м стихословии седален, глас 4:Слезными теченьми душу твою напоил еси изрядно, отче богомудре, многоплоден добродетелей твоих пожал еси клас, и пастырь добрый овцам словесным явился еси. Темже, разрешився от жития в день Страстей Христовых и праздник Благовещения, отеческим ликом сочетался еси, Парфение: сего ради вопием ти: моли Христа Бога, согрешений оставление даровати, чтущим любовию святую память твою. (Дважды)
Слава, и ныне, Богородичен:О Тебе радуемся, Пренепорочная Богомати, покрове и надеждо наша несумненная, душелюбная правительнице иноков и всея вселенныя хранительнице, Ты бо молиши о нас Христа Бога нашего.
По полиелеи седален, глас 8:Духовную мудрость смиренномудрием стяжав, многим был еси учитель, монахом отец и скорбящим утешитель, и молитвы Иисусовы неумолкающий орган: темже в вечности прослави тя Мздовоздаятель Господь, Егоже непрестанно моли прегрешений оставление даровати, чтущим любовию память твою. (Дважды)
Слава, и ныне, Богородичен:Небесную дверь и кивот, всесвятую гору, светлый облак воспоим, неопалимую купину, словесный рай, Евы воззвание, вселенныя всея великое сокровище, яко спасение в Ней соделася миру, и оставление древних согрешений. Сего ради вопием Ти, Богомати: молися Сыну Твоему, прегрешений оставление даровати, благочестно покланяющимся всесвятому рождеству Твоему.
Степенна, 1-й антифон 4 гласа.Прокимен, глас 4: Честна пред господем смерть преподобных Его. Стих: Что воздам господеви о всех, яже воздаде ми?
Всякое дыхание: Евангелие от Матфеа, зачало 43.
По 50-м псалме стихира, глас 6:Преподобне отче, во всю землю изыде вещание трудов твоих: теми бо на небесех обрел еси мзду многу, и демонския погубив полки, со Ангелы причтен быв, их же житию без порока на земли поревновал еси. И тако дерзновение ко Христу Богу стяжав, Того моли даровати мир душам нашим.
Канон святаго, глас 8.
Песнь 1.Ирмос: Сокрушившему брани мышцею Своею, и проведшему Израиля сквозе Чермное море, поим Ему, яко Избавителю нашему Богу, яко прославися.
Освяти мою душу, Спасе, помышления исправи, мысли очисти, да возмогу пети достойно память блаженнаго Парфения, ныне Престолу Славы Твоея предстоящаго и за всех тепле молящагося.
От младых ногтей земли отрешивыйся, безмолвию, богомыслию и молитве прилежал еси, святче Парфение, моли Христа Бога, да избавит нас суеты мирския и возведет души наша в горняя.
В юности сподобився наития Святаго Духа в виде голубине, молитвенно воспел еси: неописанне Параклите, от Отца исходяй и в Сыне пребываяй, устави во мне храм Своему величеству.
Богородичен: Пресвятая Госпоже Дево Пренепорочная, изнеможе дух мой от рабства греховнаго, но яко мати чадолюбивая угаси пламень страстей моих, Своею милостию орошающи.
Песнь 3.Ирмос: Утвердися сердце мое во Господе, вознесеся рог мой в Бозе моем, разширишася на враги моя уста моя, возвеселихся о спасении Твоем.
Не прельстився суетою мира многомятежнаго, мудростию своею родителей удивил еси, блаженне, желания мирския и земных невест отвергся, во обитель Печерскую притек, тамо праведно пожил еси.
Веселится Церковь и воспевает подвиги твоя, ихже подъял еси, богомудре, ради Царствия Небеснаго: бдение, пощение, затвор и псалмопение восхваляем, и по долгу благочестно ублажаем тя.
Ангелонравное житие твое видяще, преподобне, восхвалим Господа, ниспославшаго рабом Своим благодать и дары пребогатыя. Сего ради прославляет тя, блаженне Парфение, обитель Печерская и вси вернии чада твоя.
Богородичен: Киими похвалами прославим Деву чистую, возрастившую во уделе Своем дивнаго молитвенника, преподобнаго Парфения, возлюбившаго Сию, Ходатаицу о спасении рода нашего.
