Неделя 13 по Пятидесятнице. Попразднство Успения Богородицы, глас 4. ВСЕНОЩНОЕ БДЕНИЕ. УТРЕНЯ КАНОН
3 сентября́ 2023 гóда. Недéля 13 по Пятидеся́тнице. Попрáзднство Успéнiя Пресвятóй Богорóдицы. Апóстола от 70-ти Фаддéя. Глас 4. Воскрéсная прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе ýтрени (канóн)
Начало зри здесь ( велúкая вечéрня) и здесь ( ýтреня)
ПОЛИЕЛЕЙ
Хор: Хвали́те И҆́мя Госпóдне, хвали́те, раби́ Гóспода.
Аллилýїа (трúжды)
Благословéн Госпóдь от Сióна, живы́й во Iерусали́ме.
Аллилýїа (трúжды)
Исповéдайтеся Гóсподеви, я́ко Благ, я́ко в век ми́лость Егó.
Аллилýїа (трúжды)
Исповéдайтеся Бóгу Небéсному, я́ко в век ми́лость Егó.
Аллилýїа (трúжды)
ТРОПАРИ ВОСКРЕСНЫЕ, ГЛАС 5
Благословéн есù, Гóсподи,/научù мя оправдáнiем Твоúм. (Пс.118:12)
Áнгельскiй собóр удиви́ся,/ зря Тебè в мéртвых вмени́вшася,/ смéртную же, Спáсе, крéпость разори́вша,/ и с Собóю Адáма воздви́гша,/ и от áда вся свобóждша.
Благословéн есù, Гóсподи,/научù мя оправдáнiем Твоúм.
Почтó ми́ра с ми́лостивными слезáми,/ о учени́цы, растворя́ете?/ Блистáяйся во грóбе Áнгел мvронóсицам вещáше:/ ви́дите вы гроб и уразумéйте,/ Спас бо воскрéсе от грóба.
Благословéн есù, Гóсподи,/научù мя оправдáнiем Твоúм.
Зелó рáно мvронóсицы течáху/ ко грóбу Твоемý рыдáющiя,/ но предстá к ним Áнгел и речè:/ рыдáнiя врéмя престá, не плáчите,/ воскресéнiе же апóстолом рцы́те.
Благословéн есù, Гóсподи,/научù мя оправдáнiем Твоúм.
Мvронóсицы жены́ с ми́ры пришéдшiя/ ко грóбу Твоемý, Спáсе, рыдáху,/ Áнгел же к ним речè, глагóля:/ что с мéртвыми живáго помышля́ете?/ Яко Бог бо, воскрéсе от грóба.
Слáва Ѻтцý и Сы́ну и Святóму Дýху.
Трóичен: Поклони́мся Ѻтцý/ и Егó Сы́нови, и Святóму Дýху,/ Святéй Трóице во еди́ном существè,/ с Серафíмы зовýще:/ Свят, Свят, Свят еси, Гóсподи.
И ны́не и прúсно и во вéки векóв. Амúнь.
Богорóдичен: Жизнодáвца рóждши,/ грехá, Дéво, Адáма избáвила еси,/ рáдость же Éве/ в печáли мéсто подалá еси,/ пáдшiя же от жи́зни/ к сей напрáви/ из Тебè воплоти́выйся Бог и Человéк.
Чтец: Аллилýїа, аллилýїа, аллилýїа, слáва Тебè Бóже. (3 рáза)
Гóсподи, поми́луй. (3 рáза)
Слáва Ѻтцý и Сыну и Святóму Дýху, и ныне и при́сно и во вéки векóв. Аминь.
Ипакоù воскрéсны, глас 4: Я́же Твоегó преслáвнаго востáнiя, предтéкша мvронóсицы,/ апóстолом проповéдаху Хрiстè,/ я́ко воскрéсл еси́ я́ко Бог,// подая́ мíрови вéлiю ми́лость.
СТЕПЕННА, ГЛАС 4
1 АНТИФОН
Хор: От ю́ности моея́/ мнóзи бóрют мя стрáсти,/ но Сам мя заступù// и спасù, Спáсе мой. (Двáжды)
Ненави́дящiи Сióна,/ посрами́теся от Гóспода,/ я́ко травá бо огнéм// бýдете изсóхше. (Двáжды)
Слáва Ѻтцý и Сы́ну и Святóму Дýху.
Святы́м Дýхом/ вся́ка душá живи́тся,/ и чистотóю возвышáется,// светлéется Трóйческим еди́нством, священнотáйне.
И ны́не и прúсно и во вéки векóв. Амúнь.
Святы́м Дýхом/ вся́ка душá живи́тся,/ и чистотóю возвышáется,// светлéется Трóйческим еди́нством, священнотáйне.
2 АНТИФОН
Воззвáх Тебè Гóсподи тéпле,/ из глубины́ душù моея́,/ и мне да бýдут на послушáнiе// Божéственная Твоя́ ушесá. (Двáжды)
На Гóспода надéжду всяк кто стяжáв,// вы́шшiй есть всех скорбя́щих. (Двáжды)
Слáва Ѻтцý и Сы́ну и Святóму Дýху.
Святы́м Дýхом/ тóчатся благодáтныя струи́,/ напая́юща вся́ку тварь// ко оживлéнiю.
И ны́не и прúсно и во вéки векóв. Амúнь.
Святы́м Дýхом/ тóчатся благодáтныя струи́,/ напая́юща вся́ку тварь// ко оживлéнiю.
3 АНТИФОН
Сéрдце моè/ к Тебè, Слóве, да возвы́сится,/ и да ничтóже усладúт мя// от мiрскúх красóт на слáбость. (Двáжды)
К мáтери своéй/ я́коже и҆́мать кто любóвь,/ ко Гóсподу тéпльше// люблéнiем дóлжни есмы́. (Двáжды)
Слáва Ѻтцý и Сы́ну и Святóму Дýху.
