Первопроходец по жребию просвещати Светом Христовым земли славянския.
"Иже Предтечевым гласом оглашен, егда всесвятое Слово воплотися, жизнь нам подая и спасение, сущим на земли, благовествуя, тогда Тому, премудре, последовал еси, и себе крайнее и всесвятое, яко начаток, Тому освятил еси, Егоже и познав, и возвестил еси сроднику твоему Бога нашего. Егоже моли спасти и просветити души наша.
Рыб ловитву оставив, апостоле, человеки уловляеши тростию проповеди, низпущая, якоже уду, благочестия льщение и возводя из глубины лести языки вся, Андрее Апостоле, верховнаго сый единокровный и вселенныя купно проповедниче велегласный, моляся не престай о нас, верою и любовию благохвалящих, всехвальне, присно честную память твою.
Возлюбил еси Владыку и Того во след быстро потекл еси, стопами Его к жизни наставляемь и страстей Того неложно, пречестне Андрее, даже до смерти подражая.
Напряг тя, яко стрелу сильну, блаженнее, испусти в весь мир Господь, ураняя демоны и злочестием узвленныя человеки врачуя.
Яко первозваннаго всех учеников, и самовидца Слова, и служителя, Андрее Апостоле, по долгу чтим тя, Агнцу бо, вземлющему грехи мира, несомненною верою тепле последовал еси, отонюдуже и страсти Его общник показался еси, плотию претерпевшаго нас ради вольно смерть. Сего ради вопием ти: молися Христу Богу грехов оставление подати празднующим любовию святую память твою.
Идольская свирепства низложив, Спасовы страсти вожделев, Андрее блаженне, показался еси Апостол, с небесе всем точа чудеса, и языков был еси, всеблаженне, учитель. Тем твою память достойно чтуще, в песнех славим и верно величаем, Господень Апостоле, молися Христу Богу грехов оставление даровати празднующим любовию святую память твою.
Море житейское преплавая в ладии телесней, всяческая правящаго, Христа, обрел еси Кормчия, всеблаженне, и к Нему, радуяся, пристал еси, Андрее всечестне.
Пребезначальное обрет тя, всеблаженне, первозванна показа всех Апостолов, Андрее приснопамятне, и Сего стопам возследуя, показался еси путевождь заблуждших, к Небесному сия возводя Божественному шествию."
(Из Богослужебного текста в праздник Апостола Андрея Первозванного.)
Рыб ловитву оставив, апостоле, человеки уловляеши тростию проповеди, низпущая, якоже уду, благочестия льщение и возводя из глубины лести языки вся, Андрее Апостоле, верховнаго сый единокровный и вселенныя купно проповедниче велегласный, моляся не престай о нас, верою и любовию благохвалящих, всехвальне, присно честную память твою.
Возлюбил еси Владыку и Того во след быстро потекл еси, стопами Его к жизни наставляемь и страстей Того неложно, пречестне Андрее, даже до смерти подражая.
Напряг тя, яко стрелу сильну, блаженнее, испусти в весь мир Господь, ураняя демоны и злочестием узвленныя человеки врачуя.
Яко первозваннаго всех учеников, и самовидца Слова, и служителя, Андрее Апостоле, по долгу чтим тя, Агнцу бо, вземлющему грехи мира, несомненною верою тепле последовал еси, отонюдуже и страсти Его общник показался еси, плотию претерпевшаго нас ради вольно смерть. Сего ради вопием ти: молися Христу Богу грехов оставление подати празднующим любовию святую память твою.
Идольская свирепства низложив, Спасовы страсти вожделев, Андрее блаженне, показался еси Апостол, с небесе всем точа чудеса, и языков был еси, всеблаженне, учитель. Тем твою память достойно чтуще, в песнех славим и верно величаем, Господень Апостоле, молися Христу Богу грехов оставление даровати празднующим любовию святую память твою.
Море житейское преплавая в ладии телесней, всяческая правящаго, Христа, обрел еси Кормчия, всеблаженне, и к Нему, радуяся, пристал еси, Андрее всечестне.
Пребезначальное обрет тя, всеблаженне, первозванна показа всех Апостолов, Андрее приснопамятне, и Сего стопам возследуя, показался еси путевождь заблуждших, к Небесному сия возводя Божественному шествию."
(Из Богослужебного текста в праздник Апостола Андрея Первозванного.)