Акафист священномученику Даниилу Сысоеву на церковно-славянском языке
«Самая лучшая смерть для христианина, конечно, мученическая за Христа Спасителя.»
Иерей Даниил Сысоев.
К восьмой годовщине батюшки, рады Вам представить перевод румынского акафиста священномученику Даниилу на церковно-славянском язык, который готовился почти 4 года.
Хочу поблагодарить: Александра Дрэничеру - за перевод с румынского на русский, священника, который делал основной перевод с русского на ЦС, р.Б. Елену - за редакцию, миссионеров и особенно Алексея Ситало - за помощь в редакции.
Конечно он еще окончательно не готов, он требует окончательной редакции, но думаю найдутся люди, которые имеют соответствующие таланты, кто совершит сию работу, а "ругатели" всегда будут.
Акафист священномученику Даниилу Сысоеву,
пресвитеру московскому († 20.11.2009)
Кондак 1, глас 8, подобен: Взбранной Воеводе:
Всеусердно Христу последовал еси, проповедуя словесе Его во все народы,
священномучениче Данииле,
слово и учение Его в чистоте сохранивый
и независтно всем языком возвестивый:
сего ради мученическаго венца сподобился еси,
егоже восхвалял еси в животе твоем.
И ныне от трудов упокоеваяся в раи сладости,
идеже зриши Бога лицем к лицу,
и не престаеши Ему молитися о нас,
верою выну поющих ти:
Радуйся, пастырю добрый, священномучениче Данииле.
Икос 1
Житием и словесы твоими отче, Евангелие Христово непрестанно проповедал еси, и благодать священства, аки талант, данный ти от Бога, преумножил еси. Могущих же тело убити не убоялся еси, исповедуя Христа до самыя смерти, сего ради молися о нас, прославляюще исповедание твое и поющих ти:
Радуйся, божественный наш златоусте;
радуйся, проповедниче неустанный.
Радуйся, Христа паче всех возлюбивый;
радуйся, люди любяй и сия ко Христу приводяй.
Радуйся, противу заблуждений потрудивыйся;
радуйся, на Бога все упование возложивый.
Радуйся, дела врагов Православия разрушаяй;
Радуйся, якоже пророк Даниил Бога исповедуяй.
радуйся, якоже апостол Фома, Христов раб соделавыйся;
радуйся, в Церковь Христову многи приведый.
Радуйся, радость во Христе обретый;
радуйся, Сего свидетель в животе и смерти бывый.
Радуйся, пастырю добрый, священномучениче Данииле.
Кондак 2
Измлада к Богу устремляяся и разве словес Его, инаго смысла жизни не искал еси, слушая Писание паче всех, и всегда желая Христу послужити; дар священства, егоже всем сердцем возжелел еси, дарова тебе Христос; ты же добрый пастырь стаду твоему показался еси, егоже ради живот твой положил еси, прославляя Бога: Аллилуия.
Икос 2
Ум свой соблюдал еси, святый отче, во младости, еже не вреждену быти ему от учений большевик безбожных, и среди людей служил еси непрестанно, святче, распространяя глагол Божий и помогая всем, на стогнах, в училищах и храмах, ревнуя о спасении людей; и тако вси, ихже привел еси, ко Христу обратишася и ныне поют ти:
Радуйся, жизнь во Христе обретый;
радуйся, свет Его под спудом не утаивый.
радуйся, проповедуяй даже до конец земли;
Радуйся, истинный небожитель соделавыйся.
Радуйся, дети зовый ко Христу;
радуйся, ближним усердно служивый.
Радуйся, якоже Спаситель, от грешных не отвращавыйся;
радуйся, яко любовь твоя к людем в них плод принесе.
Радуйся, пред Богом ходивый;
радуйся, яко Господь тебе путь указа.
Радуйся, внимая Ему, прошедый до конца;
радуйся, за любовь свою благодать Божию улучивый.
Радуйся, пастырю добрый, священномучениче Данииле.
Кондак 3
Святому Василию Великому последуя, уразумел еси, священномучениче Данииле, яко истинное любомудрие память смертная есть; с сею убо мыслию, иский добрый свой удел во Христе, и дети научал еси, яко и младым не подобает забывати о смерти и Божием Суде, непрестанно воспевал еси Христу: Аллилуия.
Икос 3
Добрый учитель был еси, святый, детем и всем лишенным словесе Божия, с любовию проповедуя Евангелие Христово, словесы и в письмени, обращая людей от ересей и расколов различных к Единей, Святей, Соборней и Апостольстей Церкви. О сем благодаряще Бога, христиане поют ти, священномучениче:
Радуйся, пастырю добрый;
радуйся, учителю ревностный.
