мцц. Вера, Надежда, Любовь и София, дополнение до Всенощной перевод из той же службы, что в минее
НА МАЛЕЙ ВЕЧЕРНИ
На Господи, воззвах поставим стиха 4
и поем стихиры, глас 4.
Подобен: Дал еси знамение:
НА ВЕЛИЦЕЙ ВЕЧЕРНИ
На Го=споди, воззва=х поста=вим стихов 6
стихиры Кресту 3 и святым, глас 1.
Подобен: О, дивное чудо:
Днесь, ве=рнии, ликовству=им,/ во псалме=х и пе=снех Го=сподеви пою=ще,/ чту=ще Того му=чениц и дев:/ Веру, яже Христа на по=прище/ му=жески пропове=да,/ Наде=жду ди=вную,/ си=лою Боже=ственною неве=рныя обличи=вшую,/ и с Любо=вию вси/ псало=мски да возопи=ем:/ Тебе, Женише=, любим,\ и за Тя умерщвля=емся.
Оле чудес Твоих, Христе!/ Яко и жены= на по=прище яви=шася,/ му=кам же себе мужему=дренно/ усе=рдно преда=ша,/ на=фтою и огнем до=бле бра=вшеся,/во главу= усече=нныя/ му=ченическим лико=м причто=шася/ и победныя венцы/ от Тебе прия=ша,\ воздая=ние подвиго=в от рук Твоих улучи=вше.
Твое преставление, Софие, / призва=нная, от Бога восприяла еси,/ жела=ющи оби=телей,/ иде=же твоих о=траслей/ души свеселя=хуся:/ Веры честны=я,/ вкупе и Наде=жды, и Любве=, чад твоих,/ и благода=ть от Бога исцеле=ний/ прияла еси, воспева=емая./ Святы=х бо всех,/ иже суть на земли,/ Господь удиви вои=стинну[1],\ славу возсыла=ем держа=ве Его.
Слава, глас 6:
Возсия= днесь/ честна=я память мудре=йших дев,/ ве=рных веселя=щи/ и к всепразднствестнному торжеству правосла=вных мно=жества приводя=щи./ Приидите убо, празднолю=бцы,/ пе=сньми похвальными/ Христовых страстоте=рпиц воспои=м, глаголюще:/ радуйся, Веро многострада=льная,/ яже сосце=в отсече=ние/ и чле=нов отъя=тие/ му=жески претерпе=вшая/ и мучителя дерзость низложившая,/ радуйся, Наде=ждо всепе=тая,/яже яда нечестиваго ласкательства избе=гшая,/ и себе= жертву благоприя=тну/ Богу приве=дшая;/ радуйся, Любы= всехва=льная,/яже нечести=вых словесы= удиви=вшая/ и му=кам лю=тым себе= преда=вшая,/ любве= ради Изба=вителя твоего./ Ра=дуйтеся, сесте=р тро==ица,/ Пресве=тлыя Троицы побо=рницы/ и правосла=вных догма=т я=сныя пропове=дницы./ Не преста=йте, молимся,/ предста=тельствовати о нас/ вку=пе с Софиею,/ ма=терию богому=дрою,/ еже изба=витися напа=стей/ ве=рою соверша=ющим\ присночестну=ю па=мять вашу.
На литии=
Глас 2: Тро=ице Честне=й де=вы равночи=сленныя,/ Ве=ра, Любы= и Наде=жда,/ боже=ственною распала=емы ре=вностию,/ на по=прище стра=ждуще, глаго=лаху:/ лю=та у=бо, о судие=,/ настоя=щая муче=ния,/ не предпочте=м же вся=ко/ Небе=сным земна=я:/ сего= ра=ди те=ло сецы=,/ураня=й пло=ти на=ша/ и огню= предава=й ны./ Ра=дующеся, оты=дем к Жениху= Христу=./ Его=же моли=те, мо=лимся, пресла=вныя,\ низпосла=ти нам ве=лию ми=лость.
