Неделя четвертая Великаго поста, прп. Иоанна лествичника, глас 4. УТРЕНЯ (окончание) ЧАС ПЕРВЫЙ
14 апрéля 2024 гóда. Недéля четвéртая Велúкaго постà. Преподóбнаго Iоáнна Лéствичника. Глас 4. Воскрéсная прáздничная слýжба для домáшнего (келéйнаго) совершéнiя. Вся слýжба прáздника по Октóиху и Трióди. Слýжба мiрскúм чúном. Послéдованiе ýтрени (окончáнiе). Пéрвый час.
Окончáнiе всенóщного бдéнiя. Начáло здесь ( великая вечéрня), здесь ( ýтреня) здесь ( продолжéнiе ýтрени с канóном)
Глас 8
На 4: Благословéн есù на престóле слáвы Цáрствiя Твоегò,/ препéтый и превозносúмый во вéки.
Чтец: На злáце вы́шняго цáрствiя,/ стáдо óтче воспитáл еси́/ и жезлóм догмáт звéри отгнáв ересéй, воспéл еси́:// отéц нáших Бóже благословéн еси́.
Хор: Благословéн есù на твéрди Небéсней,/ препéтый и превозносúмый во вéки.
Чтец: В гóрнiй вшел еси́ и невéстническiй чертóг Цáрства Хрїстóва,/ одéждею облечéн достóйною звáвшаго,/ в нéмже и возлéгл еси́, вопiя́:// отéц нáших Бóже благословéн еси́.
Слáва Отцý и Сы́ну и Святóму Дýху.
Тропáрь: Невлáжная грехми́, рекà яви́лся еси́ воздержáнiя óтче,/ пóмыслы потопля́я, и сквéрну очищáя, вопiю́щих вéрою:// отéц нáших Бóже благословéн еси́.
И ны́не и прúсно и во вéки векóв, амúнь.
Богорóдичен: Из чрéва Твоегò прóйде воплоти́выйся Дéво, всех Госпóдь:/ тéмже Тя Богорóдицу мýдрствующе правослáвно, Сы́ну Твоемý зовéм:// отéц нáших Бóже благословéн еси́.
Катавáсiя Трióди (глас 4): Не послужúша твáри Богомýдрiи,/ пáче Создáвшаго,/ но, óгненное прещéнiе мýжески попрáвше,/ рáдовахуся, пою́ще:// препéтый отцéв Госпóдь и Бог, благословéн есù.
ПЕСНЬ 8
Iрмóс: Нестерпúмому огню́ соединúвшеся,/ Богочéстiя предстоя́ще, ю́ноши,/ плáменем же невреждéни,/ Божéственную песнь поя́ху:/ благословúте, вся делà Госпóдня, Гóспода// и превозносúте во вся вéки.
Хор: Слáва, Гóсподи, Святóму Воскресéнiю Твоемý.
Чтец: Рýце распростéр на Крестè, язы́ки вся собрáл еси́,/ и еди́ну яви́л еси́, Влады́ко/ Цéрковь воспевáющую Тя, земнýю и небéсную, соглáсно пою́щим:/ благослови́те вся делà Госпóдня, Гóспода,// пóйте и превозноси́те Егò во вéки.
На 12.Хор: Благословúте, вся делà Госпóдня, Гóспода,/ пóйте и превозносúте Егò во вéки.
Чтец: Белообрáзен яви́ся женáм,/ непристýпным свéтом воскресéнiя блистáяйся Áнгел,/ что Живáго во грóбе, вопiя́, и҆́щете я́ко мéртва;/ вои́стинну востà Хрiстóс, Емýже вопiéм:/ вся делà пóйте Гóспода,// и превозноси́те во вся вéки.
Хор: Благословúте, Áнгели Госпóдни, Небесà Госпóдня, Гóспода,/ пóйте и превозносúте Егò во вéки.
Богорóдичен: Ты Еди́на во всех рóдех, Дéво Пречи́стая,/ Мáти яви́лася еси́ Бóжiя:/ Ты Божествà былà еси́ жили́ще, Всенепорóчная,/ не опáльшися огнéм Непристýпнаго Свéта.// Тéмже вси Тя благослови́м, Марíе Богоневéсто.
Глас 4
На 10: Благословúте, вóды вся, я́же превы́ше Небéс, вся сúлы Госпóдни, Гóспода,/ пóйте и превозносúте Егò во вéки.
Чтец: От ребрá Адáмова создáвый Тя,/ от Твоегò дéвства воплоти́ся, И҆́же всех Госпóдь,/ Егóже пою́ще, вопiéм:/ вся делá благослови́те, пóйте Гóспода,// и превозноси́те Егò во вéки.
