Тропари и кондаки еллинстии. Септемврий (доп.) 2*.
Из собрания тропарей и кондаков из разных источнииков, в т.ч. из отдельно изданных греческих служб. Поскольку много "иных" тропарей и кондаков одному святому, пока их пропускаю, оставляя в скобках заглавие и глас.
15 (28).
Победи́тель* в по́двизех быв,/
Кондак великомученику Никите Готфскому. Глас 4.победи́тели покажи́ на стра́сти тлетво́рныя/ благоче́стно взыва́ющия ти:/ Ра́дуйся, Ники́то,// му́чеников украше́ние.
* Νικητὴς - победитель.
Тропарь святому Филофею Чудотворцу в Мирмиксе (Мравино), фемы Опсики́я* (X в.). Глас 1.
Друг Бо́жий и́стинный тезоиме́нно был еси**,/ чи́стым твои́м жи́тельством, богоно́сне Филофе́е,/ и Ду́хом Святы́м просла́влен/ чуде́с показа́лся еси́ самоде́тель,/ вся́каго вре́да избавля́яй и тле́ния/ ве́рою вопию́щия ти:/ Сла́ва Просла́вльшему тя све́тло,/ сла́ва Удивльшему,// сла́ва Де́йствующему тобо́ю всем исцеле́ния.
*Опсики́й или Опсики́он - византийская фема в Малой Азии.
**Филофей - Φιλοθεος - друг Божий, любящий Бога.
Тропарь святителю Симеону, архиепископу Фесаллонитскому. Глас 1.
Па́стырь Фесаллонитский показа́лся еси́ в Ду́се/ и боже́ственный провозве́стник та́ин благода́ти,/ му́дростию и све́том доброде́телей сия́яй, иера́рше Симео́не./ Сего́ ра́ди, я́ко боже́ственного тайноводи́теля почита́ем тя, зову́ще:/ Сла́ва просла́вльшему тя Христу́,/ сла́ва Венча́вшему тя,// сла́ва Подаю́щему тобо́ю нам благода́ть и ми́лость.
Тропарь святым Симеону, Герасиму Новому и Дионисию, поемый в Магниси́и*. Глас 4.
Я́ко во пло́ти а́нгели/ и рачи́тели Христо́вы,/ пусты́ню обре́ли есте́,/ я́ко спаси́тельный ковче́г, отцы́ блаже́ннии./ Те́мже и со Гера́симом Диони́сия,/ с ни́миже ку́пно и Симео́на, Фламури́и** сла́ву,// ле́тными пе́сньми тех восхва́лим.
*Она же Магнези́я, или Магнеси́я - приморская часть Фессалии, включавшая в себя одноименный полуостров.
** Фламури́я - монастырь в Магнисии.
Тропарь святому Виссариону 1-му. Глас 4.
Ла́рисы* па́стыря тя и иера́рха му́драго,/ я́ко благо́сти исполнено и доброде́тели сокро́вище/ Христо́с тя, о́тче, показа́./ Ты бо во благотворе́ниих преподо́бно просия́в,/ чудесы́ просла́вился еси́,/ Виссарио́не всеблаже́нне,// и ны́не всем подае́ши боже́ственная дарова́ния.
*Ла́риса (Λαρίσση) - город и ном в Фессалии (Греция).
Тропарь святаму Виссариону 2-му. Глас 1.
Ла́рисы па́стыря/ и Три́кки* назира́теля,/ чудотво́рца иера́рха Христо́ва Виссарио́на/ пе́сньми почти́м, ве́рнии,/ исцеле́ния бо источа́ет оби́льная,/ и избавля́ет от неду́г тлетво́рных/ благоче́стно взыва́ющих:/ Сла́ва Просла́вльшему тя све́тло,/ сла́ва Уди́вльшему тя,// сла́ва Де́йствующему тобо́ю всем исцеле́ния.
*Трикки, ныне Трикала - город в Фессалии, упоминавшийся еще Гомером.
(Тропарь святителю Виссариону 2-му. Глас 4.)
Тропарь двум святителям Виссарионам (1-му и 2-му). Глас 1.
Сла́вныя пастыренача́льники Ла́риссы почти́м,/ тезоимени́тством и житие́м равноа́нгельно просия́вшия,/ пе́рваго Виссарио́на, ве́рнии,/ ку́пно и соиме́ннаго ему́ Виссарио́на втора́го, в пе́снех согла́сно взыва́юще:/ Сла́ва Венча́вшему вы,/ сла́ва Уди́вльшему,// сла́ва Де́йствующему ва́ми всем исцеле́ния.
17 (30) .
Ин тропарь святых мучениц. Глас 4.
Му́дро воспита́вши, по и́мени честно́му,/ трех дочере́й свои́х,/ тех приво́диши Христу́ страда́льческими по́двиги./ Те́мже вы́шния сла́вы с ни́ми приобща́ющися,/ моли́ся ко Спа́су, доброму́ченице Софи́я,/ пода́ти чту́щим тя// благода́ть и ми́лость.