Глас 3: Благоче=стия светом ду=ши осия=вше,/ в же=нстем естестве= и во=зрасте ма=ле/ мы=сленнаго Голиа=фа посрами=сте,/ и=же прама=терь стяжа= сосуд ко греху./ Непрело=жно бо и несме=сно/ от Девы воплоще=нное Слово Отчее,/ я=коже весть Сам,/ Адамову и Евину разреши= кля=тву/ Влады=ка вся=ческих Христо=с,/ Иже венце=м нетле=нным увенча=в досто=йно/ равночи=сленных Тро=ице дев,/Ве=ру, Наде=жду и Любо=вь,/ прекра=сных Софи=иных чад,/ и=миже да=руя миру\ мир и ве=лию ми=лость.
Глас 4: Де=вства добро=тою сия=юще/ и му=ченическою диади=мою удобре=ны,/ сугу=быми венцы= досто=йно от Христа украси=шася/ добропобе=дныя му=ченицы/ Вера, Любы= и Наде=жда,/ честны=я Софи=ины добропло=дная ча=да./ Сих моли=твами, Христе= Бо=же,/ даруй ми=рови мир\ и душа=м на=шим ве=лию ми=лость.
Слава, глас 5:
Приидите, пресла=вную память/ страстоте=рпиц Христовых/ Веры, Надежды и Любве=/ во псалме=х, и пениих,/ и песнех духовных да восхва=лим./ Сия= бо, деви=ческое естество/ ни во что же вмени=вше,/ мучи=телеву суди=щу де=рзостно предста=ша,/ и взе=мше всеору=жие Креста=,/ проти=ву нечести=ваго ополча=хуся,/ и вольныя жертвы Богу/ принесе=ны бы=ша,/ до=бле за веру пострадавше./ Те=мже, и глава=м их усека=емым, взыва=ху:/ да будет, Го=споди, же=ртва душ на=ших/ благоприя=тна пред Тобо=ю,/ яко, Тебе возлюби=вше,/ неради=хом о вре=менней жи=зни./ Моли=твами их, Преблаги=й,/ Христе= Боже наш,/ побе=ды на враги/ христолюби=вому во=инству да=руй\ и душа=м на=шим ве=лию ми=лость.
На стиховне стихиры, глас 4.
Подобен: Свыше зван быв:
Мудрости светом озари=вшеся,/ всехва=льныя му=ченицы, добродетелей троица,/ Софи=ины о=трасли,/ дев же и страстотерпец удобре=ние,/ Троицы побо=рницы в во=зрасте мла=де,/ беззако=нника посрами=сте,/ и со дерзновением посмея=стеся./ Темже мукам преда=стеся лютым,/ о честны=я ю=ницы три,\ глава=м же вашим усе=ченным,\ свыше венцем увязо=стеся.
Стих: Дивен Бог во святых Своих, Бог Израилев.
Христа всем возлюби=вше сердцем,/ и к Тому раче=нием ура=нены, всечестны=я,/ земных наслажде=ние/ яко привре=менное и тле=нное, презре=сте,/ всесла=вныя мученицы,/ Любы=, Наде=ждо, Ве=ро,/ и мудрым поревнова=сте де=вам пяти=,/ ли=ку их сопричто=стеся,/ темже со Ангелы сликовствуете,\ мученическими венцы украше=нны,\ и Христа мо=лите спасти=ся душам нашим.
Стих: Святым, иже суть на земли Его,\ удиви Господи вся хотения Своя в них.
Облече=нныя Христа всеору=жием,/ добропобе=дныя мученицы/Вера, Любы=, Надежда,/ доброде=телей нося=ще имена,/ на поприще, якоже иному страждущу, взыва=ху:/ ни меч, ни нож, ни членов отъя=тие,/ ниже= пла=мене си=ла/ разлучи=ти ны Боже=ственныя любве= отню=д не могут, / е=юже всячески укрепи=хомся./ Темже венцы улучи=ша нетле=нныя,\ от Тебе, Бога нашего,\ подаю=щаго всем верным ве=лию милость.