Радуйся, проповедниче Истины;
радуйся, соединивый люди во Христе.
Радуйся, противу ересей ратовавый;
радуйся, заблудшия к Церкви обративый.
Радуйся, лживыя любомудрия разрушивый;
радуйся, собравый сокровище на небесех.
Радуйся, Христу усердно последовавый;
радуйся, Сего достигнувый.
радуйся, людем истинное дарование;
Радуйся, неутомимый искателю духовнаго.
Радуйся, пастырю добрый, священномучениче Данииле.
Кондак 4
Разумел еси, отче святый, яко Церковь Христова проповедию языкам обновляется, сего ради с любовию, глаголом живым, от Бога вдохновенным, проповедал еси лишенным Истины и привел еси люди многи к возрождению банею крещения. Мы же, о сем веселящеся, поем купно с ними о тебе Единому Богу: Аллилуия.
Икос 4
Лжеучению Магомедову противодействовал еси непрестанно, святый отче, такожде же и мудрованию буддийстему; руку же помощи простирая уловленным в сети диавольскаго волхования, любя всех братий во Христе и желая, да к познанию истины вси приидут; темже отовсюду слышиши ныне пение:
Радуйся, многим языком проповедуяй;
радуйся, Евангелие Христово всюду возвещаяй.
Радуйся, на татарстем наречии служай;
радуйся, от киргиз множество обративый.
Радуйся, глагол Божий в Среднюю Асию принесый;
радуйся, к кавказцам с любовию обративыйся.
Радуйся, лютыя ваххабиты ко Христу приведый;
радуйся, муфтиев в словесном состязании посрамивый.
Радуйся, Африце дарованный;
радуйся, к Таиланду ревностию устремивыйся.
Радуйся, многия от поклонения сатане спасый;
радуйся, многия уверовавшия крестивый.
Радуйся, пастырю добрый, священномучениче Данииле.
Кондак 5
Всею душею Христу послужил еси, телесныя болезни и страдания неудоботерпимыя препобеждая, святый, и страданием несчетным, священнодействовал еси с любовию, со иными человеки соединився во имя Спасителя, Егоже выну в сердце твоем носил еси, воспевая Ему: Аллилуия.
Икос 5
Божия любве исполнь, святе Данииле, воздвигл еси во граде Москве храм во имя апостола Фомы, в немже не токмо богослужения, обаче и оглашения свершал еси, и о иже скорбьми отягченных попечение имел еси, приводяще их ко Христу, Имже утешаются вси труждающиеся и обремененные, поющие ти ныне:
Радуйся, во имя апостола Фомы церковь воздвигнувый;
радуйся, в честь тезоименнаго ти пророка собор строити уготовляяся.
Радуйся, московскими жительми любимый;
радуйся, с ними выну пребывавый.
Радуйся, заблудшим утверждение;
радуйся, бедным вспоможение.
Радуйся, о семействе твоем попечение имевый;
радуйся, чада твоя христианы растивый.
Радуйся, Святаго Писания изъяснителю;
радуйся, волшебницу приведый к покаянию.
Радуйся, младой буддистке показавый Христа;
радуйся, всех любовию объемляй.
Радуйся, пастырю добрый, священномучениче Данииле.
Кондак 6
В смутная наша времена, ложных учений исполненная, твердо противустал еси, святый, заблуждением различным, аще бы и в церковней ограде сия водворишася, и, вспомоществуемый Божиею благодатию, люди многи во истине утвердил еси, Христа проповедуя и воспевая Ему немолчно: Аллилуия.
Икос 6
Не прельстился еси, отче, заблужденьми, Церковь потрясающими, и с твердою верою в евангельскую истину сих ничтожество показал еси, никомуже внимая разве Самаго Христа Благовестию и Соборов, апостолов, и святых отец писанием, тако от лжепророк и волков хищных стадо твое защищая, еже ныне с благодарением взываем к тебе:
Радуйся, пастырю верный;
Радуйся Богом избранный.
радуйся, в духе и истине покланяяйся Христу;
Радуйся, лестию не уловленный.
радуйся, от лжесмирения отвративыйся;
Радуйся, боязнь кончины мира посрамивый.
радуйся, экуменическим заблуждениям не следовавый;
Радуйся, эволюцию яко хулу изобличивый.
радуйся, нумерологии противуставый;
Радуйся, к частому Причащению призвавый.
.Радуйся, христианское мужество показавый;
радуйся, делатели многи на жатву приведый.
