(И далее хор продолжает чередовать стiхи 135 псалма и Аллилуиа)
[Псалом 135 Аллилуиа]Исповéдайтеся Бóгу богóв, я́ко в век ми́лость Егò./ Исповéдайтеся Гóсподеви господéй, я́ко в век ми́лость Егò./ Сотвóршему чудесà вéлiя еди́ному, я́ко в век ми́лость Егò./ Сотвóршему небесà рáзумом, я́ко в век ми́лость Егò./ Утверди́вшему зéмлю на водáх, я́ко в век ми́лость Егò./ Сотвóршему свети́ла вéлiя еди́ному, я́ко в век ми́лость Егò./ Сóлнце во óбласть дне, я́ко в век ми́лость Егò./ Лунý и звéзды во óбласть нóщи, я́ко в век ми́лость Егò./ Порази́вшему Еги́пта с пéрвенцы eгò, я́ко в век ми́лость Егò,/ и извéдшему Iзрáиля от среды̀ их, я́ко в век ми́лость Егò./ Рукóю крéпкою и мы́шцею высóкою, я́ко в век ми́лость Егò./ Раздéльшему Чермнóе мóре в разделéнiя, я́ко в век ми́лость Егò./ И провéдшему Iзрáиля посредè eгò, я́ко в век ми́лость Егò./ И истря́сшему фараóна и си́лу eгò в мóре Чермнóе, я́ко в век ми́лость Егò./ Провéдшему лю́ди Своя́ в пусты́ни, я́ко в век ми́лость Егò./ Порази́вшему царѝ вéлiя, я́ко в век ми́лость Егò,/ и уби́вшему царѝ крéпкiя, я́ко в век ми́лость Егò:/ Сиóна, царя́ Аморрéйска, я́ко в век ми́лость Егò,/ и Óга, царя́ Васáнска, я́ко в век ми́лость Егò./ И дáвшему зéмлю их достоя́нiе, я́ко в век ми́лость Егò./ Достоя́нiе Iзрáилю, рабý Своемý, я́ко в век ми́лость Егò./ Я́ко во смирéнiи нáшем помянý ны Госпóдь, я́ко в век ми́лость Егò./ И избáвил ны есть от врагóв нáших, я́ко в век ми́лость Егò./ Дая́й пи́щу вся́кой плóти, я́ко в век ми́лость Егò.
Исповéдайтеся Бóгу Небéсному, я́ко в век ми́лость Егò.
Аллилýїа (трúжды)
ВЕЛИЧАНИЕ АНТИПАСХИ
Величáем Тя, Живодáвче Хрїстè,/ нас рáди во ад сшéдшаго// и с Собóю вся воскресúвшаго.
(И далее хор продолжает чередовать стiхи Избранного псалма и Величанiе)
ПСАЛОМ ИЗБРАННЫЙ
Госпóдь воцари́ся, в лéпоту облечéся./ Облечéся Госпóдь в си́лу и препоя́сася./ И́бо утвердѝ вселéнную, я́же не подви́жится./ Кто возглагóлет си́лы Госпóдни, слы́шаны сотвори́т вся хвалы̀ Егò?/ Да исповéдятся Гóсподеви ми́лости Егò, и чудесà Егò сыновóм человéческим./ И извéл есѝ ны от тмы и сéни смéртныя./ Я́ко сокрушѝ вратà мéдная, и вереѝ желéзныя сломѝ./ И избáви я́ от растлéнiй их, и ýзы их растерзà./ Я́ко услы́ша убóгiя Госпóдь./ И оковáнныя Своя́ не уничижѝ./ Востà я́ко спя Госпóдь, и поразѝ врагѝ Своя́./ Я́ко óчи Госпóдни на уповáющiя на ми́лость Егò./ Услы́шати воздыхáнiе оковáнных./ Разреши́ти сы́ны умерщвлéнных./ Да воскрéснет Бог, и расточáтся вразѝ Егò, и да бежáт от лицà Егò./ Сей день, егóже сотворѝ Госпóдь, возрáдуемся и возвесели́мся вонь./ Воскресенѝ, Гóсподи Бóже мой, да вознесéтся рукà Твоя́, не забýди убóгих Твои́х до концà.// Гóсподи Бóже мой, в век исповéмся Тебè.
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Величáем Тя, Живодáвче Хрїстè,/ нас рáди во ад сшéдшаго// и с Собóю вся воскресúвшаго.
