Неделя 8-я по Пасхе. День Святой Троицы. Пятидесятница. ВСЕНОЩНОЕ БДЕНИЕ. УТРЕНЯ. Канон. 12/06/2022
12 ию́ня 2022 гóда. День Святóй Трóицы. Недéля 8-я по Пáсхе. Пятидеся́тница. Послéдованiе Всенóщнаго бдéнiя для домáшнего (келéйнаго) совершéнiя. Слýжба мирскúм чúном.
Начало зри здесь ( великая вечерня) и здесь ( утреня)
ПОЛИЕЛЕЙ
Хор: Хвали́те Имя Госпóдне, хвали́те, раби́ Гóспода.
Аллилýiа (трúжды)
Благословéн Госпóдь от Сióна, живы́й во Iерусали́ме.
Аллилýiа (трúжды)
Исповéдайтеся Гóсподеви, я́ко Благ, я́ко в век ми́лость Егó.
Аллилýiа (трúжды)
Исповéдайтеся Бóгу Небéсному, я́ко в век ми́лость Егó.
Аллилýiа (трúжды)
ВЕЛИЧАНИЕ ПРАЗДНИКА
Хор: Величáем Тя,/ Живодáвче Хрiстé,/ и чтим Всесвятáго Дýха Твоегó,/ Егóже от Отцá послáл есú// Божéственным ученикóм Твоúм.
(И далее хор продолжает чередовать стихи Избранного псалма и Величание)
ПСАЛОМ ИЗБРАННЫЙ
Небесá повéдают слáву Бóжiю, творéнiе же рукý Егó возвещáет твердь./ Дýхом уст Егó вся си́ла их./ С небесé призрé Госпóдь, ви́де вся сы́ны человéческiя./ Огнь пред Ним предъи́дет, и óкрест Егó бýря зéльна./ У́глiе возгорéся от Негó, и приклони́ небесá и сни́де./ От облистáнiя пред Ним óблацы проидóша./ Помянýтся, и обратя́тся ко Гóсподу все концы́ земли́./ И поклóнятся пред Ним вся отéчествiя язы́к./ Свидéтельство Госпóдне вéрно, умудря́ющее младéнцы./ Земля́ потрясéся, и́бо небесá кáнуша от лицá Бóга Синáина./ Дождь вóлен отлучи́ши Бóже, достоя́нiю Твоемý./ Постáвиши их кня́зи по всей земли́./ Во всю зéмлю изы́де вещáнiе их, и в концы́ вселéнныя глагóлы их./ Пóслеши Дýха Твоегó, и сози́ждутся, и обнови́ши лицé земли́./ Дух Твой Благíй настáвит мя на зéмлю прáву./ Сéрдце чи́сто сози́жди во мне Бóже, и Дух прав обнови́ во утрóбе моéй./ Не отвéржи менé от лицá Твоегó, и Дýха Твоегó Святáго не оты́ми от менé./ Воздáждь ми рáдость спасéнiя Твоегó, и Дýхом Влады́чним утверди́ мя./ Госпóдь даст глагóл благовествýющим си́лою мнóгою./ Госпóдь крéпость лю́дем Свои́м даст, Госпóдь благослови́т лю́ди Своя́ ми́ром.
Чтец: Слáва Отцý и Сыну и Святóму Дýху.
Хор: И ны́не и прúсно и во вéки векóв. Амúнь.
Аллилýiа, аллилýiа, аллилýiа, слáва Тебé Бóже. (Трúжды)
Хор: Величáем Тя,/ Живодáвче Хрiстé,/ и чтим Всесвятáго Дýха Твоегó,/ Егóже от Отцá послáл есú// Божéственным ученикóм Твоúм.
Гóсподи, поми́луй. (12 раз)
СЕДАЛЕН, ГЛАС 8
По востáнiи Хрiстé, éже от грóба,/ и éже к высотé небéсной божéственном вознесéнiи,/ богови́дцем слáву Твою́ низпослáл еси́ Щéдре,/ Дýха прáваго обнови́вый ученикóм./ Тéмже я́ко гусль мусiкíйская, всем уясни́ся// божéственным бряцáлом тáйно Спáсе глашéнiя, и смотрéнiе Твоé.
Слáва Отцý и Сы́ну и Святóму Дýху, и ныне и прúсно и во вéки векóв, амúнь.
По востáнiи Хрiстé, éже от грóба,/ и éже к высотé небéсной божéственном вознесéнiи,/ богови́дцем слáву Твою́ низпослáл еси́ Щéдре,/ Дýха прáваго обнови́вый ученикóм./ Тéмже я́ко гусль мусiкíйская, всем уясни́ся// божéственным бряцáлом тáйно Спáсе глашéнiя, и смотрéнiе Твоé.
СТЕПЕННА, ГЛАС 4
1 АНТИФОН
Хор: От ю́ности моея́/ мнóзи бóрют мя стрáсти,/ но Сам мя заступú// и спасú, Спáсе мой. (Двáжды)
Ненави́дящiи Сióна,/ посрами́теся от Гóспода,/ я́ко травá бо огнéм// бýдете изсóхше. (Двáжды)
Слáва Отцý и Сы́ну и Святóму Дýху.
Святы́м Дýхом/ вся́ка душá живи́тся,/ и чистотóю возвышáется,// светлéется Трóйческим еди́нством, священнотáйне.
