Моўная хвілінка і вядро атруты

[magik_midnight]

На форуме задалі пытанне: як далучыць дзяцей да беларускай мовы, каб у школу на ўрокі беларускай мовы і літаратуры яны прыйшлі збольшага падрыхтаванымі, а не пачыналі з нуля.

Пра парады, абмеркаванне ў станоўчым ключы пісаць не буду - аўдыторыя тут мэтавая, і так усё ведае.
А вось падборачку супрацьлеглых каментаў зраблю. У кожнага тут свой свет.

Comments

[markiz_de_kiss]

Не хочацца адукаваным людзям, каб іх запісвалі ў апазіцыю :-)
У гэтай краіны няма будучыні.

[ofeliya666]

Мабыць нейкая будучыня такі ёсць, але не тая, якой бы нам хацелася :)

[markiz_de_kiss]

Губернія ў складзе расіі - вось і ўся будучыня.

[magik_midnight]

Можна больш аптымістычней выказвацца ? :)

[ofeliya666]

Я з такімі людзьмі сутыкалася асабіста, цяжка гэта і непрыемна, такая агрэсія ў размовах на пустым месцы. І даўно ўжо ў мяне адчуванне, што вось ёсць нейкае месца нараджэння ў мяне, а Радзімы як бы і няма. Ну так, усё з дзяцінства вядомае і зразумелае, але адчуваеш сябе чужынцам, і цябе так і ўспрымаюць.

[magik_midnight]

Так, ваяўнічая агрэсія не дадае аптымізму. Але я вырашыла спісваць усё на той факт, што людзі звычайна ўспрымаюць свет са свайго пагорку.
У мяне беларускамоўнае і рускамоўнае не агрэсіўнае акружэнне. То мне падаецца, што вакол збольшага ўсе такія. А ў гэтых людзей, хутчэй за ўсё, побач іх аднадумцы. Адпаведна, яны перакананыя ў слушнасці сваёй пазіцыі.

[ofeliya666]

Так і ёсць. Маё акружэнне таксама заўжды было такіх жа думак як і я, хоць шмат хто і расейскамоўны, большасць па праўдзе.
Але ў сваім коле сядзець не будзеш, нерэальна. Сутыкаешься. І мне здаецца, што такіх большасць. Ці мо гэта таму што я песіміст))))
Я проста апошнім часам стала задумвацца над тым, што насамрэч калі ты не хочаш ісці за большасцю і грабеш ад гэтага праблемы, то вінаваты ў гэтым толькі ты сам.

[magik_midnight]

У дупу большасць! Рускамоўная большасць з падпітымі тварамі і дзь-ць-г-рэ у рускай мове выклікае грэблівасць. Калі яшчэ і агрэсіўная, то злосць.
Мне падабаецца мая рафінаваная беларускамоўная меншасць. Тут мне ёсць кім натхняцца :)

[lionellia]

Шчыра кажучы, не дачытала да канца нават, бо цяжка i прыкра...

сёння акурат чытала Петрыку казкi на беларускай мове (падпольна)))) i думала: а цi шмат мамау на Беларусi чытаюць малым дзеткам такое? А цi шмат мамау увогуле здольныя прачытаць правiльна i зразумець усе словы?

[magik_midnight]

Ды нармальна такіх мамаў. За МКАДам яшчэ больш, толькі не прызнаюцца, бо нямодна.
ЗЫ. Не расстрайвайся, адэкватных там было ў разы больш. Гэта канцэнтрат усяго толькі ад некалькіх чалавек. Але якая сіла перакання ў слушнасці сваёй пазіцыі!

[branislavawna]

Я ўсё-такі часьцей сустракаю станоўчае стаўленьне да беларускай мовы. Ну ці хаця б абыякавае.

А такія ваяўнічыя "духоўна багатыя" людзі першыя пабягуць беларусамі запісвацца, калі спатрэбіцца. Не зважай на іх.

[magik_midnight]

От, прыйшла і без мітусні развяла ўсіх па сваіх кутах - заняткі боксам ідуць на карысць :)

[branislavawna]

:)) Я ўвогуле з узростам усё больш спакойна да людзей стаўлюся. Кожны ж мае права быць дурнем, праўда?

[magik_midnight]

:)
Так, мы ўсе - свабодныя людзі.

[volka_z_bolkava]

У нас неяк пасля бацькоўскага сходу паўстала пытанне навучання мовам. Не памятаю, з чаго пачалося, мабыць, з абмеркавання гуртка па англійскай. Але адна маці пачала казаць нешта накшталт "пусть бы лучше вместо белорусского этого дополнітельные часы англійского былі"... Ну і астатнія пачалі падключацца. Прыкра, што супраць такога стаўлення ўслых выказаліся толькі трое з бацькоў... Трое-чацвёра яе падтрымалі, астатнія змаўчалі і невядома што сабе падумалі. Але. Самым прыкрым для мяне было тое, што яе падтрымала наша настаўніца..(