Гóсподи, поми́луй. (12 раз)
Седáлен прáздника по полiелéе, глас 8: Ви́дя Моя́ рéбра, и я́звы гвоздéй, Фомò,/ что не вéруеши Моемý Воскресéнiю?/ Госпóдь глагóлаше, воскрéс от грóба,/ явля́яся апóстолом неизречéнно./ Близнéц же вéровав, вопiя́ше Создáтелю:// Бог мой есѝ и Госпóдь.
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Ви́дя Моя́ рéбра, и я́звы гвоздéй, Фомò,/ что не вéруеши Моемý Воскресéнiю?/ Госпóдь глагóлаше, воскрéс от грóба,/ явля́яся апóстолом неизречéнно./ Близнéц же вéровав, вопiя́ше Создáтелю:// Бог мой есѝ и Госпóдь.
СТЕПЕННА, ГЛАС 4
1 АНТИФОН
Хор: От ю́ности моея́/ мнóзи бóрют мя стрáсти,/ но Сам мя заступù// и спасù, Спáсе мой. (Двáжды)
Ненави́дящiи Сióна,/ посрами́теся от Гóспода,/ я́ко травà бо огнéм// бýдете изсóхше.(Двáжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Чтец: Вся́кое дыхáнiе да хвáлит Гóспода.(Пс.150:6)
Хор: Всякое дыхáнiе да хвáлит Гóспода.
Чтец: Хвали́те Бóга во святы́х Егò, хвали́те Егò во утвержéнiи си́лы Егò.(Пс.150:1)
Хор: Всякое дыхáнiе да хвáлит Гóспода.
Чтец:Вся́кое дыхáнiе.
Хор: Да хвáлит Гóспода.
ЕВАНГЕЛИЕ
Чтец: От Матфéя Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Мф.зач.116): Во врéмя óно, единiинáдесять ученицы̀ идóша в Галiлéю, в гóру, áможе повелè им Iисýс: И ви́девше Егò, поклони́шася Емý: óви же усумнéшася. И пристýпль Iисýс, речè им, глагóля: дадéся Ми вся́ка власть на небесѝ и на землѝ: Шéдше научи́те вся язы́ки, крестя́ще их во и́мя Отцá, и Сы́на, и Святáго Дýха, учáще их блюстѝ вся, ели́ка заповéдах вам. И се, Аз с вáми есмь во вся дни, до скончáнiя вéка. Ами́нь.
[Cинодальный перевод]В то время одиннадцать учеников пошли в Галилею, на гору, куда повелел им Иисус, и, увидев Его, поклонились Ему, а иные усомнились. И приблизившись Иисус сказал им: дана Мне всякая власть на небе и на земле. Итак идите, научите все народы, крестя их во имя Отца и Сына и Святого Духа, уча их соблюдать всё, что Я повелел вам; и вот, Я с вами во все дни до скончания века. Аминь.(Мф.28:16-20)
Хор: Слáва Тебè, Гóсподи, слáва Тебè.
Воскресéнiе Хрїстóво ви́девше, поклони́мся Святóму Гóсподу Iисýсу, еди́ному безгрéшному, Крестý Твоемý покланя́емся, Хрїстè, и святóе Воскресéнiе Твоè поéм и слáвим: Ты бо есѝ Бог наш, рáзве Тебè инóго не знáем, и҆́мя Твоè именýем. Прiиди́те вси вéрнiи, поклони́мся Святóму Хрїстóву Воскресéнiю: се бо прiи́де Крестóм рáдость всемý мíру. Всегдà благословя́ще Гóспода, поéм Воскресéнiе Егò: распя́тiе бо претерпéв, смéртiю смерть разрушѝ. (3 раза)
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твоих очи́сти беззакóнiе моè. Наипáче омы́й мя от беззакóнiя моегò, и от грехà моегò очи́сти мя. Яко беззакóнiе моè аз знáю и грех мой прéдо мнóю есть выну. Тебè Единому согреши́х, и лукáвая пред Тобóю сотвори́х; яко да оправди́шися во словесéх Твоих и победи́ши, внегдà суди́ти Ти. Се бо в беззакóнiих зачáт есмь, и во гресéх родѝ мя мáти моя. Се бо и҆́стину возлюби́л есѝ, безвéстная и тáйная премýдрости Твоея яви́л ми есѝ. Окропи́ши мя иссóпом и очи́щуся, омы́еши мя, и пáче снéга убелю́ся. Слýху моемý дáси рáдость и весéлiе, возрáдуются кóсти смирéнныя. Отвратѝ лицè Твоè от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обновѝ во утрóбе моéй. Не отвéржи менè от лицà Твоегò, и Дýха Твоегò Святáго не отымѝ от менè. Воздáждь ми рáдость спасéнiя Твоегò, и Дýхом Влады́чним утвердѝ мя. Научý беззакóнныя путéм Твоим, и нечести́вiи к Тебè обратятся. Избáви мя от кровéй, Бóже, Бóже спасéнiя моегò, возрáдуется язык мой прáвде Твоéй. Гóсподи, устнè мои отвéрзеши, и устà моя возвестя́т хвалý Твою́. Яко áще бы восхотéл еси жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажѝ, Гóсподи, благоволéнiем Твои́м Сióна, и да сози́ждутся стéны Iерусали́мскiя. Тогдà благоволи́ши жéртву прáвды, возношéнiе и всесожегáемая; тогдà возложáт на олтáрь Твой тельцы̀.