И ныне и прúсно и во вéки векóв. Амúнь.
Святы́м Дýхом/ вся́ка душá живи́тся,/ и чистотóю возвышáется,// светлéется Трóйческим еди́нством, священнотáйне.
ПРОКИМЕН
Чтец: Проки́мен, глас четвéртый. Дух Твой Благíй настáвит мя на зéмлю прáву.
Хор: Дух Твой Благíй/ настáвит мя на зéмлю прáву.
Чтец: Гóсподи, услы́ши моли́тву мою́, внуши́ молéнiе моé.
Хор: Дух Твой Благíй/ настáвит мя на зéмлю прáву.
Чтец: Дух Твой Благíй.
Хор: Настáвит мя на зéмлю прáву.
Чтец: Гóсподу помóлимся.
Хор: Гóсподи, помúлуй.
Слáва Отцý и Сы́ну и Святóму Дýху, и ныне и прúсно и во вéки векóв, амúнь.
Чтец: Вся́кое дыхáнiе да хвáлит Гóспода.
Хор: Всякое дыхáнiе да хвáлит Гóспода.
Чтец: Хвали́те Бóга во святы́х Егó, хвали́те Егó во утвержéнiи си́лы Егó.
Хор: Всякое дыхáнiе да хвáлит Гóспода.
Чтец:Вся́кое дыхáнiе.
Хор: Да хвáлит Гóспода.
ЕВАНГЕЛИЕ
Чтец: От Iоáнна Святáго Евáнгелiя чтéнiе
Хор: Слáва Тебé, Гóсподи, слáва Тебé.
(Ин.зач.66): Сýщу пóзде в день той, во еди́ну от суббóт, и двéрем затворéнным, идéже бя́ху ученицы́ Егó сóбрани, стрáха рáди iудéйска, прiи́де Iисýс и ста посредé, и глагóла им: мир вам. И сié рек, показá им рýце и нóзе и рéбра Своя́. Возрáдовашася же ученицы́, ви́девше Гóспода. Речé же им Iисýс пáки: мир вам. Я́коже послá Мя Отéц, и Аз посылáю вы. И сié рек, дýну и глагóла им: прiими́те Дух Свят. И҆́мже отпуститé грехи́, отпýстятся им: и и́мже держитé, держáтся.
[Русский синодальный перевод](В тот же первый день недели вечером, когда двери дома, где собирались ученики Его, были заперты из опасения от Иудеев, пришел Иисус, и стал посреди, и говорит им: мир вам! Сказав это, Он показал им руки и ноги и ребра Свои. Ученики обрадовались, увидев Господа. Иисус же сказал им вторично: мир вам! как послал Меня Отец, так и Я посылаю вас. Сказав это, дунул, и говорит им: примите Духа Святаго.Кому простите грехи, тому простятся; на ком оставите, на том останутся. Ин.20:19-23)
Хор: Слáва Тебé, Гóсподи, слáва Тебé.
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твоих очи́сти беззакóнiе моé. Наипáче омы́й мя от беззакóнiя моегó, и от грехá моегó очи́сти мя. Яко беззакóнiе моé аз знáю и грех мой прéдо мнóю есть выну. Тебе Единому согреши́х, и лукáвая пред Тобóю сотвори́х; яко да оправди́шися во словесéх Твоих и победи́ши, внегдá суди́ти Ти. Се бо в беззакóнiих зачáт есмь, и во гресéх роди́ мя мáти моя. Се бо и́стину возлюби́л еси́, безвéстная и тáйная премýдрости Твоея яви́л ми еси́. Окропи́ши мя иссóпом и очи́щуся, омы́еши мя, и пáче снéга убелюся. Слýху моемý дáси рáдость и весéлiе, возрáдуются кóсти смирéнныя. Отврати́ лицé Твоé от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обнови́ во утрóбе моéй. Не отвéржи менé от лицá Твоегó, и Дýха Твоегó Святáго не отыми́ от менé. Воздáждь ми рáдость спасéнiя Твоегó, и Дýхом Влады́чним утверди́ мя. Научý беззакóнныя путéм Твоим, и нечести́вiи к Тебé обратятся. Избáви мя от кровéй, Бóже, Бóже спасéнiя моегó, возрáдуется язык мой прáвде Твоéй. Гóсподи, устнé мои отвéрзеши, и устá моя возвестя́т хвалý Твою́. Яко áще бы восхотéл еси жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажи́, Гóсподи, благоволéнiем Твои́м Сióна, и да сози́ждутся стéны Иерусали́мскiя. Тогдá благоволи́ши жéртву прáвды, возношéнiе и всесожегáемая; тогдá возложáт на олтáрь Твой тельцы́.
Слáва Отцý и Сы́ну и Святóму Дýху.
глас 6: Моли́твами апóстолов,/ Ми́лостиве, очи́сти// мнóжество согрешéнiй нáших.
И ныне и прúсно и во вéки векóв, амúнь.
Моли́твами Богорóдицы,/ Ми́лостиве, очи́сти// мнóжество согрешéнiй нáших.
Таже, глас 6: Поми́луй мя, Бóже,/ по вели́цей ми́лости Твоéй, / и по мнóжеству щедрóт Твои́х,/ очи́сти беззакóнiе моé.