Радуйся, пастырю добрый, священномучениче Данииле.
Кондак 7
«В мире скорбни будете, но дерзайте, яко Аз победих мир», - сему глаголу Спаса Христа последуя, священномучениче Данииле, не убоялся еси устрашений, болезней и трудов многих, но брался еси мужественно, помощию Божиею, Богородицы и святых вся препобеждаяй, с радостию поюще Богу: Аллилуия.
Икос 7
Крест болезней непрестанных носил еси, святе, от людей сие сокрывая, во Христе взыскуя радость и силу; ведый же, яко без Него не можем творити ничесоже, нападения невидимых враг щитом веры и мечом глагола Божия отражал еси; сего ради поем ти сице:
Радуйся, надежду возложивый на Христа;
радуйся, под кровом Богородицы укрывыйся.
Радуйся, истинным смирением искусителя победивый;
радуйся, крест страданий до конца претерпевый.
Радуйся, болезни твоя точию присным открывавый;
радуйся, мир сей Христа ради во уметы вменивый.
Радуйся, сим Божественный мир стяжавый;
радуйся, устрашений убийц не убоявыйся.
Радуйся, от клевет не поколебавыйся;
Радуйся, злыя глаголы без смущения сносивый.
радуйся, ленивых твоею ревностию подвигнувый;
радуйся, чрез вся с радостию о Бозе прошедый.
Радуйся, пастырю добрый, священномучениче Данииле.
Кондак 8
Призван быв Богом сподобитися мученическаго венца, изшел еси ко убийце со тщанием и любовию, ведый, яко уготована ти обитель и сокровище на небесех, ихже во всем животе твоем желал и искал еси, непрестанно до смертнаго часа, славити Христа Бога: Аллилуия.
Икос 8
Бодрствующа и молящася во олтари церковнем обрете тя пришедый отъяти земную жизнь твою, священномучениче Данииле; ты же, прешед в вечную жизнь, не престаеши молитися вкупе с ликом мучеников, увенчанных Христом, прославляя Бога и призывая дары Его на люди; сего ради вопием ти:
Радуйся, Христа ради смерть приемый;
радуйся, от оружия убийцы не отстранивыйся.
Радуйся, врага спасения тем победивый;
радуйся, исповедниче неустрашимый.
Радуйся, отвергшийся себе и Христа возлюбивый;
радуйся, даже до смерти Его исповедавый.
Радуйся, и ныне в Церкви торжествующей Сего прославляяй;
радуйся, яко твоею жертвою Церковь земная укрепися.
радуйся, яко воистину небожитель явился еси;
Радуйся, от Руку Христову венец приемый.
Радуйся, в свете невечернем Живый;
радуйся, посреде праведник яко как звезда сияяй.
Радуйся, пастырю добрый, священномучениче Данииле.
Кондак 9
Мученичество твое убийцами твоими известися, святче Божий, сии бо свидетельствуют, яко воинствовал еси противу их агарянского лжеучения и безбоязненно пред ними проповедовал Христа, воспевая ему: Аллилуия.
Икос 9
Возлюбивый люди Своя Бог откры нам честь, еяже сподоби тя, священномучениче, ради жертвы твоея Тому, Иже Себе Самаго в жертву на Кресте принесе, ибо на погребении твоем руцы твои бяху яко руцы живаго человека, держащия святый крест, кровь же твоя, излившаяся на крест твой наперсный, чермна пребысть; темже радующиися новому защитнику на небесех, вси уведавшии сия поют тебе:
Радуйся, истинный друг Божий показавыйся;
радуйся, стократный плод принесый.
Радуйся, вечнаго блаженства достигнувый;
радуйся, и ныне за люди моляйся непрестанно.
Радуйся, поют ти иже тобою ко Христу приведенные;
радуйся, взывает тебе чеченец Александр.
Радуйся, глаголет ти жена, живот свой самовольне скончати искавшая;
радуйся, вопиют ти татары и киргизы православнии.
Радуйся, преданный слуго Христов;
радуйся, таланты твоя умноживый.
Радуйся, слабыя во Христе укрепивый;
радуйся, яко, со Христом сый, сильных не убоялся еси.
Радуйся, пастырю добрый, священномучениче Данииле.
Кондак 10
Помощь от тебе улучают, святый, вси хотящии святое крещение прияти или в Православие возвратитися: обрет бо дерзновение пред Богом святым житием твоим и мученическою кончиною твоею, всем всяко прошение во благо исполняеши, и вопиеши Богу: Аллилуия.