Катавáсiя Пáсхи: Воскресéнiя день,/ просветúмся, лю́дiе./ Пáсха, Госпóдня Пáсха:/ от смéрти бо к жúзни,/ и от землù к небесù,/ Хрїстóс Бог нас преведè,// побéдную пою́щiя.
ПЕСНЬ 3
Iрмóс: Утвердù менè Хрїстè,/ на недвúжимом кáмени зáповедей Твоúх,/ и просветù мя свéтом лицà Твоегò:// несть бо свят пáче Тебè, Человеколю́бче. (Двáжды)
Катавáсiя Пáсхи: Прiидúте, пúво пiéм нóвое,/ не от кáмене неплóдна чудодéемое,/ но нетлéнiя истóчник/ из грóба одождúвша Хрїстà,// в Нéмже утверждáемся.
Гóсподи, поми́луй. (Трúжды)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Ипакоù Антiпáсхи, глас 6: Я́ко посредè ученикóв Твои́х пришéл есѝ, Спáсе, мир дая́ им:// прiидѝ и к нам и спасѝ нас.
Чтец: Богáтство почéрп/ от сокрóвища некрáдомаго Божéственнаго, Благодéтелю,/ копiéм прободéннаго Твоегò ребрà,// премýдрости и рáзума наполня́ет мир Близнéц. (трúжды)
Хор: Слáва, Гóсподи, Святóму Воскресéнiю Твоемý.
Чтец: Твой всеблажéнный хвáлится язы́к, о Бли́знче!/ Пéрвый бо благочéстно проповéдует/ Жизнодáвца Iисýса, Бóга же и Гóспода,// от осязáнiя испóлнься благодáти.
Хор: Слáва Отцý и Сы́ну и Святóму Дýху.
Чтец: Твой всеблажéнный хвáлится язы́к, о Бли́знче!/ Пéрвый бо благочéстно проповéдует/ Жизнодáвца Iисýса, Бóга же и Гóспода,// от осязáнiя испóлнься благодáти.
Хор: И ны́не и прúсно и во вéки векóв, амúнь.
Чтец: Твой всеблажéнный хвáлится язы́к, о Бли́знче!/ Пéрвый бо благочéстно проповéдует/ Жизнодáвца Iисýса, Бóга же и Гóспода,// от осязáнiя испóлнься благодáти.
Катавáсiя Пáсхи: На Божéственней стрáжи/ богоглагóливый Аввакýм/ да стáнет с нáми, и покáжет/ светонóсна Áнгела,/ я́сно глагóлюща:/ днесь спасéнiе мíру,/ я́ко воскрéсе Хрїстóс,// я́ко всесúлен.
ПЕСНЬ 5
Iрмóс: От нóщи ýтренююще поéм Тя Хрїстè,/ Отцý собезначáльна, и Спáса душ нáших:// мир мíрови подáждь Человеколю́бче. (Двáжды)
Хор: Слáва, Гóсподи, Святóму Воскресéнiю Твоемý.
Чтец: Предстáв другóм скорбя́щим Спас,/ пришéствiем всю отъéмлет скорбь,// и игрáти воздвизáет Свои́м Воскресéнiем. (4 рáза)
Хор: Слáва, Гóсподи, Святóму Воскресéнiю Твоемý.