Святы́м Дýхом/ боговéденiя богáтство,/ зрéнiя, и премýдрости:// вся бо в сем отéческая велéнiя слóво открывáет.
И ны́не и прúсно и во вéки векóв. Амúнь.
Святы́м Дýхом/ боговéденiя богáтство,/ зрéнiя, и премýдрости:// вся бо в сем отéческая велéнiя слóво открывáет.
ПРОКИМЕН
Чтец: Прокíмен, глас четвéртый. Воскресни́, Гóсподи, помози́ нам и избáви нас и́мене Твоегó рáди. (Пс.43:27)
Хор: Воскреснú, Гóсподи, помозù нам/ и избáви нас úмене Твоегó рáди.
Чтец: Бóже, уши́ма нáшима услы́шахом, и отцы́ нáши возвести́ша нам. (Пс.43:2А)
Хор: Воскреснú, Гóсподи, помозù нам/ и избáви нас úмене Твоегó рáди.
Чтец: Воскресни́, Гóсподи, помози́ нам.
Хор: И избáви нас úмене Твоегó рáди.
Чтец: Гóсподу помóлимся.
Хор: Гóсподи, помúлуй.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Чтец: Вся́кое дыхáнiе да хвáлит Гóспода. (Пс.150:6)
Хор: Всякое дыхáнiе да хвáлит Гóспода.
Чтец: Хвали́те Бóга во святы́х Егó, хвали́те Егó во утвержéнiи си́лы Егó.(Пс.150:1)
Хор: Всякое дыхáнiе да хвáлит Гóспода.
Чтец:Вся́кое дыхáнiе.
Хор: Да хвáлит Гóспода.
ЕВАНГЕЛИЕ
Чтец: От Мáрка Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Мк.зач.70): Во врéмя óно, минýвши суббóте, Марíа Магдали́на и Марíа Iáковля и Саломíа купи́ша аромáты, да пришéдша помáжут Iисýса. И зелó заýтра во еди́ну от суббóт прiидóша на гроб, возсiя́вшу сóлнцу, и глагóлаху к себé: кто отвали́т нам кáмень от двéрiй грóба? И воззрéвша ви́деша, я́ко отвалéн бе кáмень: бе бо вéлiй зелó. И вшéдша во гроб, ви́деша ю́ношу седя́ща в десны́х, одéяна во одéжду белý: и ужасóшася. Он же глагóла им: не ужасáйтеся: Iисýса и҆́щете Назаряни́на распя́таго: востá, несть зде: се, мéсто, и҆дéже положи́ша Егó: но иди́те, рцы́те ученикóм Егó и Петрóви, я́ко варя́ет вы в Галiлéи: тáмо Егó ви́дите, я́коже речé вам. И изшéдша бежáша от грóба: имя́ше же их трéпет и ýжас: и ни комýже ничтóже рéша: боя́хубося.
[Синодальный перевод]В те дни, по прошествии субботы Мария Магдалина и Мария Иаковлева и Саломия купили ароматы, чтобы идти помазать Его. И весьма рано, в первый день недели, приходят ко гробу, при восходе солнца, и говорят между собою: кто отвалит нам камень от двери гроба? И, взглянув, видят, что камень отвален; а он был весьма велик. И, войдя во гроб, увидели юношу, сидящего на правой стороне, облеченного в белую одежду; и ужаснулись. Он же говорит им: не ужасайтесь. Иисуса ищете Назарянина, распятого; Он воскрес, Его нет здесь. Вот место, где Он был положен. Но идите, скажите ученикам Его и Петру, что Он предваряет вас в Галилее; там Его увидите, как Он сказал вам. И, выйдя, побежали от гроба; их объял трепет и ужас, и никому ничего не сказали, потому что боялись.(Мк.16:1-8)
Хор: Слáва Тебè, Гóсподи, слáва Тебè.
Воскресéнiе Хрїстóво ви́девше, поклони́мся Святóму Гóсподу Iисýсу, еди́ному безгрéшному, Крестý Твоемý покланя́емся, Хрїстè, и святóе Воскресéнiе Твоé поéм и слáвим: Ты бо еси́ Бог наш, рáзве Тебè инóго не знáем, и҆́мя Твоè именýем. Прiиди́те вси вéрнiи, поклони́мся Святóму Хрїстóву Воскресéнiю: се бо прiи́де Крестóм рáдость всемý мíру. Всегдá благословя́ще Гóспода, поéм Воскресéнiе Егó: распя́тiе бо претерпéв, смéртiю смерть разруши́.
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твоих очи́сти беззакóнiе моé. Наипáче омы́й мя от беззакóнiя моегó, и от грехá моегó очи́сти мя. Яко беззакóнiе моé аз знáю и грех мой прéдо мнóю есть выну. Тебе Единому согреши́х, и лукáвая пред Тобóю сотвори́х; яко да оправди́шися во словесéх Твоих и победи́ши, внегдá суди́ти Ти. Се бо в беззакóнiих зачáт есмь, и во гресéх роди́ мя мáти моя. Се бо и҆́стину возлюби́л еси́, безвéстная и тáйная премýдрости Твоея яви́л ми еси́. Окропи́ши мя иссóпом и очи́щуся, омы́еши мя, и пáче снéга убелюся. Слýху моемý дáси рáдость и весéлiе, возрáдуются кóсти смирéнныя. Отврати́ лицé Твоé от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обнови́ во утрóбе моéй. Не отвéржи менé от лицá Твоегó, и Дýха Твоегó Святáго не отыми́ от менé. Воздáждь ми рáдость спасéнiя Твоегó, и Дýхом Влады́чним утверди́ мя. Научý беззакóнныя путéм Твоим, и нечести́вiи к Тебé обратятся. Избáви мя от кровéй, Бóже, Бóже спасéнiя моегó, возрáдуется язык мой прáвде Твоéй. Гóсподи, устнé мои отвéрзеши, и устá моя возвестя́т хвалý Твою́. Яко áще бы восхотéл еси жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажи́, Гóсподи, благоволéнiем Твои́м Сióна, и да сози́ждутся стéны Iерусали́мскiя. Тогдá благоволи́ши жéртву прáвды, возношéнiе и всесожегáемая; тогдá возложáт на олтáрь Твой тельцы́.
