Служба мученику королю Эдуарду
Бденная служба мученику королю Эдуарду, составленная Валерией Константиновной Хеке, публикуется по изданию православного братства святого мученика Эдуарда (St. Cyprian's Avenue, Brookwood, Surrey GU24 0BL, England). За помощь в оцифровке текста и подготовке к публикации благодарность достопочтенному florentioslg.
Служба святому королю мученику Едуарду
На велицей вечерне
Поем Блажен муж: 1-й антифон.
На Господи воззвах: стихиры на 8, глас 1:Яко лоза многоплодная / новаго винограда Христова / на заре просвещения во стране твоей насажденнаго / добродетельми многими просиял еси / и Богу угодил еси. / Темже тя похвалами ублажаем, / Едуарде царю благочестивейший. (дважды)
Царским путем шествовав, царю святый, / царицею добродетелей, Христовою любовно украсився / нищия и убогия призревал еси / и болящия посещал еси / суд и правду творя людем твоим, / Богочестиве Едуарде.
Мощи твоя честныя, Едуарде, / яко сокровище великое / почитающим память твою даровал еси: / темже и притекающим к тем болезни исцеляеши / и прошения их к пользе исполняеши / к Богу твоими предстательствы.
Ины стихиры, глас 2:Иезавели нечестивей, пророки Божия умертвити тщащейся подобящися / и Иродию древле главы пророчей требующей подражающи / совет сотвори на тя царица беззаконная, Едуарде, / и умерщвление твое готовляше / не устыдеся бо ни младости твоея, ниже нрава кроткаго, ниже благочестия / но завистно горькою омрачившися / навету диавольскому последова. (дважды)
Яко Иуда лобзанием Христа предавый, / тако и царица злочестивая / злая на тя умысливши / со клевреты своими совет сотворши / тебе, царю лестию призывает, / ведущи яко на убиение зван еси.
Что убо обрела еси, о безумная жено, / престол от царя законнаго отторгши / и того венец окровавленный на главу сына твоего возложивши. / Се бо сияет мученическим венцем украшен в небесном царствии Едуард, / ты же во вретищи и пепле кающися / того прощение и предстательство улучити молишися.
Слава, глас 8:Не на лов исходиши, царю безвиннейший, / но на совет злочестивых льстивно призываешися / таже и не зверя лютаго сретаеши / но от предателей звероподобных смерть лютую прюмлеши / обаче венцем мученическим венчаешися, / и царство земное оставляя / небесное царствие наследуеши, / со святыми и праведными водворяяся.
И ныне, Богородичен догматик, глас тойже:Царь небесный за человеколюбце на земли явися / и с человеки поживе / от Девы бо чистыя плоть приемый / и из Нея прошедыи с восприятием / един есть Сын сугуб естеством / но не упостасно. / Темже совершенна Того Бога / и совершенна Человека воистинну проповедающе / исповедуем Христа Бога нашего, / Егоже моли Мати безневестная / помиловатися душам нашим.
Вход. Прокимен дне, и чтения три.
Пророчества Исаиина чтение:Тако глаголет Господь: вси языцы собрашася вкупе, и соберутся князи от них. Кто возвестить сия в них; или яже от начала, кто слышана сотворить вам; да приведут свидетели своя, и оправдятся, и да услышат, и да рекут истину. Будите Ми свидетели, и Аз свидетель, глаголет Господь Бог, и отрок егоже избрах, да познаете и веруете Ми, и разумеете, яко Аз семь: прежде Мене не бысть ин Бог, и по Мне не будет. Аз есмь Бог, и несть разве Мене спасаяй. Аз возвестих, и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь: и несть от рук Моих избавляяй. Сотворю, и кто отвратить то; сице глаголет Господь Бог, избавляяй вас Святый Израилев.
Пророчества Исаиина чтение:Да возрадуется душа моя о Господе, облече бо мя в ризу спасения и одеждею веселия одея мя: яко на жениха возложи на мя венец, и яко невесту украси мя красотою. И яко земля растящая цвет свой, и яко вертоград семена своя прозябает: тако возрастит Господь правду и веселие пред всеми языки. Сиона ради не умолчу, и Иерусалима ради не попущу, дондеже изыдет яко свет правда моя, и спасение мое яко светило разжжется. И узрят языцы правду твою, и царие славу твою, и прозовут тя именем новым, имже Господь наименует е. И будеши венец доброты в руце Господни, и диадима царствуя в руце Бога твоего. И не прозовешися ктому оставлен, н земля твоя ктому не наречется пуста: тебе бо прозовется воля моя, и земля твоя вселенная: яко благоволи Господь в тебе, и земля твоя вкупе населится. И якоже живяй юноша с девою, тако поживут сыново твои с тобою: и будет якоже радуется жених о невесте, тако возрадуется Господь о тебе.
Пророчества Исаиина чтение:Светися, светися Иерусалиме, прииде бо твой свет, и слава Господня на тебе возсия. Се тьма покрыет землю, и мрак на языки, на тебе же явится Господь, и слава Его на тебе узрится. И пойдут царие светом твоим, и языцы светлостию твоею. Возведи окрест очи твои, и виждь собранная чада твоя: се приидоша вси сынове твои издалеча, и дщери твои на рамех возьмутся. Тогда узриши, и возрадуешися, и убоишися, и ужаснешися сердцем, яко приложится к тебе богатство морское и языков и людей. И приидут к тебе стада вельблюд, и покрыют тя вельблюди мадиамстии и гефарстии: вси от Савы приидут, носяще злато, и ливан принесут, и камень честен, и спасение Господне благовозвестят. И вся овцы кидарския соберутся тебе, и овни навеофстии приидут к тебе, и вознесут приятная на жертвенник Мой, и дом молитвы Моея прославится. Кии суть, иже яко облацы летят, и яко голуби со птенцы ко Мне? Мене острови ждаша, и корабли фарсийстии в первых, привести чада твоя издалеча, и сребро и злато их с ними, имене ради Господня святаго, и за еже Святому Исраилеву славну быти. И созиждут сынове инороднии стены твоя, и царие их предстояти будут тебе: за гнев бо Мой поразих тя, и за милость Мою возлюбих тя. И отверзутся врата твоя присно, день и нощь не затворятся, ввести к тебе силу язык, и цари их ведомыя. Языцы бо и царие, иже не поработают ти, погибнут, и языцы запустением запустеют. И слава Ливанова к тебе приидет, кипарисом, и певгом, и кедром, вкупе прославити место святое Мое, и место ног Моих прославлю. И пойдут к тебе боящеся сынове смиривших тя, и раздраживших тя, и поклонятся следам ног твоих вси прогневавшии тя: и наречешися град Господень, Сион Святаго Исраилева. За сие, яко был еси оставлен и возненавиден, и не бе помогающаго ти, положу тя в радость вечную, веселие родом родов. и изссеши млеко языков, и богатство царей снеси, и уразумееши, яко Аз Господь спасаяй тя, и избавляяй тя Бог Исраилев.