Чтец: О вои́стинну похваля́емаго Фомы̀ стрáшнаго начинáнiя/ Дéрзостно бо осязà рéбра,// Божéственным огнéм блистáющая. (4 рáза)
Хор: Слáва, Гóсподи, Святóму Воскресéнiю Твоемý.
Чтец: Невéрiе Фоминò, вéры роди́тельное нам показáл есѝ:/ Ты бо вся премýдростiю Твоéю// промышля́еши полéзно, Хрїстè, я́ко Человеколю́бец. (двáжды)
Хор: Слáва Отцý и Сы́ну и Святóму Дýху.
Чтец: Невéрiе Фоминò, вéры роди́тельное нам показáл есѝ:/ Ты бо вся премýдростiю Твоéю// промышля́еши полéзно, Хрїстè, я́ко Человеколю́бец.
Хор: И ны́не и прúсно и во вéки векóв, амúнь.
Чтец: Невéрiе Фоминò, вéры роди́тельное нам показáл есѝ:/ Ты бо вся премýдростiю Твоéю// промышля́еши полéзно, Хрїстè, я́ко Человеколю́бец.
Катавáсiя Пáсхи: У́тренюем ýтреннюю глубокý,/ и вмéсто мúра песнь принесéм Влады́це,/ и Хрїстà ýзрим/ прáвды Сóлнце,// всем жизнь возсiя́юща.
ПЕСНЬ 6
Iрмóс: Прорóка спасл есù от кúта, Человеколю́бче,/ и менè из глубины̀ прегрешéнiй возведù,// молю́ся. (Двáжды)
Хор: Слáва, Гóсподи, Святóму Воскресéнiю Твоемý.
Чтец: Фомы̀ не остáвил есѝ, Влады́ко,/ погружáема глубинóю невéрiя,// длáни простéр на испытáнiе. (4 рáза)
Хор: Слáва, Гóсподи, Святóму Воскресéнiю Твоемý.
Чтец: Спас наш глагóлаше:/ осязáвше Мя ви́дите кóсти плоть нося́ща,// Аз не премени́хся. (4 рáза)
Хор: Слáва, Гóсподи, Святóму Воскресéнiю Твоемý.
Чтец: Рéбра осязà, и вéровав познà Фомà,// не сый в пéрвом вхóде Твоéм, Спáсе наш. (Двáжды)
Хор: Слáва Отцý и Сы́ну и Святóму Дýху.
Чтец: Рéбра осязà, и вéровав познà Фомà,// не сый в пéрвом вхóде Твоéм, Спáсе наш.
Хор: И ны́не и прúсно и во вéки векóв, амúнь.
Чтец: Рéбра осязà, и вéровав познà Фомà,// не сый в пéрвом вхóде Твоéм, Спáсе наш.
Катавáсiя Пáсхи: Снизшéл есù в преиспóдняя землù,/ и сокрушúл есù вереù вéчныя,/ содержáщiя свя́занныя, Хрїстè,/ и триднéвен, я́ко от кúта Ióна,// воскрéсл есù от грóба.
Гóсподи, помилуй. (3 раза)
Слáва Отцý и Сыну и Святóму Дýху, и ныне и прúсно и во вéки векóв, амúнь.
Кондáк Антiпáсхи, глас 8: Любопы́тною деснúцею/ жизноподáтельная Твоя́ рéбра Фомà испытà, Хрїстè Бóже,/ созаключéнным бо двéрем я́ко вшел есù,/ с прóчими апóстолы вопiя́ше Тебè:// Госпóдь есù и Бог мой.
Íкос: Кто сохранѝ ученичу длань тогдà неопали́му,/ егдà ко óгненным рéбром приступѝ Госпóдним?/ Кто дадè ей дéрзость, и возмóже осязáти/ плáменную кость, вся́ко неосяжи́мую?/ А́ще бо не бы ребрò си́лу пóдало брéнней десни́це,/ кáко можáше осязáти,/ страдáньми поколебáвшая я́же вы́ше, и я́же ни́зу?/ Сiя́ благодáть Фомè дадéся, éже сiя́ осязáти,// Хрїстóви же вопи́ти: Госпóдь есѝ и Бог мой.