Слáва Ѻтцý и Сы́ну и Святóму Дýху.
глас 6: Моли́твами апóстолов,/ Ми́лостиве, очи́сти// мнóжество согрешéнiй нáших.
И ны́не и прúсно и во вéки векóв. Амúнь.
Моли́твами Богорóдицы,/ Ми́лостиве, очи́сти// мнóжество согрешéнiй нáших.
Таже, глас 6: Поми́луй мя, Бóже,/ по вели́цей ми́лости Твоéй, / и по мнóжеству щедрóт Твои́х,/ очи́сти беззакóнiе моè. (Пс.50:3)
Стiхúра, глас 6: Воскрéс Iисýс от грóба,/ я́коже проречè,/ дадé нам живóт вéчный// и вéлiю ми́лость.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
КАНОН ВОСКРЕСНЫЙ, ГЛАС 4
(совмещéнный с канóном Богорóдицы (глас 4) и канóнами Успéнiя, глас 4 и ап. Фаддéя, глас 8)
ПЕСНЬ 1
Iрмóс: Мóря чермнýю пучúну/ невлáжными стопáми/ дрéвнiй пешешéствовав Iзрáиль,/ крестообрáзныма Моисéовыма рукáма// Амалúкову сúлу в пусты́ни победúл есть.
Хор (припéв): Слáва, Гóсподи, Святóму Воскресéнiю Твоемý.
Чтец (тропáрь): Вознéслся еси́ на пречи́стем дрéве крéстнем,/ нáше отпадéнiе исправля́я,/ éже на дрéве исцеля́я всегуби́тельство, Влады́ко,// я́ко Благ и Всеси́лен.
Хор: Слáва, Гóсподи, Святóму Воскресéнiю Твоемý.
Чтец: Во грóбе плóтски, во áде же с душéю, я́ко Бог:/ в раи́ же с разбóйником, и на Престóле был еси́, Хрїстé, со Ѻтцéм и Дýхом,// вся исполня́я Неопи́санный.
Хор: Пресвятáя Богорóдице, спасù нас.
Богорóдичен: Без сéмене Ѻ́тчею вóлею/ от Божéственнаго Дýха Бóжiя зачалá еси́ Сы́на,/ и плóтiю родилá еси́:/ И҆́же из Ѻтцá без мáтере,// нас же рáди, из Тебé без отцá.
Канон Богородицы, глас 4
Хор: Пресвятáя Богорóдице, спасù нас.
Чтец: Сотрясóшася лю́дiе, смятóшася язы́цы,/ цáрствiя же держáвная уклони́шася, Чи́стая, от стрáха рождествá Твоегó:/ прiи́де бо Царь мой, и низложи́ мучи́теля,// и мiр от тли избáви.
Хор: Пресвятáя Богорóдице, спасù нас.
Чтец: Жили́ще Своé, живы́й в вы́шних,/ к человéком сошéд, освяти́ Хрїстé, и непоколеби́мо яви́:/ Еди́на бо по рождествé дéвства сокрóвище,// Зижди́теля рóждши пребылá еси́.
Канон Успения, глас 4
Хор: Пресвятáя Богорóдице, спасù нас.
Чтец: Дéвы отрокови́цы, с Марiямíею прорóчицею песнь исхóдную ны́не воскли́кните:/ Дéва бо и еди́на Богомáти ко прiя́тiю Небéсному преставля́ется.(Двáжды)
Хор: Пресвятáя Богорóдице, спасù нас.
Чтец: Достóйно, я́ко одушевлéнное Тя Нéбо, прiя́ша Небéсная, Пречи́стая, Божéственная селéнiя,// и предстá, свéтло укрáшена, я́ко Невéста, Всенепорóчная, Царю́ и Бóгу. (Двáжды)
Канон апостола Фаддея, глас 8
Хор: Святы́й апóстоле Фаддéе, молù Бóга о нас.
Чтец: Престóлу Влады́чню, премýдре Фаддéе, предстоя́,// просвещéнiе ми подáждь светонóсное твоé пéти торжествó.
Хор: Святы́й апóстоле Фаддéе, молù Бóга о нас.
Чтец: Безлéтный Свет в лéто, с нáми, я́влься пресýщный,// я́ко лучý, тя, блажéнне, остáви, мир просвещáюща.
Слáва Ѻтцý и Сы́ну и Святóму Дýху.
Тропáрь: Си́лою опоя́сав тя, в крéпости Непобеди́мый,// льсти́ваго всю крéпость погубити укрепи́л есть.
И ны́не и прúсно и во вéки векóв. Амúнь.
Богорóдичен: Влады́чице, всéми яви́лася еси́ тварьми́ Влады́чествующаго неизречéнно рóждши,// Богорóдице Дéво Препéтая.
Катавáсiя Успéнiя (глас 1): Преукрашéнная Божéственною слáвою,/ свящéнная и слáвная, Дéво, пáмять Твоя́/ вся собрá к весéлiю вéрныя,/ начинáющей Марiáме, с ли́ки и тимпáны,/ Твоемý пою́щiя Единорóдному:// слáвно я́ко прослáвися.
ПЕСНЬ 3
Iрмóс: Веселúтся о Тебè Цéрковь Твоя́, Хрїстè, зовýщи:/ Ты моя́ крéпость, Гóсподи,// и прибéжище, и утверждéнiе.
Хор: Слáва, Гóсподи, Святóму Воскресéнiю Твоемý.
