Тропари и кондаки еллинстии. Иуний 21 - 30 (4 - 13 июля). Источник - Ωρολογιον το μεγα. Αθηνα.
21 (4 иулиа)
Тропарь мученика Иулиана Тарсийскаго. Глас 5.
Ма́терними за́поведями тайноводи́м,/ во́ин всеблагосла́вный яви́лся еси́ Христа́ Бо́га,/ всеору́жием та́инственным препоя́сався./ Те́мже низложи́л еси́ врага́, я́ко до́бльственник изря́дный./ И пострада́л еси́ богому́дро, Иулиа́не богому́дре*,// при́сно моля́ся Бо́гу о всех нас.
*Повтор в оригинале.
Кондак. Глас 3.
Ю́ноша све́тел я́ко вои́стинну явле́н,/ страстоте́рпец сла́вный благоче́стия яви́лся еси́,/ боле́зни бо, я́же во страда́льчестве, презре́в,/ му́жески бо в мо́ри удуше́ние поне́сл еси́,/ Иулиа́не всеблаже́нне./ Сего́ ра́ди// к воде́ живо́тней пресели́лся еси́.
22 (5 иулиа)
Тропарь священномученика Евсевия Самосатскаго. Глас 4.
Му́дрости Ду́ха све́том озаре́н,/ сло́во благоче́стия уясни́л еси́ нам, Евсе́вие сла́вне,/ Ты бо иера́ршествовав Тро́ице благоче́стно,/пострада́л еси́ богому́дро,/ и пре́лесть низложи́л еси́./ И ны́не, о́тче,// моли́ спасти́ся всем нам.
Кондак. Глас 8.
Благоче́стия уче́ния насе́яв,/ а́риева те́рния посе́кл еси́,/ и му́ченическим венце́м украси́лся еси́./ Сло́во бо со Отце́м и Ду́хом единосу́щное и сопресто́льное пропове́дал еси́.// Те́мже вопие́м: Ра́дуйся, о́тче Евсе́вие.
23 (6)
Тропарь святыя мученицы Агриппины. Глас 3.
Боже́ственным Ду́хом укрепле́на,/ му́жествовала еси́ доблему́дренно,/ Агриппи́но, де́вства благоуха́ние./ Те́мже Христо́вою благода́тию просла́влена,/ то́ки чуде́с источа́еши конце́м./ Му́ченице сла́вная,/ Христа́ Бо́га моли́// дарова́ти нам ве́лию ми́лость.
Кондак. Глас 2.
Яко де́ву честну́ю и непоро́чную,/ и страстоте́рпицу тве́рдую и непобеди́мую,/ Христо́с тя све́тло прия́т,/ и ди́вно, Агриппи́но, просла́ви// Еди́н сый Человеколю́бец.
25 (8)
Тропарь попразднства рождества Пророка и Крестителя Иоанна. Глас 4.
Всех превы́шше рожде́нных жена́ми,/ от непло́ды роди́ся и престаре́лыя ма́тере,/ Проро́че и Предте́че./ Те́мже твоему́ рождеству́/ попра́зднственное хвале́ние пое́м согла́сно,/вопию́ще ти любо́вию:// Свы́ше пода́ждь нам, Крести́телю, лу́чшая.
Кондак. Глас 4.
Я́ко заря́ многосве́тлая,/ рождество́ твое/ предвозвеща́ет, Предте́че, Восто́ка у́мнаго,/ благоче́стно взыва́ющим:// Спаси́ ве́рою чту́щия Тя, сла́вне.
Тропарь преподобномученицы Февронии. Глас 3.
Я́ко по́стничества ши́пок сладкоуха́нный,/ воню́ страда́льчества ми́ру облагоуха́ла еси́/ в воню́ ми́ра Христо́ва прите́кши* любо́вию безме́рною./ Те́мже я́ко де́ву тя и преподо́бную и му́ченицу/ ди́вно, Февро́ние, просла́ви Госпо́дь./ О, моли́ о вопию́щих:// Ра́дуйся, преподобному́ченице честна́я.