ПЕСНЬ 7
Iрмóс: Óбразу служúти мусiкíйскому соглáсiю созывáющу лю́ди,/ от пéсней Сióнских пою́ще отéчески óтроцы Давíдовы,/ мучúтелево разорúша злочестúвое велéнiе,/ и плáмень в рóсу преложúша, песнь воспевáюще:// превозносúмый отцéв и наш Бóже, благословéн есù. (Двáжды)
Хор: Слáва, Гóсподи, Святóму Воскресéнiю Твоемý.
Чтец: Я́ко пéрвый есть дней и госпóдственный светонóсный сiй,/ вóньже рáдоватися достóйно нóвым и божéственным лю́дем с трéпетом:/ принóсит бо и вéка óбраз,/ я́ко осми́ца совершáя бýдущаго,// превозноси́мый отцéв и наш Бóже, благословéн есѝ. (трúжды)
Хор: Слáва, Гóсподи, Святóму Воскресéнiю Твоемý.
Чтец: Еди́н дерзнýвый, невéрною же вéрою/ облагодéтельствовавый нас Фомà Близнéц,/ реши́т ýбо мрáчное невéденiе всех концéв, вéрным невéрствiем,/ себè же венéц плетéт я́ве глагóля.// Ты есѝ Госпóдь превозноси́мый, отцéв и наш Бóже, благословéн есѝ. (трúжды)
Хор: Слáва, Гóсподи, Святóму Воскресéнiю Твоемý.
Чтец: Не всýе усумнéвся Фомà о востáнiи Твоéм, не низложи́ся:/ но несумнéтельное тщáшеся показáти сiè, Хрїстè, всем язы́ком./ Отонýдуже невéрiем увéрив, всех научѝ глагóлати:// Ты есѝ Госпóдь превозноси́мый, отцéв и наш Бóже, благословéн есѝ. (трúжды)
Хор: Слáва, Гóсподи, Святóму Воскресéнiю Твоемý.
Чтец: Со стрáхом рýку Фомà в рéбра Твоя́ живонóсная, Хрїстè, вложи́в,/ трéпетен ощутѝ дéйство, Спáсе, сугýбое/ двемà естествóма в Тебè соединя́емыма неслiя́нно,/ и вéрою взывáше, глагóля:// Ты есѝ Госпóдь превозноси́мый, отцéв и наш Бóже, благословéн есѝ.
Хор: Слáва Отцý и Сы́ну и Святóму Дýху.
Чтец: Со стрáхом рýку Фомà в рéбра Твоя́ живонóсная, Хрїстè, вложи́в,/ трéпетен ощутѝ дéйство, Спáсе, сугýбое/ двемà естествóма в Тебè соединя́емыма неслiя́нно,/ и вéрою взывáше, глагóля:// Ты есѝ Госпóдь превозноси́мый, отцéв и наш Бóже, благословéн есѝ.
Хор: И ны́не и прúсно и во вéки векóв, амúнь.
Чтец: Со стрáхом рýку Фомà в рéбра Твоя́ живонóсная, Хрїстè, вложи́в,/ трéпетен ощутѝ дéйство, Спáсе, сугýбое/ двемà естествóма в Тебè соединя́емыма неслiя́нно,/ и вéрою взывáше, глагóля:// Ты есѝ Госпóдь превозноси́мый, отцéв и наш Бóже, благословéн есѝ.
Катавáсiя Пáсхи: Óтроки от пéщи избáвивый,/ быв Человéк,/ стрáждет я́ко смéртен,/ и стрáстiю смéртное,/ в нетлéнiя облачúт благолéпiе,/ Едúн благословéн// отцéв Бог, и препрослáвлен.
ПЕСНЬ 8
Iрмóс: В плáмени óгненне горя́щiя пéщи сохрáншаго дéти,/ и во зрáце Áнгела снизшéдшаго к ним,// пóйте Гóспода, и превозносúте Егò во вéки. (Двáжды)
Хор: Слáва, Гóсподи, Святóму Воскресéнiю Твоемý.
Чтец: Возжелéвый Твоè рáдостное видéнiе,/ прéжде не вéроваше Фомà:/ сподóблься же тогò, Бóга и Гóспода Тя нарицáше, Влады́ко,// Егóже превозно́сим во вся вéки. (4 рáза)
Хор: Слáва, Гóсподи, Святóму Воскресéнiю Твоемý.
Чтец: Претерпéвшаго Фоминò невéрiе, и показáвшаго рéбра,/ и тогò длáнiю осязáнна бы́вша,/ пóйте Гóспода, и превозноси́те Егò во вся вéки. (4 рáза)
Хор: Слáва, Гóсподи, Святóму Воскресéнiю Твоемý.
