1.

Пабурыў
я гару
свай-го-нару.

Памяні
мне віну,
ды лей ману.

Пранясьці
мне свой сум
Праз слой пяску.

А ў начы
пакрычу
пад Сьвіслаччу:

Прыпеў:

Матылі
с пад зямлі
мелі намялі.
Матылі
наплылі
Ды крыламі галаву пакрылі.
Ды крыламі галаву пакрылі.

2.Я хацеў ( Read more... )

Калісь-ці я ведаў,
Калісь-ці я верыў,
Што я назаўжды
Малады.

Цяпер маё цела
Зусім закрахцела,
І болей бяды
Праз гады.

Бывайце багаты,
Бывайце багнаты,
Бывайце дрыгвой
Цераз гной.

А я ад'яжджаю
Туды дзе жадаю
Зажаць рагаццё
За жыццё.

Людзей зьвяроў бы братоў любі,
Зямельку родну матулю бы.

Спачатку панішчыў ён блогі,
А потым і выпрастаў ногі.
Але хуткім часам
Ізь мясам ды квасам
Яго будуць пеставаць богі.

А што ў гэтым жыцці трэба мне?
Што мне ў жыцці трэба?

Нічога ў ім ня трэба мне.
Нічога ня трэба.

Толькі піва ды хлеба,
Толькі дзіва ды неба -

Нічога ня трэба.

Толькі хлеба ды солі,
Толькі неба ды волі -

Нічога ня трэба.

Толькі солі ды мясца,
Толькі волі ды шчасця -

Нічога ня трэба.

Людзі прагнуць сьвету, мкнуць кудысь-ці.
А я ўжо быў паўсюль - няма куды йсці.

Людзі прагнуць дому, мкнуць дахаты.
А я чужы паўсюль - я жыд пархаты.

Я кажу - A: Атрымаць, Абхапіць, Абласкаць, Адарваць ды Атруціць.
Я кажу - D: Дакрычаць, Дарабіць, Даскакаць, Дакрануць ды Даліць.
Я кажу - H: Гадаваць, Гаманіць, Гаварыць, Гаспадарыць ды Гнусіць.
Я кажу - D: Даваляць, Даваліць, Дасаваць, Далупіць ды Дабіць.

Я кажу - P: Падыйду Пакрысе
Я кажу - D: Дакрануўшыся Да
Я кажу - D: Дэкарацыі Даўняй.

Нараджу сабе я сынаў,
Бы з гальля паросткі,
Каб гадалася ўспаміна
Пра мяне наўпросткі.

Нараджу дачок сабе я,
Бы ягод з быліны,
Каб гадаліся на дзеі
Пра мяне ўспаміны.

1. Хто гудзе годна ды раве роўна, таму зямлі плодна ды дзяцей поўна.
   
2. Хто нудзіць лобам ды баліць сэрцам, таму будзе злоба ды ўсё забярэцца.
   
3. Тых, хто жылі слушна ды разумелі многа, то іх Сварог душы бярэ ў Сварлогу.
   
4. З тых, хто чыніць хібы ды памнажае гора, Сварог творыць рыбы ды кідае ў мора.
   

1. Няма нікога паверх Сварога, Сварогам знаны Сварогам званы.
   
2. Сварог святлу ды цемры рогам і ўсім багом ды дзівам родам.
   
3. Хто дзе быў, чуваў ды бачыў, тое ўсё Сварог адзначыў.
   
4. Хто волю ведае Сварожую, той абміне ману варожую.