На литии стихира храма, таже мученику, глас 4:Приидите притецем к раце мощей многоцелебных / царя Едуарда Богу угодившаго / и венец мученический в лета юна приявшаго, / яко да о людех своих предстательствует, небесному Царю выну предстоя / и молитвы творя неусыпно.
Слава, глас 6:Да рыдает убо царица нечестивая / одежды со власы терзающи, видящи тя, Едуарде неправедно убиеннаго / и чудесы от Бога прославляемаго: / ты бо венца мученическаго сподобляешися, / она же уразумевши вину свою великую / и Судии неумытнаго трепещущи / покаянием душу свою омыти тщится.
И ныне, Богородичен, глас тойже:Вся в житии земнем скорби претерпевшая / сретаеши и утешаеши, Богоневеста чистая / отраду тем подающи / и всяку слезу от очес их осушающи. / Темже и ныне всех в бедах и злостраданиях сущих заступи / избавление скорое тем подающи / ты бо еси всякая печали утоление.
На стиховне стихиры, глас 8.
Подобен: О преславнаго чудесе:О преславнаго чудесе! / о смотрения божественаго! / сокровище многоценное, / под землею от поругания сокровенное, / на конец времен обретается, / се бо святыя мощи царя-мученика являются / яко источник новый многоцелебный / всем верно тем покланяющимся / и Бога во святых дивнаго славящим.
Стих: Вознесох избраннаго от людей Моих, / обретох Давида, раба Моего.
О торжества чуднаго! / о праздника всерадостнаго! / память бо светлейшую / царя Едуарда творим, / немощных и болящих милостиваго целителя, / сирых защитителя и печальных утешителя, / злочестия искоренителя и благочестия насадителя, / дерзновеннаго молитвенника и предстателя за род наш.
Стих: Сего ради помаза тя, Боже, Бог твой елеем радости / паче причастник Твоих.
О богатства премудрости Божия! / о промысла божественнаго! / святыя мощи православнаго царя-мученика / Церкви православней вручаются, / темже тем ныне верно покланяющеся / и в молитву страстотерпца венчаннаго призывающе, / благодарение тепле приносим Христу Богу, / толикое сокровище нам даровавшему / и милость Свою нам присно являющему.
Слава, глас 3:Воитель храбрый сопротив ратей вражеских быв, Едуарде, / на страсти греховныя паче ополчался еси, / победитель же славный во обою явився, / смиренномудрием яко бронею одеявся, / честь и славу Христу Богу воздавал еси.
И ныне, Богородичен, глас тойже:Без смене от Божественнаго Духа, / волею же Отчею зачала еси Сына Божия, / от Отца без матере прежде век суща, / нас же ради, / из Тебе без отца бывша, / плотию родила еси, / и Младенца млеком питала еси. / Темже не престай молити, / избавитися от бед душам нашым.
Тропарь, глас 4:Святаго Едуарда добродетельми древле просиявшаго / и безвинно пострадавшаго / новоявленную память совершающе / и честным его мощем покланяющеся, в веселии возопиим: / воистину дивен еси, Боже, во святых Твоих. (дважды)
И Богородице Дево, радуйся: единожды.
На утрени
На Бог Господь: тропарь мученику дважды.
Слава и ныне, Богородичен:Еже от века утаенное / и ангелом несведомое таинство, / Тобою Богородице сущим на земли явися: / Бог в неслитном соединении воплощаем / и Крест волею нас ради восприим, / имже воскресив первозданнаго, / спасе от смерти души наша.
По первой кафизме седален, глас 7:Время постное преходя подвизаяся, / душу твою приуготовил еси Едуарде / ко сретению достойному праздников праздника святыя Пасхи, / внезапу же жития земнаго изшед, / Воскресение Христово во царствии Его прославил еси, / со ангелы и праведными ликуя / и люди твоя от небес назирая.
Слава и ныне, Богородичен:Радуйся, благодатная Богородице Дево, / пристанище и предстательство рода человеческаго, / из Тебе бо воплотися Избавитель мира, / едина бо еси Мати и Дева, / присно благословенна и препрославлена, / моли Христа Бога даровати мир всей вселенной.
По второй кафизме седален, глас 5:Се весна на земли процвете, зимы конец возвещающи, / и весна духовная Христова Воскресешя торжество миру возсия, / людие же твои, царю, печали исполняются / о безвременней кончине твоей болезнующе, / темже убо потщися и скоро утеши я, / являяй им да ты со воскресшим Владыкой в небеснем царствии Его водворяешися, / даруяй им обрести твоя мощи священныя / яко залог твоего попечения о любящих тя, / да к тем благоговейно притекающе / исцеления и дары духовныя приемлют.
Слава и ныне, Богородичен:Неискусобрачная Невесто Богородительнице, / яже Евину печаль радостотворившая / воспеваем вернии и покланяемся Тебе, / яко возвела еси нас от древняя клятвы / и ныне моли непрестанно, Всепетая Пресвятая, / во еже спастися нам.
Полиелей и величание:Величаем тя, святый страстотерпче царю Едуарде, и чтем честная страдания твоя, яже за Христа претерпел еси.
Псалом избранный:Бог нам прибежище и сила. Помощник в скорбех обретших ны зело. Сего ради не убоимся, внегда смущается земля. Боже, кто уподобится Тебе; да не премолчиши, ниже укротиши, Боже. Яко се врази Твои возшумеша, и ненавидящии Тя воздвигоша главу. На люди Твоя лукавноваша волею, и совещаша на святыя Твоя. Положиша трупия рабов Твоих, брашна птицам небесным. Плоти преподобных Твоих зверем земным. Пролияша кровь их яко воду.
По полиелеи седален, глас 8.