Чтец: Твоè неудóбное сокрóвище, утаéное нам отвéрзе Фомà:/ богослóвив бо язы́ком богонóсным,/ пóйте Гóспода, глагóлаше,// и превозноси́те Егò во вся вéки.
Хор: Слáва Отцý и Сы́ну и Святóму Дýху.
Чтец: Твоè неудóбное сокрóвище, утаéное нам отвéрзе Фомà:/ богослóвив бо язы́ком богонóсным,/ пóйте Гóспода, глагóлаше,// и превозноси́те Егò во вся вéки.
Хор: И ны́не и прúсно и во вéки векóв, амúнь.
Чтец: Твоè неудóбное сокрóвище, утаéное нам отвéрзе Фомà:/ богослóвив бо язы́ком богонóсным,/ пóйте Гóспода, глагóлаше,// и превозноси́те Егò во вся вéки.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя Пáсхи: Сей наречéнный и святы́й день,/ Едúн суббóт Царь и Госпóдь,/ прáздников прáздник/ и торжествò есть торжéств,// вóньже благословúм Хрїстà во вéки.
ПЕСНЬ 9
Iрмóс: Тебè свéтлую свещý, и Мáтерь Бóжiю,/ пречýдную слáву, и вы́шшую всех твáрей,// пéсньми величáем. (Двáжды)
Хор: Слáва, Гóсподи, Святóму Воскресéнiю Твоемý.
Чтец: Твой свéтлый день и пресвéтлый, Хрїстè, всесвéтлую благодáть,/ вóньже крáсный добрóтою ученикóм Твои́м предстáл есѝ,// в пéснех величáем. (4 рáза)
Хор: Слáва, Гóсподи, Святóму Воскресéнiю Твоемý.
Чтец: Тебè, брéнною длáнiю осязáема в рéбра,/ и не опали́вша сiю́, огнéм невещéственнаго Божéственнаго существà,// в пéснех величáем. (4 рáза)
Хор: Слáва, Гóсподи, Святóму Воскресéнiю Твоемý.
Чтец: Тя, я́ко Бóга, из грóба воскрéсша Хрїстà,/ не очи́ма ви́девше, но сердéчною любóвiю вéровавше,// пéсньми величáем.
Хор: Слáва Отцý и Сы́ну и Святóму Дýху.
Чтец: Тя, я́ко Бóга, из грóба воскрéсша Хрїстà,/ не очи́ма ви́девше, но сердéчною любóвiю вéровавше,// пéсньми величáем.
Хор: И ны́не и прúсно и во вéки векóв, амúнь.
Чтец: Тя, я́ко Бóга, из грóба воскрéсша Хрїстà,/ не очи́ма ви́девше, но сердéчною любóвiю вéровавше,// пéсньми величáем.
Катавáсiя Пáсхи: Светúся, светúся,/ нóвый Iерусалúме:/ слáва бо Госпóдня/ на тебè возсiя́./ Ликýй ны́не/ и веселúся, Сióне./ Ты же, Чúстая, красýйся, Богорóдице,// о востáнiи Рождествà Твоегò.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Свят Госпóдь Бог наш.
Хор: Свят Госпóдь Бог наш
Я́ко Свят Госпóдь Бог наш.
Хор: Свят Госпóдь Бог наш
Над всéми людьмѝ Бог наш.
Хор: Свят Госпóдь Бог наш
Светúльны Трióди, глас 1: Мои́х удóв рукóю твоéю испытáвый я́звы,/ не невéруй Ми, Фомò,/ уя́звленному тебè рáди:/ со ученикѝ единомýдрствуй,// и живýщаго проповéдуй Бóга. (Двáжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Днесь веснà благоухáет,/ и нóвая тварь ликýет./ Днесь взимáются ключѝ дверéй,/ и невéрiя Фомы̀ дрýга вопiю́ща:// Госпóдь и Бог мой.
ХВАЛИТНЫ
Хор, глас 1: Вся́кое дыхáнiе да хвáлит Гóспода./ Хвали́те Гóспода с небéс,/ хвали́те Егò в вы́шних.// Тебè подобáет песнь Бóгу.