Ин тропарь святых мучениц Глас 5.
В му́ченицех сия́еши, Софи́е сла́вная,/ и венца́ми побе́дными укра́шена све́тлыми,/ сего́ ра́ди в пе́ниих и пе́снех восхваля́ем тя,/ я́ко до́чери че́стныя на муче́ние приво́диши,/ Любо́вь, Ве́ру и Наде́жду./ С ни́ми не преста́й моля́ся// поми́ловатися душа́м на́шим.
Тропарь святителю Авксивию, [епискому Солийскому]. Глас 1.
Бо́га изде́тска возлюби́в, Авкси́вие,/ идолослуже́ния лесть ничто́же су́щую, яко вре́тище, отри́нул еси,/ и бе́гая преходя́щих ра́дости,/ небе́сныя пи́щи вкуси́л еси́ во дво́рех Госпо́дних,/ служа́ ра́ди нас Обнища́вшему./ Хва́лятся тобо́ю, блаже́нне, ку́пно с ри́мским гра́дом Кипр,/ и селе́ние Астромери́тис// я́ко градоде́ржца тя иму́ще.
Тропарь священномученику Ираклиду, первому епископу Тамаса Кипрскаго. Глас 4.
Па́ству упа́сл еси́ Спа́са Христа́,/ и боже́ственными вода́ми, блаже́нне, всех ду́ши бога́тно ороси́л еси́./ Те́мже тя чту́щих лик пе́сньми тя воспева́ет,/ и велича́ет святу́ю па́мять твою́.// Моли́ся же при́сно о нас, иера́рше Иракли́де.
Ин тропарь священномученику Ираклиду (творение архиепископа Кипрскаго Хризостома). Глас 3.
Ве́лия обре́те тебе́ Тама́сский град/ пропове́дника, и пастыренача́льника Це́ркве Христо́вы, и учи́теля./ И́дольскую бо лесть упраздни́л еси́,/ свет и́стины возвести́в язы́ком./Те́мже, свя́те иера́рше Иракли́де,/ Христа́ Бо́га моли́// дарова́ти нам ве́лию ми́лость.
18 (1 окт.)
(Кондак ин святителю Евмению. Глас 2.)
Кондак святыя мученицы Ариадны. Глас 3.
Живота́ возлюби́вши ка́мень жизнопода́тельный,/ пре́лести неи́стовству непрекло́нна пребыла́ еси́./ Ка́мень же, рассе́вся, тя прия́вый,/ сочта́ бессме́ртному, му́ченице, Жениху́./ Его́же моли́, Ариа́дно,// пода́ти прегреше́ний оставле́ние.
19 (2 окт.)
(Ин кондак святым мучеником Трофиму, Савватию и Доримедонту. Глас 4.)
20 (3 окт.)
(Ин кондак великомученику Евстафию. Глас 8.)
Тропарь святителю Евстафию Катафлору*, архиепископу Солунскому. Глас 1.
Кри́та се́мя и по́стников украше́ние,/ Хра́мов мно́гих созда́теля, Иоа́нна преподо́бнаго/ почти́м пе́ньми, ве́рнии,/ вопию́ще к нему́ ра́достно:/ спаси́ моле́ньми твои́ми/ па́мять твою́ соверша́ющих и вопию́щих ти:/ Сла́ва просла́вльшему тя Христу́,/ сла́ва уди́вльшему,// сла́ва де́йствующему тобо́ю всем исцеле́ния.
*Катафлор, или Катафлорон. Святителя Евстафия иногда называют (в греч. и болгарской традиции) сыном и учеником Николая Катафлорона (которого святитель называет «главой софистов», т.е. риторов). В наших календарях эта часть имени отсутствует, и можно встретить лишь сообщение о том, что по косвенным данным он был учителем святителя.
21 (4 окт.) (есть 22-го)
Тропарь святому апостолу Кодрату. Глас 1.
Му́дрости луча́ми просвети́в житие́ твое́,/ привле́кл еси́ Ду́ха, блаже́нне, огнедохнове́нную благода́ть,/ и озари́л еси́ догма́ты живота́, Кодра́те,/ я́ко апо́стол Христо́в./ Сего́ ра́ди, я́ко свети́льника тя непреле́стнаго,/ велича́юще вопие́м:/ Сла́ва просла́вльшему тя Христу́,/ сла́ва венча́вшему,// сла́ва де́йствующему тобо́ю всем исцеле́ния.
Тропарь пророку Ионе. Глас 3.
Труба́ благогла́сная боже́ственных судо́в/ ми́ру был еси́,/ возглаша́ющая, Ио́но, ниневи́тяном покая́ние,/ и в ки́те ят быв,/ преднаписа́л еси́ Спа́сово тридне́вное воста́ние./ Те́мже моли́ся пода́ти велича́ющим тя/ прегреше́ний очище́ние// и ве́лию ми́лость.
Кондак. Глас 3.