*Ср. Песн 1:3.
Кондак. Глас 3.
Де́вства благода́тию и му́ченичества добро́тою/ укра́шена, сла́вная,/ я́ко неве́ста всенепоро́чная,/ притекла́ еси́ свещено́сная жениху́ своему́,/ увенча́лася еси́ нетле́нием и благоле́пием,/ и мо́лиши, Февро́ние,// о ве́рою песносло́вящих тя.
Тропарь преподобнаго Дионисия Афонскаго. Глас 3.
Свет небе́сный тя озари́вый,/ свети́льника неугаса́емаго/ и́же на Афо́не су́щим показу́ет я́сно,/ Ты бо жития́ кра́йностию украша́ем,/ воздержа́ния пра́вило был еси́./ О́тче преподо́бне,/ Христа́ Бо́га моли́// дарова́ти нам ве́лию ми́лость.
Кондак. Глас 8.
Я́ко Предте́чи подража́теля и уподобле́ние,/ и мона́хом наста́вника и о́браз/ воспева́ем тя раби́ твои́, богоно́се./ На Афо́не бо пожи́в, я́ко безплотен,/ озаря́еши коего́ждо де́лы твои́ми вопию́щих ти:// Ра́дуйся, о́тче Диони́сие.
26 (9 иулиа)
Тропарь преподобнаго Давида Фесаллоникийскаго. Глас 5.
Любо́вию Сло́ва, о́тче, вперя́ем,/ на дре́ве преше́л еси́ а́нгельское житие́,/ и изне́сл еси́ нам плоды́ благода́ти./ И́миже наслажда́ющеся у́мно, вопие́м ти ве́рно:/ Дави́де, преподо́бных кра́ю,// не преста́й моля́ спасти́ся душа́м на́шим.
Кондак. Глас 2.
Я́ко подо́бника небе́сных чино́в,/ и благ земны́х пресе́льника,/ досто́йно ублажа́ем тя, о Дави́де богоблаже́нне,/ житие́ бо я́ко а́нгел сконча́л еси́,/ и боже́ственных дарова́ний наслади́лся еси́.// От ни́хже и нам подава́й, преподо́бне.
27 (10)
Тропарь преподобнаго Сампсона Странноприимца. Глас 4.
Нося́й подо́бие Бо́жиих щедро́т,/ боже́ственныя благосты́ни, источа́еши то́ки,/ Сампсо́не свяще́ннейший,/ ты бо богоподража́тельным состра́стием просия́в,/ яви́лся еси́ скорбя́щим и стра́ждущим врач,/ подава́я чту́щим тя// кре́пость неизсяка́емую.
28 (11)
Тропарь перенесения мощей святых чудотворцев и бессребренников Кира и Иоанна. Глас 3.
Боже́ственныя благода́ти де́йством/ чуде́с то́ки источа́ющия безме́здно,/ честны́я мо́щи ва́ша/ от недр земны́х ми́ру возсия́ша,/ Ки́ре богому́дре и Иоа́нне сла́вне./ Те́мже вси, тех обре́тение почита́юще,// про́сим улучи́ти* ва́ми ве́лию ми́лость.
*Слова «улучити» нет в оригинале.
Кондак. Глас 2.
Ве́лие врачева́ние Вселе́нныя,/ сопряже́ние Христо́во возлю́бленное,/ свети́льники, возсия́вшия заря́ми изцеле́ний/ воспои́м, ве́рнии, велегла́сно,/ внутрь хра́ма их вопию́ще:/ Ки́ре и Иоа́нне,/ пода́тели чуде́с и вра́чеве неду́гующим// озаря́ют концы́.
29 (12 иулиа)
Тропарь святых апостолов Петра и Павла. Глас 3.