Слава, глас 6:
Свяще=ннейшее днесь торжество/ совоку=пим, ве=рнии,/ ле=тней па=мяти страстоте=рпиц Христовых,/ Надежды, Веры и Любве=,/ Софи=иных о=траслей./ Червлени=цами бо кровей себе самех украси=вше,/ три= соиме=нныя доброде=телем сестры= / красной доброте Христовой нетленно совокупи=шася/ Ему же и молятся непреста=нно о нас,/ верою и любо=вию\ память их совершающих.
Тропарь, глас 4:
Торжеству=ет Церковь первородных/ и свесели=тся,/ прие=млющи матерь о ча=дех веселя=щуюся,/ яже яко мудрости тезоимени=тая,/ тройственным богосло=вским доброде=телем/ равночи=сленныя породи=./ Ты=я с мудрыми де=вами зрит/ уневе=стившияся Жениху= Богу Слову./ С нею и мы/ духо=вне в па=мяти их свесели=мся, глаго=люще:/ Троицы побо=рницы,/ Ве=ро, Любы= и Наде=ждо,\ в вере, любви и наде=жде утвержда=йте нас.
Ин, глас 1.
Подобен: Каменю запечатану:
Трех сла=вных дев, Софи=иных о=траслей,/ Ве=ру, Наде=жду, Любо=вь/ пе=сньми богодухнове=нными почти=м,/ укре=пльшеся бо си=лою Креста=,/ претерпе=ша муки лю=тыя,/ и, мече=м усече=нныя во главы=,/ му=ченическими венцы= увязо=шася./ Сла=ва Укре=пльшему их,/ сла=ва сих Просла=вльшему,\ сла=ва Де=йствующему ими всем исцеле=ния.
НА УТРЕНИ
По 1-м стихосло=вии седа=лен, глас 1.
Подобен: Гроб Твой, Спасе:
Прилепи=стеся Христу=, прекра=сному Жениху=, ю=ницы честны=я, сла=во дев,/ многоразли=чными муки себе= украси=вше,/ и Безнача=льную ны=не воспева=ете Тро=ицу,/ лампа=до тресве=тлая,/ Ве=ро, Наде=ждо, Любы=, Софиино удобрение.
По 2-м стихосло=вии седа=лен, глас 4.
Подобен: Вознесы=йся на Крест:
Страстоте=рпиц Христовых боже=ственную па=мять соверша=юще, ве=рнии,/ стеце=мся и к ним моле=ние возсле=м:/ моли=теся ко Господу, да изба=вит гее=нны гре=шных нас, претыка=ющихся,/ Ве=ро, Наде=ждо, Любы=, честны=я Софи=ины ве=тви, му=ченик блиста=ние.
По полиеле=и седа=лен, глас 4.
Подобен: Яви=лся еси дне=сь:
Софи=ины ча=да,/ Ве=ро, Наде=ждо, Любы=,/ доброде=телем соиме=нныя светле=йшим вои=стинну,/ Престо=лу Бо=жию предстоя=ще,\ о нас моли=теся, мо=лимся.
Прокимен, глас 4: Дивен Бог во святых Своих,/ Бог Изра=илев. Стих: В це=рквах благослови=те Господа: Ева=нгелие десяти дев: Мф. 25, 1-13.
По 50-м псалме стихира, глас 6:
Днесь верных дружи=ны сошедшеся,/ духовно да торжествуем,/ прии=де бо нам ле=тняя память/ страстоте=рпиц Христовых/ Веры, Надежды и Любве=,/ бога=тныя ми=лости нам принося=щи./ Темже во гла=се ра=дования/ и в чи=стой со=вести/ да возопии=м, глаголюще:/ не оста=вите моли=тися непреста=нно о нас,/ иже верою совершающих\ присночестну=ю па=мять вашу.