Чтец: Дрéво живóтное, мы́сленный и́стинный виногрáд,// на Крестé ви́сит, всем источáя нетлéнiе.
Хор: Слáва, Гóсподи, Святóму Воскресéнiю Твоемý.
Чтец: Я́ко вели́к, я́ко стрáшен, я́ко áдово низлóжь шатáнiе,// и я́ко Бог нетлéнен, ны́не плóтски воскрéсе.
Хор: Пресвятáя Богорóдице, спасù нас.
Богорóдичен: Ты еди́на сýщим на земли́,/ я́же пáче естествá благи́х Ходáтаица,/ Мáти Бóжiя былá еси́:// тéмже Ти, рáдуйся, принóсим.
Глас 4
Хор: Пресвятáя Богорóдице, спасù нас.
Чтец: Очищáется человéков существó,/ Тобóю присовокýпльшееся нестерпи́мому Божéственному Огню́:/ я́ко сокровéнный, Пречи́стая Дéво, в Тебé Хлеб испéкшееся,// И́же и Тебé невреждéнну сохрáншему.
Хор: Пресвятáя Богорóдице, спасù нас.
Чтец: Кáя сiя́ я́же вои́стинну близ Бóга;/ я́ко превозшéдши вся áнгельскiя чи́ны,/ еди́на добрóтою дéвства,// я́ко Мáти сiя́ющи Вседержи́теля.
Глас 4
Хор: Пресвятáя Богорóдице, спасù нас.
Чтец: От мéртвых чресл произвéдшися, естествóм подóбна, Чи́стая, исхождéнiе разреши́,/ рóждши же сýщую Жизнь,// к Жи́зни престáвися Божéственней и Ипостáсней.(Двáжды)
Хор: Пресвятáя Богорóдице, спасù нас.
Чтец: Лик Богослóвов от конéц, свы́ше же Áнгел мнóжества/ к Сióну идя́ху всеси́льным мановéнiем,// достодóлжно, Влады́чице, Твоемý погребéнiю служáще. (Двáжды)
Глас 8
Хор: Святы́й апóстоле Фаддéе, молù Бóга о нас.
Чтец: Зарéю Божéственныя благодáти просвещáя лю́ди, слáвне,// свет чист яви́лся еси́ сýщим во тьме лю́тых.
Хор: Святы́й апóстоле Фаддéе, молù Бóга о нас.
Чтец: Цельбý и избавлéнiе, богодéтельными, мýдре, мановéнiи,// царю́ принéсл еси́ Áвгарю, к немý пришéд.
Слáва Ѻтцý и Сы́ну и Святóму Дýху.
Тропáрь: Хрáмы содéлал еси́ Вседéтельному, мýдре, Дýху,// земнорóдных пáгубныя разори́в хрáмы.
И ны́не и прúсно и во вéки векóв. Амúнь.
Богорóдичен: Закóна проначертáнiя и прорóчестiи глáси, Влады́чице,// Твоé стрáшное рождествó богоявлéнно сказáша.
Катавáсiя Успéнiя (глас 1): Содéтельная и содержи́тельная всех/ Бóжiя Мýдросте и Си́ло,/ непреклóнну, недви́жиму Цéрковь утверди́, Хрїстé,/ еди́н бо еси́ Свят,// во святы́х почивáяй.
Гóсподи, поми́луй. (Трижды)
Слáва Ѻтцý и Сыну и Святóму Дýху, и ны́не и присно и во вéки векóв, аминь.
Кондáк Успéнiя, глас 2: В моли́твах Неусыпáющую Богорóдицу/ и в предстáтельствах непрелóжное уповáнiе/ гроб и умерщвлéнiе не удержáста:/ я́коже бо Животá Мáтерь/ к животý престáви// во утрóбу Всели́выйся приснодéвственную.
Íкос: Огради́ моя́ помышлéнiя, Хрїстè мой,/ и́бо Стéну мíра воспéти дерзáю, Чи́стую Мáтерь Твою́,/ на столпé глагóл укрепи́ мя и в тя́жких мы́слех заступи́ мя,/ Ты бо взывáющим и прося́щим вéрою молéнiя исполня́еши./ Ты мне ýбо дáруй язы́к принóсен и пóмысл непосты́ден:/ вся́кое бо дая́нiе сiя́нiя от Тебé низпосылáется, Светоподáтелю,// во утрóбу всели́выйся приснодéвственную.
Кондáк Апóстола Фаддéя, глас 4: Я́ко звездý пресвéтлую/ Цéрковь тя стяжá,/ апóстоле Фаддéе,/ чудесы́ твои́ми всегдá просвещáема,// спаси́ вéрою чтýщiя пáмять твою́.
Седáлен ап. Фаддéя, глас 8: Приступи́в к Сóлнцу мы́сленному, от негó зари́ тáйныя прiя́л еси́/ и был еси́, я́ко звездá пресвéтлая,/ озаря́я всея́ земли́ исполнéнiя и разоря́я прéлести мглу, блажéнне./ Тéмже светонóсную твою́ совершáем пáмять,/ вéрно восхваля́юще тя, и соглáсно вопiéм ти:/ Фаддéе апóстоле, моли́ Хрїстá Бóга// грехóв оставлéнiе подáти чтýщим любóвiю святýю пáмять твою́.
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Седáлен Успéнiя, глас 1: Всечестны́й лик премýдрых апóстол, собрáся чýдно/ погребсти́ слáвно тéло Твоé пречи́стое, Богорóдице Всепéтая,/ с ни́миже воспéша и Áнгел мнóжество,// преставлéнiе Твоé чéстно хвáляще, éже вéрою прáзднуем.
ПЕСНЬ 4
Iрмóс: Вознесéна Тя вúдевши Цéрковь на Крестè,/ Сóлнце Прáведное,/ ста в чúне своéм,/ достóйно взывáющи:// слáва сúле Твоéй, Гóсподи.