Икос 10
Дерзновение твое пред Богом вемы, священномучениче Данииле, мученичеством бо твоим паки побеждаеши лжеучения язычников, безбожник и еретиков; кровь же твоя явися семя Церкви, сего ради множество людей от всех языков, ихже не престаеши приводити ко Христу, благодарне поют ти:
Радуйся, друже, любве исполнь ко иже в нужде сущим;
радуйся, проповедник православных утверждение неколебимое.
Радуйся, заблуждающих кроткий исправителю;
радуйся, диавольскаго отчаяния расточителю.
Радуйся, припадающих к догмам церковным наставляяй;
радуйся, писаниями и словесами твоими люди просвещаяй.
Радуйся, образом бо мученичества твоего немощнии утверждаются;
радуйся, яко твоими молитвами вси помощь улучают.
Радуйся, пред Богом скорый предстателю;
радуйся, России цвете благоуханный.
Радуйся, от русския и татарския крове дивное прозябение;
радуйся, каменю честный Вселенския Церкве.
Радуйся, пастырю добрый, священномучениче Данииле.
Кондак 11
Дивен Бог во святых Своих, чрез нихже помощь подает человеческому роду во вся времена; такожде и чрез святаго священномученика Даниила явися милость Божия нам, отягченным многими грехи, ибо рече Бог пророком Своим: «не хощу смерти грешника, но еже обратитися и живу быти ему»; темже, благодаряще Бога о сем безценнем даре Его, поем Ему: Аллилуия.
Икос 11
Соработающе Тебе, Боже, святии Твои обожение приемлют и свидетельствуют миру безмерное богатство любве Твоея к человеком. Такожде и священномученик Даниил, благодать священства восприем, не небрег о ней, но расточаше ю страждущим и взыскующим Тебе, Господи, иже поют служителю Твоему:
Радуйся, право славяй Бога мучениче;
радуйся, священников украшение.
Радуйся, мудрый во Христе;
радуйся, ревность бо твоя в болезнех не оскуде.
Радуйся, радостию своею о Бозе щедро деливыйся;
Радуйся, живот за Христа положивый.
радуйся, в Небесное Отечество вселивыйся;
радуйся, яко тобою Православие укрепляется.
Радуйся, яко тобою ложная учения разрушаются;
радуйся, благодатию Божиею победитель явивыйся.
Радуйся, свете православныя проповеди;
радуйся, образе независтнаго дара во Христе.
Радуйся, пастырю добрый, священномучениче Данииле.
Кондак 12
Богу соединився, обретаем силу противу злых действ диаволих; такожде и ты, священномучениче, со смирением, обаче и со дерзновением и мужеством, употребил еси Божия дары, всеконечне козни вражия разрушив, сего ради и ныне трепещут тебе падшии ангели, егда на небесех поеши Пресвятой Троице: Аллилуия.
Икос 12
Благословение от Бога улучил еси, священномучениче Данииле, во еже трудитися на жатве Господней, да приведеши к вере истинней иже неложно сего возжелаша, и да очистиши Церковь от плевелов лжеучений; ты же, увенчав святыя сия труды твоя мученическим венцем, пребываеши на Небесех со Христом; сего ради с любовию вопием ти:
Радуйся, со Иже Победившим мир дерзавый;
радуйся, со Христом вкупе трудяйся.
Радуйся, яко божественную любовь людем показавый;
радуйся, диавольских дел разрушителю.
Радуйся, христиан помощниче и исправителю;
радуйся, злаго суждения и празднословия порицателю.
Радуйся, множеством человеков Божий дом наполняяй;
радуйся, чистый гласе истиннаго богословия.
Радуйся, живый посреде человек, обаче со Христом соединивыйся;
радуйся, воине Царя Небесного, живот свой за Него положивый.
Радуйся, Владыце всех славословие присно возносяй;
радуйся, радости нам во Христе подателю.
Радуйся, пастырю добрый, священномучениче Данииле.
Кондак 13
О предивный отче Данииле, иже спасения ради людей без отдохновения трудивыйся, и смерть за Христа неколебимо приемый, услыши ныне и сие малое наше моление, еже приносим ти, чествующе мученичество твое и прославляюще Бога, Иже тя укрепи и прият в небесныя обители; и твоими горячими молитвами ко Всесильному Богу ходатайствуй о нас и испроси прощение грехом нашим, да возможем искушения победити, и, утверждени и просвещени бывше, да потрудимся спасения ради нашего и ближних наших, скончавше же земное странствование, удостоимся вечныя жизни во Христе Иисусе, идеже с тобою, со всеми святыми и с лик праведник, прославим Бога во веки веков: Аллилуия.