Во чре́ве ки́тове триде́нствовав, сла́вне,/ Христо́во соше́ствие су́щим во а́де предпоказу́еши./ Страсть бо прия́в во́лею Влады́ка,/ просия́ из гро́ба тридне́вно./ Сего́ ра́ди тя, проро́че,// я́ко о́браз Того́ воспева́ем.
22 (5 окт.)
Кондак священномученику Фоке. Глас 2.
Я́ко богоза́рное и светоно́сное со́лнце у́мное/ Це́ркви положи́ тебе́ Влады́ка,/ просвеща́юща ве́рных мно́жества,/ му́чениче сла́вне./ Житие́ бо, ве́ру и по́двиги твоя́,/ я́ко ми́ро благоуха́ния прия́т// Еди́ный сый Многоми́лостивый.
23 (6 окт.)
Тропарь святому новомученику Николаю бакалейщику, иже из Карпени́цы*. Глас 3.
Боже́ственная о́трасль Карпени́цы,/ цвет благоуха́нный Це́ркве показа́лся еси́,/ новому́чениче Нико́лае,/ ты бо му́жественным мудрова́нием пострада́л еси́,/ и пре́лести воздыма́ние низложи́л еси́./ И ны́не моли́ся ко Го́споду, тя просла́вльшему// дарова́ти нам ве́лию ми́лость.
*Карпеница (старослав.), или Карпениси, или Карпениссион (Καρπενήσιον) - небольшой город в Греции, к с-з. от Афин.
24 (7 окт.).
Ин тропарь иконе Божия Матере Миртидиотиссы. Глас 4.
Наро́ды, ны́не прииди́те,/ воспле́щим рука́ми ве́рно,/ и воспои́м пе́сни Богома́тери, любо́вию взыва́юще:/ Ра́дуйся, Предста́тельство всех моля́щихся,/ ра́дуйся, Спасе́ние чту́щих Тя любо́вию,// ра́дуйся, рассла́бленному исцеле́ние Пода́вшая.
(Ин тропарь иконе Миртидиотисса (Творение Софоклиса Калутси*). Глас 1.)
*Автор книги об иконе Миртидиотиссы, издания монастыря «ΠΑΝΑΓΙΑ ΜΥΡΤΙΔΙΩΙΣΣΑ».
Ин тропарь равноапостольней Фекле (Творение Кирилла VI-го, патриарха Константинопольскаго). Глас 3.
Уче́ния боже́ственнаго пропове́дника/ любо́вию ко Творцу́ своему́ возже́на,/ земны́х, я́ко теку́щих, преоби́дела еси́,/ и себе́ свяще́нное доброде́лание Бо́гу да́вши,/ воздая́ния сподоби́лася еси́, Фе́кло сла́вная,/ Па́влова боже́ственная спу́тнице,/ Христа́ Жениха́ своего́ моли́// дарова́ти нам ве́лию ми́лость.
Тропарь преподобному Силуану Святогорцу. Глас 4.
(Вар. существующего)
Христа́ учи́теля/ на пути́ смире́ния помоли́вся, прия́л еси́,/ Ду́ху свиде́тельствующу в се́рдце твое́м избавле́ние./ Сего́ ра́ди по́стничества наста́вник показа́лся еси́,/ я́ко све́та боже́ственнаго испо́лнь./ Преподо́бне о́тче Силуа́не.// моли́ Христа́ Бо́га спасти́ся душа́м на́шим.
25 (8 окт.).
(Ин кондак преподобней Ефросинии. Глас 4.)
26 (9 окт.).
Тропарь перенесению обратно в Патры честныя главы апостола Андрея Первозваннаго (1960). Глас 4.
Я́ко боже́ственное сокро́вище уве́рити жела́я,/ в Рим принесе́/ Палеоло́гов ветвь/ в го́ды плене́ния главу́ твою́ честну́ю/ от Патр, о Андре́е./ Ты же верхо́вному бра́ту приобщи́лся еси́.// Сего́ ра́ди возвраще́нна нам предста́теля стяжа́хом.
Кондак святаго апостола Андрея Первозваннаго. Глас 2.
Предста́тельства твоего́ сподо́бльшеся при́снаго,/ моще́й твои́х ра́ку любо́вию окружа́ем ны́не,/ приходя́щих у́бо не пре́зри моли́твы, свя́те,/ ниже́ отврати́ нас тщи,/ лобыза́ющих благогове́йно главу́ твою́ и глаго́лющих:/ Ра́дуйся, Па́тром сла́ва ,/ побо́рниче и предста́телю,// и градоде́ржец честны́й, Андре́е Первозва́нне.
Ин кондак святому апостолу Иоанну Богослову. Глас 3.
Прише́д, апо́столе, на перси Учи́телевы,/ от тех* почерпа́я богосло́вия то́ки./ всю вселе́нную сла́дко ороша́еши,/ вода́ми живоно́сными и безсме́ртными./ Сего́ ра́ди, ра́дуйся, тебе́ вопие́м,/о Иоа́нне,// богосло́вия исто́чниче.