Подобен: Повеленное тайно:Смерть претерпев безвременне / чаши предстательства вместо, блаженне, / чашу неупиваему радости / от руки Спасовы приял еси / и ныне убо на вечери Христовой зрением пресветлаго лица Его наслаждася / о чтущих тя молися / улучити и тем небесное царствие.
Слава и ныне, Богородичен:Владычице, приими молитвы раб Твоих / и избави нас / от всякия нужды и печали.
Степенна, 1-й антифон, 4-го гласа.Прокимен, глас 4: Вознесох избраннаго от людей моих, / обретох Давида, раба моего.
Стих: Сего ради помаза Тя, Боже, Бог твой елеем радости / паче причастник Твоих.
Евангелие от Луки, зачало 63.
По 50-м псалме стихира, глас 6:Аще и кратковременне на ниве Христовой работав, / обаче потрудився неленостне, / обетованный пенязь от руки Божия приял еси / и домоправитель верен явился еси, / темже и в радость Господа твоего вшел еси / и к Тому дерзновение стяжал еси, / предстательствуя присно о людех твоих.
Канон молебный Богородицы, со ирмосом на 6,
и святому канон на 8, глас 8, егоже краегранесие сицево:
Едуарда царя богочестиваго память пою.
Песнь 1Ирмос: Поим Господеви / проведшему люди Своя сквозь чермное море / яко един славно прославися.
Едуарда царя благочестием просиявшаго / и чудесы многими Богом прославленнаго / песньми достойно воспеваем.
Да торжествует ныне страна британская / и Церковь православная да возвеселится / царя богомудраго память прославляющи.
Умерщвление неправедное безвременне претерпевый, / дерзновение к Богу стяжал еси, Едуарде / темже и исцеления тя почитающим подаеши.
Богородичен: Ангельстии чини и праведных лицы / монаси и мирстии, убозии и царие / Богородицу вкупе воспевают.
Песнь 3Ирмос: Ты еси утверждеше притекающих к Тебе, Господи, / Ты еси свет омраченных / и поет Тя дух мой.
Родився Божиим промышлением / яко да добродетельми просияеши / и людем благочестия образ явиши, / краткое течение жития твоего добре совершил еси.
Добрый раб и верный Всецарю Христу был еси, / от Того тебе данный талант преумножив, / Едуарде, мудрый царю, / темже и в радость Господа твоего вшел еси.
Авелю безвинно закланному уподобився, / убиение неправедное претерпел еси, / царствия же временнаго лишився, / в небесныя обители вселился еси.
Богородичен: Царицу небесе и царей земных похвалу, / Церкве Христовы непоколебимый столп / и царствия Божия нерушимую стену, / Деву Богородицу немолчно воспеваем.
Седален, глас 3:Якоже рече первоверховный Петр, / во всяцем языце бояйся Бога и делаяй правду / приятен Богу есть, / таже во царствие небесное святии и праведнии от конец земли приидоша, / темже и ты, святый страстотерпче царю, от запада пришед, / сретай святых Бориса и Глеба, от земли русския просиявших, / тии бо якоже и ты праведно поживше, / от зависти горькия неправедно убиени быша, / ныне убо вкупе радости вечныя причащающеся, / поминайте ны почитающия вы и вопиющия: / воистинну дивен еси, Боже, во святых Твоих.
Слава и ныне, Богородичен:Яко невозделанная, Дево, лоза, / краснейший грозд прозябла еси, источающ нам вино спасения, / всех веселящее души же и телеса. / Темже яко вину Тя добрых блажаще присно, / со ангелом вопием Ти: / радуйся, благодатная.
Песнь 4Ирмос: Услышах, Господи, / смотрения Твоего таинство, / разумех дела Твоя / и прославих Твое Божество.
Агнцу на заклание ведомому подобяся, / Едуарде святый, / не противоборствовал еси злодеям убивающим тя, / но в руце Божии душу твою во мгновение предал еси.
Радостотворную твою память совершающе, / чудеса твоя воспоминаем, Едуарде, / прокаженныя бо, разслабленныя и слепыя от рождения исцеляеши / молитвою твоею ко Христу дерзновеннейшею.
Яве тя прославити хотяй, / даде Христос Бог честым мощем твоим силу цельбоносную, / яко да видяще чудеса от тех бываемая / людие благочестивыя Господа восхвалят во веки.
Богородичен: Божии пророцы тя провозвестиша, Богородице, / апостоли проповедаша, / мученицы исповедаша, / песнотворцы же и преподобныя в песнех боголепных Тя воспеша.
Песнь 5Ирмос: Утреннююще вопием ти: / Господи, спаси ны, / Ты бо еси Бог наш, / разве Тебе иного на вемы.
Осия свет божественный жену слепую от рождения, / егда телу твоему, Едуарде царю, прикоснуся, / темже и отверзошася очи ея / и прослави Бога и твое заступление.
Гроб твой источник исцелений явися / всем с верою к нему притекающим / просвещения же и утешения просящим.
Отверзи и наша очи сердечная, Едуарде, / очи слепорожденныя просветивый, / яко да узрим Божие о нас премудрое смотрение / и прославим Его силу.
Богородичен: Честнейшую херувим и серафим светлейшую восхваляти непрестанно да не обленимся, / умныма очима величия Ея зряще, / сердцем же горящим и любовию теплою / милосердие Ея величающе.
Песнь 6Ирмос: Якоже пророка избавил еси / из глубины преисподния, Христе Боже, / и мене от грехов моих избави яко Человеколюбец / и управи живот мой, молюся.
Егда уведе царица злочестивая обретение мощей твоих, Едуарде царю, / и чудеса бываемая, / восхоте в покаянии поклонитися тем, / сила же Господня возбрани ей тогда.
Славу твою со инема цари / во Иерусалим горний принесл еси, Едуарде, / сугубая венцы царский и мученический при ногу Господню полагая / и достойную честь от Того приемля.
Тименнаго рова погибельнаго избегл еси, / суд и правду творя и убогия питая, / престола царскаго достойна себе показуя, / Едуарде премудре и достославне.
Богородичен: Иже Тебе Богородицу не почитают, / студом и страхом да облекутся, / от всея твари обличаеми / иже Тя воспевает непрестанно.