Иерей Даниил Сысоев.
К восьмой годовщине батюшки, рады Вам представить перевод румынского акафиста священномученику Даниилу на церковно-славянском язык, который готовился почти 4 года.
Хочу поблагодарить: Александра Дрэничеру - за перевод с румынского на русский, священника, который делал основной перевод с русского на ЦС, р.Б. Елену - за редакцию, миссионеров и особенно Алексея Ситало - за помощь в редакции.
Конечно он еще окончательно не готов, он требует окончательной редакции, но думаю найдутся люди, которые имеют соответствующие таланты, кто совершит сию работу, а "ругатели" всегда будут.
Акафист священномученику Даниилу Сысоеву,
пресвитеру московскому († 20.11.2009)
Кондак 1, глас 8, подобен: Взбранной Воеводе:
Всеусердно Христу последовал еси, проповедуя словесе Его во все народы,
священномучениче Данииле,
слово и учение Его в чистоте сохранивый
и независтно всем языком возвестивый:
сего ради мученическаго венца сподобился еси,
егоже восхвалял еси в животе твоем.
И ныне от трудов упокоеваяся в раи сладости,
идеже зриши Бога лицем к лицу,
и не престаеши Ему молитися о нас,
верою выну поющих ти:
Радуйся, пастырю добрый, священномучениче Данииле.
Икос 1
Житием и словесы твоими отче, Евангелие Христово непрестанно проповедал еси, и благодать священства, аки талант, данный ти от Бога, преумножил еси. Могущих же тело убити не убоялся еси, исповедуя Христа до самыя смерти, сего ради молися о нас, прославляюще исповедание твое и поющих ти:
Радуйся, божественный наш златоусте;
радуйся, проповедниче неустанный.
Радуйся, Христа паче всех возлюбивый;
радуйся, люди любяй и сия ко Христу приводяй.
Радуйся, противу заблуждений потрудивыйся;
радуйся, на Бога все упование возложивый.
Радуйся, дела врагов Православия разрушаяй;
Радуйся, якоже пророк Даниил Бога исповедуяй.
радуйся, якоже апостол Фома, Христов раб соделавыйся;
радуйся, в Церковь Христову многи приведый.
Радуйся, радость во Христе обретый;
радуйся, Сего свидетель в животе и смерти бывый.
Радуйся, пастырю добрый, священномучениче Данииле.
Кондак 2
Измлада к Богу устремляяся и разве словес Его, инаго смысла жизни не искал еси, слушая Писание паче всех, и всегда желая Христу послужити; дар священства, егоже всем сердцем возжелел еси, дарова тебе Христос; ты же добрый пастырь стаду твоему показался еси, егоже ради живот твой положил еси, прославляя Бога: Аллилуия.
Икос 2
Ум свой соблюдал еси, святый отче, во младости, еже не вреждену быти ему от учений большевик безбожных, и среди людей служил еси непрестанно, святче, распространяя глагол Божий и помогая всем, на стогнах, в училищах и храмах, ревнуя о спасении людей; и тако вси, ихже привел еси, ко Христу обратишася и ныне поют ти:
Радуйся, жизнь во Христе обретый;
радуйся, свет Его под спудом не утаивый.
радуйся, проповедуяй даже до конец земли;
Радуйся, истинный небожитель соделавыйся.
Радуйся, дети зовый ко Христу;
радуйся, ближним усердно служивый.
Радуйся, якоже Спаситель, от грешных не отвращавыйся;
радуйся, яко любовь твоя к людем в них плод принесе.
Радуйся, пред Богом ходивый;
радуйся, яко Господь тебе путь указа.
Радуйся, внимая Ему, прошедый до конца;
радуйся, за любовь свою благодать Божию улучивый.
Радуйся, пастырю добрый, священномучениче Данииле.
Кондак 3
Святому Василию Великому последуя, уразумел еси, священномучениче Данииле, яко истинное любомудрие память смертная есть; с сею убо мыслию, иский добрый свой удел во Христе, и дети научал еси, яко и младым не подобает забывати о смерти и Божием Суде, непрестанно воспевал еси Христу: Аллилуия.
Икос 3
Добрый учитель был еси, святый, детем и всем лишенным словесе Божия, с любовию проповедуя Евангелие Христово, словесы и в письмени, обращая людей от ересей и расколов различных к Единей, Святей, Соборней и Апостольстей Церкви. О сем благодаряще Бога, христиане поют ти, священномучениче:
Радуйся, пастырю добрый;
радуйся, учителю ревностный.