Стихúра прáздника, глас 6: Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Гóсподи, поми́луй. (12 раз)
Слáва Отцý и Сыну и Святóму Дýху, и ныне и прúсно и во вéки векóв, амúнь.
ПЕРВЫЙ КАНОН ПРАЗДНИКА, ГЛАС 7
(совмещенный со вторым каноном праздника, глас 4)
ПЕСНЬ 1
Ирмóс: Пóнтом покры́/ фараóна с колесни́цами/ сокрушáяй брáни мы́шцею высóкою,// пои́м Емý, я́ко прослáвися. (Двáжды)
Припéв: Пресвятáя Трóице, Бóже наш, слáва Тебé.
Тропáрь: Де́лом, я́коже дре́вле ученико́м обеща́л еси́, Уте́шителя Ду́ха посла́вый Христе́, возсия́л еси́ ми́ру свет Человеколю́бче. (Трижды)
Припéв: Пресвятáя Трóице, Бóже наш, слáва Тебé.
Тропáрь: Зако́ном дре́вле пропове́данное и проро́ки, испо́лнися: Боже́ственнаго бо Ду́ха днесь всем ве́рным благода́ть излия́ся. (Трижды)
ВТОРОЙ КАНОН ПЯТИДЕСЯТНИЦЫ, ГЛАС 4
Ирмóс: Божéственным покровéн,/ медленоязы́чный мрáком,/ извитíйствова Богопи́санный закóн:/ ти́ну бо оттря́с очесé ýмнаго,/ ви́дит Сýщаго,/ и научáется Дýха рáзуму,// хваля́ Божéственными пéсньми. (Двáжды)
Припéв: Пресвятáя Трóице, Бóже наш, слáва Тебé.
Тропáрь: Реко́ша чи́стая и честна́я уста́:/ разлуче́ния вам не бу́дет, о дру́зи!/ Аз бо на О́тчем вы́шнем престо́ле соседя́, излiю́ Ду́ха,// возсiя́ти жела́ющим благода́ть незави́стную. (Трижды)
Припéв: Пресвятáя Трóице, Бóже наш, слáва Тебé.
Тропáрь: Предéл прешéдшее и́стиннейшее Слóво, тихообрáзно совершáет сéрдце: дéло бо скончáв, возвесели́ дрýги, дыхáнiем нýжным и óгненными язы́ки, подáв Дýха Хрiстóс, я́коже обещáся.
Слáва Отцý и Сы́ну и Святóму Дýху.
Тропáрь: Предéл прешéдшее и́стиннейшее Слóво, тихообрáзно совершáет сéрдце: дéло бо скончáв, возвесели́ дрýги, дыхáнiем нýжным и óгненными язы́ки, подáв Дýха Хрiстóс, я́коже обещáся.
И ныне и прúсно и во вéки векóв. Аминь.
Тропáрь: Предéл прешéдшее и́стиннейшее Слóво, тихообрáзно совершáет сéрдце: дéло бо скончáв, возвесели́ дрýги, дыхáнiем нýжным и óгненными язы́ки, подáв Дýха Хрiстóс, я́коже обещáся.
Катава́сия Пятидеся́тницы (глас 7): Пóнтом покры́/ фараóна с колесни́цами/ сокрушáяй брáни мы́шцею высóкою,// пои́м Емý, я́ко прослáвися.
Катавáсiя Пятидеся́тницы (глас 4): Божéственным покровéн,/ медленоязы́чный мрáком,/ извитíйствова Богопи́санный закóн:/ ти́ну бо оттря́с очесé ýмнаго,/ ви́дит Сýщаго,/ и научáется Дýха рáзуму,// хваля́ Божéственными пéсньми.
ПЕСНЬ 3
Ирмóс: С высоты́ си́лою,/ ученико́м Хрiсте́, до́ндеже облеце́теся, рекл еси́,/ седи́те во Iерусали́ме:/ Аз же я́ко Мене́, Уте́шителя ино́го,/ Дýха Моего́ же и О́тча послю́,// в Не́мже утвердите́ся. (Дважды)
Припéв: Пресвятáя Трóице, Бóже наш, слáва Тебé.
Тропáрь: Боже́ственнаго Дýха наше́дшая си́ла, разде́льшийся дре́вле глас, зле согласи́вшихся, во еди́но прили́чiе боже́ственне совокупи́, ве́денiем Тро́ицы вразумля́ющи ве́рныя, в Не́йже утверди́хомся. (6 раз)
Глас 4
Ирмóс: Развéрзе утрóбы нечáдствовавшiя ýзы,/ досáду же неудоботерпи́му благочáдствующiя,/ еди́на моли́тва прорóчицы дрéвле Áнны,/ нося́щiя дух сокрушéн,// к Си́льному, и Бóгу рáзумов. (Дважды)
Припéв: Пресвятáя Трóице, Бóже наш, слáва Тебé.
Тропáрь: Непостижи́ма есть Богонача́льнейшая: вети́я бо изъяви́ безкни́жныя, ры́бари прему́дрыя, зауша́ющия сло́вом, и от глубо́кия но́щи изыма́ющия лю́ди безчи́сленны, блиста́нием Ду́ха. (Трижды)
Припéв: Пресвятáя Трóице, Бóже наш, слáва Тебé.