Кондак, глас 4:Яко благоверный царь и светлый мученик, / просиял еси в земли английстей, / и нападшим на тя врагом Церкве и державы / претерпел еси раны и удары, / и скоро прешедше Спасу нашему, / ныне сотворяеши множество чудес верою взывающим: / Христа Бога не престай молити // отечеству твоему к вере православней возвратитися.
Икос:Се приближися времен исполнение! Христоименитые людие, восклонитеся. Се бо Всевидец и Судия праведный, помянув милости Своя и щедроты, и источник благочестия изсякший струями живоносными восполнити хотя, яви нам мощи угодника своего и страстотерпца Едуарда царя, многа лета под землею хранимыя: бури бо гонений на святых от царя злочестиваго воздвизаемей и святыням от клеврет его попираемым, тыя, яко сокровище многоценное, сокрышася, идеже пребываху даже до сего дне, ныне же промышлением и благоволением Божиим мощи святыя сия паки верным даруются, и паки свет Православия во стране британстей возсиявает. Сего ради украсися, о Англие, земле царей, и вси живущии в ней возрадуйтеся блаженному Едуарду, егоже Царь царствующих прославити восхоте, взывающе: Христа Бога не престай молити, отечеству твоему к вере православней возвратитися.
Песнь 7Ирмос: В начали землю основавый / и небеса словом утвердивый, / благословен еси во веки, / Господи Боже отец наших.
Воинствовав на враги, на страсти же паче воюя, / победитель во обою явился еси, / смирением же побуждаем, славу Богови воздавал еси, / благословен еси Боже отец наших.
Ангелов чини и праведных лицы / царя святаго во царствие Христово приемлема провождающе, / Бога дивнаго во святых Своих воспеваху: / благословен еси, Боже, взывающе.
Грехолюбивый мир оставль безвременне, / небеснаго отечествия достигл еси, Едуарде / идеже об отечествии земнем непрестанно молишися / благословенному Богу отец твоих.
Богородичен: Огня пещнаго не убоявшеся / иже Тебе, Дево, прообразующий, отроцы / о Тебе благодаряще вопияху: / благословен еси, Боже отец наших.
Песнь 8Ирмос: На горе святей прославльшася / и в купине огнем Приснодевы Моисеови тайну явльшаго, / Господа пойте и превозносите во вся веки.
Память царя богочестиваго празднующе / и чудесем от честных мощей его бывших дивящеся, / о Бозе веселящеся взываем: / Господа пойте и превозносите во вся веки.
Адовы вся козни победив / и злочестивых злоумышления посрамив, / в небесное царствие воззванный, воспевал еси, царю святый: / Господа пойте и превозносите во вся веки.
Мощам твоим честным покланяющеся / и имя твое в молитвах призывающе, / Едуарде, царю боголюбезнейший, / Господа поим и превозносим во вся веки.
Богородичен: Явила еси человеком / на Негоже ангели не смеют взирати, / яви убо и нам Того милость неизреченную, / яко да Тя превозносим во вся веки.
Песнь 9Ирмос: Воистину Богородицу / Тя исповедуем / спасеннии Тобою, Дево чистая, / с безплотными лики Тя величающе.
Точиши исцеления / и молитвы верных приемлеши, / о чтущих Твою память усердно моляся, / темже тя, Едуарде, благодарно величаем.
Память твоя славна / и успение твое со святыми, / Божию бо престолу предстоиши выну, / темже Христа, тебе людем молитвенника новаго даровавшаго, величаем.
От восток даже до запад / вера Христова достиже, / темже по всей вселенней / святии Божии прославляются.
Богородичен: Южика Твоя, Богородице, Елисавета / научи нас, Пречистая, Тебе взывати: / благословенна Ты в женах и благословен плод чрева Твоего Христос, / Егоже непрестанно величаем.
Светилен.
Подобен: Небо звездами:Тебе, свет невечерний узревшему, / царю блаженнейший, / подобаше и первое чудо светом показати, / се бо храмину идеже злочестивии тело твое сокрыша, / свет небесный осия, / таже и очи жены слепыя от рождения отверзошася, / она же Бога благодаряще возопи: / благословен еси, Господи, / новаго угодника Твоего являющий нам.
Слава и ныне, Богородичен:Всю землю омофором Твоим светообразным покрываеши / и мир весь любовию Твоею, Богородице, объемлеши, / молитвы и моления от всех Тебе призывающих приемлеши / и вся пред престолом Сына Твоего заступаеши, / Тя бо предстательницу человеком дал есть во веки.
На хвалитех стихиры, глас 2:Со цари благочестивыя во царствии небеснем водворяешися, / с постники и воздержники восхваляешися, / с мученики прославляешися / и со всеми праведными ублажаешися, / Едуарде, царю славне. (дважды)
Покланяемся раце мощей твоих усердно / и кончины твоея безвременныя память совершающе, / чудеса от них бываемая воспоминающе, / твоего заступления и помощи просим, / Едуарде, царю праведный.
Иже кровьми мученическими царския ризы своя украсивший / паче багряницы и виссона / и венцем страдальческим рукою Божиею венчанный, / на вечери Христовой со избранными возлегий, / молися, Едуарде, о душах наших.
Слава, глас 6:Се, конец приближися, при дверех Судия! / Се, души избиенных вопиют о правосудии Божии: / доколе, Владыко, не мстиши крове нашея? / Но речено бысть им, / да почиют еще, дондеже лик спасенных не оправдится, / и тайна беззакония не открыется; / тогда Судия приидет, Иже воздаст коемуждо по делом его. / Ты же, о царю блаженнейший, / части блаженных сочетаваешися. / Сего ради Христа Владыку умоли, / да и мы части одесную Его сподобимся.
И ныне, Богородичен:Царица Богородице, / милосердия Божия двери нам отверзающи, / молися Сыну Твоему, со царем страстотерпцем / помиловати души наша.
На ЛитургииБлаженна от канона святаго, песнь третия и шестая.
Прокимен, глас 7-й: Возвеселится праведник о Господе / и уповает на Него. Стих: Услыши, Боже, глас мой, внегда молитимися к Тебе.
К римляном послания святаго апостола Павла чтение, зачало 99.
Аллилуиа, глас 4: Праведник яко финикс процветет, яко кедр, иже в Ливане, умножится. Стих: Насаждени в дому Господни, во дворех Бога нашего процветут.
Евангелие от Иоанна, зачало 52.
Причастен: В память вечную будет праведник, от слуха зла не убоится.