* ἐξ αύτοῦ - м.б., естественнее было бы прочитать как «от Него», но я положилась на греч. текст, где αύτοῦ с маленькой буквы.
27 (10 окт.).
(Кондак ин святому мученику Каллистрату. Глас 4.)
Тропарь святыя мученицы Акилины Закливерийския*. Глас 5.
Акили́ну боже́ственную восхва́лим,/ якова́ богому́драя де́ва и страстоте́рпица Христо́ва./ любо́вию бо Того́ ве́рно вму́жися,/ и низложи́ врага́ свяще́нными по́двиги,/ и сла́вы улучи́вши боже́ственныя,/ Христу́ Сло́ву моли́ся // поми́ловатися душа́м на́шим.
*Закливери - Городок, недалеко от Фессалоник.
Кондак. Глас 3.
В ю́ном телеси́ многоко́зненнаго зми́я/ све́тлым по́двигом твои́м низложи́вши, де́во,/ притекла́ еси́ свещено́сна Жениху́ своему́,/ увенча́лася еси́ нетле́ния благоле́пием,/ и мо́лишися, Акили́но,// о ве́рою восхваля́ющих тя.
28 (11 окт.).
Ин кондак преподобному Харитону. Глас 8.
Яко благода́тей* рачи́тель па́че помышле́ния,/ испове́дания благода́ти усокро́виществовал еси́, о́тче Харито́не./ Но я́ко благода́ти боже́ственныя обита́лище,/ мона́шествующим наста́вник был еси́, вопию́щим ти:/ Ра́дуйся, о́тче богоприя́тне.
*Харитон - Χαρίτων = благодатей.
(Ин кондак преподобному Харитону. Глас 2.)
Тропарь святому пророку Варуху Праведному. Глас 4.
Проро́ческия сподо́бився све́тлости,/ Иереми́и сла́вному прибли́жился еси́,/ и тому́ купножи́тель был еси́, му́дре./ Те́мже провозвести́л еси́ богоглаго́ливым язы́ком свои́м/ Словесе́ истоща́ние во обновле́ние ми́ру,/ его́же* причаща́ющеся, Вару́хе проро́че,// боже́ственне почита́ем тя.
*Егоже - обновления (ἧς), а не Слова.
Кондак. Глас 6.
Изба́вителево смотре́ние пропове́дуя,/ я́ко проро́ческая гусль, предогласи́л еси́:/ Сей есть Бог наш,/ рожде́йся, я́ко благоволи́./ Ему́ никто́же ин подо́бен на земли́ яви́ся,/ - ве́дения боже́ственнаго вход сказа́ Вару́х/ покланя́ющимся прише́ствию Его́.
Тропарь преподобному Авксентию (от 300 аламан на Кипре). Глас 3.
Ра́дуется, селе́ние Карпа́с,/ иму́ще ра́ку моще́й твои́х,/ всепе́те о́тче Авксе́нтие./ Я́ко бо иногда́ враго́в одоле́л еси́,/ и бесо́вскую де́рзость победи́л еси́,/ и нас возвессели́л еси́,/ ве́рою зову́щих ти:// моли́ дарова́ти нам ве́лию ми́лость.
Тропарь преподобному Неофиту Затворнику, иже на Кипре (14 в.) (перенесение мощей) (празднуется на Кипре). Глас 1.
Левка́ры се́мя и Ки́пра похвалу́/ и оби́тели Енкли́стра сла́ву,/ богоно́снаго Неофи́та почти́м пе́сньми и пе́ньми/ я́ко сосу́д небе́сных доброде́телей,/ и я́ко к Бо́гу нам ве́лия предста́теля,/ от души́ взыва́юще/ Сла́ва Да́вшему тебе́ кре́пость,/ сла́ва Венча́вшему,// сла́ва Де́йствующему тобо́ю всем исцеле́ния.
29 (12 окт.).
(Ин тропарь прп. Кириаку Отшельнику. Глас 1.)
Тропарь отцам преподобномученикам, на Строфадах Закинфских* убиенным (+1510). Глас 1
Во обите́ли Строфа́дстей богоизря́дно пожи́вше,/ и я́же о Христе́ безстра́стия сокро́вища яви́вшеся,/ ва́рварскому стремле́нию, отцы́, противоста́сте,/ и му́чеником о́бщницы показа́стеся,/ я́ко а́гнцы от враго́в закла́стеся,/ преподобнострада́льцы./ Сла́ва Укре́пльшему вы,/ сла́ва Венча́вшему,// сла́ва Да́рующему чрез вас ве́рным лу́чшая.
*Закинф - самый южный остров в Ионическом море. Строфады - два совсем маленьких плавучих островка к югу от Закинфа, на которых находятся руины Строфадской обители, основанной в первой половине XIII века никейским императором Феодором I Ласкарисом.
Кондак. Глас 8.
Доброде́телей досточти́мая сокро́вища/ и страда́льчества сосу́ды сла́вныя,/ на о́строве Строфа́дстем руко́ю ну́ждною подви́жники убие́нныя восхва́лим,/ я́ко отце́в свяще́нный и боже́ственный собо́р, взыва́юще:// Ра́дуйтеся, собра́ние свято́е.
