ЭРЗЯНЬ РАСЬКЕНТЬ алкуксонь лемензэ коряс МЕЛЬЯВОЛЯВТОМА

[erzianj_jurnal]

Минь, весе эрзянь раськенть пельде Эрзянь Инекужос кочказь эрзянь ломантне,

нежелезь ламо тёжаиень эрзянь раськенть эрямопингезэнзэ, мельсэ кирдезь минек покштянок ды сынст койтнень-кирдатнень,
эрзя раськень, эрзя келень ды эрзя культурань вейсэксчинь ёжонь марязь ды кирдезь,

мельспаросо тешкстнезь кеме эрзянь меленть ды ёжомарямонть уликсчист,

парсте чарькодезь ды марязь - Эрзя раськенть сы шкань эрямонзо кис мелявксось ней весемезэ ашти неень шкань эрзятнень лавтов лангсо,

раськеютконь праватнес ды Рузмасторонь Прявткоентень кирдезь, конат идить эрьва ломанень ды эрьва раськень праватнень,

лия раськень эрямопингест, коест, культураст, келест ды раськень каштанчист мельванозь,

бажазь улемс Модамасторонь лия раськетнень ютксо улемс-эрямс эсь кезэрень лем ало, норовазь улемс содавиксэкс, эсь питнень содыця ды мариця, эсь мельсэ эриця раськекс,

лия раськетнень, сынст кирдивийтнень ды ветикуротнень паро мельс ды ялгаксчис кемезь,

весе эрзянь раськенть мелензэ-бажамонзо ломань сельме икеле невтезь,

ЯВОЛЯВТТАНО Эрзя раськенть МЕЛЕНЗЭ: панжадо лемдявомс эсь кезэрень лемсэнек - ЭРЗЯНЬ РАСЬКЕ, ЭРЗЯ,

ды кемекстатано - Эрзянь раськенть улить весе асаевикст эсензэ праванзо лия раськетнень ютксо.

Весе раськетненень Вемельксчинь, Сетьмечинь ды Изнявксчинь арсезь
Эрзянь Раськень Инекужось.

1995 ие, эйзюрков, 23 чи. Саран Ош

русский вариант Декларации об официальном названии эрзянского народа читайте тут