[В приходской практике пропускается до стихир]Хвали́те Егò, сóлнце и лунà, хвали́те Егò, вся звéзды и свет. Хвали́те Егò Небесà небéс и водà, я́же превы́ше небéс. Да восхвáлят и҆́мя Госпóдне: я́ко Той речè, и бы́ша, Той повелè, и создáшася. Постáви я́ в век и в век вéка, повелéнiе положѝ, и не ми́мо и҆́дет. Хвали́те Гóспода от землѝ, змíеве и вся бéздны: огнь, град, снег, гóлоть, дух бýрен, творя́щая слóво Егò, гóры и вси хóлми, древà плодонóсна и вси кéдри, звéрiе и вси скóти, гáди и пти́цы пернáты. Цáрiе зéмстiи и вси лю́дiе, кня́зи и вси судiѝ зéмстiи, ю́ноши и дéвы, стáрцы с ю́нотами да восхвáлят и҆́мя Госпóдне, я́ко вознесéся и҆́мя Тогò Еди́наго, исповéданiе Егò на землѝ и на небесѝ. И вознесéт рог людéй Свои́х, песнь всем преподóбным Егò, сыновóм Iзрáилевым, лю́дем, приближáющымся Емý.
[В приходской практике пропускается до стихир]Воспóйте Гóсподеви песнь нóву, хвалéнiе Егò в цéркви преподóбных. Да возвеселится Iзрáиль о сотвóршем Егò, и сы́нове Сióни возрáдуются о Царè своéм. Да восхвáлят и҆́мя Егò в ли́це, в тимпáне и псалти́ри да поют Емý. Яко благоволи́т Госпóдь в людех Свои́х, и вознесéт крóткiя во спасéнiе. Восхвáлятся преподóбнiи во слáве и возрáдуются на лóжах свои́х. Возношéнiя Бóжiя в гортáни их, и мечѝ обою́ду острѝ в рукáх их: сотвори́ти отмщéнiе во языцех, обличéнiя в лю́дех, связáти царѝ их пýты, и слáвныя их ручными окóвы желéзными,
[Пропускается до стихир]Сотвори́ти в них суд напи́сан: слáва сiя бýдет всем преподóбным Егò. Хвали́те Бóга во святы́х Егò, хвали́те Егò в утвержéнiи си́лы Егò.
На 6: Хвалúте Егò на сúлах Егò, хвалúте Егò по мнóжеству велúчествiя Егò.
Чтец, стiхúры Трióди, глас 1: По éже из грóба Твоéм стрáшном, Жизнодáвче, востáнiи,/ я́коже печáтей не разруши́л есѝ, Хрїстè, грóбных,/ тáко заключéнным двéрем вшел есѝ к преслáвным апóстолом Твои́м,/ радостотворя́ их, и Прáвый Твой Дух подая́ им,// за безмéрную Твою́ ми́лость.
Хвалúте Егò во глáсе трýбнем, хвалúте Егò во псалтúри и гýслех.
Стiхúра: По éже из грóба Твоéм стрáшном, Жизнодáвче, востáнiи,/ я́коже печáтей не разруши́л есѝ, Хрїстè, грóбных,/ тáко заключéнным двéрем вшел есѝ к преслáвным апóстолом Твои́м,/ радостотворя́ их, и Прáвый Твой Дух подая́ им,// за безмéрную Твою́ ми́лость.
На 4. Хвалúте Егò в тимпáне и лúце, хвалúте Егò во стрýнах и оргáне.
Стiхúра: Фомà и́же и Близнéц не бе пришéл,/ егдà Ты ученикóм яви́лся есѝ, Гóсподи./ Тéмже не вéрова Твоемý Воскресéнiю,/ и ви́девшим Тя вопiя́ше:/ а́ще не вложý пéрста в рéбра Егò и гвоздéй я́звы,// не вéрую, я́ко востáл есть.
Хвалúте Егò в кимвáлех доброглáсных, хвалúте Егò в кимвáлех восклицáнiя. Всякое дыхáнiе да хвáлит Гóспода.
Стiхúра: Я́коже хóщеши, осяжѝ, Хрїстóс Фомè вопiя́ше:/ вложѝ рýку, и познáй Мя кóсти имýща и земнóе тéло,/ и не бýди невéрен, рáвно же со инéми увéрися./ Он же возопѝ:/ Бог мой и Госпóдь Ты есѝ,// слáва востáнiю Твоемý.
Слáва Отцý и Сы́ну и Святóму Дýху.