Зри: Память святого короля-мученика Едуарда совершается в день его убиения, 18-го марта, и в день перенесения его честных мощей, 5-го сентября.
Служба святому королю мученику Едуарду
На велицей вечерне
Поем Блажен муж: 1-й антифон.
На Господи воззвах: стихиры на 8, глас 1:Яко лоза многоплодная / новаго винограда Христова / на заре просвещения во стране твоей насажденнаго / добродетельми многими просиял еси / и Богу угодил еси. / Темже тя похвалами ублажаем, / Едуарде царю благочестивейший. (дважды)
Царским путем шествовав, царю святый, / царицею добродетелей, Христовою любовно украсився / нищия и убогия призревал еси / и болящия посещал еси / суд и правду творя людем твоим, / Богочестиве Едуарде.
Мощи твоя честныя, Едуарде, / яко сокровище великое / почитающим память твою даровал еси: / темже и притекающим к тем болезни исцеляеши / и прошения их к пользе исполняеши / к Богу твоими предстательствы.
Ины стихиры, глас 2:Иезавели нечестивей, пророки Божия умертвити тщащейся подобящися / и Иродию древле главы пророчей требующей подражающи / совет сотвори на тя царица беззаконная, Едуарде, / и умерщвление твое готовляше / не устыдеся бо ни младости твоея, ниже нрава кроткаго, ниже благочестия / но завистно горькою омрачившися / навету диавольскому последова. (дважды)
Яко Иуда лобзанием Христа предавый, / тако и царица злочестивая / злая на тя умысливши / со клевреты своими совет сотворши / тебе, царю лестию призывает, / ведущи яко на убиение зван еси.
Что убо обрела еси, о безумная жено, / престол от царя законнаго отторгши / и того венец окровавленный на главу сына твоего возложивши. / Се бо сияет мученическим венцем украшен в небесном царствии Едуард, / ты же во вретищи и пепле кающися / того прощение и предстательство улучити молишися.
Слава, глас 8:Не на лов исходиши, царю безвиннейший, / но на совет злочестивых льстивно призываешися / таже и не зверя лютаго сретаеши / но от предателей звероподобных смерть лютую прюмлеши / обаче венцем мученическим венчаешися, / и царство земное оставляя / небесное царствие наследуеши, / со святыми и праведными водворяяся.
И ныне, Богородичен догматик, глас тойже:Царь небесный за человеколюбце на земли явися / и с человеки поживе / от Девы бо чистыя плоть приемый / и из Нея прошедыи с восприятием / един есть Сын сугуб естеством / но не упостасно. / Темже совершенна Того Бога / и совершенна Человека воистинну проповедающе / исповедуем Христа Бога нашего, / Егоже моли Мати безневестная / помиловатися душам нашим.
Вход. Прокимен дне, и чтения три.
Пророчества Исаиина чтение:Тако глаголет Господь: вси языцы собрашася вкупе, и соберутся князи от них. Кто возвестить сия в них; или яже от начала, кто слышана сотворить вам; да приведут свидетели своя, и оправдятся, и да услышат, и да рекут истину. Будите Ми свидетели, и Аз свидетель, глаголет Господь Бог, и отрок егоже избрах, да познаете и веруете Ми, и разумеете, яко Аз семь: прежде Мене не бысть ин Бог, и по Мне не будет. Аз есмь Бог, и несть разве Мене спасаяй. Аз возвестих, и спасох, уничижих, и не бе в вас чуждий. Вы Мне свидетели, и Аз Господь Бог, и еще от начала Аз есмь: и несть от рук Моих избавляяй. Сотворю, и кто отвратить то; сице глаголет Господь Бог, избавляяй вас Святый Израилев.
Пророчества Исаиина чтение:Да возрадуется душа моя о Господе, облече бо мя в ризу спасения и одеждею веселия одея мя: яко на жениха возложи на мя венец, и яко невесту украси мя красотою. И яко земля растящая цвет свой, и яко вертоград семена своя прозябает: тако возрастит Господь правду и веселие пред всеми языки. Сиона ради не умолчу, и Иерусалима ради не попущу, дондеже изыдет яко свет правда моя, и спасение мое яко светило разжжется. И узрят языцы правду твою, и царие славу твою, и прозовут тя именем новым, имже Господь наименует е. И будеши венец доброты в руце Господни, и диадима царствуя в руце Бога твоего. И не прозовешися ктому оставлен, н земля твоя ктому не наречется пуста: тебе бо прозовется воля моя, и земля твоя вселенная: яко благоволи Господь в тебе, и земля твоя вкупе населится. И якоже живяй юноша с девою, тако поживут сыново твои с тобою: и будет якоже радуется жених о невесте, тако возрадуется Господь о тебе.
Пророчества Исаиина чтение:Светися, светися Иерусалиме, прииде бо твой свет, и слава Господня на тебе возсия. Се тьма покрыет землю, и мрак на языки, на тебе же явится Господь, и слава Его на тебе узрится. И пойдут царие светом твоим, и языцы светлостию твоею. Возведи окрест очи твои, и виждь собранная чада твоя: се приидоша вси сынове твои издалеча, и дщери твои на рамех возьмутся. Тогда узриши, и возрадуешися, и убоишися, и ужаснешися сердцем, яко приложится к тебе богатство морское и языков и людей. И приидут к тебе стада вельблюд, и покрыют тя вельблюди мадиамстии и гефарстии: вси от Савы приидут, носяще злато, и ливан принесут, и камень честен, и спасение Господне благовозвестят. И вся овцы кидарския соберутся тебе, и овни навеофстии приидут к тебе, и вознесут приятная на жертвенник Мой, и дом молитвы Моея прославится. Кии суть, иже яко облацы летят, и яко голуби со птенцы ко Мне? Мене острови ждаша, и корабли фарсийстии в первых, привести чада твоя издалеча, и сребро и злато их с ними, имене ради Господня святаго, и за еже Святому Исраилеву славну быти. И созиждут сынове инороднии стены твоя, и царие их предстояти будут тебе: за гнев бо Мой поразих тя, и за милость Мою возлюбих тя. И отверзутся врата твоя присно, день и нощь не затворятся, ввести к тебе силу язык, и цари их ведомыя. Языцы бо и царие, иже не поработают ти, погибнут, и языцы запустением запустеют. И слава Ливанова к тебе приидет, кипарисом, и певгом, и кедром, вкупе прославити место святое Мое, и место ног Моих прославлю. И пойдут к тебе боящеся сынове смиривших тя, и раздраживших тя, и поклонятся следам ног твоих вси прогневавшии тя: и наречешися град Господень, Сион Святаго Исраилева. За сие, яко был еси оставлен и возненавиден, и не бе помогающаго ти, положу тя в радость вечную, веселие родом родов. и изссеши млеко языков, и богатство царей снеси, и уразумееши, яко Аз Господь спасаяй тя, и избавляяй тя Бог Исраилев.