Кондак, глас 1:
Софии честны=я свяще=ннейшия ве=тви,/ Вера, Надежда и Любы= показа=вшеся,/ мудрость обуи=ша е=ллинскую благодатию,/ и пострада=вше, и победоно=сицы яви=вшеся,/ венцем нетленным/ от всех Владыки Христа\ увязо=шася.
На Хвалитех стихиры, глас 1.
Подобен: Небесных чинов:
Софи=е, ра=дуйся и играй,/ от тебе= бо процвето=ша,/ яко от па=жити боже=ственныя,/ благоуха=ннейшии кри=ни:/ Вера, Любы= и Надежда,/ Троицы поборницы,/ Сея= бо ради усе=чены во главы=,\ Небе=сным венце=м увязо=шася.
Адриа=новых мук не устраши=вшеся отню=д,/ бога=тство и славу/ ни во что же вмени=вше,/ претерпе=ша истяза=ния вся=ческая/ добропобе=дныя му=ченицы/ Ве=ра, Наде=жда и Любы,\ доброде=телей имена= нося=щия ю=ницы.
Веры, любве=, наде=жды / во броня= обле=кшеся тве=рдо,/ му=дрость от Бога Спаса поче=рпше,/ уста= Адриа=новы загради=ша,/ нечести=ваго и несмы=сленнаго,/ три по пло=ти сестры=:\ Ве=ра, Наде=жда и Любы= всесла=внейшая.
Слава, глас 6:
Прииди=те, согла=сно, ве=рнии,/ благода=рственную песнь/ Благоде=телю всех Бо=гу воздади=м,/ в же=нстем бо естестве=/ Вера, Наде=жда и Любы=,/ добропобе=дных му=чениц тро=ица/ неви=димую держа=ву/ сопроти=вныя си=лы одоле=ша./ Сих моли=твами, Христе,/ подай мир лю=дем Твои=м\ и душа=м на=шим ве=лию ми=лость.
[1] Пс. 15, 3.
На Господи, воззвах поставим стиха 4
и поем стихиры, глас 4.
Подобен: Дал еси знамение:
НА ВЕЛИЦЕЙ ВЕЧЕРНИ
На Го=споди, воззва=х поста=вим стихов 6
стихиры Кресту 3 и святым, глас 1.
Подобен: О, дивное чудо:
Днесь, ве=рнии, ликовству=им,/ во псалме=х и пе=снех Го=сподеви пою=ще,/ чту=ще Того му=чениц и дев:/ Веру, яже Христа на по=прище/ му=жески пропове=да,/ Наде=жду ди=вную,/ си=лою Боже=ственною неве=рныя обличи=вшую,/ и с Любо=вию вси/ псало=мски да возопи=ем:/ Тебе, Женише=, любим,\ и за Тя умерщвля=емся.
Оле чудес Твоих, Христе!/ Яко и жены= на по=прище яви=шася,/ му=кам же себе мужему=дренно/ усе=рдно преда=ша,/ на=фтою и огнем до=бле бра=вшеся,/во главу= усече=нныя/ му=ченическим лико=м причто=шася/ и победныя венцы/ от Тебе прия=ша,\ воздая=ние подвиго=в от рук Твоих улучи=вше.
Твое преставление, Софие, / призва=нная, от Бога восприяла еси,/ жела=ющи оби=телей,/ иде=же твоих о=траслей/ души свеселя=хуся:/ Веры честны=я,/ вкупе и Наде=жды, и Любве=, чад твоих,/ и благода=ть от Бога исцеле=ний/ прияла еси, воспева=емая./ Святы=х бо всех,/ иже суть на земли,/ Господь удиви вои=стинну[1],\ славу возсыла=ем держа=ве Его.
