Сынку, а твая маці ведае, чым ты ўзімку займаешся?:)

[aurochset]

Click to view

(Ролік зь сеціва пра сноўкайтынг, мой зімовы спорт, зьняты на Менскім моры 2 тыдні таму).

Comments

[fawkes_by]

Зацікавіла=) Заўсёды аддаваў перавагу зімовым відам спорту, ды нешта нічога пакуль абраць не магу для сябе. Трэба неяк паспрабаваць будзе.

[aurochset]

У гэтым сэзоне моцнага лёду, відаць, болей ня будзе. Таму патрэбна чакаць наступнай зімы:)

[fawkes_by]

Вядома) ды і прадчуваю, што абсталяванне так хутка не набываецца)

[aurochset]

Лепш пачынаць вучыцца сноўкайтынгу, калі ўжо ёсьць горныя лыжы ці снаўборд і калі ўмееш на іх катацца з горак, тады застаецца толькі дакупіць сам кайт і трапецыю (гэта такі паяс з круком). Але лепш каб хто паказаў, як пачынаць, ці інструктар ці сябры, бо кайт можа быць небясьпечным, пры раптоўных парывах ветру яго проста так не кінеш, і не зьменшыш хуткасьць, як напрыклад, у віндсёрфінгу можна проста кінуць ветразь у ваду і хуткасьць пачне зьмяншацца.

А на горных лыжах ці снаўбордзе вы ўмееце катацца?

[veragodna]

У маёй стрыечнай сястры сын джампінгам займаецца - з моста на вяроўцы дагары нагамі скача. Яна настолькі спакойна рэагуе - я дзіву даюся. А бабуля галосіць, маўляў, Уладзь, калі гэта скончыцца. А ён адказвае са смехам, калі адзін з нас галаву разаб'е, тады і скончыцца. Юнацтва яно такое безгаловае :).

[aurochset]

Па-мойму, нядрэнна калі дзяцінства гуляе ў адным месцы і ў дарослых мужыкоў, што тут благога? :) Усё адно лепей ніж піва на капапе хлябтаць :)

А джампінгам мне прапаноўвалі заняцца, але мне больш падабаецца экстрым, дзе патрэбнае нейкае ўменьне, трэніроўка, дзе многае залежыць ад чалавека. Таму калі захачу калі-небудзь скокнуць, то лепш з парашутам, там хоць нешта залежыць ад чалавека і можна ўплываць на працэс. У дзяцінстве я скакаў з 10-метровага трампліна ў ваду, таму разумею, чаму вашаму пляменьніку падабаецца скакаць:)