Хор: Благословúте, сóлнце и мéсяц, звéзды небéсныя, Гóспода,/ пóйте и превозносúте Егò во вéки.
Чтец: В сéни Авраáм узрè, éже в Тебè, Богорóдице, тáинство,/ Сы́на бо Твоегò Безплóтнаго прiя́т, поя́:/ вся делá благослови́те, пóйте Гóспода,// и превозноси́те Егò во вéки.
Глас 5
На 8.Хор: Благословúте, вся птúцы небéсныя, звéрiе и вси скóти, Гóспода,/ пóйте и превозносúте Егò во вéки.
Чтец: От разбóйник пóмыслов мои́х Спáсе,/ растли́х житiè моè согрешéнiй я́звами./ Тéмже Божéственнаго обнажи́хся óбраза,// Тебè человеколюби́ваго Бóга, но ущéдри мя.
Хор: Благословúте, сы́нове человéчестiи, да благословúт Iзрáиль Гóспода,/ пóйте и превозносúте Егò во вéки.
Чтец: Пришéл еси́ на зéмлю от вы́шних Спáсе,/ ущéдрив бiéньми урáненнаго мя всегò прегрешéнiй я́звами Щéдре,// и излiя́л еси́ на мя Хрiстè, ми́лость Твою́.
На 6: Благословúте, свящéнницы Госпóдни, рабù Госпóдни, Гóспода,/ пóйте и превозносúте Егò во вéки.
Чтец: Тéло и дýшу Ты Влады́ко Спáсе,/ избáву дал еси́ за мя, и спасл мя еси́,/ мечéм грехóв уязвлéнаго,// в неисцéльных я́звах, я́ко ми́лостивый.
Благословúте, дýси и дýши прáведных,/ преподóбнiи и смирéннiи сéрдцем, Гóспода,/ пóйте и превозносúте Егò во вéки.
Богорóдичен: Тя пáче умá Богомýжным слóвом/ рóждшую Гóспода и дéвствующую,/ вся делá Дéво благослови́м// и превознóсим во вся вéки.
Глас 8
На 4.Хор: Благословúте Анáнiя, Азáрiя, Мiсаúл, Гóспода,/ пóйте и превозносúте Егò во вéки.
Чтец: Столп тя одушевлéнный я́ко вои́стинну,/ и óбраз воздержáнiя óтче стяжáвше,// вси твою́ пáмять почитáем Iоáнне.
Хор: Благословúте, апóстоли, прорóцы и мýченицы Госпóдни, Гóспода,/ пóйте и превозносúте Егò во вéки.
Чтец: Мнóжество рáдуется монáхов,/ и ликýет преподóбных собóр и прáведных:// венéц бо достóйно с ни́ми прiя́л еси́.
Благословúм Отцà, и Сы́на, и Святáго Дýха, Гóспода.
Тропáрь: Укрáшен добродéтельми,/ в невéстник неизречéнныя слáвы сошéл еси́,// песнь воспевáя Хрiстý во вéки.
И ны́не и прúсно и во вéки векóв, амúнь.
Богорóдичен: Пóмощи я́же от Тебè трéбующiя не прéзри Дéво,// пою́щiя и превознося́щiя Тя во вéки.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя (глас 4): Óтроки благочестúвыя в пещù/ Рождествò Богорóдичо спаслò есть;/ тогдà ýбо образýемое,/ ны́не же дéйствуемое,/ вселéнную всю воздвизáет пéти Тебè:/ Гóспода пóйте, делà,// и превозносúте Егò во вся вéки.
Вóзглас: Богорóдицу и Мáтерь Свéта в пéснех возвелúчим.
Хор: Вели́чит душà Моя́ Гóспода,/ и возрáдовася дух Мой о Бóзе Спáсе Моéм.
Припéв: Честнéйшую Херувíм/ и Слáвнейшую без сравнéнiя Серафíм,/ без истлéнiя Бóга Слóва рóждшую,/ сýщую Богорóдицу, Тя величáем. (На кáждый стiх)
Я́ко призрè на смирéнiе рабы̀ Своея́,/ се бо от ны́не ублажáт Мя вси рóди.
Я́ко сотворѝ Мне вели́чiе Си́льный,/ и свя́то И҆́мя Егò, и ми́лость Егò в рóды родóв боя́щимся Егò.
Сотворѝ держáву мы́шцею Своéю,/ расточѝ гóрдыя мы́слiю сéрдца их.
Низложѝ си́льныя со престóл, и вознесè смирéнныя;/ áлчущiя испóлни благ, и богатя́щiяся отпустѝ тщи.
Воспрiя́т Iзрáиля óтрока Своегò, помянýти ми́лости,/ я́коже глагóла ко отцéм нáшим, Авраáму и сéмени егò, дáже до вéка.