Хор: Слáва, Гóсподи, Святóму Воскресéнiю Твоемý.
Чтец: Возшéл еси́, стрáсти моя́ исцеля́я, на Крест/ стрáстiю Пречи́стыя плóти Твоея́,/ в ню́же вóлею облéклся еси́./ Тéмже Ти взывáем:// слáва си́ле Твоéй, Гóсподи.
Хор: Слáва, Гóсподи, Святóму Воскресéнiю Твоемý.
Чтец: Безгрéшнаго смерть вкуси́вши,/ Животворя́щаго Тéла Твоегó,/ достóйно, Влады́ко, умертви́ся:/ мы же вопiéм Ти,// слáва си́ле Твоéй, Гóсподи.
Хор: Пресвятáя Богорóдице, спасù нас.
Богорóдичен: Неискусобрáчно родилá еси́, Дéво,/ и по рождествé яви́лася еси́ дéвствующи пáки:/ тéмже немóлчными глáсы,/ éже рáдуйся, Тебé, Влады́чице,// вéрою несумнéнною взывáем.
Глас 4
Хор: Пресвятáя Богорóдице, спасù нас.
Чтец: Поживé с человéки, ви́димь быв Неви́димый,/ во зрáце сый Непостижи́маго Божествá,/ и вообрáжься из Тебé, Отрокови́це, в чуждéе,// вéдущих Тя, Чи́стую Богомáтерь, спасáет.
Хор: Пресвятáя Богорóдице, спасù нас.
Чтец: Прiя́т в вещéственне Дéва Невещéственнаго, в причáстiи веществá,/ Младéнца от Нея́ бы́вша./ Тéмже во дву существý, Еди́н познавáется// плотонóсец Бог, и Человéк Пресýщественный.
Глас 4
Хор: Пресвятáя Богорóдице, спасù нас.
Чтец: Чýдо бя́ше зрéти Нéбо всех Царя́ одушевлéнное,/ испражнéнiя преходя́щее земнáя, я́ко чýдна делá Твоя́!// Слáва си́ле Твоéй, Гóсподи. (Двáжды)
Хор: Пресвятáя Богорóдице, спасù нас.
Чтец: Áще и непости́жный Сея́ Плод, И́мже небесá бы́ша,/ погребéнiе прiя́т вóлею, я́ко мертв;// кáко погребéнiя отвéржется неискусобрáчно Рóждшая?
Хор: Пресвятáя Богорóдице, спасù нас.
Чтец: В преставлéнiи Твоéм, Мáти Бóжiя, прострáннейшее тéло Твоé и богопрiя́тное// áнгельская вóинства свящéнными кри́лы трéпетом и рáдостiю покрывáху.
Глас 8
Хор: Святы́й апóстоле Фаддéе, молù Бóга о нас.
Чтец: Высóк ум имéя,/ прiя́т Божéственныя рáзумы и духóвная даровáнiя, Фаддéе,// ученичé всех Царя́.
Хор: Святы́й апóстоле Фаддéе, молù Бóга о нас.
Чтец: Тáин, пребогáте, Божéственных, во учéнiи, блажéнне, быв,// ненакáзанныя просвети́л еси́, Трóицу чести́ Единосýщную.
Слáва Ѻтцý и Сы́ну и Святóму Дýху.
Тропáрь: Закóн Божéственный начертáл еси́, блажéнне, на сердцáх,// заглáдив пéрвее невéденiя начертáнiе и злочéстiя истукáнныя.
И ны́не и прúсно и во вéки векóв. Амúнь.
Богорóдичен: Я́ко Зижди́теля рóждши,/ всех твáрей яви́лася еси́ Цари́ца.// Сегó рáди Тя слáвим, Богорóдице, еди́на Приснодéво.
Катавáсiя Успéнiя (глас 1): Рéчи прорóков и гадáнiя/ воплощéнiе прояви́ша от Дéвы Твоé, Хрїстè:/ сiя́нiе блистáнiя Твоегó во свет язы́ков изы́дет,/ и возгласи́т Тебé бéздна с весéлiем:// си́ле Твоéй слáва, Человеколю́бче.
ПЕСНЬ 5
Iрмóс: Ты, Гóсподи мой,/ Свет в мiр пришéл есù,/ Свет Святы́й, обращáяй из мрáчна невéденiя// вéрою воспевáющiя Тя.
Хор: Слáва, Гóсподи, Святóму Воскресéнiю Твоемý.
Чтец: Ты, Гóсподи, к земли́ ми́лостивно сошéл еси́:// Ты вознéсл еси́ пáдшее человéческое существó, на дрéве воздвизáемь.
Хор: Слáва, Гóсподи, Святóму Воскресéнiю Твоемý.
Чтец: Ты взял ми еси́, Хрїстè, прегрешéнiй осуждéнiе:// Ты разруши́л еси́ болéзни смéртныя, Щéдре, Божéственным воскресéнiем Твои́м.
Хор: Пресвятáя Богорóдице, спасù нас.
Богорóдичен: Тя орýжiе непобеди́мое на враги́ предлагáем,// Тя утверждéнiе, и надéжду нáшего спасéнiя, Богоневéсто, стяжáхом.
Глас 4
Хор: Пресвятáя Богорóдице, спасù нас.
Чтец: Дом Тя слáвы, Гóру Бóжiю Святýю, Чи́стая,/ Невéсту, Чертóг, Храм освящéнiя,/ Сын Бóжiй, в Тя всели́вся,// и рай слáдости присносýщныя нам содéла.
Хор: Пресвятáя Богорóдице, спасù нас.
Чтец: Плоть от крóве Дéвственныя прiя́л еси́, Хрїстè,/ Безсéменну, Пречи́сту, Ипостáсну,/ и словéсну и ýмну, одушевлéнну,/ дéйственну, хотéтельну,// Самовлады́чну и Самовлáстну.