Тропáрь: Бя́ше исхо́ден от нерожде́нна Све́та, всеси́льный сия́ющий Свет, Его́же Сы́ном Оте́ческия вла́сти, ны́не явля́ет сра́сленное озаре́ние, о́гненный глас в Сио́не язы́ком.
Слáва Отцý и Сы́ну и Святóму Дýху.
Тропáрь: Бя́ше исхо́ден от нерожде́нна Све́та, всеси́льный сия́ющий Свет, Его́же Сы́ном Оте́ческия вла́сти, ны́не явля́ет сра́сленное озаре́ние, о́гненный глас в Сио́не язы́ком.
И ныне и прúсно и во вéки векóв. Аминь.
Тропáрь: Бя́ше исхо́ден от нерожде́нна Све́та, всеси́льный сия́ющий Свет, Его́же Сы́ном Оте́ческия вла́сти, ны́не явля́ет сра́сленное озаре́ние, о́гненный глас в Сио́не язы́ком.
Катавáсiя Пятидеся́тницы (глас 7): С высоты́ си́лою,/ ученико́м Христе́, до́ндеже облеце́теся, рекл еси́,/ седи́те во Иерусали́ме:/ Аз же я́ко Мене́, Уте́шителя ино́го,/ Ду́ха Моего́ же и О́тча послю́,// в Не́мже утвердите́ся.
Катавáсiя Пятидеся́тницы (глас 4): Развéрзе утрóбы нечáдствовавшiя ýзы,/ досáду же неудоботерпи́му благочáдствующiя,/ еди́на моли́тва прорóчицы дрéвле Áнны,/ нося́щiя дух сокрушéн,// к Си́льному, и Бóгу рáзумов.
Гóсподи, помилуй. (3 раза)
Седáлен прáздника, глaс 8: Спа́совы рачи́тилие ра́дости испо́лнишася,/ и дерзнове́ние прия́ша, пре́жде боя́щиеся:/ я́ко Дух Святы́й днесь свы́ше сни́де на дом учени́ческий,/ и ин ина́я глаго́лаше к лю́дем./ Язы́цы бо разсе́яшася, ви́дими я́ко огнь:// и сих не опали́, но па́че ороси́.
Слáва Отцý и Сы́ну и Святóму Дýху, и ныне и присно и во вéки векóв, аминь.
Седáлен прáздника, глaс 8: Спа́совы рачи́тилие ра́дости испо́лнишася,/ и дерзнове́ние прия́ша, пре́жде боя́щиеся:/ я́ко Дух Святы́й днесь свы́ше сни́де на дом учени́ческий,/ и ин ина́я глаго́лаше к лю́дем./ Язы́цы бо разсе́яшася, ви́дими я́ко огнь:// и сих не опали́, но па́че ороси́.
ПЕСНЬ 4
Ирмóс: Смотря́яй проро́к/ в после́дняя Твое́ Христе́ прише́ствие, вопия́ше:/ Твою́ услы́шах Го́споди си́лу,// я́ко вся спасти́ пома́занныя Твоя́ прише́л еси́. (Двáжды)
Припéв: Пресвятáя Трóице, Бóже наш, слáва Тебé.
Тропáрь: Во проро́цех глаго́лавый, и зако́ном пропове́данный пе́рвее несоверше́нным, Бог И́стинный Уте́шитель, Сло́ва служи́телем и свиде́телем познава́ется днесь. (Трижды)
Припéв: Пресвятáя Трóице, Бóже наш, слáва Тебé.
Тропáрь: Зна́мение Божества́ нося́й, апо́столом во огни́ Дух раздели́ся, и стра́нными язы́ки явля́шеся, я́ко Оте́ческая Боже́ственная си́ла гряду́щая есть, самоповели́тельная. (Трижды)
Глас 4
Ирмóс: Царю́ царéй,/ Яковы́й от Яковáго еди́н Слóве произшéдый,/ от Отцá безвинóвнаго,/ равномóщнаго Твоегó Дýха апóстолом и́стинно послáл еси́,/ я́ко Благодéтеля пою́щим:// слáва держáве Твоéй Гóсподи. (Двáжды)
Припéв: Пресвятáя Трóице, Бóже наш, слáва Тебé.
Тропáрь: Ба́ню Боже́ственную пакибытия́ сло́вом раствори́в, ссложе́нное естество́, дождоточи́ши ми струю́ от нетленнопрободе́ннаго Твоего́ ребра́, о Бо́жий Сло́ве, запечатле́я теплото́ю Ду́ха. (Двáжды)
Припéв: Пресвятáя Трóице, Бóже наш, слáва Тебé.
Тропáрь: Преклоня́ют вся Уте́шителю коле́на, Сы́ну же О́тчу, Отцу́ сра́сленному, в Ли́цех бо ви́деша трегу́бых Существо́ и́стинное, неприкоснове́нное, безле́тное, еди́ное: возсия́ бо свет благода́ть Ду́ха. (Двáжды)
Слáва Отцý и Сы́ну и Святóму Дýху.
Тропáрь: Да испо́лнятся вси Богонача́льнейшим, ели́цы служи́телие Трисве́тлаго Существа́: па́че естества́ бо соверша́ет я́ко благоде́тель, и огнесве́тит Христо́с во спасе́ние, всю дая́ благода́ть Ду́ха.