15 (28).
Победи́тель* в по́двизех быв,/
Кондак великомученику Никите Готфскому. Глас 4.победи́тели покажи́ на стра́сти тлетво́рныя/ благоче́стно взыва́ющия ти:/ Ра́дуйся, Ники́то,// му́чеников украше́ние.
* Νικητὴς - победитель.
Тропарь святому Филофею Чудотворцу в Мирмиксе (Мравино), фемы Опсики́я* (X в.). Глас 1.
Друг Бо́жий и́стинный тезоиме́нно был еси**,/ чи́стым твои́м жи́тельством, богоно́сне Филофе́е,/ и Ду́хом Святы́м просла́влен/ чуде́с показа́лся еси́ самоде́тель,/ вся́каго вре́да избавля́яй и тле́ния/ ве́рою вопию́щия ти:/ Сла́ва Просла́вльшему тя све́тло,/ сла́ва Удивльшему,// сла́ва Де́йствующему тобо́ю всем исцеле́ния.
*Опсики́й или Опсики́он - византийская фема в Малой Азии.
**Филофей - Φιλοθεος - друг Божий, любящий Бога.
Тропарь святителю Симеону, архиепископу Фесаллонитскому. Глас 1.
Па́стырь Фесаллонитский показа́лся еси́ в Ду́се/ и боже́ственный провозве́стник та́ин благода́ти,/ му́дростию и све́том доброде́телей сия́яй, иера́рше Симео́не./ Сего́ ра́ди, я́ко боже́ственного тайноводи́теля почита́ем тя, зову́ще:/ Сла́ва просла́вльшему тя Христу́,/ сла́ва Венча́вшему тя,// сла́ва Подаю́щему тобо́ю нам благода́ть и ми́лость.
Тропарь святым Симеону, Герасиму Новому и Дионисию, поемый в Магниси́и*. Глас 4.
Я́ко во пло́ти а́нгели/ и рачи́тели Христо́вы,/ пусты́ню обре́ли есте́,/ я́ко спаси́тельный ковче́г, отцы́ блаже́ннии./ Те́мже и со Гера́симом Диони́сия,/ с ни́миже ку́пно и Симео́на, Фламури́и** сла́ву,// ле́тными пе́сньми тех восхва́лим.
*Она же Магнези́я, или Магнеси́я - приморская часть Фессалии, включавшая в себя одноименный полуостров.
** Фламури́я - монастырь в Магнисии.
Тропарь святому Виссариону 1-му. Глас 4.
Ла́рисы* па́стыря тя и иера́рха му́драго,/ я́ко благо́сти исполнено и доброде́тели сокро́вище/ Христо́с тя, о́тче, показа́./ Ты бо во благотворе́ниих преподо́бно просия́в,/ чудесы́ просла́вился еси́,/ Виссарио́не всеблаже́нне,// и ны́не всем подае́ши боже́ственная дарова́ния.
*Ла́риса (Λαρίσση) - город и ном в Фессалии (Греция).
Тропарь святаму Виссариону 2-му. Глас 1.
Ла́рисы па́стыря/ и Три́кки* назира́теля,/ чудотво́рца иера́рха Христо́ва Виссарио́на/ пе́сньми почти́м, ве́рнии,/ исцеле́ния бо источа́ет оби́льная,/ и избавля́ет от неду́г тлетво́рных/ благоче́стно взыва́ющих:/ Сла́ва Просла́вльшему тя све́тло,/ сла́ва Уди́вльшему тя,// сла́ва Де́йствующему тобо́ю всем исцеле́ния.
*Трикки, ныне Трикала - город в Фессалии, упоминавшийся еще Гомером.
(Тропарь святителю Виссариону 2-му. Глас 4.)
Тропарь двум святителям Виссарионам (1-му и 2-му). Глас 1.
Сла́вныя пастыренача́льники Ла́риссы почти́м,/ тезоимени́тством и житие́м равноа́нгельно просия́вшия,/ пе́рваго Виссарио́на, ве́рнии,/ ку́пно и соиме́ннаго ему́ Виссарио́на втора́го, в пе́снех согла́сно взыва́юще:/ Сла́ва Венча́вшему вы,/ сла́ва Уди́вльшему,// сла́ва Де́йствующему ва́ми всем исцеле́ния.
17 (30) .
Ин тропарь святых мучениц. Глас 4.
Му́дро воспита́вши, по и́мени честно́му,/ трех дочере́й свои́х,/ тех приво́диши Христу́ страда́льческими по́двиги./ Те́мже вы́шния сла́вы с ни́ми приобща́ющися,/ моли́ся ко Спа́су, доброму́ченице Софи́я,/ пода́ти чту́щим тя// благода́ть и ми́лость.
Ин тропарь святых мучениц Глас 5.