Радуйся, проповедниче Истины;
радуйся, соединивый люди во Христе.
Радуйся, противу ересей ратовавый;
радуйся, заблудшия к Церкви обративый.
Радуйся, лживыя любомудрия разрушивый;
радуйся, собравый сокровище на небесех.
Радуйся, Христу усердно последовавый;
радуйся, Сего достигнувый.
радуйся, людем истинное дарование;
Радуйся, неутомимый искателю духовнаго.
Радуйся, пастырю добрый, священномучениче Данииле.
Кондак 4
Разумел еси, отче святый, яко Церковь Христова проповедию языкам обновляется, сего ради с любовию, глаголом живым, от Бога вдохновенным, проповедал еси лишенным Истины и привел еси люди многи к возрождению банею крещения. Мы же, о сем веселящеся, поем купно с ними о тебе Единому Богу: Аллилуия.
Икос 4
Лжеучению Магомедову противодействовал еси непрестанно, святый отче, такожде же и мудрованию буддийстему; руку же помощи простирая уловленным в сети диавольскаго волхования, любя всех братий во Христе и желая, да к познанию истины вси приидут; темже отовсюду слышиши ныне пение:
Радуйся, многим языком проповедуяй;
радуйся, Евангелие Христово всюду возвещаяй.
Радуйся, на татарстем наречии служай;
радуйся, от киргиз множество обративый.
Радуйся, глагол Божий в Среднюю Асию принесый;
радуйся, к кавказцам с любовию обративыйся.
Радуйся, лютыя ваххабиты ко Христу приведый;
радуйся, муфтиев в словесном состязании посрамивый.
Радуйся, Африце дарованный;
радуйся, к Таиланду ревностию устремивыйся.
Радуйся, многия от поклонения сатане спасый;
радуйся, многия уверовавшия крестивый.
Радуйся, пастырю добрый, священномучениче Данииле.
Кондак 5
Всею душею Христу послужил еси, телесныя болезни и страдания неудоботерпимыя препобеждая, святый, и страданием несчетным, священнодействовал еси с любовию, со иными человеки соединився во имя Спасителя, Егоже выну в сердце твоем носил еси, воспевая Ему: Аллилуия.
Икос 5
Божия любве исполнь, святе Данииле, воздвигл еси во граде Москве храм во имя апостола Фомы, в немже не токмо богослужения, обаче и оглашения свершал еси, и о иже скорбьми отягченных попечение имел еси, приводяще их ко Христу, Имже утешаются вси труждающиеся и обремененные, поющие ти ныне:
Радуйся, во имя апостола Фомы церковь воздвигнувый;
радуйся, в честь тезоименнаго ти пророка собор строити уготовляяся.
Радуйся, московскими жительми любимый;
радуйся, с ними выну пребывавый.
Радуйся, заблудшим утверждение;
радуйся, бедным вспоможение.
Радуйся, о семействе твоем попечение имевый;
радуйся, чада твоя христианы растивый.
Радуйся, Святаго Писания изъяснителю;
радуйся, волшебницу приведый к покаянию.
Радуйся, младой буддистке показавый Христа;
радуйся, всех любовию объемляй.
Радуйся, пастырю добрый, священномучениче Данииле.
Кондак 6
В смутная наша времена, ложных учений исполненная, твердо противустал еси, святый, заблуждением различным, аще бы и в церковней ограде сия водворишася, и, вспомоществуемый Божиею благодатию, люди многи во истине утвердил еси, Христа проповедуя и воспевая Ему немолчно: Аллилуия.
Икос 6
Не прельстился еси, отче, заблужденьми, Церковь потрясающими, и с твердою верою в евангельскую истину сих ничтожество показал еси, никомуже внимая разве Самаго Христа Благовестию и Соборов, апостолов, и святых отец писанием, тако от лжепророк и волков хищных стадо твое защищая, еже ныне с благодарением взываем к тебе:
Радуйся, пастырю верный;
Радуйся Богом избранный.
радуйся, в духе и истине покланяяйся Христу;
Радуйся, лестию не уловленный.
радуйся, от лжесмирения отвративыйся;
Радуйся, боязнь кончины мира посрамивый.
радуйся, экуменическим заблуждениям не следовавый;
Радуйся, эволюцию яко хулу изобличивый.
радуйся, нумерологии противуставый;
Радуйся, к частому Причащению призвавый.
.Радуйся, христианское мужество показавый;
радуйся, делатели многи на жатву приведый.
Радуйся, пастырю добрый, священномучениче Данииле.
