Яхийла хьо ГуржагIе! Кавказа овла!

[tumdo]

26/05



ГуржагIе!

Се хьалкхийна наьначе санна,
Мохк ба сона безаш.
Се кхеваь ГIалгIайче санна,
ГуржагIе я езаш!

Яхийла хьо ГуржагIе,
Дунен тIа аьттув болаш,
Яхийла хьо ГуржагIе,
Чаккхе даькъала йолаш.

Кортамукъал бахьан долаш
Дукха къахьийгар Iа!
Харцон дохьал низ гIортабаь,
Хьай бокъо яьккхар Iа!

Яхийла хьо ГуржагIе,
Дунен тIа аьттув болаш,
Яхийла хьо ГуржагIе,
Чаккхе даькъала йолаш.

МоастагIчунга ла ца дувгIаш
Къаман барт тоабир Iа.
Ди тIехьа заманца гIа боахаш
Къаман тIехьле йир Iа.

Яхийла хьо ГуржагIе,
Дунен тIа аьттув болаш,
Яхийла хьо ГуржагIе,
Чаккхе даькъала йолаш.

Хьо я тахан дунен тIа йовзаш,
Хьай хозалца кхийна.
Хьо я, машарца барт бе гIерташ,
Дуненца дIаийна!

Яхийла хьо ГуржагIе,
Дунен тIа аьттув болаш,
Яхийла хьо ГуржагIе,
Чаккхе даькъала йолаш.

Хьоца къовса дагахьа волчунна
Ка маьхала ма яйла!
Хьона кулг тIакховдадергдолчунна,
Дала Iазап лолда!

Яхийла хьо ГуржагIе,
Дунен тIа аьттув болаш.
Яхийла хьо ГуржагIе,
Чаккхе даькъала йолаш.

Сона чIоагIа хьамсара я хьо,
Ва Кавказа овла!
Даьша сога дукха йийцай хьо,
Сона еза ГуржагIе!

Хьарпхой Илез