Боже́ственнии пропове́дницы благоче́стия,/ исто́чник двустру́йный богоразу́мия/ и догма́тов небе́сных яви́телие,/ Пе́тре и Па́вле, я́сно показа́стеся,/ я́ко апо́столов боже́ственных первопресто́льницы./ Но испроси́те спаси́тельное нам просвеще́ние,/ и избавле́ние страсте́й,// и ве́лию ми́лость.
Тропарь апостола Павла. Глас 4.
Язы́ков тя пропове́дника/ и свети́льника тревели́каго,/ афи́няном учи́теля,/вселе́нныя украше́ние ра́достно велича́ем./ По́двиги почита́ем и му́ки, ра́ди Христа́,/ честно́е твое му́ченичество./ Свя́те Па́вле апо́столе,/ моли́ Христа́ Бо́га// спасти́ся душа́м на́шим.
30 (13 иулиа)
Тропарь Собора дванадесяти апостолов. Глас 3.
Яко свети́льник дванадесятосве́тлый,/ возсия́ша Христо́вы апо́столи дванадесяточи́сленнии,/ Петр и Па́вел со Луко́ю, Андре́й и Иоа́нн,/ Варфоломе́й, Фили́пп со Матфе́ем и Си́моном,/ Марк, и Иа́ков, и Фома́ блаже́нный,/ и озари́ша ве́рою вопию́щия:// Ра́дуйтеся, Сло́ва самови́дцы.
Кондак. Глас 4.
Дванадесятостру́нная цевни́ца* и благозву́чная/ всехва́льных и му́дрых апо́столов,/вдохновля́ема божестве́нными блиста́ньми Ду́ха,/ всем благоче́стия веща́ние пропове́да,/ язы́ков же нече́стие сло́вом загради́./ Тех благохва́ляще, я́сно рцем:// Ра́дуйтеся, таи́нницы Христо́вы и служи́телие.
Цевница 1) пастушеский многоствольный духовой инструмент; 2 (в данном случае) - струнный инструмент, типа лиры. В ориг. - ναβλα (евр. «невель»), кот. в книгах Царств, видимо, по недоразумению переводится как «свирель».
Тропарь мученика Иулиана Тарсийскаго. Глас 5.
Ма́терними за́поведями тайноводи́м,/ во́ин всеблагосла́вный яви́лся еси́ Христа́ Бо́га,/ всеору́жием та́инственным препоя́сався./ Те́мже низложи́л еси́ врага́, я́ко до́бльственник изря́дный./ И пострада́л еси́ богому́дро, Иулиа́не богому́дре*,// при́сно моля́ся Бо́гу о всех нас.
*Повтор в оригинале.
Кондак. Глас 3.
Ю́ноша све́тел я́ко вои́стинну явле́н,/ страстоте́рпец сла́вный благоче́стия яви́лся еси́,/ боле́зни бо, я́же во страда́льчестве, презре́в,/ му́жески бо в мо́ри удуше́ние поне́сл еси́,/ Иулиа́не всеблаже́нне./ Сего́ ра́ди// к воде́ живо́тней пресели́лся еси́.
22 (5 иулиа)
Тропарь священномученика Евсевия Самосатскаго. Глас 4.
Му́дрости Ду́ха све́том озаре́н,/ сло́во благоче́стия уясни́л еси́ нам, Евсе́вие сла́вне,/ Ты бо иера́ршествовав Тро́ице благоче́стно,/пострада́л еси́ богому́дро,/ и пре́лесть низложи́л еси́./ И ны́не, о́тче,// моли́ спасти́ся всем нам.
Кондак. Глас 8.
Благоче́стия уче́ния насе́яв,/ а́риева те́рния посе́кл еси́,/ и му́ченическим венце́м украси́лся еси́./ Сло́во бо со Отце́м и Ду́хом единосу́щное и сопресто́льное пропове́дал еси́.// Те́мже вопие́м: Ра́дуйся, о́тче Евсе́вие.
23 (6)
Тропарь святыя мученицы Агриппины. Глас 3.