И ныне и прúсно и во вéки векóв. Аминь.
Тропáрь: Да испо́лнятся вси Богонача́льнейшим, ели́цы служи́телие Трисве́тлаго Существа́: па́че естества́ бо соверша́ет я́ко благоде́тель, и огнесве́тит Христо́с во спасе́ние, всю дая́ благода́ть Ду́ха.
Катавáсiя Пятидеся́тницы (глас 7):Смотря́яй проро́к/ в после́дняя Твое́ Христе́ прише́ствие, вопия́ше:/ Твою́ услы́шах Го́споди си́лу,// я́ко вся спасти́ пома́занныя Твоя́ прише́л еси́.
Катавáсiя Пятидеся́тницы (глас 4): Царю́ царéй,/ Яковы́й от Яковáго еди́н Слóве произшéдый,/ от Отцá безвинóвнаго,/ равномóщнаго Твоегó Дýха апóстолом и́стинно послáл еси́,/ я́ко Благодéтеля пою́щим:// слáва держáве Твоéй Гóсподи.
ПЕСНЬ 5
Ирмос: Стра́ха ра́ди Твоего́/ зача́тый Го́споди во чре́ве проро́ков,/ и рожде́нный на земли́ Дух спасе́ния,/ апо́стольская сердца́ созида́ет чи́ста/ и в ве́рных пра́вый обновля́ется:// свет бо и мир зане́ Твоя́ повеле́ния. (Дважды)
Припéв: Пресвятáя Трóице, Бóже наш, слáва Тебé.
Тропáрь: Наше́дшая си́ла днесь сия́, Дух Благи́й,/ Дух прему́дрости Бо́жия, Дух от Отца́ исходя́й,/ и Сы́ном ве́рным нам явле́йся подава́телен,// в ни́хже вселя́ется естество́м святы́ни, в не́йже зри́тся. (6 раз)
Глас 4
Ирмóс: Реши́тельное очищéнiе грехóв,/ огнедохновéнную прiими́те Дýха рóсу,/ о чáда светообрáзная церкóвная./ Ны́не от Сióна бо изы́де закóн,// языкоогнеобрáзная Дýха благодáть. (Дважды)
Припéв: Пресвятáя Трóице, Бóже наш, слáва Тебé.
Тропáрь: Я́коже благоволи́ самовла́стно, необлада́нный исхо́дит Дух от Отца́, умудря́я в язы́цех апо́столы, печатле́я живоно́сное Сло́во, Отчеси́льное, сообра́зное, Его́же Спас рече́. (Трижды)
Припéв: Пресвятáя Трóице, Бóже наш, слáва Тебé.
Тропáрь: Да исцели́т у́бо смы́слы от греха́, и се устроя́ше апо́столов, Бог Сло́во всенача́льное, пречи́стый дом, в не́мже единомо́щнаго же и ссу́щественнаго ны́не вселя́ется Ду́ха свет.
Слáва Отцý и Сы́ну и Святóму Дýху.
Тропáрь: Да исцели́т у́бо смы́слы от греха́, и се устроя́ше апо́столов, Бог Сло́во всенача́льное, пречи́стый дом, в не́мже единомо́щнаго же и ссу́щественнаго ны́не вселя́ется Ду́ха свет.
И ныне и прúсно и во вéки векóв. Аминь.
Тропáрь: Да исцели́т у́бо смы́слы от греха́, и се устроя́ше апо́столов, Бог Сло́во всенача́льное, пречи́стый дом, в не́мже единомо́щнаго же и ссу́щественнаго ны́не вселя́ется Ду́ха свет.
Катавáсiя Пятидеся́тницы (глас 7): Стра́ха ра́ди Твоего́/ зача́тый Го́споди во чре́ве проро́ков,/ и рожде́нный на земли́ Дух спасе́ния,/ апо́стольская сердца́ созида́ет чи́ста/ и в ве́рных пра́вый обновля́ется:// свет бо и мир зане́ Твоя́ повеле́нiя.
Катавáсiя Пятидеся́тницы (глас 4): Реши́тельное очищéнiе грехóв,/ огнедохновéнную прiими́те Дýха рóсу,/ о чáда светообрáзная церкóвная./ Ны́не от Сióна бо изы́де закóн,// языкоогнеобрáзная Дýха благодáть.
ПЕСНЬ 6
Ирмóс: Плáвающего в молвé житéйских попечéнiй/ с кораблéм потопля́ема грехи́,/ и душетлéнному звéрю приметáема,/ я́ко Ióна Хрiстé, вопiю́ Ти:// из смертонóсныя глубины́ возведи́ мя. (Двáжды)
Припéв: Пресвятáя Трóице, Бóже наш, слáва Тебé.
Тропáрь: От Ду́ха Твоего́ на плоть вся́кую,/ я́коже рекл еси́, богáтно излия́л еси́,/ и испо́лнишася вся́ческая Твоего́ ве́денiя Го́споди,/ я́ко из Отцá Сын нетле́нно роди́лся еси́,// и Дух Неразде́льный изы́де. (6 раз)
Глас 4
Ирмос: Очищéнiе нам Хрiстé/ и спасéнiе Влады́ко,/ возсiя́л еси́ от Дéвы,/ да я́ко прорóка/ от звéря морскáго пéрсей Иóну,// от тли исхити́ши, всегó Адáма всерóдна пáдшаго. (Двáжды)
Припéв: Пресвятáя Трóице, Бóже наш, слáва Тебé.