В му́ченицех сия́еши, Софи́е сла́вная,/ и венца́ми побе́дными укра́шена све́тлыми,/ сего́ ра́ди в пе́ниих и пе́снех восхваля́ем тя,/ я́ко до́чери че́стныя на муче́ние приво́диши,/ Любо́вь, Ве́ру и Наде́жду./ С ни́ми не преста́й моля́ся// поми́ловатися душа́м на́шим.
Тропарь святителю Авксивию, [епискому Солийскому]. Глас 1.
Бо́га изде́тска возлюби́в, Авкси́вие,/ идолослуже́ния лесть ничто́же су́щую, яко вре́тище, отри́нул еси,/ и бе́гая преходя́щих ра́дости,/ небе́сныя пи́щи вкуси́л еси́ во дво́рех Госпо́дних,/ служа́ ра́ди нас Обнища́вшему./ Хва́лятся тобо́ю, блаже́нне, ку́пно с ри́мским гра́дом Кипр,/ и селе́ние Астромери́тис// я́ко градоде́ржца тя иму́ще.
Тропарь священномученику Ираклиду, первому епископу Тамаса Кипрскаго. Глас 4.
Па́ству упа́сл еси́ Спа́са Христа́,/ и боже́ственными вода́ми, блаже́нне, всех ду́ши бога́тно ороси́л еси́./ Те́мже тя чту́щих лик пе́сньми тя воспева́ет,/ и велича́ет святу́ю па́мять твою́.// Моли́ся же при́сно о нас, иера́рше Иракли́де.
Ин тропарь священномученику Ираклиду (творение архиепископа Кипрскаго Хризостома). Глас 3.
Ве́лия обре́те тебе́ Тама́сский град/ пропове́дника, и пастыренача́льника Це́ркве Христо́вы, и учи́теля./ И́дольскую бо лесть упраздни́л еси́,/ свет и́стины возвести́в язы́ком./Те́мже, свя́те иера́рше Иракли́де,/ Христа́ Бо́га моли́// дарова́ти нам ве́лию ми́лость.
18 (1 окт.)
(Кондак ин святителю Евмению. Глас 2.)
Кондак святыя мученицы Ариадны. Глас 3.
Живота́ возлюби́вши ка́мень жизнопода́тельный,/ пре́лести неи́стовству непрекло́нна пребыла́ еси́./ Ка́мень же, рассе́вся, тя прия́вый,/ сочта́ бессме́ртному, му́ченице, Жениху́./ Его́же моли́, Ариа́дно,// пода́ти прегреше́ний оставле́ние.
19 (2 окт.)
(Ин кондак святым мучеником Трофиму, Савватию и Доримедонту. Глас 4.)
20 (3 окт.)
(Ин кондак великомученику Евстафию. Глас 8.)
Тропарь святителю Евстафию Катафлору*, архиепископу Солунскому. Глас 1.
Кри́та се́мя и по́стников украше́ние,/ Хра́мов мно́гих созда́теля, Иоа́нна преподо́бнаго/ почти́м пе́ньми, ве́рнии,/ вопию́ще к нему́ ра́достно:/ спаси́ моле́ньми твои́ми/ па́мять твою́ соверша́ющих и вопию́щих ти:/ Сла́ва просла́вльшему тя Христу́,/ сла́ва уди́вльшему,// сла́ва де́йствующему тобо́ю всем исцеле́ния.
*Катафлор, или Катафлорон. Святителя Евстафия иногда называют (в греч. и болгарской традиции) сыном и учеником Николая Катафлорона (которого святитель называет «главой софистов», т.е. риторов). В наших календарях эта часть имени отсутствует, и можно встретить лишь сообщение о том, что по косвенным данным он был учителем святителя.
21 (4 окт.) (есть 22-го)
Тропарь святому апостолу Кодрату. Глас 1.
Му́дрости луча́ми просвети́в житие́ твое́,/ привле́кл еси́ Ду́ха, блаже́нне, огнедохнове́нную благода́ть,/ и озари́л еси́ догма́ты живота́, Кодра́те,/ я́ко апо́стол Христо́в./ Сего́ ра́ди, я́ко свети́льника тя непреле́стнаго,/ велича́юще вопие́м:/ Сла́ва просла́вльшему тя Христу́,/ сла́ва венча́вшему,// сла́ва де́йствующему тобо́ю всем исцеле́ния.
Тропарь пророку Ионе. Глас 3.
Труба́ благогла́сная боже́ственных судо́в/ ми́ру был еси́,/ возглаша́ющая, Ио́но, ниневи́тяном покая́ние,/ и в ки́те ят быв,/ преднаписа́л еси́ Спа́сово тридне́вное воста́ние./ Те́мже моли́ся пода́ти велича́ющим тя/ прегреше́ний очище́ние// и ве́лию ми́лость.
Кондак. Глас 3.
Во чре́ве ки́тове триде́нствовав, сла́вне,/ Христо́во соше́ствие су́щим во а́де предпоказу́еши./ Страсть бо прия́в во́лею Влады́ка,/ просия́ из гро́ба тридне́вно./ Сего́ ра́ди тя, проро́че,// я́ко о́браз Того́ воспева́ем.