Боже́ственным Ду́хом укрепле́на,/ му́жествовала еси́ доблему́дренно,/ Агриппи́но, де́вства благоуха́ние./ Те́мже Христо́вою благода́тию просла́влена,/ то́ки чуде́с источа́еши конце́м./ Му́ченице сла́вная,/ Христа́ Бо́га моли́// дарова́ти нам ве́лию ми́лость.
Кондак. Глас 2.
Яко де́ву честну́ю и непоро́чную,/ и страстоте́рпицу тве́рдую и непобеди́мую,/ Христо́с тя све́тло прия́т,/ и ди́вно, Агриппи́но, просла́ви// Еди́н сый Человеколю́бец.
25 (8)
Тропарь попразднства рождества Пророка и Крестителя Иоанна. Глас 4.
Всех превы́шше рожде́нных жена́ми,/ от непло́ды роди́ся и престаре́лыя ма́тере,/ Проро́че и Предте́че./ Те́мже твоему́ рождеству́/ попра́зднственное хвале́ние пое́м согла́сно,/вопию́ще ти любо́вию:// Свы́ше пода́ждь нам, Крести́телю, лу́чшая.
Кондак. Глас 4.
Я́ко заря́ многосве́тлая,/ рождество́ твое/ предвозвеща́ет, Предте́че, Восто́ка у́мнаго,/ благоче́стно взыва́ющим:// Спаси́ ве́рою чту́щия Тя, сла́вне.
Тропарь преподобномученицы Февронии. Глас 3.
Я́ко по́стничества ши́пок сладкоуха́нный,/ воню́ страда́льчества ми́ру облагоуха́ла еси́/ в воню́ ми́ра Христо́ва прите́кши* любо́вию безме́рною./ Те́мже я́ко де́ву тя и преподо́бную и му́ченицу/ ди́вно, Февро́ние, просла́ви Госпо́дь./ О, моли́ о вопию́щих:// Ра́дуйся, преподобному́ченице честна́я.
*Ср. Песн 1:3.
Кондак. Глас 3.
Де́вства благода́тию и му́ченичества добро́тою/ укра́шена, сла́вная,/ я́ко неве́ста всенепоро́чная,/ притекла́ еси́ свещено́сная жениху́ своему́,/ увенча́лася еси́ нетле́нием и благоле́пием,/ и мо́лиши, Февро́ние,// о ве́рою песносло́вящих тя.
Тропарь преподобнаго Дионисия Афонскаго. Глас 3.
Свет небе́сный тя озари́вый,/ свети́льника неугаса́емаго/ и́же на Афо́не су́щим показу́ет я́сно,/ Ты бо жития́ кра́йностию украша́ем,/ воздержа́ния пра́вило был еси́./ О́тче преподо́бне,/ Христа́ Бо́га моли́// дарова́ти нам ве́лию ми́лость.
Кондак. Глас 8.
Я́ко Предте́чи подража́теля и уподобле́ние,/ и мона́хом наста́вника и о́браз/ воспева́ем тя раби́ твои́, богоно́се./ На Афо́не бо пожи́в, я́ко безплотен,/ озаря́еши коего́ждо де́лы твои́ми вопию́щих ти:// Ра́дуйся, о́тче Диони́сие.
26 (9 иулиа)
Тропарь преподобнаго Давида Фесаллоникийскаго. Глас 5.
Любо́вию Сло́ва, о́тче, вперя́ем,/ на дре́ве преше́л еси́ а́нгельское житие́,/ и изне́сл еси́ нам плоды́ благода́ти./ И́миже наслажда́ющеся у́мно, вопие́м ти ве́рно:/ Дави́де, преподо́бных кра́ю,// не преста́й моля́ спасти́ся душа́м на́шим.
Кондак. Глас 2.