ПЕСНЬ 9
Iрмóс: Кáмень нерукосéчный/ от несекóмыя горы̀ Тебè, Дéво,/ краеугóльный отсечéся,/ Хрiстóс, совокупúвый разстоя́щаяся естествà.// Тем веселя́щеся Тя, Богорóдице, величáем.
Хор: Слáва, Гóсподи, Святóму Воскресéнiю Твоемý.
Чтец: Всегó мя воспрiя́л есѝ весь в совокуплéнiи несли́тно,/ всемý ми дая́, Бóже мой, Спасéнiе стрáстiю Твоéю,/ ю́же на Крестè претерпéл есѝ телéсне,// благоутрóбiя рáди мнóгаго.
На 12.Хор: Благословéн Госпóдь, Бог Iзрáилев,/ я́ко посетù и сотворù избавлéнiе лю́дем Своúм.
Чтец: Твоѝ ученицы́ зря́ще отвéрзен гроб Твой,/ и богонóсныя плащани́цы испражнéны воскресéнiем Твои́м,// с áнгелом глагóлаху: вои́стинну востá Госпóдь.
Хор: И воздвúже рог спасéнiя нам/ в домý Давíдове, óтрока Своегò.
Богорóдичен: Еди́нице ýбо Божéственнаго Существá, но Ипостáсьми Трóице,/ вси вéрнiи покланя́ющеся,/ в неслiя́нных Ипостáсех Равноси́льную Единочéстную// ны́не благочтýще величáем.
Глас 4
На 10: Я́коже глагóла усты̀ святы́х, сýщих от вéка прорóк Егò,/ спасéнiе от враг нáших/ и из рукù всех, ненавúдящих нас.
Чтец: Зрим я́ко крiн Тя, ри́зою обагрéною укрáшену, Пречи́стая, Божéственнаго Дýха,/ посредè тéрнiя сiя́ющу, и благоухáнiя исполня́ющу,// и́же Тебè и́скренно величáющих.
Хор: Сотворúти мúлость со отцы̀ нáшими/ и помянýти Завéт Святы́й Свой.
Чтец: Тлéнное прiи́м человéческое естествò из Твоегò, Всенепорóчная, чрéва Нетлéнный,/ в Себè показá нетлéнно, за благоутрóбiе:// тéмже Тя, я́ко Богорóдицу, величáем.
Глас 5
На 8.Хор: Кля́тву, éюже кля́тся ко Авраáму, отцý нáшему,/ дáти нам без стрáха, из рукù враг нáших избáвльшимся.
Чтец: Зáповеди Твоя́ Влады́ко,/ не сохрани́в рáзумом мои́м,/ в стрáсти вшед сластéй,/ обнажи́хся благодáти,/ и я́звами извéржен наг.// Тéмже молю́ Тя, Спáсе, спасѝ мя.
Хор: Служúти Емý преподóбiем и прáвдою/ пред Ним вся дни животà нáшего.
Чтец: Нижè левíт возмóже отмы́ти стрýпы моя́:/ но пришéл есѝ ко мне Блáже сострадáтельно,/ и излiя́л есѝ ми́лость Твои́х щедрóт Спáсе на мя,// я́ко всеизря́дный врач исцеля́я мя.
На 6.Хор: И ты, отрочà, прорóк Вы́шняго наречéшися,/ преды́деши бо пред лицéм Госпóдним, уготóвати путù Егò.
Чтец: Я́ко сый благоутрóбен, ущéдрив спасл еси́ Хрiстè,/ я́звами лю́те от разбóйник Спáсе убiéна мя:/ дýшу же и тéло Своè,// я́ко динаря́ два дал еси́ избавлéнiе.
Дáти рáзум спасéнiя лю́дем Егò/ во оставлéнiе грех их/ милосéрдiя рáди мúлости Бóга нáшего.
Богорóдичен: Пáче умá рождествò Твоé Богомáти,/ без мýжа бо зачáтiе в Тебè,/ и дéвственно рождéнiе бысть:/ и́бо Бог есть рождéйся,// Егóже величáюще, Тя Дéво ублажáем.
Глас 8
На 4: В нúхже посетù нас Востóк с высоты̀,/ явúтися во тьме и сéни смéртней седя́щим.
Чтец: Врач боля́щих в прегрешéниих, от Бóга блажéнне,/ губи́тель же яви́лся есѝ и прогони́тель лукáвых духóв:// тéмже тя ублажáем.
Хор: Напрáвити нóги нáша на путь мúрен.
Чтец: Зéмлю, я́коже тли жили́ще, остáвил есѝ óтче,/ и в землѝ всели́лся есѝ крóтких, и с ни́ми весели́шися,// Божéственныя наслаждáяся слáдости.
Слáва Отцý и Сыну и Святóму Дýху.