Кондак 7
«В мире скорбни будете, но дерзайте, яко Аз победих мир», - сему глаголу Спаса Христа последуя, священномучениче Данииле, не убоялся еси устрашений, болезней и трудов многих, но брался еси мужественно, помощию Божиею, Богородицы и святых вся препобеждаяй, с радостию поюще Богу: Аллилуия.
Икос 7
Крест болезней непрестанных носил еси, святе, от людей сие сокрывая, во Христе взыскуя радость и силу; ведый же, яко без Него не можем творити ничесоже, нападения невидимых враг щитом веры и мечом глагола Божия отражал еси; сего ради поем ти сице:
Радуйся, надежду возложивый на Христа;
радуйся, под кровом Богородицы укрывыйся.
Радуйся, истинным смирением искусителя победивый;
радуйся, крест страданий до конца претерпевый.
Радуйся, болезни твоя точию присным открывавый;
радуйся, мир сей Христа ради во уметы вменивый.
Радуйся, сим Божественный мир стяжавый;
радуйся, устрашений убийц не убоявыйся.
Радуйся, от клевет не поколебавыйся;
Радуйся, злыя глаголы без смущения сносивый.
радуйся, ленивых твоею ревностию подвигнувый;
радуйся, чрез вся с радостию о Бозе прошедый.
Радуйся, пастырю добрый, священномучениче Данииле.
Кондак 8
Призван быв Богом сподобитися мученическаго венца, изшел еси ко убийце со тщанием и любовию, ведый, яко уготована ти обитель и сокровище на небесех, ихже во всем животе твоем желал и искал еси, непрестанно до смертнаго часа, славити Христа Бога: Аллилуия.
Икос 8
Бодрствующа и молящася во олтари церковнем обрете тя пришедый отъяти земную жизнь твою, священномучениче Данииле; ты же, прешед в вечную жизнь, не престаеши молитися вкупе с ликом мучеников, увенчанных Христом, прославляя Бога и призывая дары Его на люди; сего ради вопием ти:
Радуйся, Христа ради смерть приемый;
радуйся, от оружия убийцы не отстранивыйся.
Радуйся, врага спасения тем победивый;
радуйся, исповедниче неустрашимый.
Радуйся, отвергшийся себе и Христа возлюбивый;
радуйся, даже до смерти Его исповедавый.
Радуйся, и ныне в Церкви торжествующей Сего прославляяй;
радуйся, яко твоею жертвою Церковь земная укрепися.
радуйся, яко воистину небожитель явился еси;
Радуйся, от Руку Христову венец приемый.
Радуйся, в свете невечернем Живый;
радуйся, посреде праведник яко как звезда сияяй.
Радуйся, пастырю добрый, священномучениче Данииле.
Кондак 9
Мученичество твое убийцами твоими известися, святче Божий, сии бо свидетельствуют, яко воинствовал еси противу их агарянского лжеучения и безбоязненно пред ними проповедовал Христа, воспевая ему: Аллилуия.
Икос 9
Возлюбивый люди Своя Бог откры нам честь, еяже сподоби тя, священномучениче, ради жертвы твоея Тому, Иже Себе Самаго в жертву на Кресте принесе, ибо на погребении твоем руцы твои бяху яко руцы живаго человека, держащия святый крест, кровь же твоя, излившаяся на крест твой наперсный, чермна пребысть; темже радующиися новому защитнику на небесех, вси уведавшии сия поют тебе:
Радуйся, истинный друг Божий показавыйся;
радуйся, стократный плод принесый.
Радуйся, вечнаго блаженства достигнувый;
радуйся, и ныне за люди моляйся непрестанно.
Радуйся, поют ти иже тобою ко Христу приведенные;
радуйся, взывает тебе чеченец Александр.
Радуйся, глаголет ти жена, живот свой самовольне скончати искавшая;
радуйся, вопиют ти татары и киргизы православнии.
Радуйся, преданный слуго Христов;
радуйся, таланты твоя умноживый.
Радуйся, слабыя во Христе укрепивый;
радуйся, яко, со Христом сый, сильных не убоялся еси.
Радуйся, пастырю добрый, священномучениче Данииле.
Кондак 10
Помощь от тебе улучают, святый, вси хотящии святое крещение прияти или в Православие возвратитися: обрет бо дерзновение пред Богом святым житием твоим и мученическою кончиною твоею, всем всяко прошение во благо исполняеши, и вопиеши Богу: Аллилуия.