Тропáрь: И́стинный нам пра́вый во утро́бах ве́чно прии́мшим Дух,/ да обнови́ши Отчеисхо́дный, и всесовокупле́нно,/ вещества́ ненави́стнаго пали́тельный скверн,// ка́ла же смы́слов чисти́тельный, Вседержи́телю. (Трижды)
Припéв: Пресвятáя Трóице, Бóже наш, слáва Тебé.
Тропáрь: Жела́тельное достоя́ние апо́столом,/ сио́няном ча́ющим Твоего́ прише́ствия, позна́ние/ Дух Отчерожде́нна Сло́ва,/ речь жесто́кую язы́ческих ласка́тельств ско́ро показа́в,// огнедохнове́нно утвержда́еши.
Слáва Отцý и Сы́ну и Святóму Дýху.
Тропáрь: Жела́тельное достоя́ние апо́столом,/ сио́няном ча́ющим Твоего́ прише́ствия, позна́ние/ Дух Отчерожде́нна Сло́ва,/ речь жесто́кую язы́ческих ласка́тельств ско́ро показа́в,// огнедохнове́нно утвержда́еши.
И ныне и прúсно и во вéки векóв. Аминь.
Тропáрь: Желáтельное достоя́нiе апóстолом,/ сióняном чáющим Твоегó пришéствiя, познáнiе/ Дух Отчерождéнна Слóва,/ речь жестóкую язы́ческих ласкáтельств скóро показáв,// огнедохновéнно утверждáеши.
Катавáсiя Пятидеся́тницы (глас 7): Плáвающего в молвé житéйских попечéнiй/ с кораблéм потопля́ема грехи́,/ и душетлéнному звéрю приметáема,/ я́ко Ióна Хрiстé, вопiю́ Ти:// из смертонóсныя глубины́ возведи́ мя.
Катавáсiя Пятидеся́тницы (глас 4): Очищéнiе нам Хрiстé/ и спасéнiе Влады́ко,/ возсiя́л еси́ от Дéвы,/ да я́ко прорóка/ от звéря морскáго пéрсей Иóну,// от тли исхити́ши, всегó Адáма всерóдна пáдшаго.
Го́споди, поми́луй. (Трижды)
Слáва Отцý и Сы́ну и Святóму Дýху, и ныне и прúсно и во вéки векóв, амúнь.
Кондáк прáздника, глас 8: Егдá снизшéд язы́ки слiя́,/ разделя́ше язы́ки Вы́шнiй,/ егдá же óгненныя язы́ки раздая́ше,/ в соединéнiе вся призвá,// и соглáсно слáвим Всесвятáго Дýха.
И҆́кос: Скóрое и извéстное даждь утешéнiе рабóм Твои́м Iисýсе,/ внегдá унывáти духóм нáшим,/ не разлучáйся от душ нáших в скóрбех,/ не удаля́йся от мы́слей нáших во обстоя́нiих,/ но при́сно нас предвари́./ Прибли́жися нам, прибли́жися вездé Сый,/ я́коже со апóстолы Твои́ми всегдá еси́,/ си́це и Тебé желáющим соедини́ Себé Щéдре:/ да совокýплени Тебé поéм,/ и славослóвим Всесвятáго Дýха Твоегó.
ПЕСНЬ 7
Ирмос: В пещь óгненную/ ввéржени преподóбнiи óтроцы,/ огнь в рóсу преложи́ша,/ воспевáнiем си́це вопiю́ще:// благословéн еси́ Гóсподи Бóже отéц нáших. (Двáжды)
Припéв: Пресвятáя Трóице, Бóже наш, слáва Тебé.
Тропáрь: Ветýющим Боже́ственная вели́чiя апо́столом, Дýха де́йство непщевáшеся пiя́нство неве́рствующим, и́мже Тро́ица познавáется, еди́н Бог оте́ц нáших. (Трижды)
Припéв: Пресвятáя Трóице, Бóже наш, слáва Тебé.
Тропáрь: Неразде́льное естество́ правосла́вно богосло́вим Бо́га Отца́ Безнача́льнаго, тоя́жде вла́сти Сло́ва и Дýха, благослове́н еси́, зовýще, Бо́же оте́ц на́ших. (Трижды)
Глас 4
Ирмос: Соглáсная возшумé оргáнская песнь,/ почитáти златосотворéнный бездýшный истукáн:/ Утéшителева же светонóсная благодáть почествýет,/ éже вопи́ти:// Трóице Еди́ная, равноси́льная, безначáльная, благословéна еси́. (Дважды)
Припéв: Пресвятáя Трóице, Бóже наш, слáва Тебé.
Тропáрь: Глáса пророковещáтельнаго не разумéвше, глагóлаху безýмнiи виносотворéнное пiя́нство, рéчи я́ко стрáнны слы́шаша апóстолов: благочести́вiи же Тебé вопiéм божéственно: Богодéтелю всех, благословéн еси́. (Двáжды)
Припéв: Пресвятáя Трóице, Бóже наш, слáва Тебé.