На литии стихира храма, таже мученику, глас 4:Приидите притецем к раце мощей многоцелебных / царя Едуарда Богу угодившаго / и венец мученический в лета юна приявшаго, / яко да о людех своих предстательствует, небесному Царю выну предстоя / и молитвы творя неусыпно.
Слава, глас 6:Да рыдает убо царица нечестивая / одежды со власы терзающи, видящи тя, Едуарде неправедно убиеннаго / и чудесы от Бога прославляемаго: / ты бо венца мученическаго сподобляешися, / она же уразумевши вину свою великую / и Судии неумытнаго трепещущи / покаянием душу свою омыти тщится.
И ныне, Богородичен, глас тойже:Вся в житии земнем скорби претерпевшая / сретаеши и утешаеши, Богоневеста чистая / отраду тем подающи / и всяку слезу от очес их осушающи. / Темже и ныне всех в бедах и злостраданиях сущих заступи / избавление скорое тем подающи / ты бо еси всякая печали утоление.
На стиховне стихиры, глас 8.
Подобен: О преславнаго чудесе:О преславнаго чудесе! / о смотрения божественаго! / сокровище многоценное, / под землею от поругания сокровенное, / на конец времен обретается, / се бо святыя мощи царя-мученика являются / яко источник новый многоцелебный / всем верно тем покланяющимся / и Бога во святых дивнаго славящим.
Стих: Вознесох избраннаго от людей Моих, / обретох Давида, раба Моего.
О торжества чуднаго! / о праздника всерадостнаго! / память бо светлейшую / царя Едуарда творим, / немощных и болящих милостиваго целителя, / сирых защитителя и печальных утешителя, / злочестия искоренителя и благочестия насадителя, / дерзновеннаго молитвенника и предстателя за род наш.
Стих: Сего ради помаза тя, Боже, Бог твой елеем радости / паче причастник Твоих.
О богатства премудрости Божия! / о промысла божественнаго! / святыя мощи православнаго царя-мученика / Церкви православней вручаются, / темже тем ныне верно покланяющеся / и в молитву страстотерпца венчаннаго призывающе, / благодарение тепле приносим Христу Богу, / толикое сокровище нам даровавшему / и милость Свою нам присно являющему.
Слава, глас 3:Воитель храбрый сопротив ратей вражеских быв, Едуарде, / на страсти греховныя паче ополчался еси, / победитель же славный во обою явився, / смиренномудрием яко бронею одеявся, / честь и славу Христу Богу воздавал еси.
И ныне, Богородичен, глас тойже:Без смене от Божественнаго Духа, / волею же Отчею зачала еси Сына Божия, / от Отца без матере прежде век суща, / нас же ради, / из Тебе без отца бывша, / плотию родила еси, / и Младенца млеком питала еси. / Темже не престай молити, / избавитися от бед душам нашым.
Тропарь, глас 4:Святаго Едуарда добродетельми древле просиявшаго / и безвинно пострадавшаго / новоявленную память совершающе / и честным его мощем покланяющеся, в веселии возопиим: / воистину дивен еси, Боже, во святых Твоих. (дважды)
И Богородице Дево, радуйся: единожды.
На утрени
На Бог Господь: тропарь мученику дважды.
Слава и ныне, Богородичен:Еже от века утаенное / и ангелом несведомое таинство, / Тобою Богородице сущим на земли явися: / Бог в неслитном соединении воплощаем / и Крест волею нас ради восприим, / имже воскресив первозданнаго, / спасе от смерти души наша.
По первой кафизме седален, глас 7:Время постное преходя подвизаяся, / душу твою приуготовил еси Едуарде / ко сретению достойному праздников праздника святыя Пасхи, / внезапу же жития земнаго изшед, / Воскресение Христово во царствии Его прославил еси, / со ангелы и праведными ликуя / и люди твоя от небес назирая.
Слава и ныне, Богородичен:Радуйся, благодатная Богородице Дево, / пристанище и предстательство рода человеческаго, / из Тебе бо воплотися Избавитель мира, / едина бо еси Мати и Дева, / присно благословенна и препрославлена, / моли Христа Бога даровати мир всей вселенной.
По второй кафизме седален, глас 5:Се весна на земли процвете, зимы конец возвещающи, / и весна духовная Христова Воскресешя торжество миру возсия, / людие же твои, царю, печали исполняются / о безвременней кончине твоей болезнующе, / темже убо потщися и скоро утеши я, / являяй им да ты со воскресшим Владыкой в небеснем царствии Его водворяешися, / даруяй им обрести твоя мощи священныя / яко залог твоего попечения о любящих тя, / да к тем благоговейно притекающе / исцеления и дары духовныя приемлют.
Слава и ныне, Богородичен:Неискусобрачная Невесто Богородительнице, / яже Евину печаль радостотворившая / воспеваем вернии и покланяемся Тебе, / яко возвела еси нас от древняя клятвы / и ныне моли непрестанно, Всепетая Пресвятая, / во еже спастися нам.
Полиелей и величание:Величаем тя, святый страстотерпче царю Едуарде, и чтем честная страдания твоя, яже за Христа претерпел еси.
Псалом избранный:Бог нам прибежище и сила. Помощник в скорбех обретших ны зело. Сего ради не убоимся, внегда смущается земля. Боже, кто уподобится Тебе; да не премолчиши, ниже укротиши, Боже. Яко се врази Твои возшумеша, и ненавидящии Тя воздвигоша главу. На люди Твоя лукавноваша волею, и совещаша на святыя Твоя. Положиша трупия рабов Твоих, брашна птицам небесным. Плоти преподобных Твоих зверем земным. Пролияша кровь их яко воду.
По полиелеи седален, глас 8.