Тропáрь: Днесь день прáзднственный,/ вся бо созывáет монáшествующих стадá, в лик духóвный,// на трапéзу и снедь нетлéнныя жи́зни.
И ныне и прúсно и во вéки векóв, амúнь.
Богорóдичен: В Тебè всели́вся Всенепорóчная,/ прéжде родоначáльники злонрáвно прельсти́вшаго человекоубíйцу Низложи́вый,// роди́ся, и вся ны спасè.
Катавáсiя Трióди (глас 4): Всяк земнорóдный/ да взыгрáется, Дýхом просвещáемь,/ да торжествýет же Безплóтных умóв естествò,/ почитáющее свящéнное торжествò Богомáтере,/ и да вопiéт:/ рáдуйся, Всеблажéнная,// Богорóдице, Чúстая Приснодéво.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Свят Госпóдь Бог наш.
Хор: Свят Госпóдь Бог наш
Я́ко Свят Госпóдь Бог наш.
Хор: Свят Госпóдь Бог наш
Над всéми людьмѝ Бог наш.
Хор: Свят Госпóдь Бог наш
Ексапостiлáрiй воскрéсный пéрвый: Со ученикѝ взы́дем на гóру Галiлéйскую,/ вéрою Хрїстà ви́дети/ глагóлюща власть прiя́ти вы́шних и ни́жних, научи́мся:/ кáко учи́т крещáти во и҆́мя Отцà, и Сы́на, и Святáго Дýха, язы́ки вся,// и пребывáти с таи́нники, я́коже обещáся, до скончáнiя вéка.
Слáва Ѻтцý и Сы́ну и Святóму Дýху.
Светúлен Трióди(прп. Iоáнна): Ми́ра благострáстiя, я́коже врéднаго уклони́лся есѝ,/ и безбрáшiем плоть увяди́в,/ обнови́л есѝ душѝ крéпость преподóбне,/ и слáвою обогати́лся есѝ небéсною преслáвне.// Тéмже не престáй моля́ся о нас Iоáнне.
И ны́не и прúсно и во вéки векóв. Амúнь.
Богорóдичен Трióди: Госпóдственно Богорóдицу Тя исповéдуем Влады́чице, Тобóю спасéни:/ и́бо Бóга родилà есѝ неизречéнно, разóршаго Крестóм смерть,/ к Себè же привлéкшаго преподóбных собóры:// с ни́миже Тя восхваля́ем Дéво.
ХВАЛИТНЫ
Хор, глас 4: Вся́кое дыхáнiе да хвáлит Гóспода./ Хвали́те Гóспода с небéс,/ хвали́те Егò в вы́шних.// Тебè подобáет песнь Бóгу.
Хвали́те Егò вси áнгели Егò,/ хвалите Егò вся си́лы Егò.// Тебè подобáет песнь Бóгу.
[В приходской практике пропускается до стихир]Хвали́те Егò, сóлнце и лунà, хвали́те Егò, вся звéзды и свет. Хвали́те Егò Небесà небéс и водà, я́же превы́ше небéс. Да восхвáлят и҆́мя Госпóдне: я́ко Той речè, и бы́ша, Той повелè, и создáшася. Постáви я́ в век и в век вéка, повелéнiе положѝ, и не ми́мо и҆́дет. Хвали́те Гóспода от землѝ, змíеве и вся бéздны: огнь, град, снег, гóлоть, дух бýрен, творя́щая слóво Егò, гóры и вси хóлми, древà плодонóсна и вси кéдри, звéрiе и вси скóти, гáди и пти́цы пернáты. Цáрiе зéмстiи и вси лю́дiе, кня́зи и вси судiѝ зéмстiи, ю́ноши и дéвы, стáрцы с ю́нотами да восхвáлят и҆́мя Госпóдне, я́ко вознесéся и҆́мя Тогò Еди́наго, исповéданiе Егò на землѝ и на небесѝ. И вознесéт рог людéй Свои́х, песнь всем преподóбным Егò, сыновóм Iзрáилевым, лю́дем, приближáющымся Емý.
[В приходской практике пропускается до стихир]Воспóйте Гóсподеви песнь нóву, хвалéнiе Егò в цéркви преподóбных. Да возвеселится Iзрáиль о сотвóршем Егò, и сы́нове Сióни возрáдуются о Царè своéм. Да восхвáлят и҆́мя Егò в ли́це, в тимпáне и псалти́ри да поют Емý. Яко благоволи́т Госпóдь в людех Свои́х, и вознесéт крóткiя во спасéнiе. Восхвáлятся преподóбнiи во слáве и возрáдуются на лóжах свои́х. Возношéнiя Бóжiя в гортáни их, и мечѝ обою́ду острѝ в рукáх их: сотвори́ти отмщéнiе во языцех, обличéнiя в лю́дех, связáти царѝ их пýты, и слáвныя их ручными окóвы желéзными,
На 8.Чтец: Сотворúти в них суд напúсан:/ слáва сiя бýдет всем преподóбным Егò.