Тропáрь: Божéственное учéнiе возгремé ви́дяй видéнiя божéственный Ióиль, Богоначáльнейшаго, и́мже излiю́, рек, я́коже Слóва, Дýха Моегó свозопiю́щим: Естествó Тривещáнное Свéтлое, благословéн еси́. (Двáжды)
Слáва Отцý и Сы́ну и Святóму Дýху.
Тропáрь: Трóичную ýбо раздели́ зря благодáть, я́ко да яви́т три Ипостáси, почитáти в простотé влáсти, но во еди́ном ны́не дни Госпóдьском, Сын, Отéц и Дух благословéн.
И ны́не и прúсно и во вéки векóв, амúнь.
Тропáрь: Трóичную ýбо раздели́ зря благодáть, я́ко да яви́т три Ипостáси, почитáти в простотé влáсти, но во еди́ном ны́не дни Госпóдьском, Сын, Отéц и Дух благословéн.
Катавáсiя Пятидеся́тницы (глас 7): В пещь óгненную/ ввéржени преподóбнiи óтроцы,/ огнь в рóсу преложи́ша,/ воспевáнiем си́це вопiю́ще:// благословéн еси́ Гóсподи Бóже отéц нáших.
Катавáсiя Пятидеся́тницы (глас 4): Соглáсная возшумé оргáнская песнь,/ почитáти златосотворéнный бездýшный истукáн:/ Утéшителева же светонóсная благодáть почествýет,/ éже вопи́ти:// Трóице Еди́ная, равноси́льная, безначáльная, благословéна еси́.
ПЕСНЬ 8
Ирмóс: Неопáльная огню́ в Сiнáи причáщшаяся купинá,/ Бóга яви́ медленноязы́чному и гугни́вому Моисéови,/ и óтроки рéвность Бóжiя/ три непребори́мыя во огни́ певцы́ показá:/ вся делá Госпóдня Гóспода пóйте,// и превозноси́те во вся вéки. (Двáжды)
Припéв: Пресвятáя Трóице, Бóже наш, слáва Тебé.
Тропáрь: Живо́тну свы́ше бу́рну носи́му гласо́вне, Ду́ха Всесвята́го дыха́нию рыбарéм, о́гненных ви́дом язы́к вели́чия Бо́жия вети́йствоваху: вся дела́ Го́спода по́йте, и превозноси́те во вся ве́ки. (Трижды)
Припéв: Пресвятáя Трóице, Бóже наш, слáва Тебé.
Тропáрь: Я́ко на некаса́емую превосходя́ще го́ру, не боя́щеся огня́ страша́ща, прииди́те и ста́нем на горе́ Сио́нской, во гра́де Жива́го Бо́га, духоно́сным ученико́м ны́не слику́юще: вся дела́ Го́спода по́йте, и превозноси́те во вся ве́ки. (Трижды)
Глас 4
Ирмос: Разрешáет ýзы,/ и орошáет плáмень,/ трисвéтлый Богоначáлiя Ѻ́браз:/ пою́т óтроцы,/ благослови́т же Еди́наго Спáса и Вседéтеля,/ я́ко Благодéтеля// сотворéнная вся́ческая тварь. (Двáжды)
Припéв: Пресвятáя Трóице, Бóже наш, слáва Тебé.
Тропáрь: Па́мять Хрiсто́с человекоспаси́тельных слове́с, я́же от Отца́ слы́шав апо́столом рече́, Дух устроя́ет языкоо́гненным виде́нiем, посажда́я благослове́нно усвое́нную, учуже́нная же пое́т Тя тварь. (Двáжды)
Припéв: Пресвятáя Трóице, Бóже наш, слáва Тебé.
Тропáрь: Спаси́тельно самовлады́чний Еди́н, Свет самосiя́тельный, и пода́тельный све́та сый, прише́л еси́ исполня́я апо́столы, честны́й я́ко верх Твои́м рабо́м, насыти́тельный же Дух подава́еши. (Двáжды)
Благословúм Отцá, и Сы́на, и Святáго Дýха, Гóспода.
Тропáрь: Поя́ху прорóк духонасыщéнная устá, Твоé телéсное, о Царю́, пришéствiе, и Дух от недр Ѻ́тчих произшéдшiй, несоздáнный, зданнодéтелен, сопрестóлен Тебé, еди́наго вочеловéченiя вéрным честь.
И ны́не и прúсно и во вéки векóв, амúнь.
Тропáрь: Поя́ху прорóк духонасыщéнная устá, Твоé телéсное, о Царю́, пришéствiе, и Дух от недр Ѻ́тчих произшéдшiй, несоздáнный, зданнодéтелен, сопрестóлен Тебé, еди́наго вочеловéченiя вéрным честь.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя Пятидеся́тницы (глас 7): Неопáльная огню́ в Сiнáи причáщшаяся купинá,/ Бóга яви́ медленноязы́чному и гугни́вому Моисéови,/ и óтроки рéвность Бóжiя/ три непребори́мыя во огни́ певцы́ показá:/ вся делá Госпóдня Гóспода пóйте,// и превозноси́те во вся вéки.
