Жыхары дому на Ўручскай - супраць будаўнікоў і вайскоўцаў

[radio_svaboda]

Жыхары дому па менскай вуліцы Уручскай бароняцца ад будаўнікоў ды вайскоўцаў брыгады спэцназу № 3214, якія хочуць пракласьці празь іх двор скразны праезд да вуліцы Астрашыцкай. Праезд патрэбны для шматкватэрнага дому, які вось-вось здадуць камісіі. А якая камісія разьбярэцца з патрабаваньнямі жыхароў 4-га дому па Ўручскай ды іх прапановамі? Будаўнікі пра іншыя маршруты кажуць, што гэта значна даражэй. Вайскоўцы катэгарычна супраць варыянту з праездам празь іх тэрыторыю. У скрайнім становішчы аказаліся, як звычайна, простыя людзі.