Слава, глас 6:
Возсия= днесь/ честна=я память мудре=йших дев,/ ве=рных веселя=щи/ и к всепразднствестнному торжеству правосла=вных мно=жества приводя=щи./ Приидите убо, празднолю=бцы,/ пе=сньми похвальными/ Христовых страстоте=рпиц воспои=м, глаголюще:/ радуйся, Веро многострада=льная,/ яже сосце=в отсече=ние/ и чле=нов отъя=тие/ му=жески претерпе=вшая/ и мучителя дерзость низложившая,/ радуйся, Наде=ждо всепе=тая,/яже яда нечестиваго ласкательства избе=гшая,/ и себе= жертву благоприя=тну/ Богу приве=дшая;/ радуйся, Любы= всехва=льная,/яже нечести=вых словесы= удиви=вшая/ и му=кам лю=тым себе= преда=вшая,/ любве= ради Изба=вителя твоего./ Ра=дуйтеся, сесте=р тро==ица,/ Пресве=тлыя Троицы побо=рницы/ и правосла=вных догма=т я=сныя пропове=дницы./ Не преста=йте, молимся,/ предста=тельствовати о нас/ вку=пе с Софиею,/ ма=терию богому=дрою,/ еже изба=витися напа=стей/ ве=рою соверша=ющим\ присночестну=ю па=мять вашу.
На литии=
Глас 2: Тро=ице Честне=й де=вы равночи=сленныя,/ Ве=ра, Любы= и Наде=жда,/ боже=ственною распала=емы ре=вностию,/ на по=прище стра=ждуще, глаго=лаху:/ лю=та у=бо, о судие=,/ настоя=щая муче=ния,/ не предпочте=м же вся=ко/ Небе=сным земна=я:/ сего= ра=ди те=ло сецы=,/ураня=й пло=ти на=ша/ и огню= предава=й ны./ Ра=дующеся, оты=дем к Жениху= Христу=./ Его=же моли=те, мо=лимся, пресла=вныя,\ низпосла=ти нам ве=лию ми=лость.
Глас 3: Благоче=стия светом ду=ши осия=вше,/ в же=нстем естестве= и во=зрасте ма=ле/ мы=сленнаго Голиа=фа посрами=сте,/ и=же прама=терь стяжа= сосуд ко греху./ Непрело=жно бо и несме=сно/ от Девы воплоще=нное Слово Отчее,/ я=коже весть Сам,/ Адамову и Евину разреши= кля=тву/ Влады=ка вся=ческих Христо=с,/ Иже венце=м нетле=нным увенча=в досто=йно/ равночи=сленных Тро=ице дев,/Ве=ру, Наде=жду и Любо=вь,/ прекра=сных Софи=иных чад,/ и=миже да=руя миру\ мир и ве=лию ми=лость.
Глас 4: Де=вства добро=тою сия=юще/ и му=ченическою диади=мою удобре=ны,/ сугу=быми венцы= досто=йно от Христа украси=шася/ добропобе=дныя му=ченицы/ Вера, Любы= и Наде=жда,/ честны=я Софи=ины добропло=дная ча=да./ Сих моли=твами, Христе= Бо=же,/ даруй ми=рови мир\ и душа=м на=шим ве=лию ми=лость.
Слава, глас 5:
Приидите, пресла=вную память/ страстоте=рпиц Христовых/ Веры, Надежды и Любве=/ во псалме=х, и пениих,/ и песнех духовных да восхва=лим./ Сия= бо, деви=ческое естество/ ни во что же вмени=вше,/ мучи=телеву суди=щу де=рзостно предста=ша,/ и взе=мше всеору=жие Креста=,/ проти=ву нечести=ваго ополча=хуся,/ и вольныя жертвы Богу/ принесе=ны бы=ша,/ до=бле за веру пострадавше./ Те=мже, и глава=м их усека=емым, взыва=ху:/ да будет, Го=споди, же=ртва душ на=ших/ благоприя=тна пред Тобо=ю,/ яко, Тебе возлюби=вше,/ неради=хом о вре=менней жи=зни./ Моли=твами их, Преблаги=й,/ Христе= Боже наш,/ побе=ды на враги/ христолюби=вому во=инству да=руй\ и душа=м на=шим ве=лию ми=лость.