Катавáсiя Пятидеся́тницы (глас 4): Разрешáет ýзы,/ и орошáет плáмень,/ трисвéтлый Богоначáлiя Ѻ́браз:/ пою́т óтроцы,/ благослови́т же Еди́наго Спáса и Вседéтеля,/ я́ко Благодéтеля// сотворéнная вся́ческая тварь.
Припéв прáздника: Апóстоли, сошéствiе Утéшителя зря́ще, удивúшася, кáко в вúде óгненных язы́к явúся Дух Святы́й.
Песнь 9
Ирмóс: Не тлéнiя искушéнiем рóждшая,/ и Всехитрецý Слóву плоть взаимодáвшая,/ Мáти Неискусомýжная Дéво Богорóдице,/ прiя́телище Нестерпи́маго,/ селó Невмести́маго Зижди́теля Твоегó,// Тя величáем.
Припéв: Апóстоли, сошéствiе Утéшителя зря́ще, удивúшася, кáко в вúде óгненных язы́к явúся Дух Святы́й.
Ирмóс: Не тлéнiя искушéнiем рóждшая,/ и Всехитрецý Слóву плоть взаимодáвшая,/ Мáти Неискусомýжная Дéво Богорóдице,/ прiя́телище Нестерпи́маго,/ селó Невмести́маго Зижди́теля Твоегó,// Тя величáем.
Припéв: Апóстоли, сошéствiе Утéшителя зря́ще, удивúшася, кáко в вúде óгненных язы́к явúся Дух Святы́й.
Тропáрь: На паля́щей дрéвле óгненной колесни́це,/ ревни́тель и огнедохновéнный рáдуяся носи́м,/ éже ны́не возсiя́вшее дохновéнiе свы́ше апóстолом явля́ше:// от негóже освяти́вшеся, Трóицу всем сказáша. (Трижды)
Припéв: Апóстоли, сошéствiе Утéшителя зря́ще, удивúшася, кáко в вúде óгненных язы́к явúся Дух Святы́й.
Тропáрь: Закóна естéств кромé, стрáнное слы́шашеся ученикóв:/ еди́ному бо глáсу глася́щу Дýха благодáтiю,/ разли́чне оглашáхуся лю́дiе, племенá и язы́ки божéственная вели́чiя,// Трóицы вéденiю научáюще. (Трижды)
Глас 4
Припéв: Апóстоли, сошéствiе Утéшителя зря́ще, удивúшася, кáко в вúде óгненных язы́к явúся Дух Святы́й.
Ирмо́с: Рáдуйся Цари́це,/ Матеродéвственная слáво:/ вся́ка бо удобообращáтельная благоглагóливая устá/ витíйствовати не мóгут,/ Тебé пéти достóйно:/ низумевáет же ум всяк, Твоé Рождествó разумéти.// Тéмже Тя соглáсно слáвим. (Двáжды)
Припéв: Апóстоли, сошéствiе Утéшителя зря́ще, удивúшася, кáко в вúде óгненных язы́к явúся Дух Святы́й.
Тропáрь: Пéти подобáше естественножи́зненную Отрокови́цу:/ еди́на бо во чрéве скры Слóво,/ тая́щееся недýгующаго человéческаго естествá./ И҆́же в десны́х странáх ны́не седя́й Ѻ́тчих,// послá благодáть Дýха.(Трижды)
Припéв: Апóстоли, сошéствiе Утéшителя зря́ще, удивúшася, кáко в вúде óгненных язы́к явúся Дух Святы́й.
Тропа́рь: Ели́цем дхну боготóчная благодáть,/ светя́щеся, блистáюще,/ изменя́еми стрáнным изменéнiем благолéпнейшим,/ равноси́льствующую несекóмую увéдевше премýдрость,// Трисвéтлое существó слáвим. (Трижды)
Катавáсiя Пятидеся́тницы (глас 7): Не тлéнiя искушéнiем рóждшая,/ и Всехитрецý Слóву плоть взаимодáвшая,/ Мáти Неискусомýжная Дéво Богорóдице,/ прiя́телище Нестерпи́маго,/ селó Невмести́маго Зижди́теля Твоегó,// Тя величáем.
Катавáсiя Пятидеся́тницы (глас 4): Рáдуйся Цари́це,/ Матеродéвственная слáво:/ вся́ка бо удобообращáтельная благоглагóливая устá/ витíйствовати не мóгут,/ Тебé пéти достóйно:/ низумевáет же ум всяк, Твоé Рождествó разумéти.// Тéмже Тя соглáсно слáвим.
Гóсподи, поми́луй. (Трижды)
Слáва Отцý и Сы́ну и Святóму Дýху, и ныне и прúсно и во вéки векóв, амúнь.
Ексапостiлáрiй (светúлен прáздника): Всесвяты́й Ду́ше, исходя́й из Отца́,/ и Сы́ном прише́дый к безкни́жным ученико́м,/ Тебе́ Бо́га позна́вших спаси́ и поми́луй всех. (Дважды)
Слáва Отцý и Сы́ну и Святóму Дýху, и ныне и прúсно и во вéки векóв, амúнь.
Cветúлен другíй Пятдеся́тницы: Свет - Оте́ц, Свет - Сло́во, Свет и Святы́й Дух,/ И́же во язы́цех о́гненных апо́столом посла́ся,/ и Тем весь мир просвеща́ется Тро́ицу почита́ти Святу́ю.
Продолжение здесь