Я́ко подо́бника небе́сных чино́в,/ и благ земны́х пресе́льника,/ досто́йно ублажа́ем тя, о Дави́де богоблаже́нне,/ житие́ бо я́ко а́нгел сконча́л еси́,/ и боже́ственных дарова́ний наслади́лся еси́.// От ни́хже и нам подава́й, преподо́бне.
27 (10)
Тропарь преподобнаго Сампсона Странноприимца. Глас 4.
Нося́й подо́бие Бо́жиих щедро́т,/ боже́ственныя благосты́ни, источа́еши то́ки,/ Сампсо́не свяще́ннейший,/ ты бо богоподража́тельным состра́стием просия́в,/ яви́лся еси́ скорбя́щим и стра́ждущим врач,/ подава́я чту́щим тя// кре́пость неизсяка́емую.
28 (11)
Тропарь перенесения мощей святых чудотворцев и бессребренников Кира и Иоанна. Глас 3.
Боже́ственныя благода́ти де́йством/ чуде́с то́ки источа́ющия безме́здно,/ честны́я мо́щи ва́ша/ от недр земны́х ми́ру возсия́ша,/ Ки́ре богому́дре и Иоа́нне сла́вне./ Те́мже вси, тех обре́тение почита́юще,// про́сим улучи́ти* ва́ми ве́лию ми́лость.
*Слова «улучити» нет в оригинале.
Кондак. Глас 2.
Ве́лие врачева́ние Вселе́нныя,/ сопряже́ние Христо́во возлю́бленное,/ свети́льники, возсия́вшия заря́ми изцеле́ний/ воспои́м, ве́рнии, велегла́сно,/ внутрь хра́ма их вопию́ще:/ Ки́ре и Иоа́нне,/ пода́тели чуде́с и вра́чеве неду́гующим// озаря́ют концы́.
29 (12 иулиа)
Тропарь святых апостолов Петра и Павла. Глас 3.
Боже́ственнии пропове́дницы благоче́стия,/ исто́чник двустру́йный богоразу́мия/ и догма́тов небе́сных яви́телие,/ Пе́тре и Па́вле, я́сно показа́стеся,/ я́ко апо́столов боже́ственных первопресто́льницы./ Но испроси́те спаси́тельное нам просвеще́ние,/ и избавле́ние страсте́й,// и ве́лию ми́лость.
Тропарь апостола Павла. Глас 4.
Язы́ков тя пропове́дника/ и свети́льника тревели́каго,/ афи́няном учи́теля,/вселе́нныя украше́ние ра́достно велича́ем./ По́двиги почита́ем и му́ки, ра́ди Христа́,/ честно́е твое му́ченичество./ Свя́те Па́вле апо́столе,/ моли́ Христа́ Бо́га// спасти́ся душа́м на́шим.
30 (13 иулиа)
Тропарь Собора дванадесяти апостолов. Глас 3.
Яко свети́льник дванадесятосве́тлый,/ возсия́ша Христо́вы апо́столи дванадесяточи́сленнии,/ Петр и Па́вел со Луко́ю, Андре́й и Иоа́нн,/ Варфоломе́й, Фили́пп со Матфе́ем и Си́моном,/ Марк, и Иа́ков, и Фома́ блаже́нный,/ и озари́ша ве́рою вопию́щия:// Ра́дуйтеся, Сло́ва самови́дцы.
Кондак. Глас 4.
Дванадесятостру́нная цевни́ца* и благозву́чная/ всехва́льных и му́дрых апо́столов,/вдохновля́ема божестве́нными блиста́ньми Ду́ха,/ всем благоче́стия веща́ние пропове́да,/ язы́ков же нече́стие сло́вом загради́./ Тех благохва́ляще, я́сно рцем:// Ра́дуйтеся, таи́нницы Христо́вы и служи́телие.
Цевница 1) пастушеский многоствольный духовой инструмент; 2 (в данном случае) - струнный инструмент, типа лиры. В ориг. - ναβλα (евр. «невель»), кот. в книгах Царств, видимо, по недоразумению переводится как «свирель».