Седален, глас 2:Чудный отче, чудотворче преславный, Богу приятный, не остави нас в скорбех сущих, унылых, да души наша грехми омраченныя, просветит и помилует Господь молитвами твоими. (Дважды)
Слава, и ныне, Богородичен:Яже радости приемшая исполнение, приими от нас рабов Твоих целование Архангелово: радуйся, радость рождшая миру: радуйся, ручко, из Неяже манна небесная всем верным даровася, радуйся, Благословенная.
Песнь 4.Ирмос: Пророк Аввакум умныма очима провиде, Господи, пришествие Твое, тем и вопияше: от юга приидет Бог. Слава силе Твоей, слава снизхождению Твоему.
Во обитель Печерскую притекл еси, и в ней противу козней демонских усердно подвизаяся, узким путем послушания шествовав, достигл еси высоты безстрастия, помолись о нас Христу, преподобне, да и мы твоим стопам последуем.
В духовней брани молитвою непрестанно поучаяся, видением Никодима просфорника обрадован быв, подвигом того в житии подражал еси. Молитеся о нас, отцы преподобнии, да не нази обрящемся на судищи Христове.
Кротостию и смирением Христу уподобився, и любовию к Нему горя, сосуд избран Святаго Духа явился еси, отче Парфение, молися, да не угаснет и в нас огнь любве Божественныя.
Богородичен: Невместимаго вместившая, Необъятнаго носившая, Мати Божия, высшая всех светлостей, помолись о нас Сыну Твоему, да спасет души наша.
Песнь 5.Ирмос: Господи Боже наш, мир даждь нам, Господи Боже наш, стяжи ны, Господи разве Тебе инаго не вемы: имя Твое именуем.
Не прилепляяся к земному, чистоты помыслов достиг еси, сего ради и Христос даром чудес обогати тя и прослави, яко светлую звезду, среди отцев наших Печерских.
Во младых летех мудростию старца исполнився, ближних своих на путь истины наставлял еси, в старости кротостию младенцу уподобився, преподобне Парфение, моли Христа Бога, да поможет и нам злобою младенствовать.
Русская похвало, Лавры Печерския украшение, целомудрия наставниче, духом горяй, помолись о нас недостойных чадех своих.
Богородичен: Неизреченный свете, Мати Божия, просвети души наша во тме лежащия, и умягчи сердца окамененныя, присно о нас со слезами молящися.
Песнь 6.Ирмос: Яко воды морския, Человеколюбче, волнами житейскими обуреваюся. Темже яко Иона, тако вопию Ти: возведи от тли живот мой, благоутробне Господи.
Стопы наша направи право шествовати, преподобне, девству тезоименитый, и сподоби нас чистым сердцем Бога славити.
Незлобием просиявый, утиши многогрешное житие наше, мира горняго жителю, научи нас мирскаго мудрования отвергатися.
Помолись, преподобне Парфение, о всех в молитве труждающихся, сердцем Богу воспевающих и житием Ему служащих, да вси достигнем молитвы совершенныя.
Богородичен: Девственных начальнице и молитвы подательнице, монашествующих покровительнице, Царице Небесная, услыши нас и спаси от искушений мира, плоти и диавола.
Кондак, глас 3:Кто не удивится чистоте твоей, девственниче и молитвенниче присный, сосуд бо Духа Святаго явился еси и молитвою о мире всем возсиял еси. И ныне помяни нас у Престола Божия во царствии небеснем.
Икос:Отверзи уста твоя, келлие убогая, и рцы нам колькраты потоки слезными омочалася еси? Како воздыхания преподобнаго стены твоя расторгоша? Како Ангели приницаху ко бденным подвигом его? Теми бо освятися земля, мы же сия вся помышляюще, слезами умиления исполняемся, и просим тя, отче: помяни нас у Престола Божия во Царствии Небеснем.
Песнь 7.Ирмос: Халдейская пещь огнем распалаемая орошашеся Духом, Божиим предстоянием, отроцы пояху: благословен еси Боже отец наших.
Объя сердце твое пламень молитвы непрестанныя, день и нощь в тебе горя, сего огня и нам причаститися Господа умоли, да попалит в нас страсти сердечныя.
Безоружна бысть незлобием и кротостию твоею злоба человеческая, мимоходи тебе, отче, но не дрема злоба древняя, нападением от бесов ополчавшаяся и тя удручавшая, аще не бы сила Божия помогающая, давно належало бы тебе во гроб вселитися.
Уязвленный любовию Божественною, непрестанно взывал еси: Иисусе, живи во мне и даждь ми в Тебе жити, и услышал еси сладкий глас: ядый Мою Плоть, и пияй Мою Кровь, во Мне пребывает, и Аз в нем.