На стиховне стихиры, глас 4.
Подобен: Свыше зван быв:
Мудрости светом озари=вшеся,/ всехва=льныя му=ченицы, добродетелей троица,/ Софи=ины о=трасли,/ дев же и страстотерпец удобре=ние,/ Троицы побо=рницы в во=зрасте мла=де,/ беззако=нника посрами=сте,/ и со дерзновением посмея=стеся./ Темже мукам преда=стеся лютым,/ о честны=я ю=ницы три,\ глава=м же вашим усе=ченным,\ свыше венцем увязо=стеся.
Стих: Дивен Бог во святых Своих, Бог Израилев.
Христа всем возлюби=вше сердцем,/ и к Тому раче=нием ура=нены, всечестны=я,/ земных наслажде=ние/ яко привре=менное и тле=нное, презре=сте,/ всесла=вныя мученицы,/ Любы=, Наде=ждо, Ве=ро,/ и мудрым поревнова=сте де=вам пяти=,/ ли=ку их сопричто=стеся,/ темже со Ангелы сликовствуете,\ мученическими венцы украше=нны,\ и Христа мо=лите спасти=ся душам нашим.
Стих: Святым, иже суть на земли Его,\ удиви Господи вся хотения Своя в них.
Облече=нныя Христа всеору=жием,/ добропобе=дныя мученицы/Вера, Любы=, Надежда,/ доброде=телей нося=ще имена,/ на поприще, якоже иному страждущу, взыва=ху:/ ни меч, ни нож, ни членов отъя=тие,/ ниже= пла=мене си=ла/ разлучи=ти ны Боже=ственныя любве= отню=д не могут, / е=юже всячески укрепи=хомся./ Темже венцы улучи=ша нетле=нныя,\ от Тебе, Бога нашего,\ подаю=щаго всем верным ве=лию милость.
Слава, глас 6:
Свяще=ннейшее днесь торжество/ совоку=пим, ве=рнии,/ ле=тней па=мяти страстоте=рпиц Христовых,/ Надежды, Веры и Любве=,/ Софи=иных о=траслей./ Червлени=цами бо кровей себе самех украси=вше,/ три= соиме=нныя доброде=телем сестры= / красной доброте Христовой нетленно совокупи=шася/ Ему же и молятся непреста=нно о нас,/ верою и любо=вию\ память их совершающих.
Тропарь, глас 4:
Торжеству=ет Церковь первородных/ и свесели=тся,/ прие=млющи матерь о ча=дех веселя=щуюся,/ яже яко мудрости тезоимени=тая,/ тройственным богосло=вским доброде=телем/ равночи=сленныя породи=./ Ты=я с мудрыми де=вами зрит/ уневе=стившияся Жениху= Богу Слову./ С нею и мы/ духо=вне в па=мяти их свесели=мся, глаго=люще:/ Троицы побо=рницы,/ Ве=ро, Любы= и Наде=ждо,\ в вере, любви и наде=жде утвержда=йте нас.
Ин, глас 1.
Подобен: Каменю запечатану:
Трех сла=вных дев, Софи=иных о=траслей,/ Ве=ру, Наде=жду, Любо=вь/ пе=сньми богодухнове=нными почти=м,/ укре=пльшеся бо си=лою Креста=,/ претерпе=ша муки лю=тыя,/ и, мече=м усече=нныя во главы=,/ му=ченическими венцы= увязо=шася./ Сла=ва Укре=пльшему их,/ сла=ва сих Просла=вльшему,\ сла=ва Де=йствующему ими всем исцеле=ния.
НА УТРЕНИ
По 1-м стихосло=вии седа=лен, глас 1.