Подобен: Повеленное тайно:Смерть претерпев безвременне / чаши предстательства вместо, блаженне, / чашу неупиваему радости / от руки Спасовы приял еси / и ныне убо на вечери Христовой зрением пресветлаго лица Его наслаждася / о чтущих тя молися / улучити и тем небесное царствие.
Слава и ныне, Богородичен:Владычице, приими молитвы раб Твоих / и избави нас / от всякия нужды и печали.
Степенна, 1-й антифон, 4-го гласа.Прокимен, глас 4: Вознесох избраннаго от людей моих, / обретох Давида, раба моего.
Стих: Сего ради помаза Тя, Боже, Бог твой елеем радости / паче причастник Твоих.
Евангелие от Луки, зачало 63.
По 50-м псалме стихира, глас 6:Аще и кратковременне на ниве Христовой работав, / обаче потрудився неленостне, / обетованный пенязь от руки Божия приял еси / и домоправитель верен явился еси, / темже и в радость Господа твоего вшел еси / и к Тому дерзновение стяжал еси, / предстательствуя присно о людех твоих.
Канон молебный Богородицы, со ирмосом на 6,
и святому канон на 8, глас 8, егоже краегранесие сицево:
Едуарда царя богочестиваго память пою.
Песнь 1Ирмос: Поим Господеви / проведшему люди Своя сквозь чермное море / яко един славно прославися.
Едуарда царя благочестием просиявшаго / и чудесы многими Богом прославленнаго / песньми достойно воспеваем.
Да торжествует ныне страна британская / и Церковь православная да возвеселится / царя богомудраго память прославляющи.
Умерщвление неправедное безвременне претерпевый, / дерзновение к Богу стяжал еси, Едуарде / темже и исцеления тя почитающим подаеши.
Богородичен: Ангельстии чини и праведных лицы / монаси и мирстии, убозии и царие / Богородицу вкупе воспевают.
Песнь 3Ирмос: Ты еси утверждеше притекающих к Тебе, Господи, / Ты еси свет омраченных / и поет Тя дух мой.
Родився Божиим промышлением / яко да добродетельми просияеши / и людем благочестия образ явиши, / краткое течение жития твоего добре совершил еси.
Добрый раб и верный Всецарю Христу был еси, / от Того тебе данный талант преумножив, / Едуарде, мудрый царю, / темже и в радость Господа твоего вшел еси.
Авелю безвинно закланному уподобився, / убиение неправедное претерпел еси, / царствия же временнаго лишився, / в небесныя обители вселился еси.
Богородичен: Царицу небесе и царей земных похвалу, / Церкве Христовы непоколебимый столп / и царствия Божия нерушимую стену, / Деву Богородицу немолчно воспеваем.
Седален, глас 3:Якоже рече первоверховный Петр, / во всяцем языце бояйся Бога и делаяй правду / приятен Богу есть, / таже во царствие небесное святии и праведнии от конец земли приидоша, / темже и ты, святый страстотерпче царю, от запада пришед, / сретай святых Бориса и Глеба, от земли русския просиявших, / тии бо якоже и ты праведно поживше, / от зависти горькия неправедно убиени быша, / ныне убо вкупе радости вечныя причащающеся, / поминайте ны почитающия вы и вопиющия: / воистинну дивен еси, Боже, во святых Твоих.
Слава и ныне, Богородичен:Яко невозделанная, Дево, лоза, / краснейший грозд прозябла еси, источающ нам вино спасения, / всех веселящее души же и телеса. / Темже яко вину Тя добрых блажаще присно, / со ангелом вопием Ти: / радуйся, благодатная.
Песнь 4Ирмос: Услышах, Господи, / смотрения Твоего таинство, / разумех дела Твоя / и прославих Твое Божество.
Агнцу на заклание ведомому подобяся, / Едуарде святый, / не противоборствовал еси злодеям убивающим тя, / но в руце Божии душу твою во мгновение предал еси.
Радостотворную твою память совершающе, / чудеса твоя воспоминаем, Едуарде, / прокаженныя бо, разслабленныя и слепыя от рождения исцеляеши / молитвою твоею ко Христу дерзновеннейшею.
Яве тя прославити хотяй, / даде Христос Бог честым мощем твоим силу цельбоносную, / яко да видяще чудеса от тех бываемая / людие благочестивыя Господа восхвалят во веки.
Богородичен: Божии пророцы тя провозвестиша, Богородице, / апостоли проповедаша, / мученицы исповедаша, / песнотворцы же и преподобныя в песнех боголепных Тя воспеша.
Песнь 5Ирмос: Утреннююще вопием ти: / Господи, спаси ны, / Ты бо еси Бог наш, / разве Тебе иного на вемы.
Осия свет божественный жену слепую от рождения, / егда телу твоему, Едуарде царю, прикоснуся, / темже и отверзошася очи ея / и прослави Бога и твое заступление.
Гроб твой источник исцелений явися / всем с верою к нему притекающим / просвещения же и утешения просящим.
Отверзи и наша очи сердечная, Едуарде, / очи слепорожденныя просветивый, / яко да узрим Божие о нас премудрое смотрение / и прославим Его силу.
Богородичен: Честнейшую херувим и серафим светлейшую восхваляти непрестанно да не обленимся, / умныма очима величия Ея зряще, / сердцем же горящим и любовию теплою / милосердие Ея величающе.
Песнь 6Ирмос: Якоже пророка избавил еси / из глубины преисподния, Христе Боже, / и мене от грехов моих избави яко Человеколюбец / и управи живот мой, молюся.
Егда уведе царица злочестивая обретение мощей твоих, Едуарде царю, / и чудеса бываемая, / восхоте в покаянии поклонитися тем, / сила же Господня возбрани ей тогда.
Славу твою со инема цари / во Иерусалим горний принесл еси, Едуарде, / сугубая венцы царский и мученический при ногу Господню полагая / и достойную честь от Того приемля.
Тименнаго рова погибельнаго избегл еси, / суд и правду творя и убогия питая, / престола царскаго достойна себе показуя, / Едуарде премудре и достославне.
Богородичен: Иже Тебе Богородицу не почитают, / студом и страхом да облекутся, / от всея твари обличаеми / иже Тя воспевает непрестанно.
Кондак, глас 4:Яко благоверный царь и светлый мученик, / просиял еси в земли английстей, / и нападшим на тя врагом Церкве и державы / претерпел еси раны и удары, / и скоро прешедше Спасу нашему, / ныне сотворяеши множество чудес верою взывающим: / Христа Бога не престай молити // отечеству твоему к вере православней возвратитися.