Стiхúры воскрéсные, глас 4: Крест претерпéвый и смерть,/ и воскресы́й из мéртвых, Всеси́льне Гóсподи,// слáвим Твоè Воскресéнiе.
Хвалúте Бóга во святых Егò,/ хвалúте Егò в утвержéнiи сúлы Егò.
Стiхúра: Крестóм Твои́м, Хрїстè,/ от дрéвнiя кля́твы свободи́л есѝ нас,/ и смéртiю Твоéю/ естествò нáше мýчащаго дiáвола упраздни́л есѝ:/ востáнiем же Твои́м рáдости вся испóлнил есѝ./ Тéмже вопiéм Ти:// воскресы́й из мéртвых, Гóсподи, слáва Тебè.
На 6: Хвалúте Егò на сúлах Егò, хвалúте Егò по мнóжеству велúчествiя Егò.
Стiхúра: Твои́м Крестóм, Хрїстè Спáсе,/ настáви нас на и́стину Твою́,/ и избáви нас от сéтей врáжiих,/ воскресы́й из мéртвых,/ возстáви ны пáдшыяся грехóм,/ простéр рýку Твою́, Человеколю́бче Гóсподи,// моли́твами святы́х Твои́х.
Хвалúте Егò во глáсе трýбнем, хвалúте Егò во псалтúри и гýслех.
Стiхúра: Отéческих Твои́х недр не разлучи́вся,/ Единорóдный Слóве Бóжiй,/ пришéл есѝ на зéмлю за человеколю́бiе,/ Человéк быв непрелóжен,/ и крест и смерть претерпéл есѝ плóтiю,/ безстрáстный Божествóм:/ воскрéс же из мéртвых,/ безсмéртiе пóдал есѝ рóду человéческому,// я́ко Еди́н Всеси́лен.
На 4. Хвалúте Егò в тимпáне и лúце, хвалúте Егò во стрýнах и оргáне.
И҆́ны стiхúры анатóлiевы: Смерть прiя́л есѝ плóтiю,/ нам безсмéртiе ходáтайствуя, Спáсе,/ и во гроб всели́лся есѝ,/ да нас от áда свободи́ши, воскреси́в с Собóю:/ пострадà ýбо я́ко человéк,/ но воскрéс, я́ко Бог./ Сегò рáди вопiéм:/ слáва Тебè, Жизнодáвче Гóсподи,// Еди́не Человеколю́бче.
Хвалúте Егò в кимвáлех доброглáсных, хвалúте Егò в кимвáлех восклицáнiя. Всякое дыхáнiе да хвáлит Гóспода.
Стiхúра: Кáменiе распадáшеся, Спáсе,/ егдà на лóбнем Крест Твой водрузи́ся,/ устраши́шася áдовы врáтницы,/ егдà во грóбе я́ко мертв положéн был есѝ:/ и́бо смéртную упраздни́вый крéпость,/ умéршым всем нетлéнiе пóдал есѝ воскресéнiем Твои́м, Спáсе,// Жизнодáвче Гóсподи, слáва Тебè.
Воскреснù Гóсподи Бóже мой, да вознесéтся рукà Твоя́,/ не забýди убóгих Твоúх до концà.(Пс.9:33)
Стiхúра: Возжелéша жены̀ ви́дети/ Твоè воскресéнiе, Хрїстè Бóже,/ прiи́де предвáрши Марíя Магдали́на,/ обрéте кáмень отвалéн от грóба,/ и Áнгела седя́ща, и глагóлюща:/ что и́щете живáго с мéртвыми?/ Воскрéсе, я́ко Бог,// да спасéт вся́ческая.
Исповéмся Тебè Гóсподи всем сéрдцем моúм,/ повéм вся чудесà Твоя́.(Пс.9:2)
Стiхúра: Где есть Iисýс, Егóже вмени́сте стрещѝ,/ рцы́те iудéи?/ Где есть, Егóже положи́сте во грóбе, кáмень запечатлéвше?/ Дади́те мéртва, и́же животà отвéргшiися:/ дади́те погребéннаго, илѝ вéруйте воскрéсшему./ Áще и вы умолчитè Госпóдне востáнiе,/ кáменiе возопiéт,/ пáче же отвалéнный от грóба./ Вели́кая Твоя́ ми́лость,/ вéлiе тáинство смотрéнiя Твоегò,// Спáсе наш, слáва Тебè.