Глас 4
Хор: Пресвятáя Богорóдице, спасù нас.
Чтец: Да возглася́т трубы́ богослóвов днесь,/ язы́к же многовещáнный человéческiй ны́не да восхвáлит,/ да огласи́т же воздýх, безмéрным сiя́я свéтом,/ Áнгели да пою́т Пречи́стыя Дéвы успéнiе. (Двáжды)
Хор: Пресвятáя Богорóдице, спасù нас.
Чтец: Сосýд подобáше избрáнный, пéнiем Ти весь удивля́емь, Деви́це, исхóден,/ весь освящéн Бóгови, всем богопрiя́тен,// и сей и́стинно явля́емый, Богорóдице Всепéтая. (Двáжды)
Глас 8
Хор: Святы́й апóстоле Фаддéе, молù Бóга о нас.
Чтец: Влады́ки Божéственное нося́, блажéнне, подóбiе,// мéстному кня́зю Áвгарю Божéственный врач пришéл еси́.
Хор: Святы́й апóстоле Фаддéе, молù Бóга о нас.
Чтец: Свящéнный Фомá тя, по Божéственнем Слóва вознесéнiи,// проповéдника посылáет, премýдре Фаддéе, трéбующим.
Слáва Ѻтцý и Сы́ну и Святóму Дýху.
Тропáрь: Недýги отгони́мы и исцеля́ема сердцá зря Áвгарь,// испóлнися Божéственнаго просвещéнiя ходáтайством твои́м.
И ны́не и прúсно и во вéки векóв. Амúнь.
Богорóдичен: Воплощéнно Слóво, сугýбо дéйство нося́ща,/ родилá еси́, Неискусобрáчная Отрокови́це,// пребы́вши Дéва Несквéрная.
Катавáсiя Успéнiя (глас 1): Бóжiю и неизречéнную добрóту/ добродéтелей Твои́х, Хрїстè, исповéм:/ от Присносýщныя бо Слáвы/ Соприсносýщное и Ипостáсное возсiя́вый Сiя́нiе,/ из дéвственныя утрóбы/ сýщим во тьме и сéни воплóщся,// возсiя́л еси́ Сóлнце.
ПЕСНЬ 6
Iрмóс: Пожрý Ти со глáсом хвалéнiя, Гóсподи,/ Цéрковь вопiéт Ти,/ от бесóвскiя крóве очúщшися/ рáди мúлости от ребр Твоúх// истéкшею Крóвiю.
Хор: Слáва, Гóсподи, Святóму Воскресéнiю Твоемý.
Чтец: Возшéл еси́ на Крест, си́лою препоя́сався,/ и соплéтся с мучи́телем, я́ко Бог, с высоты́ свергл еси́,// Адáма же непобеди́мою си́лою воскреси́л еси́.
Хор: Слáва, Гóсподи, Святóму Воскресéнiю Твоемý.
Чтец: Воскрéсл еси́ блистáяйся крáсный из грóба, Хрiстé,/ и разгнáл еси́ вся враги́ Божéственною си́лою Твоéю,// и вся, я́ко Бог, весéлiя испóлнил еси́.
Хор: Пресвятáя Богорóдице, спасù нас.
Богорóдичен: О чýдо всех чудéс новéйшее!/ Я́ко Дéва во утрóбе, вся́ческая обдержáщаго// неискусомýжно зачéнши, не тесновмести́.
Глас 4
Хор: Пресвятáя Богорóдице, спасù нас.
Чтец: Дрéвле ýбо прельсти́ мя змíй, и умори́ мя,/ прамáтерiю моéю Éвою:// ны́не же, Чи́стая, Тобóю создáвый мя из истлéнiя воззвá.
Хор: Пресвятáя Богорóдице, спасù нас.
Чтец: Бéздна Тя бéздну неизречéнно,/ благоутрóбiя Отрокови́це, избрáнную показá чудéс:/ и҆́бо из Тебé мóлнiею Божествá,// би́сер Хрiстóс возсiя́.
Глас 4
Хор: Пресвятáя Богорóдице, спасù нас.
Чтец: Из Тебé Жизнь возсiя́, ключи́ дéвства не руши́вши;/ кáко ýбо пречи́стое и живоначáльное Твоé тéло// искушéнiя смéрти бысть причáстно? (Двáжды)
Хор: Пресвятáя Богорóдице, спасù нас.
Чтец: Жи́зни бы́вши храм, жизнь присносýщную улучи́ла еси́:/ смéртiю бо к животý преминýла еси́,// Я́же Жизнь рóждши воипостáсную. (Двáжды)
Глас 8
Хор: Святы́й апóстоле Фаддéе, молù Бóга о нас.
Чтец: Просвещéнiе Святáго Дýха, всели́вшееся в сéрдце твоé,/ свети́льника мíру тя, Фаддéе, содéла и́стинна,// омрачéнiе лéсти разоря́юща.
Хор: Святы́й апóстоле Фаддéе, молù Бóга о нас.
Чтец: Нося́ плóтiю Хрiстóвы рáны, Фаддéе, спаси́тельныя,/ я́ко украшéнiе вся́кiя некрасоты́, лю́ди избáвил еси́, мýдре,// и к рáдости взя́лся еси́ прекрáсней.
Слáва Ѻтцý и Сы́ну и Святóму Дýху.
Тропáрь: У́треннее нам яви́л еси́ сóлнце прáвды, слáвне, показýя,// и́мже просвети́вшеся, сы́нове свéта мы́сленнаго, земнорóднiи, Фаддéе, бы́хом.
И ны́не и прúсно и во вéки векóв. Амúнь.
Богорóдичен: Нóваго нам Младéнца породила́ еси́, Отцý Единосýщна,// истлéвшее естествó человéческое к пéрвей добрóте, Чи́стая, сié пáки возводя́ща.