22 (5 окт.)
Кондак священномученику Фоке. Глас 2.
Я́ко богоза́рное и светоно́сное со́лнце у́мное/ Це́ркви положи́ тебе́ Влады́ка,/ просвеща́юща ве́рных мно́жества,/ му́чениче сла́вне./ Житие́ бо, ве́ру и по́двиги твоя́,/ я́ко ми́ро благоуха́ния прия́т// Еди́ный сый Многоми́лостивый.
23 (6 окт.)
Тропарь святому новомученику Николаю бакалейщику, иже из Карпени́цы*. Глас 3.
Боже́ственная о́трасль Карпени́цы,/ цвет благоуха́нный Це́ркве показа́лся еси́,/ новому́чениче Нико́лае,/ ты бо му́жественным мудрова́нием пострада́л еси́,/ и пре́лести воздыма́ние низложи́л еси́./ И ны́не моли́ся ко Го́споду, тя просла́вльшему// дарова́ти нам ве́лию ми́лость.
*Карпеница (старослав.), или Карпениси, или Карпениссион (Καρπενήσιον) - небольшой город в Греции, к с-з. от Афин.
24 (7 окт.).
Ин тропарь иконе Божия Матере Миртидиотиссы. Глас 4.
Наро́ды, ны́не прииди́те,/ воспле́щим рука́ми ве́рно,/ и воспои́м пе́сни Богома́тери, любо́вию взыва́юще:/ Ра́дуйся, Предста́тельство всех моля́щихся,/ ра́дуйся, Спасе́ние чту́щих Тя любо́вию,// ра́дуйся, рассла́бленному исцеле́ние Пода́вшая.
(Ин тропарь иконе Миртидиотисса (Творение Софоклиса Калутси*). Глас 1.)
*Автор книги об иконе Миртидиотиссы, издания монастыря «ΠΑΝΑΓΙΑ ΜΥΡΤΙΔΙΩΙΣΣΑ».
Ин тропарь равноапостольней Фекле (Творение Кирилла VI-го, патриарха Константинопольскаго). Глас 3.
Уче́ния боже́ственнаго пропове́дника/ любо́вию ко Творцу́ своему́ возже́на,/ земны́х, я́ко теку́щих, преоби́дела еси́,/ и себе́ свяще́нное доброде́лание Бо́гу да́вши,/ воздая́ния сподоби́лася еси́, Фе́кло сла́вная,/ Па́влова боже́ственная спу́тнице,/ Христа́ Жениха́ своего́ моли́// дарова́ти нам ве́лию ми́лость.
Тропарь преподобному Силуану Святогорцу. Глас 4.
(Вар. существующего)
Христа́ учи́теля/ на пути́ смире́ния помоли́вся, прия́л еси́,/ Ду́ху свиде́тельствующу в се́рдце твое́м избавле́ние./ Сего́ ра́ди по́стничества наста́вник показа́лся еси́,/ я́ко све́та боже́ственнаго испо́лнь./ Преподо́бне о́тче Силуа́не.// моли́ Христа́ Бо́га спасти́ся душа́м на́шим.
25 (8 окт.).
(Ин кондак преподобней Ефросинии. Глас 4.)
26 (9 окт.).
Тропарь перенесению обратно в Патры честныя главы апостола Андрея Первозваннаго (1960). Глас 4.
Я́ко боже́ственное сокро́вище уве́рити жела́я,/ в Рим принесе́/ Палеоло́гов ветвь/ в го́ды плене́ния главу́ твою́ честну́ю/ от Патр, о Андре́е./ Ты же верхо́вному бра́ту приобщи́лся еси́.// Сего́ ра́ди возвраще́нна нам предста́теля стяжа́хом.
Кондак святаго апостола Андрея Первозваннаго. Глас 2.
Предста́тельства твоего́ сподо́бльшеся при́снаго,/ моще́й твои́х ра́ку любо́вию окружа́ем ны́не,/ приходя́щих у́бо не пре́зри моли́твы, свя́те,/ ниже́ отврати́ нас тщи,/ лобыза́ющих благогове́йно главу́ твою́ и глаго́лющих:/ Ра́дуйся, Па́тром сла́ва ,/ побо́рниче и предста́телю,// и градоде́ржец честны́й, Андре́е Первозва́нне.
Ин кондак святому апостолу Иоанну Богослову. Глас 3.
Прише́д, апо́столе, на перси Учи́телевы,/ от тех* почерпа́я богосло́вия то́ки./ всю вселе́нную сла́дко ороша́еши,/ вода́ми живоно́сными и безсме́ртными./ Сего́ ра́ди, ра́дуйся, тебе́ вопие́м,/о Иоа́нне,// богосло́вия исто́чниче.
* ἐξ αύτοῦ - м.б., естественнее было бы прочитать как «от Него», но я положилась на греч. текст, где αύτοῦ с маленькой буквы.
27 (10 окт.).