Воскреснù Гóсподи Бóже мой, да вознесéтся рукà Твоя́,/ не забýди убóгих Твоúх до концà.(Пс.9:33)
Стiхúра, самоглáсен дне Трióди, глас 1: Прiиди́те дéлаим в тáйном виногрáде,/ плоды̀ покая́нiя в нем творя́ще,/ не в брáшнех и питiи́х труждáющеся,/ но в моли́твах и постéх добродéтели исправля́юще:/ си́ми угождáемый Госпóдь/ дéла, дiнáрь подаéт,/ и́мже дýшы избавля́ет дóлга грехóвнаго,// еди́н Многоми́лостивый.
Слáва Отцý и Сы́ну и Святóму Дýху.
Глас 1: Прiиди́те дéлаим в тáйном виногрáде,/ плоды̀ покая́нiя в нем творя́ще,/ не в брáшнех и питiи́х труждáющеся,/ но в моли́твах и постéх добродéтели исправля́юще:/ си́ми угождáемый Госпóдь/ дéла, дiнáрь подаéт,/ и́мже дýшы избавля́ет дóлга грехóвнаго,// еди́н Многоми́лостивый.
И ны́не и прúсно и во вéки векóв. Амúнь.
Глас 2: Преблагословéнна есѝ, Богорóдице Дéво,/ Воплóщшим бо ся из Тебè ад плени́ся,/ Адáм воззвáся,/ кля́тва потреби́ся,/ Éва свободи́ся,/ смерть умертви́ся, и мы ожи́хом./ Тем воспевáюще вопiéм:/ благословéн Хрїстóс Бог,// благоволи́вый тáко, слáва Тебè.
Вóзглас: Слáва Тебè, показáвшему нам свет.
Славословие великое
Хор: Слáва в вы́шних Бóгу, и на землѝ мир, в человéцех благоволéнiе. Хвáлим Тя, благослови́м Тя, клáняем Ти ся, славослóвим Тя, благодари́м Тя вели́кiя рáди слáвы Твоея́. Гóсподи, Царю́ Небéсный, Бóже, Ѻ́тче Вседержи́телю, Гóсподи Сы́не Единорóдный, Iисýсе Хрїстè, и Святы́й Дýше. Гóсподи Бóже, Áгнче Бóжiй, Сы́не Ѻтéчь, взéмляй грех мíра, поми́луй нас. Взéмляй грехѝ мíра, прiимѝ молитву нáшу. Седя́й одеснýю Ѻтцà, поми́луй нас. Яко Ты есѝ Един Свят; Ты есѝ Един Госпóдь, Iисýс Хрїстóс, в слáву Бóга Отцà, ами́нь.
На всяк день благословлю́ Тя и восхвалю́ и҆́мя Твоè во вéки, и в век вéка.
Сподóби, Гóсподи, в день сей без грехà сохрани́тися нам. Благословéн есѝ, Гóсподи Бóже отéц нáших, и хвáльно и прослáвлено и҆́мя Твоè во вéки, ами́нь.
Бýди, Гóсподи, милость Твоя на нас, я́коже уповáхом на Тя.
Благословéн есѝ, Гóсподи, научѝ мя оправдáнiем Твои́м.
Благословéн есѝ, Влады́ко, вразумѝ мя оправдáнiем Твои́м.
Благословéн есѝ, Святы́й, просветѝ мя оправдáнiи Твои́ми.
Гóсподи, прибéжище был есѝ нам в род и род. Аз рех: Гóсподи, поми́луй мя, исцелѝ дýшу мою́, я́ко согреши́х Тебè. Гóсподи, к Тебè прибегóх, научѝ мя твори́ти вóлю Твою́, яко Ты есѝ Бог мой, яко у Тебè истóчник животà, во свéте Твоéм ýзрим свет. Пробáви ми́лость Твою́ вéдущим Тя.
Хор: Святы́й Бóже, Святы́й Крéпкiй, Святы́й Безсмéртный, помúлуй нас. (3 рáза)
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкiй,/ Святы́й Безсмéртный, помúлуй нас.
Тропáрь воскрéсный, глас 2: Воскрéс из грóба и ýзы растерзáл еси áда,/ разруши́л есѝ осуждéнiе смéрти, Гóсподи,/ вся от сетéй врагà избáвивый;/ яви́вый же Себè апóстолом Твоим,/ послáл еси я на прóповедь,/ и тéми мир Твой пóдал еси вселéнней,// Еди́не Многоми́лостиве.
Гóсподи поми́луй (40 раз)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи поми́луй (12 раз)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Утвердѝ, Бóже, святýю правослáвную вéру, правослáвных хрїстiáн во век вéка.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.
Гóсподи, поми́луй. (3 рáза)
Гóсподи, благословѝ.