Икос 10
Дерзновение твое пред Богом вемы, священномучениче Данииле, мученичеством бо твоим паки побеждаеши лжеучения язычников, безбожник и еретиков; кровь же твоя явися семя Церкви, сего ради множество людей от всех языков, ихже не престаеши приводити ко Христу, благодарне поют ти:
Радуйся, друже, любве исполнь ко иже в нужде сущим;
радуйся, проповедник православных утверждение неколебимое.
Радуйся, заблуждающих кроткий исправителю;
радуйся, диавольскаго отчаяния расточителю.
Радуйся, припадающих к догмам церковным наставляяй;
радуйся, писаниями и словесами твоими люди просвещаяй.
Радуйся, образом бо мученичества твоего немощнии утверждаются;
радуйся, яко твоими молитвами вси помощь улучают.
Радуйся, пред Богом скорый предстателю;
радуйся, России цвете благоуханный.
Радуйся, от русския и татарския крове дивное прозябение;
радуйся, каменю честный Вселенския Церкве.
Радуйся, пастырю добрый, священномучениче Данииле.
Кондак 11
Дивен Бог во святых Своих, чрез нихже помощь подает человеческому роду во вся времена; такожде и чрез святаго священномученика Даниила явися милость Божия нам, отягченным многими грехи, ибо рече Бог пророком Своим: «не хощу смерти грешника, но еже обратитися и живу быти ему»; темже, благодаряще Бога о сем безценнем даре Его, поем Ему: Аллилуия.
Икос 11
Соработающе Тебе, Боже, святии Твои обожение приемлют и свидетельствуют миру безмерное богатство любве Твоея к человеком. Такожде и священномученик Даниил, благодать священства восприем, не небрег о ней, но расточаше ю страждущим и взыскующим Тебе, Господи, иже поют служителю Твоему:
Радуйся, право славяй Бога мучениче;
радуйся, священников украшение.
Радуйся, мудрый во Христе;
радуйся, ревность бо твоя в болезнех не оскуде.
Радуйся, радостию своею о Бозе щедро деливыйся;
Радуйся, живот за Христа положивый.
радуйся, в Небесное Отечество вселивыйся;
радуйся, яко тобою Православие укрепляется.
Радуйся, яко тобою ложная учения разрушаются;
радуйся, благодатию Божиею победитель явивыйся.
Радуйся, свете православныя проповеди;
радуйся, образе независтнаго дара во Христе.
Радуйся, пастырю добрый, священномучениче Данииле.
Кондак 12
Богу соединився, обретаем силу противу злых действ диаволих; такожде и ты, священномучениче, со смирением, обаче и со дерзновением и мужеством, употребил еси Божия дары, всеконечне козни вражия разрушив, сего ради и ныне трепещут тебе падшии ангели, егда на небесех поеши Пресвятой Троице: Аллилуия.
Икос 12
Благословение от Бога улучил еси, священномучениче Данииле, во еже трудитися на жатве Господней, да приведеши к вере истинней иже неложно сего возжелаша, и да очистиши Церковь от плевелов лжеучений; ты же, увенчав святыя сия труды твоя мученическим венцем, пребываеши на Небесех со Христом; сего ради с любовию вопием ти:
Радуйся, со Иже Победившим мир дерзавый;
радуйся, со Христом вкупе трудяйся.
Радуйся, яко божественную любовь людем показавый;
радуйся, диавольских дел разрушителю.
Радуйся, христиан помощниче и исправителю;
радуйся, злаго суждения и празднословия порицателю.
Радуйся, множеством человеков Божий дом наполняяй;
радуйся, чистый гласе истиннаго богословия.
Радуйся, живый посреде человек, обаче со Христом соединивыйся;
радуйся, воине Царя Небесного, живот свой за Него положивый.
Радуйся, Владыце всех славословие присно возносяй;
радуйся, радости нам во Христе подателю.
Радуйся, пастырю добрый, священномучениче Данииле.
Кондак 13
О предивный отче Данииле, иже спасения ради людей без отдохновения трудивыйся, и смерть за Христа неколебимо приемый, услыши ныне и сие малое наше моление, еже приносим ти, чествующе мученичество твое и прославляюще Бога, Иже тя укрепи и прият в небесныя обители; и твоими горячими молитвами ко Всесильному Богу ходатайствуй о нас и испроси прощение грехом нашим, да возможем искушения победити, и, утверждени и просвещени бывше, да потрудимся спасения ради нашего и ближних наших, скончавше же земное странствование, удостоимся вечныя жизни во Христе Иисусе, идеже с тобою, со всеми святыми и с лик праведник, прославим Бога во веки веков: Аллилуия.