Катавáсiя Успéнiя (глас 1): Морскíй пучинорóдный ки́тов внýтреннiй огнь -/ триднéвнаго Твоегó погребéнiя проображéнiе,/ егóже Ióна прорóк показáся./ Спасéн бо, я́ко и предпослáся, невреждéн, вопiя́ше:// пожрý Ти со глáсом хвалéнiя, Гóсподи.
Гóсподи, поми́луй. (Трúжды)
Слáва Ѻтцý и Сыну и Святóму Дýху, и ны́не и присно и во вéки векóв, аминь.
Кондáк воскрéсный, глас 4: Спас и Избáвитель мой/ из грóба, я́ко Бог, воскресѝ от уз земнорóдныя,/ и вратá áдова сокрушѝ,/ и я́ко Влады́ка// воскрéсе триднéвен.
Íкос: Воскрéсшаго из мéртвых Хрiстá Жизнодáвца триднéвна из грóба,/ и вратá смéртная днесь сокру́шшаго си́лою Своéю,/ и áда умертви́вшаго, и жáло смéртное стéршаго,/ и Адáма со Éвою свободи́вшаго,/ воспои́м вси земнорóднiи, вопiю́ще хвалу́ прилéжно:// Той бо я́ко Еди́н Крéпкiй, Бог и Влады́ка, воскрéсе триднéвен.
ПЕСНЬ 7
Iрмóс: В пещù Авраáмстiи óтроцы персúдстей,/ любóвiю благочéстiя пáче,/ нéжели плáменем, опаля́еми, взывáху:// благословéн есù в хрáме слáвы Твоея́, Гóсподи.
Хор: Слáва, Гóсподи, Святóму Воскресéнiю Твоемý.
Чтец: К нетлéнiю человéчество призвáся,/ Божéственною измовéно Крóвiю Хрiстóвою, благодáрно воспевáющее:// благословéн еси́ в хрáме Слáвы Твоея́, Гóсподи.
Хор: Слáва, Гóсподи, Святóму Воскресéнiю Твоемý.
Чтец: Я́ко Живонóсец, я́ко рая́ краснéйшiй/ вои́стинну, и чертóга вся́каго цáрскаго показáся светлéйшiй, Хрiстé, гроб Твой,// истóчник нáшего воскресéнiя.
Хор: Пресвятáя Богорóдице, спасù нас.
Богорóдичен: Вы́шняго освящéнное Божéственное селéнiе, рáдуйся,/ Тобóю бо дадéся рáдость, Богорóдице, зовýщим:// благословéна Ты в женáх еси́, Всенепорóчная Влады́чице.
Глас 4
Хор: Пресвятáя Богорóдице, спасù нас.
Чтец: Привлачи́т мя к пéнiю любóвь дéвственная огнь,/ и҆́же в сéрдцы, вопи́ти Мáтери и Дéве:// Благословéнная, Госпóдь си́лам с Тобóю.
Хор: Пресвятáя Богорóдице, спасù нас.
Чтец: Превы́шши твáри яви́лася еси́,/ я́ко Творцá рóждши и Гóспода./ Тéмже Ти вопiю́, Богорóдице:// Благословéнная, Госпóдь си́лам с Тобóю.
Глас 4
Хор: Пресвятáя Богорóдице, спасù нас.
Чтец: Ю́ноши и дéвы, Дéвыя же и Богомáтере пáмять чтýще,/ стáрцы, и монáси, цáрiе и судiи́, пóйте:// отéц нáших Гóсподи и Бóже, благословéн еси́. (Двáжды)
Хор: Пресвятáя Богорóдице, спасù нас.
Чтец: Да вострýбят трубóю духóвною гóры Небéсныя,/ да рáдуются хóлми, и да игрáют Божéственнiи апóстоли:// Цари́ца к Сы́ну преставля́ется, с Ним цáрствующи.
Хор: Пресвятáя Богорóдице, спасù нас.
Чтец: Всесвящéнное преставлéнiе Божéственныя Твоея́ и Нетлéнныя Мáтере/ премíрныя Вы́шних сил совокупи́ чи́ны,/ весели́тися с сýщими на земли́, Тебé пою́щими:// Бóже, благословéн еси́.
Глас 8
Хор: Святы́й апóстоле Фаддéе, молù Бóга о нас.
Чтец: Чудесá совершáя призывáнiем Хрiстá, я́вльшагося вéщiю тéла,/ привлéкл еси́ лю́ди же и грáды, прехвáльне, во извéстную вéру, зовýщiя:// благословéн Бог отéц нáших.
Хор: Святы́й апóстоле Фаддéе, молù Бóга о нас.
Чтец: Устáвил еси́ гноéнiе безбóжiя слáдких твои́х словéс Божéственною сóлiю/ и исцели́л еси́ сердцá, стрелóю змiи́ною уя́звеная, блажéнне апóстоле,// благословéн еси́, - вопiя́, - Бóже отéц нáших.
Слáва Ѻтцý и Сы́ну и Святóму Дýху.
Тропáрь: Взя́тся к высотé видéнiя, испóлнився, о Фаддéе, Божéственнаго Дýха,/ и спаси́тельным слóвом Божéственне обогати́лся еси́, и лю́ди вопи́ти научи́л еси́:// благословéн Бог отéц нáших.
И ны́не и прúсно и во вéки векóв. Амúнь.
Богорóдичен: Нрáвом мои́м поползнýвся/ и дея́нiи неподóбными обложéн, к Тебé прибегáю:/ помози́ ми, Влады́чице, покая́нiя óбразы подаю́щи смирéнней моéй души́,// да прославля́ю Тя.
Катавáсiя Успéнiя (глас 1): Безстýдней я́рости же и огню́/ Божéственное желáнiе сопротивля́яся,/ огнь ýбо орошáше,/ я́рости же смея́шеся,/ богодохновéнною словéсною преподóбных тривещáнною цевни́цею/ противовещáя мусiкíйским оргáном посреди́ плáмене:// препрослáвленный отцéв и наш Бóже, благословéн еси́.