Богородичен: Нетленная Родительнице и браку непричастная, неискусомужная Дево, несгараемая свеще мирови светящая, всепетая Мати утешительнице, спаси мене от неприязни в пагубней сей суете.
Песнь 8.Ирмос: Покрываяй водами превыспренняя Своя, полагаяй морю предел песок, и содержай вся, Тя поет солнце, Тя славит луна, Тебе приносит песнь вся тварь, яко Содетелю всех во веки.
Обуреваемый духом уныния, укрепляемь быв благодатным сновидением, помози и нам печали и унынию не соизволяти, взывая в радости: благословен Бог отец наших!
Безмолвне в Голосеевой пустыни пребывая, и тамо молитвою душу питая, рекл еси: зде ношашеся дух преподобных наших Печерских! Ихже сонму ныне сопричтенный на небеси воспеваеши: благословен Бог отец наших!
Поучаяся о великом Воплощения Господня таинстве, сподобился еси видения Богомладенца, и воскликнул еси радостно: благословен Бог отец наших!
Богородичен: Всею душею Царицу Небесную возлюбив, Парфение, услышал еси глас Пречистыя: Аз монахиня есмь! Помолись о нас старче, недостойных, Игумение обители Печерския, да достойни звания иноческаго вопием: благословен Бог отец наших!
Песнь 9.Ирмос: Чужде матерем девство, и странно девам деторождение: на Тебе, Богородице, обоя устроишася, тем Тя вся племена земная непрестанно величаем.
Безмерно Матерь Божию возлюбив, от всего сердца преподобный взывал есть: аз на Богоматерь тако надеюся, яко на гору каменную. И не посрами любве твоея Пречистая.
Затворив окно тесныя келлии иконою Богоматере, ты рекл еси, святче: почто мне свет чувственный, Пречистая, свет очию моею и души моея! Помолися и нашим очесем мысленным просветитися, Парфение блаженне.
Предзря кончину свою, взывал еси, преподобне: путеводити ми будет Дева Богомати, несумненная моя надежда, Тая приведет мя поклонитися Сыну Своему.
Богородичен: Вседневно сраспинаяся распятому Христу и принося Архангельское целование Пречистей Деве, уготовал еси душу свою к преселению в мир горний, юже и прияша Господь и Матерь Его в день Страстей Христовых и Благовещения.
Светилен.
Подобен: Жены услышите:Процвел еси яко финикс давидски отче, и обитель явился еси духа Пресвятаго, и славна тя вселенней показа. О нас непрестанно моли, почитающих верою пречестную память твою, преподобне Парфение. (Дважды)
Слава, и ныне, Богородичен:Тя песньми немолчными ублажаем, Дево, яко от Троицы Единаго родила еси Богородице, и носиши на Божественную руку пребогатое Слово, непременно и неизменно.
На хвалитех стихиры, глас 5:Преподобне отче Парфение, яко мира суетнаго сетей избежав, во обитель Божия Матере притекл еси. В нейже противу козней диавольских добре подвизався, Царице Небесней до конца послужил еси: Юже моли, да не отымет покров Свой от нас во веки.
Свеще пресветлая, непрестанно к Богу горевшая, просвещая и питая всякаго грядущаго к тебе сладким Именем Иисусовым, и ныне сподоби нам райския пищи причаститися, молитвами твоими, Парфение блаженне.
Новая звездо светозарная, на небе духовнем возсиявшая, своим светом верным путь озаряющая и ко Христу заблуждших души приводящая, моли Его, Парфение блаженне, спасти и просветити души наша.
Слава, глас 6:Како возможем восхвалити твоя подвиги, преподобне Парфение, или изчести твоих добродетелей множество, наипаче уразумети безмолвное твое Богу собеседование? Но не отрини певцы твоя убогия, твоего заступления просящия, и слышанием жития твоего умиления исполняющияся, о твоей же святей памяти веселящияся.
И ныне, глас 6: Богородице, Ты еси лоза истинная:
На литургииПрокимен, глас 7: Честна пред Господем смерть преподобных Его. Стих: Что воздам Господеви о всех, яже воздаде ми? Апостол к Евреом, зачало 333 от полу. Аллилуия, глас 6: Блажен муж: Евангелие от Луки, зачало 24. Причастен: В память вечную будет праведник, от слуха зла не убоится.