Икос:Се приближися времен исполнение! Христоименитые людие, восклонитеся. Се бо Всевидец и Судия праведный, помянув милости Своя и щедроты, и источник благочестия изсякший струями живоносными восполнити хотя, яви нам мощи угодника своего и страстотерпца Едуарда царя, многа лета под землею хранимыя: бури бо гонений на святых от царя злочестиваго воздвизаемей и святыням от клеврет его попираемым, тыя, яко сокровище многоценное, сокрышася, идеже пребываху даже до сего дне, ныне же промышлением и благоволением Божиим мощи святыя сия паки верным даруются, и паки свет Православия во стране британстей возсиявает. Сего ради украсися, о Англие, земле царей, и вси живущии в ней возрадуйтеся блаженному Едуарду, егоже Царь царствующих прославити восхоте, взывающе: Христа Бога не престай молити, отечеству твоему к вере православней возвратитися.
Песнь 7Ирмос: В начали землю основавый / и небеса словом утвердивый, / благословен еси во веки, / Господи Боже отец наших.
Воинствовав на враги, на страсти же паче воюя, / победитель во обою явился еси, / смирением же побуждаем, славу Богови воздавал еси, / благословен еси Боже отец наших.
Ангелов чини и праведных лицы / царя святаго во царствие Христово приемлема провождающе, / Бога дивнаго во святых Своих воспеваху: / благословен еси, Боже, взывающе.
Грехолюбивый мир оставль безвременне, / небеснаго отечествия достигл еси, Едуарде / идеже об отечествии земнем непрестанно молишися / благословенному Богу отец твоих.
Богородичен: Огня пещнаго не убоявшеся / иже Тебе, Дево, прообразующий, отроцы / о Тебе благодаряще вопияху: / благословен еси, Боже отец наших.
Песнь 8Ирмос: На горе святей прославльшася / и в купине огнем Приснодевы Моисеови тайну явльшаго, / Господа пойте и превозносите во вся веки.
Память царя богочестиваго празднующе / и чудесем от честных мощей его бывших дивящеся, / о Бозе веселящеся взываем: / Господа пойте и превозносите во вся веки.
Адовы вся козни победив / и злочестивых злоумышления посрамив, / в небесное царствие воззванный, воспевал еси, царю святый: / Господа пойте и превозносите во вся веки.
Мощам твоим честным покланяющеся / и имя твое в молитвах призывающе, / Едуарде, царю боголюбезнейший, / Господа поим и превозносим во вся веки.
Богородичен: Явила еси человеком / на Негоже ангели не смеют взирати, / яви убо и нам Того милость неизреченную, / яко да Тя превозносим во вся веки.
Песнь 9Ирмос: Воистину Богородицу / Тя исповедуем / спасеннии Тобою, Дево чистая, / с безплотными лики Тя величающе.
Точиши исцеления / и молитвы верных приемлеши, / о чтущих Твою память усердно моляся, / темже тя, Едуарде, благодарно величаем.
Память твоя славна / и успение твое со святыми, / Божию бо престолу предстоиши выну, / темже Христа, тебе людем молитвенника новаго даровавшаго, величаем.
От восток даже до запад / вера Христова достиже, / темже по всей вселенней / святии Божии прославляются.
Богородичен: Южика Твоя, Богородице, Елисавета / научи нас, Пречистая, Тебе взывати: / благословенна Ты в женах и благословен плод чрева Твоего Христос, / Егоже непрестанно величаем.
Светилен.
Подобен: Небо звездами:Тебе, свет невечерний узревшему, / царю блаженнейший, / подобаше и первое чудо светом показати, / се бо храмину идеже злочестивии тело твое сокрыша, / свет небесный осия, / таже и очи жены слепыя от рождения отверзошася, / она же Бога благодаряще возопи: / благословен еси, Господи, / новаго угодника Твоего являющий нам.
Слава и ныне, Богородичен:Всю землю омофором Твоим светообразным покрываеши / и мир весь любовию Твоею, Богородице, объемлеши, / молитвы и моления от всех Тебе призывающих приемлеши / и вся пред престолом Сына Твоего заступаеши, / Тя бо предстательницу человеком дал есть во веки.
На хвалитех стихиры, глас 2:Со цари благочестивыя во царствии небеснем водворяешися, / с постники и воздержники восхваляешися, / с мученики прославляешися / и со всеми праведными ублажаешися, / Едуарде, царю славне. (дважды)
Покланяемся раце мощей твоих усердно / и кончины твоея безвременныя память совершающе, / чудеса от них бываемая воспоминающе, / твоего заступления и помощи просим, / Едуарде, царю праведный.
Иже кровьми мученическими царския ризы своя украсивший / паче багряницы и виссона / и венцем страдальческим рукою Божиею венчанный, / на вечери Христовой со избранными возлегий, / молися, Едуарде, о душах наших.
Слава, глас 6:Се, конец приближися, при дверех Судия! / Се, души избиенных вопиют о правосудии Божии: / доколе, Владыко, не мстиши крове нашея? / Но речено бысть им, / да почиют еще, дондеже лик спасенных не оправдится, / и тайна беззакония не открыется; / тогда Судия приидет, Иже воздаст коемуждо по делом его. / Ты же, о царю блаженнейший, / части блаженных сочетаваешися. / Сего ради Христа Владыку умоли, / да и мы части одесную Его сподобимся.
И ныне, Богородичен:Царица Богородице, / милосердия Божия двери нам отверзающи, / молися Сыну Твоему, со царем страстотерпцем / помиловати души наша.
На ЛитургииБлаженна от канона святаго, песнь третия и шестая.
Прокимен, глас 7-й: Возвеселится праведник о Господе / и уповает на Него. Стих: Услыши, Боже, глас мой, внегда молитимися к Тебе.
К римляном послания святаго апостола Павла чтение, зачало 99.
Аллилуиа, глас 4: Праведник яко финикс процветет, яко кедр, иже в Ливане, умножится. Стих: Насаждени в дому Господни, во дворех Бога нашего процветут.
Евангелие от Иоанна, зачало 52.
Причастен: В память вечную будет праведник, от слуха зла не убоится.
Зри: Память святого короля-мученика Едуарда совершается в день его убиения, 18-го марта, и в день перенесения его честных мощей, 5-го сентября.