Гóсподи, Iисýсе Хрїстè, Сыне Бóжій, моли́твами пречи́стыя Своея́ Мáтере, и всех святы́х, поми́лует и спасéт нас, я́ко Благ и Человеколю́бец.
МНОГОЛЕТИЕ
Слáва Отцý и Сы́ну и Святóму Дýху, и ны́не и прúсно и во вéки векóв. Амúнь.
Стiхúра евáнгельская пéрвая, глас 1: На гóру ученикóм идýщим за земнóе вознесéнiе,/ предстà Госпóдь, и поклони́вшеся Емý,/ и дáнныя влáсти вездè научи́вшеся,/ в поднебéсную посылáхуся/ проповéдати éже из мéртвых воскресéнiе,/ и éже на небесà возшéствiе:/ и҆́мже и во вéки спребывáти нелóжный обещáся Хрїстóс Бог,/ и Спас душ нáших.
ПЕРВЫЙ ЧАС
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 5
Глагóлы моя́ внушѝ, Гóсподи, разумéй звáнiе моè. Вонмѝ глáсу молéнiя моегò, Царю́ мой и Бóже мой, яко к Тебè помолю́ся, Гóсподи. Заýтра услы́ши глас мой, заýтра предстáну Ти, и ýзриши мя. Яко Бог не хотя́й беззакóнiя, Ты есѝ: не присели́тся к Тебè лукáвнуяй, нижè пребýдут беззакóнницы пред очи́ма Твои́ма: возненави́дел еси вся дéлающыя беззакóнiе. Погуби́ши вся глагóлющыя лжу: мýжа кровéй и льсти́ва гнушáется Госпóдь. Аз же мнóжеством ми́лости Твоея́, вни́ду в дом Твой, поклоню́ся ко хрáму святóму Твоемý, в стрáсе Твоéм. Гóсподи, настáви мя прáвдою Твоéю, враг моих рáди испрáви пред Тобóю путь мой. Яко несть во устéх их и҆́стины, сéрдце их сýетно, гроб отвéрст гортáнь их: язы́ки свои́ми льщáху. Судѝ им, Бóже, да отпадýт от мы́слей свои́х, по мнóжеству нечéстiя их изри́ни я́, яко преогорчи́ша Тя, Гóсподи. И да возвеселя́тся вси уповáющiи на Тя, во век возрáдуются, и всели́шися в них, и похвáлятся о Тебè лю́бящiи имя Твоè. Яко Ты благослови́ши прáведника, Гóсподи: яко орýжiем благоволéнiя венчáл есѝ нас.
Псалом 89
Гóсподи, прибéжище был еси нам в род и род. Прéжде дáже горáм не бы́ти и создáтися землѝ и вселéнней, и от вéка и до вéка Ты есѝ. Не отвратѝ человéка во смирéнiе, и рекл есѝ: обрати́теся, сы́нове человéчестiи. Яко ты́сяща лет пред очи́ма Твои́ма, Гóсподи, яко день вчерáшнiй, и҆́же мимои́де, и стрáжа нощнáя. Уничижéнiя их лéта бýдут. Утро яко травà мимои́дет, ýтро процветéт и прéйдет: на вéчер отпадéт ожестéет и и҆́зсхнет. Яко исчéзохом гнéвом Твоим, и я́ростiю Твоéю смути́хомся. Положи́л есѝ беззакóнiя нáша пред Тобóю: век наш в просвещéнiе лицà Твоегò. Яко вси днíе нáши оскудéша, и гнéвом Твоим исчезóхом, лéта нáша яко паучи́на поучáхуся. Днíе лет нáших, в ни́хже сéдмьдесят лет, áще же в си́лах, óсмьдесят лет, и мнóжае их труд и болéзнь: яко прiи́де крóтость на ны, и накáжемся. Кто весть держáву гнéва Твоегò, и от стрáха Твоегò, я́рость Твою исчестѝ? Десни́цу Твою́ тáко скажѝ ми, и оковáнныя сéрдцем в мýдрости. Обрати́ся, Гóсподи, докóле? И умолéн бýди на рабы̀ Твоя́. Испóлнихомся заýтра ми́лости Твоея́, Гóсподи, и возрáдовахомся, и возвесели́хомся, во вся дни нáша возвесели́хомся, за дни в ня́же смири́л ны есѝ, лéта в ня́же ви́дехом злáя. И при́зри на рабы̀ Твоя́, и на делà Твоя́, и настáви сы́ны их. И бýди свéтлость Гóспода Бóга нáшего на нас, и делà рук нáших испрáви на нас, и дéло рук нáших испрáви.