Глас 6: По днех осми́х востáнiя Твоегò, Iисýсе Царю́,/ единорóдный Слóве Óтчiй/ яви́лся есѝ ученикóм Твои́м, заключéнным двéрем,/ мир Твой подая́,/ и невéрующему ученикý знáменiя показáл есѝ:/ прiидѝ и осяжѝ рýце и нóзе, и нетлéнная Моя́ рéбра./ Он же вéровав, вопiя́ше Тебè:// Госпóдь мой и Бог мой, слáва Тебè.
И ны́не и прúсно и во вéки векóв. Амúнь.
Глас 2: Преблагословéнна есѝ, Богорóдице Дéво,/ Воплóщшим бо ся из Тебè ад плени́ся,/ Адáм воззвáся,/ кля́тва потреби́ся,/ Éва свободи́ся,/ смерть умертви́ся, и мы ожи́хом./ Тем воспевáюще вопiéм:/ благословéн Хрїстóс Бог,// благоволи́вый тáко, слáва Тебè.
Вóзглас: Слáва Тебè, показáвшему нам свет.
Славословие великое
Хор: Слáва в вы́шних Бóгу, и на землѝ мир, в человéцех благоволéнiе. Хвáлим Тя, благослови́м Тя, клáняем Ти ся, славослóвим Тя, благодари́м Тя вели́кiя рáди слáвы Твоея́. Гóсподи, Царю́ Небéсный, Бóже, Ѻ́тче Вседержи́телю, Гóсподи Сы́не Единорóдный, Iисýсе Хрїстè, и Святы́й Дýше. Гóсподи Бóже, Áгнче Бóжiй, Сы́не Ѻтéчь, взéмляй грех мíра, поми́луй нас. Взéмляй грехѝ мíра, прiимѝ молитву нáшу. Седя́й одеснýю Ѻтцà, поми́луй нас. Яко Ты есѝ Един Свят; Ты есѝ Един Госпóдь, Iисýс Хрїстóс, в слáву Бóга Отцà, ами́нь.
На всяк день благословлю́ Тя и восхвалю́ и҆́мя Твоè во вéки, и в век вéка.
Сподóби, Гóсподи, в день сей без грехà сохрани́тися нам. Благословéн есѝ, Гóсподи Бóже отéц нáших, и хвáльно и прослáвлено и҆́мя Твоè во вéки, ами́нь.
Бýди, Гóсподи, милость Твоя на нас, я́коже уповáхом на Тя.
Гóсподи, прибéжище был есѝ нам в род и род. Аз рех: Гóсподи, поми́луй мя, исцелѝ дýшу мою́, я́ко согреши́х Тебè. Гóсподи, к Тебè прибегóх, научѝ мя твори́ти вóлю Твою́, яко Ты есѝ Бог мой, яко у Тебè истóчник животà, во свéте Твоéм ýзрим свет. Пробáви ми́лость Твою́ вéдущим Тя.
Тропáрь Трióди, глас 7: Запечáтану грóбу,/ Живóт от грóба возсiя́л есù, Хрїстè Бóже,/ и двéрем заключéнным,/ ученикóм предстáл есù,/ всех Воскресéнiе,/ дух прáвый тéми обновля́я нам,// по велúцей Твоéй мúлости.
Гóсподи поми́луй (40 раз)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи поми́луй (12 раз)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Утвердѝ, Бóже, святýю правослáвную вéру, правослáвных хрїстiáн во век вéка.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.
Гóсподи, поми́луй. (3 рáза)
Гóсподи, благословѝ.
ОТПУСТ
Воскресы́й из мéртвых, Хрїстè, и҆́стинный Бог наш, моли́твами пречи́стыя Своея́ Мáтере, святáго слáвнаго апóстола Фомы̀ и всех святы́х, поми́лует и спасéт нас, я́ко Благ и Человеколю́бец.
МНОГОЛЕТИЕ
Слáва Отцý и Сы́ну и Святóму Дýху, и ны́не и прúсно и во вéки векóв. Амúнь.
Стiхúра евáнгельская пéрвая, глас 1: На гóру ученикóм идýщим за земнóе вознесéнiе,/ предстà Госпóдь, и поклони́вшеся Емý,/ и дáнныя влáсти вездè научи́вшеся,/ в поднебéсную посылáхуся/ проповéдати éже из мéртвых воскресéнiе,/ и éже на небесà возшéствiе:/ и҆́мже и во вéки спребывáти нелóжный обещáся Хрїстóс Бог,/ и Спас душ нáших.