Подобен: Гроб Твой, Спасе:
Прилепи=стеся Христу=, прекра=сному Жениху=, ю=ницы честны=я, сла=во дев,/ многоразли=чными муки себе= украси=вше,/ и Безнача=льную ны=не воспева=ете Тро=ицу,/ лампа=до тресве=тлая,/ Ве=ро, Наде=ждо, Любы=, Софиино удобрение.
По 2-м стихосло=вии седа=лен, глас 4.
Подобен: Вознесы=йся на Крест:
Страстоте=рпиц Христовых боже=ственную па=мять соверша=юще, ве=рнии,/ стеце=мся и к ним моле=ние возсле=м:/ моли=теся ко Господу, да изба=вит гее=нны гре=шных нас, претыка=ющихся,/ Ве=ро, Наде=ждо, Любы=, честны=я Софи=ины ве=тви, му=ченик блиста=ние.
По полиеле=и седа=лен, глас 4.
Подобен: Яви=лся еси дне=сь:
Софи=ины ча=да,/ Ве=ро, Наде=ждо, Любы=,/ доброде=телем соиме=нныя светле=йшим вои=стинну,/ Престо=лу Бо=жию предстоя=ще,\ о нас моли=теся, мо=лимся.
Прокимен, глас 4: Дивен Бог во святых Своих,/ Бог Изра=илев. Стих: В це=рквах благослови=те Господа: Ева=нгелие десяти дев: Мф. 25, 1-13.
По 50-м псалме стихира, глас 6:
Днесь верных дружи=ны сошедшеся,/ духовно да торжествуем,/ прии=де бо нам ле=тняя память/ страстоте=рпиц Христовых/ Веры, Надежды и Любве=,/ бога=тныя ми=лости нам принося=щи./ Темже во гла=се ра=дования/ и в чи=стой со=вести/ да возопии=м, глаголюще:/ не оста=вите моли=тися непреста=нно о нас,/ иже верою совершающих\ присночестну=ю па=мять вашу.
Кондак, глас 1:
Софии честны=я свяще=ннейшия ве=тви,/ Вера, Надежда и Любы= показа=вшеся,/ мудрость обуи=ша е=ллинскую благодатию,/ и пострада=вше, и победоно=сицы яви=вшеся,/ венцем нетленным/ от всех Владыки Христа\ увязо=шася.
На Хвалитех стихиры, глас 1.
Подобен: Небесных чинов:
Софи=е, ра=дуйся и играй,/ от тебе= бо процвето=ша,/ яко от па=жити боже=ственныя,/ благоуха=ннейшии кри=ни:/ Вера, Любы= и Надежда,/ Троицы поборницы,/ Сея= бо ради усе=чены во главы=,\ Небе=сным венце=м увязо=шася.
Адриа=новых мук не устраши=вшеся отню=д,/ бога=тство и славу/ ни во что же вмени=вше,/ претерпе=ша истяза=ния вся=ческая/ добропобе=дныя му=ченицы/ Ве=ра, Наде=жда и Любы,\ доброде=телей имена= нося=щия ю=ницы.
Веры, любве=, наде=жды / во броня= обле=кшеся тве=рдо,/ му=дрость от Бога Спаса поче=рпше,/ уста= Адриа=новы загради=ша,/ нечести=ваго и несмы=сленнаго,/ три по пло=ти сестры=:\ Ве=ра, Наде=жда и Любы= всесла=внейшая.
Слава, глас 6:
Прииди=те, согла=сно, ве=рнии,/ благода=рственную песнь/ Благоде=телю всех Бо=гу воздади=м,/ в же=нстем бо естестве=/ Вера, Наде=жда и Любы=,/ добропобе=дных му=чениц тро=ица/ неви=димую держа=ву/ сопроти=вныя си=лы одоле=ша./ Сих моли=твами, Христе,/ подай мир лю=дем Твои=м\ и душа=м на=шим ве=лию ми=лость.
[1] Пс. 15, 3.