Псалом 100
Ми́лость и суд воспою́ Тебè, Гóсподи. Пою́ и разумéю в путѝ непорóчне, когдà прiи́деши ко мне? Прехождáх в незлóбiи сéрдца моегò посредè дóму моегò. Не предлагáх пред очи́ма мои́ма вещь законопрестýпную: творя́щыя преступлéнiе возненави́дех. Не прильпè мне сéрдце стропти́во, уклоня́ющагося от менè лукáваго не познáх. Оклеветáющаго тай и҆́скренняго своегò, сегò изгоня́х: гóрдым óком, и несы́тым сéрдцем, с сим не ядя́х. Ѻ́чи моѝ на вéрныя землѝ, посаждáти я́ со мнóю: ходя́й по путѝ непорóчну, сей ми служáше. Не живя́ше посредè дóму моегò творя́й горды́ню, глагóляй непрáведная, не исправля́ше пред очи́ма мои́ма. Во ýтрiя избивáх вся грéшныя землѝ, еже потреби́ти от грáда Госпóдня вся дéлающыя беззакóнiе.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, помúлуй. (3 рáза)
Тропáрь воскрéсный, глас 4: Свéтлую Воскресéнiя прóповедь от Áнгела увéдевша Госпóдни учени́цы и прáдеднее осуждéнiе отвéргша, апóстолом хвáлящася глагóлаху: испровéржеся смерть, воскрéсе Хрїстóс Бог, дáруяй мíрови вéлiю ми́лость.
Слáва Отцý и Сы́ну и Святóму Дýху.
Тропáрь Трióди (прп. Iоáнна), глас 1: Пусты́нный жи́тель и в телесѝ áнгел, и чудотвóрец яви́лся есѝ Богонóсе óтче наш Iоáнне: постóм, бдéнiем, моли́твою небéсная даровáнiя прiи́м, исцеля́еши недýжныя, и дýши вéрою притекáющих ти. Слáва Дáвшему ти крéпость: слáва Венчáвшему тя: слáва Дéйствующему тобóю всем исцелéнiя.
И ны́не и прúсно и во вéки векóв. Амúнь.
Богорóдичен 1‑го часá: Что Тя наречéм, о Благодáтная? Нéбо, я́ко возсiя́ла есѝ Сóлнце Прáвды. Рай, я́ко прозяблà есѝ цвет нетлéнiя. Дéву, я́ко пребылà есѝ нетлéнна. Чи́стую Мáтерь, яко имéла есѝ на святы́х Твои́х объя́тiях Сы́на, всех Бóга. Тогò молѝ спасти́ся душáм нáшым.
Стопы̀ моя́ напрáви по словесѝ Твоемý и да не обладáет мнóю вся́кое беззакóнiе. Избáви мя от клеветы̀ человéческiя, и сохраню́ зáповеди Твоя́. Лицè Твоè просветѝ на рабà Твоегò и научѝ мя оправдáнiем Твои́м.
Да испóлнятся устà моя хвалéнiя Твоегò, Гóсподи, я́ко да воспою́ слáву Твою́, весь день великолéпiе Твоè.
Посем Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 рáза)
Слáва Отцý и Сыну и Святóму Дýху, и ныне и при́сно и во вéки векóв, ами́нь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегò рáди.
Гóсподи, поми́луй. (3 рáза)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сыне Бóжїй, поми́луй нас. Ами́нь.
КОНДАК
Кондáк Трióди (прп. Iоáнна), глaс 4: На высотè Госпóдь воздержáнiя и́стинна тя положѝ, я́коже звездý нелéстную, световодя́щую концы̀, настáвниче Iоáнне óтче наш.
Гóсподи, помилуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстè Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýшы нáша освятѝ, телесà очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (3 рáза)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословѝ.
Хрїстè, Свéте И҆́стинный, просвещáяй и освящáяй вся́каго человéка, грядýщаго в мiр, да знáменается на нас свет лицà Твоегò, да в нем ýзрим Свет Непристýпный: и испрáви стопы̀ нáша к дéланiю зáповедей Твои́х, моли́твами Пречи́стыя Твоея́ Мáтере, и всех Твои́х святы́х, ами́нь.
Кондáк, глас 8: Взбрáнной Воевóде победúтельная,/ я́ко избáвльшеся от злых,/ благодáрственная восписýем Ти рабù Твоù, Богорóдице;/ но я́ко имýщая держáву непобедúмую,/ от вся́ких нас бед свободù, да зовéм Ти:// рáдуйся, Невéсто Неневéстная.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 рáза)
Гóсподи, благословᴎ́.
Гóсподи, Iисýсе Хрїстè, Сыне Бóжій, моли́твами Пречи́стыя Своея́ Мáтере, святы́х и прáведных богоотéц Iоакíма и Áнны, и всех святы́х, поми́лует и спасéт нас, яко Благ и Человеколю́бец. Ами́нь.
Хор: Гóсподи, помúлуй. (3 рáза)
И глаголи часы и обéдницу