(Кондак ин святому мученику Каллистрату. Глас 4.)
Тропарь святыя мученицы Акилины Закливерийския*. Глас 5.
Акили́ну боже́ственную восхва́лим,/ якова́ богому́драя де́ва и страстоте́рпица Христо́ва./ любо́вию бо Того́ ве́рно вму́жися,/ и низложи́ врага́ свяще́нными по́двиги,/ и сла́вы улучи́вши боже́ственныя,/ Христу́ Сло́ву моли́ся // поми́ловатися душа́м на́шим.
*Закливери - Городок, недалеко от Фессалоник.
Кондак. Глас 3.
В ю́ном телеси́ многоко́зненнаго зми́я/ све́тлым по́двигом твои́м низложи́вши, де́во,/ притекла́ еси́ свещено́сна Жениху́ своему́,/ увенча́лася еси́ нетле́ния благоле́пием,/ и мо́лишися, Акили́но,// о ве́рою восхваля́ющих тя.
28 (11 окт.).
Ин кондак преподобному Харитону. Глас 8.
Яко благода́тей* рачи́тель па́че помышле́ния,/ испове́дания благода́ти усокро́виществовал еси́, о́тче Харито́не./ Но я́ко благода́ти боже́ственныя обита́лище,/ мона́шествующим наста́вник был еси́, вопию́щим ти:/ Ра́дуйся, о́тче богоприя́тне.
*Харитон - Χαρίτων = благодатей.
(Ин кондак преподобному Харитону. Глас 2.)
Тропарь святому пророку Варуху Праведному. Глас 4.
Проро́ческия сподо́бився све́тлости,/ Иереми́и сла́вному прибли́жился еси́,/ и тому́ купножи́тель был еси́, му́дре./ Те́мже провозвести́л еси́ богоглаго́ливым язы́ком свои́м/ Словесе́ истоща́ние во обновле́ние ми́ру,/ его́же* причаща́ющеся, Вару́хе проро́че,// боже́ственне почита́ем тя.
*Егоже - обновления (ἧς), а не Слова.
Кондак. Глас 6.
Изба́вителево смотре́ние пропове́дуя,/ я́ко проро́ческая гусль, предогласи́л еси́:/ Сей есть Бог наш,/ рожде́йся, я́ко благоволи́./ Ему́ никто́же ин подо́бен на земли́ яви́ся,/ - ве́дения боже́ственнаго вход сказа́ Вару́х/ покланя́ющимся прише́ствию Его́.
Тропарь преподобному Авксентию (от 300 аламан на Кипре). Глас 3.
Ра́дуется, селе́ние Карпа́с,/ иму́ще ра́ку моще́й твои́х,/ всепе́те о́тче Авксе́нтие./ Я́ко бо иногда́ враго́в одоле́л еси́,/ и бесо́вскую де́рзость победи́л еси́,/ и нас возвессели́л еси́,/ ве́рою зову́щих ти:// моли́ дарова́ти нам ве́лию ми́лость.
Тропарь преподобному Неофиту Затворнику, иже на Кипре (14 в.) (перенесение мощей) (празднуется на Кипре). Глас 1.
Левка́ры се́мя и Ки́пра похвалу́/ и оби́тели Енкли́стра сла́ву,/ богоно́снаго Неофи́та почти́м пе́сньми и пе́ньми/ я́ко сосу́д небе́сных доброде́телей,/ и я́ко к Бо́гу нам ве́лия предста́теля,/ от души́ взыва́юще/ Сла́ва Да́вшему тебе́ кре́пость,/ сла́ва Венча́вшему,// сла́ва Де́йствующему тобо́ю всем исцеле́ния.
29 (12 окт.).
(Ин тропарь прп. Кириаку Отшельнику. Глас 1.)
Тропарь отцам преподобномученикам, на Строфадах Закинфских* убиенным (+1510). Глас 1
Во обите́ли Строфа́дстей богоизря́дно пожи́вше,/ и я́же о Христе́ безстра́стия сокро́вища яви́вшеся,/ ва́рварскому стремле́нию, отцы́, противоста́сте,/ и му́чеником о́бщницы показа́стеся,/ я́ко а́гнцы от враго́в закла́стеся,/ преподобнострада́льцы./ Сла́ва Укре́пльшему вы,/ сла́ва Венча́вшему,// сла́ва Да́рующему чрез вас ве́рным лу́чшая.
*Закинф - самый южный остров в Ионическом море. Строфады - два совсем маленьких плавучих островка к югу от Закинфа, на которых находятся руины Строфадской обители, основанной в первой половине XIII века никейским императором Феодором I Ласкарисом.
Кондак. Глас 8.
Доброде́телей досточти́мая сокро́вища/ и страда́льчества сосу́ды сла́вныя,/ на о́строве Строфа́дстем руко́ю ну́ждною подви́жники убие́нныя восхва́лим,/ я́ко отце́в свяще́нный и боже́ственный собо́р, взыва́юще:// Ра́дуйтеся, собра́ние свято́е.