ПЕСНЬ 8
Iрмóс: Рýце распростéр Данiúл,/ львов зiя́нiя в рóве затчè,/ óгненную же сúлу угасúша,/ добродéтелiю препоя́савшеся,/ благочéстiя рачúтели, óтроцы, взывáюще:// благословúте, вся делá Госпóдня, Гóспода.
Хор: Слáва, Гóсподи, Святóму Воскресéнiю Твоемý.
Чтец: Рýце распростéр на Крестé, язы́ки вся собрáл еси́,/ и еди́ну яви́л еси́, Влады́ко/ Цéрковь воспевáющую Тя, земнýю и небéсную, соглáсно пою́щим:/ благослови́те вся делá Госпóдня, Гóспода,// пóйте и превозноси́те Егó во вéки.
Хор: Слáва, Гóсподи, Святóму Воскресéнiю Твоемý.
Чтец: Белообрáзен яви́ся женáм,/ непристýпным свéтом воскресéнiя блистáяйся Áнгел,/ что Живáго во грóбе, вопiя́, и҆́щете я́ко мéртва;/ вои́стинну востá Хрiстóс, Емýже вопiéм:/ вся делá пóйте Гóспода,// и превозноси́те во вся вéки.
Хор: Пресвятáя Богорóдице, спасù нас.
Богорóдичен: Ты Еди́на во всех рóдех, Дéво Пречи́стая,/ Мáти яви́лася еси́ Бóжiя:/ Ты Божествá былá еси́ жили́ще, Всенепорóчная,/ не опáльшися огнéм Непристýпнаго Свéта.// Тéмже вси Тя благослови́м, Марíе Богоневéсто.
Глас 4
Хор: Пресвятáя Богорóдице, спасù нас.
Чтец: От ребрá Адáмова создáвый Тя,/ от Твоегó дéвства воплоти́ся, И҆́же всех Госпóдь,/ Егóже пою́ще, вопiéм:/ вся делá благослови́те, пóйте Гóспода,// и превозноси́те Егó во вéки.
Хор: Пресвятáя Богорóдице, спасù нас.
Чтец: В сéни Авраáм узрé, éже в Тебé, Богорóдице, тáинство,/ Сы́на бо Твоегó Безплóтнаго прiя́т, поя́:/ вся делá благослови́те, пóйте Гóспода,// и превозноси́те Егó во вéки.
Глас 4
Хор: Пресвятáя Богорóдице, спасù нас.
Чтец: Пáмять Твою́, Чи́стая Дéво,/ Начáла же, и Влáсти, и Си́лы, Áнгели, Архáнгели,/ Престóли, Госпóдьства, Херувíми слáвят и стрáшнiи Серафíми;// человéческий же род - поéм и превознóсим во вся вéки. (Двáжды)
Хор: Пресвятáя Богорóдице, спасù нас.
Чтец: И́же стрáнно всели́выйся, Богорóдице, в чи́стое чрéво Твоé, воплощáемь,/ Сей, всесвящéнный дух Твой прiéм,/ у Себé упокóи, я́ко должни́к Сын.// Тéмже Тя поéм, Дéво, и превознóсим во вся вéки.
Хор: Пресвятáя Богорóдице, спасù нас.
Чтец: О, вы́ше умá чудéс Приснодéвы же и Богомáтере!/ Во гроб бо всéльшися, показá рай./ Емýже предстоя́ще днесь, рáдующеся, поéм:// Гóспода пóйте, делá, и превозноси́те Егó во вся вéки.
Глас 8
Хор: Святы́й апóстоле Фаддéе, молù Бóга о нас.
Чтец: Нéбо яви́лся еси́, слáву повéдая Бóжiю, Фаддéе,/ и язы́ков был еси́ просвещéнiе,/ к вéре Божéственней возводя́ тéпле вопiю́щих:// пóйте Гóспода и превозноси́те Егó во вéки.
Хор: Святы́й апóстоле Фаддéе, молù Бóга о нас.
Чтец: Крéпость немощны́м, и слепы́м прозрéнiе,/ и хромы́м благотечéнiе, блажéнне, подая́ духóвною си́лою,/ грáда Едéсскаго свети́льник был еси́,// при́сно вéрно тя, Фаддéе, хвáлящаго.
Благословúм Отцá, и Сы́на, и Святáго Дýха, Гóспода.
Тропáрь: И́же богáтством чудéс невéрен язы́к в вéру мáнiем Божéственным претвори́вый/ и от íдольскiя лéсти спасы́й к Немý притекáющiй,// вéрою по дóлгу слáвится Фаддéй.
И ны́не и прúсно и во вéки векóв. Амúнь.
Богорóдичен: Закóна сенóвное престá, Влады́чице,/ Тебé рóждшей закóну Дáтеля, благодáтiю просвещáюща вселéнную:// Егóже при́сно моли́, закóном мя побеждáема грехóвным ущéдрити вскóре.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя Успéнiя (глас 1): Плáмень, орошáющ преподóбныя,/ злочести́выя же попаля́ющ,/ Áнгел Бóжiй всемóщный показá отрокóм,/ живоначáльный же истóчник содéла Богорóдицу,/ тлю смéрти и живóт точáщу пою́щим:/ Содéтеля еди́наго пои́м, избáвленнiи,// и превознóсим во вся вéки.
Вóзглас: Богорóдицу и Мáтерь Свéта в пéснех возвелúчим.
Хор: Вели́чит душá Моя́ Гóспода,/ и возрáдовася дух Мой о Бóзе Спáсе Моéм.
Припéв: Честнéйшую Херувíм/ и Слáвнейшую без сравнéнiя Серафíм,/ без истлéнiя Бóга Слóва рóждшую,/ сýщую Богорóдицу, Тя величáем. (На каждый стiх)
продолженiе зри здесь